كتب الكاتب الفاتح جبرا المتوفرة بمعرض الدوحة
|
Re: ركـــن بنات وأبناء كســـلا ( خيــرات) (Re: عبدالعظيم عثمان)
|
Quote: الشقيق الرائع صديق قبل كم يوم كدة كنت في زياره لكسلا في اجازه خاطفه..يبدو المدينه كما تركناها بس في مجانيين ما صادفتهم كلو كلو
|
الشقيق عبدالعظيم حبابك عشرة بلا كشرة وحمد لله على السلامة ووين مطول الغيبة ؟؟؟ ياخي بختك كسلا حتة واحدة كدة والله بختك .... وكمان لافي بالأتوس حمد لله على السلامة والمجانين ديل زمان اتغيروا أنت يا داب فكرت ليهم ؟؟؟
Quote: محطات توقفت عندها في كسلا 1/ الحراك السياسي معدوم تمام الي من القليل من التثاقف من علي بنابر القهاوي.. 2/تكدس العاطليين عن العمل 3/ازدياد ملحوظ للمنظمات 4/غلا للمعيشه بصوره ملحوظه 5/ظهور (الاتوس) كوسيله للمواصلات اذا فاق عددها ال 800 6/خمسه قلابات بتحفر لتوسعة مجر نهر القاش وحتي هذه اللحظه لم تبارح تحت الكبري |
ملاحظاتك عن كسلا محل إهتمامنا وتقديرنا وأكثر ما يزعج فيها هو هذه الخمسة قلابات التي لم تبارح ما تحت الكبري (نسأل الله ان يجنب أهلنا رور القاش هذا العام) والأن العد التنازلي بدأ ونحن مازالت نبضاتنا حبيسة ولن تنزاح عن أنفسنا الغمة حتى أغسطس على أقل تقدير منتظرين باقي الإنطباعات بكتابة فيها إسهاب خلينا من شغل التلغرافات دا
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
نعود من جديد اليكم احبتى الغالييين بعد غياب طال والشوق زاد اتقادا فى القلب للوريفة وكل اهلها السمحين لنقول ونردد ( انتو يا ناس كسلا من مدة بعيدة نحنا ما شفناكم ولا ما زرناكم والله نار الشوق فى قلوبنا شديدة ) تحايا عطرة من على البعد وعزرا لغيابنا الطويل عنكم لاسباب خارجة عن الارادة لكم كل ودى وتقديرى واحترامى
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
العزيز بجاوي حبابك واليوم السعيد الليلة جابك وفقدناك والله ... واحشنا شديد ومنتظرين تقليعاتك وإضافتك الجميلة لك هدية أغنية أنتو يا ناس كسلا ومن شباب كسلا بإستراليا عشان تشوف الناس دي بتحب كسلا كيف والشباب مبتهجين كيف وبنفس اغنيتك (أغنية عبدالعظيم حركة) عليه رحمة الله الواسعة
لك مودتي التي لا تغيب
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
متابعة لكتابات الاخ محمد قصاري عن شخوص غرب القاش نواصل
Quote: مواصلة في حديثنا عن بعض الشخصيات بغرب لندن نبدأ بإمام جماعة أنصار السنة ( فكي ابوعرفة ) صاحب خلوة تدريس القرآن الكريم وعلوم الدين والسنة بجامع الأنصار وأحد شيوخ وائمة كيان الأنصار ( المؤسسية الدينية والروحية لحزب الأمة ) إمام كيان الأنصار بالمدينة (أنصار الإمام المهدي لتوحيد البلاد والعباد ) وكان محل إهتمام أئمة الأنصار بدءاً بالإمام عبدالرحمن المهدي والإمام الهادي المهدي وإبنائهم من بعدهم وكانت داره العامرة على ضفة نهر القاش الغربية آخر محطة في وجهة الإمام الهادي إمام الأنصار عند خلافه الشهير مع الرئيس نميري عندما رفضا الإعتراف والتأييد لإنقلاب وثورة مايو على النظام الديمقراطي وهو متوجهاً لبلاد الحبشة للحماية والمعارضة وذلك بناءاً على العلاقات القديمة والوطيدة بين إمبراطور الحبشة هيلاسلاسي وآل المهدي بالسودان إبان مكوث هيلاسلاسي في الخرطوم قادماً من إيطاليا قبل تسلمه حكم بلاد الحبشة إمبراطوراً ( أثناء فترة الإستعمار الإنجليزي للسودان ) . وكان الشيخ ابوعرفة شيخاً مجاهداً صائماً عارفاً بالله يجد التوقير والأحترام من أهل المدينة كافة وأهل غرب لندن وأهلهم في الطرف الآخر في الكارة والبوليس القديم بيريي والبرنو والبرقو معاقل حزب الأمة التقليدية يعقد ويوثق زيجاتهم ويأبن موتاهم ويرقى ويعالج بالقرآن ويعلمهم إياه وكل علومه وكان أيضاً محل إحترام زعماء حزب الأمة بالمدينة على راسهم الزعيم ( مصطفى قسم الباري ) و( الخير عبدالوهاب ) والزعيم التجاني أحمد التجاني بالسواقي الجنوبية وكان محل حفاوة ودعم (الناظر ترك ) ناظر عموم قبائل الهدندوة الزعيم القبلي الانصاري الكبير وناظر الحباب وناظر الحلنقة وكان محل تبجيل آل الميرغني بكسلا ووجهة سياسيي ونواب حزب الأمة للمباركة والتأييد . رحم الله الشيخ الجليل فكي أبوعرفة بقدر ماأعطى لدينه ووطنه إنه سميع مجيب والتحية لإبنائه وبناته وأحفاده .. محمد قصاري |
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
يا سلام عليك يا صديق تعرف الرحلة دى حنسونى تحنيس امشيها ابيت ما كنت قايلا تطلع كدة والله لو كنت عارف لوجدتنى اقدل فى الدارة ذى ( كدارة ) طبعا ناس كتيرة لم ذكر سيرة ( كدارة ) لا من قريب ولا من بعيد رغم انه احد الروائع الكسلاوية التى محال ان تنمحى من الذاكرة ودرة شباب كسلا يا ست ويلاك ود شريفى فى حمى الطبيعة , ويا معلم نرجو السماح خلى درس المسا للصباح والحب ليس قضيتى رائعة الراحل ابوامنة حامد ) والله كسلا بلد الابداع بجد عارف فى الرحلة دى السمؤال ابدع حتى انه تغنى باغنية ( انجليزية ) ما احلاك يا كسلا وما اروع اهلك الطيبيين مع كل مودتى لكم جميعا وشكرا على الهدية الجميلة يا غالى
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
الشقيق بجاوي يازول أتاريك أنت قادل في إستراليا بهناك مع ناس عبدالحكيم عازف الأورغ الذي كان يعزف مع بيتر إحساس والمرحوم حافظ تاديس فخر الدين ، نبيل عثمان ، محمد صالح برمبراس من فرافيشو حلوف ديل عثمان طاهر عثمان قال دفعتو وعرفهم في الفيديو الفوق دا بتاع رحلتك الأبيت تمشي ليها دي ....
Quote: والله لو كنت عارف لوجدتنى اقدل فى الدارة ذى ( كدارة ) طبعا ناس كتيرة لم ذكر سيرة ( كدارة ) لا من قريب ولا من بعيد رغم انه احد الروائع الكسلاوية التى محال ان تنمحى من الذاكرة |
الجماعة ما قصروا تب كلهم كانوا كدارة - عليه رحمة الله الواسعة ، ولابسين النضارات المشسية التقول شغالين مونا ولافينها بكرت وأهدي لك هذه الرابط عن ذكرى المرحوم كدارة - طيب الله ثراه - Re: مرحب بعبد الغني
| |
|
|
|
|
|
|
Re: ركـــن بنات وأبناء كســـلا ( خيــرات) (Re: عبدالعظيم عثمان)
|
Quote: قتليه الكوم الاول في خشم بالبياكل قروش القاش والكوم الثاني في البياكل حق اليتامي والكوم الثالث في خشم البشتم ويسب المراغنه |
الشقيق عبدالعظيم يا زول والله لو الكيمان دي صحي صحي بحشوها لخشم الناس ديل كان فتحنا عطاء لإستيراد تراب لكسلا البياكلوا قروش القاش ، والبياكلوا قروش اليتامي ، والبيسبوا المراغنة على قفا من يشيل زي ماقالوا أها باقي ليك في شتيمة للمراغنة أكتر من تسوير الجبل وقلع أراضيهم الكاش في القاش بقت مقولة مشهورة وأصبحت كمثل تضرب بمناسبة وبدون مناسبة ، ويقولها من يفهم معناها ومن لايفهم .. والمهم الكاش في القاش وإنقلبت هذه المقولة بعد ما كانت الكاش في دلتا القاش لما ينتجه من قطن وخروع وذرة ودخن ، كانت دلتا القاش بقعة يشد لها الرحال فكانت منطقة هجرة لليمانية والحضارمة وللسعودية (قبائل الغُمد - الغامدي) وهاجر لها الفلاتة والكاميرونين من مواطنهم الأصلية ... فلماذا لا نعيد التاريخ يا حكام ؟؟؟
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
شكرل ليك اخى الغالى صديق هذا السرد الرائع والتوثيق الجميل لاجد رموز كسلا المرحوم ( كدارة ) والله الرحلة دى جليت منها ببونت واحد وكل الاسماء التى ذكرتها كانت حضورا بزعامة فخرى ( جون) كانت رحلة ممتعة فعلا ابدع فيها كل الحضور بدون فرز . مدخل للخروج : يا ناس تتذكرو فنان رائع من كسلا اسمو ( بشرى بين )؟؟؟؟؟ ليكم كل ودى وخالص تقديرى واحترامى
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
البشريات والتبريكات نزفها للاخ زهير الزناتى وحرمة بقدوم المولود جعلة اللة من مواليد السعادة
الاخوة صديق والبجاوى اثرتم فى النفس الشجون بمجادعاتكم الثرة لزكريات كسلا القديمة وانسانهاالعسل
ايقونة كسلا محمد مطر وقيثارتها حامد ابراهيم ( كاتا) ازادنت ليالى المدينة بهم طربا ونغما مموثق
زرعو فى النفس ملكات التطريب وانبرى كدارة لة الرحمة يترجم مفرداتهم رقص نعقد لة حواجب الدهشة
ونتعلم من وقع خطواتة مايكون لنا دافع نكسر بة رتابة الخوف من الولوج الى دائرة الحفل والسكسكة
والقطر الخاشى يربها ويحتها حت وعرباتو تتمايل مع الايقاع والصفقة والرقيص اولة عند الفنان
واخرة ورا الكراسى تلك ايام خلت لها ايقاع نتمنى ان نجد القليل منهايرد فينا بعضا من رحيق جاهلى لذيذ.
