|
|
 ما هو معيار العمل في الاعلام السوداني..نجوم الغد مثال حي
|
من البرامج التي تنال اعلى نسبة مشاهده ...برنامج نجوم الغد...لما فيه من مواهب تتخذ من منبره فرصه للظهور والتجلي...الا ان غياب المهنيه في بعض اعضاء لجنة التحكيم يؤثر سلبا على الفائده المرجوه من البرنامج...اخص بالذكر هنا (محمد سليمان) الذي يردد دائما صوتك قوي...في حين تجد المتخصصين اصحاب الشان يفصلون الصوت تفصيل علمي مثل الدكتور الدرديري الذي دائما ما ينوه الى الاسم العلمي لابعاد الصوت ...وهي مسميات تدل على انه شخص من اهل الاختصاص ...كذلك الدكتور محمد سيف يوجه بوعي وفهم زائدين ...في اعتقادي ان وجود محمد سليمان في لجنة التحكيم يشوبه الكثير من المجامله ...كما ارى ان وجوده في اللجنه يربك المؤدين فهو دائما مايستغل ضعف الحضور الاعلامي للمتنافسين ويجلدهم بسياط من نار وتكون ملاحظاته خارجه عن المألوف .
اعتقد ان القائمين على امر البرنامج مطالبون بتقييم اداء اللجنه تقييم علمي حتى نرتاح ويرتاح كثيرون من امثال محمد سليمان.
مذيعة النيل الازرق تسابيح تحتاج للكثير من الصقل والتروي في ادارة البرامج المباشره ...اعتقد ان يتم تحويلها للبرامج المسجله اولا ..حتى تتشرب بالخبره والتروي في ادارة البرامج المباشره ...والتي تحتاج الى قدر كبير من الذكاء والخبره ...وهو في تقديري شئ تفتقده في الوقت الراهن.
ختاما ماهو المعيار المتبع للعمل الاعلامي في السودان؟
|
|
 
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
اظهرت الدراسه الاخيره المتعلقه بمهنة الهمل الصحفي ان حوالي 80% من العاملين في الحقل الصحفي من خارج الوسط الصحفي...وهي دلاله واضحه على غياب المهنيهوالاحتراف في العمل الصحفي...الغريب ان بعض الذين يشتغلون بمهنة الصحافة تجاوزوا مرحلة الاعلام المكتوب الى الاعلام المرئي وخير مثال احمد البلال الطيب ( صحفي الحكومات المتعاقبه) ولعل تجاوزهم لم يكن من تميز او مهاره بقدر ماهو تطفل على هذا الجهاز المسكين الذي يواصل رحلة الاحتضار منذ زمن بعيد ...الاستاذ حسين خوجلي متمكن من ادواته في الطرح الا انني اعيب عليه كثرة الظهور عبر قناته امدرمان واستحواذه على القدر الاكبر من الحديث.
ماهو المعيار للعمل الاعلامي في السودان؟
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
اخونا الشيخ
مع التحيات الطيبات
مالو محمد سليمان؟
لا يمكن ان تكون اللجنة كلها من المتخصصين، يعني اعتبر محمد سليمان يمثل المستمع العادي، الذي لا يفهم كثيرا في علوم الموسيقى ولكن هذا المستمع هو في نهاية الأمر متلقي الرسالة، ومهما كانت علمية الرسالة الغنائية الموجهة له وسلامتها الصوتية والموسيقية إلا أنها إن لم تجد قبوله، تعتبر راسبة في الإمتحان.
ومحمد سليمان كما هو معروف قامة إعلامية طويلة، من زمن برنامج جراب الحاوي، ودنيا دبنقا، وساهم في تقديم فناني الغرب في بداية السبعينات، عبد القادر سالم وصديق عباس وابراهيم موسى ابا وعبد الرحمن عبد الله، زمن الفن الجميل، اللوري حل بي، وشقيش قل لي يا مروح، ومطر الرشاش، والتي جعلتنا نحب كردفان واهل كردفان مع ان الظروف لم تسمح لنا برؤية تلك الديار، فقد اختطفتنا الغربة من عطبرة الحلوة.
واتفق معك في ان العمل الإعلامي به كثير من الخلل ويحتاج لمزيد من المعالجات
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: Barakat Alsharif)
|
سلامات الشيخ وكل سنة واتا طيب
العمل الإعلامي موهبة وقبول قبل أن يكون تخصص واكاديميات والأستاذ محمد سليمان في تقديري
تتوفر به خصائص الإعلامي الناجح لما له من حضور قوي وسرعة بديهة وثقافة عالية ووجوده ضمن لجنة
تقييم المواهب وتوجيههم فكرة ذكية كونه يمتلك الخبرة والتجارب المماثلة والتى حققت نجاحات رائعة
في مناسبات وبرامج شبيهة..
من جهة ثانية اتفق معاك في ضعف بعض الكوادر الإعلامية العاملة في القنوات الفضائية تحديدا واخص
مقدمي ومقدمات البرامج بالنيل الأزرق بيد أن هولاء في حوجة لمزيد من التدريب والتجربة لان
تقديم البرامج ليس عرض إعلانات أزياء وثياب وإبتسامات براقة ومكياجات صارخة..
التقديم إلتزام وحضور ثقافي ونباهة ومرونة في التعاطي مع الحدث تعليقا وتعقيبا .
