|
Re: رحبوا معى احبتى البورداب بانضمام ابنى د احمد خالد المحرب عضو (Re: عمر صديق)
|
حبابو احمد الجدو احمد والخالو احمد حبابو تاج الراس اللي للحق نبراس حبابو نور العين حباب دخر السنين انشاء الله ح تكون اضافه حقيقيه للمنبر وانا بعد ده الزي منو؟ خالد قدامي واحمد وراي وعلى يميني اعمامي ال ابو حريره وعلى شمالي خيلاني ال المسلمي والشامي الحبر عبد الوهاب والله بعد ده يا صديق الموج الا تكوس ليك واسطه عشان تتكلم معانا
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: غادة مكى محمد)
|
Quote: خالد قدامي واحمد وراي وعلى يميني اعمامي ال ابو حريره وعلى شمالي خيلاني ال المسلمي والشامي الحبر عبد الوهاب والله بعد ده يا صديق الموج الا تكوس ليك واسطه عشان تتكلم معانا |
عفاف يا بت القبائل....سلام من حاصف لاقاصف
والله الناس الذكرتيهم ديل تب مافيهم كلمة اعمام واخوال رجال يسدوا عين الشمس.. بس انا وخالد ده من زمان راجين احمد ده يتخرج.. عشان نخليه فى راس البنيات ديل وبعدين بى رأينا... خالد دربنا مرق ابقى قابلنى حسب اتفاقنا.. هيييييع.... الليله سايرين يا عشايا،،،،
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: معتز القريش)
|
هلا بْأحمد وابو احمد وأم احمد..عُقُب يارب تدُق محلب تجرتق لينا دكتوراً بقالنا سند يسد كل جُحراً بالكُبُر اإنْقدْ.
وبعد تقديم آيات الترحيب.. أشوف عفاف تطبّل لرجالها نسيانة؟ في بيتها عقد الماس (أقلام وُلدت بحبرها لا تحتاج للمبراة)
بعرفك زين يا ام العول لا حقّارة لا نساية! بناتنا قصيد بناتنا رصيد جمال تاجوج عيون الصيد: إن كَتَبَنْ أزالن هم وإن نضمَن حكاوي حِكَم وان سكَتَنْ أدبهن جَم وإن سوّن شواهي المغربية..... يادوبك كلامك تَمْ!
تحياتي ومحبتي .
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: محمد المرتضى حامد)
|
Quote: أهلا ومرحبا بالعزيز إبن العزيزين، شرفت يا دكتور ( ودالمحرب جونيور).. خت صورة أبوك في البروفايل يمين عوجه واحده ما بتجيك.. هييع - كما يقول عمك شيقا - الدود النتر صحّا المرافعين خوف. مرحب بيك مثنى وثلاث ورباع.. |
ات عارف يا مولانا احمد جاب صوره انا ماكنت متذكره والله هذه الصوره كانت فى منتصف السبعينات وانا صغير جدا شوف الود دا جنس حركات عليه خلانى افكر انو هسى بى صلعه كبييييييره ونحن لنا عظيم الشرف وحبابك 10 تكعيب
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: سلمى الشيخ سلامة)
|
Quote: عين والدك شرا مقالدك يا عين ياعينية تغتيك وتطرح البركة فيك حبابك يا العشا البتبرد الحشا اهلا بيك ويا خالد الولد دا سوو ليهو بخور تيمان منك ومن امه الله يحفظه حبابك الف |
اسمحى لى يا سلمى ان اقابلك بى هيييع دى اعتبريها ضيافتك وقكت ما جيتينا ضبحنا ليك كلامك صح لكن النيه مطيه ياسلمى نحن كتاب مفتوح كل من يريد ان يستفيد منه .. يعنى مركب على الله لا تحرق لا تغرق
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: Elmosley)
|
Quote: مرحب ابننا أحمد
وبما انك اصبحت زميل
فعلاج عمك لمن يجي السودان
(ملح) مش كده
ولمن تعرس ليك السده هههه |
استاذي العظيم نالنا من الشرف عظيمه بان وُجهت حروفك الثمينة الى شخصي الضعيف البسك الله لباس الصحة وادام عليك العافية
والله لا حوَّجك لا لينا لا لي غيرنا
حقيقة أسعدتني كلماتك جداً
وبالنسبة لي موضوع السدَّه فانا بعتبروا منجز لأنو مداخلتك دي بالدنيا :)
خالص احترامي وتقديري
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: ود الباوقة)
|
شيخ العرب خالد المحــرب ...