| |
|
|
|
|
|
|
Re: ركـــن بنات وأبناء كســـلا ( خيــرات) (Re: نورالدين الفحل)
|
الشقيق نور الدين الفحل حمد لله على السلامة ، ومبروك لشقيقتك وجعله الله بيتاً محفوفاً بالسعادة والمال والعيال
وبمناسبة الهجيج ، يازول نحن نعتز برحيقنا الجاهلي اللذيذ الذي قيض لنا اللقاء مع أمثال كدارة - عليه رحمة الله الواسعة - ويجعلنا نطير بجناحين حينما نسمع ود مطر أو إبراهيم حسين والتاج مكي وحركة وحامد كاتا ويحيى أدروب .... الخ عليك الله ديل الزول بقدر يتوب منهم
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
الشقيق بجاوي تحياتي العطرة لك لمثابرتك وبقاؤك في هذا الركن الحبيب ... أفتقد الوقت الذي أرد فيه للمداخلات ، فما بالك بمذكرات (محمد قصاري) التي بدات بإنزالها هنا رغم انها جاهزة ومقنطرة للبوست بس الوكت ... وبختكم في إستراليا لاقين الزمن .. تحياتي لأبناء كسلا بأستراليا خليفة كمير ، وعصام الياس ، وعمر الفاروق ، والجماعة بتاعين الرحلة الفوق بدءً من فخر الدين جون وحتى نبيل وود الخواجة الصغير
Quote: يا ناس تتذكرو فنان رائع من كسلا اسمو ( بشرى بين )؟؟؟؟؟ |
إتنا بخبره اليقين حتى نتعرف عليه فلم يصادف أسمه أذني من قبل ... لكنني أنتظر إشارات منك للبدء في البحث عنه هل هو (من أبو خمسة ؟ ليهو علاقة ببيان الفنان - عليه رحمة الله ؟ وللا بأسرة ناس بين في غرب القاش ؟؟) أدينا رأس الخيط وأمرق منها وبنجيبوا ليك ضقلو يكركب
| |
|
|
|
|
|
|
Re: ركـــن بنات وأبناء كســـلا ( خيــرات) (Re: يسرى معتصم)
|
Quote: معقولة مابتعرف بشرى بين إبن الميرغنية وكابتن الميرغنى والصقر سابقآ ولا زال مواصـلا غناء الحقيبة |
يا يسري أنت قائل الناس كلها عجائز زيك أنت ود القاضي بالمناسبة ود القاضي كلمني بعمرك الحقيقي الذي كان مفأجاة له كان متخيلك من جيل ناس عمر حميدة على أقل تقدير
تتخيل يا يسري بشرى بين دا أنا متأكد أني ما سمعتو بيغني وكنت جازم أني ما قابلتو لكن كلامك عن الميرغني والصقر جهجهني شوية إلا أشوفوا عشان أتذكرو ... لكن على العموم دي معلومة جديدة عن فنان حقيبة على خطى (بيان ، ومحمد مطر ، وعادل النوش ، وكمان لو جينا لفناني الطمبور في كسلا بتستغرب هل سمعت مرة (عبدالرحمن إبراهيم سعد) هسع للأسف بقى إنصار سنة وخلى الغناء نهائي لكن (محمد النصري) قطعة منو شكلاً وصوتاً وطمبوراً ، شبهتا ليك ود النصري بعبدالرحمن لانو عبدالرحمن ظهر قبل ود النصري بفترة كبيرة ، وفي واحد أسمو (بشرى حمد) من حي العرب ، بشرى حمد دا بدا زول طمبور ساكت لكن بعد داك إي آلة مخلوقة في الدنياأتضح أنوبيعزفها حتى لو شافها أول مرة (أنا ماعارف بقّدر الحاجات وللا شنو) لكن أول مرة يمسك مندلين وجيتار عزف فيهم زي الترتيب لمن الجماعة ختو أيديهم في رأسهم من المفأجاة ولمن (فرندقس) جاب الأورغ في حي العرب - قبل سفره لأبوجا مع الفنانة هدى عبدالعزيز - جاب بشرى حمد عشان يجضموا ليهو وبالفعل (رغم أنو ديك أول مرة بشرى دا يعزف فيها أورغ) غايتو في ناس كدة ربنا مديهم مواهب وطولة بال كدة لمن تستغرب بس
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
الاخوة الافاضل سلامات من جديد الاخ الغالى يسرى انبرى واتاك بالخبر اليقين عن ( بشرى بيّّن ) وهو كما قال لك مواصلا رحلة الغناء حتى الان ويغنى ( حقيبة وشعبى ) على نفس طريقة ( صديق متولى ) والله بجد صوت رائع يحمل عبق كسلا والقاش وتوتيل. تحاياك اعتبرها وصلت الى كل ابناء كسلا هنا وهم ايضا يبلغوك تحاياهم وخاصة ( ابو خمسة ) وبالمناسبة ناس الميرغنية وحلة جديد وين ما شايفهم يا ناس وبرضو يا صديق يا ريت تجيب لينا حاجة توثيقية كدة عن ( فيصل دعاية )وتانى يا ناس كسلا الدرس فى مدرسة ( الميرغنية د ) منو ؟؟؟ مع كل ودى وخالص تقديرى واحترامى
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
الصديق بجاوي بشرى بين - للأسف لم التقي به من قبل - وهذا على مايبدو مواصلة لمسلسل حظي العاثر لكنه طالما أنو من الميرغنية فالموضوع ملحوق بإذن الله ، وحا نخلي عمر حميدة ونصر الله على عيسى يدونا المختصر المفيد قبل ما نمشي ليهو برانا .. الحقيبة دي عاد فيها هظار
أدناه سطور عن فيصل دعاية بقلم الكاتب جلال أري فيصل دعاية
وهذه سطور أخرى عن فيصل دعاية بقلم عمر حميدة
فيصل دعاية الصوت الصارخ في البرية
ناس مدارس الميرغنية بنجيب ليك (عثمان محمد صالح خليفة وشقيقه عثمان) أبناء اليمن السعيد ومعاهم فرح عبدالوهاب والسمؤال حسان أبو عاقلة أبو سن ، وبدرالدين احمد الفكي وأشرف البشاري ، نحن طبعاً من غرب لندن لكن ناس دفعتنا عمر حميدة ومعاوية حميدة وخالد حميدة ونصر الله علي عيسى وحسام النميري وياسر إحيمر ديل كبار عليكم شوية وقدامكم (وللا أنا غلطان)
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
صديق سلامات
بشرى بيّن خليفة (مطر) بى حق وحقيقة
وبالجد سدّ الفرقة الكانت حاصلة فى مجمل مسيرة (الغنا الشعبى والحقيبة) فى كسلا بعد خروج مطر المفاجئ ....
وبدا يغنى على الملأ كدة على ما أذكر فى بداية التسعينات وما عارف ... لكن شكلو فى الوكت داك الظروف القاهرة وملاحقة وتجفيف منابع الابداع ككل .... فى بداية الانقاذ .... خلى الناس تغمّض وتقع حقيبة وغنا شعبى سااااااااااااى .... بى دليل أنو فى فنانين كانو مترافقين معاهو فى رفد وتجديد جميل الحقيبة دة رجعوا تانى ينقزوا فى حوش (الحديث) أواخر التسعينات ....
أهو .... أزمات ومحن الغنا الحديث ... جات مع جيلنا دة بى فوائد جمة ........................ وبلينا ريقنا الناشف فى الزمن الناشف داك بى اللطايف والقطايف .... من شاكلة .... الحب ليس قضيتى ... وخلاص يانيل .... ولما تهلّى فى الميعاد ....
ســـــــــــــــــــــلام يبراك يا بشرى بيّن محل ما أنت قاعــــــــــــــد ويخضّر نيتك ............ زى ما ندّيت (محل) وناشف شــــــــــــــــبابنا .....
| |
|
|
|
|
|
|
Re: ركـــن بنات وأبناء كســـلا ( خيــرات) (Re: عبدالمنعم حسن الفحل)
|
الشقيق عبدالمنعم الفحل حمد لله على السلامة ومنور البوست بعوداتك ولغتك الرشيقة ... ومبروك للأخت الزواج وجعلها الله بيت مال وعيال وحفاه بالسعادة والسكينة ... اها يا خوي بوصفك لبشرى دا أنا عرفت سببي عدم معرفتي بيهو أول بدأية التسعينات دي أخوك كان زول خلاء ساكت .. بدءً من الشواك ... أم راكوبة .. القلابات ... معسكر سفاوا وحلة حكومة ... معسكر خواجة بالحمرة والريان بأثيوبيا .. والطنيدبة ... كل الحتات دي مشيتها من 92 وحتى 97 وخلقت هذه الفترة فجوة بيني وبين المجال الثقافي والفني في المدينة .. قبالها كنا أي زول قال تريم نحن عارفينو وجمبو ... شكراً يا حبيب وقطع شك بنمشي نسمع بشرى بين دا سوا أنا وأنت لو أمد الله في الآجال وتوافقت الإجازات (مش زي إجازة صاحبك نورالدين) قضاها كلها كدرو ودروشاب بس ما كحل عيوني بالجبل ولا بالخضرة والقاش
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
مواصلة لمذكرات غرب لندن لكاتبه (محمد قصاري)
Quote: نادي الأصيل نادي الأصيل ( الموردة ) حالياً ، أصيل أندية الدرجة الثالثة الواجهة الرياضية والإجتماعية والثقافية ورافده فريق ( الدينمو ) أحد فرق رابطة بانت ( السكة حديد ) حالياً للناشئين ومكان ميلاد فرقة غرب القاش الفنية من أعضائها الفنانين صغيرون وبدوي وعازف الإيقاع قاسم اليماني وعازف الكمان طويل ، ثاني هم الآن أعضاء في الفرقة الموسيقية للإذاعة والتلفزيون القومي ، وكان مركزاً لمحو الأمية ومركزاً للتدبير المنزلي والخياطة والتطريز وروضة لتعليم الأطفال . وفريق الأصيل ضم في صفوفه لاعبين ممتازين لهم صولات وجولات في أندية المدينة منهم حسين مروي لعب في نادي الميرغني الرياضي والمرحوم خليل تاج الدين لاعب وكابتن فريق نادي المريخ وأحمد سعيد نوبه لاعب القاش ثم الميرغني وبابكر كدو بفريق الشباب ويوسف آدم كان حارساً للميرغني وعبدالغني ثيردباك القاش ومنهم من شارك في أندية الهلال ، الفلاح وبالدرجات المختلفة . ومن اللاعبين المؤسسين حسين البدري وأبنائه كرار خليل كرار وأولاد الياس وفنيس ودالبي وأحمد نوبه أخوان والأولاد أمان عبدالله وأخواله لاعبين وداعمين للنادي والأستاذ عبدالله كرار كان إدارياً كبيراً وسكرتيراً عاماً لعدة دورات ومندوب أندية الدرجة الثانية والثالثة وعضو إتحاد الكرة المحلي لعدة دورات للكياسة وإخلاصه للرياضة والرياضيين . وختاماً أبناء وبنات غرب لندن موجودون في كل مؤسسات الولاية التعليمية والصحة والخدمية شأنهم شان كل أبناء الولاية . |
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote: بير الليمون (1) أكبر سوق شعبي في المدينة للسعف ومشغولاته اليدوية وإستخداماته الأخرى ومصنوعات الفخار وأوانيه ويغطي حاجة المدينة من هذه المصنوعات ومن ثم المناطق المجاورة وبقية مدن السودان عبر اللواري السفرية والسكة حديد . أما بير الليمون المسمى أكبر بئر ماء في غرب لندن تتوسط السوق ويشرب منها الناس والدواب وخلفها الجامع الكبير وخلوة بير الليمون ومعقل شيخ قبائل الهوسا والإمام الروحي والديني شيخ الطاهر حيث الروح والشرافة والدواية . وينشط السوق صباحاً حتى الظهر وعصراً حتى العشاء في حركة تجارية كبيرة حيث الناس والمعروضات واللواري والعمال والبائعين والبائعات والمتسوقين . وللسعف هناك إستخدامات متعددة بدءاً بصناعة القفاف بأنواعها وأحجامها المختلفة العادية والفاخرة للإستخدامات العادية في الحياة اليومية وأيضاً صناعة القفاف الخاصة بتعبئة الخضر والفاكهة لترحيلها لمناطق المدينة وبقية السودان . كما أيضاً يستخدم في صناعة البروش للصلاة والمناسبات كالحنة وغيرها وفي صناعة طبق الكسرة وطبق الصفرة غطاء صينية الطعام وطباقة عرض السلع التجارية مثل اللوبة والشطة والبلح والفول بالإضافة لصناعة الحبال بأحجامها وأنواعها المختلفة وذلك للإستخدامات المعروفة وكذلك صناعة العناقريب والبنابر بالإضافة لصناعة الفخار من الأزيار بدءاً بالعادية إلى الزير القناوي والقلل لحفظ الماء والبرم والموف للطبخ بألوان وأشكال وأحجام تنم عن صنعة وذوق وفن ويتم عرض كل هذا في سوق بير الليمون وسط صياح الباعة والمتسوقين .. وللحديث بقية ،،، محمد قصاري |
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
كدي النجر بنبرنا ونتحكر في الركن ده أولا وبعدين نشرب قهوة كدي مع نضارة القاش ونبارك لزناتي الأمورة الحلوة ونعرج علي نور الدين الفحل ونبارك زواج شقيقته ونتمني لها حياة سعيدة وناس شحوتاي العمده سلام وناس ود القاضي وعيال صديق رحمة وكل الكسلاويين الجدعان ناس المودة والكرم الفياض عشان كدي القاش طوالي شايل الخير ده بعنفوانه وأركانه كترت ياصديق تاني ماتغيب علينا بالشكل ده وتحايا من عاشق للشرق المشمس ضواي .
