عفاف حسن امين دايما بارعة فى النيو لووك .. اجمل مافيها العفوية وعدم التكلف ..
الشاعرة نضال الحاج (بنجيك) ,,,,
الممثلة تهانى الباشـا ,, لذيذه كانت ..
الصحفية رشا عوض او حينما يضغى العقل على المكياج والحنا ..
مقدمة البرنامج ورغم انها تبدو مثقفة وبتعرف تحاور لكنها كادت ان تفسد الحلقة بمقاطعتها للضيفات بطريقة مزعجة ومحاولاتها المتكرره لوضع الكلام على افواههن !
الحنه بالصبغة دى مفروض تتمنع بالقانون ذى الختان مش هسه القانون بعاقب على الشروع فى القتل ؟ بالذات لما يظهرن بيها نساء مفروض يكونن قدوة وبقدمن نصايح ضد العادات الضارة ..
هسه الحنة دى بدون صبغة اها قولوا لى كيف ؟؟
ـــــــــــــــــــ عندنا بت خالتنا طوالى بتقول لى اصلوووووو ما باكل السلطة الخضرا فى المناسبات ! لانو النسوان بجوا من الحنانه وبالصبغه طووووالى على القطييع !!
11-08-2011, 10:46 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
يضغي دي .. يطرشنا .. البنعرفا .. يطغي .. والمعني واضح من سياق الكلام. ............................................. كل عام وأنتم بخير .. ومع ذلك .. هي السماحه دي في فكة الشعر ؟؟!! ده سؤال ساي خارج المقرر.
11-08-2011, 11:31 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
ما تستبعد .. برضك .. وللا إيييييه يا سنطاوي يا خويا...
............................................................................ تخريمه في شكل خرمجه: زمااااااااااااااااااااااان راغب علامه اللبناني قال عن السودانيات شنو ؟؟!! أنا غايتو ما بتذكر كلامو..
11-08-2011, 11:49 PM
ريهان الريح الشاذلي
ريهان الريح الشاذلي
تاريخ التسجيل: 02-22-2005
مجموع المشاركات: 2178
اضفت لهواياتي البائدة هواية البحث عن الفروقات السبعة بين اشكال النسوان بتوعين التلفزيون اول ايامهم الاعلامية واشكالهم بعد مرور سنة ... اختلافات مذهلة وجديرة بالتامل وبتثبت فعلا المثل السوداني الاصيل ..."البني ادم بتخلق خلقتين"
11-08-2011, 11:57 PM
nadus2000
nadus2000
تاريخ التسجيل: 02-05-2002
مجموع المشاركات: 4756
دينا يجازي محنك و كل عام وانت بخير. ولابده وين يعني وفاكه فينا فاروق عثمان ي سك ل ب لوحده(هههههههه) اعلمي حسابك نقته الفيس بوك بتغلب البعض بيجوا يتجرسوا لينا بجاي!(ههههههه)
آخر متدخل قبلي لقيته ابراهيم عدلان! قلت تتجازه المفعوصه دي (دندون طبعا) ل(مولانا الخليفه) ده دشدشته برضو!
11-09-2011, 00:44 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
يا رجروج ياخى دى انا المدشدشه وانتى ماجايبة خبر بناتك فاضية لى من ناس شالوم وكسر الرقبة ؟
رشا عوض كانت الاولى بامتياز ... مسكت لب الموضوع وتحدثت حديث العارفه عن حقيقة مشاكل النساء ومفاصل الازمة بصورة موضوعية ساهمت كثيرا فى توجيه النقاش بشكل كاد ان يكون جيد لولا التدخلات العشوائية لمقدمة البرنامج ..
ــــــــــــــــــ اذا ظل التحديد الواضح لدور مقدم البرنامج غائبا عن المخرج وعن المقدم ذاتو,, سيظل المقدم يبحث عن دور له طوال الوقت فى حديث المستضافين !! وح يبوظ الحاجات مهما كانت ثقافتو ومعلوماتو عن الموضوع
11-09-2011, 07:24 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
ولما جا الحديث عن النجوم ! الناس ديل كلللها معتبرين نفسهم نجوم ... ناسين انو الموضوع دا بحددوا الجماهير ما هم .. وكان ما اخاف الكضب ذى فى حديث كدا كان عن البودى قارد والسكرتير الخاص ووووووووو مبالغة !
ـــــــــــــــ نضال الحاج محتاجه تلزم الجابرة شوية حتى لا تفسد ماحققته حتى الان ....
11-09-2011, 07:49 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
Quote: إنتو عفاف حسن أمين دى مالا بقت تشبه ندى القلعة !!
هسه دا مدح ولا ذم ؟؟
وانت طيب يا نادوس .. ونادوسه بخير والعيال ..
يا ريهان بطلى المطاعنه ياخ
Quote: اضفت لهواياتي البائدة هواية البحث عن الفروقات السبعة بين اشكال النسوان بتوعين التلفزيون اول ايامهم الاعلامية واشكالهم بعد مرور سنة ... اختلافات مذهلة وجديرة بالتامل وبتثبت فعلا المثل السوداني الاصيل ..."البني ادم بتخلق خلقتين
انتى قاصده منو ؟ العصر اتجاوز المثل السودانى زمان يا رهون ! الخلقة بقت تتبدل مع الهدوم والاكسسوريس .. ام خلقتين دى انتى .... لوووووب . انتى قاصده اختلاف اللون ولا الوشوش ولا الافكار ولا المشاعر !!! عيييييييييك يا قول بش بش ..
ـــــــــــــــ بس بتفضل الحكمة الخالدة الكلام على الاخلاق ... الخلق دى انشالله بعد دا يبدلوا بيها العده ما خصانا !!
11-09-2011, 08:07 AM
عبدالله الشقليني
عبدالله الشقليني
تاريخ التسجيل: 03-01-2005
مجموع المشاركات: 12736
صاحبة الملف : الأستاذة / دينا خالد كل سنة وأنتِ بألف خير ، ... لنذهب إلى المُحتوى :
نساء مُختلفات ... كَسرنَّ سطوة سلطان الذكورة.
