توضيح بسيط ..الناس البتقول رشا مقلدة للسيد الصادق المهدي يبدو إنهم رابطين بين شغلها وإنتدابها لمكتب السيد الصادق وبين إنتمائها الحزبي... الصادق المهدي عزااال وعينو نجيضة وإن كنت أعيب عليه ضمه لي الزولة الإسمها فيحاء القالت بتمدح كيف!!! حاجة تانية ياريت لو تفيدونا فيها ..قصيدة انا بكرهك حقت نضال دي جديدة ولا قديمة؟ لأنو لو جديدة فحينها بتكون مبررة..
تخريمة: لو عارف البوست بيلم كده وبيصل مئات المداخلات ما كان كلمتك بي الحلقة وكان فتحت البوست برااأي..
11-14-2011, 07:59 AM
صلاح الدين نزلاوى صلاح الدين نزلاوى
تاريخ التسجيل: 11-10-2011
مجموع المشاركات: 959
Quote: سفيان طرطشة ... بلا قلنا نجمعكن كلكن بلا حقارة !! حالتو لسه ما لمينا فيك اصبر ...
دينا (اليخت الرئاسي) يازولة و الله كترن في القنوات فقلته اشتغل مجاميع و كليات ولا افرز .
بخصوص نضال نضال دي صوته كعب عندها حسيس كدا ما عارفو بيجي من وين نهائي بس بتكون عاجبه الناس لانو فيها سماحة الريف تاني التكتحه ما عندها .
في بت جابوها متسومحه و محننه و لابسه توب سمح تالت يوم في العيد على قناة النيل الازرق بتقول في شعر لووووووول و الله غايتو خيتتنا ليك خياته عجيبة خلاص عندها صوت اطفال و شعر قاطعاهو من رأسه دا قطع اخدر ذكرتني شعر عمر الفاروق و أساسي و دكين في المنبر دا في ذات المرات بس النصيحة ليك يا الله اشعر من ذو اليد .
Quote: زعلت جدا من انعام حيمورة في تعليقها على رشا والله يا انعام بالغتي الصادق لو كان بفكر بالطريقة دي ما كانوا ناس الانقاذ بقونا خالين من الكوليسترول( قلت امقلب بكري
سنوية العسل ياخ الله لا جاب الي زعلك مني ههههه
ياخ انا ما قلت في التفكير انا قلت في طريقة الكلام زي في ناس بتكلموا بي نفس طريقة الترابي مش بس الحركة دي ..
Quote: والله بعد ما كتبت الكلام الفوق دا كله قلن والله هانت الزلابيا اي سوداني ممكن يعمل نفسه ناقد ويجي يحاكم الناس بانطباعه هو قربت امسح المداخلة تاني قلت يعني عمر الفاروق احسن مني.
يا سنوية والله تحضري قنوات السودان تطلعي احسن ناقد على وجه الارض والعجب كمان قناة ام درمان ومسكت الفولدر حق القناة وفيه الحوار والاسئلة مكتوبة الواحدة تمسك الفولدر لمن تغطي وشها ههههههههههههه انقدي انقدي وخليك ناقدة فذة هههههه
Quote: انعام حيمورة ان شاء الله تقوم هبوب ت و س خ ليك غسيلك قبل ما ينشف عشان تعيديهو تاني
ههههههه والله غسيلي امس اتكوى بي مكوة بخار ههههههههه ست بيت ممتازة وما عندي شغالة اها كمان ههههه
--- يا ديناا منعنا الفوضى !!!
11-14-2011, 09:43 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
بي مناسبة الحنة والمكياج فاتني أن أنوه إنو نسرين النمر مقدمة البرنامج عندها مركز تجميل وكوافير النمر في المهندسين.. يعني بتغشا مركزا أووول شي تظبط روحا حتى تجي التلفزيون .. تمرق من بيتكم حزين تلقا السعادة وين؟ يا قول جدي..
