ما تتعرض له الصحافية لبني هو حكم الشريعه فهل نناضل لالغائه

Quote: حبيبنا صبري ، ياخي انت زول لذيذ شديد انت عارف ابو جهل زاتووو مافكر في زي النضال بتاعك ده يعني لو كان ولدوك بدري شوية يمكن كان يمشى يجمع توقيعات من اهل مكة لالغاء الدين الاسلامي ويكون اخد منك الفكرة الجهنمية دي لكن لي حكمة يعلمها الجليل الرحيم انك جيت في زمنا نحن . الدين السلامي احد الاديان السماوية ويؤمن به مليارات من البشر فمن باب احترامك للانسان احترم عقول هؤلا البشر ودينهم بالنسبة للصحافية لبنى لو جيت نظرت للقانون ونظرت للعاصمة ح تجد مجموعة كبيرة غير مطبق فيها القانون لمن كنا في الجامعة كانت هنالك بعض القوانين تطبق لفترات بسيطة مثلا ان يدخل الطلاب من باب والطالبات من الباب الاخر وبعد يومن تعود حليمة لي عادتها القديمة، فالقضية ليست قضية قانون وتطبيقه . القضية انو في قوانين عاملنها لي ناس معينين يعني مثلا فلانة في جامعة الخرطوم زولة ناشطة ومجهجة ليك الكيزان اها يلبدو ليها جمب الباب واول ما تطلع يمشي ليها عسكري ويوديها النظام العام وتتجلد بحكم القانون في حين انو مجموعة كبيرة من نفس الجامعة ونفس الدفعة لا يطبق فيها القانون حتى وان كن لابسات جكسة في خط مافي فاذا كنت زول خلط وجكس ماعندك مشكلة تخلط تحت الشجر وتخلط في الهجير لا ضل ولا شمسية لكن لو كنت زول سياسة ومعاد للحكومة البس بنطلون جنز وتردف تحتو كمية من الدلاقين تحسبا لاي قانون كااااااااااااااك فالشغلانة واضحة مادايره ليها درس عصر اها التصويت بتاع رمضان متين والحج متين تحياتي زاتوووو