القصة الملفقة لهجرة عمر بن الخطاب للمدينة - لا ثكلتك امك لاشئ

Quote: عبدالله بن أبي سلول كان في المدينة - و بغض النظر عن موضوع نفاقو - أنا أصلا لم اتحدث عن الأنصار لانو عارف إنو المهاجرين قصتهم أوضح و إنو الشيعة مشاكلهم أكبر مع المهاجرين ابوبكر و عمر و عثمان و الباقيين .

Quote: القران حمَّال وجوه نعم و لكن كيف تناقش من لا يتفق معك في مرجعية الأحاديث و السنة كلها ؟

أنا ما قصدت تناقشهم بالحديث طبعا ..
(بالأحرى ما قلت كده كلو كلو) ..
فلا هم الخوارج و لا إنت إبن عباس
كلامي هنا كان مجرد رمية أو جدعة لعضم كلامي ..
و قلت بعده طوالي ..

Quote: الشاهد في الكلام ده كله .. هو إعتقادك يا أمين إن الآية واضحة المعنى لا تحتمل التأويل و الإنكار ..

فما تقولني رأي ساي بالله

Quote: لو ثبت ليهم باي طريقة إنو الكلام ده كلو ما حصل و إنو محض إختلاق ، علي يقين من انهم حا يتركو المذهب الشيعي لانو قايم علي الكلام ده

ياخ بالغت فيهم ..
طلعتهم بتاعين شمارات ساي !!
تعرف ..
لو كذبوا بكل الروايات المسيئة للصحابة
و عذروهم بأنهم تأولوا و أخطأوا و لهم أجر ..
برضو حيفضلوا شيعة !!
لأن الرك كله على نظرية الإمامة ..
(علي و أحفاده عليهم السلام كأوصياء على الدين)
و أدلتهم العقلية و النقلية عليها ..
ما على تخطئة الصحابه و ذمهم ..
رغم غلبة الجانب ده على مناقشاتهم ..
غالبا بسبب التأخر الحضاري العام لعالم المسلمين ..

Quote: لكن في زمنا ده ما عندنا مرجعية مشتركة مع الشيعة إلا القران ده

عندنا العقل كمان ..
البيمحص الروايات و ينقد الإستنتاجات منها ..
و البيشوف مقاصد الدين و تاريخه منذ سيدنا آدم عليه السلام
و البيسأل أسئلة موضوعية زي :
- ليه ما جا نص صريح على الإمامة بلا لبس و لا تأويل و لا ظنون
- ليه ما كانت الوصية دي مدار التاريخ النبوي كله من البعثة حتى منتهاها
- ليه ما كفر سيدنا علي مخالفينه و هو الوصي على الدين حين خلافته
- ليه إختفى الإمام الغائب و ليه ما ذكر في القرآن

أنا شخصيا المرقني من التصديق بالتشيع ..
لا المرويات و لا القرآن
بس شغل العقل النقدي للتاريخ و فلسفة الدين

و لو كره عبداللطيف