تخريمة.. أسة لو عايزين نعمل حلقة بتاعت هم الأجمل نجيب فيها منو معاي؟
11-14-2011, 12:59 PM
احمد التجانى احمد احمد التجانى احمد
تاريخ التسجيل: 11-11-2006
مجموع المشاركات: 3155
Quote: حاجة تانية ياريت لو تفيدونا فيها . .قصيدة انا بكرهك حقت نضال دي جديدة ولا قديمة؟ لأنو لو جديدة فحينها بتكون مبررة
المثل الانجليزى بقول الشمار قتل القطة !!! مش يا عمر كان فى كلام انت سمعتو كدا فى الحلقة وما فرزتو.. عن انو دايما لما المراة تكتب الرجال بمشوا لى ما وراء النص ؟؟؟ بسسسسسسسسسس انت تجسيد للفكرة دى كاااااملة ... قال كتبتها متين قال !!
ــــــــــــــــ عارف نفسك مزعج ؟ تانى ما تنهزنى ..
11-15-2011, 06:49 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: انت يا احمد التيجانى ذمتك دى طوااااالى مغرقا ؟؟
قصدى شريف والله قلت واحد من الصالحين يدعو لاساسى بالعافية فى ساعة استجابة نكون نلنا الاجر .... خليك انت فى الحنا بالصبغة والحنا بالشنقيطى دعواتك ما ح تتجاوز الشاشة القدامك
مرة قريت تعليق عن عفاف حسن امين جايبين صور المذيعات السودانيات قبل وبعد ، انه النيولوك ممكن يكون في الشكل لكن حتى النظرة بقا فيها نيولوك وبقت نظرة ساحرة
خلاص يا دينا ان شاء الله ترسلى ليه قفة دعوات قد اعود للدلو فى موضوع البوست بعد مشاهدة الحلقة ان اراد الله "تلفزيون السودان يشجع على الغثيان" يا حليل حمدى بدر الدين وحجاز مدثر وال المغربى ربنا يرحمهم وبعدين شنو كلمة " اكيد" عند مقدمات البرامج البتتقال بمناسبة وبدون مناسبة دى
يا دينا يا بت خالد.. إنتي أظنك قايلاني لفاح زييك!!والله أسة لو ما قالوا نضال دي شاعرة تلقاك كنتي قايلاها خبيرة تجميل.. نضال وإلى وقت قريب كانت بتكتب كل قصص العشق والغرام وبتوصف في الحبيب بي كلامات مدهشة جد.. قبل فترة شاهدت حلقة وجات فيها نضال دي بي ملامح عروس جديدة ويمينها قاعد ولد صغمبروتي -أحسب أنه زوجها يا قول الترابي- وبعد فترة قصيرة جدا رجعت نضال لي حالتها الأولى وعادت معاها قصيدة بكرهك ..أو انا سمعتها للمرة الأولى بعد كده.. قصدت أسأل لأنو دي ممكن تفتح موضوع بالجمبة كده ..ونطلع بي وش قباحة في نص الجمال ده..
يا نبري عندي قصيدة غنائية جديدة إسمها إنت حي يا زول..طولنا منك طول... بالمناسبة ده إسم القصيدة بس..
11-15-2011, 09:59 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
رضينا بي بحب الكسير ما بحب المنقة نان بحب أكسر تلج ياااا بت أمي الكسير بلا حب المنقة ولاااا ببقى
على قولك أغلبية الشاركو في البوست المعني اختفوا من المنبر ومكانهم شاغر وما بتملي حسيت بالحنين وأناأعيد قراءة مداخلاتهم لعلهم طيبين وسالمين وتامين
أها يا ستي بعد دخلت بيتك وشربت قهوتك وبقى بينا عيش وملح وكنافة بالقشطة البلدي أسمحي لي أرجع لمداخلتك الأولى في البوست دا البتقولي فيها :
Quote: عفاف حسن امين دايما بارعة فى النيو لووك .. اجمل مافيها العفوية وعدم التكلف ..