،،،،أبوقصى،،،،
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote: أبناء شريف :من قبيلة الهوسا أصحاب لواري سفرية وبصات محلية وأصحاب أقدم وأكبر محلات ترحيلات وقمسيون في شرق المدينة وغربها مصطفى شريف وجدو وآدم وأبناءهم من بعدهم رياضين ومحبين لأندية المدينة المرغني - القاش - النصر .
* شجرة الــــروب : شجرة ضخمة تتوسط حي غرب ، القاش على ضفة نهر القاش الغربية لبيع الحليب ومشتقاته من اللبن الرايب والحليب والفرصة والسمن .
* عيسى قهـــوجي : تاجر من أبناء الهوسا صاحب مجمع تجاري في وسط غرب القاش يجمع المخابز والمطاعم والبقالات وأحد أعيان قبيلة الهوسا وغرب لندن .
* خواجـــة لونــدي : سلطان زمانه في لعب كرة القدم وأحد مؤسسيين ولاعبين نادي القاش ونجم رياضي كبير من نجوم المدينة ثم مدرباً سطر أسمه بمداد من ذهب في صحائق نادي القاش والمدينة فله الرحمة والمغفرة ...........................
* بئر جلاد : أقدم بئر في المنطقة الغربية من الأربعينات الميلادية في وسط حي غرب القاش ( حلة سودان) يشرب منها الناس والـــــــــــــــدواب .....
*الدليل آدم محمــــــــــــــــــــــــد شيخ حي غرب القاش صاحب ساقية بالسواقي الشمالية وورثه المشيخة إبنه إبراهيم دليل فكان من أعيان الحي والمدينة ....
* الجاجــــــــــــــــة كوشي: حكامة - ومغنية ( الأفراح ) الزواج والختان في طقوس الأفراح السودانية - دق الريحة - الحنة - الرفاف - السيرة - بالشتم والدلوكة وإيقاع الشتم مع قبعات الصدفية فلا يخلو فرح في غرب المدينة ولاتسمع شتم ودلوكة إلا والحاجة كوشي موجودة .( ياعديلة يابيضاء )
* عائشـــــة زنقري: داية غرب القاش وأقدم داية في المنطقة الغربية ( الآربعينات الميلادية ) عائشة أدم محمد شقيقة شيخ غرب القاش الدليل آدم فأصبحت من معالم غرب القاش وغرب لندن لها الرحة والمغفرة ......................... ونواصل |
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
الاخوة الاعزاء سلامات تانى واشواق لا تحصى ولا تعد الاخ الغالى صديق بالطبع لم اكن دفعة هؤلاء فما تشوف الكتابات دى ونبش القديم المعتق الكسلاوى نابع من حب لا يموت لهذه المدينة الرائعة التى اعشقها حد الثمالة وابحث دائما عن كل شئ يرتبط باسمها دفعتى بالميرغنية اصغر من جيلكم بكتيييير ولكن ربما تكون درست مع اخوتى او ابناء خالاتى منهم ( محمد عبدالقادر شنان واشقائه المرحوم مصطفى والمرحوم الحاج وعبد الرحيم او على محقر واشقائه خيرى والمرحوم شريف محقر وشقيقى الصادق او جعفر ) . هناك الكثير من الاسماء اعرفها بالاسر ( عائلة الشامى اعرف كثير من افرادها ولكن نسبة لبعد المسافة وطول الزمان راحت منى الاسماء وعائلة الفاضل التى اذكر منها محمد الفاضل فقط وعائلة ( حترة ) وعائلة ( الشنقيطى ) اذكر بان احد افرادها كان حكما فى كرة القدم والكثير الكثير من عوائل الميرغنية التى كنت اجول داخل منازلهم كانى احد افراد الاسرة لافرق بينى وبين ابنائهم . دوام فى الغربة يا كسلا حليل جبلك حليل ناسك هذه الاغنية سمعتها كثيرا ولكن باصوات كسلاوية شبابية تمس شغاف القلب عند سماعها ولكنى لم اعرف صاحبها الحقيقى فهلا نطمع بايراد معلومات عن هذه الاغنية ( مغنيها الاصلى ومؤديها ) ايها الكسلاوييين لكم كل مودتى وخالص تقديرى واحترامى
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
حرك شجنى للتاكا حنين ما بعضو تانى حنين طريت زولى البعرفو براى وعاش فى قليبى ليه سنين متين ياالله لى كسلا متين نعود جمال كسلا نعود ونتقابل الاتنين دوام فى الغربة ياكسلااعيش فى صبرك واحساسك طريت ايامك الحلوة حليل جبلك حليل ناسك هذه بعض ابيات الاغنية واتمنى ان اجد افادات من الكسلاويين الغالييين مع كل الود
| |
|
|
|
|
|
|
Re: ركـــن بنات وأبناء كســـلا ( خيــرات) (Re: يسرى معتصم)
|
Quote: حرك شجنى للتاكا حنين ما بعضو تانى حنين طريت زولى البعرفو براى وعاش فى قليبى ليه سنين متين ياالله لى كسلا متين نعود جمال كسلا نعود ونتقابل الاتنين دوام فى الغربة ياكسلااعيش فى صبرك واحساسك طريت ايامك الحلوة حليل جبلك حليل ناسك |
Quote: الأغنية بصوت صديقى الفنان / السمؤال سرالختم مجذوب |
ياسلام يا يسري ويا بجاوي والله أطربتونا بصوت السمؤال وفعلاً الود دا غناي شديد وصوتو حنين شديد وجائي من زول مكلوم ...وشوف كسلا دي بجضمها ليك كيف لانو عايش فراقها بصدق يايسري كان عاوز تتلوم كان ما جبت الغنية الجميلة دي .. عشان كدة انا كل يوم الصباح بسمعها قبل الشغل ..وفعلاً متين ياربي لكسلا ؟؟؟ أعود ونتقابل الأتنين (الله حي)
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
دوام فى الغربة يا كسلا يجيش فى صدرى واحساسى طريت ايامك الحلوات حليل جبلك حليل ناسى وليه يا حظى من كسلا تجور فى الغربة ترمينى حكمت اعيش على الذكرى حنين الشوق يطرينى ليالى جميلة فى كسلا تسير اشواقى تخفينى وهيج شجنى للتاكا حنين ما بعضو تانى حنين طريت زولى البعغرفوبراى وعايش فى قليبى سنين متين يا ربى لكسلا متين يا الله نعود ونتقابل الاتنين
ما اجملها من كلمات صادقة ومعبرة عن شوق وحنين للوريفة وقد ابدع فى ادائها كالعادة المبدع السمؤال الذى هو بيننا الان هنا فى استراليا ولكنه يقيم فى مدينة ثانية وكثيرا ما يزورنا فى المناسبات الكسلاوية حيث نتمايل معه شوقا لكسلا اتحفونا بهذه الروائع يا غالييين مع كل موداتى
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
العزيز بجاوي
هاهو يسري يحمل عني عب إدارج ملف اليوتيوب ، والشكر موصول للاخ يسري على هذا المجهود
والشكر موصول للأخ أسامة إدريس إبراهيم الذي قام بتصميم هذا العمل الفني الجميل وتلك المناظر الخلابة لكسلا ....
لإدراج ملف اليوتيوب في سودانيز أونلاين ما عليك سوى نسخ الرابط يمين الملف ووضعه في مربع الرد لترى الشاشة ماثلة امامك كما هي (أسهل إدراج فيديو في الدنيا) يا بجاوي ...
