|
|
|
 Re: نداء لخريجي اسكول -جامعة الخرطوم (Re: فتحي البحيري)
|
Quote: اسعدتنا بصور الأخ محي الدين صديق صراحة الرجل اخباره مقطوعة من تخرجنا من الجامعة ..
وهو دفعة ورانا ..
ودائما مبتسم والله ...
سلم عليه كتير .. |
الأخ/ حمودة
سلامات ياود أبوكدوك البار
هو كما قلت: محي الدين دائما مبتسم
إنت عارف محي للدين صاحبكم الزمان وصاحبنا الهسع زول مكسب خلاص، زول وناس بطريقة ماعادية، يقعد يونسك عن أيام الجامعة أحد مالواحد يندم إنو ماكمل دراسته في جامعة الخرطوم.
أمبارح قابلتو ليك في بيت بكا وطبعا أنا بحاول إتفاداهو ليك في البكيات، ولكن أمبارح ما كان في مفر، كلنا كنا قاعدين في صالون ضيق، قام حكى لينا واحدة من حكواتو وضحكنا وقطع مصارينا. الحمد لله زولنا المشينا نعزيه كان داخل على جوة البيت.
سألته منك وقال بيعرفك وناس دفعته كله متزكرهم وأظنه متابع البوست دا.
| |
  
|
|
|
|
|
|
|
|
Re: نداء لخريجي اسكول -جامعة الخرطوم (Re: فتحي البحيري)
|
Quote: يا سلام
كاني أشتم الآن عبق نجيلة قدام مكتبة المين
في لحظة مغربية
قريب أيام امتحانات
من سنة ما
والناس قروبات قروبات
بيفكوا يادوب طلاسم ما كانوا يرسمونه طيلة العام على دفاتر مهترئة
الله |
فتحي البحيري
قد لا تعلم مدى حبي لك صديقي ..
ولن انسى فضل اسكول لتعرفي بثلة جميلة بكل ما تعنيه الكلمة ..
اما عن الدفاتر المهترئة ..فمتى كنت تمتلك دفتر يا فتحي ...
لن انسى اليوم الذي كنت تبحث عن دفتر استلفته من احدى الزميلات ..
وطلبت مني ان احرك الدواليب معك ..
وللاسف وجدناه في حالة يرثى اليه ...
وما عارف باقي القصة ..
لكن سمعت تحت تحت انو الزميلة بكأت لمن شافت دفترها ...
ههههههههههههههههههه
التحية لك وانت تفك لنا طلاسم البيور ماث ..
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
شركنا قبض أخ وصديق غالي من زمان ما شفناه ونشتاقله والله ،ايميله تحت :
Quote:
الأخ الكريم حمودة
تحية طيبة وكيف الحال
قرأت نداءك بمنبر سودانيز أون لاين وهاك المعلومات:
الاسم : أنور خالد أحمد
سنة الدخول :1989
سنة التخرج : 1994 (درجة الشرف)
مكان العمل : قسم علوم الحاسب
كلية العلوم
جامعة الجوف
المملكة العربية السعودية
التلفون:00966501056708
الايميل : [email protected] |
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
الى كل احبائنا باسكول والى كل سناير اسكول ..
طبعا انا كنت اتمنى ان اجد زول من دفعتنا معائ هنا او من الناتس العاصرناهم ...
خاصة دفعة 2002 و 2003 ...
اسكول تلك الكلية الرائعة المترامية الاطراف نتزكرها جيدا
وخاصة قاعد عبيد ختم التى تطل على الطريق (شارع الجامعة)عبيد 1و2و3
وهذا الان يلتقى به معظم البرالمة من كل الاقسام ...
ولا ننسئ ايضا الـــــ(Reading) التى تقع تحت قسم جيولوجيا وقاعة الـــ(MLR) التى تخص السناير ...
التحية الى كل اساتذة الكلية والدكتور عبدالمنعم الذى رحل الى سلطنة عمنا فور دخولنا الى الكلية ...
والى كل اساتذة اللابات ...والاستاذات (مساعدئ التدريس)
اسكول بها مين خاص جدا وهو اقصر مين بالجامعة يقع بين (البوابة ومدخل المكتبة الخاص بالكلية)
لى عودة هو اسكول والدورى واصدقائنا من هندسة ...
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
منذ طفولتي ومنذ دخولي المدرسة كنت أحب الرياضيات حتى جلست لامتحان الشهادة السودانية في تلك هذه الفترة لم أجد نفسي مابين المكرمين من الطلاب في الجمعية الأدبية او الشعر رغم انني كنت شاذا في جميع مراحلي لم أتذوق معنى الرياضيات إلا لما حضرت تلك القلعة الناضرة بعباقرة النابغين أعجمبني دكتور محمد عبدالمعنم بالرياضيات البحثة وأدهشني دكتور ود المكي بالرياضيات التطبيقية وجذبني دكتور عزالدين كامل بالحاسوب وأدفعني بل زاد حماسي الدكتور محسن Numerical هذا المستوى الاساتذة اما المستوى الطلاب فوجدت عباقرة سبقوني منى بركات ـ عمار ياسين ـ عبدالعظيم حسين ـ معاوية الفكي أما في دفعتي فوجدت عباقرة سبقونني بعلمهم قبل عمرهم جمال الخير الأبوابي - محمد حسن سليمان - رشا عزالدين - طارق محمد الحسن وهذا حلاوة الاسكول
دوما عادل عطية
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: AdilAttia)
|
| Quote: اجمل التهاني والتبريكات بمناسبة عقد زواج الأخ علاء الدين عبدالجليل محمود جاليلو دفعة 90-1995م بيت مال وعيال نتقبل التهاني على هاتف 0015713454540 وعقبال عند الجميع. |
الف الف مبروك أخي علاء الدين عبد الجليل ..
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
رسالة عبر الأيميل من شاعر الاسكول :
Quote: الفكرة الرائعة ، وأحب تصحيح معلومة بسيطة وردت في البورد في القائمة التالية
:- اسامة احمد عبد الرحمن (bkhaf)
2-عبد الرحمن عابدين 1989-1995
3-خالد البدوي 1989-1995
4-خالد نصار 1989-1995
5-امير الهادي 1989-1995
6-الأمين حسن صالح 1989-1995
7-جمال الاوابي 1989-1995
8-محمد الحسن 1989-1995
9-محمود حوته 1989-1995
10-الطاهر ابراهيم النور1989-1995
11-نزار باسان 1989-1995
12- اشرف عبد المجيد 1989-1995
13-أحمد عمر 1989-1995
14- اسماعيل قاسم1989-1995
طبعاً يا حمودة نحن دفعتنا الوراكم مباشرة آخر دفعة تدرس بالانجليزي وتدخل بنظام البوكسنج بالشهادة الثانوية وآخر دفعة حظيت بالسكن المجاني في البركس ودخلنا الجامعة في ديسمبر 1989 وكان آخر يوم للامتحانات بتاريخ 27ديسمبر 1994 ، يعني نحن دفعة 89 /94 وليس كما هو مكتوب أعلاه ، والأخوين محمد الحسن وجمال الأبوابي هم من الدفعة الورانا.وأزودك ببعض أسماء زملاء الدفعة التي لم ترد أعلاه:
عبد المحسن بابكر ودمدني
محجوب اسماعيل محجوب دلوت
محمد الطيب الفكي دلوت
يوسف محرم عبد العال بارا
معتز حامد برهان الخرطوم
معز المنصوري بورسودان
نور الدين الجاز كردفان
محمد حامد آدم الفاشر
محمد ترجوك دارفور
عبد المحمود عبدالله دارفور
محمد ابراهيم دشيش (الله يرحمه)
عبد العاطف عبد الرحمن كردفان
محمد خضر محمد نور الخرطوم
صديق الصادق كوكو كردفان
محمد أبو القاسم عبد الله أم درمان
الوليد بشير أحمد أم درمان
أنور خالد أحمد أم درمان شاعر الاسكول
رشيدة عبد القادر
ليلى بشرى
نازك محمد
لمياء محمد
أعتذر لكل من نسيت اسمه فأنا أكتب من الذاكرة
التحية عبرك ياحمودة لكل خريجي الاسكول وتحية خاصة للأخ فتحي بحيري والأخ أسامة محمد ادريس وتحية أخص لكل أبناء رابطة أم درمان وقتها وكذلك رابطة طلاب اسكول
بالنسبة لي فقد عاودني الشوق للاسكول فدرست بها ماجستير علوم الحاسب في الفترة 99/2002
طلب أخير بالله ياحمودة كيف الواحد يسجل في المنبر عشان يشارك مباشرة
لا الطب حبي ولا البيطار أوطاري ولا المهندس مدنيا ومعماري
ولا اقتصاد وآداب وصيدلة ولا العلوم ولا القانون قيثاري
لكنني من بني الاسكول يغمرني حب لماثي وعشق في دمي جاري
فالماث مائي وحب الماث تغذيتي وعاشقوا الماث أحبابي وسماري
ألف تحية للجميع |
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
ناس اسكول ...
ازيكم ؟؟!!
نحن الكبار قاعدين كنب
اي امتحان بنقول صعب
مافي امتحان ما شلنا صب
سنة اولة قضيناها نوم
وعلى اللكاشر ما بنحوم
مرقنا الله من العلوم
ومشينا تانية بعد تعب
في تانية ما خشينا لاب
ولا فتحنا ولا كتاب
كل المواد شتناها قاب
وفي دكاترة ما شافونا تب
في تالتة لازمين البركس
نايمين وناكل في العدس
قافلين على البش والترس
قصونا ليك ذي العجب
سنة رابعة مدتنا انتهت
طلباتنا وصلت للسند
لما القراية اتحسنت
قدينا بالحظ الكعب
***
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
رسالة عبر الايميل من اسكولي عزيز :
Quote: الاعزاء خريجى وطلاب الاسكول التحية لكم اينما كنتم ...قرأت البوست وأُعجبت بالفكره ...أتمنى أن يدوم بيننا التواصل
الاسم : محمد الامين فضل المولى
سنة الدخول : 1999
سنة التخرج : 2004
سكرتير عام اتحاد طلاب جامعة الخرطوم 2003 - 2004 - دورة تحالف القوى الوطنية الديموقراطيه
[email protected] : الايميل
التلفون : 00971503759727
مكان العمل : دولة الامارات العربيه المتحده - دبى |
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
رسالة عبر الأيميل من الصديق العزيز اشرف كمال بجد سعيد بالتواصل معه ..تحياتي له ولزوجته الكريمة بت اسكول ..
Quote: أخي حمودة
تحياتي ، و وكل عام و أنتم بخير
أحييكم على هذه البادرة الكريمة ، و رغم أنني لست من خريجي أسكول فأنت تعرف أنهم نسابتي و أصدقائي و يربطني بهم الكثير و لي معهم بالجامعة و خارجها و بالغربة ( السعودية) أغلى الذكريات
تحياتي لجميع أهل الإسكول
أشرف كمال - علوم
Ashraf Kamal Ali Abbas
Lab. Supervisor
Al-Kaabi Soil & Material Testing Est.
Jubail, Saudi Arabia
Tel: +966 3 3636986
mobile: +966 558222599
Alt. Email: [email protected] |
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
Quote: الفكرة الرائعة ، وأحب تصحيح معلومة بسيطة وردت في البورد في القائمة التالية
:- اسامة احمد عبد الرحمن (bkhaf)
2-عبد الرحمن عابدين 1989-1995
3-خالد البدوي 1989-1995
4-خالد نصار 1989-1995
5-امير الهادي 1989-1995
6-الأمين حسن صالح 1989-1995
7-جمال الاوابي 1989-1995
8-محمد الحسن 1989-1995
9-محمود حوته 1989-1995
10-الطاهر ابراهيم النور1989-1995
11-نزار باسان 1989-1995
12- اشرف عبد المجيد 1989-1995
13-أحمد عمر 1989-1995
14- اسماعيل قاسم1989-1995
طبعاً يا حمودة نحن دفعتنا الوراكم مباشرة آخر دفعة تدرس بالانجليزي وتدخل بنظام البوكسنج بالشهادة الثانوية وآخر دفعة حظيت بالسكن المجاني في البركس ودخلنا الجامعة في ديسمبر 1989 وكان آخر يوم للامتحانات بتاريخ 27ديسمبر 1994 ، يعني نحن دفعة 89 /94 وليس كما هو مكتوب أعلاه ، والأخوين محمد الحسن وجمال الأبوابي هم من الدفعة الورانا.وأزودك ببعض أسماء زملاء الدفعة التي لم ترد أعلاه:
عبد المحسن بابكر ودمدني
محجوب اسماعيل محجوب دلوت
محمد الطيب الفكي دلوت
يوسف محرم عبد العال بارا
معتز حامد برهان الخرطوم
معز المنصوري بورسودان
نور الدين الجاز كردفان
محمد حامد آدم الفاشر
محمد ترجوك دارفور
عبد المحمود عبدالله دارفور
محمد ابراهيم دشيش (الله يرحمه)
عبد العاطف عبد الرحمن كردفان
محمد خضر محمد نور الخرطوم
صديق الصادق كوكو كردفان
محمد أبو القاسم عبد الله أم درمان
الوليد بشير أحمد أم درمان
أنور خالد أحمد أم درمان شاعر الاسكول
رشيدة عبد القادر
ليلى بشرى
نازك محمد
لمياء محمد] |
دفعة 89 يا برالمتنا لكم التحايا واضيف ليكم بعض بنات دفعتكم
ندى عمر المنصور العجب زوجة اشرف كمال وصديقتي التي ابحث عن تلفونها ( شكرا للبوست لقيت التلفون)
ماجدة بت امدرمان البت الذوق
نهى
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
رسالة عزيزة من الأخت اسكولية العزيزة عبير :
Quote: الاخ العزيز: محمد ابراهيم عثمان (حمودة
التحية لك والاخت هبه على الفكرة الجميلة
واليوم بالصدفة فتحت البوست فى سودانيز اون لاين
وشاهدت تجاوب كثير من الخريجين
وإلى الامام
لان الفكرة كانت زمان فى تكوين جمعية وفشلت
أتمنى التوفيق
وتحياتى لأساتذة البكالريوس و الماجستر
الدكتور محسن
والدكتورة منار
والدكتورة علا النور
واستاذ تنقساوى
وتحياتى الى الزميل عادل عطية
والرحمة والغفران للزميل أيمن الشفيع
عبير السيد احمد محمود
كليه العلوم الرياضية تخصص حاسوب- احصاء
ماجستير احصاء فى جامعة الخرطوم- كلية العوم الرياضية
2006-2007
|
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
امبارح عملنا جلسة جميلة ..