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: طلحة عبدالله)
|
| Quote: .اخص بالذكر هنا (محمد سليمان) الذي يردد دائما صوتك قوي...في حين تجد المتخصصين اصحاب الشان يفصلون الصوت تفصيل علمي مثل الدكتور الدرديري الذي دائما ما ينوه الى الاسم العلمي لابعاد الصوت ...وهي مسميات تدل على انه شخص من اهل الاختصاص ...كذلك الدكتور محمد سيف يوجه بوعي وفهم زائدين ...في اعتقادي ان وجود محمد سليمان في لجنة التحكيم يشوبه الكثير من المجامله |
اتفق معك جدا
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: عفاف أبو حريرة)
|
اخونا بركات
سلام وتحايا
سمعت بما قدمه( محمد سليمان) وشاهدت البعض مما قدم وللامانه وهذا راي شخصي لا اعتقد انه يمتلك ادوات الاعلامي ...ودعني اذكرك ببرنامجه في تسعينيات القرن الماضي(بدون عنوان) وقد كانت الفئه المستهدفه من البرنامج هم طلاب الجامعات والمعاهد العليا...كانت محاور البرنامج ممله ومكرره ...ناهيك عن اسلوبه العجيب في الرد على الطلاب ان كان احدهم اخطا في الاجابه...ان العمل الاعلامي في السودان وبالاخص الاعلام المرئي يكاد يكون خالي من المتخصصين اصحاب الشان ...الحديث عن الفترة الاولى للتلفزيون ...الا ان تلك الفئه لازالت تتمسك بالظهور غالقة بذلك الطريق على الكثير من المواهب التي يمكن ان تدفع حركة العمل الاعلامي ...لذلك نجد الكثيرين منهم منزويين في احدى اركان احدى البرامج متشبثين باخر الحبال ان لم تكن اخر اسلاك الكاميرات.
افساح المجال للشباب الجدد يعطي الامل بتقدم العمل الاعلامي في السودان ونقله من حالة الخمول الى حالة الابداع والخلق ..خصوصا وان هناك الان العديد من الكليات المتخصصه في الاعلام وادواته تدفع بخريجيها نحو الظهور على منابر الاعلام المختلفه...الا ان وجود مافيا الاعلام تسد عليهم الطريق نحو ابراز مهاراتهم.
كامل الود
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
سلامات ياطلحه وكل سنه وانت في اتم صحه وعافيه
اتفق معك في ان العمل الاعلامي موهبه وقبول ...لكن !! ان محمد سليمان صاحب حضور قوي ...اختلف معك تماما ...والشاهد على ذلك تعليقاته الساخره على المتنافسين ..دعني اذكرك احداها ...اخر حلقات برنامج نجوم الغد...انتقد احد المتنافسين في كيفية قصة شعره...تخيل كانو التنافس حول قصات الشعر(الحلاقه) خروجه عن النص او عن الموضوع الاساسي اضر كثيرا بالنقد والتوجيه...حينما تتحدث عن موضوع فرعي وتترك العرض الرئيس تكون قد اخليت باحدى ركائز النقد لانك بذلك تصرف ذهن المتلقي عن الموضوع الرئيس ..وهذا مايقوم به (محمد سليمان).لازلت اعتقد ان وجوده في برنامج نجوم الغد يقلل كثيرا من جودة الاداء للبرنامج ويدفع اصحاب الاختصاص (د.محمد سيف -د.الدرديري )الى التعليق عليه في احايين كثيره فينصرفون بدورهم عن الموضوع الاساسي.
المساله ليست شخصيه حتى لا يعتقد البعض ولكن في تقديري وهو راي شخصي ان بعض المقدمين قد تاثروا كثيرا باسلوبه الممل حتى ان بابكر صديق بات احيانا يحاول السخريه من بعض المتنافسين وهو شئ خطير جدا ...لان هؤلاء الشباب لم يعتادوا بعد على الظهور امام الكاميرات ...لذلك تجدهم متوجسين للغايه ...لذلك احساسهم باي تعليق يكون عالي جدا الشئ الذي يؤثر سلبا على اداؤهم.
كامل الود
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
Quote: ...في اعتقادي ان وجود محمد سليمان في لجنة التحكيم يشوبه الكثير من المجامله ...كما ارى ان وجوده في اللجنه يربك المؤدين فهو دائما مايستغل ضعف الحضور الاعلامي للمتنافسين ويجلدهم بسياط من نار وتكون ملاحظاته خارجه عن المألوف .
اعتقد ان القائمين على امر البرنامج مطالبون بتقييم اداء اللجنه تقييم علمي حتى نرتاح ويرتاح كثيرون من امثال محمد سليمان. |
استاذ الشيخ
سلام
أختلف معك تماما استاذ "محمد سليمان" فاكهة البرنامج هذا أولا ،وعن نفسي انتظر تعليقه على أحر من الجمر ..، ثانيا تقييمه لأداء المتسابقين في مكانه تماما فمهمته تقييم حضور المتنافس برؤيته وخبرته كإعلامي ، ملاحظاته في مكانها غالبا واللجنة ليس من مهمتهاالمجاملة بأي حال، فالنقد يصحح مسار المتاسبقين ويلفتهم لأخطائهم ..، ولا أعتقد أن مثله في حاجة للمجاملة فهو من أعلام الإعلام ..
| |
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: داليا حافظ)
|
استاذه داليا
سلام
محمد سليمان لايستطيع ان يقدم في مثل هذه البرامج للمتنافسين مايفيدهم لان فاقد الشئ لايعطيه...فهو ليس من اهل الاختصاص ..صوتك قوي هي العباره المكرره عنده ...في حلقه يكرر ذات العباره...بالرغم من وجوده لفتره طويله في اجهزة الاعلام الا انه لم يطور في اداؤه...لازال هو محمد سليمان منذ وطات قدماه تلفزيون السودان...تكرار العبارات مع ان لغة الضاد مليئه بالدرر لكنه يحصر نفسه في كلمات محدده وهو دليل على عدم اطلاعه ناهيك عن العبارات المليئه بالحرج التي يصف بها المتنافسين .