في هدأة الليل أطلت علينا قناة " النيل الأزرق " . واصطففنَّ سيدات وآنسات قدمنَّ صورة مُغايرة عما اعتدنا في مجتمعنا . صور لناهضات في دروب الفن والشِعر والمسرح والكتابة الصحافية والتقديم التلفزيوني والغناء الجديد الذي بدأ يرسم ملامح ما بعد سيطرة " السلم الخماسي " ، وكمٌ هائل من بساطة التقديم وعفوية الاستراحة بين نماذج تستحق أن تنحني الهامات لجلال إبداعهُنَّ.
للمرء أن يستريح أن وجدت الأنثى ، ذات الصوت المتفرِّد في مجتمعٍ أخذ فيه أصحاب السطوة من أهل السلطان فُسحة من تطبيق شرائع عفا عنها التاريخ ،و مُجتمعٍ لما يزل مُجدباً في حقل إنصاف المرأة ، وكسوة حياة نصف المجتمع ببعض القدرة على الحياة " خارج الصندوق " الذي رسمه المجتمع الذكوري ، وشيد به شرنقة حديدية للمرأة ،كي لا تخرُج إلى الدور الريادي الذي ينتظرها منذ تاريخ طويل .
*
11-09-2011, 08:13 AM
munswor almophtah
munswor almophtah
تاريخ التسجيل: 12-02-2004
مجموع المشاركات: 19368
امسكى انتى فى كلام حبوباتك المن زمن حفروا البحر دا واقعدى كدا .. خلقتين قال !!
شوفى ديل من موقع الياهو هذا الصباح ... لم يعد من السهل هذه الأيام أن نجد ممثلة اكتسبت شهرة عارمة فى الوسط الفني وحازت على العديد من ألقاب الجمال والاناقة دون أن تكون قد خضعت لكم هائل من عمليات التجميل للوجه أو الجسم. وهذا الأمر لا يقتصر على النجوم العرب فقط، فنجمات هوليوود هن اول من خضعن لهذه التجربة التى تعد بطبيعتها مغامرة غير محسوبة تحتمل الخطاً والصواب فالنتيجة لا تكون إيجابية ووردية فى كل مرة كما نتوقع، فقد يتحول الأمر لكابوس فى حالة ارتكاب الطبيب لخطأ ما، وبعدها يكون قد فات الأوان فلا يبقى امام النجمة سوى أن تواجه المجتمع باللوك الجديد أو ان تجازف بالخضوع لسلسلة أخرى من عمليات التجميل غير المحسوبة. فى السطور التالية سنعرض قائمة بأشهر نجمات هوليوود اللاتي خضعن لعمليات التجميل والتغيير الذي حدث لهن والذي كان بعضه إيجابياً والبعض الآخر مروعا...
وانتى لسه معلقة لى فى الخلقتين !!! ومستكترين على بتاعاتنا ديل مجرد المسيييح ؟؟؟ بتبالغى انتى وعمر !
1 - جينفر أنيستون جينفر انيستون من أشهر النجمات التى حالفهن الحظ عندما خضعت لعملية جراحية للأنف بهدف تصغيير حجمها بعض الشئ، وأهم ما فى الأمر أن معجبي أنيستون لم يلحظوا هذا الأمر تماماً وهو ما أكد نجاح التجربة
2- ميلاني جريفيث تعرف النجمة ميلاني جريفيث التى تبلغ من العمر 57 عاماً بكثرة ترددها على مراكز التجميل والخضوع لعمليات التجميل الجراحية ولكن رغم ذلك لم تفلح فى إخفاء علامات الكبر التى برزت عليها وما زاد الأمر سوءاَ العملية الجراحية التى أجرتها مؤخرا لتكبير وملء الشفاه العلوية بدافع أن هذا النوع من الشفاه هو الأكثر إغراءً وجاذبية ولكنها بدت غير طبيعية وشوهت ملامحها
3- ميجان فوكس لا أحد يمكن ان ينسى الوجه الطفولي لميجان فوكس الذي ظهرت به فى المسلسل التيلفزيوني الذي كان سببا فى شهرتها "8 simple rules". لكنها كانت سعيدة الحظ عندما خضعت لعدة عمليات تجميلية ناجحة قامت من خلالها بإبراز ملامح وجها بشكل أفضل وهو ما ساعدها فى الحصول على لقب أشهر جميلات العالم عدة مرات
4- ليل كيم من أسوء العمليات التجميلية التى خضعت لها المغنية السمراء ليل كيم والتى قامت من خلالها بنحت الوجنتين والأنف بشكل مبالغ فيه شوه طلتها وبدت وكأنها دمية مصطنعة.
5 - ألين دي جينيريس لم تسطع ألين دي جينيريس الوصول للشكل المثالي من خلال عمليات التجميل فعلى الرغم من أنه خضعت لعملية ناجحة لتحسين مظهر الجفون المرتخية وشد بعض أجزاء الوجه إلا أن علامات الكبر مازلت تظهر عليها.
6- ليزا رينا بتجربة سيئة للغاية تحولت ابتسامة ليزا رينا الجميلة إلى مظهر تشمئز منه العين وذلك عندما قامت بنفخ شفتيها بشكل مبالغ فيه.
7- آشلي سيمبسون كانت تجربة آشلي سيمبسون ناجحة مع عمليات التجميل فلقد خضعت لعملية واحدة قامت فيها بتنحيف وتحديد أنفها قليلا مما جعلها اكثر جاذبية
8- جون ريفر إذا تحدثنا عن الكم الهائل لعميات التجميل التى خضعت لها النجمة الكوميدية " جون ريفر " التى تبلغ من العمر 78 عاماً فلن ينتهي الحديث، لكن كل ما عليك معرفته أنها حاولت من خلال العديد من عمليات شد الوجه العودة لطلتها الشبابية التى كانت عليها من قبل لكنها فشلت فشلا ذريعا واستمرت طلتها العجوز هكذا منذ فترة طويلة.
9- دوناتيلا فيرساتشي قبل النظر إلى صورة دوناتيلا يجب أن تعلمي انه ليس هناك امرأة على وجه الكرة الأرضية تمتلك شفاها طبيعية ممتلئة ومنبعجة بهذا الشكل المروع. ولكن النجمات دائماً ما يتصورن أن شد حواف الفم ونفخ الشفاه سيجعل الشفاه تبدو أكثر جاذبية. إلا أن هذا الإعتقاد خاطئ والدليل هذا المظهر المثير للإسمئزاز التى تحولت إليه مصممة الأزياء الإيطالية دوناتيلا فيرساتشي.