رمضان القبل الفات كان عندها برنامج يومي في واحدة من القنوات وكل يوم بي شكل .. أها مرة هي والمعاها وأظنها ندى القلعة جو عاملين مكياج راسمين ظل بالأبيض حول عيوناتن وحات الله ذكرني قناع اللصوص في مجلة ميكي أما التكلف برضو مرة شفتها في قناة نازلة من لادنكروزر وتوبها وشعرها شايلو الهوا لمن مشوش على المايك وبتقول في شعر جميل بطريقة فيها من التكلف والنرجسية ما يكفي الصين ويدي الباقي للهند عدا كشمير ودي من المرات القليلة الكحلتها فيها وما كفاية لأحكم عليها ولكن تركت عندي الإنطباع دا . وبس .
11-16-2011, 04:14 AM
أمير عثمان أمير عثمان
تاريخ التسجيل: 08-11-2009
مجموع المشاركات: 805
خلاص يا امير .. انا بوريك .. دى حنة بتاعة هنود بخلوها بتبقى حمرا شديد كبدية على اسود .. وبما انو السودانيين سود فاللون دا احلى كتييير من لون الفحم بتاع الصبغة دا الهنود اليمانية وكل الشعوب البتتحنن الحنة دى اصلو ما عندها علاقة بالسواد .. حتى ريحتها بتكون جميلة وشكلها حلو ... لقيتنى كيف ؟ يمانية !! ولا فلم هندى ؟؟ ياخ انت صاحبى ياخ ...
ــــــــــــــ بسسسسسس لو بطلت الوكادة !
11-16-2011, 07:24 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا سفيان إنت لخصت ليزا شاكر و جبت الزبدة بصراحة وأي كلام بعدو ببقا حشو.. البت تعبانة مرررة يا قول السعوديين لكنها موهوبة..الموهبة موهبة العزف خصوصا ومن هي طفلة بتلعب جيتار النورمال ده..بس شبكتها في الغنا كادت تفسد موهبة عزفها.. إتنين لو ركزو في موهبة العزف وبطلو غنا يكون حلو..ليزا شاكر ورشا شيخ الدين.. وياريت بالمرة نهى عجاج
Quote: إتنين لو ركزو في موهبة العزف وبطلو غنا يكون حلو..ليزا شاكر ورشا شيخ الدين.. وياريت بالمرة نهى عجاج
الاخ عمر الفاروق
عيد مبارك عليك واسرتك الكريمة
دي مشكلتنا في السودان ، اي واحد او واحدة بلقا في نفسه حبة كفاءة في الصوت وممكن جدا الكفاءة دي تكون صوت يصلح فقط للغناء في حوش بيتهم بتلقاهو او تلقاها طرح نفسه فنان من الطراز الاول حتى تشابه على الجمهور الصوت الجميل من الما جميل وكدا بيحصل تشويه للغنازي ما حاصل حسه
مايا نصري :-) عيدك مبارك والسنة دي علي كيفك.. عارفة انا مبسوط شديد من تريزا شاكر أخت ليزا..مع إنو صوتها أجمل بي كتير لكن هي فضلت تمشي في طريق التلفزيون والأعلام وما طرحت روحا فنانة..نعم كم مرة غنت مع أبوها لكن كان من باب المشاركة الأسرية بس أبدا ما طرحت روحا مغنية.. نحن عندنا مشكلة إسمها شرك الأصحاب أو الغنا في الحمام.. الأولى بيكون عندك أصحابك في قعدة من القعدات في رحلة بي العصر في حدايق 6 أبريل أقنعوك صوتك سمح بعد ما غنيت ليهم فرمالة حافظا من إنت في رابعة إبتدائي.. التانية وإنت بتستحم يلم فيك شيطان غنا الحمامات ويظبط ليك صوتك ولما تطلع بتتخيل إنو مفروض بكرة تمشي تسجل شريط..النوع التاني ده انا بنصحو لو عايز يواصل في درب الغنا مفروض يشيل معاهو الحمام في الحفلات..
11-16-2011, 01:34 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يا سفيان إنت لخصت ليزا شاكر و جبت الزبدة بصراحة وأي كلام بعدو ببقا حشو..