ان المجامله هي سبب تواجده في هذا البرنامج ...على ادارة البرنامج ان تبحث عمن هم اكثر قدره على التواصل...وان تتواصل ادارة البرنامج مع اهل الاختصاص حتى يؤدي البرنامج رسالته على الوجه الامثل.
لازلت اعتقد ان وجوده في البرنامج من حيث المجامله..
كامل الود
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
ظهور وجوه جديده على خارطة العمل الصحفي ...حري به ان يبعث الغيره في مشغلي الاجهزه المرئيه والمسموعه من ادارات وكوادر ..والتخلص بذلك من الوتيره الممله التي تدار بها هذه الاجهزه...(عاصم البلال ..الهندي عزالدين) امثله لشباب يقودون حركة التغيير في عالم الصحافه ..بغض النظر عن اختلافنا أو اتفاقنا معهم في الفكر والتفكير .
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: داليا حافظ)
|
مرحب داليا
ليه قلت كده؟؟
اكيد قريت ورديت!!
اكيد تعقيبي لم يجد الاستحسان لديك.
لكنني لازلت عند اعتقادي بوجود الكثيرين الذين يظهرون على اجهزة الاعلام من باب المجامله وليس الكفاءه.
السؤال هنا ماهو المعيار للعمل الاعلامي في السودان؟
سؤال يحتاج الى اجابه...والاجابه تحتاج الى تفعيل الحلول.. والحلول تحتاج لمختصين ...والمختصين تحجبهم اسوار المافيا المسيطره على الاعلام الان.
كامل الود
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
سلام يا اخونا الشيخ سيد أحمد
ياخ كويس جداً انك كتبته البوست دا عشان انا لي كم يوم عايز انضم في
السيد محمد سليمان دا .
بخصوص سؤالك دا :-
| Quote: ما هو معيار العمل في الاعلام السوداني |
دا سؤال كبير و محتاج متخصصين .
انا هنا في شان لجنة التقييم في نجوم الغد
و بالتحديد هنا في شان السيد محمد سليمان و الدكتور محمد سيف و معاهم السيد بابكر الصديق
مقدم البرنامج .
اول حاجة الدكتور محمد سيف رجل متخصص وبقول الكلام العلمي لكن للأسف دائماً بحس انو بقولوا
بجفاف شديد جداً و دائماً بنسى أن الشابات و الشباب ديل في اول الطريق و انو ممكن يقرظ عليهم
ايوة نعم لكن باسلوب غير الأسلوب بتاعو دا .
السيد بابكر صديق مقدم البرنامج بتذكر انو البرنامج دا لمى كان في مواسمه الأولى كان لطيف جداً
و يدير البرنامج بحنكة لكن و اضح انو اتعادى من الدكتور سيف و من السيد محمد سليمان فبقي محرج
و دمو ثقيل و دائما بعتمد يحرج المتنافسين ياخ دا لدرجة انو مرة قال لمتنافسه غلطت و قالت في
أغنية (خت السمحه ليّ) بدل تقول (خته السمته* ليّ) قال ليها :- في مرة اخوات قعدو عشان ياكلو الاكل كان فيهو كبده و احده من الاختين قالت :- الكبده دي لي أنا دا عشان أنا بحب الكبده !! التانية نطت قالت ليها :- يعني أنا البحب الويكه !!!؟ السيد بابكر صديق بالجد بايخ جداً جداً بقي و طالما هو مقدم برنامج و في لجنة مختصة بالتقييم مفترض ينقطنا بسكاته و يجود شغلوا وبس .
نجي للسيد محمد سليمان ( و بركات الشريف و داليا حافظ) محمد سليمان بايخ و ثقيل و دمو تقيل و أذا كان و جوده مختص بانو مستمع جيد و قدم اجيال من الفنانين (يا بركات) في الاحسن منو دشليون مرة وبعرف اكتر منو و ممكن تاخد مثال (معلم الاجيال ميرغني البكري) يعني فاكر انو محمد سليمان دا سمع فنانين و لا عرف فنانين اكتر من ميرغني البكري !!! او فاكر انو ساهم في اكتشاف فنانين اكتر منو !!؟
اما اذا بخصوص انو محمد سليمان قامة اعلامية فوالله دي انا ذاتى عندي فيها رآي محمد سليمان قامة اعلامية كيف و هو ذات نفسو عندو مشكلة في مخارج الحروف !!! محمد سليمان يا سيدي (الدغ - لسانو عريض - عندو لجنة في بعض الحروف) فكيف زي دا يكون قامة اعلامية لو كان ما الزمان البقي فيهو قامة اعلامية محتاج ليهو و خلاص .
اما يا داليا حافظ اذا بتفتكري انو محمد سليمان موجود في البرنامج عشان التقييم بتاع (البودي لانقوتش) فياخ اسمحي لي اقول ليك انتي معجبة ساكت بلؤم لسان محمد سليمان و احراجه لشباب لسه عودهم طري لانو ببساطة محمد سليمان هو ذاتو محتاج زول يقيمو لانو زي ما قلته فوق عندو مشاكل في مخارج بعض الحروف زيادة على دا يا داليا حافظ كلامك غلط لانو محمد سليمان ما اكتفى زي ما بتقولى انو يقييم البودي لانقوتش و لا يحزنون الزول دا كابس السيد الدرديري و الدكتور سيف في تخصصهم و شغلهم وبقى زيو زيهم يقول :- انت صوتك التو و انتي صوتك فيهو بحه و انتي صوتك اجش و ما كدا وبس لا كمان بيقول ليهم أنت في الأماكن العالية مفروض ومفروض ومفروض يازولة ها هو الزول دا قايل نفسو (كيم) ولا شنو !!؟ دا زول غير طولت اللسان ما عندو إي حاجة و غير التخِفف مع البنات ما عندو شغلة .