ــــــــــــــــ والله حبوبتك دى اخطر من بتاعة غريبة !! قالت ليك بى فور وافتر ؟؟ لكن مرات كدا ما بتقدرى تعرفى البى فور ياتها والافتر ياتها ! بس ليز نمرة 6 دى بالغت عملت شلاليف عديل كدا !!! طيب ديل ياخى حامينهن المسييح مالكم !!
11-09-2011, 08:48 AM
ASHRAF TAHA
ASHRAF TAHA
تاريخ التسجيل: 08-04-2007
مجموع المشاركات: 1017
Quote: اذا ظل التحديد الواضح لدور مقدم البرنامج غائبا عن المخرج وعن المقدم ذاتو,, سيظل المقدم يبحث عن دور له طوال الوقت فى حديث المستضافين !! وح يبوظ الحاجات مهما كانت ثقافتو ومعلوماتو عن الموضوع
دي إتفوقت فيها على نفسك
وياهو دا الوجع واسباب الملل في تلفزوناتنا
مافي مشكلة ياخي أبقي الرئيسة
11-09-2011, 09:36 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
Quote: .والغناء الجديد الذي بدأ يرسم ملامح ما بعد سيطرة " السلم الخماسي
ووووووووووو يا شقلينى !!! انا فعلا نسيت البت دى نسيا ايزا شاكر ... كانت احدى المشاركات بقوة .. اجمل حاجة انها بتغنى وابوها بعزف ليها ... هى اتاريها مرقت من الخماسى ؟؟ وانا اقووووول لى ما فرزت الغنا دا ؟
غايتو بصراحه الا يجينا الموصلى ... يورينا هى بتعرف تغنى ولا لا .. ودا كلو قبل ما شناف القوم عمر الفاروق يسمع ويجى يغالتو !!
بله الفاضل !! لوووووب اقسم بالله انا قاصد الكوشة التانية .. لكن اصبر بلاقيك فى حته تانية ....
حمد غفار دائما (بتلتقط ) كلامى وفكرتى وبتقيف معاى فى (الانتباهات ) بتاعتى بشكل غير مسبوق شكككرا لتفهمك ...
ــــــــــــــــ مافى زول يوريكم بعيدوها متين ؟
11-09-2011, 10:05 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
Quote: رشا عوض كانت الاولى بامتياز ... مسكت لب الموضوع وتحدثت حديث العارفه عن حقيقة مشاكل النساء ومفاصل الازمة بصورة موضوعية ساهمت كثيرا فى توجيه النقاش بشكل كاد ان يكون جيد لولا التدخلات العشوائية لمقدمة البرنامج ..
الوحيدة القدرت أفهم منها حاجة ، أو بالأحرى ربما كان طرحها يوافق أفكارى ..
11-09-2011, 09:09 PM
Balla Musa
Balla Musa
تاريخ التسجيل: 12-30-2004
مجموع المشاركات: 15238
والله وما طالبانى حليفة ما عرفت (افتر) من (بى فور) فى صورتك دى الا بالتجعيدتين الحلوات ديل ياخ اقييف كتيير الزول دا فى (بى فور) !!
نابرى !! هسه نعتمد رايك دا بى ياتو صفة ؟ ناقد ؟ بالانابة ؟ بالشلاقة ؟؟ خلاس والله ما نرجعك ... شفت كيف ؟ لكن يوسف دى ما فهمتها ... لو تشكيك اخد راحتك ...
11-10-2011, 01:19 PM
Afraa Sanad
Afraa Sanad
تاريخ التسجيل: 05-18-2009
مجموع المشاركات: 1751
Quote: لكن يوسف دى ما فهمتها ... لو تشكيك اخد راحتك ...
يا دينا ياخ ما تحرجي الناس البثنوا في البوست داك ياخ افهميها طايره انا قصدي فنانة في مواضيعك كانك بت خالد يوسف المخرج تلميذ يوسف شاهين . شفتي كيف انتي بتجليطها براك!!!؟ اسرعي امسحي سؤالك دا قبل د فاروق و شلتوا يشوفوهو و قبل قيقراوي يشوفوا وينتحر . لو مسحتيهو انا بمسح تفسيري دا و استرك تب لووووووووووول
11-10-2011, 10:55 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
دوما يا دوما يا ست الحلا والجمال والله هم لو عرفوا .. فانتى الاجمل ,, دا كلو من مسييح الكركار والمساير الخطيرة .. ياخى ما تجدعى لينا صورة كدا افتر اند بى فور من النوع الجامد عشان ناس البورد دا يفهموا حاجة .. ويامنوا
فى عضو عنده افتر اند بى فور رهيييبة لكنو جبن !!
طبعا بى فور كانت بتاعة الدافورى وايام اللساتك وافتر بتاعت المنافى وياقول باوقة الماكدونالز والابس كريم ! فرق تقولى لى ليزا يا عفراء
صبرى طه وين كنت انت ؟؟؟ كل سنه وانت اطيب واجمل و(الطف ) القذافى دخل لينا مصطلح لطافة على العلينا مالك جايى قايم بى سته ! لمى دى انا بعرفه من زمن اطفال فى الكويت .. صدق ؟
خالد المحرب ... سلامات وتسلم ها الطلة يطرشنا بالزول البعدل بعد يوم !! مداخلتك كانت ذيى العجب جميلة ورصينه وفرحانين بيها قمت عليها بلااااا سبب زعمطتها !
11-11-2011, 07:34 AM
خالد المحرب
خالد المحرب
تاريخ التسجيل: 01-14-2007
مجموع المشاركات: 5705
Quote: خالد المحرب ... سلامات وتسلم ها الطلة يطرشنا بالزول البعدل بعد يوم !! مداخلتك كانت ذيى العجب جميلة ورصينه وفرحانين بيها قمت عليها بلااااا سبب زعمطتها !
