|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: ABDELMAGID ABDELMAGID)
|
ناس المشروبات للتأكيد وكدا والعيد دخل فى ( الحروكرك )
وليد الشفت ( تسلم ) وانت والاسرة بالف خير ابو جوان ( تسلم ) انت والاسرة بالف خير نيستا ( تسلم عشان ما رديت طوالى دخلتك فى الكوته ) انت والاسرة بالف خير
وينننننننننننننننننننننننننننننننننننن باقى ناس المشروبات
________________
طبنجة ( يا زول انت بالذات ) مطلوب منك مشروبات ( غيـر )
* قهوة * نسكافــى * شاى * سكر * نعناع * جنزبيل لعدد ما بين ( 50 - 100) بوردابية وبوردابى
ولا اقول ليك انت احســن ليك تجيب الحبشية بتاعت بيت الفنون معاك وتريح نفسـك ( كع )
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: ناذر محمد الخليفة)
|
هاك يا ياسين هولاء بالسروراب عجل بالتنسيق معهم
منصور
ود المك Senior Member تاريخ التسجيل: Sep 2008 المشاركات: 1,483 المشاركات الخاصة: 0
--------------------------------------------------------------------------------
الحبيب منصور علينا وعليك العيد اتبارك ونحن موجودين في السروراب معيدين مع الاهل مجموعة طيبة من الرياض ود المك وقرمة والناظر والفاتح حسن والصادق النور وامين عبدالله والخير الجاك غير الاخوان من الامارات وقطر وجاهزين لاستقبال ضيوف السروراب ونرجو من الاخوة المنظمين التنسيق معنا خاصة ابننا حبيب نورة . وكل عام وانتم بخير ... __________________
سـلـيل أهـلـي السروراب قـــوم مابعرفــو النقص واللــــوم فســـل في ساحتـــم مابحــوم جــبان في طينتـم مابقــــوم عيـال الزين وباقـــي شمـــوم ترب ود البشــــير والتـــوم ناس تهليل ونار قرآن تبق لي اليـــوم ماقيهـم مجـافيه النـــوم قداحــة الكــسره راقـده ردوم عجـاج خيلهم كانـو غيــوم ديل في مرجله وتاريخ باقين كوم والناس كوم
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: munswor almophtah)
|
Quote: . سـلـيل أهـلـي السروراب قـــوم مابعرفــو النقص واللــــوم فســـل في ساحتـــم مابحــوم جــبان في طينتـم مابقــــوم عيـال الزين وباقـــي شمـــوم ترب ود البشــــير والتـــوم ناس تهليل ونار قرآن تبق لي اليـــوم ماقيهـم مجـافيه النـــوم قداحــة الكــسره راقـده ردوم عجـاج خيلهم كانـو غيــوم ديل في مرجله وتاريخ باقين كوم والناس كوم |
ود مفتاح تتعدل عليك محل ما تقبل ولي كل اهلنا السروراب
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: حبيب نورة)
|
ياعفاف والجماعة ناس معزتنا
ياخي شلهتونا وطلعتو ... ما تخلصوا من رحلتكم " البتحندكونا "بيها دي وتريحونا شابكننا صيجان.... ولحمة شية. واحد يقول ليك مشروبات وما يوضح. واحد يجي يقول ليك البتاعات ما عارف بيجيبوها من وين كلامكم كلوا دراب واحد قرب يقول ليكم نكتة البقرة الجاها جنون البقر.
ياخ والله أنا ريقي جم بتشديد الميم من المطيق.
____ كل سنة وإنتوا طيبين ياخ ولحبيب نوره المودة
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: عفاف ابوكشوه)
|
Quote: ياعفاف والجماعة ناس معزتنا
ياخي شلهتونا وطلعتو ... ما تخلصوا من رحلتكم " البتحندكونا "بيها دي وتريحونا شابكننا صيجان.... ولحمة شية. واحد يقول ليك مشروبات وما يوضح. واحد يجي يقول ليك البتاعات ما عارف بيجيبوها من وين كلامكم كلوا دراب واحد قرب يقول ليكم نكتة البقرة الجاها جنون البقر.