ياخ فكونا منو بالله و اوعه اسمع زول تاني يقول محمد سليمان في البرنامج عشان تقييم لانو ببساطة ما هو الزول الجدير بالمسألة دي .
شكرا يا اخونا الشيخ
و تحياتي للأخ بركات
و للأخت داليا
و لكل من مر من هنا .
و بالجد البامية ما ياهو .
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: سفيان بشير نابرى)
|
| Quote: ياخ فكونا منو بالله و اوعه اسمع زول تاني يقول محمد سليمان في البرنامج عشان تقييم لانو ببساطة ما هو الزول الجدير بالمسألة دي |
سفيان يا نابري سلام ..
بنقووول ..بعدين اللدغة من الله ..يا سفيان  ، النقد غالبا بكون محرج ..بعدين ليه الحساسية في الكلام مع شباب مقدمين نفسهم لمسابقة ..لازم يتنجضو كويس المجاملة مافي ليها داعي .. وأنا قلت وجودي الأساسي للحضور وبعلق على الصوت بشكل عام ..، وفي الأخر الناس ديل "لجنة التحكيم " ما قاعدين يختلفوا مع بعض حسب شوفي عشان تكون اراءه مافي محلها..
وجود زول يخافوا المتسابقين من تقيموا مهم من وجهة نظري لأنو بشكل ليهم دافع ..
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: داليا حافظ)
|
الموضوع مااستحسان يا استاذ الشيخ
ده كلامي
| Quote: تقييمه لأداء المتسابقين في مكانه تماما فمهمته تقييم حضور المتنافس برؤيته وخبرته كإعلامي |
وده..
| Quote: أبدا،استاذ محمد سليمان في اللجنة لا يمثل المستمع العادي ، بل لديه مهمة محددة هي تقييم الحضور عند المتسابق ثقته في نفسه ، مظهره، وقفته، حركته(البودي لانقوتش)، تفاعله مع الأغنية، وتقييم تفعال الناس معه، وغالبا ما يتحدث عن الصوت بشكل عام ، وهذا شيء متعارف عليه في كل لجان التحكيم في العالم هناك شخص يقوم بهذه المهمة .. |
وده ردك ..
| Quote: محمد سليمان لايستطيع ان يقدم في مثل هذه البرامج للمتنافسين مايفيدهم لان فاقد الشئ لايعطيه...فهو ليس من اهل الاختصاص ..صوتك قوي هي العباره المكرره عنده ...في حلقه يكرر ذات العباره...بالرغم من وجوده لفتره طويله في اجهزة الاعلام الا انه لم يطور في اداؤه...لازال هو محمد سليمان منذ وطات قدماه تلفزيون السودان...تكرار العبارات مع ان لغة الضاد مليئه بالدرر لكنه يحصر نفسه في كلمات محدده وهو دليل على عدم اطلاعه ناهيك عن العبارات المليئه بالحرج التي يصف بها المتنافسين . |
تلخيص كلامي أنو وجود استاذ محمد سليمان في البرنامج ليس لتقييم الصوت وأنما لتقييم الحضور (أداء ومظهر ) والتعليق على الصوت بشكل عام (يعني ما متخصص) .. وردي في مجمله بناء على نقدك الطرحتو في
البوست ..وليس على رأيك أو تحفظاتك الشخصية، يعني لو قلت أنا ما بحبو أو ..أو ده حاجة ما عندي حق أدخل فيها ..بتمنى أكون وضحت ..
كامل الإحترام ..
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: داليا حافظ)
|
الشيخ يا حبيب
ياخ بالغت في حكاية أنو الأستاذ محمد سليمان إتكلم عن قصة شعر الولد وبالتالي خرج من النص ..
ياخ ديل شباب صغار ومحمد سليمان في مقام الأب الموجه الناصح المرشد وليس مجرد ناقد اكاديمي
يستعين بالمصطلحات والقوانين النقدية لتقييم موهبة مازال في طور اليرقة ..
المظهر اللائق مهم جدا لمثل هولاء الصغار، وإذا كان تركيز الواحد منهم منصب في حلاقة شعره
وقصه وتقليد الموضات فمتي سيجد الوقت لصقل موهبته وتجويد ما يقدمه..
الأمثلة كثيرة لمواهب واعدة انطلقت بسرعة الصاروخ ثم سقطت بذات السرعة لأنها أهتمت
بالشكل واهملت المضمون والأمثلة لذلك متعددة ..
من ناحية اخري لماذا تريد محمد سليمان أن ينتهج نفس نهج الزملاء معه .. ؟ أليس مملا
ان نسمع نفس النقد وبذات الطريقة والأسلوب من ثلاثة أو أربعة أشخاص ؟
تعليقات محمد سليمان كما أراها تضفي حيوية ورونق وتزيل كثيرا من جمود النقد الأكاديمي
للمتسابقين، وإذا إنتقد خطأ متسابق بطريقة لئيمة مثلا كما تقول فهو بالمقابل له أراء نقدية
سلسلة ومحببة جدا، تتضمنها الدعوات الصالحات والتمنيات الطيبة لمتسابق آخر أبدع وأجاد.
