كدي الموضوع دا أرخيه شويه وما تحكها كدا وتجيب لينا الهواء ونحن ناس هراشين بعدين بعدين يا أبوحسين كان قعدت تحكه كدا حا تلحقني معاوية الصايم
يا أبوحسين يا أخوي غايتو موضوع الجثث دا الظاهر عليه ما ساهل
وعديل كدا نقول لي معاوية كان داير يلخبط بين موضوع موت الشماشه وتجاره الجثث فمن الأحسن يرخي الموضوع ويعمل رايح لأنو دا ضنب تمساح ضاري
يا أبوحسين
عارف أنا شعر ذوذو دا لانو جميل وبعبر عني بصورة رائعة هسع شوف القصيدة دي رحعتني لي أيام خالية كنت بحب بت الجيران وما قادر اقول ليها بحبك
يا جارتي ... يا جارتي غمرتني بغمرتك زادت علي كل الجنون في محنتي يا جارتي استري كل المنافذ سددي كل المعابر في سكتك بعد ما ادخلتي كل المخاطر في روعتك لافيها موت لاروعتي بل شوقتني طعم الحنان ومعنى الجمال في نظرتك مرة تنفسي كالورود ومرة تفوح صندل بخور بعد ما جربتي كل العطور
ياريتني لو لاقيت ذواليد دا زمان ولقيت القصيدة دي كنت كتبتها لي بت جيرانا ورميتها ليه من فوق الحيطة
07-16-2011, 05:13 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
يا ABUHUSSEIN الا توافقني انك ربما قد تكون دخلت في البوست بالخطأ؟ مش اسمك ابوحسين(بالأنقلش) والزول دا (أي الطوربيد بربار) قال ابو الحسين واللهو برضو عضو معانا هنا دأ؟
07-22-2011, 07:19 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: يا ABUHUSSEIN الا توافقني انك ربما قد تكون دخلت في البوست بالخطأ؟ مش اسمك ابوحسين(بالأنقلش) والزول دا (أي الطوربيد بربار) قال ابو الحسين واللهو برضو عضو معانا هنا دأ؟
ود الشيخ أوافقك في شنو يا زول.... كدي خلي صاحب البوست الإوافقك هو الأول بعدين أنا هين
على الأقل أهو متواجد هنا يومياً
07-23-2011, 10:05 AM
Tarig Sidahmed Tarig Sidahmed
تاريخ التسجيل: 08-22-2004
مجموع المشاركات: 587
يا زول البوست هامل صاحباً و معنى علشان كدا أخد راحتك و أكتب العايز تكتبو
صاحب البوست طش و خلى لي البوست و بما أنو أنا إسمي موجود في عنوان البوست إبقى أنا أولى بالبوست من أي زول تاني و أديتك الإذن إكتب ما تشاء
أما حكاية طولة البال أهو إنت شايف و لسه ياما حا تشوف
الإتهامات في البورد أقول ليك بتجي متين
لم الواحد راسو إكون فاضي بقوم إديك تصنيف علشان الناس تساعدوا يعني صاحب البوست صنفني كوز علشان إتلموا كل الحاقدين على الكيزان و كل واحد إجيب عكازوا و إقعدوا إضربو في أبوحسين أها الجماعة خذلوهو أو بالأصح فهموا غرضو شنو علشان كدا عفصوا ليه و خلوه ياكل نارو براه و صاحبك زاغ و عمل فيها رايح
بس شايفك قاعد قلت ما ممكن البيت سته تعوس وصاحب الحبش يكوس ما بتجي بعدين هن كلهن عشرة مداخلات تراجي الشتره دي ممكن تكوجن ليها اي مصيبة الواحد يوفرن
شفت البقت علينا يا أبوحسين طلعونا بتاعين حبش . هسع الزول يقول ليها يا بتاعت شنو كدا تقوم القيامة