هههههه لانى جيت تانى يوم لقيت كل زول شايل صوره وجاى شكرا يا دينا انا الشى الخلانى اعدلها ياستى انو لقيت الشغله كلها صؤر بنيات وانا حايم فى النص افتكرت اننى كنت اعرض خارج الحلقه كتبت كلام مختلف عن الموضوع وعليه زعمط المداخله شكرا ياستى تسلمى بس احتمال انا جاد اكتر من اللازم
11-11-2011, 08:28 AM
محاسن زين العابدين
محاسن زين العابدين
تاريخ التسجيل: 02-21-2008
مجموع المشاركات: 1440
رانية الشيخ نموذج اخر لنساء خارج الشبكة يا بت يا رانية دى ما مسابقة شيلى الباقى بتاعك ياخ لووووووب
الرد الاول دا بحكى عن برنامج جابوه فى العيد فى قناة النيل الازرق البرنامج اسمو (هن الاجمل) بتكلم وبحكى عن مشاكل النساء ووضعهن المعذب فى المجتمع يعنى هن الاجمل دا ما كلامى انا ولا بتحدث البرنامج عن الجمال لا بتكلم عن النساء صدقى !!!
اها الصور دى صور ضيفات الحلقة كل ضيفة نزلنا ليها صورتين (قصرنا معاها) الصورتين التالته والرابعة للشاعرة نضال الحاج ماااا اظنها احت روضة الحاج .. وكل صورتين اسم ستهم جمبهم ... اح ح ح ح ح ح ايدى وجعتنى بقا ..
ــــــــــــــــ الحقنا يا ود البشرى خلاص اللحم كمل .. الواحد بقى يكتب البوست ويشرحو !!! وشوف لى معاك سفيان دا .. اتخصص فينى الليلة ,,,
مبسوطة جداَ اليومين ديل عشان القناة وصلتنا أخيراَ... رأيي عن الحلقة : بالصدفة تحولنا لقناة النيل الأزرق و كانت هذه الحلقة. لا أعرف كم من الوقت مضى منها. شعرت بعدم ترتيب في الأفكار و خلل في الإعداد رسالة الحلقة كانت ضعيفة و ما واضحة!
بالنسبة لرشا... يبدو أنها عندها الكثير والحلقة أقصر من إستياعبهم كلهم للحديث. الموضوع ضخم لجلب الباقة المشكلة دي للحديث عنه في وقت قصير.
نضال .... ما عجبتني قصيدة أنا بكرهك.
ليزا شاكر ... صراحة لا أفتي و مالك في المدينة (سفيان) و أهو قال ما بتعرف (برضو حسيت)
ما إستفدت شئ من الحلقة... مليت وقفلت التلفزيون!
أعجبت بتلقائية عفاف و أدائها للقصيدة كان رائع.
11-11-2011, 09:41 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
Quote: في هدأة الليل أطلت علينا قناة " النيل الأزرق " . واصطففنَّ سيدات وآنسات قدمنَّ صورة مُغايرة عما اعتدنا في مجتمعنا . صور لناهضات في دروب الفن والشِعر والمسرح والكتابة الصحافية والتقديم التلفزيوني والغناء الجديد الذي بدأ يرسم ملامح ما بعد سيطرة " السلم الخماسي " ، وكمٌ هائل من بساطة التقديم وعفوية الاستراحة بين نماذج تستحق أن تنحني الهامات لجلال إبداعهُنَّ.
للمرء أن يستريح أن وجدت الأنثى ، ذات الصوت المتفرِّد في مجتمعٍ أخذ فيه أصحاب السطوة من أهل السلطان فُسحة من تطبيق شرائع عفا عنها التاريخ ،و مُجتمعٍ لما يزل مُجدباً في حقل إنصاف المرأة ، وكسوة حياة نصف المجتمع ببعض القدرة على الحياة " خارج الصندوق " الذي رسمه المجتمع الذكوري ، وشيد به شرنقة حديدية للمرأة ،كي لا تخرُج إلى الدور الريادي الذي ينتظرها منذ تاريخ طويل . [/QUOTE
الشقلينى كل سنة وانت طيب تسلم يداك
دينا التحايا والتهانى بالعيد كل سنة وانتى طيبة
سبقتينى على البوست ده وده الاجمل شكرا ليك السهرة حضرتها لولا رشا كنت قفلت التلفزيون المقاطعة ونسرين فقعت مرارتى عدييييييييييييييييل محاولة طرح امكانياتها المعرفية كتير بضر بيها زى سهرة حميد العيد الفات برضو خربت السهرة دى الاصرار على الاسئلة الشخصية ما كان موفق السعى للرود حسب مزاجها هى كان مشكلة نضال كتابة بس تقراء شعر ما تتكلم عفاف الله يهون عليها المفاهيم جايطة عندها جد تهانى الباشا سابحة وسايحة فى عوالم بعيدة انا لم افتكرتها بجسد فى شخصية فى خشبة المسرح
غايتو مرات يقصدوا القضايا المهمة وما يطرقوا ليها السهرات دى الله يكفينا شرها
معليش جيت بى نمرة اربعة لك فشيت مغستى
ههههههههههههههههههههههه
11-12-2011, 02:53 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
دينا شايفة بوستيك ده لي زمن، لكن بصراحة بحس بذنب اني ما تميت الردود علي بوستيني، و انطط في بوستات الناس، لكن غلبني، لوول
ملاحظات و من غير ترتيب
ليزا و عفاف ديل خاتينهم مطرفين كده ليه؟ يعني عشان الفي النص ديل هم النورم السوداني بتيابهن او حنتهن و الفي الطرف ديل ما النورم Norm؟
نسرين بالرغم من تلقائيتها و حضورها الجميل في التلفزيون محتاجة تحضر اكثر للحلقة.
