علمانية السجم دي ... لا كوز دايرا ... لا شيوعي دايرا ...

Quote: الصبر اجر ونستعين به وادعو لنا ان كنا ضالين ربما الهداية تاتي علي يديك

ظالم ولا كافر ولا فاسق وربنا ان شاء يهديك

وفسر كل كلمه معناها شنو عشان ما تدقس

ما عاجبك الدوله في عهد الرسول عليه الصلاة والسلام والسلف الصالح من بعده .. ولا ما عاجبك كيف انو دولة الاسلام توسعت من مدينه واحده (يثرب) الى كل شبه الجزيره ومملكتي الفرس والروم ووصلت لغايه اسبانيا الحاليه وتعاليمها تغلغلت في اروبا لابعد من ذلك .. ولا ما عاجبك لمن صلاح الدين الايوبي حرر القدس وهزم الحمله الصليبيه .. وما تقول لي بحد السيف والاسلام بيختى على العالم

لا دي قوة الحق ( لانو ربنا ما اداك الرساله عشان تقعد بيها جم الحيط ولا عشان تتصرف تصرف الضعيف الخايف انو ربنا ما ينصره , ربنا عايز العالم تهابكم .. بس ياخساره العالم حسه بيهاب (الاسلام) وحده اما المسلمين فهم اهون خلق الله .. يقتلوهم ويلبسوهم جرائم يجرجورهم وراهم يلعبوا بيهم الكوره .. دا كلو ضعف ما امر ربنا بيه

وبعدين والله مافي زول بستوعب ليك كلام انو الله ما عارف الحاصل شنو في الدنيا وخته دين ما نافع وما في يدو اي شي ولا حتى انو يخسف بيكم الارض

(دا كلام بيمرض) ..

وكلمك كلو معانيه كدا

Quote: يا كافي البلا الاسلام ده ما لقي اي فئة تطبق التجربة صاح طوالي فشل وقمع وسوء واستغلال الاسلام قران وسنة للتنكيل بالمعارضين \ات والمجتمع

Quote: اما قولك نحن قديمييييين نعم لذا اذكر الناس بفشل الدولة الدينية لان منهاجها لا يقدم البلاد ولا العباد سوف اعود للرد علي مداخلتك واتمني ان تطولي بالك طوالي ضايقه ومستعجله

على فكره الدعوه اتطورت بطريقه لا قبل لكم بها (معارضة الاسلام ) ... الدعوه بقت (الاسلام منهج للحياه والاسلام حلول للمشاكل والاسلام محفز للابداع والاسلام سلوك متحضر )

خلاص زمن الشيخ ابو دقن يقول هذا حلال وهذا حرام انتهى .. مش لانو دا ما دين بس دا جزء من الحياه ما كلها

ما كل يوم بتمشي المحكمه في ورثه ولا كل يوم بتقع في معضله .. الفقهاء اختلفوا في يجوز تعمل شنو والما بجوز شنو



فالله يرضى عليك يا صبري اعفيني من النقاش دا .. جد ما دايره اواصل

الدنيا رمضان وكل سنه وانتو طيبين

Quote: عارف يا صبري ومن معه ما مشكلتكم انو الدين الاسلامي ما بكفل للناس الحريات .. لانكم ببساطه ما عندكم فكره عن الموضوع دا مشكلتكم انكم ناسين انكم عايشين في المؤامره الازليه (صراع الشيطان والانسان) ... وانتو متاكديييين انكم على الحق ما تدرون لعل الشيطان اراد به باطل !!

Quote: الجهاد في الاسلام عندو شقين الاول كان في الصدر الاول من الاسلام عشان تنتشر الدعوه وخلاص موقعك اتحدد (امه وسط) ما قال ليك امه ما ليها حدود .. والشق التاني المحافظه على حقك وعلى ارضك ومكتسباتك .. الاسلام حسه بتنشر باخلاقك كمسلم وبتعاملك , انت في امريكا بتنشر الاسلام .. انا في السودان بانشر الاسلام ما غصب , تعامل وخٌلق

Quote: دا كلام سياسيه كتير ما ح اخش فيه بس كلامك صح عشان كدا الدستور هو المفروض يحكم مش توجهات الساسه الفكريه والنفسيه .. والمعضله اي دستور اصلح لي بلدنا؟ ويازول لو ما دايرين تقولوا دوله اسلاميه (عشان ما تجيبوا الهوا لي رقبتكم) جداً دوله ما يكون عندها مسمى او نعمل ليها نحن اسم برانا .. الدوله المستقله الحره ال اي كلام

Quote: لاكين الدولة البتتكلمي عنها دي - والحمد لله الفهمتي مرامي كلامنا - عندها إسم في الإصطلاح السياسي ... وما محتاجين نعمل ليها اسم برانا ... وانتي ابديتي اعجابك بنموذج الدولة دي في أمريكا ...

Quote: دينا يكفل ليك حريتك , لكن علمانيتك ما بتكفل لينا دينا

Quote: دينا يكفل ليك حريتك , لكن علمانيتك ما بتكفل لينا دينا

(عدل بواسطة تبارك شيخ الدين جبريل on 08-27-2011, 09:55 PM)

Quote: انتي خايفة من الحياد دا ليه؟ ما واثقة في اسلامك؟ خايفة الله يزعل منك عشان اخترتي العدل والمنطق بدل العواطف؟ خايفة يقولوا "دلال عزالدين" بقت علمانية؟

Quote: عبرك العيد مبارك لمسلمي ومسلمات كافة انحاء الكون

Quote: مسلو كافة أنحاء الكون الإنت بتهنئهم بالعيد يا صبرى بيؤمنوا ب (وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ وَاللَّهُ عَزِيزٌ حَكِيمٌ (المائدة 39) وب (الزانية والزاني فاجلدوا كل واحد منهما مائة جلدة ولا تأخذكم بهما رأفة في دين الله إن كنتم تؤمنون بالله واليوم الآخر وليشهد عذابهما طائفة من المؤمنين } وب (وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ وب (حرم الله الربا وأحل البيع وين علمانيتك من الكلام دا؟

Quote: دي قوانينك انت البتعتقد في انها "قوانين" حسب ديانتك

Quote: إنت صبرى؟ بطل شلاقة

Quote: ... المهم ...