أجمل حاجة اللليله عندي صاحبي حبشي اتصل علي من الصباح قال تجي تتغدى معاي الليله جايني ضيوف اخت مرته وزوجها وعازم جميع اصاحبنا قلت ليه يا أخي الانجيرة دي ما بتنفع معاي انو عندي قولون وبلاوي أصر قال حا يسووا لي غداء خاص المهم مشيت ليه جاب لي اللاب توب بتاعه قال لي انسخ ليهو سيديهات واثناء النسخ وانا قاعد وسط الحبش افتح المنبر والقى الموضوع وتراجي كاتبة لي يا بتاع الحبش انخلعت جنس خلعة المره المعلونة دي شايفاني كيف وقعدت اعاين للكاميرا بتاعت اللاب توب واتذكرت انو المره دي خبيثة وملعونه وجنها شمارات وخبارات وبتجسس على الناس وبتنجر قعدت اضحك
تراجي زولة قليلة أدب ومره دايرة دق في نص راسه الغليد دا بي سوط عنج يمرق الشواطين الفي رويسه المدقوس دا قال شنو بتاع حبش والهكر نبذني ... هكر يعضيك في صنقوعك يامطرطشة
شايف صاحبك بربار رجع يكسر تلج لي تراجي باللفه ومدخل معاها تمبس لزوم تذويق وحركات قلب هوبه
أنت عارف يا أبوحسين زولك بتاع منبر الهكر الاسمه جلابي وأفتخر دا صبي بتاع تراجي ومعاكم في السعودية كمان
Quote: التحايا لكم ...تمبس وتراجى...ورمضان كريم.. والله يجازى الهكر...ويا تمبس انا شفت البوست المعنى لكن ...كنت مقتنع ...انو هكر هكر...ياخ عيدكم سعيد انت وتراجى
ادين اساءة الهكر للزمـــلاء ...تمبس وتراجى ...
07-31-2011, 03:37 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
تراجي بتفتش ليها لي أي فرصة للظهور و الصعود إلى القمة عايزه تعمل فيها قليلة أدب و الرد عليها بي نفس الأسلوب هو الأنجع
عارف يا عبدالعزيز في سمة مشتركة في كل المناضلين و هي الإستعجال الواحد فيهم لم إلقى ليه فرصة للظهور ما بفكر فيها كويس بقوم طوالي جاري لإستثمارها علشان كدا دائماً بتظهر الشتارة و بعد داك إبقى في المخارجة أسى هي مفتكرة لم تقول ليك بتاع الحبش نبذتك و حا تكسر عينك كمان ناسية إنو الحبش ديل أقدم حضارة و شعب ليه لغة مكتوبة و شعب جميل و ظريف جداً
صبيان تراجي كتيرين و المحيرني إنهم من القالت عليهم تراجي إنو 75% من نسائهم و بناتهم داعرات شكلهم كدا فرحانين بالحته دي شديد...
منبر الهكر كتيرين مشو عليه علشان الكتابة هناك مفتوحة و هم مختبئين يعني الزعلان ليه من واحد هنا و ما قادر إواجهوا بمشي إشوتو ليك من هناك..
بالله تعال كل يوم تمم هنا علشان تشوف الحاصل شنو...
إتصلت واحدة على شيخ وقالت : يا شيخ لو انا اتزحلقت في المطبخ غصب عني وغصب عني دخل في بؤي شوية مية وصباعين محشي وكام حتة لحمة ... يبقى انا كده فطرت ؟ . . . . قالها لأ , . . . . . يبقى انتي كده اتغديتي !!!!!!!!!!
08-08-2011, 09:33 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
مسطول وحبيبتو. قاعدين في شارع النيل. حبيبتو قالت لي: إنت العاجبك فيني شنو.؟ قوامي الانجليزي. ...ولا بشرتي الناعمة. ولا عيوني الساحرتين. ولا شعري الطويل. المسطول عاين ليها من تحت لي فوق وقال ليها..