ياخ والله أنا ريقي جم بتشديد الميم من المطيق. |
هاهاهاهاهاهاهاهاهاي ياخ بورداب القاهرة يمتنعون حالياً من المداخلات اللحمة قاعدة تبوظ أعصابكم زي الجواز الجديد في السوق الحر ومشاوير العوالم الصفراء او ما يعرف بالويسترن يونيون علي قول عمنا الجاييكم بعد يومين تلاتة ده يا جماعة جواز عمر الحاج مضروووووووب ركزوا علي المحلي داخل عطبرة ح نركز ليك علي المشويات ودي تحديداً ح تتعب مهداوي شديييييييييييييييييييييييد
أما بخصوص البتاعات والحاجات فأهل سوبا أدري بشرابها أقصد شعابها لوووووووووووووووووووووووووووووووووووووول
أما بخصوص السيكسيبلي فجكس ولا حرج
محمد آدم ياخ مشتاقين والله
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: حبيب نورة)
|
Quote: يا ربي يعلنوا السروراب منطقة حربية ممنوع الاقتراب منها |
طارق جبريل عيدك مبارك وحات خوتك ناس السروراب ديل مخبزهم اسمه خبز الاقتحام الجوى الله يشهد ما بهتهم ولما تمشوا بتشوفوا بى عينكم والناس ماشين على السروراب عاينو يسار الشارع واتبينو صدق كلامى.. عشان كده مابعيد واصلو التحركات كلها من خور عمر.. وابشرك ما بصلو مكان الرحله كان دليلهم حبيب نورة هو حبيب نورة زاتو لما رجع السودان بعد السنوات الطوال دى قالو ساق معاه مطوف اطمن ياحبيب.. اللهم بوظ رحلتهم اللهم قوى لحم الخروف ونقص اللحم وكتر الصوف اللهم اطفى نارهم كلما اوقدوها تموت.. الله اعدم التلج يومها ولاتجعل للشامبيون تلاجه الاوقفتها ولا بقالة والا قفلتها،ولا مفتاحا الا كسرته واعطبته الله اعدم البنزين فى المحطات ووقف الدفارات وامنع الحافلات وسلط عليهم عساكر مرور الانقاذ والامن بالرشوات اللهم امطرهم زخا وابلا يقفل الطريق وللوصول للسروراب يعيق.. اميييييييييييييييييييييييييييييييييييين،،،
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: عفاف ابوكشوه)
|
Quote: وحات خوتك ناس السروراب ديل مخبزهم اسمه خبز الاقتحام الجوى الله يشهد ما بهتهم ولما تمشوا بتشوفوا بى عينكم والناس ماشين على السروراب عاينو يسار الشارع واتبينو صدق كلامى.. عشان كده مابعيد واصلو التحركات كلها من خور عمر.. وابشرك ما بصلو مكان الرحله كان دليلهم حبيب نورة هو حبيب نورة زاتو لما رجع السودان بعد السنوات الطوال دى قالو ساق معاه مطوف اطمن ياحبيب.. اللهم بوظ رحلتهم اللهم قوى لحم الخروف ونقص اللحم وكتر الصوف اللهم اطفى نارهم كلما اوقدوها تموت.. الله اعدم التلج يومها ولاتجعل للشامبيون تلاجه الاوقفتها ولا بقالة والا قفلتها،ولا مفتاحا الا كسرته واعطبته الله اعدم البنزين فى المحطات ووقف الدفارات وامنع الحافلات وسلط عليهم عساكر مرور الانقاذ والامن بالرشوات اللهم امطرهم زخا وابلا يقفل الطريق وللوصول للسروراب يعيق.. اميييييييييييييييييييييييييييييييييييين،،،
|
اللهم آمييييييييييييييييييين اللهم اجعل اللحمة نية ومعضمة اللهم ابدل الشامبيون بي سبيرتو اللهم سلط عليهم ناس النظام العام اللهم احرمهم من «البتاعات» بي بركة العيد اللهم حبيب نورة سلط عليه اسهال جامايكي اللهم سفيان نابري دمر تليفونه واصبه بملاريا اللهم ناذر سخن سوق الحديد والاسمت امام ناظره اللهم ام حبيب نورة اجعلها تحرن وما تديهم ولا مقصوصة
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: صديق الموج)
|
Quote: اللهم بوظ رحلتهم اللهم قوى لحم الخروف ونقص اللحم وكتر الصوف اللهم اطفى نارهم كلما اوقدوها تموت.. الله اعدم التلج يومها ولاتجعل للشامبيون تلاجه الاوقفتها ولا بقالة والا قفلتها،ولا مفتاحا الا كسرته واعطبته الله اعدم البنزين فى المحطات ووقف الدفارات وامنع الحافلات وسلط عليهم عساكر مرور الانقاذ والامن بالرشوات اللهم امطرهم زخا وابلا يقفل الطريق وللوصول للسروراب يعيق.. اميييييييييييييييييييييييييييييييييييين،،، |
اللهم يا مجيب الدعاء أجعل كيد عبدك وابن عبدك صديق الموج في نحرهِ فأنت تعلم مقدار حسده ورصده وسوء نيته وسجيته وطويته اللهم يا منزل الغيث والله ما دايرين أيي مطرة في الوقت الحالي اللهم أجعلها رحلة مبرورة ومطرة ماسورة ولمة محضورة اللهم أجعلها مطرة تاتا تاتا حتي تغيظ الشماتة
آمييييييييييييييييييييييييييييييييييييييييييييييييييييييييييييييييييييييين
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: المكاشفي الخضر الطاهر)
|
طارق جبريل ايويووووووووووووووى ربح البيع ابشرك قالو المطر عملت فيهم عمايل.. وحات خوتك عفاف ابوكشوة لى هسه مشركة لى نعلاتا ما جمعت شالتن الموية وعلى البحر راس وجندو ناس النخيلة فى الضفة الشرقية للنهر ورامين شباكهم راجين النعلات وواحدين مشركين بى رماى والطعم ورنيش.لوووووووووووول. والمهم لى هسه مالاقين ربع متر ناشف عشان يشدو فيه اللحم. الاكل طحنية ساااااااااااااكت.. وانت قايل فى عربية قدرت تدخل للمزرعه قالو ناس انعام حيمورة والبنات متوقيات وشايلات الحلل والكوانين فى روسيهن زى الامبررو بس فرقة جاز كل زول شايل ليه اله فى يده.. الخروف العوض المسلمى وصلو لاكبدة لاكلاوى. قول الكلاوى الخروف اتبرع بيهن لى اخوه الكبدة مشت وين؟؟ سوف اوافيك بالتفاصيل حال ورودها من وكالة انباء الريف الشمالى..