ما لا يعجبك يا محمد الشيخ أخوي ليس بالضرورة أن لا يعجب الآخرين .
| |
|
|
|
|
|
|
|
|
 Re: ما هو معيار العمل في الاعلام السوداني..نجوم الغد مثال حي (Re: داليا حافظ)
|
Quote:
بنقووول ..بعدين اللدغة من الله ..يا سفيان ، النقد غالبا بكون محرج ..بعدين ليه الحساسية في الكلام مع شباب مقدمين نفسهم لمسابقة ..لازم يتنجضو كويس المجاملة مافي ليها داعي .. وأنا قلت وجودي الأساسي للحضور وبعلق على الصوت بشكل عام ..، وفي الأخر الناس ديل "لجنة التحكيم " ما قاعدين يختلفوا مع بعض حسب شوفي عشان تكون اراءه مافي محلها..
وجود زول يخافوا المتسابقين من تقيموا مهم من وجهة نظري لأنو بشكل ليهم دافع .. |
وعليكم السلام يا داليا
وكل شي من الله ياخ و منو قال النقد غالباً بكون محرج !!! هسي ما ياهو السيد الدريردي بنتقد نقد
شديد جداً بس سمعتيهو يوم احرج زول أو زولة!!!!؟.
بعدين انا ما قلته الناس ديل ما ينقدو انا قلته الناس دي ممكن تقرظ وتنقد بس بشكل افضل من ثقالتهم و لؤمهم دا .
ايوة نعم الشباب ديل يا داليا مقدمين نفسهم في مسابقة و لازم يتنجضو لكن ما لازم ينحرجو و ينقال ليهم كلام يضحك الناس الجوة الاستديو و البرا الاستديو (زيك كدا) ينبسط لوووول و الزينا نحنا يحنق على محمد سليمان دا .
و وين يا داليا أنا قلته يجاملوهم ابداً انا بالحرف قلته لازم يتم التقريظ عليهم و انو ينتقدوهم بطريقة قوية و مقنعه مش زي الكلام الفارغ البعملو فيهو دا .
بعدين انا ذاتي كنت فاكر محمد سليمان في الجنة عشان تقييم الاصوات و الشكل (رغم اعتراضي عليهو في دا ذاتو) لكن زولك دا ما اكتفي بي كدا يا داليا لا لا بل دخل في تخصص دكتور سيف و استاذ الدرديري زي ما قلته ليك فوق قبيل و انتي قطع شك قريتيهو لكن اهو عايزه تغالطي غلاط ناس محمد البشرى وبس .
انتي يا داليا شايفاهم ما بختلفو (وفي دا ممكن مرات نتفق ومرات نختلف) لكن انتي قايلة دكتور سيف و استاذ الدرديري ما بكونو ملاوذين من لسان الراجل دا !!!؟ ياخ الراجل دا لمى كان عامل برنامجو بتاع السهرة داك كان برش كل ضيف وقف قدامو الزول دا فهمو للعلام اظنو طولت اللسان و الاحراج و النستلوجيا عن زمان وزمان وزمان .
الشي التاني في النقطة الفوق دي يا داليا دائما لجان زي دي في مصالح مشتركة بينهم عشان كدا لازم يتفقو وما يختلفو .
بالجد اسمعيها مني و تاااني ركزي مع الزول دا
عشان تجي تفكينا منو .
وتحياتي لك .
ومشكور اخونا الشيخ سيد احمد صاحب البوست .
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
كل اللجنه عديمة المهنيه وفاقدي المواهب ومدمرين للمواهب مره سمعت بابكر صديق في البرنامج قال لواحده من المغنيات صوتك فيهو دقداق (صوت ولاشارع ظلت) ومره قال لي واحده انتي بتنطقي الها حا و ذلاها ذله فيها نوع من العنصريه . واما الدكاتره ما عندهم اي مساهمات في الاغنيه السودانيه ولو لا الانقاذ ما كان شافو شارع التلفزيون زيهم وزي معظم الاعلاميين الذين ظهروا في عهد الانقاذ امثال الهندي عزالدين و الطيب مصطفي و و و والخ
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
استاذه داليا
سلام وتحيه
وجود محمد سليمان في البرنامج اضر كثيرا بالمهنيه في النقد...مسالة الحضور يمكن ان يتناولها الدكاتره محمد سيف والدرديري من خلال النقد كجزئية لا تتجزأ من مجمل العمل المقدم والنقد البناء الذي ينتهجونه...المساله ليست شخصيه كما افترضت انت...الاسلوب الذي ينتهجه محمد سليمان في النقد جارح للغايه ويضر كثيرا بهؤلاء المتنافسين...لكن لب الموضوع هو ليس برنامج نجوم الغد...نجوم الغد عينه عشوائيه اتخذتها كمثال فقط ...ولاحظت ان المتداخلين الكرام وشخصك الكريم قد ركز بصوره كبيره على البرنامج و محمد سليمان بصفه خاصه ...رغم ان ماقصدته هو تناول العديد من البرامج الاعلاميه وسائلها ونقدها وتقويمها من خلال سطورنا المتواضعه...هذا مع امنيات صادقه ان يتداخل اصحاب الاختصاص لتعم الفائده.
