|
|
|
 Re: ابـــــــــــو الحسين ..مان تو مان ... (Re: ABUHUSSEIN)
|
اتنين جيران بمشوا يسكرووا كل يوم ،،
يوم السكرة كانت قوية جو راجعين عملوا مشكلة
السبب كل واحد يقول للتاني دا بيتي انا مابيتك انت ،،
اها وهم مدورين جا واحد واعي حكوا ليهو القصة
قال ليهم بسيطة ،، قال لي واحد فيهم انت مرتك اسمها منو ؟
قال ليه نفيسة !
قال ليهو طيب كورك نفيسة كان بيتها تمرق لينا ،،
صاحبك كورك نفيسة يانفيسة
جاتو مارقه وتنقنق ،،
قال ليها يامرة بطلي نقة شوفي راجلك ياتو فينا
| |
 
|
|
|
|
|
|
|
|
Re: ابـــــــــــو الحسين ..مان تو مان ... (Re: ود الباوقة)
|
Quote: مناضل يجهل إمكانياتو ... إن شاء الله إخلي الشوبار بعد كدا
|
دا يكون أحسن خبر ..
أمس شفتك متشوبر وداخل فى بوست الوزيرة سناء وبدل ماتصلح بين الناس بعد ما الراجل اعتذر سويت ليهم شغل ( المديده الحارة )
الأنسان مفروض يحتفظ بكرامته علشان الناس تحترموا
ياخى أفعل مايفيدك ومايفيد الناس
بوست ساقط
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: Mudather Kunna)
|
Quote: دا يكون أحسن خبر ..
أمس شفتك متشوبر وداخل فى بوست الوزيرة سناء وبدل ماتصلح بين الناس بعد ما الراجل اعتذر سويت ليهم شغل ( المديده الحارة )
الأنسان مفروض يحتفظ بكرامته علشان الناس تحترموا
ياخى أفعل مايفيدك ومايفيد الناس
بوست ساقط |
المداخلة دي المقصود بيها أنا و لا صاحب البوست....؟؟؟؟؟
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد
عندو مزرعة جزر جنبها في مزرعة ارانب ,
صاحبنا ده كل مرة يجي يلقي الجزراكلو الارانب ,
قام جاب شاكوش وكسر بيهو سنون الارانب ,
تاني يوم لقي الجزر برضو مافي ,
قبض واحد من الارانب وسالو : الجزر ده مشي وين ؟
قال ليهو : عملناهو عثير وثربناهو:
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
ادروب
قبضوه ناس النظام العام سكران في حملة ومعاه حبشي وجنوبي مسيحيين دايرين يجلدوهم ...
الجنوبي قال انا مسيحي خلوهو يمشي
سالو الحبشي وانت شنو قال مسيحي فكوه ...
قام العسكري اتلفت على ادروب وسألوا : اها انت دينك شنو ؟ ....
ادروب داير يقول مسيحي طارت ليهو سكت شوية وقال للعسكري : ياجنابو انا مشركين عزيييييييييييييييييل دا
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول
فتح عياده كتب إعلان: المريض يجي يتعالج ويدفع 100...
وإزا ما عالجناه بندفع ليهو 200
جا واحد قال داير ينصب على المسطول.
مشى للعياده ودفع 100
وقال للمسطول: انا ما بحس بطعم الاكل
... قال المسطول للممرضه اديني جرعه من العلبه 22 .
جابت ليه الجرعه وختاها في فم النصاب ،
بقى النصاب يتف وقال: دهـ فلفل
قال المحشش مبرووك انت هسي عندك حاسه التذوف 100%
زعل النصاب ورجع عند المسطول مره تانيه
وقاليهو انا فاقد الذاكره...
قال المسطول للممرضه : اديني جرعه من العلبه 22
قال النصاب: بس دي علبة الفلفل !!
رد المحشش مبروك رجعتلك ذاكرتك
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
ثلاثة حكموا عليهم بالإعدام معاهم واحد صعيدي ،
قالوا للأول عايز المنشار الكهربائي أو شنق ،
قال: المنشار الكهربائي ،
جابوه عند المنشار الكهربائي مشتغلش ،
قالوا : حظك روح وأطلقوا سراحه ،
جابوا الثاني قالوا : المنشار الكهربائي أو الشنق ،
قال : المنشار الكهربائي ، جابوه عند المنشار الكهربائي برضو مشتغلش ،
قالوا : حظلك روح وأطلقوا سراحه
جابوا الصعيدي ،
قالوا : المنشار الكهربائي أو الشنق،
قال : شنق والناس وأقربائه يذعقو : المنشار ، المنشار ، المنشار
قال ليهم : بايظ مايشتغلش
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول
في طيارة و معاه مجانين
المجانين عاملين جوطة شديدة
جاء الكابتن للمسطول وقال ليه: سكت لي الناس ديل أنا ما قادر أركز
دقائق و الجو بقى صمت شديد
الكابتن سأل المسطول : عملت ليهم شنو ...؟؟
المسطول قال ليه : فتحت ليهم الباب و قلت ليهم أمشو ألعبو بره
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد شين شديييييييييييييييييد
عايز يتزوج وهو مقرش قروش النار تشب فيها سنة كاملة ما تاكلها
لكن شناتو لي درجة قف تأمل!