شملها عشاء جميل ...
بسيتي سنتر دبي ..
مع اسكولين جاءو لدبي لمعرض جيتكس ..
دكتور السماني ..
دكتور سليمان مصطفى ..
محمد عبد الله ..
ومن مقيمي الامارات :
بشير محمد عبد الباقي ..
اسامة محمد ادريس ..
دكتور الفاضل ..
ومن الشخصيات التشرفنا بمقابلتهم في جيتكس :
عمر الفاضل ابو النوم دفعة 87 (ممثل عن شركة روتانا بالسعودية )..
نازك غزالي دفعة 89 (ممثل عن المطار الجديد بمعرض جيتكس) ..
التحية لهم جميعاً ..
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
الأخ حمودة ...
والأخوة/ات خريجي إسكول ..
تحياتي لكم ..
ونتمنى لكم مزيد من التواصل ..
الأخت سمرية :
Quote: ناس اسكول ...
ازيكم ؟؟!!
نحن الكبار قاعدين كنب
اي امتحان بنقول صعب
مافي امتحان ما شلنا صب
سنة اولة قضيناها نوم
وعلى اللكاشر ما بنحوم
مرقنا الله من العلوم
ومشينا تانية بعد تعب
في تانية ما خشينا لاب
ولا فتحنا ولا كتاب
كل المواد شتناها قاب
وفي دكاترة ما شافونا تب
في تالتة لازمين البركس
نايمين وناكل في العدس
قافلين على البش والترس
قصونا ليك ذي العجب
سنة رابعة مدتنا انتهت
طلباتنا وصلت للسند
لما القراية اتحسنت
قدينا بالحظ الكعب |
شايفك حريفة في الترس ..
أعملي حسابك ..
وين حقوق الملكية ؟
.................................
ابراهيم محمد الحسن
هندسة الخرطوم
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: ابراهيم محمد الحسن)
|
ابراهيم يا ود هندسة ..
ترس شنو لا سمح الله ، نحنا كمان بتاعين ترس يا ملوك الــ جيتنق .. ؟؟!!
انت قايل النظم نضم هندسة دا منو ... كان ما اخاف الكضب برلومة في آداب كانت مجكسة هندساوي !!
عشان ما تفكوها فينا سااااااااااي ...
يا المشيتوا تانية بعد تعب ..
وعديتو كل الجامعة صب ..
للدومة مافيكم زول نجح
عملتوا فيها مفتحين ..
شاطرين شطارة وناجحين
لكنو وين ؟
لا نفع الترس لا بش كمان !
ونحنا ابدا ما شامتين !!
انتو يا هندساب ..
تلبسوا الجينزي
تشربوا الببسي
تقصوا للجكسي ...
تقولوا دي قراية ..
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
رسالة عبر الايميل من الأخ العزيز علاء الدين عبد الجليل تهانينا بمناسبة عقد زواجه هاتف 0015713454540 .
Quote: الاسم: علاء الدين عبد الجليل محمود
تاريخ التخرج: 18 ديسمبر 1995.
التخصص: علوم حاسوب وإحصاء
مكان العمل: الولايات المتحدة الأميركية
الهاتف: 5713454540
هاتف 0015713454540
REGARDS 3laaeldin
ALAAEDDIN mAHMOUD
P O BOX: 216
HERNDON VA 20172-0216
[email protected]
|
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: طارق الكوتش)
|
هيا كوتش
انا شفتك دخلته بي جاي
جيت وراك وقايلك داخل
تحييهم وتوازرهم لانو
البيناتكم عااامرة وكده
لكن لقيتك زي ماخلتيك
المكاواة دي ما في دمك
والفات قديمو تاه
تحياتي لكل عباقرة وجهابذة الاسكول
والتحية خاصة لود أمبدة البحيري
وسوال يالبحيري وين بقية الطليعة
بتاعت أمبدة ديك من عزالدين و و كثيرين
تحياتنا
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: طارق الكوتش)
|
طارق الكوتش ياهندسة ..
قف ..
دفاعات اسكول سوف تتصدى لكل هجومك الغاشم على اسكول ..
واذا لم تتوقف لدينا اوراق الضغط التي تعلمها جيدا لتدمير كل قواعدك المنطلقة ..
فلتحذر ..
وليعش التاج الراكوبة قصدي التاج عابدين قمة ...
ولتعش اسكول بقمة عباقرتها على مر العصور ..
| |
|
|
|
|
|
|
|
|
 Re: نداء لخريجي اسكول -جامعة الخرطوم (Re: Mohammed Ibrahim Othman)
|
حموده تحايا لك و لكل خريجى مدرسة العلوم الرياضيه
وربنا يجمعكم دوما من اجل التواصل و الذكريات الحلوه
وحنكون معاكم دوما عشان ارجاع بعضا من الايام الجميله
التحيه من خلالك لبحيرى و ابو النوم و التاج واسامه ادريس وووووو ...
اكيد حنعود ليكم
مودتى
تخريمه
ماذا فعل التاج الراكوبه عندما وجد نفسو لاول مره وجها لوجه 1ـ1 مع ود المتوكل .... ساعدنى ياابوالنوم الذكريات حصل ليها تهكير !
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: طارق الكوتش)
|
Quote: عم خليل ..
خالة عشة ..
عم احمد السائق ..
جون ..
عبد الواحد ..
فتحي ..
عبد الهادي ..
فاطمة ..
عوضية ..
البرادعي (قدرة الفول )..
أسماء.
والبقية تاتي .. |
حمودة كيف حالك وشباب الامارات
ملايين مراحب بالأخت نهى أحمد
تحياتي للجميع
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
التحية لك صديقي الجميل
رفيق امبدة والاسكول
كنا 4 في الدفعة من أمبدة هل تذكرهم ؟؟
وانضمت إلينا نهى في سنة ثانية
وقبلنا لم تغزو امبدة الاسكول إلا بواحد فقط : عماد آدم : الله يطراه والجميع بالخير
وبعدنا حدث ولا حرج تأسكلت أمبدة وتأمبدت الاسكول
تحياتي يا ليون : عزالدين عثمان بالسلطنة ، سميك صلاح مرسي بامريكا ، معاوية عابدين بالسعودية تاني منو ؟؟؟
وياعيب الشوم انا منقطع عنهم جميعا
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
رمتلة بنات اسكول ..
بهدي الرمتلة دي للاخوات الغاليات اروى فضل الله وعبير السيد وسلافة يوسف واكليل عثمان
(1)
طبعا الرمتلة دي خشم بيوت !!
وخشم دكاكين ... وخشم عمدان كهربا وخشم نوادي
وخشم ستات شاي .. وخشم بنشات جامعة
وخشم كافتيريات وخشم داخليات
اها انا برضو كنت رمتالية ... ( خشم داخليات)
واجمل وقت للرمتلة كان ... بعد المغرب مباشرة
نكون قاعدين في اوضتنا ... ونترمتل !!
يا التاكا 23 ... التاكا 23
وطبعا نحن ما 23 ...
نحن غرفتنا 11 نقوم نتغاتت ونرد ... مافيشن .. مافيشن !!
مافيشن ... مافيشن .. كان عندهم زيارة !!
ويا سلام لما الواحدة تجيها زيارة !!
الاوضة كلها .. تتطاقش !!
جيبي لي طرحتي .. الجديدة
لا.. لا هاك البسي حقتي دي !!
ياخ .. دي ما ماشة مع الجيب !!
طيب.. يا اخلاص .. وينها ريحتك العاجباني ؟
بس دي آخر مرة .. كوني نفسك !!
اها كدا كيف ؟؟
عسل بس !!
اسمعي الليت .. الليت .. ما تنومي بوشك !!
اها بقية الرمتالات .. قاعدين يترمتلن !!
العشا كيف ؟؟
ياااخ زهجنا من البوش دا !!
بوووش .. والله الليلة ما نأكل بووش !!
طيب الحل ... شنو !!
انا سمعت قالوا الماليزين عندهم معرض .. ارح نشوفو!!
ماليزين شنو ؟؟ بنتكلم عن العشا والبوش الكريه ؟؟
ومالو الماليزين ... عندهم معرض للآكل !!
للآكل ؟؟ بسم الله ...
ارح ارح !!
بقروش ؟؟
ايوة بقروش .. بس قروش شوووية !!
يلا كل واحدة تتطلع العندها .. سررريع ونطلع للمعرض !!
***
دا ياهو المعرض !!
وينو الاكل ؟؟
دي شنو .. مكرونة !!
يا سلاااااااااااااام شكلها رهييييييييييب !!
ودي شنو شوووربة ؟؟
الللللللللللللله .. شكلها لذيذة !!
هاك دي القروش ..!!
جهز لينا ... مكرووونة كتيرررررة .. وكب من الشوربة دي !!
خلي البنات ديل يتغذن !!
وكمان عندكم عصير ... مبالغة !!
انتو وين من زمان ؟؟
يلا تعالن ... الاكل وصل !!
همممم ..
بسم الله
تفووووووووووو ..
يخخخ
دي مكروونة شنو .. فيها سككككككككر ولا شنو ومالها طعمها كدا ... يخخخ !!
واااي الشوربة ... معتتة !!
تفووووو
برضو العصير كعبببببببب ... سجمي .. سجمي العصير مدود !!
اتغشينا !!
دي فكرة منو ؟؟ فكرة أسعد الله يجازيهو!!
اسعد منو ؟؟؟ يا بتي انتي شربتي من العصير دا ؟؟
آآي اسعد مش قبيل لاقيتو زاايع من المحاضرة وقال جاي ياكل هنا !!
طيب الحل شنو هسي ؟؟
من نسى قديمو تاااه !!
نرجع للبوش !!
بووش ياتو بوش ؟؟
بوش الداخلية !!
للاسف مافي طريقة !!
ليه ..؟ بكون خلص ؟ البووش راقد
القروش الخلصت !!
شنو ؟؟
سجمنا
وواطتنا صبحت
انا جيعانة
عندي فكرة ... ارح كافتيريا قانون !!
كافتيريا قانون بتكون زحمة هسي !!
وما دي الكنتة زاتها !!
ارح ارح
**
عندكم عشا شنو ؟؟
عندنا كبدة وفول وبيض وعدس وسلطات !!
ادينا 4 كبدة و2 بيض و2 فول وسلطات !!
هوي يا بت ؟؟
ندفع من وين ؟؟
اصبرن بس .. وما تقيفن لي هنا شوفن حتة نقعد فيها !!
هاك الماركات دي .. 4 كبدة و2 بيض و 2 فول ودي السلطات !!
وهنا تحين ساعة الصفر ( ودي عملوني ليها رمتالة دفعتنا كده) !!
قبل ما يستلم الماركات بتكون في ابتسامة ( بلانتي ) عرفت طريقها الى المرمي وسجلت الهدف الاول !!
ومع عذوبة الابتسامة بكون قايل نفسو شاال الماركات .. لكن وين ؟؟
الماركات معانا .. اديتو حقت الفول والسلطة وبس !!
ولغاية هسي ماركات الكبدة والبيض واللحمة قاعدت في شنطتي .. زي ما هن !!
اكلنا بيهن اربعة سنين .. وعاشن لغاية هسي !!
لو ما بتاع الكافتيريا قفل وجا واحد غيرو وغير ماركاتو كان هديل اختي زاتها قرت بيهن قصدي اكلت بيهن
( لو كنا حاضرين كنا عملنا مظاهرات وطلبنا توحيد الماركات في كل الكافتيريات .. حقوق طلابية وكده ...)
من بوست ( رمتلة نسائية )
بجي تاني ..
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
Quote: هوي يا بت ؟؟
ندفع من وين ؟؟
اصبرن بس .. وما تقيفن لي هنا شوفن حتة نقعد فيها !!
هاك الماركات دي .. 4 كبدة و2 بيض و 2 فول ودي السلطات !!