كامل الود
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
اخونا سفيان
سلام وتحيه
النقد المقدم من الدكاتره مقبول وعلمي ...حتى وان قسوا في بعض الاحيان على المتنافسين ..تجد ان قسوتهم مقبوله عند المتنافسين لانهم ان من يتحدثون اهل علو ودرايه ...انا شخصيا اول مره اتعلم من خلال البرنامج ان هناك صوت التينور والتينور الاول وهكذا...هذه هي الفائده التي نرجوها ونجوم الغد عينه فقط ...تخيل معي اذا انتقلت هذه العدوى الى كل البرامج الاعلاميه كم سيكون مقدار الفائده على المجتمع والتي ستنعكس بصوره ايجابيه على المجتمع ومكوناته...ان الاعلام في الالفيه الجديده اصبح المعيار الحقيقي لنماء الامم وتقدمها من خلال نقده الذي يتبناه وعكس الكثير من الامور التي تكون غائبه او مهمشه ...يسلط الضوء على الكثير من القضايا المهمشه والمخبأه خلف اسوار السلطه فيبعث فيها الروح حتى تتسلق هذه الاسوار وتكون حاضره في واجهات النقاش حتى يوجد لها الحل الذي يمكنها من التعايش في المجتمع ولكن بصوره ايجابيه تفيد المجتمع وتدفع به نحو الرقي والتقدم.
كامل الود
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
الحبيب طلحه
سلام وتحيه
انتقاد محمد سليمان لقصة الشعر هو حجر على حرية جيل يحاول ان يجاري العصر في احدى ادواته...ماينقله الاعلام من صور ومشاهد يؤثر التاثير الكبير على المتلقي...وهؤلاء الشباب يستمعون ويشاهدون ماتبثه الفضائيات وشئ طبيعي ان يتاثروا بما يتم تناوله ..محمد سليمان نفسه اقر بانه كان يقص شعره في فترة صباه .لا اذكر اسم قصة الشعر التي ذكرها لكن المقصود انه كان يتعامل بذات المفهوم في ذلك الزمن..اذا لماذا تنتقد هؤلاء الفتيه.
كامل الود
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
سلام يااخونا و حبيبنا الشيخ
تحيات طيبات ...
زي ما قلته ليك في مداخلتي الأولي سوالك بتاع معيار العمل في الاعلام دا سؤال
كبير و كبير جداً ومحتاج متخصصين و لاني زول ما متخصص و ما بقدر افتيك فيهو
بس كنت مبسوط جداً انك ضربته مثل ببرنامج نجوم الغد لانو هو صاحب اكبر جماهيرية
في البرامج و كمان هو النموذج الافضل البوضح ازمة الأعلام في بلدنا دي .
نموذجك ممتاز و واضح انو النموذج دا و جد نقاش هنا اكتر من السؤال الرئيسي
لعدة اسباب اهمها انو مشاهدت البرنامج هي الاكبر ، عشان كدا الناس نست السؤال
المحوري و مسكوا في النموذج لكن و سط دا بتلقي أنو مفهوم الأعلامي ذاتو رايحة
و محتاجة تحديد .
وشاحد ربي أنو بوستك دا يقع تحت نظر استاذتنا سلمى الشيخ سلامة و يقع تحت نظر
استاذتنا إحسان عبد المتعال و يقع تحت نظر أستاذنا لقمان همام و يقع تحت نظر
أعلاميين كتااار و اعلاميات متوفرين في المنبر دا عشان يجوا يعددوا لينا سبب
الأزمة الاعلامية و يعددوا لينا مأسي العمل الأعلامي في السودان .
و ياريت ياخ تخت البريد الاكتروني بتاعك عشان في ناس ممكن تشارك من برا المنبر
و ممكن تكون مفيدة جداً.
محبتي و سلامي .
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
سلام لكل الحضور
شايف الناس فى النت والشارع بقت تتكلم عن وجود محمد سليمان
فى البرنامج اكتر من ( نجوم الغد ) ذات نفسهم
امتلك شريط فيديو قديم لسهرة تلفزيونية من تقديم محمد سليمان
وضيوف السهرة كانو البلابل و زينب الحويرص
طوال السهرة محمد سليمان ضـــــد فكرة انو ( البــت ) تغنى اصلا"
ولكن بنات طلسم وزينب الحويرص قعدوهو فى علبهو
رسالة اقولها لكل نجوم الغد
غنو غناكم ونحن معاكم وبنسمعكم وما تستغلو باللجنة وكلامهم
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
اخونا عبدالدائم
سلام وتحيه
تخيل شخص يستضيف شخص اخر ويعيب عليه الغرض الاساسي الذي من اجله وجدت الاستضافه والقصد هو الغناء طبعا...ماذا تتوقع من البلابل وزينب الحويرص ...هم بالطبع لن يتناولوا الازمه الاقتصاديه او ضعف اللياقه البدنيه لدى لاعبي الهلال امام الترجي!! هن مغنيااااااااااااااااات ..تناقض عجيب ...تعرف ياعبدو هذا مايرفع مستوى الضغط والسكري ..والاوزون اذا كان يرتفع ايضا...لايوجد معيار حقيقي للعمل الاعلامي .
كامل الود
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
Quote: امتلك شريط فيديو قديم لسهرة تلفزيونية من تقديم محمد سليمان
وضيوف السهرة كانو البلابل و زينب الحويرص
طوال السهرة محمد سليمان ضـــــد فكرة انو ( البــت ) تغنى اصلا"
ولكن بنات طلسم وزينب الحويرص قعدوهو فى علبهو
|
سلام يا عبد الدائم ياخ
يازول انت عندك شريط فديو زي دا و ساكت عليهو!!!!