يا زول والله البرلوم جاي بسنونه
عليك الله شوف جنس النضمي ده ...
شكله كدي الحوار الغلب شيخه ...
Quote: أبي العزيز مابغيب النجم ما دام حروفك طلت أستاذ القصيد بيهو القريحة اتجلت سايق الصافنات من السباق ما كلت دخري الحوبة ابوي ما قالو قدمك زلت
اشكر لك حسن الضيافة وليس هذا بشيء تشكر عليه فلطالما عودتنا على ذلك أدام الله يمينك أخضر وأدامك الله تاجاً فوق رؤوس الكرام من الأنام وما أكثرهم في بلادي
أعتذر بشدة عن التأخير الذي لم يكن الا نتاج مشاكل تقنية
أعمامي وخالاتي أثلجتم صدري بحفاوة الترحاب وحرارة الإستقبال وجميل التبريكات ولا شيء يسعدني أكثر من إلتحاقي بركبكم الميمون وأن أنال شرف الكتابة تحت جناحكم آمل أن أكون سلساً مستساغاً وأن أجد في دواخلكم القبول وأن أحوز على رضاكم وأسأل الله أن لا تزل قدمي وأن يسدد موضع قلمي وأن يجعله حراً طليقاً لا يحده عن كتابة الحق حاد ولا يمنعه مانع وان يعينني على سداد هذا الدين الذي يترتب على عاتقي تجاه هذا الكيان العظيم سوداننا الصغير سوداننا الذي لطالما بعث في نفسي بصيص نورٍ من أمل بأن عزة ما زالت بخير بما انجبت رحمها من رجال شرفاء يغيرون على العرض والوطن فلله درهم
وانه لا يزال في وطني من لا يسرق الأحلام!!
|
كلاكيت تاني مره ...
مليون مراحب ود شيخ العرب ...
وموفق ان شاءالله
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: haroon diyab)
|
Quote: أبي العزيز مابغيب النجم ما دام حروفك طلت أستاذ القصيد بيهو القريحة اتجلت سايق الصافنات من السباق ما كلت دخري الحوبة ابوي ما قالو قدمك زلت
اشكر لك حسن الضيافة وليس هذا بشيء تشكر عليه فلطالما عودتنا على ذلك أدام الله يمينك أخضر وأدامك الله تاجاً فوق رؤوس الكرام من الأنام وما أكثرهم في بلادي
أعتذر بشدة عن التأخير الذي لم يكن الا نتاج مشاكل تقنية
أعمامي وخالاتي أثلجتم صدري بحفاوة الترحاب وحرارة الإستقبال وجميل التبريكات ولا شيء يسعدني أكثر من إلتحاقي بركبكم الميمون وأن أنال شرف الكتابة تحت جناحكم آمل أن أكون سلساً مستساغاً وأن أجد في دواخلكم القبول وأن أحوز على رضاكم وأسأل الله أن لا تزل قدمي وأن يسدد موضع قلمي وأن يجعله حراً طليقاً لا يحده عن كتابة الحق حاد ولا يمنعه مانع وان يعينني على سداد هذا الدين الذي يترتب على عاتقي تجاه هذا الكيان العظيم سوداننا الصغير سوداننا الذي لطالما بعث في نفسي بصيص نورٍ من أمل بأن عزة ما زالت بخير بما انجبت رحمها من رجال شرفاء يغيرون على العرض والوطن فلله درهم
وانه لا يزال في وطني من لا يسرق الأحلام!!