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
ليك القومة ياشاعر القوافى الماخمج حبيبنا المرهف ابوقصى الف مرحب بزيارتك ليناوالبمبر ان ماشالك عندنا عنقريب هبابى ظريف عارفك بتحب الراحات شان الكلام يحلو والقصيد ينداح درر وعبرك نسوق التحايا لناس الامتداد وانت عارف انا امتدادى من ايام الاولية والامتداد الابتدائية مرحب بيك اخونا مجدى وبلاهى كلمنا من بدرى عشان نرش الراكوبة من بدرى ونولع البخور ابو لبان عدنى وجبنتك البكرية يجيبها ليك صاحبك فايز ودالقاضى ونشربها معاك معتقة المذاق لاخر فنجان.
| |
|
|
|
|
|
|
Re: ركـــن بنات وأبناء كســـلا ( خيــرات) (Re: نورالدين الفحل)
|
الصديق نور الدين ود الفحل دايرنك بعد جية السودان دي تطرق لينا قلمك وتنقل لينا بوست الترعة والزمان هنا ... إنه أجمل توثيق لهذا الحي الجميل الخرافي والذي ضم في جوانحه مجتمع السودان وتفاعلهم الإيجابي وأوضح ذلك العمل الخلاق والإبداعي الذي قدمه هذا الحي كنموذج ... هذه دعوة لك فأرجو ان تحملها على محل الجد رغم نوائب العمل والدهر خاصة وأن الصغار مقبلون على إجازة ستعطيكم برحة من الزمان ... سلمت يا صديقي
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
بجاوي يا رائع (خلاص شايفك أتعلمت إدارج اليوتيوب) في البوست مبروك أغنية الحب ليس قضيتي شاعرها الراحل المقيم أبو امنة حامد وهذا سر تفوق (ود مطر) وإجماع الناس عليه فبجانب غنائه لدرر الحقيبة غنى لأبو أمنة وكجراي والحلنقي وميرغني ديشاب وهم افضل شعراء الشرق وأكثرهم كريزما ... (كاسلا كاسلا ) أغنية رائعة وأحدى أغنيات كسلا التي أصبحت رمز لمدينة كسلا من الشعر البجاوي الحبيب ... وهذه ميزة أستاذ إبراهيم حسين فقد غنى بجانب السودانية عدة لهجات غني (هوي هوي مرحبا) بالتقري وغنى (كاسلا كاسلا) بالهدندوي وغنى (الحاج ساب) بالهوساوي كوكتيل شرقاوي جاهز
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
شكرا كتيييير اخوى صديق على مرورك وكلماتك الرائعة وما اوردته من كلمات رائعة عن هؤلاء المبدعييين الذى نهلو من نبع توتيل فاخرجو لنا هذه الدرر الخالدة ابد الدهر لا زلت فى انتظار كلمات اغنية ( الحب ليس قضيتى ) يا غالييين والى ان تاتينا هذه الدرة اتسائل عن مبدع كسلاوى اخر مظلوم اعلاميا فى كل المحافل ولم اجد للاسف الشديد سوى قصيدة واحدة له سالت كثيرا فى الداخل وفى الخارج عن روئعه فلم اجد من يشفى غليلى وياتينى بالخبر اليقيين ولا زلت فى رحلة بحثى وانا هنا ارجو من كل الاخوة الكسلاوييين من يتملك قصائد للشاعر الفذ ( دكتور جرتلى ) ان يتحفنا بها فهو شاعر كسلاوى مبدع لم تصل قصائده الى كثير من الناس وعدنى بها قبل سنة تقريبا الاخ ( الفاتح العمدة ) ولكن حتى الان لم يتمكن من الحصول عليها اكرر شكرى لكم وخالص تقديرى واحترامى
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
الصديق بجاوي نهارك سعيد بتوقيت جدة
Quote: الحب ليس قضيتي لكن عيون الناس ,,
في موطني اخشي علي قلبي من الاحساس ,,
واحسك في عيون الناس ,,
وفضاح الهوى وهماس ,, |
هذه الأغنية أملك تسجيل على الهواء مباشرةً من ود مطر في أحدى جلساتنا بجدة وسوف أحاول أن أكتب كلماتها من خلال الشريط الذي أمتلكه ، فأرجو أرسال أيميلك على إيميلي SiddiqRah(at) gmail.com ، والكلام دا برضو ليك يا(الفاروق) عشان ترسل لي الصور على الإيميل دا
وبمناسبة ذكر دكتور محمد عثمان جرتلي أهديك أبيات عثرت عليها بعد بحثي وهي من قصيدة القاها في مؤتمر تاسيس (موتمر البجا) والتي وأطلق عليها فيما بعد قصيدة المؤتمر
Quote: اليوم يومك ياقصيدي فانشدا وتغنى بالشعر الفريد وغردا ان لم اكن لبني العمومة منصفا لا كنت ياشعري ولا كانت يدي ثم ينتقل في وصف أرض شرق السودان قائلا : أنا لتعلم ان ارض بلادنا والبحر كنز زاخرا لن ينفذ قلنا المعادن ثروة مخبوءة والبحر يزخر بالثراء والمجد وأنا من الوديان فضل زراعة ان اصلحنا فاضت بخير مفرد كم من مياه عذبة هدارة ذهبت سدى للبحر دون تهجد ان جمعت فاضت وعم هناؤها وشدا اللسان بجودها المتجدد وبطوكر والقاش رزق وافر يكفي الجياع مدى الحياة وبكل ركن ان أردتم ثروة اذا مااستقلت فهي لم تتبدي |
وبعد انتهاء المؤتمر شن أحد الكتاب السودانيين في صحيفة الرأي العام هجوم على المؤتمر واصفا إياه بالحركة العنصرية وقد رديت عليه في نفس الصحيفة مؤكدا له وللرأي العام السوداني أن مؤتمر البجة ليس حركة عنصرية. بل هو حركة مثلت فيه كافة قبائل الشرق واجمعوا على ضرورة أن تصان حقوق أهل شرق السودان . ورد عليه الدكتور جرتلي بقصيدة عصماء ، وهذه ابيات منها : قد أول الحساد مؤتمراتنا دعوى انفصال بئس قول الحسد انا نطالب حقنا من اهلنا وبني عمومتنا كرام المحتد سوداننا تفديه كل قلوبنا المصدر الأديب محمد سعيد ناود - ذكريات حول تأسيس مؤتمر البجا
وفعلاً جرتلي رجل مبدع وأديب متفرد ضل طريقه للطب فنحن ينقصنا كثير من التوثيق لأمثال (جرتلي) فنرجو أن نوفق في نقل جزء منها إن لم يكن كلها وشكراً يا بجاوي لإيقاظ ذاكرتنا بهذه التساؤلات والمسميات دمت اخي
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
يا صديقي قريبي عايز اكفر ليه عملية البواسير و رافض يرد على موبايلوا ..... قول ليه البواسير شئ عادي ما يخجل و بعدين نحن قرايب.
بامناسبة كسلا الجمال انا دوما متواجد هنالك قارئ و متعاون في بعض الاوقات ... اخر بوست شاركت فيه هو بوست الوغد على بواسطة عمران .... لكني اعترف اني مقصر و الله لا ادري لماذا .... و لكني وعد احول الاستمرار انشاء الله .... ام صور السواحل الغربية و الله ما ظاهرة سانزلها هنا و حاول انت توضيحها و انزلها بهناك
| |
|
|
|
|
|
|
Re: ركـــن بنات وأبناء كســـلا ( خيــرات) (Re: تولوس)
|
العزيز تولوس رحم الله الأخ العزيز مامون معاذ درويش ، والتعازي الحارة لآل درويش وآل عوض السيدفي فقدهم الجلل والخزي والعار لنظام أفورقي الغاشم الذي يغتال الإبرياء ، ويسجن الشرفاء من أبناء النضال الأريتري لا ذنب جنوه سواء أن قدرهم رمى بهم تحت وطأة جلاد كأفورقي والمفروض أن يتم يتجوا كأبطال لبلادهم ولجهودهم في حركة التحرير ... لكن من يجرؤ على الكلام ؟؟؟ رحم الله الشاب مامون وطرح البركة على ذريته وألهم له وذويه الصبر وحسن العزاء وإنا لله وإنا اليه راجعون ...
وقد جرى اللازم لتثنية وترشيح الاخ ياسر أبو النور فما أحوجنا لأمثاله هنا لإعلاء صوت كسلا ومشاكلها التي لايتطرق لها الإعلام من تلوث وجفاف وإختلاط أبار مياه الشرب مع مياه الصرف وإنحسار البئر الجوفي لمياه كسلا ... نتمنى من الجميع إظهار منسوبي كسلا ومشاكل الولاية والمخاطر التي تحدق بها ... (الغام ، تشرد ، جفاف الآبار ، طوفان ، إنحسار الثروة الحيوانية ، إنعدام الخدمات ، وتدهور الصحة البئية .. الخ ) ولك الشكر
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Alfarwq)
|
Quote: يا صديقي قريبي عايز اكفر ليه عملية البواسير و رافض يرد على موبايلوا ..... قول ليه البواسير شئ عادي ما يخجل و بعدين نحن قرايب. |
الحبيب الفاروق كيف يا زول ومشتاقين قريبك بخير يحمد سيدو ، وما عندو إي عوجة بعد العملية ، ومفكر يجيب الثالثة والرابعة ، وهو لو بتعقد ، دي كانت طريقتو ؟؟؟
Quote: بالمناسبة كسلا الجمال انا دوما متواجد هنالك قارئ و متعاون في بعض الاوقات ... اخر بوست شاركت فيه هو بوست الوغد على بواسطة عمران .... لكني اعترف اني مقصر و الله لا ادري لماذا .... و لكني وعد احول الاستمرار انشاء الله .... ام صور السواحل الغربية و الله ما ظاهرة سانزلها هنا و حاول انت توضيحها و انزلها بهناك |
يا خوي تواجدك بالقراية دا ما معدود ، خش لينا وأكتب بخصوص صور الساحل الغربي أرجو إرسالها لإيميلي [email protected] وسأقوم بمعالجتها وتصغيرها وإدراجها ... ومنتظرنك يا باشا
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote: وقد جرى اللازم لتثنية وترشيح الاخ ياسر أبو النور فما أحوجنا لأمثاله هنا لإعلاء صوت كسلا ومشاكلها التي لايتطرق لها الإعلام من تلوث وجفاف وإختلاط أبار مياه الشرب مع مياه الصرف وإنحسار البئر الجوفي لمياه كسلا ... نتمنى من الجميع إظهار منسوبي كسلا ومشاكل الولاية والمخاطر التي تحدق بها ... (الغام ، تشرد ، جفاف الآبار ، طوفان ، إنحسار الثروة الحيوانية ، إنعدام الخدمات ، وتدهور الصحة البئية .. الخ ) ولك الشكر |
الأخ / صديق نحن فعلا بحاجة ماسة لأمثال المهندس ياسر ابوالنور هنا في هذه المنبر المقرؤة جداً .. يلي ياصديق أعمل لينا الباتوتا بتاع قريبك بكري ....