وهنا تحين ساعة الصفر ( ودي عملوني ليها رمتالة دفعتنا كده) !!
قبل ما يستلم الماركات بتكون في ابتسامة ( بلانتي ) عرفت طريقها الى المرمي وسجلت الهدف الاول !!
ومع عذوبة الابتسامة بكون قايل نفسو شاال الماركات .. لكن وين ؟؟
الماركات معانا .. اديتو حقت الفول والسلطة وبس !!
ولغاية هسي ماركات الكبدة والبيض واللحمة قاعدت في شنطتي .. زي ما هن !!
اكلنا بيهن اربعة سنين .. وعاشن لغاية هسي !!
لو ما بتاع الكافتيريا قفل وجا واحد غيرو وغير ماركاتو كان هديل اختي زاتها قرت بيهن قصدي اكلت بيهن |
دا كله كوم يا سمرية ..
وماركات ليمون بزينس ..
والله ناس جامعة الخرطوم يا حليلهم وربنا يغفر للمذنب منهم ..
وقبل دا كله مبروك يا سمرية الزواج ..
والله انا ما سمعت الا من عبير السيد ..
الف الف مبروك اخت هبة ..
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
يا حمودة ...
الله يبارك فيك .. وعقبال كل الاسكولابيات ( وش ابو غمزة )
اها بذكرك لليمون بزنيس دا ذكرتني واقعة سمحة خلاس ..
كنت في سنة تانية بجي من الداخلية وعدل على كافتيريا بزنيس، بتكون الساعة حوالي عشرة والكافتيريا شبه فاضية ، لاحظ معاي اني بجي من الداخلية الساعة عشرة ... ( سمحة المقدرة ) اها طوالي بشتري اربعة ساندويشات شيبس و2 كباية ليمون مخصوص ودا لاني من الزبائن الخاسين طبعن ، اها وبتحكر لي في بنش ناصية كدا وبقعد لحدود الساعة 12 كدي ، وطبعن باقي الشلة بتجي تلاقيني قاعدة واي زول بجي يفطر او يشرب ليمون بلاقيني برضو ... والبنش البنقعد فيهو دا ، نادر جدا تلاقي زول جا وقعد فيهو ... حتى لما نكون مافيشين بنجي نلاقيهو فاضي ، واحد صاحبنا قال لينا انتو محوطين البنش دا ، لكن وحات الله الحكاية صدفة بس .. والبنش ذاتو بكون اتعود علينا ... وعلى لذاذتنا وحلاوتنا ... !!
اها استمر الحال والمنوال دا فترة طويلة وعويرة ذاتو ، لغاية ما في يوم كدا واحدة زميلتي قالت لي هوي يا هبة ، اللاب الايام دي فيهو .. ( اتيندس ) حلوة اتيندس بالعربي دي .. وقالت لي لازم تجي تحضري ... قلت ليها يا زولة لاب شنو عليك النبي ... انا فاضية للكلام الفارغ دا .. المهم زميلتي دي وفي المقام الاول صحبتي وشكلو الموضوع فيهو مصلحة لي قلت يا زولة كدي نمشي نرضي عليها ... المهم وصفت لي بكان اللاب .. قالت لي مووش بتعرفي الــ reading اها اللاب دا لصقها .. اسالي قولي لاب سنة تانية .. المهم وصلت ودخلت وصنقرت لي فوق جهاز كدا .. ومسكت الماوس في يدي زاغ مني .. وفتحت الشاشة .. ظهر لي كلام كتير كدا .. قلت ليها دا شنو السجم دا ، قالت لي .. Fox pro .. استعجبت وقلت في بالي .. البعرفو الــ Fox pro واحد غير دا ،، و under windows كمان، قعدت تقول لي اي اي لكن نحنا مفروض ندرس under dos وانا اقول ليها دا شنو التخلف دا .. والمهم قعدت اقشر ليها بشوية الحاجات البعرفها عن الــ fox pro .. صوتنا علا .. قامت قالت لي .. هووسسس .. الاستاذ وصل .. !!
الدكتور البدرس المادة دي ، كان بصر انه يجي اللاب ويشوف بنفسو الطلاب ديل بعلموا في شنو ؟؟
اها الدكتور وقف شوية .. وتوشك جا علي ... وانا خلاص قلبي وقف .. وقلت هسي يقوم يسألني من حاجات في السجم البدرسوه دا وانا ما بكون بعرفها ... وقف جمبي وسألني انتي معانا هنا ؟؟
قلت ليهو ايوة .. قال لي في اسكول ؟؟
قلت ليه ايوة يا دكتور ..
قال لي معقول ، دي اول مرة اشوفك في اسكول ؟؟
قلت ليه : قاعدة .. قلتها براحة كدة .. عشان بقية الزملاء ما يسمعوا ..
قال لي : انا كنت قايلك بتقري بزنيس ؟؟
وطبعن ما قدرت اقول ليه : وطي صوتك ...
وبعدهااللاب كلو انفقع بالضحك ...
غايتو شكيتك على الله ياليمون بزنيس السويتها فيني ..
بجي تاني ...
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
عزيزي حمودة
والله باتصل فيك لمدة
يومين متتاليين
وكنت مقلق عليك
لان موبايلك مغلق
ولكن بعد ذلك سالت عنك قالوا انك كويس
بالله ما هي قصة موبايلك
الف دولار ياراجل اصلو مطلي بالذهب
تلقى سعره ما فايت المائة درهم
وحنتبرع ليك بيها نحن اعضاء اللجنة التنفيذية
لملتقى المليون ميل مربع
بواقع 7 درهم لكل عضو
موافق اظن كدة
اصلوا انت في اللجنة الاعلامية
والاتصال بيك مهم
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: osama idris)
|
Quote: بالله ما هي قصة موبايلك
الف دولار ياراجل اصلو مطلي بالذهب
تلقى سعره ما فايت المائة درهم
وحنتبرع ليك بيها نحن اعضاء اللجنة التنفيذية
لملتقى المليون ميل مربع
بواقع 7 درهم لكل عضو
موافق اظن كدة
اصلوا انت في اللجنة الاعلامية
والاتصال بيك مهم |
ياريس طلباتنا كتيرة ..
تعرف اول مرة اشتري موبايل غالي كدا ...
قشرت بيه في السودان ..
وجيت راجع بيه بعد حروب ضروسة..
والكل يرغب يقلعه مني ..
بس الله يسامح الهكر والعمله فيني ..
وموضوع تبرعكم ..
ما ح اردكم ..
المال تلته ولا كتلته ..
معليش ياناس اسكول ..
بس يا الريس اسامة ..
ناس اللجنة الاعلامية طلعو ليهم ميزانية ..
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
بما انو يا حمودة قلت جاك ايميل من البت سلافة يوسف ، فهذا يعني انها تتابع هذا البوست .. عليه لن اجعل اسامة يموت وحده .. فلتموت سلافة معه ايضا .. وتعيش الرمتلة !!
اها ونحنا في سنة ثالثة اسكول .. ( انترموت ) وقاعدات في الداخلية لزوم ( الكسر ) وما شابه .. قررنا اننا لازم نجد حل لمشكلة الاكل المخستك بتاع الداخلية دا .. واقترحنا نعمل ميز كارب كدا ونجيب اكلنا من برا ، اول الاسبوع جمعنا القروش ونحنا كنا حوالي الثمانية بنات وقررنا نجيب الخضار من ( الملجة ) حقت سوق بحري ، وعملنا جدول اول اسبوع نمشي انا والبت ( حبوبة) الزولة دي سميناها حبوبة لانها حركاتها تشبه حركات الحبوبات ، في كل شيء !
المهم تحركنا انا وحبوبة الى السوق ركبنا مواصلات بحري ، ووصلنا الملجة وطبعن انا كعادتي دائما اول مرة ادخل سوق الخضار بتاع بحري دا ، حبوبة ذاتها ما اظنها جات برضو لانها من سكان امدرمان انذاك ..
والسوق مليان ناس رغم انو الوقت كان قبل المغرب بقليل ، وبدينا نشتري .. كيلو البصل بكم .. اول ما يورينا السعر نقوم نفاصله لمن يصل نص السعر ... ويقعد الراجل يقول لالا دا ولا رأس ماله .. وما بخارج ونحنا نصر ونلح على سعرنا المقترح ... وطبعن دا كلو نظام البنات عارفات الاسعار ويخربنا لا عارفين لا حاجة .. بس حركات شفتنة مننا ساي ...
وكيلو البطاطس بكم ؟؟ والخيار دا ادينا منو بألف ، وادينا سلطة .. بس اوعى من الطماطم المعفص ، وادينا أسود بألف برضو .. والفلفلية دي ما طازة .. وجيب معاهو خس .. ونقعد نفاصل في السعر لمن الراجل يامن ذاتو .. ولغاية ما يقعد يشرح لينا هو بشتري بكم من التلجات وما عارف شنو ؟
والبحر الايام دي زايد والخضار كلو .. غالي الايام دي .. طيب لو كنا عاوزين سمك كان قال لينا شنو ؟؟
وبعد داك نمشي نشتري الرز والمعكرونة ... والدقيق حق القراصة .. والبهارات كمان ...
وقمت شوفت ليك عند بتاع الدكان دا ، كاسترد الهلب ولا شنو ما عارفة .. قمت قلت ليهو ادينا كاسترد .. قامت حبوبة قالت لي الكاسترد دا حنبردو كيف ما عندنا تلاجه .. قلت لينا نشتري تلج نبردوا بيهو المهم الكاسترد دا لازم نشيلو .. ..
بعد داك مشينا الجزارة .. اللحم .. اللحم .. ياخ دا طولنا منو طووول !
شكلو رائع .. احمر جميل .. الضأن جميل !!
اشترينا كيلو كامل ... وطبعا اللحمة بالذات قاعدين نتعشى بيها دايما يوم السبت عشان ما تبوظ علينا لانو ما عندنا تلاجة او بالكتير فطور يوم الاحد الصباح بكون دمعة من يدين كلابالا ...
واشترينا بصل كتير ... مؤؤنة شهر من الدمعة !!
وختينا الحاجات في كيس كبير جدا ... وبدينا رحلة العودة ...
ووصلنا الداخلية والكيس الكبير ، يصعب حمله ... انا وحبوبة الكحيانة .. استنفرنا بنات جارات لينا وجدناهم بالصدفة قدام باب الداخلية ... ووصلنا الاوضة بعد جهد جهيد !
واتملن علينا بنات اوضتنا ، الكاشف اخوي والركشة ونعناعة .. والصغيرة كالابالا ..
اها .. قسمنا المهام وكل واحدة عرفت يومها متين ؟ وقسمنا الطبيخ ذاتو وغسيل العدة بقى مشكلة ذاتو بعد ما الحكاية جابت ليها طبيخ وحلل ودهون .. !
كان عندنا هيتر رهيب كدا ، ونسبة لانو غرفتنا دي ياها محل نومنا وقومنا .. شوفنا لينا بكان تاني نطبخ فيهو ... ولقينا غرفة فاضية كدا لاسباب مجهولة ... وجبنا تربيزا صغيرة ورفعنا فوقها الهيتر وبدينا الطبيخ ... اليوم داك اتعشينا بفول وطعمية لذيذة ... واجبان ... وقلنا بكرة نطبخ اللحمة ونفطر بيها ... اها يوم اللحمة .. نزلت مع كالابالا وجهزت ليها عدة الطبيخ لانه الطبيخ كان عليهاهي .. وكالابالا ذاتها كانت حبوبة اخرى ... وصنقرت ليها في كرسي كدا وهاك يا طبيخ ... البصل وما ادراك ما الدموع .. وضحكتني قالت لي انا عرفت ليه سموها ( دمعة ) لانها ممزوجة بكترة دموع موبالغ فيها ... والهيتر كان كحيان بشكل ... المهم بجاي لجاي الفطور طلع الساعة حداشر ... ووحاتكم مافي واحدة فينا نزلت الجامعة لغاية هسي محاضرات الصباح ببح ، وطبعن لو واحدة عملت فيها طالبة نجيبة.. حتجي جارية جري ... عشان تحصل الفطور وتاني ترجع لباقي المحاضرات .. نسبة لانو مصاريف الاسبوع كلها بقت في الميز دا ، مافي طريقة لاي فطور في الجامعة !
اها فطور كالابالا طلع ... وفطرنا فطرة كاربة خلاس ، حاولنا ننزل الجامعة طوالي ما قدرنا .. رخمنا اكيد وهاك يا نومة .... لغاية ما جات الساعة واحدة كدا ... صحينا لانو كان عندنا محاضرة الساعة اتنين .. طلعنا المحاضرة قوام ... وصلنا قبل دخول المحاضر بخمسة دقايق ... وبعد المحاضرة فورا .. تسللت الركشة ومعاها الكاشف اخوي ... لتجهيز الغداء .. وتسللت انا معهما لعمل الكاسترد ..
المهم ،،، وجودنا في الجامعة بقى ضعيف جدا ... يعني بقينا بنحضر المحاضرات حسب جدول الطبيخ ... البكون عليها الفطور او الغدا .. دي ما بتحضر اي محاضرة .. بنقوم نحنا الما علينا بنقل المحاضرة لها وبعد داك بنشرحها ليها لو ربنا قدرنا ...