ياخ يعني عاجب البعملو فيهو الراجل دا فينا!!!!؟
انا هسي دي بتهمك بانك متؤاطي معاهو في تعذيبنا
و رفع الضغط بتاعنا لا لا ما كدا وبس بتهمك انك متؤاطي
في انو الزول دا يعذب شباب و شابات تحت السن القانونية
بجنس احباطو ومذلتو ليهم دي .
يا عبد الدائم ياخ ارفع لينا الفديو دا هنا الزول دا بعذب
فينا ليهو كم سنة ياخ و انت ساااااكت بالفديو!!!!
ارفع الفديو عشان نقعد داليا و بركات ديل في علبهم
وفي ناس كتاااار في منبر من لا منبر له برضو نقعدهم
في علبهم .
ارفع ياخ الله يرضى عليك .
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
Quote: يعنى ( قطع شك ) حارفع الشريط فى يوم من الايام يا سفيان
تدفع كم ؟؟
|
يازول انت قايل لو تاجرته بي الفديو بتاعك دا
ما بتغنى!!!؟
بتغنى و بتسيب الغربة الكدرومية دي كمان .
رايك شنو تخليني شريك و اسوق ليك المسألة دي ؟؟.
يا عبد الدائم الزول دا فاقع مرارة ناس كُتاااار
و جنس الفديو بتاعك دا و جنس نضمو مع البلابل دا
بيجيب تايمو تب و العجب لم تجي الدرشه الدرشوها
ليهو بنات عمنا طلسم .
يازول و الله تغنى تب .
اها قلته شنو؟
ـــــــــــــــــــــــــــــــــــــــــــــــ
معليش يا الشيخ دلفنا بالبوست شوية كدا .
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
| Quote: يا عبد الدائم الزول دا فاقع مرارة ناس كُتاااار |
هووووووي يا سفيان
ده الذذذذ زول ..و سخريتـــــو محببة لناس كتاااار برضو ..وبعدين ما تراعوا عامل السن ياخ ..
يا سفيان ما شقت سايمون كاول بتاع الأميركان أيدول ..مباااالغة استاذ محمد سليمان جنبو مسكيييين ..
الشعب السوداني خلقة محروج و مرارتو ملتهبة فما تحججوا بالراجل
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: داليا حافظ)
|
Quote: يا سفيان ما شقت سايمون كاول بتاع الأميركان أيدول ..مباااالغة استاذ محمد سليمان جنبو مسكيييين ..
|
انتي بصِحك يا داليا!!!!!!
بصِحك عايزه تقارني محمد سليمان مع سايمون!!!!
انتي قايلة سايمن دا مذيع و لا مقدم برامج!!!؟
ياهو جنس البتسوي فيهو دا يا داليا اسمو التطفيف في الميزان رسمي وشعبي
و ياهو البخليني اقول لعبد الدائم ينزل شريط الفديو بتاع البلابل عشان
برضو تقعدي في علبك زي ما قعدوهو البلابل لووووووول .
بعدين هو لو بقي زي سايمون ما عندي اي مشكلة انو يحرج المتنافسين
لكن عليك النبي هسي هو يحرجهم علي ايتها اساس!!!!؟
ياخ بطلي تطفيف و انتظري الفديو
عشان تمشي تلفي .
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: داليا حافظ)
|
الشيخ Quote: انتقاد محمد سليمان لقصة الشعر هو حجر على حرية جيل يحاول ان يجاري العصر في احدى ادواته
|
ياخ نحن بصدد تقييم تجربة غناء وتجويد عمل فني وليس منافسة لمجاراة العصر في
الموضة وقص الشعر والمكياج ..
يا إما تهتم بموضات الحلاقة وتلاحق تفاصيلا عشان تجاريها يا إما كمان تركز في تجويد ما يليك
من موهبة لكن قصة أنك تطلع من بيضة المحاولة والتجربة طوالي فنان كبير وبتاع موضة في نفس الوقت
فدا مستحيل يا حبيب .
مناقشة التفاصيل الأخري مهمة جدا لوضع الناشىء في الطريق الصحيح دون تعرجات أو مطبات قد تعيق
تقدمه باتجاه تحقيق تطلعاته .
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: طلحة عبدالله)
|
حبيبنا طلحه
سلام وتحيه
نحن فعلا في مسألة تقييم تجربه اداء فني ...جميل ...أذآ ماهو دخل قصة الشعر...حتى الآن لا ادري تاثير قصات الشعر على الاداء...اللهم الا اذا ظهر مرض جديد او تم اكتشافه مؤخرا يؤكد تاثير ادوات قص الشعر على الصوت وزمن المؤدي...فهمت قصدي.
تساؤلي الثاني ما هي العلاقه بين تقييم النشئ وقصة الشعر...لكل عصر ادواته للتواصل ...قديما كان الناس وكانها في معسكر احد القوات النظاميه كلها (صلعه) ثم ظهرت موضة اطالة الشعر (الخنفس) ثم تقليعه جديده (بتاعة ابراهيم عوض) هذه عصور مختلفه لاناس عايشوها ...هل رأيت أي تأثير لاداء الجابري او عثمان حسين او ابراهيم عوض على اداؤهم ؟؟؟هل ميزان التطريب عند هؤلاء كان مختلا لان قصة شعرهم كانت لاتتناسب وتوجهات الشارع السوداني في ذلك الزمان؟ هل ظهر احد اعضاء لجنة اجازة النصوص في احد البرامج منتقدا قصة شعر اي من هؤلاء في اول تسجيلاتهم؟مع العلم بان هؤلاء العمالقه عانوا كثيرا للظهور في الاعلام وتقديم فنهم خصوصا وان رؤية المجتمع في ذلك الزمن كانت تصفهم بصفات غير لائقه..