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
نواصل في كتابات محمد قصاري عن غرب القاش وشخوصها
Quote: فريق رائد وقيادي من أندية الدرجة الأولى في مدينة كسلا ويعتبر الواجهة الرياضية والإجتماعية لحي غرب القاش وساهم في تطوير نشاط كرة القدم في المدينة ومثل الولاية في المنافسات القومية ...................................... تأسس في الخمسينات الميلادية في القرن الماضي بأسم الموردة ثم تغير الإسم لفريق القاش ، القاش الذي أحبوه وجاوروه فكان الشبه في العنفوان والصلابة وإمكانيات فينة عالية في أداء أفريقي لا تخطأه عين نكهة وطريقة خاصة في الأداء والتشجيع فأثروا دروي كسلا وزادو إلقاً وأثارة كانت محل أعجاب وتقدير الجميع منافسين وجمهور رياضي .... في فترات متفاوتة أرتدى شعاره ودافع عنه لاعبين مميزين منذ تأسيسه وحتى الأن نجد في البدايات كابتن خواجة لوندي الاعب الساحر وسعيد الريح وحسن زكريا في الحراسة و ( صغيرون ) وحنين وفتسقي والحريق عمر حسون والمدافع ( كتل ) والهداف ( زقردو ) وآخرين كما جاء من بعدهم جيل لايقل مهارة وقوة ( ديسكو - رجل الغابة - خضر - إسماعيل ) ثم الجيل الحالي بقيادة الكابتن مبارك أحمد عثمان ورفاقه ومن خلفهم جمهور كبير ووفي بقيادة المعلم سلطان وأبكورة عطرو مدرجات كسلا بطرق وأهازيج التشجيع الطريفة والممتعة والمشجع المثقف شلبي الذي كان يراسل لجنة التحكيم المحلية للإستفسارات عن قوانين تحكيم كرة القدم وخاصة قانون التسلل الذي كان هاجساً ومثار جدل لمشجعي القاش فما كان من لجنة التحكيم المحلية في حينها بعمل محاضرات تثقيفية تعريفية بقانون تحكيم كرة القدم لجمهور الأندية واللاعبين فكانت النتيجة قبول قرارات الحكان وغابت نغمة التحكيم فاشل عن مدرجات أستاد كسلا ....... وإدارياً تربع على قمته أيضاً في فترات متعاقبة الوالد خضر المبارك رئيساً والقيادي في محافظة كسلا الأستاذ محمج الكوكسي والإداري المخضرم محمد نور والوزير هاشم هارون وعثمان جوهر ومزارع ومعاوية محمد الحسن وآل طيارة والمرحوم رابح وعبد الله جدو والمقدم النزير وعادل أبو جريشة وآخرين ساهمو بمالهم وفكرهم وجهدهم في وصول فريق القاش لمنصات التتويج التي كان له فيها حظاً ونصيباً أوفر ........................................ ونواصل |
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote: (( بانت الشعب )) ـ1ـ بقلم محمد حماد قصاري
حي من أحياء غرب لندن ، يحده من الشمال (السواقي الشمالية) ومن الجنوب ( حي العرب) وشرقاً (حي العمال والسكة حديد) وغرباً ( مصنع البصل ) . حي العمال وموظفين السكة حديد بالإضافة للخضرجية والجزارين وبعض تجار سوق غرب القاش ، وتلك دلالة وإشارة لارتباط السكة حديد وعمالها والمواعين الاقتصادية والتجارية وأربابها من حولها . ولقد كانت اللمسات الفنية للمرحوم المهندس (حسين عثمان إسماعيل ـ باشمهندس السكة حديد كسلا) واضحة في تخطيط الحي بمشاركة السلطات المحلية في ذلك الوقت ، فقد تم توزيع وتخطيط المساكن داخل المرابيع في وحدات سكنية في شكل مستطيلات ومربعات تتخللها الشوارع الرئيسية والفرعية والمنتزهات ، ويتوسط الحي مسجد ( الختمية) وإمامه الخليفة (عبد الرحيم ـ حافظ الألفية ـ خريج الأزهر الشريف) له الرحمة والمغفرة . ثم جمعية (بانت) التعاونية والتي تأسست وبجهد كريم من توأم العمل العام في حي بانت السيدين ( عطا السيد إدريس عمران ، وهاشم اسحق القدال ) ، ورائد العمل التعاوني في الحي والمدينة الوالد (المليك) رئيس جمعية الرباطاب التعاونية التي أسست في الستينات الميلادية من القرن الماضي، والوالد ( الأنصاري) حماد كوكو ظريف السكة حديد وأمين خزينة العمل التعاوني والخيري وادواته في حي بانت حتى وفاته له الرحمة والمغفرة ، ثم نادي الهلال كسلا الواجهة الرياضية والاجتماعية وحارسه أبو الأهلة العم ( عبد الله حمد دافوري) الرياضي المطبوع متعه الله بالصحة والعافية ثم (مركز شباب بانت) مكان روضة الأطفال ومركز الخياطة والتدبير المنزلي للفتيات ، ودار فريقي التضامن والزهرة من فرق ناشئي رابطة السكة حديد ومقر فرقة التقابة المسرحية ، وفي وقت من الأوقات دار اتحاد الفنانين بالمدينة ، وفي شرق الحي قبالة السكة حديد مسجد ( الأنصار) المبني على نفقة رجل البر والإحسان الوالد (عبد الله عبد العزيز) رحمه الله رحمة واسعة ،،،،،، ونواصل .... |
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote: بانت الشعب 2 - أسماء ومعالم
* حلة الرباطاب: جزء من مربع (3) تسكنه مجموعة من أهلنا قبيلة الرباطاب (شمال السودان) من منسوبي السكة حديد أو تجار في سوق غرب القاش ، تجاوروا وأسسوا جمعية الرباطاب التعاونية في ستينات القرن الماضي ، فأصبح هذا الجزء من حي (بانت) يسمى بأسمائهم فمعروفون بالسخرية والرد السريع المضحك أثناء الحديث ، كما أنهم أصحاب دور ريادي في الإدارة واللعب والمؤازرة لنادي (الهلال) كسلا.
* حلة الخضرجية: إسم على مسمى وهو الجزء الآخر من مربع (3) قبالة سوق (بانت) يسكنه الخضرجية وشيخ الخضرجية الوالد (الجيلي) وأبنائه عليه رحمة الله ، وجلهم من بائعي ومصدري الخضر والفاكهة بسوق غرب القاش ومزارعين بالسواقي.
* أب لقا - موسى فشق الفيل: أصحاب مناشير الدوم والخشب من سكان (بانت) مربع (1) عندما كان للدوم والأخشاب منافع واستخدامات كثيرة في سقف المنازل والمباني والمساجد كال (المروق - الشقيق - الألواح - المرابيع) لعمل الأبواب والشبابيك للدور السكنية، فكانوا من معالم ذاك الزمان المنشار وصاحب المنشار وصوت المنشار. ونواصل ،،،،،،،
بقلم محمد حماد قصاري |
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote: ( بانت الشعب 5 ) عائلات وإسهامات من سكان حي ( بانت) رجال وعائلات لهم دور كبير وإسهامات مقدرة في قيادة دفة العمل العام الاجتماعي والرياضي والتجاري في الحي والمدينة شأنهم شأن أبناء ورجال المدينة . وعلى أطراف حي ( بانت) شمالاً أحد أعيان قبيلة ( الهدندوة) التاجر ومصدّر المواشي إلى ( المملكة العربية السعودية ) الوالد ( عمر جميل ) ـ في بيت عرب كبير يستقبل ضيوفه وزائريه في ( بيت برش) تقليدي مع القهوة والعجوة والأوتم واللبن والسمن في كبرياء وكرم بجاوي أصيل ، وبجواره يسكن ( مبارك حميد) أحد شيوخ (قبيلة الرشايدة) وبعض أبناء قبيلته ( حلة الزبيدية) وخلفهم ( آل طيارة) تجار وأصحاب صوالين حلاقة في اسواق المدينة من مؤسسين ولاعبين نادي القاش كسلا . وفي قلب الحي ( آل ماقيت) الأبناء في الشأن الرياضي والبنات رائدات في التعليم قبل المدرسي ( رياض الأطفال) وأعمال الحياكة والتطريز . وتاجر عمال السكة حديد الوالد ( أحمد إبراهيم ) حلفاوي . و( آل قسم الله ) مؤسسين ولاعبين وإداريين نادي ( الهلال) وكان لهم شرف رئاسة أول مجلس إدارة لنادي (الهلال) المرحوم ( عبد الودود قسم الله) ، و( آل عبد الفراج الخضرجي) لاعبين وإداريين و( آل رمضان عبد اللطيف) لاعبين ورياضيين في أندية المدينة المختلفة ( المريخ ـ الهلال ـ التاكاـ القاش ) ، و( آل جيب الله) و( آل إدريس عمران) مؤسسين ولاعبين نادي ( الهلال) هم وأحفادهم . كما يتجمل الحي بأبنائه من الأطباء والطبيبات وأصحاب النجمات اللامعة والمدرسين وكبار الموظفين والمهنيين وأيضاً كبار الرياضيين الذي شغلوا المدينة والوطن بفنون وأخلاق كرة القدم ومنهم الأستاذ واللاعب الكبير ( إبراهيم البيبسي) نادي ( الشباب) كسلا وتم اختياره لتمثيل السودان ولكن لم ينل شرف التمثيل ( السبعينات الميلادية) و ( عبد العزيز كسباوي) حارس المنتخب والمريخ كسلا و( عبد السلام إدريس) لاعب نادي الهلال كسلا وأمدرمان واللاعب الدولي لاعب نادي المريخ كسلا ـ بورتسودان ـ أمدرمان والفريق القومي الكابتن ( ماجد عثمان عمر) من ( آل المليك ) ،،،،،، محمد قصاري ونواصل ... |
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
الشقيق بجاوي حمد لله على السلامة غبتا وجبتا لكن ، أول يحي أدروب اسطورة فنية متجددة وقدرة فائقة تدهشك في العزف على آلة العود ومعرفة لصيقة بالتراث والثقافة البجاوية ولديه عدة فيديوهات باليوتيوب تتحدث عن اللغة البجاوية والتراث البجاوي والمرأة في التراث البجاوي ... وهو يمارس كل ذلك عن مهنية وعن قدرة علمية أمتلك ناصيتها منذ النشأ ة الأولى وصقلته لديه مقررات معهد الموسيقى ... فله الف شكر على أن يكون وجهاً كسلاوياً فنياً مشرقاً . أما بيتر إحساس فقد إنتقلت بي بسرعة البرق الى مسرح تاجوج وتذكرت طائفةٌ من الليالي الحالمة التي ساقتنا أقدامنا اليها ... وقد تعرفت على مجموعة من العازفين مع بيتر إحساس من خلال هذا الفيديو ( الشفيع واستاذ السر في الكمان) والهادي نصر في الجيتار (وماجد الشيخ وحافظ عبدالمجيد في الإيقاعات) وغابت عني أوجه بقية الفرقة الكسلاوية الرائعة .. لك الشكر بجاوي على هذه المقاطع الرائعة ودوما تعودنا منك كل رائع وجميل