الحكاية جاطت عليها جوطة شديدة وقررنا من الاسبوع الجاي الفطور نطلعوا برا جدول الطبيخ وكل واحدة تفطر بطريقتها عشان محاضرات الصباح بقى فيها ( اتندنز ) ولازم كلنا نحضر ...
اها بقى الميز مختصر على الغدا والعشا ... ويوم الغدا كان علي .. قمت طبخت ليهم عدس اصفر زي الدهب .. وخليت الكاشف اخوي يساعدني ويعمل لي سلطة الاسود ... !
الطبيخ حقنا بقى معروف لكل الجيران ، وبقن الرمتاليات الاخريات يعزمن ما طاب لهن من الصديقات لاوضتنا ... والاكل بقى شوية علينا ... لقمة لقمتين ونلاقى الغدا انتهى ... !
والحكاية اصبحت مخيفة ... وقروش مافي لاي زيادات ...
والضهب كتر عندنا ، والكاسترد ذاتو جاب لينا الهوا ... ودي رفاهية غريبة ... وبقوا يقولن علينا حنوكشات وشنو وشنو ... !!
وخفنا من العين ... عليه قررنا فض هذا الميز .. وان ترجع كل حليمة لقديمها ... وبث !!
وحات الله بجيكم تاني ..
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
| Quote: والله انا ما سمعت الا من عبير السيد .. |
Quote: رسالة عزيزة من أخت اسكولية :
الاسم: سلافة يوسف محمد |
اها عشان تعرف يا حمودة انا مجتهدة معاك قدر شنو ؟؟
عبير وسلافة ديل ... اروع من عرفت ورفيقات رمتلتي .. قضينا اجمل ايام عمرنا بين البركس واسكول وحتاتات تانية .. حامياني !! 
والمعلمة الكبيرة اروى فضل الله واظنها راسلتك قبل فترة ...
وبجي تاني ...
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
ويا ود ادريس ، ازيك ياخ ؟؟
وانشاء الله يباركوا ليك السمح دايما ... اها شوووفت مووووووووت لانك اصلك ميت طالما ما حصل اترمتلت معانا في بطن اسكول .. ولا حتى جيتنا زيارة في الداخلية ( وش ابو غمزة ) !!
اها عرفت انو في ناس قاعدة تتابع رمتلة بنات اسكول ... عشان كدا حبيت اشارك بالرمتلة دي .. وبدون ما واحدة تزعل يا بنات هوي الرمتلة دي مهداة للعزيزة اروى فضل الله بس لانها كانت ( بتلة ) الرمتلة دي ... !!
(2)
وبرضو في رمتالة انترنت
ودي رمتلة ترطيبة خالص
تلقى الواحد مترمتل في مسنجره وقاعد !!
يبرم ... في الماوس اليوم كلوو !!
- البت دي ما لها ما دخلت الليلة !!
- النت دا مالو بطيء كدا
- دا شنو الزول الوهم دا ؟
- داير لي موقع شددددددددديد كده بتاع اغاني رااااب !!
- اسمعني ... قصدي اقراني .. يااخ ركز معاي !!
- دقيقة اخت السفة !!
- رسلي لي صورتك ؟
- شغلي الكاميرا .. !!
- بفتش لي في غنية
- مسنجرك دا فيرشن كم ؟
- تعال في البالتوك
- الزولة العرفتني عليها ايميلها راح مني .. اديني ليهو !
والمصيبة لو اتلمو شووية رمتالة مع بعض .. كم رمتالي كده في مسنجر واحد
( شووف الخبر يا رمتالي .. اظن مبلكني انا ما داري )
الله يكفينا شر .. رمتالة المسنجرات !!
اها عشان ما يحصل تداخل في الاختساسات .. نرجع للرمتلة حقت النسوان !!
وفي رمتلة بطن بيوت ... ودي الرمتلة لما الكهربا تقطع في بيت مليان بنات !!
ودي رمتلة بتكون ... عجييييييييبة !!
برضها ما اختساسي !!
وفي رمتالة كشاتين .. ودي رمتلة لا ليها اول لا ليها آخر !!
بس طول اليوم يولعو .. حريقتكم ... واقلب هارد .. وبوشت وسيييك ودي فرمالتك.. !!
بالله شوف الدامة دي شديدة كيف ؟؟
ودا برضو ما اختساسي ..
كدي نرجع لرمتلة الداخليات ..
وخاصة ايام الامتحانات ..
الواحدة تشتهي الرمتلة ..
نكون قاعدين نقرأ ..
نسمع ليك صوت السينما ... جمبنا هيطة بالهيطة !!
والصفافير وعووووووووك وعيييييييييك
و .. رررووووووك.. !!
واحدة معانا رمتالية خيالها اوسع ... من مشروع الجزيرة !!
تقول اللقطة دي حتكون ... البتلة .. نطت في البحر !!
اها طيب الناس صفروا لييييه؟؟
.. قالت بكون عشان .. البتل ياخذ باله ويتلب وراها !!
والصفافير مدورة ... ونحنا المغصة كاتلانا ..!!
قررنا الا كان نمشي السينما .. !!
والامتحانات .؟؟
تطير الامتحانات !!
بس بكرة دي نمشي السينما !!
اختلفنا..
تلاتة .. مصرين يمشوا !!
اتنين خرخرو ..
واحدة .. اتحنست !!
والتانية اتحنكت !!
ومشينا ... وي وي !!
قطعنا التذاكر .. !!
واشترينا فيشااااااااار .. فول .. تسالي وترمس !!
قعدنا بلكونة ..
والفيلم بدأ .. موسيقي عجيبببببببة
والصفافير دددددي !!
والبطل رهيببببببببب
والصفافير ديييييي
وبدينا نندمج ..
قومي يا الكهربا اقطعي !!
هوي ما في واحدة تقوم !!
نتسمر قبلنا يعني ؟؟
خلن الكهربا تجي !!
امسكن شنطكن عليكن ..!!
مافي جنريتر ؟؟
اها برجعو لينا حق التذكرة ولا نجي نحضر بكرة مجاني ؟؟!!
الكهربا دي متين بتقطع هنا .. ولا عشان قلنا نفرق شوية ؟؟
الكهربا طبعا لا جات لا حاجة !!
قلنا نرجع نجي بكرة
رجعنا داخليتنا .. ولا قرينا قرايتنا !!
رجعنا نفتش البوش وباقي العدس !!
صحبتي الرمتالية الخيالية ..
قالت تتم لينا الفيلم .. من رأسها !!
قالت البتل .. حيقابل البتلة صدفة
يدقشها بالموتور تقوم كتبها .. تتدفق في الووواطة
ينزل يرفعها .. ( تبسم اليه .. ابسم معاها معاها )
يسمع غنااها .. غناااها
ومع صوت المووووووووووووتور .. يقوم يحبها ..
الخيانة .. يخطفوها ..
ويضربوها ... يجي البتل .. ينقذها ...
وبعد كم رقصة وحبوكانات تطلع .. البتلة ( امه ) !!
ضحكنا ونمنا ..
وقلنا بكرة الا نرجع السينما ما بنخلي ليهم قروشنا !!
اصبحنا بالله
قرينا اليوم كلوووو
جات الساعة ستة
لبسنا وطلعنا .. على وين ؟
السينما برضو ؟
آآآي
بتاع التذاكر .. اتجنن وقال الا نقطع
قلنا ليه ( نحنا بتوع الاتوبيس )
بتوع امبارح !!مش كهربتكم قطعت ؟؟
دايرين تأكلونا ؟؟
هسي بتاع الاتحاد دا مش جا بهنا .. وينو وينو ؟؟
عمك .. لقى نفسو محاصر
لا اتحاد لا غيرو .. ادخلن خلاص !!
قعدنا في نفس المكان
الفيلم بدأ .. لكن ما بتاع امبارح !!
دايرين حق امبارح !!
مالو موسيقتو سخيفة كدا !!
وقدددددددديم ... لا حولاااااا
كابوي من زمن حفرو البحر !!
شفنا واحد .. نزل من حصانو ..
دخل .. المقهي بتاع الكابويات
دفر الباب .. القاعدين جووة طوالي طلعوا مسدساتهم
تااخ ترااخ .. كبنج .. كبنج كبنج .. تررراخ ... دشدشدشدش
المقهي رقد خشب !!
لا تربيزا .. لا كرسي .. لا قزاز !!
طبعا من طريقة ضربو عرفنا انه البتل !!
طلع ... من المقهي.. نفخ في مسدسو .. كده !!
وركب حصانو .. وشتت !!
والموسيقى السخيفة تاني !!
و ثا اند ... !!
انتهي ؟؟
دا كلام شنو ؟؟
هو بدأ لمن ينتهي ؟؟
قصتو شنو ؟؟
وفجأة سمعنا ليك ... دشددددددشش .. !!
دشدشششددددش .. دششششدددش ..
سجمنا .. الدشدشة دي وين ؟؟
اجرن .. جرى !!
الدشدشة دي مالها زي الفي رأسي !!
سجمنا ..
اجرن .. اجرن !!
قبال تجينا قزازة طايرة !!
( وانا مالي ومال كدا )
وجرينا .. وجرينا جري نضيييف !!
وتاني توبة أي رمتلة الا رمتلة السينما دي .. !!
بجي بعد شوية كده
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
سلافة سلافة سلافة ... عليكي الله ما تموتي قبال تقري الرمتلة الجاية دي ...
***
عندنا صحبتنا حبوبة .. اهلها رحلوا آخر الثورات اها قامت بالمناسبة دي قالت الا تعزمنا في بيتها غداء .. كلمت ناس اوضتنا الاوضة الجمنا ( السناير ) وكنا حوالي عشرة بنات ما شاء الله علينا ، اتحركنا التقول من الساعة حداشر صباحا .. لانه آخر الثورات دي بعيدة خلاس .. ركبنا للسوق العربي ومن هناك قلنا نركب السوق الشعبي امدرمان ما لقينا مواصلات ركبنا الموردة ونزلنا في ( عشرين ) قصر الشباب والاطفال .. وفضلنا منتظرين مواصلات لغاية ما جات التقول الساعة وحدي .. بعد خراج روح لقينا دفار ماشي السوق الشعبي .. اتخيلوا .. بقشرتنا ديك ركبنا الدفار الشين ولمن وصلنا وين كدا ما عارفة قام لستكو ضرب نزلنا .. وانتظرنا دفار تاني .. ... ووصلنا غايتو .. السوق الشعبي .. ودي كانت اول مرة لي امشي السوق الشعبي امدرمان .. زحمة كدا عجيبة ... وعشان نصل بيتهم من الحتة دي ركبنا بوكس .. اجرناهو ...
والحمدلله حوالي الساعة 3:30 وصلنا بامن وامان ...
ولقينا ناس بيتم منتظرننا ... اخواتها الظريفات مجهزات الغدا .. وشربنا كترة موية ... وعصاير وحلويات ... اها لمن اخواتها قامن يجهزن الغدا لقوا انبوبة الغاز انتهت ... وكانت حكاية لغاية ما رسلوا جابوا فحم .. وولعوا النار كان المغرب قرب ياذن وطبعن نحنا مفروض بعد دا نفكر في رحلة العودة .. والدفارات الراجيانا .. المهم بعد تلتلة طلع الغدا .. بس ما قدرنا نأكل كويس ... سريع سريع كدا .. اكلنا التحلية .. على نص بطن كدا ... ومرقنا ... وتاني السوق الشعبي .. بس المرة دي لقينا السوق العربي طوالي .... واتحركنا ... لمن وصلنا شارع الاربعين بدات بوادر الرمتلة تظهر علينا بنات اوضتنا فقط .. وفجأة قررنا ننزل ونمشي لاصحاب لينا في الاهلية بقروا بالمسا ...
وتلبنا ... وباقي البنات .. اندهشن وفتحن خشومن .. ماشات وين ؟؟
الاهلية .. الاهلية ..
الساعة كانت بالضبط 6:30 مساء .. ودخلنا الاهلية والحمدلله بعد كم مدرج وقاعة كدا لقينا جماعتنا قاعدين ... في امان الله ... شربنا معاهم قهوة سمحة خلاس في كافتيريا النشاط .. وبعد داك قلنا ليهم هوي نحنا زمننا جا .. وبندور نرجع ... قالوا لينا خلاس اقعدو حبببببببة .. بنوصلكم بعربية الليلة هناي سايق بوكس عمه .....
ركبنا البوكس كلنا باصاحبنا زاتم ووصلنا الخرطوم ... في اللحظة ديك .. اتذكرنا انحنا ما اتغدينا كويس ... وقعدنا نحكي ليهم عن الغدا الخستكت بيهو انبوبة الغاز ...
قام هناي الشغال مع عمو واصلا هو زول حارة وكريم شديد واخلاقو عالية ومرطب شديد ... قال الا كان يعشينا .. بكون حنا علينا .. وطوالي وقف البوكس قدام الحاتي ... وطلب لكل واحدة فينا نص فرخة .. !!
نزلنا ولمن جابوا لينا الفراخ كان فضل لليت ربع ساعة ... ( الليت كان الساعة تسعة مساء بث )
اها اتجرسنا .. وخلينا الفراخ في تربيزتو وطلعنا ... صاحبنا قام فكر وكلم بتاع المطعم يلف الفراخ في اكياس وجابوا لينا ...