لي عودة واعتذر مجددا عن التأخير ابقو عافية |
هيييييييييييييعمك جاك مترتر وتااااااااااااااااح خبط كراعو في الواطة من الكلام الفات الكبار والقدرو دا
الله يخليك ويطول عمرك ويحفظك ويحفظ بابا وماما يا رب
بس ارخي اضانك لعمك عشان يسعلك - دحين الصورة الفي بروفايلك دي حقت منو؟
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: محمد الامين محمد)
|
الف مرحب باخو حفصه د.احمد والله منور المكان.
مبروك التخرج يا غالي وعقبال التخصص.
ويا ام احمد و الله قصرتي مع حفصه معقوله عافصه للاناث بالعائله قدر ده؟!
Quote: حبابو احمد الجدو احمد والخالو احمد حبابو تاج الراس اللي للحق نبراس حبابو نور العين حباب دخر السنين انشاء الله ح تكون اضافه حقيقيه للمنبر وانا بعد ده الزي منو؟ خالد قدامي واحمد وراي وعلى يميني اعمامي ال ابو حريره وعلى شمالي خيلاني ال المسلمي والشامي الحبر عبد الوهاب والله بعد ده يا صديق الموج الا تكوس ليك واسطه عشان تتكلم معانا |
احنا جندريات ما بنقبل يتعفص لحفصه(ههههههههههه)
منورين يا اهل البطانه السمحين.
ابو احمد وين الحي بيك؟؟لا اسكت الله لك حسا؟!
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: Tragie Mustafa)
|
حباب أحمد حباب الدكتور أحمد المحرب حباب الغالي ولد الغالي شيخ الشيوخ
سعدت بتشريفك وطربت بسماع خبر نيلك الشهادة وعقبال التخصص.. والعرس بعده ملحوق بإذن الكريم!
أسعدتني كلماتك في حق والديك حفظهما الله وأبقاهم وأمتعتني ردودك لزملائك وزميلاتك أعمامك وعماتك خالاتك وخيلانك، أخوانك وأخواتك.. منتهى الأدب
ربي يحفظك لأسرتك ويجعل ليك المقام ده مقام نافع ونستنفع كلنا بعلمك وأدبك وثقافتك الباينة
ودمت.. ودامت أيامك
| |
|
|
|
|
|
|
Re: رحبوا معى احبتى البورداب بانضمام ابنى د احمد خالد المحرب عضو (Re: اسماء الجنيد)
|
Quote: أبي العزيز مابغيب النجم ما دام حروفك طلت أستاذ القصيد بيهو القريحة اتجلت سايق الصافنات من السباق ما كلت دخري الحوبة ابوي ما قالو قدمك زلت
اشكر لك حسن الضيافة وليس هذا بشيء تشكر عليه فلطالما عودتنا على ذلك أدام الله يمينك أخضر وأدامك الله تاجاً فوق رؤوس الكرام من الأنام وما أكثرهم في بلادي
أعتذر بشدة عن التأخير الذي لم يكن الا نتاج مشاكل تقنية
أعمامي وخالاتي أثلجتم صدري بحفاوة الترحاب وحرارة الإستقبال وجميل التبريكات ولا شيء يسعدني أكثر من إلتحاقي بركبكم الميمون وأن أنال شرف الكتابة تحت جناحكم آمل أن أكون سلساً مستساغاً وأن أجد في دواخلكم القبول وأن أحوز على رضاكم وأسأل الله أن لا تزل قدمي وأن يسدد موضع قلمي وأن يجعله حراً طليقاً لا يحده عن كتابة الحق حاد ولا يمنعه مانع وان يعينني على سداد هذا الدين الذي يترتب على عاتقي تجاه هذا الكيان العظيم سوداننا الصغير سوداننا الذي لطالما بعث في نفسي بصيص نورٍ من أمل بأن عزة ما زالت بخير بما انجبت رحمها من رجال شرفاء يغيرون على العرض والوطن فلله درهم
وانه لا يزال في وطني من لا يسرق الأحلام |
أقدل يااللدر فوق الخبوب والسايلة هيلك من قديم...تقطع حركة الشايلة
طال ما النيل براحك وعزة عندك خايلة ألفح من طرف كل .....التجيك متمايلة..
| |
|
|
|
|
|
|
|