|
Re: مسدار سليكة الشليقة لليانكي (Re: محمد البشرى الخضر)
|
Quote: ليوم شيطان الكلام تاورني خلاني افت و اطلع الجنني كحيل الطرف شايل قليبي مني وروني العمل حالي جد حنني الإهداء لهاشم ... |
شيطان الشعر الليلة جد شاغلني خلاني ليهو اغني باسم وضاحك سني ود البشري الحبيب شكلك عديل حيرني وينو كحيل الطرف الليهو بهديهو فني
جات بدري ولا شنو
| |
|
|
|
|
|
|
Re: مسدار سليكة الشليقة لليانكي (Re: هاشم أحمد خلف الله)
|
Quote: شيطان الشعر الليلة جد شاغلني خلاني ليهو اغني باسم وضاحك سني ود البشري الحبيب شكلك عديل حيرني وينو كحيل الطرف الليهو بهديهو فني |
هشوومي بي جدك ولا جاي تستهبل كحيل الطرف السباك وخلاك تتبهدل حالـتك تحنن وماعـرف شن تـعمل اخير تنسى و تعيش شايف لك افضل
يا كيشة في إهدائين لك ولآخرين في الصفحة الورا
| |
|
|
|
|
|
|
Re: مسدار سليكة الشليقة لليانكي (Re: Adam Mousa)
|
Quote: ودالصايم اللصورة البرنس معلق منى ليك تحيه وحمدا مغلق ولنيستا الئيم مفارق ومطلق شوفولنا موضوع نكتب عليه نعلق |
آدم موسى يا عمك .. بوست نيستا لسه معلق وصـورة البـرنس دائما في القلوب تتعلق المحبة ليك يا حبة والتحيات معاها تتشعلق كلامنا من الفؤاد يا مان .. ما فيهو أي تملق!!
ولد دا .. نجار أصلي لكن
| |
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
Quote: كمين وكت زعلات لي يشيل ويوصي "خسمتك بالكريم في أب شنب تتوصي |
سليقة الشليقة .. في أب شنب تتوصى تكب الجرسلين لأب حتوت ومننا تدسى نحن لينا الله .. بتاعين لساتك وكمان بننسى كلامي مفهوم ولا أجيب الحبيب يفسرو هسى
ماشي معاي باسطة بس
| |
|
|
|
|
|
|
Re: مسدار سليكة الشليقة لليانكي (Re: محمد عبد الماجد الصايم)
|
Quote: سليقة الشليقة .. في أب شنب تتوصى تكب الجرسلين لأب حتوت ومننا تدسى نحن لينا الله .. بتاعين لساتك وكمان بننسى كلامي مفهوم ولا أجيب الحبيب يفسرو هسى |
ود الصايم الاصيل بصداقتو يوت مزهوة زولا يشد الحيل صادق محنة وخوة راجح ديما عقلو وصوتو عقابن خوّة يشق سكون الليل ويشلع بريقن دوّى
هييييييييييييييع
حبة تلجاية على الماشي وكدا
| |
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
Quote: المتلك انت ابوي ما بفرح الشُمات مرفوعة هامتك يوت في الحارة ما بتنفات قبلي البروق الشال يا مقنع الكاشفات أب عاج وكت خوّة ما بحوم معاهو بُغات |
هييييييييييييع هلا هلا
سليكة الشليقة ست الكلام الفاهم ما احلى حرفك, نمك و القصيد الطاعم ما قصرتي امي اهديتيني تلجا ناعم جبرتي بي خاطري اريتو خاطرك سالم
وكدا يعني مرة مرة
| |
|
|
|
|
|
|
Re: مسدار سليكة الشليقة لليانكي (Re: رشا سالم)
|
Quote: كلام ملس قريتو ...ووالله ما رضاني..
فوق ود الخدر..الراجل الحقاني..