حل برضو ما بطال ... وفرحنا طبعن .. ووصلنا الداخلية ودخلنا قبل ما يقفوا الباب بدقيقتين ...
ونحن شايلين الكيس الكبير والضخم والفايحة منو ريحة الفراخ المشوي .. اللذيذ ...
نعناعة فجأة كدا قامت وقفتنا وقالت لينا هوي انتو دايرين تصلوا الغرفة بالاكياس دي ؟؟
قلنا ليها طبعن امال ايه ؟
قالت : جنيتو ؟؟
يقولن علينا شنو ؟
كيف يعني .. وليه يقولن ؟؟
قالت لا لا دي سمعة جاهزة ... ولازم نتخلص من الاكياس دي ..؟
يا بت دي منطق شنو ؟
والاكياس مالها ؟؟
شبهة .. انتو ما بتفهموا .. وما لا عارفين .. البجيبوا معاهم اكياس ديل ياتو صنف ؟؟
ياتو صنف ؟
يا اخت دا كيس فيهو فراخ ؟؟ انتي قايلو كيس شنو ؟
ابت كلو كلو .. ونحنا ما فاهمين البت دي مالها .. واخيرا فهمتنا انو ... كدا كدا كدا ...
ونحنا قلنا خلاس الكيس البجيب الريح ... ندسو ونستريح ..
واتقفنا ندخل الاكياس في شنطة حبوبة .. لانها كانت شايلة شنطة كبيرااا .. جابت فيها هدوم من بيتها ..
وطلعنا الهدوم برا الشنطة ...
ووصلنا اوضتنا .. وقفلنا الباب طوالي .. ولمن خلاس ما قدرنا نستحمل الجوع طلعنا الاكياس .. وبدينا ناكل بمزاج والباب مقفول تمام ...
في اللحظة دي جات ... واحدة جارتنا كدا .. ودقت الباب .. وطبعن هي عارفة اننا قاعدات جوة ... لزينا الاكياس تحت السرير .. ودخلناها ... قالت انتو مالكم الليلة ووين كنتو .. ؟؟ واتكلمت كتير خلاس ونحنا ما فاضين ليها البت دي ... وقامت قعدت وشكلها كدا لسه حتطول والقصة جارة ... قمت انا طوالي قلت ليها .. دايرين نتعشي .. رأيك شنو ؟ قالت كويس .. ارح نجيبو .. الغيبانة دي امانة في ذمتها ريحة الفراخ دي كلها ما شمتها .. ولا عاملة رايحة ... تلاقي الريحة دي الجابتها ليينا ... قلنا ليها .. عشانا قاعد .. بس انتي زحي رجلينك ديل عشان نجروا لبرا ... وفعلا دقرنا تحت السرير .. وجرينا اكياس الفراخ .. وسط دهشة وذهول .. في عيونها ...
قالت دا شنو ؟؟
قلنا ليها ... فرررررررررراخ مشوووي ..!!
واكلنا بعدما ... حكينا ليها بالحاصل ... قامت ضحكت وقالت يعني انا هسي ... ( شاهد ما شاف حاجة )!
وهههههههههههههههههههههه
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
واها انا حلفت الا اكتلتكم بالضحك ..
***
مرات الرمتلة دي .. بتبقى عادة وعبادة !!
يعني مثلا ...
اول ما نزلت الجامعة ( برلومة حلااااتي )
ود جيراننا اتسنير علي وقال لي :
شوفتي المحاضرات الاولى دي كلها بتكون برلمة سااي ..
اعملي حسابك !!
وفعلا .. محاضرة .. محاضرتين وكلها طلعت برلمة
قررنا تاني ما ادخل وبرضو زميلة ليه كدا تعرفت عليها قبل يوم ( ولغاية هسي فردتي شديد ) .. وبرضو صحبت صحبتها وصحبت صحبت صحبتها !!
وبقينا نجي ونقعد في بنشات ( المين رود ) اليوم كلو نمشي نفطر ونجي راجعين ، نصلي ونجي راجعين وطبعا ما بنمشي كلنا عشان نحجز البنش لانو بنش في موقع استراتجي !!
بنكون قاعدين وفي برالمة معانا بدخلوا المحاضرات ويطلعو مبرلمين يقوموا من بكرة يترمتلوا معانا في البنش !!
وبقينا شلللللللللللة كبيرة .. والبنش بقى ما بشيلنا .. حاولنا نستولى على بنش سناير هندسة .. لكن طلعوا مفتتحين .. !!
البنش حقنا دا مستحيل تلاقو فاااضي .. طوالي ملييييييييان .. غير القاعدين والواقفين .. بكون في اتنين اتنين مطرفين ... وديل سبب الفرقة الحصلت فيما بعد !! الله يجازي الحب وسنينو !!
طبعا دا كلو .. ولسه البرلمة مدورة في المحاضرات !!
واحدة من الرمتالة .. المعانا ,, قررت تدخل محاضرة كدا !!
واصرت الا كان نمشي معاها ..
ياااخ كان ما موسم البرلمة دا انتهى نحنا ما بندخل !!
البت دي شخصيتها قوية خلاااااااااص
اصرت والحت .. واجبرتنا على دخول المحاضرة !!
أمرنا لله !!
جا الاستاذ ولا الدكتور ما عارفة !!
المهم وقف في الاستيج .. ومسك المايك !!
وسالنا كم سؤال ما في زول عرف يجاوب ولا براهم ابو يجابوا ما عارفة !!
غايتو انا كان عندي هيت فون بسمع في ابو عركي .. واحشني ,,, واحشني .. ترتن تتن !!
الدكتور قام يهزأ فيهم .. انا غايتو ما معاهم لاني اصلا ما معاهم !!
وفجأة اشوف ليكم صحبتنا الجابتنا .. تقوم فووق وتتشاكل معاهو !!
هوي دي مالها ؟؟
وسمعتها ليك .. اسمع هوي نحنا حركات البرلمة دي خلاص زهجنا منها !!
ما تعمل لينا فيها دكتور وتقعد تقشر لينا بكم سؤال تعسفي !!
كرهوتونا الجامعة زاااتو .. وخليتونا مشردين ومترمتلين في البنشات..
وانا بقلبي قت .. مالها رمتلة البنشات والله لذيذة !!
وقعدت تكورك والدكتور يعاين ليها .. مندهش
طبعا قال ليها اتفضلي براا بعد ما شال اسمها .. قامت طلعت .. ونحنا وارها فووووووووووو مش صحبتا ... وجارتا .. وبت بنشنا ؟؟!!
قابلتنا واحدة سنير جمب الباب مالكم .. هايجيين كدا ؟؟
حكينا ليها الحاصل .. قامت تاوقت بالباب وشافت الدكتور !!
رجعت لورا ونطتت عيونها فينا.. انتو جنيتو ؟؟
دا دكتور شمس الدين ...
لا حولاااااااااااااا
اعوذ بالله ...
والليلة والليلة ...
والليلة دوب ..
والليلة روب ..
ومن ديك وعيك ... الرمتلة بقت مؤسسة ومقننة .. ويعلم الله من يومها تاني مافي مدرج شافنا جواهو !!
لغاية ما اتخرجنا ... ونحنا مقاطعين !!
قرينا الجامعة ... من بنشاتهم !!
وقعاد البنشات دا علمنا حاجات في الجامعة ما كان ممكن نتعلمها بدخول المحاضرات !!
في البنش انت بتكون قاعد والكون حولك كلو مكشووف !!
شايف الناس من فوووق كدا ... !!
وانا اكتشفت انو الواحد لما يكون قاعد في مكان لفترة طووويلة ... ببدع !!
لانو العباقرة كلهم ... ابدعوا بسبب ( الرمتلة ) في مكان واحد !!
صدقوني .. !!
المهم ... ابتدينا نبدع !!
عملنا رندوك خاص بينا !!
الجامعة تنضم نضم .. ونحنا نضمنا برررررررررانا !!
والشلة حقتنا .. بقى عندها اسم ( اول حرف من اسم اي زول معانا)
انضمت لشلتنا ( شلتين ) لكن طبعا نحنا بقينا العمداء ومافي زول يعمل حاجة الايرجع لينا .. خاصة لو داير ( يخلط )
الخلط عندنا كان ... ( جريمة ) لاننا كنا نعتقد ان الخلط حيساهم في فرتقة الرمتلة .. والبنش حقنا بحكم موقعة لا يصلح للخلط .. فأكيد حيفكر الرمتالي الابتعاد من الاعين .. !!
حاربنا الخلط .. في بداية الامر .. ( لو عارفنو حلوا ما كنا عارضنا )
المحاربة كانت تتم بتشنيف ( المخلوط /ة ) اشد تشنيف !!
بالله شوفها كيف زي العسكري !!
خشب الله عبد الناشف !!
دا شنو أب جضوم دا ؟؟
يااخ زولتك دي موللنيكس !!
عينو زااايعة والله !!
آل العوض !!
وهكذا حتى يقنع الخالط .. عن خلطته !!
استمر الحال والمنوال .. لغاية ما وصلنا سنة رابعة وخلااص خريجين وكدا !!
جات الامتحانات .. !!
وفي قاعة الامتحانات .. قاعدين جابوا ورقة الامتحان !!
الحمدلله لقيت نفسي ناقشة حاجة !!
بديت احل الامتحان .. فجاة رفعت راسي .. شوووفت ليك واحد ضابط بدابيرو واقف في نص القاعة .. واشوف ليك .. زملائي دا يناديهو بجاااي ودا بجااي .. استغربت .. وقت الا اعرف هسي دا يطلع شنوو ؟؟
جمبي واحد .. من الرمتالة .. سألتو قال ما عارفو !!
سالت واحد تاني .. ما بعرف اسمو منو !!
انت الضابط دا شنو ؟؟
زميلي رفع رأسو وعاين لي ... بدهشة كدهشة بت جيراننا لما سرقوا موبايلها وهي بتكلم بيهو !!
وقال لي يا هبة .. دا الدكتور !!
قت ليهو العيان منو ؟؟
قال لي قولي بسم الله .. دا الدكتور حق المادة دي .. الدرسنا ( الباسكال ) !!
باسكال .. باسكال ؟؟
رمتلة باسكال .. رمتلة باسكال .. رمتلة باسكال .. !!
والحمدلله اتخارجنا !!
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
اها في ناس ما عارفين الرمتلة دي معناها شنو ؟؟
انا ذاتي ما عارفة معناها لكني رمتالية درجة اولى .. !
والرمتلة مالها ... ؟؟
مش احسن الزول كافي خيرو شرو ... وقاعد في حالو .. وما شغال بحال غيرو ؟؟
اها الرمتلة دي موهبة يعني ما اي زول بقدر عليها ، وحتى الرمتالة هم زاتهم خشم بيوت !!
وانا ما عارفة علاقة الرمتلة بخشم البيوت شنو .. كلما نجيب سيرة الرمتلة .. نلقي نفسنا قدام خشم بيت !!
اها قلت ليكم الرمتالة خشم بيوت !!
يعني في رمتالة هاويين وديل بتكون الرمتلة عندهم بالفطرة يعني الواحد فجاة بلقى نفسو بقى رمتالي بدون ما يشعر !!
وفي رمتالة محترفيين وديل ( ضهبنجية الرمتلة ) يعني الواحد بكون لا رمتالي لا حاجة ولا عندو الموهبة بس بكون معجب بالرمتالة وحياتهم ويقوم يجرب الشغلة .. شوية شوية .. ويتعود عليها لما خلاااااااس ويبقى رمتالي محترف !!
دا كان درس مجاني عن الرمتالة ... ولو اي واحد محتاج لاي معلومات اضافية الرجاء الاتصال بالضابط المناوب !!
سمعت تحت تحت انو في رمتالة بيوت اعراس !!
الرمتلة دي بالذات ما اختساسي !!
وبرضو سمعت في رمتالة حفلات عقد الجلاد .. وديل رمتالة اصحابي
طيب نرجع ... لرمتلة الداخليات ..
اها مرة قريب الامتحانات ، كنا بنعمل معسكر بالداخلية وبجن بنات الخرطوم ( طبعن انا عاملة نفسي من بنات مدني ) .. ويقعدن معانا بالداخلية عشان يقرن قالوا .. اها اليوم داك كان جمعة ... وكنا قاعدين نذاكر .. وصفحة وراء صفحة .. الزهج حصل وانا لمن ازهج لازم اعمل ( عمايل ) .. في واحدة رمتالية قالت لي نقوم نجيب الغدا .. مشينا الكفتيريا لقينا عيش مافي ... قلنا نمشي لقدام نفتش .. المهم .. الجوعة ما كانت ملحة .. وفضلنا نمشي انا وهي من حوش لحوش .. وطبعن الداخلية ما كبيرة ... حيشان السرور ... لغاية ما وصلنا داخلية .. كدا اول مرة نشوفهااظنها داخلية درسات عليا .. ... والغرف كلها فاضية .. لاسراير لا غيرو ... بس في شوية اشياء مبعثرة هنا وهناك ... وبعض الدولايب المهملة ... دخلنا غرفة غرفة ... وبقينا نتفرج في الغرف وفي الكتابة على الحيطان .. وعلى الدولايب ..وبقايا زيت الكركار ... في اطراف الدولايب ... ولقينا ورق كتير .. ورق كراسات مليان محاضرات وورق مذكرات مصورة .. وورق كتب .. وجرايد ومجلات ... زحمة ورق واكياس ... .. وفجأة زولتي المعاي لقت ليها ظرف .... مليان صور ... والصور دي كلها الغريب في الامر ابيض واسود ...
