البروف عمر هارون أعرفه شخصياً و هو عالم بحق و حقيقة و رجل كنز و معروف كخبير على مستوى الإقليم و هو ممثل المجلس العالمي لرعاية الموهوبين في السودان.. و لعله قال ذلك على سبيل الملاحظة لا غير و ليس على سبيل التقرير العلمي الذي أوضح أنه لابد أن يعتمد على دراسة ميدانية.. و ذكاء الأطفال عموماً تتداخل فيه عوامل كثيرة لا أظن أن من بينها الانحدار من عرق بعينه و لكن مسألة التعليم للوالدين حقيقة فلذلك دور كبير في تشكيل ذكاء الطفل المستمد من البيئة بنسبة تقارب الستين بالمائة.. فقد أثبت الدراسات أن مخالطة الأطفال للراشدين و استفادتهم منهم علمياً تزيد نسبة الذكاء.. لذا فإن من المنطقي أن تكون قرى بعينها معروفة بنجابة الطلاب كما هو الحال مع فداسي و قرى الحلاويين و الجزيرة عموماً لما فيها من ارتفاع نسبة التعليم و الخريجين الجامعيين و كذا الحال بالنسبة لبعض مناطق دارفور لذا قد لاحظت إبان دراستي بجامعة الخرطوم أن عدد الطلاب من الجزيرة كان كبيراً جداً و كذلك من دارفور بجانب ولاية الخرطوم التي صارت المنجم الأكبر الآن هذا إن اعتبرنا أن التحصيل الأكاديمي المرتفع هو المقياس للذكاء.. و أشكركم
04-05-2007, 06:54 PM
عاصم ابوبكر حامد عاصم ابوبكر حامد
تاريخ التسجيل: 03-03-2006
مجموع المشاركات: 3017
أمبارح مداخلتي دي كتبتها مرتين لكن الشبكة فصلت ما علينا نعيد تاني
والله لكن بحث عمر هارون شرطني بالضحك قال ليك يا قريبك شافع قريبنا جابوه من البلد جديد لنج عمتي سألته داير تتعشى شنو أجيب ليك بيض مابدولوه(بدوروه) أجيب ليك جبنة ما بدولوها أجيب ليك زبادي فلان لقى الأسم جديد عليه قال ليها جيببه لمن جابته دخل يده فيه كده قال ليها للللوووووب ما بدولوه
اها كيف الذكاء ده معاك
04-06-2007, 10:02 AM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
Quote: شافع قريبنا جابوه من البلد جديد لنج عمتي سألته داير تتعشى شنو أجيب ليك بيض مابدولوه(بدوروه) أجيب ليك جبنة ما بدولوها أجيب ليك زبادي فلان لقى الأسم جديد عليه قال ليها جيببه لمن جابته دخل يده فيه كده قال ليها للللوووووب ما بدولوه
دي زي شافع واحد كدة (ما جعلي طبعا) مشى لي محل الإيسكريم يشتري .. الزول سألو : دايرو محلي ولا بارسل .. لقى الكلمة جديدة عليهو قال ليو : شكل لي منهم الإتنين
04-06-2007, 10:10 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
عمك الجعلي طلع من البص لقا ليك الشارع كلو ناس ميته وسمك مجدع
الجعلي عاين كده شال ليهو سمكتين وضربهم ببعض وقال
الحمد لله اللي لقيت نعلاتي
زيها وزي واحد تاني (ما جعلي طبعا) شايل ليهو حاجة صغيرة زي العجينة في يدو ويقلب فيها ويتكلم : لستكة !! لا ما لستكة .. مطاط ؟!! لا ما مطاط الناس كلهم إتلموا دايرين يعرفو الحاجة دي شنو؟ قالو ليهو .. يا زول جبتها من وين البتاعة دي ؟ قام أشر علي نخرتو وقال ليهم : من هنا
04-06-2007, 10:26 AM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: اراء وافكار: نظرية ستيرنبرغ الثلاثية في الذكاء و العامل العام لسبيرمان: سيكولوجية الذكاء والنشاط العقلي - (3-4)
د.رضا الموسوي تبرز النظرية الثلاثية في الذكاء اهمية اختيار المحيط البيئي الذي يمكن الفرد من النجاح فيه،وكذلك اهمية التكيف مع ذلك المحيط او اعادة تشكيله اذا لزم الامر اذاً فالذكاء المتميز وفقاً لهذه النظرية يتضمن ما يأتي : أ. التكيف الهادف. ب. التشكيل. ج. اختيار بيئات العالم الحقيقي المرتبط بحياة الفرد. فالذكاء الهادف مرتبط بالعالم الحقيقي للفرد، وهذا يبين انه لايمكن فهم الذكاء المتميز خارج نطاق البيئة، والثقافة للمجتمع الذي يعيش فيه الفرد يعني ان الذكاء موجه نحو اهداف _ على الرغم من غموضها احياناً ـ ويرى ستيرنبرغ انه ليس بالضرورة ان يكون الذكاء المتميز عبارة عن تكيف مع البيئة، وفي حالة فشل الفرد مع البيئة اذ يحاول الفرد ان يكيف البيئة مع متطلباته اي انه يحاول التغير في البيئة اكثر من محاولته تغيير نفسه ليتلاءم مع البيئة التي يتواجد فيها لكن اذا اضطر فإنه قد يتشكل مع البيئة،
دا مثال بسيط بس و أمشي راجع يا بروف
Quote: ما أسباب تميز طفل عن آخر أو شخص عن آخر بأحد هذه الأنواع السابقة ?