ما يهمك كتير دا اصلو زول شراني
دمو تقيل تقل ..ومساخة التاباني |
حباب الظريفة الراقية ست الناس كلامك سمح متل الدهب و الماس المسيخ بيتزارف تقول نـسناس عدمان الزوق و ريحة الإحساس سلام يا دكتورة
| |
|
|
|
|
|
|
Re: مسدار سليكة الشليقة لليانكي (Re: محمد عبد الماجد الصايم)
|
طوط يا فلانه طوط من الفراق و الوجعة من امس المغارب قلبي دار الرجعة قليبي الكان جسور لجلج و طاري البقعة قت ليهو الحنين ما بشكروبو الساجعة قال لي التكنكـ ماكـ معاي يا بجعة قت اقصر كلامي و اقولو شيتن نافعة يا قلبي الرهيف اختا العياط و الخلعة ست الريد دحين ترجع و تديك رضعة
| |
|
|
|
|
|
|
Re: مسدار سليكة الشليقة لليانكي (Re: Kabar)
|
توعد ود الصايم
2. يضحك التلج..وكتين تكلكلو الرزازه معلون ابو المطر كن ما جبر دمعة الحرازة ود الصايم اقيف غادي و بعد المفازه القلم ان رفع..تب ما تنفع الحجازه
و تاني توعد*
3. احرس فورتك ،وسط البوستات خليها زازاه ما تشمت الشمات..خصوصا الأبلة ظاظا القلب غنماية..و المحبة امبازه و الما بعرف المحبة..بركة سيدي يتجازا
كبر
* اوعى واحد فيكم يقوم يتكسر يحب لي توعد دي..
| |
|
|
|
|
|
|
Re: مسدار سليكة الشليقة لليانكي (Re: Ahmed Yousif Abu Harira)
|
Quote: يوم ميلادها جايين بي مهمة نبارك ميتين عام يمرن ونحن برضو نشارك سليكةالليلة جاك طالع سعودك زارك جدي السير على الابداع وشمشي طارك |
نجم السعود الضوا يوم شاف حريرتك لاج يا مطر الخريف يلمع سماك وهاج يا الراسي في كلامك وما بتعرف الكوماج اسكب حديثك نور.. كون للغيوم فجاج
| |
|
|
|
|
|
|
Re: مسدار سليكة الشليقة لليانكي (Re: Adam Mousa)
|
Quote: سليكه الشليقه الله العظيم يهنيك ويمد ل عمرك وبي بركتو يغطيك ويسعدايامك والعافيه يديك شاحدين المولى الكريم ليك نحن والصحاب الهنا لعند واديك |
يسلم لينا قلمك ما عرفنا كيف نجزيكَ تخدر يوت ضراعك وبالخير الهي يكسيكَ تفرح بالمعاكَ واصحابك يفرحو بيكَ لا يوم زمانك يعاند ولا في يوم يشقيكَ
| |
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
Quote: سليكة الشليقة الليلة يوم ميلادا يرعاها الإله يخلف عليها سعادة الناس صفوفها بالألوف و زيادة الهوم و النيل وشوية منابر سادة |
صح اللسان والقول الهي عمرك سالم ما يوم تبيت مظلوم ولا تكون يوم ظالم يسعد شبابك ربي ويملاك زين ومكارم عزيتنا يوم ميلادنا اريتو عزك دايم
خلال الشوك
| |
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
قاليك عمك ابو حريرة كلفتني ...Quote: ابو حتوت سلام سيد الحديث الراسي "مش شغلك" ولا دخلت نوافيخ راسي الله يكسفو مسخوت الكتابة ملاسي خلعك وشمت اب شنبا كبير واساسي |
وخش على الموضوع Quote: يوم ميلادها جايين بي مهمة نبارك ميتين عام يمرن ونحن برضو نشارك سليكةالليلة جاك طالع سعودك زارك جدي السير على الابداع وشمشي طارك |
شيخ العرب الليلة كيفن تظهرها عاملة تجيب قصة ملاسي الزمان و تركبو زاملة فقدناك في حِرتها الجايي تنكتها هاملة بارك مباركتك ابوي و كب مكنتك كاملة
ياعمك يمين بهظر لا تتضايق
| |
|
|
|
|