الفهم الذكوري و ما الفهم الذكوري: رشا تقول ليها الفهم الذكوري مسيطر! نسرين تقول ليها لمن تعرسي العصمة ح تكون في يدك؟ اها، و كان العصمة في يدها، الواحد طلع كيف من هيمنة المفاهيم الذكورية؟ و هل دي من اولويات التخلص من الفهم الذكوري؟
يا نسرين عنوسة شنو لوصف النساء الما تزوجن؟ اسي الراجل كان حصل عمرة ستين سنه و ما تزوج، بيقولو ليه عانس؟
و عايزين سترة الحال للبنات، لكن بالشكل البيحسو فيه كرامة ليهن؟ و ما دايرين سترة الحال للاولاد يا نسرين ياخ؟ قصدي للرجال؟ بنات؟ الواحدة كان بقي عمرها تمانين سنة و ما تزوجت يقولو ليها بنت الولد من عمره سنتين اسمه راجل البيت
بعدين اسي شنو الدخل احتياج المراة للرجل و الهيمنة الذكورية؟
رشا صبورة و الله، مع المقاطعة - كان نفسي مره تسخن شوية و تطلع من دور المستضافة و تقول خلوني اكمل كلامي
و ليزا بالرغم من انه تم تقديمها كمختلفة برضك ما تكلمو معاها كتير، طبعا دي حركة ثابته في برامج العيد انه يجيبو ليهم لمه كبيرة من ناس مع فنان او فنانة بس عشان يطرب، و دايما الفنان بيكون قاعد مطرف, ما حلوة ياخ الحركة دي
عفاف تلقائيتها حلووة و عجيبة قاعدة تمثل؟
عموما، نقلة في برامجنا و احسبها نقلة سمحة
11-12-2011, 03:09 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
انت يا عمر رحاب دى ما تقول ليها الكلام عدييييل بترمز مالك ؟؟
يا رحوبة ياخى خطوة عزيزة وكل نص سنة وانتى طيبة مشاركتك دايما مفيدة بس شاغلك مننا البلاط دا وقبل ما نشوفها كلها فى حاجة بسيطة خلينا نشرحها هنا مش ليك انتى .. بس بصورة عامة عشان المناسبة جات
Quote: الفهم الذكوري و ما الفهم الذكوري: رشا تقول ليها الفهم الذكوري مسيطر! نسرين تقول ليها لمن تعرسي العصمة ح تكون في يدك؟ اها، و كان العصمة في يدها، الواحد طلع كيف من هيمنة المفاهيم الذكورية؟ و هل دي من اولويات التخلص من الفهم الذكوري؟
فى ناس كتار بتخيلوا انو العصمة فى يد المرا دى معناها حق الطلاق بيسقط عن الرجل وبنتقل للمراة لكن ابدا الرجل حقه فى الطلاق ثابت لا يتزحزح شبرا فى كل الحالات يمكنه ان يطلق بلا قيود .. اشتراط العصمة للمراة فى عقد الزواج معناها انو عندها الحق تطلق نفسها دون التقيد بالاسباب الواردة فى القانون او حتى دون ابداء اسباب استنادا للحق المشروط فى عقد الزواج ،، وفى هذه الحالة يتم توقيع الطلاق بواسطة القاضى او المأذون عند البعض .. ولا يقع بواسطتها مباشرة ..
ـــــــــــــــ اقول قولى هذا واستغفر الله لى ولكم .. ح يجينى هسه يقول لى المابتلحقوا الشكر لى حماد والحسنة فى المنعول !
11-12-2011, 04:05 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
ودا تعليق تيسير النورانى فى مداخلتها فوق اتلخبت ليها مع الكوت ننقله هنا لانه جدير بالقراءة ... وكل سنة وانتى طيبة يا تيسير ..
كتبيت تيسير :::
الشقلينى كل سنة وانت طيب تسلم يداك
دينا التحايا والتهانى بالعيد كل سنة وانتى طيبة
سبقتينى على البوست ده وده الاجمل شكرا ليك السهرة حضرتها لولا رشا كنت قفلت التلفزيون المقاطعة ونسرين فقعت مرارتى عدييييييييييييييييل محاولة طرح امكانياتها المعرفية كتير بضر بيها زى سهرة حميد العيد الفات برضو خربت السهرة دى الاصرار على الاسئلة الشخصية ما كان موفق السعى للرود حسب مزاجها هى كان مشكلة نضال كتابة بس تقراء شعر ما تتكلم عفاف الله يهون عليها المفاهيم جايطة عندها جد تهانى الباشا سابحة وسايحة فى عوالم بعيدة انا لم افتكرتها بجسد فى شخصية فى خشبة المسرح
غايتو مرات يقصدوا القضايا المهمة وما يطرقوا ليها السهرات دى الله يكفينا شرها
يادندون شفت البوست في الاول ..وما عرفتك بتتكلمي عن شنو ..
اليلة شفت الحلقة اظنها الإعادة..
وحسب قعدتهم قي البرنامج
رشاعوض دي نموذج براااهو ..حاجة تفرح
عفاف حسن أمين عندها نكهة خاصة تتفق أو تختلف معاها..
نسرين نمر مقتدرة لكنها محتاجة تسمع الناس بقولوا في شنو ومحتاجة تخلي ابداء رأيها في كل المحاور البتطرحا .. !!
نضال الحاج قطعة سكرة وبعجبوني الناس البعتزوا بالبيئة الجو منها ..بعدين يا دينا هي قالت سالوها اذا كان عندها مدير اعمال ولا لا ما بودي قارد ماتكتري المحلبية..لوول لكني برضو استغربت ..في الشعراء العندهم مديرين اعمال ديل ..!
أما ليزا شاكر مع احترامي لنوعية الغناء البتقدموا لكنو ما بطربني ابدا ..
11-12-2011, 08:05 PM
ندى صالح الطيب
ندى صالح الطيب
تاريخ التسجيل: 04-29-2010
مجموع المشاركات: 602
يا ندى صالح الصورة الفي بروفايل دينا دي حقت بت خالتها إتوفت بي سبب الصبغة .. دينا أسمح من بت خالتها دي بي مراحل..وإن كان فيها شبه من اللاعب البرازيلي ريفالدو..
11-12-2011, 10:59 PM
tayseer alnworani
tayseer alnworani
تاريخ التسجيل: 07-30-2007
مجموع المشاركات: 1500
Quote: ودا تعليق تيسير النورانى فى مداخلتها فوق اتلخبت ليها مع الكوت ننقله هنا لانه جدير بالقراءة ... وكل سنة وانتى طيبة يا تيسير ..