يا عمر الفاروق ياخ الناس دي كلها شالت حشواته بس في حشوه واحده فضلت في يدي و أنا فترته ياخ عليك الله شوف لي الحشوة دي حقت منو الشابات الفوق ديل ينوبك ثواب .!
11-16-2011, 04:08 PM
فردوس جامع فردوس جامع
تاريخ التسجيل: 09-28-2011
مجموع المشاركات: 1179
Quote: قبل فترة شاهدت حلقة وجات فيها نضال دي بي ملامح عروس جديدة ويمينها قاعد ولد صغمبروتي -أحسب أنه زوجها يا قول الترابي- وبعد فترة قصيرة جدا رجعت نضال لي حالتها الأولى وعادت معاها قصيدة بكرهك ..أو انا سمعتها للمرة الأولى بعد كده..
الأخ عمر الفاروق
عاوزه إنبري للدفاع عن نضال :) نضال ما بالضرورة بتعبر عن روحها... ولو الشعراء بيكتبوا عن أنفسهم فقط لإندثرت كتاباتهم . في نماذج كثيرة فيها الأحداث في الحياة الشخصية للشاعر أقل بكثير من منتوجه القصائدي يمكن عبرت عن واحده صحبتها ... قصة عاشتها عن قرب أو قرتها و أثرت فيها. فيا ناقد ما تعقد الشابات البيكتبوا قصائد شواكيش . و عندي يقين إنه ما دائماً الشعراء بيتحسسوا قلوبهم العاطفية الشخصية قبل الكتابة.
.................................................... دينا يا ستي كنت هنا بإسم Firdouse منذ 2005 بعد أحد الطوفانات فقدت كلمة السر و الآن بكري رجعني بنيو لوك زي بتاعة الجميلات الفوق ديل ما تتواضعي ساي أعتقد جداَ إنك بتعرفي التلوين :)
*في دارك يا دينا و ما بقدر علي عمر الفاروق ده فإنبري للدفاع إذا إستوجب الأمر :)
11-16-2011, 04:35 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
.يا جامع.. :-) فردوسنا.. أكيد ما بالضرورة الشاعر يوصف روحو وكتير بينقل تجارب غيرو وغالبا في ناس بيشحدوك القصيدة شحدة يحكي لي حكايتو ويقول الرسول فيك اكتبا لي قصيدة.. انا متابع نضال من أول ظهور أعلامي ليها عبر بوابة قناة الشروق وعرفت إنها ح تصل قلوب المستمعين والمشاهدين سريع لأنها النوع البيكتب حاجاتو وتجاربو.. إحساس قوي وليس معلونة مؤكدة الخلاني أقول كلامي ده.. وده ما زعل من نضال ولا هجوم عليها بالعك..لكن انا عايز افتح طاقة نقاش عن التحول الفجائي في عواطف وأحاسيس ومشاعير الناس يا قول أحمد حلمي..
تخريمة يا نابري اخوك مخو تخن ما فهمت الأخيرة دي الحقني..
11-16-2011, 06:40 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: إنها ح تصل قلوب المستمعين والمشاهدين سريع لأنها النوع البيكتب حاجاتو وتجاربو..
حولاااااااااااااااااااااا فرمان رقم واحد بتكتب جاجاتها وتجاربها!! شفت الجزم دا كيف ؟
يعنى اجاثا كريستى وصلت قلوب القراء لانها بتكتب تجاربها فى اللصوصية والاجرام ؟؟؟؟ ولا يعنى دا عشان حب !! المراة ما تقدر تحكى فيه والا تتهم فى دينها ..او دينا ..
ـــــــــــــ الفاروق ؟ امنع الفوضى ..
11-16-2011, 06:46 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
معليش في المداخلة الأولى دخلت تووش بدون استئذان بس لأني بقرأ ليك طوالي وبحب كتاباتك حسيت زي الكأننا بنعرف بعض أنا اصلا ما بتداخل كتير وبستمتع بالقراية اكتر لاني ما حريفة في الكتابة وكمان بأمن بالحكمة القائلة فاليكتب أحدكم كلام مفيد ولذيذ او ينقطنا بسكاته.