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
تسلم استاذى الفاضل / صديق عشقى لكسلا وللتاكا لم ياتى مصادفة بل هو عشق لا متانهى لهذه الارض الطيبة التى تعلمنا مها الكثير والكثير الجميل الذى لن نبدله عن سفاسف الامور التى تجرى حاليا فلقد ارتضينا ان نعيش سويا فى هذه البقعة الطاهرة وسنظل للابد نعيش فيها رغم كل الخلافات التى تدور حولنا فكسلا هى نبع الحنان وانا اعتقد عندما كتب الحلنقى يا غالية يا نبع الحنان يا درة يا ست الحسان ناحبى ليك رغم الظنون واخلاصى باقى مع الزمان كان يقصد هذه المدينة الخالدة كسلا لكم كل الود يا غالييين
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
شهادة توثيقية عن المكان يرويها د. أحمد عبد العال تظل كسلا حلماً مرتبطاً بعواطف غامرة هناك حكايات عن شجرة الاكسير وماء توتيل الدفاق وسيمفونية صوت السواقي سجلها: مصعب الصاوي كاميرا: صلاح عمر المدن والأمكنة كما النساء لها من العشاق والمحبين من يتغني بجمالها وبمكامن السحر والوجد في طيات الزمان والمكان ... ومن الامكنة ما يخلد في اغوار الروح والوجدان نقوشاً كالوشم، فتتجسد في تجربة الفنان لوحة او نغمة او مقاطع شعرية.. ولكسلا من العشاق من تجاوز حدود المدينة مولداً ونشأة الى عموم اهل السوادن، بل من هم من خارجه.. البعض زارها فأقام فعشقها، والبعض لم يشاهدها كفاحاً، وإنما عبر اخيلة الشعراء واصوات المطربين صارت المدينة جزءا من حالة الهوى والعشق عنده، والفنان والتشكيلي د. أحمد عبد العال يعد مثالاً آخر لمحبي المدينة كثيرة العشاق، انه عشق من عرف فأحب.. اصغينا لشهادته حول المدينة ذكريات الصبا وشرخ الشباب، وما تسر به الى النفس المعالم والاعلام، فكانت هذه السطور تطوافاً وتوثيقاً. * أولى الانطباعات في سجل الذاكرة حول المدينة ؟! - اعتقد عند كل من ولد وترعرع في مدينة كسلا، تظل هذه المدينة حلماً مرتبطاً بعواطف غامرة فيها الذكرى ومطالع حب الجمال في الناس وفي الطبيعة .. لقد ولدت في هذه المدينة، واحسب ان كل عطايا الجمال التي بين يدي وفي روحي وافكاري هي من عطاياها. * بيت الأسرة: - نشأت في بيت لاسرة ممتدة، اذكر الحوش، خالاتي وخيلاني والجدة سكينة عثمان التي كانت بارة بأهل المدينة، يشربون من لبن أبقارها في الصباح والمساء دون ان يدفعوا لها شيئا، وفي ايام الجمع تطبخ الطعام في قدور راسيات للغاشي والماشي، وفي آخر النهار لا تجد من الطعام شيئا لنفسها، فيصبون لها بعضا من الماء على شيء من الكسرة لتأكل. * عطايا الجمال: عطايا الجمال امر لا يتعلق بطبيعة المدينة نفسها، انما بطبيعة اهل المدينة وانما البلاد بأهلها.. ومن هنا يمكن التحدث عن عبقرية المكان، فعناصر المكان في مدينة كسلا قد نجدها محصورة في جبال التاكا ونهر القاش، وفي سواقي كسلا وفي غابات السنط والدوم . وفي عين الماء الدفاقة عند توتيل، ثم في نظرة اوسع نجد عناصر المكان في احياء كسلا (الميرغنية، السوريبة، الكارا، الحلنقة، الختمية، حلة جديد، حي الترعة، غرب القاش)، وهذه احياء تتوالى دائما في خاطري كمقاطع من فيلم سينمائى طويل فيه من الاحداث والشخصيات والذكريات وأيضاً فيه ما لا يقال من تعابير حاولت في صباي الباكر اثباتها كتابة اورسماً، وعلى ذلك فعناصر الطبيعة في هذه المدينة هي عناصر ذات تفرد، ولكن بالطبع لا يرى المكان الا بالناس، ولربما حاز المكان على عبقريته من ساكنيه، فأهل كسلا اجتمعت لهم صفات نفسية وعقلية، منها الهدوء والطيبة وحب الآخرين آهلين او غرباء .. هذه المدينة الحلم كشفت عن روح الفن في كثير من ابنائها، فمنهم الشعراء ومنهم المشكلون وأيضاً منهم قيادات التربية والتعليم مثل اسرة الشيخ «القدال» التي نشرت التعليم ليس في السودان فقط، بل في اليمن السعيد، واذا ما تحدثنا عن عبقرية المكان على صعيد المرئيات مثلا، هناك مشهد شروق الشمس عندما تطل ما بين اكتاف جبل كسلا وحيث تغيب بعيدا في السواقي غرب القاش، وعن الجبال هناك حكايات وحكايات عن شجرة الاكسير التي لا سبيل للوصول اليها، ثم ماء توتيل الدفاق والذي يعتقد كثير من الناس ان من شرب منه عاد للمدينة، وايضا في غرب المدينة واسمع انين مئات السواقي في وقت واحد، وذلك قبل دخول وابورات الـ (LISTER) اما اعجوبة الاعاجيب في مدينة كسلا هي في سوق كسلا الكبير الذي يمثل منه جزءا حيويا منه «سوق النسوان» وهو سوق يكثر فيه النخل الطوال الذي تستظل به النسوة البائعات للبروش والمضفورات والاطعمة البلدية وغيرها. ومن بين الصور التي مازالت تطوف بذاكرتي في سوق النسوان، تلك المرأة الكفيفة واسمها (سعيدة)، وقد حفرت نفقاً عميقاً في باطن الارض في قلب السوق تخرج من النفق في الصباح الباكر وتغيب فيه عند المساء، ولا تحدث احدا من الناس. وكنت ترى اكوام التراب عند مدخل النفق. ثم فاطمة بائعة الزجاج، كانت امرأة طويلة من اهل نيجيريا تجلس وهي تتوسط دائرة من مئات الزجاجات الفارغة من حولها زجاجات بمختلف الاحجام والالوان، بما فيهم فتيل البنسلين الصغير تضعها الى جوارها وكأنها ملكة تتوسط عرشها الزجاجي، وكل من جاء شاريا لزجاجة تطلب منه المشى بحذر حتى يمثل امامها، وكنا نمشي على اعصابنا ونحن نمشي نحوها في مركز الدائرة، وكان من شقاوة طفولتي بعد ان اصل اليها بعد حذر وجهد عصبي، اسألها عن زجاجة «خاطفة لونين) فترمقني بنظرة محذرة عن مثل هذا التلاعب، لكن لغرابة الاقدار قيل ان هذه السيدة ماتت بسبب جرح من زجاجة خاطفة لونين. * سالم الذي يحمل أباه: كان يحمل اباه الذي بلغ ارذل العمر صباحا الى السوق ويعود به سالم الابن آخر المساء، كانا وحيدين في هذه الدنيا، وكان الابن باراً بأبيه يعتني به في السوق ولا يتركه في الدار خوفا عليه من الآفات كالنمل وبقية الآفات الضارة. * المدينة وثائق وذكريات: كتب عنها المستشرق الفرنسي الكبير لويس ماسينيون صاحب كتاب (الحلاج) ومحقق الطواسين والمهتم بدراسة الآثار الصوفية بعد زيارته لضريح السيد الحسن الميرغني ومسجده الذي ما اكتمل بناؤه حتى الآن.. وكان بصدد البحث عن اشارة لجذور التصوف في المدينة. وسمى توفيق صالح جبريل الشاعر والمأمور مدينة كسلا بـ «حديقة العشاق». وذكر أن شمس وجده أشرقت بها في إشارة فنية لكسلا ومنظر الشروق الباهر بها، وتحدث توفيق عن صوت السواقي قائلاً : نغم الساقيات حرك أشجاني وهاج الهوى أنين السواقي أقول أنين السواقي كان يصدر عن المئات منها في وقت واحد عند الأصيل، ولا ينقطع كأنه سيمفونية شجية فيها من الشجو والحنين. الناس في كسلا من هم؟ احتضنت هذه المدينة المئات من أبناء السودان بمختلف عشائرهم وقبائلهم منهم الشايقية ، الرباطاب ، الجعليين الهدندوة ، البني عامر ، النوبة والحلفاويين ومن خارج القطر أبناء اليمن والفلاته والهنود والأغاريق.. والاخوة الهنود الذين كانوا يغلقون بوابات ليهم في المساء ولا يفتحونها إلا بعد شروق الشمس وبالطبع أصبحوا اليوم جزءاً حياً من نسيج مجتمع كسلا.. وأهل اليمن تزاوجوا من أهل كسلا وصاروا جزءاً من نسيج المدينة وأصبح جد الجميع سيف ابن ذي يزل.. * مدرسة كسلا الأهلية بداية تعليمي كان في مدرسة كسلا الأهلية ولازلت أتعلم.. أنشئت هذه المدرسة أسرة كريمة هي أسرة آل مسعود السيد التي أخذت على عاتقها في عبقرية رائعة تأسيس التعليم الأهلي شيّدت هذه الأسرة المدرسة على طراز فريد.. فصول الدراسة تحيط بها الحديقة ذات الأشجار المتنوعة ثمراً وفصائل وفيها أيضاً بعض ممثلي الحياة البرية كالغزال والسيدة السلحفاة والأرنب الجذر وذاك القردالذي يتقافز ليخطف فطور التلاميذ من أيديهم. كل هذا بجانب النشاط الأدبي والعلمي لتلاميذ المدرسة في انشاء الشعر والرسم والتلوين وبقية نشاطات الكشافة وللأسف بعد سنوات طويلة ذهبت لكي أزور هذه المدرسة لكنني لم أجد شيئاً من كل هذا حتى الحديقة ولكن وجدت حماراً مربوطاً على وتد في قلب ذلك المكان الذي كان يتدفق جداول رقراقة فسألت أحد التلاميذ الموجودين الآن أين الحديقة؟! فأجابني بآنه لم يسمع بحديقة في هذا المكان!!. * مكتبة المجلس البلدي: كانت عامرة بآلاف الكتب والمجلات حيث يؤمها القراء من أبناء المدينة فيها من التسهيلات، كما فيها المقاعد المصفوفة في ترتيب وفي هدوء وبها ملازمي يشرف عليها ويديرها. *مكتبة الحاج ابراهيم داؤود: ينتشي الداخل بعبير احبار المطبوعات وهي المصدر الاساس لتزويد اهل المدينة بالجرائد والمجلات والكتب من مصر والشام وغيرها وكنت في صباي الباكر اشتري منها الكتب. *القاش / النهر / المكان: بعد ذلك اللطف المبسوط في الاغاني عن القاش وتلك النعم على الارض من زراعة وصيد اسماك ومشرب للانسان والحيوان صار النهر نفسه كائناً شرساً غير محسوب العواقب، وهو يشق المدينة وللأسف أذاق اهل المدينة من الويلات ما اذاقهم لدرجة ان الناس في كسلا يفكرون الآن في ترويضه ولم يكن يحتاج لذلك وهذه من غرائب تبدل احوال المكان ونسأل الله اللطف .