دندونة وانتى طيبة حبيبتى شكرا جيهتى لى كلامى
والله انا مرات بستغرب من السهرات دى ما بقعدوا ليها فى الواطة وبرتبوها ليه مثلا واتمنى انك تعملى ليها بوست برضو سهرة الدلوكة أغرب حاجة استاذة سارة ابو من بدت كلامها قالت الليلة جندر مافى هههههههههههه ضحكتنى علاقة الحندر بسهرة الدلوكة شنو ما قلت ليك عندنا مشكلة مفاهيم تحيييييييييير
بجيك راجعة
11-12-2011, 10:50 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
يا دينا غايتو بالغتي معاي ... كان تنبهيني ... بالله عليك "هن الأجمل" دة اسم برنامج ... هبلتي بي وخليتيني جيت شايت ضفّاري ساكت كدة ... على العموم بعتذر وبهديكم حلقة البرنامج من اليوتيوب:-
الأخت دينا ... كل سنة و الجميع بخير و الله ريحتيني بالبوست ده راحة ... الله يريحك دنيا و آخرة.
مقدمة البرنامج قد تكون متمكنة لكنها تحاول إبراز إمكانياتها و لو كان على حساب الموضوع المطروح.
رشا عوض عندها كلام مهم و مفيد كتير لكن مع الخستكة و محاولة جعل الأمر و كأنه جلسة صحبات ما أداها فرصة لدرجة أنها في لحظات تحس بيها متضايقة.
تهاني الباشا بالغت بس!!!!
عفاف حسن أمين برضو ممكن تكون كويسة لكن التبسط الأكتر من اللازم خلى البرنامج و كأنهم قاعدين في حوشهم العصرية و بتونسوا يعني ما ممكن تقول للمذيعة "كضابة" في برنامج تلفزيوني.
نضال تقول شعر و بس.
ليزا شاكر بتفق تماماَ مع سفيان نايري.
غير كده الحلقة كانت جميلة :)))))
11-13-2011, 09:21 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
ادريس عوض سلامات .. اكتب انت مالك ما بتكتب الفنانه نزلنا صورها اها انشالله عجبتك ؟؟ شايفه كل الناس ما انطربت لى طريقة الاداء وحسب الشقلينى قال انها طلعت من الخماسى قلنا امكن يكون دا السبب ؟؟
نادينا الموصلى لانو سفيان داير يستخدم اضانو ساى ويقدنا .. ما ح يعرف لينا الخماسى من يوسف السباعى !!
Quote: الشي التاني حماد المشكر روحو فوق براهو عايز ادلو على الشراء الجد جد عشان يشيل قندولو و يفلحط من هنا .
الكلام دا مع عمر الواااااحد دا ؟؟؟ واللييييييييييييلة !!!
ـــــــــــــــــــ والله خالد يوسف دا ولا بتعرف ولا حاجة انسب لى ناس واضحين عشان الفهم وكدا ..
11-13-2011, 10:05 AM
انعام حيمورة
انعام حيمورة
تاريخ التسجيل: 06-29-2006
مجموع المشاركات: 11094
ورشا عوض قالت جملة واحدة لخصت ما يجب على كبار الموظفين فى الخدمة المدنية أن يراعوه
هو أن انو يجب عليهم تقديم كل التعاطف والاحترام للموظفات فى ظروف الولادة والاسرة
لأنهن ببساطة أضافوا لينا انسان جديد للحياة.... ينصر دينك يا رشا ياخى
الشاعرة جميلة جدا وكتابة والقاها للقصائد جميل
مقدمة البرنامج تمر على الاذن مرورا جميلا وصاحبت فكرة ودايرة الحوار يمشى بالطريقة دى .. انتوا مالكم؟؟ اضافة لأنها طلة حلوة وما عاملة مكاييج مشوهه للخلقة زى ما اتعودنا من المذيعات
الفنانة بصراحة انا زول قديم وما قدرت استحملها .. لكن ما كان عندى غسيل زى انعام
البوست دا لا يخلو من غيرة نسوان وكدا ...
كل سنة وانتن طيبات
11-13-2011, 01:18 PM
احمد التجانى احمد
احمد التجانى احمد
تاريخ التسجيل: 11-11-2006
مجموع المشاركات: 3155
Quote: فى ناس كتار بتخيلوا انو العصمة فى يد المرا دى معناها حق الطلاق بيسقط عن الرجل وبنتقل للمراة لكن ابدا الرجل حقه فى الطلاق ثابت لا يتزحزح شبرا فى كل الحالات يمكنه ان يطلق بلا قيود .. اشتراط العصمة للمراة فى عقد الزواج معناها انو عندها الحق تطلق نفسها دون التقيد بالاسباب الواردة فى القانون او حتى دون ابداء اسباب استنادا للحق المشروط فى عقد الزواج ،، وفى هذه الحالة يتم توقيع الطلاق بواسطة القاضى او المأذون عند البعض .. ولا يقع بواسطتها مباشرة ..
دينا يا ابنتى , الطلاق بيجى بعد الزواج فحريا بك ان تجيهى شئون الزواج ابتداء وبعدها يمكنك الافتاء ما طاب لك فى امور الطلاق كل سنة وانت طيبة
11-13-2011, 01:25 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا سلااااام يا ود البشرى ! دايما بتفهمنى ... وبتاخد بالك منى دى مافى زول بعملها لى فى البورد دا ! قايلنى ما مفتقداك ؟؟ والله اشيل وانده انشالله ما يكون فى تجديد بيعة العيد منعوا النت .. انشالله ما يكون منعو .. اننشالله ما يكون منعو قلبى فى يدى من يوم العيد ..
احمد التجانى لوووووووووووووب يا محرج .. لكن بينى وبينك الزمن العلينا دا الواحده مفروض تتدبر الطلاق قبل الزواج وهو دخول القفص ذيى خروجو ؟؟ هسه انا كل ما واحد يخطبنى اتحسس (ماهيتى )!!
العجمى !! انعل ابو العامل مكياج .. اى واحده دخلت هنا بضمنها ليك انا كان عارفه سجما فى المكياج ... وانت مالك ما عندك غسيل !!!
ــــــــــــــ هم الاقيف ياخ !
11-13-2011, 03:13 PM
خالد عبد الله محمود
خالد عبد الله محمود
تاريخ التسجيل: 11-28-2004
مجموع المشاركات: 5393
و الله يا دينا كرهتونا التلفزيون في العيد .. أي قناة تفتحها تلقي ليكـ شوية نسوان ملمومات و واحدة شايلة ليها دلوكة ... برامج القنوات التلفزيونية السودانية كلها نسخ من بعض .. بالله يا دينا و بصفتكـ مسؤلة من الشؤن الفنية في البورد و كده قولي لي إنصاف مدني دي تاني ما أشوفكـ في أي قناة تلفزيونية لمدة سنة .. كملتي حقكـ كلو في اليومين الفاتو ..