نعوم ياختي ما في مشكلة لكن انا برضو مصرة انو ما في اي علاقة بين رشا والصادق حتى لو كانت حزب امة.
اها يا ناس الشمارات البتسألوا عن توقيت كتابة قصيدة انا بكرهك خاصة انت يا عمر الفاروق الأجمل من عمر الشريف في زمانه عامل شعرك السمح دا.
يا سيدي الشاعرة الاسمها نضال دي حكت القصة دي براها وقالت مرة كانت في ليلة شعرية ولاقت ليها واحد شاعر قرأ قصيدة اسمها انا بكرهك بكسر الهاء اها قامت قررت انها ترد عليه بقصيدة تانية لانو الحكاية زعلتها لكنها زي ما هي وضحت في الحلقة الحكت فيها القصة انو الرد جاء بعد سنتيت من الحادثة ويعدين قصيدة الولد دي انا برضو سمعتها كال فيها لجنس بت, قدر ما الله اداه اها انا ما عارفة الولد مشكلته شنو.
فالعاوزة اقولوا ليك يا فاروغ ما تنظر ساي وتعمل فيها ناقش والقصيدة ما عندها اي علاقة بالولد السغمبوتي ولا فيها اي شبهة يتاعة شاكوش بعدين قصة البحث في ما وراء النص دي قالوا ليكم خلوها (حلوة ما وراء النص دي قربت ابقى مسغفة بس حبة بنيوية وازمة مشروع ي ثقافي وامشي فوراول) وتانيا انا برضو دخلت فيك شمال لانك زول لذيذ زي دينا وان الله يحب اللذيذين.
11-16-2011, 10:20 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
سن سن يا صباغ.. هو من ناحية الولد الصغمبوتي طار فدي واضحة من شكل وهيئة نضال قبل فترة وأسة.. من ناحية الشمار فانا اول شي سألت وقلت في زول عارف سبب القصيدة والتوقيت ينورنا؟ يعني ما شمار ..الشمار ده مرحلة قديمة تم تجاوزها في هذا البمبر ..بمبر بكري.. وأبشرك أسة بعد حكيتي سبب القصيدة مسختيها لي صدقي!! لأنو بقت مصنوعة صناعة وما مكتوبة بي إحساس..يعني تقليد.. لكن الرسول فيك طالما القصة جابت ليها شمار..النبي فيك كان ما سكيتي لي موضوع الصغمبروتي..:-)
تخريمة: غايتو يا سناء يا أختي أول مرة أشوف لي زول بطقم مع ستاير بيتهم..:-)
11-17-2011, 09:33 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
ركزى شوية , انا ما قلت ما لقيت الحلقة انا بتكلم عن الوقت البيحضروها فيه تصدقى اشتريت 11 دى فى دى سنة 2008 من ماليزيا لحد الان ما شفتهم لى سنوات ما شفت فيلم او مسلسل كامل فى التلفزيون , عدا , Desperate Housewives طبعا الكلام دة ليس القصد منه الاشارة لمشغولياتى والا لما كنت مضيعا وقتى فى بوستات دينا وغلاطها مع عمر الفاروق وصبرى ولكن بكل صدق التلفزيون اداة محفزة للبلاهة
لكن غايتو فى اللحظات الشفتها فى السهرة , عفاف امين دى رفعتوا ليها الكيرف ساى person marketing اعترفى يا دينا
11-17-2011, 07:34 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: وأبشرك أسة بعد حكيتي سبب القصيدة مسختيها لي صدقي!! لأنو بقت مصنوعة صناعة وما مكتوبة بي إحساس..يعني تقليد..
شفت بمشو فى الاصرار لحدى وين ؟؟ يعنى ياتكون بتكتب عن قصتها الحقيقية او بتكون مصنوعه صناعة وكضب ساى !!!! يعنى الشاعر لازم يكون اى حاجة كتبها عاشها هو شخصيا او بتكون كلام ساى !!! فتأمل .