عاجبني خيالك الواسع دا
08-10-2011, 01:17 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
اينشتاين قال لي المسطول ح اسألك سؤال لو ما جاوبتي ح اشيل منك 5 جنيه وانت تسألني سؤال ولو انا ما جاوبتا اديك 500 جنيه اينشتاين : ما هو سر الجاذبيه الارضيه ؟ المسطول طلع 5 جنيه اداها ليو المسطول : الحاجه البتطلع الجبل بي 3 رجول وتنزل بي رجل واحده دي شنو ؟ اينشتاين فكر كدا قام طلع 500 جينه اداها لي السطول اينشتاين : اها شنو الحاجه دي ؟ المسطول قام طلع 5 جنيه اداها ليو
08-10-2011, 01:19 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
قالو واحد معارض كل مايجيبو ناس الحكومة في الاخبار يسب ياخي ديل جننونا الله يشيلهم كل مرة ياخي ديل جننونا الله يشيلهم الببغاء بقى يردد كلامو (ياخي ديل جننونا الله يشيلهم) يوم الببغاء طار مشى بيت الجيران وجارو دة عقيد في الامن الببغاء قاعد في الشباك قام بتاع الامن فتح الاخبار ...قوم ياببغاء كورك (ياخي ديل جننونا الله يشيلهم) بتاع الامن براحة قبض الببغاء وفي عشرة دقايق جاب معلومات الببغاء سيدو واشترا من وين وفصيلتو جاب معاهو كم ضابط بي عرباتهم مشو بيت صاحب الببغاء دقو الباب افتح طلع صاحب الببغاء شاف عربات مظللة وناس ضخمين والببغاء معاهم عرف انو الببغاء جاب لي هوا سألوا انت صاحب الببغاء دة . . . . . .
آآآآآآآي حقي بس مختلف معاهو سياسياً .............................................؟
08-10-2011, 01:32 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
مسطول بقرأ بيطرة مساهر الليل كلو للامتحان وقت دخل الامتحان لقاهو غريب خلاص .. الامتحان كلو جايبين ليهم كرعين طيور وكاتبين ليهم اكتب اسم الطائر .. زعل زعل شديد وجمع الورقة فاضية واسمو م كتبو وقال للدكتور دي شنو السخافة دي؟ ... الدكتور قال ليهو انت من هسي شايل الماده دي ... اسمك منو؟ ... المسطول رفع بنطلونو ومد كرعينو للدكتور وقال ليهو مش عامل فيها شفت .. اها اعرف اسمي منو؟؟؟
08-10-2011, 01:43 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
إنتو قاعدين تقولوا شنو هنا؟؟ البوست دا كل يوم القاهو في الصفة الاولي واخر مداخلة لابو حسين بالانجليزي ماقريتو غايتو من الصفحة الاولي.. وهسع ماعاوز اقراهو
فبالله يا ابو حسين كنكلوشن كدة في شنو هنا..