من الذكريات في الطفولة كنا نسمر تحت ضوء القمر على رمال القاش الفضية .. وسمعت احد ابناء الشرق يتحدث عن ان القاش من الجيشان. *سوق الحدادين: سوق الحدادين يصدر ايقاعات متنوعة لعمليات طرق الحديد وتسمع هذه الاصوات الصادرة من صناعة السلاح الابيض ،السيوف ،السكاكين ،الحراب ،الفؤوس والآلات الزراعية، هذه الاصوات تصدر في تناغم عجيب .. وفي سوق الغسالين تشاهد آلاف الملابس معلقة فتحسبها صورا لاشخاص . * الضريح : في هذا المكان تجد ألطاف الروح تعبق ، من زهد المكان وطبيعته لا يوجد به زخرف وتحس فيه بالطمأنينة نمطه المعماري غالبا ما يعود لأصول مغربية او ايرانية .. هيئة القبة الرئيسية في مخروط قصير الإرتفاع ثم المسجد نفسه وطبيعة الاعمدة غير المسقوفة بركائز السقالات ومن عجب ان قوائم السقالات التي تم بها بناء المسجد لاتزال في اماكنها حتى الآن ، ثم الحوض الخارجي المستظل بشجرة السدر وكان يشرب منه الزائرون ، جف لسنوات طويلة ولكن عاد اليه الماء من جديد وفي ظني ان هذه الامكنة محاولة لتنزيل بعض المعاني الروحية لحيز الموجودات ومن حيث الانصاف اهل كسلا سعدوا بوجود السادة المراغنة كمكان للطمأنينة والاخبات وقد عرفوا اوقات عصيبة عند دخول الطليان كسلا في الحرب العالمية حيث وجد الناس في رحاب السادة المراغنة طمأنينة وأمناً. وعلى ذكر ضريح السيد الحسن الميرغني لابد من الاشارة لاثر ثقافي وادبي هام نعني قصيدة الخليفة (ود المتعارض) التي جاء في مطلعها : صلاة الكبير على ذات المكبر على ذات الكبير الله اكبر تغيبني وتفعل مثل هذا اذا ما جئت والله تنشر وكان السيد قد بعث بود المتعارض بعد ان احس بدنو اجله الى الشمالية وهناك بلغه خبر انتقال شيخه واستاذه السيد الحسن الميرغني للدار الآخرة فحزن لذلك وكتب هذه المرثية والمناجاة لشيخه. صلاة الكبير على ذات المكبر على ذات الكبير الله اكبر تغيبني وتفعل مثل هذا اذا ما جئت والله تنشر * التصوف والطرق الصوفية : في كسلا توجد الطريقة القادرية والبرهانية والقادرية ينتسب اليها اهل الحرف والصنائع .. والقادرية عمرت ليالي كسلا بحلقات الذكر والموالد والمسيرات الطويلة ذات التقاليد وعندما تقف المسيرة براياتها عند دار احد القادرية حتى وان كان قد توفي تقف وتضرب الطبول تحية له وذكرى. كان يأتي ابناء الشيخ الجعلي من كدباس وكان للنوبة في كسلا بيت يسمى (بيت النوبة) وللطبول قداستها وهي جزء من الكينونة الروحية. * العم عبد الرحمن السقا : كان يسقي كل السوق بقربته من بئر في وسط السوق يقوم بهذا العمل ولا يحدث احدا ولا يطلب اجرا .. لكن بعد دخول شبكة مواسير المياه توفر الماء للناس لكن العم عبد الرحمن ظل لسنوات طويلة جالساً قرب البئر وبجانبه تلك القربة التي جف جلدها . وعندما سألته قال لي : (اللهم أحِ الآمال) . * الاستاذ الصحفي الكاتب حسب الله الحاج يوسف: الاستاذ حسب الله متعه الله بالعافية كان له دور عظيم في فترة دخول الطليان كسلا حيث قام بترتيب الاوضاع الأمنية في المدينة وتأمين الناس على ارواحهم واملاكهم ،وقد كتب فيما بعد عن سيرة الزبير باشا وابنه «رابح» واتمنى الا تغفل الخرطوم بضجيجها ومشاغلها عن رجل مثل الاستاذ حسب الله الحاج يوسف. * شخصيات كسلاوية: العم محمود صعايدي تعلمت على يديه في اجازاتي المدرسية صياغة الذهب والفضة وقد افادتني معرفة الصنائع في مجال الفن . ومن الشخصيات حسن الساعاتي وهو فيلسوف عميق العبارة ثم السيد عبد الله الحجازي وكان من ابناء حضرموت انشأ اول محل عصري في كسلا لتجارة الهدايا والساعات واللعب والعطور بصورة عصرية، وكان من اكثر المحلات في كسلا اناقة بأضوائه الملونة وبتوزيع المبيعات داخله بواجهاته الزجاجية وكان الناس يستمتعون بمحله وبمنظره .. ثم اولئك الرجال الذين اسسوا صناعة الطعام الراقي (يوسف ود النجار) و (احمد طيارة ) و (العم عطية) وقد اصبح العم عطية شيخا صوفيا في ما بعد . كما تتميز كسلا بالمقاهي (قهوة ميرغني) الذي يوجد بها راديو (PHILIBS) وتبدأ فيها الاغاني من العصر لاعلام الغناء ويقصدها اصحاب الذوق والمزاج الراقي ولا تزال المدينة بهذا المناخ وان لم يعد كما كان في السابق.
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
الشقيق بجاوي نشكر لك إحضار مقال الأستاذ احمد عبالعال الرائع ، وقد قرأت هذا المقال من قبل في موقع كسلا الجمال وشكراً لإختيارك الموفق لملامح كسلا ودفقها في هذا الركن الذي كاد ينفجر بالحنان
تحياتي وخليك مداوم عشان نوثق لكسلا كل صغيرة وكبيرة
ولكم مودتي التي تعلمها والتي لاتنضب
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
اشكرك اخى الغالى / صديق على ردودك ومرورك الذى يسعدنى كثيرا كنت مشتركا فى منتديات كسلا الوريفة ولكن لظروف خاصة فضلت الابتعاد من هناك لنقاش طويل دار فضلت بعده الابتعاد حفاظا على الصلة التى تجمعنى باهل كسلا . مسرح تاجوج رغم دخولى اليه مرات لا تفوت اصابع اليد الواحدة الا اننى اذكرها جيدا حتى اللحظة اما السينما الشرقية فلى معها ذكريات وعلقات ساخنة من الاسرة طبعا كانت احد اهم المعالم الكسلاوية ولكن لا اعرف هل كان القرار حكومى ام من اسرة ( السيوفى لهدمها ) ؟؟؟ ( حى البنيان ) واهلنا الهنود فى كسلا بجد معالم لا يجوز اغفالها ابدا فقد عاشو معنا فى سلم وامان وساهمو بشكل كبير فى الحراك السياسى والاجتماعى لكسلا نرجو ان تفرد لهم ساحة من ساحاتك العطرة مع كل ودى وخالص تقديرى واحترامى .
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
Quote: اشكرك اخى الغالى / صديق على ردودك ومرورك الذى يسعدنى كثيرا كنت مشتركا فى منتديات كسلا الوريفة ولكن لظروف خاصة فضلت الابتعاد من هناك لنقاش طويل دار فضلت بعده الابتعاد حفاظا على الصلة التى تجمعنى باهل كسلا . |
الاخ بجاوي لكسلا عدد من المنتديات الإلكترونية وظهرت كلها دفعة واحدة لاحقة لمنتدى كسلا الجمال Kassalahome.com ، ويجب علينا المشاركة فيها مجتمعة وعدم الغياب عنها وليس الحل في التنحى عنها مهما حدث من أشياء وتقديرات لاننا في النهاية أبناء كسلا الذين يجب ان يكونوا يداً واحدة كما علمتنا المدينة سا حاول أن أجلب لك مقال للأستاذ الطيب محمود النور عن سينما كسلا الشرقية بإذن الله فقط يخذلني الوقت للتنقل بين المنتديات ولكن توقعه غداً إن شاء الله والسنيما تم هدمها بقرار حكومة الإنقاذ وليس بقرار أسةر السيوفي سأعود
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
ناس كسلا الرائعيين سلام
وتحية خاصة لبجاوي وصديق رحمة
نبدأ من المداخلات الأخيرة وهنود كسلا ،، جيرانا في السوق وفي الحلة ،،
كسلاويين اصيليين ،،، وجزء من نسيجها الاجتماعي
ناس هسو ،، ومنو ،،، والصديق هسو بجو باي ،،، مشجع الميرغني الكبير ،،،،
عند زواج شقيقه الأصغر اقام وليمتين واحدة سودانية مية المية لأصدقاءه السودانيين
وفي الفترة الأخيرة بدأت الجالية الهندية في التزاوج مع ناس المدينة ،،،،
عارفين يا جماعة ناس كسلا ديل كلهم أهل ،،، والماهم اهلك في الدم ،،، يكونوا نسابتك
أو نسابة نسابتك ،،، أو جيرانك ،،، وعلاقة الجيرة في كسلا يا ها القرابة عديل ،،،
في الفترة الأخيرة كانت هنالك واحدة من الجيران في مستشفي الخرطوم ،،، كل أسر الجيران
التي استقرت في الخرطوم ،،، اصبحت مريضتهم ،،، العمدان ،،، والنوم في المستشفي ،،،
كالأهل تماماً ،،،،
أو جيران ،،،
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
الاخ العزيز بجاوي ها انا ذا عدت اليك بقصة بناء السينما الشرقية ، والتي كتبها الأستاذ الطيب محمود النور بطريقة مشوقة وفكهة في منتديات كسلا ... أرجو أن تستمع بها
ليلة الركض على الطوب - بقلم لاأستاذ الطيب محمود النور