ــــــــــــــ انت اول مرة تعرف انو الشعر دا ساى ؟؟؟ وقديما قيل اصدق الشعر اكذبه ..
Quote: الحنة دى خطورتها انها بالصبغة ... وبتخت النساء الناشطات فى حته ضيقة
عجبني كلامك دا يا دندونة لانه الايام دي ما عندي اي شغل شاغل وخليت انقاذ الدب الابيض قلت القى لي ميشن جديدة وهي هذه الصبغة الناشطات هينات كعبات الدكتورات الوحدة عاملة الصبغة لغاية الكوع وتكلم عن الرضاعة وسرطان الثدي والخ اللخ
في عروس جات كوالا مشت محل بستخدمو فيه سمك صغير ياكل الجلد الميت اها الزولة دي بحنتها ام صبغة دخلت كرعينها قول كدي يا السمك كلو طفح زالسمك دا يجبوهو بايطارة مت تركيا شوفتي جنس الخسارة دي
اما خصوص الصور السمحة ديك ارجعت الى ثقتي في انه ممكن المراة تكون سمينة وتعمل نيو لوك عادي ذي الزبادي.. بس لسع بسترقل مع موضوع الشعر دا من ناحية فقهية
ليزا غنااااااااااااية مع ا ني ما سمعتها لكن اتلبستني حالة سودانية بتاعة "غريغ" ذمة عشان العرفة القديمة وكدا انا وامها كنا ساكنين في اوضة واحدة في الداخلية قبل يلدوها.
بوست في السلك وكل سنة وانت طيبة
11-20-2011, 04:28 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
قلتى لى العروس قتلت للماليز سمكهم ؟؟؟ هههههههههههه عشان ندخلكم معانا الفيلم الماليزين بعملوا البدكير فى الكوفيرات انك تدخل رجلك فى حوض ملى بالاسماك الصغار صغار وتبدا الاسماك دى تاكل كل الجلد الميت واااااى كرعينك يمرقن نضاااف كما ولدتك امك ..
Quote: في عروس جات كوالا مشت محل بستخدمو فيه سمك صغير ياكل الجلد الميت اها الزولة دي بحنتها ام صبغة دخلت كرعينها قول كدي يا السمك كلو طفح زالسمك دا يجبوهو بايطارة مت تركيا شوفتي جنس الخسارة دي
اما خصوص الصور السمحة ديك ارجعت الى ثقتي في انه ممكن المراة تكون سمينة وتعمل نيو لوك عادي ذي الزبادي.. بس لسع بسترقل مع موضوع الشعر دا من ناحية فقهية
ليزا غنااااااااااااية مع ا ني ما سمعتها لكن اتلبستني حالة سودانية بتاعة "غريغ" ذمة عشان العرفة القديمة وكدا انا وامها كنا ساكنين في اوضة واحدة في الداخلية قبل يلدوها. بوست في السلك وكل سنة وانت طيبة
والله يا نجوت لو دى امها دفعتك مفروض ترقدى تموتى طواااالى ..
