غواصات المنبر ... ( يوجد مستند دولي مزور يدين احدهم )

Quote: الاخ محمد سيد احمد في زول بفضح ناس الامن ويجي يستر عليهم ؟ ( كبر دماغك الصادق معذور ) Quote: ما متابع بوستات صلاح السابقة وما عندى راى محدد حول مصداقيته لكن اسئلة الصادق اسماعيل واضحة وبسيطة ومباشرة وحاسمة تجتاج اجابات بسيطة ومباشرة وواضحة وحاسمة الاسئلة دي منقولة من بوست تاني ارجع اقرأ البوست كويس وشوف كمية الاسئلة الرفض الصادق يجاوبها .. ونحن البادرنا بالاسئلة . اذن من باب اولي وبنفس القدر ان تطلب من الصادق اجابات بسيطة ومباشرة وواضحة وحاسمة ( ماتابعت بوستات صلاح ده العذر الاقبح من الذنب . تابع واملأ يدك بعد داك تعال اداخل ) في بوست فتحو الاخ الطيب رحمة قريمان لفضح وذكر اسماء ناس الامن امش شوف عدد الذكرو اسماءهم كم ؟ ( لا يتجاوزوا عدد اصابع اليد لماذا ؟ ) هل معقول في زول في المنبر ده ما بعرف ليهو عدد من الامنجية ؟ شوف عدد اعضاء المنبر واضرب علي اسوأ الفروض في ثلاثة ومع هذا لم يتجاوز العدد اصابع اليد .. انت نفسك اكيد بتكون بتعرف ليك امنجية لماذا لم تسجلهم ؟ واذا كان عذرك ماشفت البوست هسع امش فتش البوست ونزلهم وبنفس القدر طالب الصادق ينزل البعرفهم . هل تعلم في واحد نزلوا اسمو وهو ود عم كيكي وبعد فترة تداخل كيكي وقال ماشاف البوست او شيء من هذا القبيل ! ( زاغ بالدو )وقال ابن عمه انسلخ من الامن ( كلهم حاينسلخوا ) المسألة ليست مسألة اسئلة وجواب يا هولاء .. لقد نادينا في اكثر من مكان ان الحساب يجب ان يطال كل كوز دون اي استثناء لان كل كوز امنجي وكل كوز شارك في كل الجرائم والكوارث التي حدثت مباشرة .. يجب ان يحاسب التنظيم وليس الافراد .. ونرجو ان تتابع فصاحبك الصادق سوف توجه له اسئلة في هذا البوست وعليك مطالبته بالرد المرة الجاية املأ يدك وتعال ما تجينا امفكو سمح