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: baha eassa)
|
بورداب الخرطوم الذين سحبت أشواق السروراب مطاياهم وإنقادت كما الحوت فى الجباد إلى صحن دارها والفرح يفيض منهم ومنها ليسقى بقورها وكبورها لتخضر فرحا أبديا يظل فى ذاكرة شريعتها وحقيقتها أبد الدهر كما أبقت حويصلات أرضها بأسرار العنج والنوبه وما سبقهم وما خلفهم حتى الونى والدواليب ولم تضجر من ذلك لا بل بسخاء الأمهات وصبرهن ظلت ترضعها وتحن كالنوق لحيرانها وتدر وتشبعها لباءا وحليب وها أنتم أتيتموها بهشة وبشة كادت أن تذيب كبدها من الفرح العارم بتشريفكم لها وأنتم تنسلون من أركان المدينة إلى جوفها الذى لا يعرف الجفوة ولا جفاف الإحساس لا بل رقصت عن بكرة أبيها فى خلاويها وصوالينها وحوانبتها طربا ثملت به ومازالت وستظل كذلك لعقود وعهود ستأتى أحبابنا بورداب الخرطوم بذات عفوية إرتجال الحدث إرتجلت لكم السروراب بعض ما صرت من برامجها لتسركم ولكنه الوقت الممحوق فلم يسعفها أن تشرفكم بشاعر ومطرب الدقا منو يا ناس الدقا منو الفنان الطيب أحمد سليمان المشهور بأبى حراحر والتى وسعت دائرة بثها للكل ندى القلعه تلكم التى تذكرنا بشاعرة السروراب وبنت فرسانها سحر ميسره الياس الزبير باشا التى ضاق البرنامج ليمنحها ثقبا تطل به عليكم لتروا وجها وعقلا وقلبا ذوات أفانين وألحان عذاب لا بل كانت هنالك من الأسرار الثمينه لم يتح الظرف فك الغلاف عنها لتروها أعزائى بورداب الخرطوم لا بل كانت تحلم بأن يمتد الإحتفاء بكم إلى مركزها الثقافى لتقدم لكم أكوابا من عصير ثقافاتها وتراثها بروح من الفنيلا الطبيعى ثم يصتنت أهلها إليكم لتملؤن بطين السمع وأذينه وتطربون طبلها ليزداد إقاع الرقص الى صنعتموه فيها أول مرة فيا أعزائى فقد إستنطقتم صناجة السروراب وقيثارها أستاذنا الأستاذ إبراهيم يوسف نورالدائم ليكرمكم ببعض دره من درر القول النضيد لا بل كان يتأهب للحضور إليكم أستاذ الأساتيذ الأستاذ الولى أحمد الولى حصيفنا وفصيحنا ليتلو عليكم من صحف تراث السروراب وآدابها ويزيد كيل بعير فيا أعزائى لكم الشكر من السروراب أبدا ولكم الثناء والتقدير والشكر للأخ حبيب نوره الذى جعل ذلك اللقاء ممكنا وللحاج جباره الذى جبر بالخاطر وجاء إلى حيث جلستم والفرح يغمره بحضوركم والشكر للباشمهندس فيصل المفتاح على التفاعل بسخاء معلوم والشكر لعبدالقادر الزين ولسحر وحسين عبدالحميد وكذا الشكر ليوسف ذلكم الصديق الصنديد المطرب والشكر لأفراد فرقته الميامين والشكر لنوفل وياسر على نايل وللمكاشفى والشكر لمحمد عبدالجليل وأسعد العباسى ولمتابعتهما اللصيقه والشكر لسودانيس أونلاين التى جمعتنا وصنعت فينا الوعى وعلمتنا الحميميه ولكم وللجميع السلام.
منصور
| |
|
|
|
|
|
|
|