تاريخ الصور كان قديم خلاااااااااااس ، عدد الصور كان اكتر من المية .. !!
قعدنا نتفرج في الصور واللي كانت صور لفتيات في عمر الزهور ... العندها ضفيرة طوويلة .. والقاصة شعرها ... والمسرحة ضنب حصان ... والعاملة قُصة ... مختلف التسريحات ومختلف الملامح .. النعومة والخشونة ... الرقة .. والدشانة ... الطيبة والاخلاق ... وقيلنا قبلنا ... نتفرج ونضحك ... ونقرأ التذكارات خلف كل صورة ... وقعدنا كمان نتخيل حاجات غريبة ... مثلا منو في البنات ديل اكتر واحدة صحبة لغاية هسي للزولة الكانت ساكنة هنا ، ومنو العايشة ومنو في ذمة الله ... ؟ منو الواصلت تعليمها ومنو الاتزوجت وقعدت في البيت .. وطبعن نحنا بنصل لنتائج مرضية من خلال ملامح كل واحدة وانطباعنا عنها .. اتخيلوا ؟؟!!
اها رجعنا غرفتنا... والصور دي اوحت لينا بخطة غريبة .. لا تخطر على بال !
الله يجازي الرمتلة ... بتخلي الزول خيالو واسع ( اوعى تفهموا غلط ) ..
سألونا وين الغدا .. ؟
ابينا نجاوب ؟!
يا بنات نحنا منتظرينكن تلاتة ساعات لمنا شفقنا ... وتجوا بدون غدا وعاملات زي بنات ابو الهول ؟؟
واحدة فيكن تنضم مالكن ؟
اها نحنا ابينا نتكلم كلو كلو ... بس ساكتين وانا دي ... لمن اقوم على التمثيل ...مثاااااالة ..
في الغرفة ... كانت في كالابالا ... دا اسم الدلع طبعن ... وهي فعلا تستاهل الدلع .. بت من بنات الخرطوم حلوة ودلوعة وشاطرة شطارة ... وطيباااااااااااانة شديد ومشكلتها الوحيدة في الدنيا دي انها صاحبت ليها رمتاليات زينا ...
انا والكاشف اخوي داك ... فضلنا صامتين صمت القبور بس ..
كالابالا ... قدر ما حاولت تعرف مننا مالنا .. ابينا نتكلم !
واحدة تانية اسمها نعناعة .. وبرضو كنا بندلعها ... بالنعناع لاسباب كتيرة ...
زهجت مننا وشالت كتبها واتخارجت قالت ماشة تقرا في الجامعة .. لكن نحنا كنا عارفين هي ماشة الجامعة لشنو .. ولمنو ؟!
حبوبة ... ودي زولة براحة كدا .... وطيبة خلاس ...
برضو لقتنا حركتنا بايخة ... قامت شالت هدومها ومشت المغاسل تغسلها ..!!
فضلت لينا منو ..؟؟
كالابالا .. طبعن !
وهو المطلوب ...
لانو علاقتنا بيها كانت مميزة .. قامت عملت نفسها عاوزة تعرف الحاصل شنو ؟؟
وقبل ما نغوص في رمتلة الصور دي ... في خلفية تاريخية مهمة وهي اني في الوقت داك كنت مخطوبة وخطيبي كان بالسعودية .. !!
رايكم شنو اخليكم مع خيالكم ... ونشوف كيف حتكون نهاية الرمتلة دي ؟؟؟
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
يا حمودة ، صباحاتك ورد ..
ارجو التصحيح فهو عادل عطية وليس عادل عبد العاطي وهو ايضا زميل بهذا المنبر !!
بعدين ياااخ ما تشوف لينا طريقة عشان بنات الاسكول الحلوات ديل يجن معانا هنا ...
سلافة وعبير ... اجمل صباح لاحلى بنات ...
والله وحشتني لمتنا ، والاوضة الجمعتنا .. عطبرة 22 .. والجردل الكنا بنبربطو بتوب عشان يرفعوا لينا بسكويت الشاي حق الصباح ... متذكرات ؟؟!!
ههههههههههه ... عارفين هسي ضحكت ليه ؟؟
لاني اتذكرت اللهجة الكنا بنتكلم بيها في الداخلية ... لهجة الاطفال الصغار .. !!
ما دالية معاكم بث تدا ؟؟
انا امبالح دوتا ليك سنو ؟؟!!
وصباح جميل يا سلافة وعبير وكل الاسكولابيات الحلوات ...
والتحية للاخ حمودة وهو يجمعنا من جديد ...
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
وطبعن رمتلة الداخليات بتعلم الواحدة حاجات كتيرة .. على سبيل المثال لا الحصر .. كيفية عمل زيت الكركار .. هههههههه لكن انا الله يسالني من يوم دخلت الداخلية كرهت زيت الكركار وسنينو ...
واتعلمت الاكل ... من اوسع كقتيرياتو ... ومرة تانية بحكي ليكم عن رمتلة الكفتيريات .. !
كدي هسي اسمعوا الرمتلة الرياضية دي ؟؟
اها في ناس رمتالة كورة !!
تلاقي الواحد .. بس يسمع ليك .. طرف مباراة .. يروح ماسك الكورة من ايدها البتوجعها !!
يطلع من الشغل من صلاة الضهر ... ويركب مواصلات الاستاد .. ومن الساعة 2 ضهر .. يحرس الاستاد ... ويحرس ستات الشاى وستات التسالي .. طبعا بكون خاتي طوبة لانو شباك التذاكر ما بفتح قبل الساعة 4عصر .. وطبعا الرمتلة المن النوع دا مكلفة جدا .. لانو الواحد بصرف فيها دم جيبو كلو .. حق التذكرة وحق الجرايد لانو ما ممكن يصنقر جنس الصنقيرة دي وما يقرأ جريدة .. التسالي ورم ليهو شلاليفو .. ودا غير .. حق الضل الضل زاتو بقى بقروش .. لانو في واحد بتاع سجاير عندو بأجر الضل حق كشكو الساعة بمية جنية .. اها لغاية ما ناس الاستاد ينشفو مويتو .. ويطبعو تذاكر المباراة .. الاخوة الرمتاليون ديل .. ينتظروا وين ؟؟
وطبعا الرمتلة دي بتبدأ من الحلة ... والرمتاليون من هذا النوع .. بكونوا ( شعيرية ) في الكورة .. بس تلاقي الواحد .. من تجي الساعة تلاتة .. يقول لناس البيت ختو الغدا .. عندنا كورة .. !!
والرمتالة ديل .. بحبوا قعاد المساطب ... ( يومه اسود العامل مسطبة قدام بيتو ) .. وطبعا الواحد فيهم بكون مثقف( كوريا ) وليس صينيا .. في الاخبار الكورية ( اسبيراتها ارخص طبعا ) .. بكون عارف جميع الفرق الفي المنطقة .. واخبار اللاعبين العاطفية .. والمحاولات الفاشلة لتسجيلهم في احد الفرق الكبيرة .. !!
طبعا ما بكتفوا بالمتابعة وبس .. لكن بتلاقيهم سباقين لزيارة اي لاعب لو كسر ترقوته او رجله .. او لو جات في الانكل زاتو !!
والامر لا يقف عند هذا الحد ... وبما انهم بكونوا مصنقرين في اوقات .. خطرة جدا ... وبكونوا عارفين ... حتى اخبار بنات الحلة .. وقشراتهم العصرية !!
مما جعل بنات الحي .. ينتظرن انتهاء الكورة بفارق الصبر .. ليخرجن .. دون متابعة العيون الرقيبة !!
او عصرا بدري .. والشمس .. قايدة !!
واضح جدا انو الرمتلة اعلاه ما اختساسي ..
انا كان اختساسي ... دوري الجامعات !!
وكنت بشجع .. هندسة وآداب ..
وطبعا لا خريجة هندسة لا آداب !!
وكان نشاطي الرمتالي ببدأ من الساعة 12 ضهر .. اخير (ناس الاستاد )
والنشاط .. بكون بمتابعة الجرائد الحائطية الكورية .. والقصائد التي تنجر .. حول الكليات والمناظرات التي .. تدور حول المباريات !!
هندسة غرب السنتر صلاة النبي فوقها .. كلية زي السكر صلاة النبي فوقها
ونحنا رغم ( سميستر ) الجكس فينا مكسر .. صلاة النبي فوقها !!
واسكول جنوب السنتر ( ودي طبعا كليتي الله يحرسها ) صلاة النبي فوقها
كلية اوضة وعنبر .. صلاة النبي فوقها !!
الدومة قالوا رئيسها .. صلاة النبي فوقها .. عضت اضاني كديسة !!
وبعدين .. ( الخير ) بتاع عقد الجلاد .. كان المايسترو بتاع تشجيع مباريات هندسة .. يا حليل زماااااااااااان .. ودوري الجامعات زماااااان .. !!
ودا غير .. الشمباتة .. كانوا لاعبين لكن .. بس كداراتهم كانت بتكون مليانة طين ... ويقعدو يبطبطوا في الميدان الشرقي لمن المغرب يأذن ( انا ما عارفة علاقة المغرب شنو بموعد انتهاء الكورة .. ) !!
اما .. ناس ( ســـــ س سس ) استاااااااااااااااااذ .. الحبة ما بعرفوها .. بس فالحين في ( اسكت يا بليد )
والليل الليل يا ليل .. يا حلاة آداب بالليل !!
اها ديل ناااااااااااسي .. وتاج رأسي !!
ومن ما يبدأ الدوري كنت بشجعم .... وبكون شااايلة صورة سيبوية وفرويد ... ومكيافيلي ... !!
اها جات كورة اسكول وشجعت آداب ...
جات كورة الشمباتة وشجعت آداب ..
وجات كورة طب وشجعت آداب ..
وكورة تربية وشجعت آداب ..
وقبل ما انسى في رمتلة في الميدان الشرقي ... تانية غير رمتلتنا دي ... والرمتالة من النوع الخاص دا .. ببدأ نشاطهم الرمتالي من .. الساعة 10 صباحا ويستمر حتى ( الليت ) .. الله يكفينا شر الرمتلة دي ... والرمتالة ديل فعلا من نوع خاص لانهم ما بحبوا ( الكترة ) .. وجوة المركب فضلو يغنوا .. شوية شوية وسكت المركب ... ّ!!
كنا نعتقد ان فعاليات الدوري .. سيجعل هؤلاء الرمتالة .. يعزلو .. لانو البكان بكون ملييييييياااااااااان .. وضجة ازعاج !!
لكن اتضح انو بالنسبة ليهم الذ حاجة الرمتلة حقتهم دي وسط الجوطة ... ززززول بكون جايب خبر ماااافي !!
اها نرجع للاختساس ...
وجات كورة هندسة .... صلاة النبي فوقها ...
وطبعا انا انجعصت .. مع ناس آداب .. وهاك يا تشجيع
آداب .. آداب .. تخي جولي !!
ويي ....... سلو تخافاي ... سلوتخافاي
دا بالفرنسي طبعا !!
والحمدلله ... فازت آداب .. ولفينا الجامعة .. سيرنا ناس هندسة لمحلهم .. ورجعنا الداخلية وسيرنا .. جاز هندسة لاوضو ...
وانا رجعت اوضتي ... وشوفو قوة عيني ... ساكنة مع صحباتي بنات ( هندسة ) .. رجعت وعاملة فيها البت خلاص ...
دخلت الاوضة لقيت الناس كلها مغطغطين وراقدين والنور مطفي .. قلت الليلة مالها اوضتنا مليانة كدي !!
براحة براحة .. مشيت سريري .. ورقدت !!
فجأة اسمع ليك .. وردلوب .. وردلوب !!
وبطانية ... لفوني بيها .. وعصروني عصر وهاك يا ضرب لمن اتخيلت النور ولع !!
في شنو يا حلوين ..؟؟
قالوا لي .. ( طابور بطانية )
حرام حرام .. حرام عليكم ...
ودا كلو عشان ... شجعت آداب ... طيب لو شجعت طب كانن عملن شنو !!
آحييييييييييي .. العلقة لغاية هسي ... محرقاني !!
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
سلامات
أقتراح من الاسكولية العزيزة الأخت سلافة :
Quote:
الاخ حمودة الشكر ليك كتير لانك حلقة التواصل بين الاسكوليين
وانشاالله نجتمع على خير دائما
رسالتي دي عشاااااان يعني :انو يبدا التخطيط لما بعد تجمع الاسكوليين عشان مايكون مرور سريع
اكيد عايزين برامج جميل يربطنا ...و اكيد في افكار جميلة موجودة عند الاسكوليين عايزين نسمعها
والا حتشغلنا الدنيا تاني ونبعد ولا رايكم شنو ؟؟؟؟؟؟؟
بعدين ياسمرية عبير زكرتني حكاية العدس الذي الدهب |
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
رسالة غالية من شاعر الاسكول انور خالد :
Quote: الأخ حمودة سلامات
أولاً إليك قائمة مكتملة بأسماء دفعتنا برالمتكم.