|
|
Re: مسدار سليكة الشليقة لليانكي (Re: اساسي)
|
Quote: الليلة خالتو الشليقة عيد ميلادها جانا داشر اتلموا الخلوق البسام هنا وداك ملاسي الكاشر وسليكة للبسمات تقسم فاتت بث الجزيرة مباشر نفسها انقطع من طفي الشموع الاربعين و حداشر |
عمري القضيتو حكيمة ما بتحسب بسنين خليها الحداشر واحسب معاك عشرين ومن شمعي الطفيتو انت بتطفي اتنين راعي عامل سنك وابقى ياخي رزين
وجع
| |
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
Quote: عمري القضيتو حكيمة ما بتحسب بسنين خليها الحداشر واحسب معاك عشرين ومن شمعي الطفيتو انت بتطفي اتنين راعي عامل سنك وابقى ياخي رزين |
اكيد ما بتتحسب حكمتك حاشاهوا الصفر ينعد الحداشر قلناها تكفي الحسود ومن عويناته كانت سد لو شمعك الطفيتهو كان اترص لاتقزم احد قدامه الما بنهد القدري في حلتكم يا خالة بترسليهم وتلحقيهم اسرع يا ود
| |
|
|
|
|
|
|
Re: مسدار سليكة الشليقة لليانكي (Re: اساسي)
|
Quote: اكيد ما بتتحسب حكمتك حاشاهوا الصفر ينعد الحداشر قلناها تكفي الحسود ومن عويناته كانت سد لو شمعك الطفيتهو كان اترص لاتقزم احد قدامه الما بنهد القدري في حلتكم يا خالة بترسليهم وتلحقيهم اسرع يا ود |
القدرك شالو السبحة وباشرو بيها العد لازمين لصلاتهم ما سكو في يوم نت لا حرسو الشمار لا حسبو شمعات بت الزم عنقريبك وخلي الصغار للحت
ككككككككككككككككككككاك
قال ليك بهدلتو
| |
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
Quote: ومن شمعي الطفيتو انت بتطفي اتنين راعي عامل سنك وابقى ياخي رزين |
كككككااااااااااككككك الله يريحك يا سليكة ياخ
اها يا الأسد اشمت ولا حتقوليا مش من شغلك من وين تلقى الرزانة وكيف تراعي إنتا لسنك بعد الغسيل و المكوة حرَم اناإن بقيت في محلك اقطع وشي زي يومين و ما ظنيتو برضو يحِلك
ما قلت ليك بلقاك مطرف
| |
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
ود البشرى
Quote: سموحة بت العم الفيكي يحلــو الــنم زينة بنات الحي الطلـــتك تفرج الـهم طيب الخصال هولك والأدب في مجرى الدم اريتك تبقي طيبة و الدايــراهو كلو يتم |
تسلم يا جميل
Quote: ما عِندك جديد يا بت بكاي بعرفو بعجبني الجمال كان في الارض بان رسمو شيلي منديلك بعيد دموعو ما بتحبسو و لو عايزة البكاء خليك معاك بوريك دربو |
هشومى
تحيات كتيرات
| |
|
|
|
|
|
|
Re: مسدار سليكة الشليقة لليانكي (Re: sama7)
|
مررنا من هنا لنلقي التحية وحلو الكــلام على أهل البيت الطيبين ذو الأصل الكــرام وفي يدنا ورود بيضاء وحمام يرفرف بالسلام فتقبلوها هدية ممزوجة بالتقدير والإحترام
....
| |
|
|
|
|
|
|
Re: مسدار سليكة الشليقة لليانكي (Re: salma subhi)
|
Quote: مررنا من هنا لنلقي التحية وحلو الكــلام على أهل البيت الطيبين ذو الأصل الكــرام وفي يدنا ورود بيضاء وحمام يرفرف بالسلام فتقبلوها هدية ممزوجة بالتقدير والإحترام |
مسدارنا الحنين ازدان بطلة سلمى ممشوقة القوام السالم اسما ورسما إن شافا الحزين في وشو تظهر بسمة عبّق قلوبنا عبير يوم جاتنا منها نسمة
| |
|
|
|
|
|
|
|