|
|
|
 Re: ابـــــــــــو الحسين ..مان تو مان ... (Re: ABUHUSSEIN)
|
واحد ضرب ليه تلفون والنمرة بالغلط
جات لي بنت فالكلام جاب الكلام ومن باب رزقاً تكوسو ورزقاً يكوسكـ اتواعدو انو يتلاقو في كافتريا
وبما انو ما حصل شافو بعض قبل كدة اتفقوا انو صاحبنا ده يكون واقف وشايل عصير منقة في ايدو
حانت لحظة الميعاد وصاحبنا جا الكافتريا
وطلب عصير منقة
قالو ليه شطبت المنقة ,,
طيب اناناس !
قالو ليه برضة مافى
الشي الوحيد في ليمون وجوافة .
اتوكل على الحي القيوم واشترى الجوافة وبقى واقف منتظر
ومن هناكـ جات واحدة ماشة
شنا مُرّة (بي شجرة ليمونة ما بتتبلع )
جات على زولنا وبقى يتضاير
قالت ليه انت الزول بتاع امس الضرب لي تلفون ؟؟
دة طوالى بقي يطنطن
والله الناس دي بقت جنّها لبّيط وتحب اللبط بشكل ,, هسة في ذمتك انا شايل لى عصير منقة ؟؟
| |
 
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
اراد زوج ان يقنع زوجته بتعدد الزوجات
لكن بطريقة غير مباشرة ..فاشترى كتاب عن التعدد ووضعه لها في المطبخ
كي تراه ..وتقرأه
ذهب الزوج الي العمل وعند عودته
ذهب ليرى الكتاب ..ليعرف هل قرأته ام لا
فوجد زوجته قد........
وضعت له السكين فوق الكتاب
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
الزوجة (في الموبايل) :انتا فين ؟!
الزوج : انا في مشوار ياحبيبتي
الزوجة : في انهي داهية يعني ؟!
الزوج : فاكرة الجواهرجي اللي شوفتي عنده عقد وعجبك وقولتيلي حموت واجيبه
الزوجة : ايوة ياحبيبي
الزوج : فاكرة لما قولتلك حجيبهولك بس معييش فلوس دلوقتي
الزوجة : ايوة ياحياتي .. فاكرة
.
.
.
.
.
.
الزوج : انا قاعد دلوقتي مع صحابي في القهوة اللي في وشة
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد عامل فيها بيعرف بينضم انجليزى
اى ستة حروف يلتقهم مع بعض ويقول دى كلمة ,,
يوم ربك رب الخير حبّ ليه واحده بتعرف تنضم انجليزى حبة
ومرة الدنيا ربيع والجو بديع بينضمو مع بعضهم
قام قال ليه {I love you }
هي طوالى ردت ليه وقاللت ليه {I love you too }
هو طوالى راح طنطن وقال ليها {I love you three }
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
هو منغمس في القراية وكباية الشاي الأجتهدت فيها بردت زي مابردت حاجات تانية...
حسمت أمرها وقررت تقوم بي خطوتها ودنت منو....
هي:ياريتني لوكنت جريدة عشان ماتشيل عينك مني...
عدل نضارتو وعين في الخبر وعين فيها...
هو:ياريت لوكنتي جريدة عشان كل يوم ألقى نسخة جديدة...
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
اربعة صعايده
دخلوا الإمتحان جاهم سؤال: كم عدد أرجل المعزه ؟
فطلبوا من احدهم ويدعى حسنين ان يغششهم لكنه لم يفعل.
بعد الأمتحان طلعوا كلهم ماعدا حسنين
ولما ظهر قالوا له ليه مغششتناش
قالهم : أصل المراقب كان جنبي وما قدرتش أطلع المعزه
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
توني بلير و بوش و حسني مبارك بلعبوا كوره
الكره وقعت في بحيره مليانه تماسح مفترسه
توني بلير امر واحد من الحرس بتاعو انو ينزل يجيب الكره من البحيره..
الحرس قال له مابقدر انزل علشان انا عندي أولاد و عايز اعيش و اربيهم
قام بوش امر واحد من الحرس بتاعو انو ينزل يجيب الكره من البحيره
برده اعترض و قاله مابقدر انزل علشان عندي أولاد وعايز اعيش و اربيهم
قام حسني مبارك امر واحد من الحرس بتاعو انو ينزل يجيب الكره من البحيره....
العسكري طواااااالي قلع هدومه و نزل البحيره
و قعد يصارع في التماسيح و التماسيح اكلت يدو و رجليه بس بعد كل ده جاب الكره
سألوه انت ليه نزلت مع انك عارف ان البحيره مليانه تماسيح مفترسه
قال ليهم انا برضه عندي عيال و عايز اعيش و اربيهم
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
بتاع الفحم جنوا كضب على الزبائن
وأصلوا ما بسكت ساكت لازم يعلق على كلام الزبون
جاتو حاجة كبيرة تشتري فحم
الحاجة : يا ولدي أديني فحم بي ألف
بتاع الفحم : اتفضلي يا أمي
الحاجة تعاين للفحم الكباه ليها في القفة وتقبل على بتاع الفحم
الحاجة : ما تزيدوا شوية ... هو فحم ياباني
بتاع الفحم : والله يا حاجة الفحم غالي وبعدين الفحم ده من سنار
لكن اللوري الجابوا ياباني
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
قاليك كان فى تور هايج اتعب الناس تعب شديد البلم فيه كلوا ينطحو
وبقى ساكى الناس بالشوارع
ماقدر عليه الا واحد مفتل مسك ليك التور من قرونو ورماه على الارض
فى واحده من الحريم شاهدت هذا المنظر طوالي زغردت ايوى ايوى ايوى
قالت : متيمنه الراجل ده جعلى
ومشت طوالى وسالتو: انت جعلى ؟؟
قال ليها : لاشايقى
قالت : متيمنه انبقى كدى ........ التور ده باطل
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد ربا طابى
كان فى مدنى وجاى الخرطوم
وكان فى زحمة مواصلات
ركب بوكسى فية حاج كبير فى غيبوبة لية شهر
قال ليهم الحاج مالو
قالو لية الدكتور قال حولو الخرطوم
لمن البكسى وصل تفتيش سوبا الحاج فاق
وقال ليهم انا وين
الرباطابى دق ليهم القزاز
قال ليهم ياناس الحاج دخل الخدمة
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول
بضربا في بيت مسكون
في شيطان قال إلا أخوفو
المسطول ولعا
قام ظهر لي الشيطان بدون عيون وشعر أبيض
قال لي جيب نفس
المسطول أداه ولا خاف
الشيطان زعل زعل
قام مشي و جاهو بشكل يخوف تاني
رجوولو في بطنو وعيونو في إيدي
قال لي جيب نفس المسطول اداه
الشيطان زعل زعله شديده
قام مشي وجاه تاني بشكل يخوف أكتر
جاه فاتح بطنو ومصارينو بره
قال للمسطول جيب نفس
قام المسطول قال لي إنت ما ملاحظ انو التدخين بضر صحتك كل مره..
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: معاوية عبيد الصائم)
|
تعرف يا معاوية انا ما تابعت البوست دا من اولو , استغربت انو وصل عدد من الصفحات فتحت البوست من الآخر لقيتو ظابط وميه ميه
نكات جديده وآخر حلاوة .
فيا معاوية ياخ ولو ما عندك بوست تاني عاوز ترفعوا للربع القادم ارفع لينا البوست دا .
دا نداء أخير قبل الاقلاع
وباقي من الزمن نصف ساعه
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
Quote: البشير يا مواطن ..
دى فرصة طيبة
ممكن سعال؟
رائك شنو فى النظام ؟ |
دا السؤال الشايلو و حايم بيه ... كل ما غلبك واحد تسألو سؤالك دا ....
النظام اللي مفهم الناس إنك ضدوا إنت أكتر واحد بتخدم فيه بي كذبك و تفاهتك يا رمه
و دا الدور الوحيد اللي مفصل عليك لأنك رمة و ما منك فايدة غير الكــذب و الـنــفاق
و حا تفضل باقي عمرك كدا لأنو عقلك ما بقدر على أي شئ غير الكذب و نقل الكذب
يا رمـة
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد قاعد في مطعم
لقى اتنين مساطيل بيكلموا بعض-
انت ساكن وين-
في مدينة امدرمان-
معقولة؟
وانا كمان ..
وين في امدرمان؟-
في شارع المورده...-
الله وأنا كمان،
منزل رقم كم -
منزل رقم 35-
لأ مش ممكن ،
وانا كمان
الراجل قرب يجن،
سأل الجرسون الحكاية شنو ؟-
ما تشغل بالك ده ولد وابوه بسطلوا هنا كل يوم!
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: أمجد الزين)
|
Quote: يا عمك انت ما بتزهج اصلو
لا رمضان ولا عيد ولا طهور ساى يعمر البينكم انت ومعاوية
غايتو الله يهدى النفوس
مع انو البوست فيهو ضحكات حلوة لكن برضو اخد حقو وزيادة
تحيات كتيرات |
أخونا أمجد سلام
صاحب البوست إتهمني بي إني كـــوز
سألناه عن الدليل قال إني أنا عايش في الخليج
و هو نفسو عايش في جده (إكون مفتكر جده دي في خليج المكسيك؟؟؟)
أها المطلوب صاحب البوست إجي إثبت إني أنا كوز كيف و ننتهي من البوست دا...
و معروف معنى كوز شنو لم إقولها واحد ماركسي طارح نفسو مناضل و ضد الفساد و الإنقاذ
غير كدا يا أمجد البوست دا حا إستمر و إستمر و إستمر
و ما حا أغلب حيلة في إني أستمر فيه إلى أجل غير مسمى
و بعدين ياخي إنت لم مستمع بالنكات الفيهو ... ما تستمع و أنسى بقية البوست ..
تحياتي و إحترامي
| |
|
|
|
|
|
|
|
|
 Re: ابـــــــــــو الحسين ..مان تو مان ... (Re: ABUHUSSEIN)
|
الــــــــــــــــــــــــفار وقــــــــــف
جنب القفص
سافر خيالو سرح بعيد
لو اكرمو رب العباد
جكسوية واحدة من الجداد
يتزوجا .. ويعيش سعيد
تكفيهوا لا شركاً يصيدو
ولا كديس
تحميه من حظو التعيس
فطورو بيض
وغداهو بيض
وعشاهو بيض
أحلامو بيض
صاحبنا ما اتردد وقال
قال لي الجدادة تعالى جاي
انا عندي ليكي كلام كتير
قالتلو هاي يالفار اخوى
انشاء الله خير
قال ليها خير
بس منكسف
قالتلو قول ما تنكسف
الفار رجف
طقطق اصابعينو ووقف
قال للأسف
انا ما بقول
احساسي واضـــــــــــــــــــــــــــح
ومشاعرى ما عايزة الفضول
الجدادة استغربت
اتنفضت واتهوززت
قاتليهو
ياخ ما تقول يا فــــــــــــــــــــــــار
صاحبنا قام
قال ليها طمعان في الجوار
الجدادة اتدللت
قاتليهو هيي ما انت جار
الفار سرح
راح الكلام منو ووقع
قال لي الجدادة بلاش دلع
لو جاكي فار طالب القرب
طالب ايديك
طالب الغرام من مقلتيك
رايك شنو؟
قاتليهو اييييييييييك
ما يسمعك في الحلة ديــــــــــــــــــــــــك
الفار كضم شم الوضع
شتت مشى
وعيونو من كتر الزعل
ما شايفة حاجة مطششة
ومشاعرو كيف متخربشة
حرد الفطور
حرد العشا
ورسم على جدار الزمن
صورة الجدادة ونفـــــــــــــــــــشة
وقال الجدادة قست علي
وعملت علي متحنكشة
باكر بعرس ستها
تمسح دموعي تقشقشة
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد مسطول جارى ورا قطار . . .
كل شوي بقع وبقوم ويواصل جرى، يقع و يقوم
الناس في القطار بتفرجوا عليه و حيموتوا من الضحك
واحد طلع راسو بشباك القطار وقاليو ،
خلاص يازول ما حا تلحقنا ونحنا حا نموت من الضحك عليك
رد عليه :
وهسا حتموتوا من الرعب ...
.
.
لمن تعرفوا
.
.
أنا السواق يا كلاااااااب...!!!!
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مساطيل
ماشين مشوار وماعندهم قروش
واحد قاليهم بسيطة نركب لينا امجاد واول ما نصل مشورنا نقوم جارين
المهم اصحابك وصلوا وقاموا فارين دخلو في عمارة مضلمة ،،
واحد قال نفسي اعرف بتاع الامجاد حصلي شنو ؟
الجنبو قال ليه انا ذاااتي بتاع الامجاد هو في شنو ؟؟
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
ﻭﺣﺪﻩ ﻃﻠﻊ ليها ﺍﻟﻤﺎﺭﺩ
ﻭﻗﺎﻟ ليها
ﻟﻚ ٣ﻃﻠﺒﺎﺕ ﻣﺠﺎﺑﻪ ﻭﻟﺰﻭﺟﻚ
ﻋﺸﺮ ﺍﺿﻌﺎﻓﻬﺎ
ﻗﺎﻟﺖ١ : ﺍﻛﻮﻥ ﺍﺟﻤﻞ ﻭﺣﺪﻩ
ﻗﺎﻝ ﻟﻬﺎ ﺗﻢ ﻭﺯﻭﺟﻚ ﺣﻴﻜﻮﻥ ﺍﺟﻤﻞ
ﻣﻨﻚ ١٠ ﻣﺮﺍﺕ
...ﻗﺎﻟﺖ٢ : ﻧﻔﺴﻲ ﺍﻛﻮﻥ ﻏﻨﻴﻪ
ﻗﺎﻝ ﻟﻬﺎ ﺗﻢ ﻭﺯﻭﺟﻚ ١٠ ﺍﺿﻌﺎﻑ
ﺛﺮﻭﺗﻚ
ﻗﺎﻟﺖ٣ : ﺑﺪﻱ ﺗﺠﻴﻨﻲ ﺟﻠﻄﻪ ﺧﻔﻴﻔﻪ
.
:
:
ﺿﺤﻚ ﺍﻟﻤﺎﺭﺩ ﻭﻗﺎﻝ: ﺍﻥ ﻛﻴﺪﻛﻦ ﻋﻈﻴﻢ
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
سماحتك عقّدتني عديل
أعاين ليك دموعي تسيل
أكرر في الحمدو عشرين مرّة
...
وأقرى معاها سورة الفيل
ولمن تمسكي المنديل وتمسحي بيو كحل عينيك
لمّي الدمعة فوقوا تسيل
أعاين في عيونك ديل
وأقول أريتني كان منديل
ما بنفع كلام يا ريت
نوعي ده ما شَبَه منديل
ملامحي قريبة للصارقيل!
كيفن بس أكون منديل
ولمّا تقومي منعدلة
وتقدلي ليك كم قدلة
أفنجط بي وراك ســــــــــــاي
التقول سخلة
أعاين وأقول هَمَلة
وحلاة القدلة في أهلها
حليوه وتمشي بي جَهلها
وتتقصّد مشي الأصلة
وأنا الفجغوني بي عَدلة
أنا اليادوب في دنيا الريد
مناي يا رب سلام في الإيد
عيونك زي عيون الصيد
كُبار زي خروف العيد
تكهربي بيها خلق الله
ونوعي ده عاد جنونو يزيد
وأقول يا رب تسلّم لي أو ساكت
تأشّر لي، وكان غمزت ده يوم العيد
وعينيك طالعا بينها طوّاف
لا الكبكابة لا الرجّاف
تقول رشّوني بي البفباف
يجيني رعاف
وأقعد ألف، عيوني ترِف
وأقول أكيد ده أثر فطور الفول
لمنّ تضحكي في نُكته
التقول لبعوني بي شنطة
وأكب فوق العصير شطّة
وأقرطع ما أسيب نُقطة
وأقول "يا سلام عصير لُقطة"
وإنتِ تقولي"بالغت وشربت الشطّة يا إنتَ"
مالها الشطّة، ما شربات عصير كُفته
عصير جركان من الدُكّان
يترشّه في صحن فتّة
ما مهم شرابي الشطة
والمهم الكلمة "بالغت "
و "شربت الشطّة يا إنتَ"
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
جعلي
كان مُسافر ابوهو مات
الجماعه دفنوهو في مقابر الشايقيه.
لما رجع الجعلي شال كوريقو ومشا يحفر في قبر أبوهو داير يرحل لي
مقابر الجعليين
أهلو جو مارين
قامو سألوهو : مالك بتحفر
قال ليهم : والله أبوي ده أضانو تقيله ولو القيامه قامت الجماعه الدغيلين ديل ما
بصحوهو معاهم.
| |
|
|
|
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
شايقى وجعلى ماشين فى الغابة
ظهر ليهم نمر عاتى وجاء هاج عليهم
الشايقى ... شال نعلينو فى ايدو . واستعد للجرى
الجعلى قال ليهو : شلته نعليك فى ايدك قايل نفسك دار تسبق ليك نمر
الشايقى قال للجعلى : انا عارف نفسى مابسبق النمر انا داير اسبقك انت..؛؛؛؛؛؛
| |
|
|
|
|
|
|
| |
ABUHUSSEIN
abubakr salih
معاوية عبيد الصائم
البشير دفع الله
أمجد الزين
فيس بوك
تويتر
انستقرام
يوتيوب
بنتيريست