>> إن أنواع الذكاء الثمانية موجودة عند كل شخص مع اختلاف في درجة كل نوع, قد يكون أحد الأنواع أكثر تميزاً لدى الفرد من الأنواع الأخرى إما لأسباب وراثية أو أسباب بيئية تعود للتربية والتعليم في تنمية هذه المهارات لدى الطلبة خصوصاً ورفعها الى الدرجة القصوى باختيار البرامج التربوية المناسبة لهم.
04-06-2007, 12:56 PM
jini jini
تاريخ التسجيل: 02-05-2002
مجموع المشاركات: 30720
شافع (ما جعلي طبعا) جا من البلد نزلو عن ناس قرايبم .. الغدا كان بي جداد محمر .. الشافع فرحاان يخم في الجداد ويكورك : يا سلاااااام جداد !! حلو خلاص الجداد دا .. ما عندكم منو زيادة تاني !! ..
سيد البيت إتضايق من شلاقة الشافع قام سألو : إنتو هناك في البلد ما بتاكلو جداد ؟!! الشافع قال ليو : والله نحنا ما بناكل الجداد إلا في حالتين : يا أبوي عيان يا الجدادة عيانة
04-06-2007, 05:13 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27498
Quote: المحير الواحد انو بريمة جاء يقدل مطابقا للمثل السودانى الشين داك: الفرحانة... انت ياخوى ناسى انو اكبر نسبة للجيش السودانى"نفر" بقارة؟ وليه؟ وهل للجيش علاقة بالذكاء او الدهاء, خصوصا لو كانوا "انفار"؟ ولا عاوز تلقى ليك دواس حامى وتندسافيهو بلا غبينة؟ ياخى ما سمعت بوالى فى واحدة من ولايات كردفان بيوزع شوالات فتريتة بدل مرتبات للمعلمين عندكم فى التسعينات؟ يعنى حتى لو اذكياء او دهاة بالفطرة, بدون تعليم مجانى ما عندكم الا الديش, وما تفرح لانك وحفنة من ابناء البقارة لقوا فرصة زمن القراية ببلاش, هسع امشى نجوع الحوازمة وجيب ليك خمسة طلاب اذكياء قادرين يواصلوا تعليمهم. يازول فتش فى توزيع السلطة والثروة تلقى الاجابة لو سلمنا بصدقية الدراسة الملغومة, والتعامل مع الحاجات الزى دى ما بكون بخفتك دى, شوف الرسالة العاوزنها توصل وبعدين تعال افرح ب..
كلامك غلط .. الذكاء الطبيعى وراثي ويكون الأنسان ذكى حتى لو أمى. نجييك لجيش: أولادنا بمشوا الجيش لانهم فرسان قبل عدم التعليم .. ليه ما يشتغلوا خدم فى منازل الجلابة!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عاصم ابوبكر حامد
ناذر محمد الخليفة
Ahmed Abdallah
أسامة خلف الله مصطفى
نهال الطيب
عبد المنعم سليمان
jini
Biraima M Adam
فيس بوك
تويتر
انستقرام
يوتيوب
بنتيريست