ــــــــــــــ يا بت سلك شنو انتى مسكك ال زهايمر ؟ مش اتداخلتى معانا فى الصفحة الاولى ؟
11-20-2011, 06:01 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ياخ كلام السمك التركي دا عجيب جدا يا بيان يعني اسي زول عاقل كدا براه يدخل رجله محل سمك آكل للحم - غض النظر عن كونه حي او ميت - و يعتمد على ذوق السمكة و تفضيلها للحم الميت فقط يعني كان وقعت في سمكة دنية او جعانة ما بتفرز ولا بتعاف واطاتك صبحت
Quote: ياخ كلام السمك التركي دا عجيب جدا يا بيان يعني اسي زول عاقل كدا براه يدخل رجله محل سمك آكل للحم - غض النظر عن كونه حي او ميت - و يعتمد على ذوق السمكة و تفضيلها للحم الميت فقط يعني كان وقعت في سمكة دنية او جعانة ما بتفرز ولا بتعاف واطاتك صبحت
موش بالله؟ تعرف دي الحاجة الوحيدة الما ممكن اجازف بيها بوضع رجلي لحيوان ذي ما قلت يمكن دني ولا جعان
قبل كدي في عيد واحد من ميلاداتي جات بتي قالت عايزين يودوني لمحل السمك دا على حسابهم والبت دي جامعتها فركة كعب من بيتنا قلت هوييييي يا نجاة الشافعة دي عايزة ترقدك في العنقريب وجاني نفس الخوف بتاع هب ان السمكة دنية وهب انها جعانة وهب انه ابوها من سمك بياكل اللحم الحي
Quote: والله يا نجوت لو دى امها دفعتك مفروض ترقدى تموتى طواااالى ..
هوي يا دندون ما تجيبي المشاكل الزولة دي روميتي وما دفعتي للامانة الدفعة الوراي طوالي
تعرفي امها دي المفروض تتفتح ليها قنال براها بس تجي تونس الناس وتعمل فيهم مقالب من امتع من قابلت في حياتي .. اثنين في تلك الدفعة "Weird لمان بهناك ما حصل استمتعت بصحبة زول ذيهم وما حصل شوفتا زول ذيهم لما بقيت اقري ليك.. فانت "Weird نمرة تلاتة في حياتي من النساء السودانيات.. كل كم فترة بتظهر واحدة جنينة والمعية ولذلك الا تكون محظوظ لامن غلط عشان تلم في واحدة فما بال 3؟
يا دينا ما تهظري برانا شاكين في روحنا والذاكرة انتهت ياخي مشيت فتشت ما لقيت اي مداخلة مني لانه البوست دا قالت لي عنه دومة امبارح وعجبها شديد ووانا البقرأ ليك اي حاجة ما شوفتو كلو كلو..
11-21-2011, 05:50 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
والله استمتعت بالبوست دا شديد وجد متأسف جدا انه فاتني ما عارف ليه لكن بوست بصل المداخلة العاشرة وما اشارك فيه بشعر انه فاتني ودا وصل الصفحة التانية وعندي نقة كتيرة كان مفروض انقها هنا لكن خلاص ببح..... تحياتي للمشاركين ولست البوست دينا.
11-21-2011, 05:53 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 10986
قابلني صديق قال لي حصل دينا خالد جابتك في هن الاجمل قلت ليهو سجم خشمنا وانا شن دخلني في الموضوع ؟ دندون جابتني انا اللهم اجعلوا وفعلا لقيت روحي قاعد قدام البت عفاف الحلوة صحي الشين ده شن يسوي التقديم طاير والشلاقة غير محمودة وحقك علينا يا دندون الصبغة كهرتي في الدنيا بعد خوفي الطبيعي وانا خوووواف من الطيارة ومعاها مرتي لمن تصبغ يديها ورجلينها بركبني ستين عفريت وماباكل اي وجبة اليوم داك في البيت بالرغم من اني بحب كل فسطونات الدنيا للحنة السودانية ولقينا حل تمشي تتحنن عند الخبراء الاجانب وارتحت باقي العام فاصل ونعود كهرتي تاني المذيع ولا المذيعة البقول مع كلامك ( امم امم امم ) والمذيع ولا المذيعة البتلفح الكلام من خشمك وليزا غناية لي الطيش وبجي زمنه واحبكم
11-21-2011, 11:43 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
دينا خالد
عمر الفاروق
صلاح الدين نزلاوى
Aymen Tabir
سفيان بشير نابرى
انعام حيمورة
احمد التجانى احمد
Abd-Elrhman sorkati
محمد عبد الماجد الصايم
أمير عثمان
فردوس جامع
سناء الصباغ
محمد البشرى الخضر
الخير محمد عوض
محمد سنى دفع الله
فيس بوك
تويتر
انستقرام
يوتيوب
بنتيريست