الموضوع اكبر من محمد سليمان فهو يلعب في ملعب غير ملعبه...لذلك تجده يهتم بالقشور تاركا المضمون ...والغريب في الامر ان اهل المضمون يجلسون بجواره ويمنحونه الفرصه الاولى في النقد..وكثيرا ما يقول هو (الجماعه ديل بوروك هسه انت مفروض تعمل شنو) يعني هو مقتنع تمام الاقتناع بانه لا يستطيع ان يقدم نقد علمي..اذآ عليه ان يفسح المجال للنقاد المحترفين.
كامل الود
كامل الود
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: داليا حافظ)
|
الشيخ .... حبيبنا
من الممتع في المنبر عندما ينفتح بوست
بتتوقع اشخاص معينة الدخول به وفعلا لم يكذبونني ولكل واحد فيهم راي
واتفق معك جملة وتفضيلا في ما رميت اليه
العمل الاعلامي ضعيف في السودان لان اي شيء مبني على المجاملة وعدم التخصصية
بالله لجنة نجوم الغد جاتم بت شابة بس عشان من طرف الكابلي شبوكوها ليك تمجيد لم تخيلت انهم يتلكمون عن كوكب الشرق ( ام كلثوم )
وكما تفضلت سليمان محمد سليمان يتكلم عن اشياء قد تؤثر كثيرا في التقييم وتعمل ربكة للمنافس
بتوجيهه السلوكي الى مكان يفتقد التقييم الصحيح ويقولون له اهل العلم ( اتجاه سلوكي في نفس الاتجاه )
حتى مقدم البرنامج اصاب الناس بالملل للرشاقة زيادة عن اللزوم وتعليقات ليس في محلها
اعلامنا ضعيف مقارنة بكل القنوات الفضائية الباقية
تعرف يالشيخ في يوم حضرت لقاء للشاعر الفيتوري في احدى القنوات الفضائية العربية اظنها كوثر البشراوي
حاورته واستطاعت ان تشد انتباه المشاهد للحرفية التي ادارة بها الحوار والله التقول ساكنة الشعبية جنوب ...
.
.
الشيخ كل سنة وجميع ضيوفك بخير
بالجنبة
كيفكم ياحلوين عبد الدائم وسفيان نابرى
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
Quote: بالجنبة
كيفكم ياحلوين عبد الدائم وسفيان نابرى |
والله مشتاقين يا وليد ياخ
وعيد سعيد
تعرف هههههههه خايف اقول ليك
كوثر بشراوي دي صاحبتي وعندي
معاها صور في سودانا دا يلم
فيني الزول الزهجان الاسمو عمر
الفاروق دا يطقطقني لمى افهم
حاجة لوووووووول .
عشان كدا بقول ليك :- مين كوثر
ديت!!!
ومن انتم !!!
من أنتم ذاتكم !!!؟
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
استضافت قناة الشروق في احدى برامج العيد احدى الفنانات...مذيع الحلقه ظل ينظر من فوق النظاره التي يرتديهاالى ضيفته ويوجه لها الاسئله...لم استطع اكمال البرنامج نسبة لسؤالين سالهما مقدم البرنامج للفنانه.
أولا سالها عن الاله الايقاعيه المصاحبه لها وهل اتت بها للديكور ام انها تجيد العزف عليها..كان السؤال بصوره سمجه وممله كملل ظهوره الثقيل.
ثانيا وهو السؤال الذي دفعني لتغيير المحطه ...سال مقدم البرنامج الفنانه هل تؤسس للفن السوداني بمصر...اجابت الفنانه بوعي كبير انها لا تستطيع ان تقول ذلك انما هي محاوله منها لارسال صوت السودان ...الخ. الا ان مقدم البرنامج اخبرها بانها قالت انها تؤسس للفن السوداني في مصر...فما كان منها الا ان ردت بفهم ووعي زائدين...وهو الشئ الذي دفع مقدم البرنامج لان يسالها سؤال في غاية الغباء وباللغة الدارجه قال (عصرتك مش كده) بالله تخيل مستوى اللغه وصل الى اي مدى.
قناة الشروق من القنوات التي تهتم بالمهنيه في توظيف موظفيها بغض النظر عن توجهها...اعتقد انه لم يحالفها التوفيق في اختيار مقدم البرنامج والذي اعتقد انه ابن صلاح طه (مقدم برامج قديم).
| |
|
|
|
|
|
|
|
|
|
Re: ما هو معيار العمل في الاعلام السوداني..نجوم الغد مثال حي (Re: الشيخ سيد أحمد)
|
مقدمة برنامج اغنيات سمراء في قناة امدرمان تحتاج للكثير من التدريب ...تجدها دائما تقرأ من الأوراق التي تحملها في يدها...كثيرة التأتأه..حضورها ضعيف إلى حدما.
شيبة الحمد مقدم برنامج أغنيات من البرامج...حضور قوي ومميز لا يراجع ما أمامه من أوراق وهذه دلاله على مراجعة الماده المقدمه قبل الظهور على الشاشه...هذه الفئة التي نتمنى أن تقود العمل الإعلامي .
| |
|
|
|
|
|
|
| |
الشيخ سيد أحمد
طلحة عبدالله
عفاف أبو حريرة
داليا حافظ
سفيان بشير نابرى
Haju Muktar
عبد الدائم سيد أحمد
وليد عبد اللطيف
فيس بوك
تويتر
انستقرام
يوتيوب
بنتيريست