أم حتوت .. فخري و تاج راسي

Quote: محمد البشرى سلامات وعساك بخير انت وأسرتك غايتو كلامي البقولوا ليك دة اذا قبلتوا يكون كتر خيرك وكمان لو ما قبلتوا أنا بعتذر عنو مقدماً وعلى استعداد على مسحوا فوراً وطبعاً أنا ما حا أكون بأي حال حريص على حتحوت وأمه أكتر منك، عشان كدة انت ادرى بكيفية ادارة صراعاتك طيب يا حبيب أنا كلامي ما بيطلع من الاقتباس الفوق دة كتير لأنو بعتقد انو انت شخصياً محتاج تلقى اجابة للسؤال الفوق دة، وممكن تصيغوا بعدة صيغ يعني أهمية المنبر بالنسبة لك انت شخصياً محمد البشرى تانياً الاصطفاف القاعد يحصل دة واذا قلنا الموضوع سياسة، انت في روحك دي ود البشرى شن نفرك في السياسة واذا قلنا صحبة وشلة، انت في كم واحد انت بتعرفهم قبل المنبر وخصومك في المنبر عرفوا كيف انو أم حتحوت زوجتك وأسئلة كتيرة ممكن تخليك تعيد النظر في مشاركاتك في المنبر، وتقيم تفاعلك في البيتكتب ضدك هنا ودة يا الحبيب لأني قريت ليك هنا شيئ عن الاتساق في المواقف، وانو في ناس ما بيمتلكوا الشجاعة الكافية يثبتوا موقف ضد الاساءات المهم اجاباتك عن الاسئلة دي لي نفسك بتقدر بيها تحدد علاقتك من المنبر وصراعاتو لآنو بصراحة دور المجني عليهو دة لا يليق خصوصاً لما ناس لا دخل لهم بمعركتك في المنبر يتم التعرض لهم بغض النظر انهم زوجتك وابنك وهذا لا يعني الزج بهم والتعريض بهم سيقلل من مدى افتخارك بهم رأي خاص العبط والصراعات الفي المنبر ما بتستاهل حتى انك تكتب البوست دة لأنو حقيقة اذا المنبر للحوار العام، وبناقش العمل العام، وبيستهدف الرأي العام بيبقى الرأي العام بيكون غير معني بصراعاتكم هذه وليس هنالك ما يلزم أخلاقياً أي شخص أن يتخذ موقفاً معلناً من تجاوز أخلاقي تجاهك وأعتقد أيضاً المفروض النأي بالمنبر من هكذا صراعات، لأنو حقيقة أنا شخصياً سئمت من افراغ القضايا من محتواها وابتذال الخلاف في الرأي، والاصطفاف الغير قايم على مبدأ تسجيل موقف ادين بلا مواربة التعريض بأسرتك من قبل خضر وربنا يخليهم ليك والتحية والاجلال لأم حتحوت لأنها بالتأكيد مفخرة وتاج رأس