Quote: كنا مجموعة من الصبية و نسكن (حلة جديد) و في أواخر الأربعينات من القرن الماضي و (بدون تعليق ياشيكيت) و أدروب و محمد ادريس بيرنفي و برهان سند و عبد الله محمد دايرو وأنا وشقيقي الأكبر ونتشارك في لعب الدافورى عصراً بالارض الفضاء جنوب الحلة ومكان ( طيبة الذكر) السينما الشرقية و ومساءاً في الليالي المقمرة نلعب ماتيسر من العاب ذلك الزمان (شليل وماشابه) و قبل أن نخلي الساحة قبل العشاء ( للمرافعين). ذات صباح ونحن في طريقنا الى المدرسة و فوجئنا بعدد من لواري التراب تفرغ حمولتها بملعبنا و وعدد من العمال يقومون بحفر الارض و يشرف عليهم شاب قمحي اللون ممتلىء الجسم يلبس رداء كاكي وقميص (نص كم ) ويعتمر قبعة و وبجواره رجل مسن في نفس لون الشاب يلبس بنطلونا وقميص و تملكتنا الحيرة والعجب من هذا الذي يحدث بملعبنا و ماذا يفعل هؤلاء ؟ . عدنا من المدرسة عند الظهيرة و ووجدنا العمل لايزال جاريا و وزاد عليه بعض العمال يقومون بصنع كميات من الطوب الاخضر ويبسطونه على امتداد الساحة من الغرب الى الشرق ليجف بحرارة الشمس و دخلنا الحلة فوجدنا الكبار يتهامسون و اصغينا و فسمعنا مفردة جديدة لم نسمع بها من قبل (سينما) ما هذه السينما وما دخلها بملعبنا و بعد أيام اتضحت لنا الرؤية و فالرجل المسن اسمه ( السيوفي) وهو موظف كبير من سكان الخرطوم والشاب ابنه(اسلام) وهم بصدد انشاء دار لشىء اسمه السينما تعرض صوراً متحركة اسمها ( افلام). وتصاعد اللغط بين الكبار والمناقشات حول هذه السينما هل هي حلال ام حرام ؟ حتى استقر الرأي اخيرا على حرمتها وفسادها و بل سرت اشاعة قوية بأن السيد الحسن الميرغني (رحمه الله) قال أنه لن يمر بالطريق الذي به هذه السينما و وكان ذلك القول الفصل و الذي جعلنا نحن الصغار نفكر في طريقة للانتقام من هؤلاء الدخلاء الذين اغتصبوا ملعبنا و تدبرنا أمرنا بليل و وحددنا ساعة الصفر و وفي ليلة ظلماء و نفذنا مؤامرتنا الصغيرةو انطلقنا نركض على الاف الطوب الاخضر المفروش على امتداد الساحة و ثم عرجنا على الطوب الجاف تكسيرا وتفتيتاً و ثم تسللنا كل الى منزله و مسرورين و نظن أن هذه نهاية هذا الموضوع و وأن هذه السينما لن تقوم لها قائمة بعد الآن. واصبح الصبحو فإذا بعمنا السيوفي وابنه ومجموعة من رجال الشرطة يرافقهم شيخ الحلة و يطوفون بمنازل الحي و يخرجون الصبية الى الشارع و ( ارفع رجلك ياولد) .. الله ....لقد نسينا في غمرة فرحتنا أن نغسل أرجلنا بعد تنفيذ مخططناو ( ارفع رجلك ياولد) .. من لا يوجد بقايا طين على أرجله فهو آمن و أما نحن (المتآمرون) فلقد اسقط في أ يدينا وضبطنا بالجرم المشهود و اقتادونا الى مركز الشرطة حيث طلب من كل ولى أمر أن يكتب تعهدا بعدم تكرار مثل هذا الحدث و وعفا صاحب السينما عن خسارته المادية و بعدها صارت هوايتنا مراقبة بناء السينما وأرتفاعها شيئا فشيئا و حتى أكتملت و ثم اكتمال التجهيزات الداخلية و ثم التشغيل التجريبي لمدة شهر والدخول مجانا . .... ثم صرنا من (مدمنيها) ..... زمن |
يا بجاوي أغنية جميلة وياريت تخليها شغلها ما تلقائي عن طريق تغيير الكود من True الى False لانو كلو ما أفتح البوست ناس المكتب يتهجموا ويتلفتوا هههههههههههههه شكراً بجاوي
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
سلامات تانى يا صديق ومشكور كتييير على سردك لنا قصة بناء السينما الشرقية اها طيب برهان سند ده قريبى وابناءه ( ماهر وراشد ) والدتهم بنت خالتى شقيقة ( المرحوم مصطفى ومحمد وعبدالرحيم شنان ) وبيت ناس برهان سنداول بيت فى حلة جديد كان مقاصد السينما فيهو ( طاحونة ) كنت عندما اجئ اجازات من بورتسودان ادخل السينما ببلاش عن طريق ( ياسر وسند حاتم سند ) والدهم شقيق برهان سند ليك كل ودى وتقديرى واحترامى . وواصل فى ابداعك .
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
Quote: سلامات تانى يا صديق ومشكور كتييير على سردك لنا قصة بناء السينما الشرقية اها طيب برهان سند ده قريبى وابناءه ( ماهر وراشد ) والدتهم بنت خالتى شقيقة ( المرحوم مصطفى ومحمد وعبدالرحيم شنان ) وبيت ناس برهان سنداول بيت فى حلة جديد كان مقاصد السينما فيهو ( طاحونة ) كنت عندما اجئ اجازات من بورتسودان ادخل السينما ببلاش عن طريق ( ياسر وسند حاتم سند ) والدهم شقيق برهان سند ليك كل ودى وتقديرى واحترامى . وواصل فى ابداعك |
يا بجاوي ياخي اهلا بك هنا
عندي واحد صاحبي بفتش ليهو لي زمن طويل واظنه مقيم في استراليا اسمه سامي حسين
| |
|
|
|
|
|
|
Re: ركـــن بنات وأبناء كســـلا ( خيــرات) (Re: تولوس)
|
يا زول ده ما قريبى عدييييييييييييل سامى حسين من ابناء ترانسيت بورتسودان وابن عمة الذين ذكرتهم لك ( ماهر برهان سند واخيه راشد وياسر واخيه سند برهان سند ) وصلت يا غالى وبجيب ليك خبرو اوع تكون برضو من ترانسيت ؟؟؟؟؟ ليك كل ودى وتقديرى واحترامى .
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
نعم سامي من ترانسيت ... ولكنه قضي فترة طويلة من عمره معانا في كسلا ... وكل ابناء خالتك ديل هم اخوانا واشقائنا واولاد حلتنا ... بس انت نسيت صابر وحاتم ... واحسن الله عزائكم في فقدنا الكبير المرحوم مصطفي شنان..
| |
|
|
|
|
|
|
Re: ركـــن بنات وأبناء كســـلا ( خيــرات) (Re: بجاوى)
|
الاخ بجاوي يعني انت كنت من رواد السينما الشرقية ؟؟؟ بختك لقيت بيت ناس حاتم دا قريب وعملتها ساساقة لكن نحن ناس غرب القاش كنا ما بنتورط في السينما الشرقية إال يكون فيها الشديد القوي لانها بتزيد لينا المشوار الكداري (طبعاًبعد إنتهاء فيلم السنما كان المشوار لحدي حي العمال وحي العرب كداري ومافي زول صاحي) عشان كدة كنا مركزين على السينما الوطنية ، بس بهناك تقول بسم الله وتشقوا القاش لو كنتوا مجموعة أو تباري الظلط لو كنت براك وفنتروب تطلع في التقاطع وساقية ود عطا ومنها لحي العمال وحي العرب ...
يا تولوس أها قصة عمك الطيب جابت ليك واحد من أصحابك القدامى ودا شي جميل كمان عمر افاروق طلع معاهو زميل سكن
شكراً يا أعزاء
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
تولوس .... سامي كان معانا في ملبورن سكنت معاه في مطلع التسعينيات, رجل اخو اخونا مرح. برئ مسامح مرح مسالم قلبوا حار ... حاليا مقيم في قرية تبعد حوالي 600 كلم من المدينة منذ خمسة اشهر. على موعد معه بعد اسبوعين انشاء الله تحياتك تصله. تزوج العام الماضي من بورتسودان و زوجته قادمة انشاء الله في اواخر يوليوا او بدايات اغسطس. يمكنني مدك بتلفونه اذا اردت ذلك.
| |
|
|
|
|
|
|
Re: ركـــن بنات وأبناء كســـلا ( خيــرات) (Re: تولوس)
|
أسعد الله أيامكم ياناس كسلا والشرق عامة
بس مساعدة لو سمحتم عندي زميلات دراسة من بنات كسلا كنا في القضارف في الفترة مابين 98 - 2002 م
1- نشوي نور الهادي 2- عازة محمد مالك 3- صفاء محمد الأمين
ناس المربعات والميرغنية أرجو مساعدتي في الحصول علي أرقام تلفونات أو عناوين
ولكم جزيل الشكر
| |
|
|
|
|
|
|
Re: ركـــن بنات وأبناء كســـلا ( خيــرات) (Re: عصام الجيلي)
|
الشقيق عصام الجيلي مرحباً بك في ركن الجبنة الكسلاوي وسعيدين بظهورك وبوجود علاقة لك مع أهالي كسلا
Quote: عندي زميلات دراسة من بنات كسلا كنا في القضارف في الفترة مابين 98 - 2002 م |
أتاريك صغير خلاص أنا اغتربت من 97 قبل دخولك الجامعة لكن أكيد حا يمر من هنا من له علاقة مع الأخوات المذكورات وتأكد لو لقيت ليهن عنوان او تلفون حا يصلك طوالي وبالمناسبة أنا جامعة القضارف دي جيتا مرة واحدة لمن أستاذ الماحي خلف الله كان محاضر في كلية الإقتصاد على ما إعتقد في عام 96 أو بداية 97 ، لكن هسع قالوا نقلوكم معسكر تواوا ، وقد كنت دائم التردد على هذا المعسكر خلال عملي باللاجئين ولا أستطيع ان أتخيل منظر كونه كلية أو جامعة علمية ... شكراً الاخ عصام الجيلي
| |
|
|
|
|
|
|
Re: ركـــن بنات وأبناء كســـلا ( خيــرات) (Re: Alfarwq)
|
Quote: بجاوي بما انا من محبي بشرى بين الرجل الشهم و كنت احد كورس فرقته في 1991و 1992و 1993 لما كان يغني خلف الجبل |
الفاروق أتاريك بتاع رحلات وسنكبات وهجيج وراء الجبل ، كويس مالمى فيك عز الدين الصبابي الأيام ديك كان وراك المكشن بلا بصل وللا يرابي يكون هو الطيرك أستراليا دي
شكراً الفاروق ، ومارسلت البتاعات في الGmail على عنواني [email protected]
وشكراً بجاوي على إتحافنا بالمبدع (بشري بين) فقد كنت في شوق لسماع صوته ووجدته كما كتبتم أنتم في نقائه وجودته وأتمنى لو كانت لك تسجيلات أكثر من بشري بين إرسالها على إيميلي أعلاه لو سمح زمنكم ... أبعد الغايات منالك لو دنيت ترسم ببالك ، قلبي لاعب بيهو مالك كلام والله (الله حي والله في) ورحم الله المبدع عثمان حسين
| |
|
|
|
|
|
|
|