يا هالة .. الرائع خليل إسماعيل

يا حبيبي من جور الزمان
أديني من قلبك كمان
البسمة والرضا والحنان
كم ليك ينازعني الحنين
أنا يوم أشوفك يا ضنين
في عمري تجدد سنين
أوقاتي تصبح زين وفال
أعياد مباهج وكرنفال
في اختيال تختر دلال
تنضح جمال يا هالة
في نور من جلال
يا سهل ممتنع المنال
يا صفحة في أبلغ مقال
يا حقيقة في أروع خيال
متى يا حبيبي أراك عيان
تديني من قلبك كمان
بسمة رضا ونظرة حنان
يا حبيبي
تكفي منك ابتسامة
المعاها XXXXXX فؤادي
حبي ليك حب ما اعتيادي
جمالك زينة بادي
في رضاك غاية مرادي
قلبي يلقى الفرحة جنبك
لو تحن وتسيب عنادي
عارفو بتقسيهو قلبك
ليه تتعمد بعادي؟
حبي ليك حب ما اعتيادي
إيه جنيت وانا حبي طاهر
كل يوم يزداد شرودي
هو السبب علل صدودك
اتعديت حدودي
زيد في دلك زيد
وزيد في تيهك
برضو ما بغير في ريدي
بس كفاية علي اشوفك
نظرة منك بتزيل عذابي
كل احساس جوه قلبي
بغني ليك وبقول وحيدي
أنت الحان عمري كلو
أنت انشودة وجودي
حبي ليك حب ما اعتيادي