* نانسي عجرم في عينكـ يا عمر الفاروغ
11-13-2011, 05:33 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يا سلااااام يا ود البشرى ! دايما بتفهمنى ... وبتاخد بالك منى دى مافى زول بعملها لى فى البورد دا ! قايلنى ما مفتقداك ؟؟ والله اشيل وانده انشالله ما يكون فى تجديد بيعة العيد منعوا النت .. انشالله ما يكون منعو .. اننشالله ما يكون منعو قلبى فى يدى من يوم العيد ..
كدا ود البشرى ضمن الوظيفة بعد تترشحي وتفوزي بالرئاسة
يلا يا دينا النجيك للشناف والقصص الجد جد
رشاء عوض دي برلومتي و ما عندي فيها إي كلام دي بت فاهمة و واعية و بتتكلم في المواضيع بمنطق شديد المشكلة انو المذيعة ما دايرة كلام زي دا و عايزة تتونس !!! و بتحسسك انو عندها كلام في رأسه دا عايزة النسوان ديل يقولوهو عشان كدا بتقاطع وتوجه و تضارف في النضم عشان يجي في خطها.
اها المذيعة نسرين نمر انا طبعاً لا بتغطي معاي و لا حاجة و جنها نضم و مقاطعه و دائما بتتكلم اكتر من الضيف و في مرات بتتكلم عن نفسها .
عفاف حسن آمين ممتازه جدا و تلقائية بس تبطل الصهدبه دي و تنسي التلقائية المفتعلة .
ساره ابو دي ممتازة برضو و عااارفه عايزة تقول شنو وكيف .
انصاف مدني تغني و تخبت دلوكته دي و ما تقولى اي حاجة تاني (شفته في قناة أم درمان تنضم لاحول الله) .
كان كلامي دا غطى معاك وريني كان ما غطي برضو وريني عشان اجي ادور شناف اكتر .
11-13-2011, 02:46 PM
سناء الصباغ
سناء الصباغ
تاريخ التسجيل: 06-06-2008
مجموع المشاركات: 474
شكرا جزيلا يا صبري طه على انزال الحلقة أنا كل مرة أخش البوست أقول بيكون جاء خبير أجنبي جاب لينا النجيضة لانو نحن ما بنقدر نشوف النيل الأزرق وصاحبة البوست عاملة فيها تفتيحة وهي الظاهر عليها علاقتها بالتكنلوجيا زي علاقة ليزا بالغناء ايا كان السلم وعشان ما بحب اغتيال الشخصية ليزا شكلها لذيذ وطاقيتها حلوة.
زعلت جدا من انعام حيمورة في تعليقها على رشا والله يا انعام بالغتي الصادق لو كان بفكر بالطريقة دي ما كانوا ناس الانقاذ بقونا خالين من الكوليسترول( قلت امقلب بكري لانو يمكن لو كتبت طلعوا زيتنا يجي يشخبتها لي زي حقت ###### ك ل ب )
اول حاجة رشا دي كانت أجملهن على الاطلاق واجمل من سودانيات كتار ما جوا الحلقة واجمل من دينا الفي الصورة والاصلية
قولوا لي ليه. أولا افكارها مرتبة وعارفة نفسها بتسوي في شنو وعاوزة توصل ياتو فكرة ياريت كل النساء المهتمات بقضايا الوطن وقضايا الجندر يكن بهذا الوعي
تهاني دي منشية (من النشا البعملوه للهدوم ما المنشية الحي) وتوبها زاتو منشى بتشديد الشين وقالت دي شخسيتها الطبيعية وانا زي ما قلت ليكم ما بدور اغتيال الشخصية لكن كمان هي حقو تعرف انو الكضب حرام.
عفاف دي فيها شيء كدا بيعجبك ما بتقدر تحدده لكن برضو في حاجات كدا ما واقعة ليها لو قعدت واشتغلت عليها عندها الامكانية للتطور.
والله بعد ما كتبت الكلام الفوق دا كله قلن والله حانت الزلابيا اي سودانت ممكن يعمل نفسه ناقد ويجي يحاكم الناس بانطباعه هو قربت امسح المداخلة تاني قلت يعني عمر الفاروق احسن مني.
انعام حيمورة ان شاء الله تقوم هبوب ت###### ليك غسيلك قبل ما ينشف عشان تعيديهو تاني قال بتحاكي الصادق قال.
11-13-2011, 04:22 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
يا صبرى ياخ انت كفرت ذنوب سنة بجلبك للحلقة عاجزين عن الشكر .. وشتارتك غتيت عليها بالكامل ..
بالله عاين للدقيقة 20 وواحد عشرين شوف المذيعة دى عملت شنو مع رشا !! معقول ! المخرج كان وين ؟ وتانى شوف الدقيقة 34 عملت شنو ! جانى احساس انها بتستممممع للكلام الساى وبتقاطع بشدة الكلام المليان !!! شفتى يا الصباغ قوة العين.. الحلقة مقصودين بيها المشاهدين ما النقاد مش ؟
تيسير المبارك ! هيى ما قايلاك تيسير النورانى ما اشتغلت بيك .. انتى كنتى وين يا بت ! كدا اكتبى تانى ..
انعام حيمورة !!
Quote: اما بالنسبة لسد المال كلنا ما عملنا سد مال ههههه
يا بت يا انعام فى فرق بين ما ييعملوا سد مال عشان يوصولوا مسج وفرق بين ما يسدوا المال عشان مال ذاتو مافى ... لووووووب امنعى الفوضى يا نعوم .. وغسلى غسيلك واكشحى الموية فى عمر بتاع الطش دا ..
يا سناء ازيك وفرصة سعيدة اول مرة الاقيك كدا شوفى الدقيقة 41 وبعدها المذيعة دى حكت قصة حياتها كيف ؟؟ حولااااااااااا مبالغة هم المخرجين ديل ما عارفين مقدم برنامج دا يعنى شنو ؟؟
انتى دايرة فى لحظة الغسيل ديك نعوم تفرق ليك بين رشا والصادق ؟؟ ما تضغطى عليها لكن بعد الغسيل نعوم دى فرااااقا ..