1. اسماعيل قاسم
2. اشرف عبد المجيد
3. الأمين حسن صالح
4. الطاهر ابراهيم النور
5. الوليد بشير أحمد
6. أمير الهادي
7. أميمة عبد الله الترابي
8. آدم خليفة
9. أحمد عمر أحمد
10. أسامة عبد الرحمن مهدي
11. أنور خالد أحمد
12. إبراهيم جبرة
13. خالد عبد الله البدوي
14. خالد نصار
15. رشيدة عبد القادر
16. سامية أحمد البشير
17. صديق الصادق كوكو
18. صلاح الدين دينق
19. عباس علي
20. عبد الرحمن عابدين
21. عبد الرحمن يوسف
22. عبد العاطف عبد الرحمن
23. عبد المحسن بابكر
24. عبد المحمود عبدالله
25. عثمان أحمد الخليفة
26. لمياء محمد
27. ليلى بشرى
28. ماجدة محمد
29. محجوب اسماعيل محجوب
30. محمد ابراهيم دشيش
31. محمد الطيب الفكي
32. محمد أبو القاسم عبد الله
33. محمد إبراهيم ترجوك
34. محمد حامد آدم
35. محمد خضر محمد نور
36. محمود أحمد حوته
37. معاوية مطر
38. معتز حامد برهان
39. معز المنصوري
40. ناصر صالح علي صالح
41. نازك محمد
42. ندى عمر المنصور
43. نزار عبد الرحيم باسان
44. نصر محمد عبد الله
45. نور الدين عبد الرحمن الجاز
46. يوسف محرم عبد العال
ثانياً : التحية للأخت سمرية فقد أعادت إلى الذهن كثيراً من ذكريات أيام الداخلية الحلوة ، وللحقيقة فهي تملك كل مقومات القاص الناجح : الموضوع والحبكة وطريقة الحكي أو ما يعرف نقديا بتقنية السرد وبصراحة لا أدري لماذا تذكرت روايات المبدع أمير تاج السر عندما قرأت الرمتلات ، المادة المبثوثة هذه تصلح لتأليف روايات...تحياتي لك وبالتوفيق.
ثالثاً بالنسبة لرمتلة كرة القدم وعلى ذكر الأخ الخير آدم أحب أن أسرد بعض الذكربات في هذا الجانب وانت ياحمودة طبعاً سيد العارفين ولكن فقط للتذكير طبعاً الأخ فتحي بحيري لا يشق له غبار في تشجيع فريق الأسكول وما زلت أذكر هتافه المميز.... جاييين....جايين.....جايين...جاييين ، وأذكر كذلك الهتافات الشهيرة ضد الهندسة: سواق بطاح ولا المساح صاج طعمية ولا المدنية كارو حمار ولا المعمار، وكذلك كوم تراب ولا الأداب... وغيرها كثير.
أما الأخ الخير فهو مشجع هندسة الأول وقتها ، وكانت له تحريفات (منلوجات ) لكثير من الأغاني المشهورة وقتها ومنها أغنية ياريت بتاعت كمال ترباس وغيرها. |
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
ازيكم يا اسكولاب ...
شكرا يا اخ انور خالد على الاطراء الجميل واتمنى اكون عند حسن ظنك بي ...
وموافقة جدا على اقتراح سلافة يا حمودة ، ونحن هنا بالخرطوم سنعمل على مشروع هذا اللقاء ،، بس محتاجين اقتراحتكم ..
ويلا تعالوا نترمتل تاني ...
رأيكم شنو أحكي ليكم عن رمتلتنا في السنة الاخيرة ؟؟؟
وطبعن السناير دايما بتكون عينهم أقوى .. اها اليوم داك اجرنا غرفة بـــ حقنا ودفعنا فيها قروش عشان نكون انا والركشة والكاشف اخوي ( هههههه )
لقينا غرفة في داخلية بنات (بزينيس ) وكان فيها سريرين ( دبل بيت) واربعة دولايب وطبعا لمن لا يعرف دولايب الداخلية فالدولاب من اصل حديدي وضلفة واحدة لا غير وفيه في الغالب رزة ( قفل ) مكسورة ... اها طبعن نحن الرمتالة ديل لازم دولايبنا تكون فيها اقفال والزرة سليمة والا بنعمل مشاكل ..
السريرين بدون مراتب ، وطبعا مهمة سرقة المراتب بتكون من اصعب المهام خاصة لمن يسكن في طابق علوي .. لانو رفعة المرتبة فوق السلم بتكون صعبة لبنات في عمر الزهور زينا كدا ...
اها بدينا حملة البحث عن مراتب ... والحمدلله اتسهلت علينا ولقينا اتنين بيسر غير متوقع .. فضلت لينا المرتبة الثالثة .. ودي انا عملت فيها مناورات اليوم كلو لغاية ما نشنت على مرتبة حقت بنات دراسات عليا ... ولمن حانت ساعة الصفر .. ( البت دخلت الحمام ) ناديت الرمتالة المعاي وخطفنا المرتبة ويا فكييك ..!
وطلعنا المرتبة فوووق .. وبكدا صار عندنا تلاتة مراتب ... ونسبة لانو نحنا عندنا صحبات كتار .. وعندنا بنات بجن يقرن معانا ... فعليه نشنت على مرتبة اخرى ... حقت جيرانا كانوا بخلوها برا وبمشوا الجامعة ( عشان تاني الواحدة تتعلم ترفع مرتبها اول ما تقوم من النوم ... فوضى )
فضل لينا التربيزة حقت المذاكرة ... وبعض الكراسي .. وكمان ماكان عندنا شماعة لازم نشوف لينا شماعة .. نضيفة كدا ..
وبدينا نفتش وندخل الغرف المهجورة .. والفاضية .. دا غير اننا كنا بنختلس النظر .. ونفتش داخل الغرف المأهولة ..
اليوم داك لقينا تربيزة ما بطالة .. دي ختينا فوقها .. الهيتر .. وعدة الشاي ... وعلبة السكر والملح .. طبعن هذا ما يسمى بالمطبخ في روايات اخرى ...
ونزلنا في الطابق الارضي نواصل البحث ... وفي اخر الممر لقينا صالون كبير فاضي ... دا بكون ساكنات فيهو جقلــمية طالبة .. اها دخلن وكترة سراير ودولايب ما تديك الدرب ... وكرعين كراسي مكسرة وكرعين سراير ... الغرفة تدل على انها كانت مسكونة لوقت قريب ... الفوضى الفيها لسه ما بردت .. وعجاج الطالبات ما زال يلوى في الغرفة اها بدينا نفتح في الدولايب ونشوف الحاصل شنو ... الدولاب الاول لقينا فيهو توب قددددددددديم .. قدم لا حولا ... وريحة الكركار ... اعوذ بالله ...
وفي دولاب لقينا ... فردة سفنجة جديدة .. الكاشف اخوي قال خلاص الفردة التانية ذاتها بتكون في ... وبدينا نفتش فردة السفنجة ... فتحنا دولاب كان موجود وسط مجموعة الدولايب دي ... وانا لقيت فيهو كرتونة ... مقفولة كويسة .. ونضيففففففففة ... فتحت الكرتون بجمبة كدا ... ويا للهووووول ... دا شنو الفيها دا ..... ؟؟ معقوووول ...... بسكووووووووووويت شاي معمول في البيت ... الله الله !
ايه الغنائم دي كلها ؟؟
الكاشف اخوي والركشة ... خلوا دولايبهم وشغلتهم وجوني طايرات ... بسكويت صحي صحي ؟؟
ايوة بسكويت ؟؟
وقبال ما اخليهم يشوفوه ... انا طوالي شلت الكرتونة وقمت صووووووف ... وجري على الاوضة حقتنا !
وفي غمضة عين كنت فووووق ... وختيت الكرتونة نص الاوضة ونفسي قايم ... وظهر الكاشف اخوي ومعاهوالركشة ... وفتحن الكرتونة ... واطل عليهما اجمل بسكويت رأته عين .. والافتاء بدأ نرجع البسكويت وحرام وما حرام ... والبسكويت دا يمكن اهلو نسووه عشان كدا اخير ناكله بدل يعتت ... ويمكن واحدة جابوا ليها اكلها وقامت دستو من بنات اوضتها .. عشان تاكوا براها ... خلاس برضو يبقى حلال علينا ... وتاني نقول لا لا ... البسكويت دا يمكن كاميرا خفية ولا حاجة ...
حلال ... حرام ... جيتنق الاكل حرام ... لالا حلال ... !!
المهم قيلنا حلال .. حرام ... حلال .. حرام ... وفي الآخر نفسنا اتسدت ... ذاتو ورجعناه بكان لقيناهو ...
والمغصة قاتلاني ... من سماحة البسكويت ... ضواقة ساي ما ضوقناهو ... !!
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
طبعا الرمتلة عندها ميزة جميلة انها بتكون صالحة لاي زمان ولاي مكان ، واجمل حاجة الرمتلات البتكون خارج البلد دي لاني بعتقد دوما ان الرمتلة متنفس لكثير من الضغوط التي تواجههنا عشان كدا امانة ما في رمتلة في السعودية ... عجيبة خلااااااس حكي لي عنها واحد رمتالي مقيم بالسعودية يطراهو الله بالخير !
اها خلينا من رمتلة الجماعة ديل وتعال احكي ليك عن رمتلة غريبة جدا ...
اليوم داك صحينا بدري اصلو كان عندنا مشوار مهم كدا ما متذكرة وين ، الايام دي انا كنت ساكنة مع صحباتي بنات هندسة والداخلية كانت خاصة بطالبات آداب .. شوفو اللخطبة دي كيف ؟!
اها اوضة بنات هندسة دي كانت الاوضة الوحيدة لطالبات هندسة وسط طالبات آداب .. ويا سبحان الله انا روحي ونفسي كان في آداب دي .... تلقاني من الصباح مترمتلة في بنشاتهم وكمان مرات في قاعاتهم من هنا لهنا .. درست فيها رسميا فلسفة وعلم نفس .. ( اسكول دي فيها العجايب اصلو ) وبكدا طعمت مواد الرياضيات والاحصاء بطعم المنطق والجمال والادب السياسي .. ودي كلها كانت حركات رمتلة مني .. معقول الزول يترمتل حتى على دراسته ... ويزاحم الاخرين في قريتهم بالشكل دا ؟؟ وما اتكفيت من الرمتلة الدراسية .. ودخلت لي كورسات بتاعت لغة فرنسية ... دا كلو عشان اصحابي الفي آداب كانوا مرات بتكلموا فرنسي وانا ما ناقشة ابو النوم ... !
رمتلتي في آداب كانت شخصية جدا ... والوحيدة القدرت اجرها معاي للرمتلة دي كانت الركشة بحكم انها كانت قريبة مني شديد ولانها كانت بتجي ماشة كتير بشارع موسكو ... متنقلة ما بين علوم وهندسة ... وكانت بتلقاني قااااعدة وحولي شلة كبيرة ... في الاول كانت بتروح وسط الجوطة دي .. لكن تاني شوية شوية اتعودت علينا ... وبقت عضو اساسي ... ومرات كمان بتجي تحجز لينا البنش ...
وعشان ادي البنش دا حقو .. حاوصف ليكم مكانه بالضبط ... البنش دا يقع على خور ... الخور دا فاتح على شارع موسكو وغرب شارع المين رود ... في الناحية الشمالية كانت توجد مكتبة الشنقيطي وهي الجزء الجنوبي للمكتبة الرئيسية ... اللي يامها اترمتلت فيها برضو ....
البنش كان فوقو في شجرة لبخ ظليللللللللة جدا ... ( والهمبريب يفتح شبابيك ... القلوب الله يعلم )
اها انا قلبي شباكو اتفتح في الوقت داك ... على البكان دا بصراحة كدا وبقيت مترمتلة ليل نهار فيه ... صيف وخريف كمان .. !
طيب الجاب هسي سيرة البنشات وآداب دي شنو .. ؟؟
نحنا كنا وين ؟
آهه كنا في المشوار حق الصباح وطبعن اول حاجة لمن نصحى بنشوف درب الحمامات وما ادراكم ما حمامات الداخلية ... والموية الطافحة والزحمة الشديدة ... اها مشينا انا ومعاي واحدة اسمها طقوشة كدا ... لمن وصلنا الحمامات لقيناها فاضية ومافي اي زحمة ... قبال ندخل قابلتنا واحدة انا بعرف بنات ساكنات معاها ووقفت اسالها عنهن .. قومي انتي يا طقوشة ادخلي توووش الحمام .. وافتحي الدش .. نقط ليها شوية موية كدا ... مش تعرف خلاص الموية دي ما بتكفي عشان حضرتها تستحم .. وتعرف ان الموية قاطعة ... غايتو ما طقوشة نقول شنو ... وقامت كدا شالت الصابون وهاك يا دعك .... وفجأة انا اسمع ليك الكواريك يا هبة يا هبة جيبي لي موية ... الموية قاطعة .. !