وما تتلأم بالله.. عارفك مسيخ.. جاوبني واعتبرها صدقة في نهار رمضان دا
مش قال ليك تبسمك بوجه اخيك صدقة
08-11-2011, 10:41 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
رئيس وزراء بريطانيا ..ديفيد كامرون ....في خطابه بعد احداث الشغب الاخيرة في بريطانيا استعدوا أيها اللندنيون لتطهير لندن .. هاوس هاوس .. روم روم .. ستريت ستريت .. كورنر كورنر .. حتى تتطهر لندن من الباد بويز .. و من الراتس .. وقال لهم : هو آر يو ؟؟ .. وأفاد المراسل بأنه قام بضرب الطاولة مرة واحدة بعد أن قال: ريفولوشن .. ريفولوشن
Quote: رئيس وزراء بريطانيا ..ديفيد كامرون ....في خطابه بعد احداث الشغب الاخيرة في بريطانيا استعدوا أيها اللندنيون لتطهير لندن .. هاوس هاوس .. روم روم .. ستريت ستريت .. كورنر كورنر .. حتى تتطهر لندن من الباد بويز .. و من الراتس .. وقال لهم : هو آر يو ؟؟ .. وأفاد المراسل بأنه قام بضرب الطاولة مرة واحدة بعد أن قال: ريفولوشن .. ريفولوشن
الخبر دا برضه خاص حريات مش كدا
شكلة بيشبههم
انت برضه بقيت تباري حريات
08-11-2011, 03:10 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
واحد اصطاد ليهو سمكة كبيــــــــــره وداها البيت قال لزوجتو حمريها قالت ليهو زيت مافي طيب اشويها ...قالت ليهو فحم ما في ...طيب اسلقيها..... قالت المويه لينا 3 يوم ما شفناها قام الزول بالزعل رجعا البحر السمكة بقت تكورك سير سير يا بشير
08-15-2011, 01:21 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
الشكر العميق لصاحب هذا البوست الذى لولاه لما عرفنا هذا الوجه الفكاهى والروح المرحة للعم العزيز عادل عباس الشهير با بو حسين والله حقيقى يا عادل you made my day النصيحة , انت وعبد العزيز ما توحدوا جهودكم فى بوست واحد كدة بتسهلوها على بكرى بيضربكم ببيضة واحدة تحياتى لكم ابوحسين وعبد العزيز ورمضان كريم
Quote: انت وين عمو ابوحسين يا عبد العزيز , سيد البوست خليه عرفناه قال رسالته شنو كدة ماعارف وصلت فلذلك ما بيتداخل فى البوست دة
الكوز الضلالي أبو قاااااااااااااااااعد لكن مريت و أنا صائم الآن فطرت و جيتك
سيد البوست لا عندو رسالة و لا عندو موضوع رمى ليه كلام أكبر منو و ما قدر إتمو علشان كدا قال أحسن إتخارج و البوست باقي ........ لينا فيه مآرب أخرى مر علينا كل فترة بالله علشان تتابع كل الأخبار
قوم لف إنت و كل أشباهك من ناس جده
08-16-2011, 08:00 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
شايقي وجعلي ورباطابي دخلو مسابقة . عاوزيين يشوفو اسرع واحد بيعمل مسكول منووو؟؟؟؟,, الرباطابي عمل مسكول نور وطفي بس الجعلي عمل مسكول ما نور ذاتو بس فتحو الموبايل لقو الرقم قالو خلاص دا الاول الاول بعدين جا دور الشايقي .. عمل ليهم مسكول لمن فتحو الجوال لقو 09 ومكتوب جمبو لم يتم التاكد من باقي الرقم
08-16-2011, 08:08 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
جعلي ساكيهو تور وفاتح فتح شديد في طرف الحلة شافوه نسوان الحلة قاموا زغردن ليهو عشان يرجع ويصارع التور صاحبنا قالهن هيييع أبشرن بالخير علي الطلاق للحلة الجاية مايلحقني
08-16-2011, 08:13 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
قاليك اوباما أتعجب من السودانيين كيف بنقلو الاخبار بسرعة البرق؟؟؟ فسأل واحد في السي آي أيه قال ليو : ان السودانيين عندهم شفره اسمها ( شمارات) عن طريقها يقدرو يتناقلو الاخبار بسرعه عجيبه فقـرر أوباما إنه يزور الـسودان و اتنـكر ومشى وقـف عــند محـطـة بـــنزين و ســأل سودانى قال ليو : الشمار شنو ؟ السوداني قال ليو : والله ما عارف لكن قالو اوباما فى الخرطوم
قالو ليك أوباماإتصل علي البشير وقال ليهو ياعمر ياخ دايرك تديني تلاته نفر يظبطو لي الإنتخابات الجاية دي لأنو بيني وبينك أنا وحسب حيثيات الأزمة المالية دي داقي الدلجة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ABUHUSSEIN
MOHAMMED ELSHEIKH
HAIDER ALZAIN
أمير فتحي
احمد التجانى احمد
فيس بوك
تويتر
انستقرام
يوتيوب
بنتيريست