شاف واحد حلوة وظريفة
فقام سالها قال ليها انا عندي واحد صاحبي عايز يتزوج
وقروشو كتيرة زي التراب لكن مشكلتو شين شديد
ردت عليه البنت: يعني الحلاوة او القباحة او القروش ما مقياس للزواج
يعني الواحد بعلمو وباخلاقو
قال ليها فرضا الزول دا كان انا؟
.
.
قالت ليهو: انتا كمان ما تبالغ!!
.
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
ابو الحصين سلام
تعرف انا عاوز اصاحبك لقيت انو بجي منك فائدة واهلنا قالوا الرماد ليهو حوبة
زمان كان عندي فكرة بس مكسل منها وهي بعد رجوعي للمنبر لقيت اخوك بكري قفل مكتبتي بالضبة والمفتاح . قلت اعمل لي مكتبة براي في شكل بوست
بوست عنوانه مكتبت صلاح جادات واعلق فيهو كل بوستاتي ( اوع تقولي المخستكة سامع ) وكل يوم ارفعوا بي حاجة . وكل ما احتاج لبوست يكون قريب مني
وبالمرة اعمل لي بوست تاني اعلق فيهو الحاجات المهمة والبوستات المهمة ويكون برضو طالع ونازل باي حاجة
الان صرفت نظر عن الفكرة امعانا في الكسل وقلت يا بوي طالما في زول نشيط وبقوم لي بالمهمة دي انا تاعب نفسي فوق كم ومضيع زمني فوق كم
اخوك ابو الحصين ناصح ونشيط وملتزم بالتو مان ... انت بس عليك تعلق بوستاتك وحاجاتك في طوطحانيتو دي وتنوم قفا
اها رايك شنو ؟
وبسم الله نبدأ بهذا البوست اصلو سيدو طش زي معاوية ومافي زول برفعو كل يوم وانا مغروض شديد في البوست ده وماعندي وقت كل يوم او يومين اجري افتش عليهو في الخور
فقلنا ندرعو ليك في طوطحانيتك دي وما شاء الله في الصفحة 7 يعني رقم مميز وما بتنسي خلي بالك منو واوعك تلعب فيهو سمح ::
http://www.sudaneseonline.com/cgi-bin/sdb/2bb...d=340&msg=1315204368
ملحوظة :
خفف نشاطك في الصفحة المبروكة دي اصلي كل عفشي ناوي اعلقو فيها
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
أربعة مـساطيل
تلاتة بصلوا و واحد ما بصلي كل يوم بشاكلوه يازول صلي ..يازول صلي...
قال ليهم خلاص حا أبداها يوم الجمعة
الجماعة إتسطلوا ومشوا صلاة الجمعة
صاحبهم قام مشى الجامع لقى ليك الجامع فيهو ناس الخلوة
ناس بغسلوا
وناس بحلقوا
وناس شادين حلة
رجع البيت اصحابو جو لقوهو خالف كراع فوق كراع
سألوهو يازول مالك مامشيت الصلاة
قال ليهم الحمد لله الجامع أجروهو عذابه..؟
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول
واقف بي ورا واحد غبي في الصراف الألي
بعد شوية المسطول قعد يضحك..
الغبي قاليو مالك.؟
المسطول : انا عرفته الرمز السري بتاعك
الغبي : كضاب أها لو ماكضاب قول كم الرمز..؟
... المسطول : أربعة نجمات
الغبي : هاهاها كضاب أربعة سبعات..،!!
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
طالــــب جامعــــي عنــــده امتحـــان وكــان متأكـــــد انــــه حا ينجح
... ... المفاجأة إن الدكتور جاب ليهم سؤال صعب
صور لرجلين بعض الطيور والمطلوب معرفة أسماء الطيور من شكل رجليها
إتنرفز الطالب وما عرف يحل السؤال
قام سلم الورقة للدكتور وقال ليه طير إنـت ومادتك
رد الدكتور وقال ليه: اعتبر نفسك راسب في المادة
بعد شوية لاحظ الدكتور إنه الطالب ما كتب إسمه على ورقة الإجابة
قال ليه : ماكتبت إسمك في الورقة؟
قام الطالبرفع بنطلونه
وقال ليه : اتفضل اعرف اسمي من شكل رجلي لو بتعرف
| |
|
|
|
|
|
|
| |
ABUHUSSEIN
Mudather Kunna
صلاح جادات
الامين موسى البشاري
فيس بوك
تويتر
انستقرام
يوتيوب
بنتيريست