وجيت جري ... شوفت كل الحمامات المجاورة ولا نقطة موية ... دا كلام شنو ؟؟
المهم طلعت برا قلت اشوف لو لقيت موية في الكولر القريب دا اشوف لي جردل واشيل منو ... مشيت لقيت الكولر .. عدمان الحبة ... صنقت دنقرت ما عرفت اعمل شنو وهي العويرة تكورك لي والصابون وما الصابون .. !
كرهتها ليك جنس كراهية البت المطقوشة دي ... وفجاة عرفت ان الموية قاطعة في كل الداخلية ... مشيت كلمتها قلت ليها اطلعي بصابونك انا ما بعرف ليك حل .. اتغاظت مني وشاكلتني .. وحنستني في الاخر اشوف ليها صرفة ...
مرقت وقفت برا وقعدت افكر دي يسوا ليها شنو هسي ..
جاتني فكرة ما بطالة قلت خلاس اطلع بكان الصهريج قاعد ولو لقيت فيه حبة موية بس كفاية عليها ...
اها طلعت للصهريج .. في الطابق الخامس ( السطوح ) وغايتو هجمني عديل الصهريج ... اوضة وبرندا ... كبير ... كبر ... وكمان عنده سلم حديدي بالجمبة كدا ... طلعت تاوقت بفوق يا الله يا الله شووفت قعره ... ولقيت فيه موية كتيرة كدا .. بس بعييييييييييدة ... وانا ما بحصلا الا اتلب جوووة ... طبعن فكرة التليب دي ما راقت لي ... لكن لقيت فكرة احسن وهي اجيب حبل واربط بيهو الجردل وبعدين انزلو واسحب الموية .. نزلت الطوابق التحت وفتشت حبل وما لقيت خالص .. رجعت اوضتنا وجبت لي توب كدا بتاع بولستر .. وربطت بيهو الجردل .. وبقيت احاول املاه موية ... وغايتو بعد تلتلة شديدة ... الجردل اتملى نصو بس لكن ... والفكرة عجبتني قمت ... نزلت وجبت جردل كبير وبقيت املى بالجردل الصغير واكب في الكبير والموية دي اول مرة اعرف انها حلوة وغالية كدا ...
وبعد الجردل اتملى قمت شلتو ونزلت السلالم ديك وانا عيني طالعة ... واجمل حاجة كان منظر البنات وهم مدهوشات من جردل الموية المليان وسط ... الجفاف والتصحر الكان في الداخلية في اليوم دا ... في بنات قالن لي ... انتي دي كنت مخزناها في دولابك ولا شنو ؟
وطبعن لاني طيبة جدا قمت كلمتهن بمكان الموية ... وبعد داك عينكم ما تشوف الا الجرادل تتطاقش فوق السطوح .. ويا الصهريج جاك بلا .... والبنات قيلن يشيلن في الموية ... لغاية ما النهار كمل ...
وانا نعمت بحمام بااااااااارد بعد التلتلة ديك ... وطقوشة ما صدقت لمن حكيت ليها انا جبت الموية كيف ...!
وبــــــــــث !
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
تواصل بعد غيبة من الاسكولية العزيزة الأخت عبير السيد ..
Quote: السلام عليكم
ازيكم ياناس اسكول
ويااصحبانا ناس هندسة واداب و............
والله من ماقريت البوست وانا بضحك للان
و اتزكرت الايام الحلوة القضيناها مع بعض واتزكرت حاجات مضحكة جداااااااااااا
واتزكرت غرفتنا طبعا من الغرف الراقية فيها ستاير والبخور ولزومنا ولزوم الضيافة عصير تانك
لمن جاتنى عقدة من كمية التانك الشربتو لى هسى واذكر انى قضيت ايام مع خالتى وكل مانتغدى تجى بنتها الشغالة شايلة صينية فيها كبابى مليانة تانك وانا ووووووووب ياجماعة انا التانك ده اختونى منو عليكم الله وتانى يوم الشكلة تقوم ياناااااس افهمو انحنا فى داخلية ولا شنو وهم اقولو مالك يابت الناس وانا احكى قصص هبه................
التانك ده اصلى والتانك ده يا ............ قديم أختنا بقت خبرة فى التانك
حتى بسكويت بركة يوم نزلت لى الجردل علشان نجيب البسكويت قالت لا ده مصنع تانى شكلو وحقو نعمل بلاغ ضدهم هههههههههه
وده طبعا كلو زوغان من القراية ولمن تغلبنا تألف شعر واجمل ابيات الشعر لطلاب اسكول
لبعشوم كتبت نص سؤال وقمت ............... لبعشوم نجحت
وحقو يا سبه هنهون او ياهوبس او يا............سمرية تكملى ليهم اخر الابيات
ومعليش ياحمودة على التأخير بس كنت راكبة لى ركشة . |
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: AdilAttia)
|
أجمل الذكريات التي قضيناها في رحاب الاسكول ما بين دفعة مترابطة و سناير متجاوبين وبرامة على النهج ماشين تلك هي اسكول رغم مرور سنين وتوافد الراغبين ، بدأ ب 100 ثم 200 ثم 500 والآن عدد يفوق الالفين
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
اسكولاب سلام ...
ونتواصل مع شاعر الاسكول انور خالد ..
Quote: ألف شكر يا حمودة على مجهودك وربنا يجزيك كل خير ، وهناك ملف مرفق مع الرسالة دي ، بلاهي اتوصى بيهو ونزلو في البوست مشكوراً
بعدين الأخ بكري أبوبكر دة بصلوهو كيف ؟ يعني إلا الواحد يقرصن الموقع ولا شنو؟
ياأخ عادل عطية تصدق إنو دفعتنا كان عددهم 51 بس؟ ودة الرقم الكان موجود في مكتب القبول ما عارف بالضبط السجلو اسكول كم ، غايتو قدرته أعد منهم 46 حتى الآن.
تحياتي للجميع |
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
الرمتلة التحت دي من شاعر الاسكول انور خالد تحياتي له :
Quote: ما براك يا أخت سمرية اترمتلتي في الآداب ، أنا برضو حصل لي رمتلة في الآداب من ناحيتين .... أولاً لأنو ناس اسكول ما كان عندهم الزمن داك مكتبة خاصة بهم .... كان عندنا دولاب واحد فيهو شوية كتب وممر مقفول من جهتين يسمى reading room مع شوية مقاعد وترابيز زي بتاعت المدارس كدة ورغم ده دائماً تلقى الممر دا أقصد الـ reading room دي مليانة عشان كدة أنا كنت بفضل عليها مكتبة المين .... وثانياً لأنو المين فيها كتير من كتب ناس آداب وخاصة الشعر وما يتعلق به وأنا أصلاً ضاربني ليك فيروس الشعر دا من قبال أخش الجامعة وكدا.... أها كنت بقعد ليك في آخر المين من الناحية الغربية وجنبي دواوين الشعر من مختلف الأشكال والأزمان وكذلك كتب الأدب الأخرى .... يعني في شعراء ما سمعت بيهم إلا داخل المكتبة دي ..... يعني لما أزهج من قراية المواد بتاعت الاسكول العضم دي كنت بتناول لي ديوان شعر من طرف الرف كدة ومن ديك وعيك ... .. مشكلتي من أول سنة في الجامعة اشتركت في مسابقة شعرية كدة وجبت المركز الثاني مع شوية قريشات وشهادة تقديرية قاموا لمو فيني ناس رابطة أدباء الجامعة ضموني ليهم .... أها بقى عندي أصحاب كتار من الآداب في الرابطة دي وكنت طبعاً منافس قوي ليهم في الشعر وكدة ...... كمان ناس اسكول كانو بيفرضوا عليك في السنة الثانية تختار ليك مادة تقراها في كلية تانية غير اسكول .... قمت أنا اخترت فلسفة لأنو ناس حمودة سنايرنا قالوا الفلسفة ساهلة وظريفة .... أها مرة بحضر في محاضرة فلسفة والدكتور ظريف جداً وأنا مندمج في المحاضرة عن الفلسفة الجمالية والفلسفة الأخلاقية واسبينوزا وافلاطون والجماعة ديل .... تجيني ليك ورقة مباسنها لي من أعلى المدرج من الأخ فؤاد شيخ الدين عطا- حالياً دكتور بالآداب - مكتوب فيها بيت الشعر التالي:
أأنور ما تقول لمن تعامى ولم يع حسه شعراً تسامى
كتبت ليهو :
أقول له شفاك الله مما أصابك بئس ذام الحقد ذاما
أها بقى يرسل لي بيت شعر وأرد ليهو لحدي ما خلصت المحاضرة اكتملت القصيدة التالية :
فؤاد : أأنور لا تذوق النوم عيني إذا نام الورى إلا لماما
أنور : أمن وجد بقلبك أم لداءٍٍ أصابك لا ترى معه مناما
فؤاد : هو الوجد المبرح شق قلبي فأورثني شقاءاً بل سقاما
أنور : كذلك قد مضى العشاق قبلاً فلم تكن البدي ولا الختاما
فؤاد : أخي ما من عزاءٍٍ في قديم ولا في قصة تحكي الغراما
أنور : أجل لكن به عظة وذكرى لمن ألف الصبابة والهياما
فؤاد : أخي دع ذكرهن وهاك مدحاً لمن أحيا بسنته الأناما
أنور : سقى قبر الحبيب الغيث دوماً وبلغه التحية والسلاما
فؤاد : فداه أبي وأمي من إمام أنار بهدي دعوته الظلاما
أنور : هو البر الرؤوف لمن تجافى هو النور المضيء لمن تعامى
فؤاد : عليه صلاة رب الناس تندى كما يندى الغصين من الخزامى
أنور : بمولده أظل الكون سعد وخير يزدهي عاماً فعاما
فؤاد : سليل المجد من علياء فهر وأنجم هاشم ، بدر تسامى
أنور : رسول الله لي مدح وأخشى أرد ولا أبلغ ذا المقاما
فؤاد : رسول الله ما الأشعار مني توفيك المودة والهياما
أنور : ولكني أسوق المدح علي بمدحك أبلغ الرتب العظاما
فؤاد : أيا خير الورى كن لي شفيعاً أنال بها من العليا مراما
أنور : رسول الله قد كثرت ذنوبي وقارفت المعايب والأثاما
أنور : فجد لي منك يا سندي بفضل أنال به السعادة والسلاما
كتبت بتاريخ 9 سبتمبر 1991
انور خالد [email protected] |
| |
|
|
|
|
|
|
|
|
|
ياناس اسكول سلام (Re: Mohammed Ibrahim Othman)
|
التحية العطرة لاحبائنا واصحابنا خريجي اسكول 86-91 محمد الامين (العليفون)-أحمد خالد(توتي خ2)ايهاب (في الحلة الجديدة)اسامة ادريس (الركابية)وثابت (القضارف)وحمود والفاضل (كوستي)و...و.. (مها ياجي (الموردة) وسلمى وسارة دفع الله الترابي وخالد اورتشي الذي انضم لنا في الهندسة
وكنا وقتها نتبادل النكت والضحكات والمكاوة مع اولاد الاسكول
والنكتة دي جاءت على لسان الاخ اسامة جوهر
"واحد سألوا قريبه
:بتقراء في ياتو كلية
رد: مدرسة العلوم الرياضية
قريبه : وحتتخرجوا مدربين!!
| |
|
|
|
|
|
|
|
|
|
Re: ياناس اسكول سلام (Re: omer alsayed)
|
أجمل التحايا والأشواق
للاخ الشاعر أنور خالد
وتحية أيضا للاخت هبة محمد عثمان (سمرية)
وتحية موصولة للاخت العزيز عبير السيد
وتحياتي أيضا للاخ حمودة
وتحياتي للجميع أولاد دفعتي 90-1995م
| |
|
|
|
|
|
|
|
|
|
Re: ياناس اسكول سلام (Re: omer alsayed)
|
omer alsayed يا هندسة ..
محمد الامين قبل فترة جانا عابر بالامارات ...
أحمد خالد (تيك) بالسودان ..
اسامة ادريس عضو المنبر ومقيم بالامارات ..
ثابت بالسودان ..
دكتور الفاضل بجامعة عجمان بالامارات ..
مها ياجي و سارة الترابي اخبارهن منقطعة ..
تحياتي ..
| |
|
|
|
|
|
|
|
|
|
Re: نداء لخريجي اسكول -جامعة الخرطوم (Re: Mohammed Ibrahim Othman)
|
اترحم في هذا اليوم إلى فقداء الاسكول :
1) المرحوم د. اسماعيل ابراهيم
2) المرحوم عارف السيد ( دفعة 91-96).
3) المرحوم مزمل الرضي ( دفعة 93-98)
4) المرحوم ابراهيم الدشيش ( دفعة 89-94)
5) المرحومة مواهب (دفعة 94-98)
واسال الله أن يتقبلهم ويرحمهم وان يجمعنا معهم في فسيح جناته مع الصديقين والشهداء.
إنا لله وإنا إليه راجعون
| |
|
|
|
|
|
|
| |
فتحي البحيري
حسن زمراوي
Mohammed Ibrahim Othman
AdilAttia
عاصم ابوبكر حامد
سمرية
ابراهيم محمد الحسن
صلاح ليون
osama idris
فيس بوك
تويتر
انستقرام
يوتيوب
بنتيريست