رشا مفيدة وكلامها جميل وما فيه بين بين .. كل النساء الموجودات كانن متاثرات بالعقلية الذكورية بشكل او بى اخر الا رشا ..
Quote: وعشان ما بحب اغتيال الشخصية ليزا شكلها لذيذ وطاقيتها حلوة.
لوووووووب يا سنوية هو اغتيال الشخصية دا كيف ؟؟
ـــــــــــــــ طبعا يا خالد انتو الدلوكة دى ذاااتها غايظكم احتكارها من قبلـهن ,,,, نفسسسسكم يفكنها ليكم مش ؟؟ عندكم بنقز مثنى وثلاث ورباع ... وبرضو عينكم على الدلوكة ؟ انصاف مدنى دى اديها حقها بتاع الثلاته سنه تانى لومك على لو شفتها فى قناة .... تتكلم سااااى لسه انت ؟ كل ربع سنه وانت طيب ياخ مشتاقين !!
11-13-2011, 10:42 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22959
خالدينا عرفناك بتفرى ما بين السطور ... بس يبدو لى ان سمعك محتاج لترجمان ... عفاف قالت لصديقتها نسرين وهى فى مقام استاذتها ياكضابة نسرين مشت الموضوع عادى وهى اصلا خايفة من فلتات عفاف بس ومادايرة تحكها معاها لولاحظتى نسرين قالت لعفاف ماتقدمى الحلقة ... وفي نهاية الحلقة سمعنا نسرين بتفول لعفاف انت قبل ماتعترفى بهزيمتك العاطفية ... سمعنا عفاف بتقول نهائى ومن ثم قالت نسرين قلت ليك قبل ... نسرين بعدها عملت رايحة في تقديرى وحسب معرفتى بعفاف بتكون قالت كلام لازم يتم حذفه حتى لو كان المخرج (فلينى) مبدع الواقعية السحرية ... ونسرين بتعرف فدرات صديقتها عاف على الخروج من النصوص بس وين نهرب من ذهنية الرقيب ...
ولى عودات بس اطلع من زنقة العمل الانا فيها
11-13-2011, 08:56 PM
M A Muhagir
M A Muhagir
تاريخ التسجيل: 07-13-2005
مجموع المشاركات: 3918
Quote: مقدمة البرنامج ورغم انها تبدو مثقفة وبتعرف تحاور لكنها كادت ان تفسد الحلقة بمقاطعتها للضيفات بطريقة مزعجة ومحاولاتها المتكرره لوضع الكلام على افواههن !
بالنسبة لموضوغ الحناء والصبغة فهذا لا يؤثر فى موضوع
الحلقة. لكن الذى لا استسيغة هو المبالغة فى المكياج
كنا نرى بنات القرية جميلات جدا بالرغم من انهن يتجملن بالودك
والكركار والحناء الطبيعية. والغريبة اننى وجدت بنات امستردام كذلك
فهنا نادرا ما تستخدم الفتاة الهولندية المكياج. الجمال الطبيعى افضل
ارجع للبرنامج
مقدمة البرنامج اشتطت فى مقاطعتها للمتحدثات فافسدت عليهن تسلسل
حديثهن حتى كاد البرنامج ان يتحول الى ونسة. واحيانا تبدو وكانها تلهث لهثا خلف
الرشاقة وخفة الدم بلا جدوى. مثال على ذلك سؤالها لرشا عن هل هى ترى نفسها كمثقفة
كان حريا بها ان تناى عن المقاطعة والتدخلات الكثيرة حت يقدر المشاهد على المتابعة
Quote: اصبت بعض الشئ يا دينا فى حديثك عن تقليدها للجبيب الامام الصادق المهدى
دى ما انا الاصبت دى .. القالت الكلام دا اظنها تيسير المبارك .. المذيعة كانت حريصة انها تقول كلامها هى اكتر من حرصها على الاستماع للضيفات الاتكبدن المشاق للحضور .. عشان كدا انا بقترح استضافتها اولا فى حلقة منفصله .. تتفشى فى الموضوع لى روحها دى ..
الحنة دى خطورتها انها بالصبغة ... وبتخت النساء الناشطات فى حته ضيقة ...
لوووووووووب يا سفيان !
Quote: ساره ابو دي ممتازة برضو و عااارفه عايزة تقول شنو وكيف .
انصاف مدني تغني و تخبت دلوكته دي و ما تقولى اي حاجة تاني (شفته في قناة أم درمان تنضم لاحول الله) .
انت كنت شارب شربوت ؟؟ شنو الجاب سارة ابو وانصاف مدنى فى الحلقة دى ؟؟ ديل فى حلقة الدلوكة ياخ ... يعنى انصاف نضمها ح يكون اكعب من حقك دا ؟ معليش هدنوا لى خلو ينزل وبدون باقى .. قبل ما يجيك عمر يقول ليك كوجنت لينا الابرى بالحلومر !!
ـــــــــــــــ الناقد دا بكون راااايق .. لانو الناقد من يلفح كدا خلاس !!
11-13-2011, 09:51 PM
haroon diyab
haroon diyab
تاريخ التسجيل: 06-20-2007
مجموع المشاركات: 23215
Quote: انت كنت شارب شربوت ؟؟ شنو الجاب سارة ابو وانصاف مدنى فى الحلقة دى ؟؟ ديل فى حلقة الدلوكة ياخ ... يعنى انصاف نضمها ح يكون اكعب من حقك دا ؟ معليش هدنوا لى خلو ينزل وبدون باقى .. قبل ما يجيك عمر يقول ليك كوجنت لينا الابرى بالحلومر !!
ـــــــــــــــ الناقد دا بكون راااايق .. لانو الناقد من يلفح كدا خلاس !!
ههههههههههههههههههه كنت عارفك ح تلبدي لي لووووووووووووووووول
يازولة الشئ ما لفحي انا قلته اخمهن الجميلات ست عليهن الجابوهين في قنواتنا ديل و ما افرزهم ولا حاجة و ياهو هن السيطرن على عيدنا دا و بقوة . هو ما كويس الما ذكرته ليك حلقة قناة ام درمان مع بنات الامام ال13 ديك
11-14-2011, 06:54 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة