|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: منتصرمحمد زكى)
|
Quote: يا أبو حميد براحة عليهم ياخ نخلي مساحة ليوم زنقة الظروف ما معروفة ... |
ههههههه.
يا منتصر : الزريباب ديل قدر ما قلنا نسكت ليهم تلقاهم هابين في المريخ وهاك يا نقة , أها قلنا نوريهم إنه الطريقة دي في الكورة ما بتغلب زول.
من ناحية كلامي ده صدقني حيمشي ويجي زي ما هو , والبوست ده مستمر لحدي آخر كورة في المنافسة وحأذكرك إنو فعلاً الزريباب سيعودون إلى الزريبة يجرجرون أذيال الخيبة ونبقى في آآآآآآآخ وإإإإإإإإيخ.
وبكرة نقعد جنب الحيط ونسمع الزيط.
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: خالد عبد الحليم سعيد)
|
Quote: يا منتصر : الزريباب ديل قدر ما قلنا نسكت ليهم تلقاهم هابين في المريخ وهاك يا نقة , أها قلنا نوريهم إنه الطريقة دي في الكورة ما بتغلب زول.
من ناحية كلامي ده صدقني حيمشي ويجي زي ما هو , والبوست ده مستمر لحدي آخر كورة في المنافسة وحأذكرك إنو فعلاً الزريباب سيعودون إلى الزريبة يجرجرون أذيال الخيبة ونبقى في آآآآآآآخ وإإإإإإإإيخ.
وبكرة نقعد جنب الحيط ونسمع الزيط. |
quoted and saved secured and tide....
غايتو البلع بعدين حيكون حار خلاص.... الا تقول لي بكري امسح البوست دا
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
Quote: ولكن ما يحيرني هو انك تكره فريق الهلال العاصمي كرها يفوق الوصف نفسي اعرف ليه؟ |
يا أخ ,,, رمضان كريم.
الواحد لما يصل مرحلة الكراهية دي المفروض يكره ليهو حاجة تستحق ينزلو ليها للدرجة السحيقة دي , لكن فريقكم يا الزريباب ما على قدر المقام البخلي الزول يصل مرحلة كراهية , الكراهية زاتها بنستخسرها فيه.
الواحد يكره ليه حاجة تستحق يكرهوها.
لقيتك طموح شديد ومتفائل لكن , قول كلام غير كدده.
كراهية مره واحدة كده؟ كترت المحلبية شديد لكن وعصرت علينا خالص!!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: OSMAN SAYED MOHAMED)
|
المشكلة في الزريباب ديل كلما تقول كلام ما يعجبهم طوالي فرمالتهم جااااهزة ويشبكوك حاقد وكراهية وباقي الدراب الإسفيري المعروف , بقوا عاملين زي مناضلين الكيبورد لو قلت بسم الله ساكت يشبكوك كوز وأمنجي وعميل وباقي الهطل الإسفيري المعهود.
بي طريقتكم دي صدقوني حأعمل ليكم توأمة مع مناضلين الكيبورد , ونختصر ليهم الإسم لي ضَنَك , ونختصر الزريباب لي آب , ونسميكم ضنكاب.
هو بالله في زول عاقل يحقد على فريق الزريباب ده؟؟؟
عالم غريب جداً.
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
سيناريو ونسة المريخاب الايام دي: - اسمع يا حبه ..اذا فزنا في كورة مريخ حلفا، في امل اننا نشيل الكاس المره دي!! - كاس شنو يا عمك، و الله انا خايف الحلفاويين يعملوها.. - يعملوها كيف يعني!! هو الوالي لسه ما سافر حلفا؟؟؟ - و الله ما عارف، لكن انا سمعت تحت تحت انو مشي العمره. - عمرة شنو كمان، و الحاينقط الحلفاويين منو يعني؟؟؟ يعني الممتاز دا حيطير مننا برضو!!! - ممتاز شنو يا عمك دا كاس السوداااان... - اااه و الله الكور المحليه الكتيرة جاطط لينا راسنا دا، اها فرق النقاط بيننا و الهلال كم؟؟؟
و كااااااااااااااااااااااااااااااااك
___________________________
بالمناسبه النتيجه بتاعت مريخ حلفا كم؟؟؟
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Hassan Senada)
|
Quote: والله انا اعرف لو كان غلبوا القطن لعب و نتيجة كان عملوا شنو دا حالتو غالبين بعد طلوع الروح بمساعدة همشرى قصدى مساعدة الحكم
بلنتى مجانى وطرد لاعب غير مستحق وانفرادات بالكوم لهجوم القطن تسلل وهمى نقول لحكم الجزار اقصد الحكم الجزائرى الدنيا رمضان |
قرقرقرقرقرقر...
يا محمد عبدالمطلب وزملائه الكرام...
ما كان تحضروا ريال مدريد وبرشلونة...بدل ما تحضروا الهلال والقطن...او بالميت تسمعوا الرشيد بدوي عبيد في الاذاعة لنقل وقائع مباراة كأس السودان...المشفرة تلفزيونيا بين المريخ السوداني...ومريخ حلفا الحلفاوي... +++++++++++++++++++++++++++++++++++++++++++++++++++++++++++++
يا حسن سنادة...
المطرودين كانوا اتنين...ما واحد...والانفرادات البي الكوم للقطن ضاعت من سوء الطالع ودعواتكم...والتسللات دي بيحسبها رجل الخط لكن ما شايفك قلت ليه الدنيا رمضان...كما قلتها للحكم الجزائري..
همشري دا يدفع للحكم..ولرجال الخطوط الاتنين..وللحكم الرابع والله بكون دفع للحكم الجزائري وقاليه الحكام اتقاسموا النبقة؟؟؟
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Hassan Senada)
|
Quote: سلام يا ابوحميد والله اتوكنب الشعب طلع ماسورة عشرين بوصة خسارة المليونين حق الشعب السودانى اما ان المباراة فحدث ولاحرج
|
مرحب يا حسن ,,,,
أبلانج ده في كورة القطن كان واقف غلط ومتسلل ولو الحكم أو مساعده عندهم ضمير المفروض يحسبوهوا وبي كده ما مفروض يكون في بلنتي , يعني الأبلانج ده لا بعرف يقيف صاح ولا بعرف حتى الكورة بثبتوها كيف!!!!
على قولك : يضاف لقائمة مواسير الزريباب , والحسَّابة تحسب.
وكدا......
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
معلوم أن الفريق الزريبابي كان قد تعادل مع أنيمبا النيجري على أرض الأخير ووسط جمهوره بهدفين لكل , بينما تغلب أنيمبا على فريق القطن الكاميروني على أرض الأخير ووسط جمهوره بتلاثة أهداف , وفي الوقت ذاته كان الفريق الزريبابي قد حقق فوزاً - وبشق الأنفس - على فريق القطن الكاميروني بهدفين لهدف بعد أن كان الأخير متقدماً بهدف منذ الدقيقة التاسعة من بداية المباراة , وقد إحتسب حكم المباراة ضربة جزاء أتى منها هدف التعادل , وقام الأخير بطرد إتنين من لاعبي القطن!!!!!!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: منتصرمحمد زكى)
|
Quote: سلامات محمد
الناس ديل لسه ما قنعو ؟ والله بيعجبني فيهم شدة الإصرار .. والطموح الكبير |
كل سنة وإنت طيب يا منتصر,,,
المشكلة بقت في إنه الرائحة أصبحت تزكم الأنوف , وفي نفس الوقت أصبح أمر تتناقله وسائل إعلام خارجية , يعني محاولة الزريباب دفن الرؤؤس في الرمال هي محاولة محكوم عليها بالفشل , ومحاولة الضغط على وسائل الإعلام بالداخل وتصوير الحديث في الأمر وكأنه مؤامرة بغرض تكميم الأفواه هي محاولة مكشوفة ومعلومة الدوافع.
وواضح أيضاً أن كل الإعلام الزريبابي يحاول ربط المريخ بالخبر.
المشكلة إنه الفريق الزريبابي (دسبرت) وحيموت عشان يحقق أي بطولة خارجية مهما كلف الأمر وبأي تمن , لكن في نهاية المطاف لما البطولة تصل مراحل متقدمة حيصطدموا بفرق لها سمعتها وشهرتها ولا تقبل مثل هذه الممارسات وبالتالي لن يتمكن الفريق الزريبابي من الصمود بالجهد والعرق والإمكانيات الفنية وسيعود إلى زريبة العيش من حيث أتى يجرجر أذيال الخيبة المعتادة , ولن يعودوا ساعتها حتى بخفي حنين , وغنيتهم المفضلة حتكون :
رجعنالك عشان إنت الجرف الفيهو شتلات حيييييييييييييينه!!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
المفروض الزريباب ديل يفكروا بصورة جدية ويعينوني الناطق الرسمي للزريبة , لأنه من السنة الفاتت كل ما أقول ليهو الكاس ما (تشمي) , كلامي يطلع صااااااااااااااااااح , لأنه بالطريقة دي حيوفروا قروش كتيرة جداً , على الأقل يستفيدوا منها في تأهيل زريبة العيش عشان يبقى إستاد زي إستادات الناس , لأنه من الأول حأوريهم إنه لا جدوى من المشاركة لأنه طايرين طايرين.
لأنه واحدة من اكبر مشاكل الزريباب إنه ما عندهم هدف واضح , هل هم عايزين يشاركوا من أجل المشاركة؟ ولا من أجل إحراز كأس؟ وإن كانت الإجابة الأخيرة صحيحة فهل عايزين يجيبوا كأس عشان المريخ جابوا؟ ولا عشان هيثم مصطفى ما يعتزل قبل ما يبل ريقه بي كاس؟ ولا عشان يثبتوا إنه صلاح إدريس (على كل شئ قدير) كان فاشل؟
بالمناسبة أنا ممكن أشتغل ليكم بي ضمير , بس إنتو صفوا النية وكتروا الكنجالات , ومن ثم دعوا القيادة لنا وتمتعوا بالزريبة!!!!
وكدا!!!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
Quote: فى مفاجاءة جديدة ..ميشو يحمل البرنس مسؤولية التغيرات فى مباراة انيمبا
كشفت مصادر خاصة ان ميشو مدرب الهلال حمل هيثم مصطفى مسؤولية التغيرات التي حدث بالهلال وقال مصادر ان ميشو كان يريد إدخال اتوبونج وخروج بكرى المدينة الا أن هيثم مصطفى فى حديثة مع طارق احمد ادم اخبره أن بإدخال كاريكا وخروج علاء الدين وقال معلومات تحصلت عليها سودانا فوق ان ميشو استجاب فوريا لحديث البرنس وأمر بإدخال كاريكا وخروج علاء الدين يوسف الذي وكان خروجه السبب الرئيسي فى الهزيمة وعقب المباراة هتفت جماهير الهلال ضد المدرب ميشو اللاعب هيثم مصطفى ووصف تدخلاته فى تشكيلة المباراة بالأمر المحير وصبت
الجماهير أيضا غضبها على مجلس الادارة كما هاجمت المعز محجوب |
لو الكلام ده فعلاً صدر عن ميشو , فقطع شك , الهليل حينيشوا!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
Quote: تضطرك تحلق (شنبك) وحاجات تانية حاميانى !!!! |
ده شنو يا دووووووك؟
إنت دكتور في شنو بالظبط كده؟
بالجد والله!!
بي حلاقتك الكتيرة والحاجات الحامياني دي أخاف تكون بطري ساااااي.
هو إنتو بالله يا الزريبباب عندكم دكاترة زيييينا كده؟
تصدق أن جني وجن زول يشبك نفسه دكتور والناس تناديه يا دكتور يا دكتور , وفي النهاية يطلع بطري سااااااي!!!
عارف ليه؟ لأني كل ما أسمع بي زول ينادوهو بي دكتور طوالي بحضر الشكية بتاعتي , ولما أكتشف إنه بطري ساااااي بجيني (أبو الهناق) عديل , وبحس بي إضنيني بقوا كبااااااااار , وزي العندي ضنب ضنب كده!!!!
قلت لي حاجات تانية حامياني؟ وكمان بين قوسين , غايتو لو طلعت بطري ساي يحلك الحله بله!!!
بطري وكمان زريبابي؟ يا محاسن الصدف والزرايب يا قدعان!!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
Quote: عارف ليه؟ لأني كل ما أسمع بي زول ينادوهو بي دكتور طوالي بحضر الشكية بتاعتي , ولما أكتشف إنه بطري ساااااي بجيني (أبو الهناق) عديل , وبحس بي إضنيني بقوا كبااااااااار , وزي العندي ضنب ضنب كده!!!! |
ولا يهمك تعال أشكى سااى علاجك عندى أصلى متخصص فى علاج (الحيوانات) وبعدين البطرى فى الدل المتقدمة للامام موش ناس قريعتى راحت وكأس مانديلا هو أبو الطب (ارجع للمعجم لتعريف معنى كلمة دكتور وعلى من تطلق) ما مشكلة كلنا داخل حظيرة الوطن أو براك طلعت نفسك حماار وعندك ضنب وانا مااااالى بعدين (حاجاتى التانية الحاميانى) دى مالة حرقتك حلاقتا حارة ولا موسك ميتة !!! ما فوق الجماعة شبكوك دقنك وشنبك وبس؟ وكل حاجاتك مالك ما حرقتك ولا موسهم كانت سنية وما حسيت بحلاقتهم بس فالح فينى انا البطرى بتاع (الحيوانات) والحمير دا!!! بعدين خلى روحك رياضية وليست (حيوانية) وتقبل الحلاقة من مجاميعو!!!!
Quote: هو إنتو بالله يا الزريبباب عندكم دكاترة زيييينا كده؟ |
حدد نوع الدكاترة عشان نحدد نوع الموس والحلاقة والحاجات التانية الحامياااااااااااااانى (عشان حرقتك كررتها تااااااانى) !!!
Quote: قلت لي حاجات تانية حامياني؟ وكمان بين قوسين , غايتو لو طلعت بطري ساي يحلك الحله بله!!! |
اها طلعت بطرى (الحلاقة) حتبطلها ولا شنو؟
Quote: تصدق أن جني وجن زول يشبك نفسه دكتور والناس تناديه يا دكتور يا دكتور , وفي النهاية يطلع بطري سااااااي!!! |
بطرى ساااااااااى وبتاع (حمير ) انفع للحلاقة ولا ما بنفع؟
Quote: بطري وكمان زريبابي؟ يا محاسن الصدف والزرايب يا قدعان!!!! |
يا رااااااجل قصدنا نلحق لك بوستك ونفش مغستنا وبس اها ارجى الراجل من البياطرة والدكاترة وبتاعين الحيوانات الكروية والحمير النهاقة وحاجات تانية حاميااااااانى عذرا انيقا للقسوة فالغلب حااااار وكذلك الحلاقة ولا موش كدة ؟ظ عذرا انيقا للتجاوز بين الاقواس فقط للدعابة ولا يهمك لا الموس انكسرت ولا اندفق الفيها وكل قرد يطلع لى شجرتو عفوا اخيرا (أعتذاراتى) للقسوة
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
Quote: مع الزريباب مافي حاجة إسمها الظروف معروفة , كل الظروف مع الزريباب معروفة ومحفوظة عن ظهر قلب , وقديماً قيل : السير يدل على المسير والبعر على البعير.
زي جوع بطن الزريباب ظروفهم برضو معروفة.
غايتو يا الزريباب خليتونا نجيب ليكم أمثلة عن البعر!!!!
وكدا!!!! |
كل اناء بما فيه ينضح وبعرة ما تعتر ليك وانت بتحلق شنبك و.... (خليت حاجات تانية حاميانى بعد إعتذارى أعلاه) قفط كلنا اولاد زريبة واحدة داخل حظيرة الوطن والعرجا لى مراحا والبعره (بتحلق) الواطيها !!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: د.معاويه عمر)
|
وعلى رأى المثل (البعرة) (بتحلق) الواطيها!!!!!!!! تصبح على خير وفتك بعافية ويسلم شنبك من الحلاقة وانشاءالله لو ثمن فوز الهلال بالكاس شنبك ما يشيلو!! ولا يهمك واثقين منك والشنب ولا صمة الخششششششششم!! فتك بعافية وخليك فى حلاقة شنبك وقسمك وإياك والتطاول على البياطرة (الدكاترة) وكان قلت كلامك دا فى انجلترا ولا أميركا كان حلقوا ليك نصت نهار ودقوا ليك (حلوق) من غير عودة!! ساحق مودتى وشاهق أمنياتى بسلامة شنبك من الآهة
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: وليد عبد اللطيف)
|
إنا لله.
كورة الوداد والأهلي إنتهت قبل شوية تعادلية بهدف , بكر جدو للأهلي وعادل الوداد في بداية الشوط التاني , ليتأجل أمر التأهل للجولة الأخيرة.
والله المستوى اللعبوا بيه الفريقين ديل لو فريق الزريباب كان الله كتب ليه يتأهل , كان تكون طامة كبرى , لكن الله كريم فلتوا منها يا زريباب.
هجوم الوداد المغربي في مباراتين أحرز سبعة أهداف , في الأهلي المصري تلاتة في إستاد الرعب بالقاهرة , وفي مولودية الجزائر أربعة صفر.
كده الزريباب ياااادوب حيحمدوا الله إنه ما إتأهلوا.
الله نجااااكم يا زريباب!!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
Quote: والله يا ود عبد المنطلب كل عام وانتم بخير حاسي بيك اسعد زول يامان طبعا نحنا اثبتنا ذلك بحسابات كروية بحته ياريت انت كمان تكون حسبتها كذلك وليس حساب شماتات وماشابهه ذلك ههههههههههه |
وإنت بخير يا وليد,,,,, والله لافرحان , لا حاجة , كل ما في الأمر عايز أوري الزريباب حجمهم
الطبيعي وبس.
أما الحسابات , ففي البوست الفات اللي جا فيهو اللتخ الإسمه طارق مين كده داك وسألك السؤال بتاع الشفع الغبي داك بتاع منقتك حمرة ولا صفرة داك , قلت رأي في فريق الزريباب كمؤسسة تفتقر لثقافة الإنجازات بسبب إدارة من تجار الخيش والعيش تتحكم في النادي ولإفتقار اللاعبين للطموح والعقلية البتمكنهم من وعي دورهم , وفي خط الدفاع المتهالك بقيادة المعز بطة , وخط وسط لا يعرف معنى الرجوع عند الفقدان والمؤازرة , والمساندة لحظة الهجوم , وضربنا مثال بي (جدو) هيثم اللي قضى في الملاعب عشرين عاماً ولازال مكنكش في خانته , ومش فرض نفسه على التشكلية وبس , بل والتدخل في أمر التغيير وماهية اللاعب الواجب تغييره.
البوست ده مجرد إمتداد ليه , وضمن تداعياته.
عارف يا وليد :
فريق الزريباب ده فيه حاجة مركبة غلط , يعني خلقة ربنا كده , زي الطاحونة البتلف عكس , الطاحونة معروف تجدع فيها عيش تديك دقيق , لكن فريق الزريباب ده طاحونة تخت جواها مشجعنه تطلع زيت.
أو إحتمال ضاربه شيطان!!!!
وكدا!!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: وليد عبد اللطيف)
|
Quote: ههههههههههه ياولدنا اها يوم بكره قرب انا خايف الناس دي بكره تجي تضحك عليك وتطلع زيتك هه هه هه |
الرسالة العايز أوصلها من السنة الفاتت وهسه بسيطة ومختصرة :
فريق الزريباب ده يفتقد للطموح الذي يوصله لمنصة التتويج الخارجية , يفتقر للإدارة , للمال , لاعبين على قدر من الوعي والثقافة , ملاعب تساعد في الوصول لمنصات التتويج , إستاد به أبسط مقومات الإستادات , جمهور يساعده.
صدقني زي ما طلعوا من زريبة العيش حيرجعوا ليها , والمشكلة لما يجوا راجعين للدوري الممتاز , المولد حيكون إنفض!!!
زريباب ونحس في الباب!!!!
وكدا!!!!!!!!!!!!!
| |
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
أها قمنا :
Quote: الهلال يثير أزمة التحكيم التونسي والجزائري في الاجتماع التقليدي!!! بمكاتب اتحاد الكرة ظهر اليوم اليوم 06:56 AM كفر و وتر/الخرطوم أثار عضو مجلس ادارة نادي الهلال وممثله في الاجتماع التقليدي عصام كرار ازمة خلال الاجتماع الذي انعقد ظهر الامس بمكاتب اتحاد الكرة بالخرطوم اثنين و بحضور مندوبي فريقي الهلال والترجي التونسي وحكام المباراة والمراقب ..حيث أشار كرار الى خوفه من صعوبة المباراة على التحكيم الجزائري في لقاء الغد مؤكدا إحتمال عقد صفقة تبادلية بين التحكيم التونسي الذي يدير مباراة منتخبي الجزائر وافريقيا الوسطى مساء السبت القادم في التصفيات الافريقية المؤهلة لغينيا الاستوائية والجابون وطاقم التحكيم الجزائري الذي يدير مباراة الغد التي تخص التوانسة بصورة عامة ..واستشاط طاقم التحكيم الجزائري غضبا من حديث كرار وأكدوا نزاهتهم وقدرته على الخروج بالمباراة الى بر الامان وأكدوا منحهم كل ذي حق حقه ..وتدخل اسماعيل عطا المنان واعتذر لاعضاء التحكيم الجزائري وتصافى الجميع بنهاية الاجتماع الذي تقرر فيه ان يرتدي الهلال الشعار الازرق الكامل بالجوارب البيضاء فيما يرتدي الترجي الاحمر بالاصفر بالجوارب الكحلية. الجدير بالذكر منتخب الجزائر ما زال ينافس على الترقي الى نهائيات الامم الافريقية بالرقم من احتلاه مؤخرة الترتيب ..حيث يملك 5 نقاط ويملك منتخب افريقيا الوسطة 8 نقاط ويحتل المركز الثاني ..بينما ينافس ايضا منتخب المغرب الذي يلعب بذات المجموعة للترقي لذات المرحلة ..حيث يحتل صدارة المجموعة ب8 نقاط ويلاعب يوم السبت ايضا بملعبه المنتخب التنزاني الذي يحتل المركز قبل الاخير ب5 نقاط ايضا مشاركا المنتخب الجزائري..و يتأهل الى نهائيات الكأس التي ستقام في غينيا الاستوائية والغابون سنة 2012 أصحاب المراكز الأولى في المجموعات بالإضافة إلى ثاني المجموعة 11 و المنتخبان اللذان سيكونان أفضل الحاصلين على المركز الثاني فى المجموعات التى تضم أربعة منتخبات.وسيتم حساب أفضل الثواني بعد سحب نتائج المنتخب الآخير من كل مجموعة وأحتساب نتائج المنتخبات الثلاثة الأولي في كل مجموعة مع بعضهم ماعدا المجموعة 11 التي سيتأهل منها الأول والثاني مباشرة لوجود 5 منتخبات فيها .
|
| |
|
|
|
|
|
|
| |