Quote: دا بس الفالح فيهو

Quote: بالمرة اشرحي ليّ انا دا بالذات ... الحياد إلحاد كيف؟

Quote: بالعكس عيشوا كلو واحد في عزله والواحد ما بحب الناس تشاركه في حاجه وبيعتبر دا تدخل وحشريه من الناس وبتضايق لو الناس اتلصقت معاه ولو لدقايق في حته او في باص .. خلقوا حياه جافه وماديه الامراض النفسيه عندكم حدث ولا حرج .. الجرائم حدث ولا حرج .. الانتحار حدث ولا حرج وما تجي تقول لي الكلام دا ماهو في السودان في ... في يا زول بس نحنا عاد ما متطورين وعلمانيين زيكم والمفروض المرحله المتطوره الوصلتو ليها ودايرين توصلونا ليها دي تكون بيرفكت ولا ما كدا ؟

Quote: وراجعي معاهو كتاباتي في أيّ حتة وأيّ وكت - لو لقيتيني عبّرت عن "إرادة" الله أو "حالته الشعورية" من غضب أو رضى أو فرح أو حزن في أيّ مكان ... انا ابلع ليك البوست دا بالليل دا ...

Quote: وبعدين يا صبرى ما تفرض على ملايين يغيروا حياتهم عشان حالات استثنائيه وعلى فكره الزول البخش الاسلام وبيطلع منه دا ما بتحاسب لانو يندرج تحت (المؤلفه قلوبهم) يعني ال لسه اسلامهم ما اكتمل وممكن يكونوا عادي ماواقع ليهم الموضوع لكن لو انت داير زول مسلم عدييييييل يطلع من الاسلام ونكفل ليه الحريه .. يبقى انت بتخت كلامك فوق كلام الله ودا موضوع تاني

Quote: انت اب والمفروض تكون الموجه الاول والاخير لي ولدك ربنا يحفظه وهو صغير .. بس انت اثرت انك تخليه حر .. يسرق , يتعاطى مخدرات او حتى ما يتعلم .. ماهو حر ودي خياراته , ح تقول لا انا والد ودي وظيفتي .. ح اقول ليك طيب استاذو في المدرسه ال يخليه حر .. داير يحضر الحصه ولا ما داير , داير يعمل ال هوم وورك ولا ماداير , داير يمتحن ولا ماضروري هو حر .. ح تقول لا دي وظيفة استاذه ومسئوليته .. طيب ح اقول ليك الحكومه تخلي ولدك حر عايز يطلع عليك وما من حقك تساله هو حر , تخلي يعمل عمليه ويغير جنسه هو حر , داير يضيع ويحرق بي جاز هو اكيد حر الدوله عندها وظيفه زيها زيك زي المدرس زي اي وظيفه فيها مسئوليه ومطلوب تاديتها تمام بدون اخطاء وبدون فشل كلها مسؤوليات وما بنفع تخليها كدا من غير كنترول .. الحريه المفرطه فوضى وكل حاجه لو زادت عن حدها يا قول حبوباتنا بتتقلب ضدها وكنترول الحياه والبنى ادميين ربنا نزله .. حثاك ورهبك فيه , حزرك وحفزك ليه قال ليك كون من عبادي الصالحين وماتباري خطوات الشياطين .. القيم ما بنفع تنزعها من اي وظيفه والا تبقى خراب العلم قيمه والعمل قيمه والعدل قيمه والتعامل بين الناس قيمه والدين هو وعاء القيم دي ومافي حاجه ما اتكلم فيها ووراك الاحسن ليك شنو والبضرك شنو والبصلحك شنو .. وبرضو اداك حريه لانو ما ينفع يحاسبك على حاجه انت مكره عليها

Quote: العلمانية والجهويات ونبّه المتدخل الى النزعات التي تحاول إثارة العروشية والجهويات وكذلك مناقشة العلمانية بشكل مغلوط حتى انبرى البعض يكفّر البعض الآخر مؤكدا أن الحوار حول العلمانية لا يدخل في إطار الدين بقدر ما يندرج في إطار حرية التفكير داعيا إلى مناقشة الأفكار وليس المصطلحات فالتونسي هو بربري وعربي ومسلم ولكن من أجل ماذا؟ من أجل حرية التعبير والديمقراطية كقيم؟ من أجل العدالة الاجتماعية؟ من أجل الإبداع في الفنون؟ من أجل المساواة..؟ وهل أن التونسي هو مع هذه القيم ضدّ الظلامية والاستبداد واستعمال الدين وتوظيفه لضرب هذه القيم أم لا؟ هذا هو جوهر النقاش الحقيقي وكلمة «العلمانية» يجب ألاّ تكون الشجرة التي تحجب الغابة، وأضاف أيضا أن حزب العمال كان ضد نزع الحجاب زمن بن علي ولكنه أيضا سيكون أيضا ضد محاولات فرض الحجاب بالقوة منبّها إلى أن ما يحصل في المساجد يجب التنبّه إليه حيث أن الدولة مدعوة دائما إلى حماية حرية العقيدة وبصورة عامة لا يمكن توظيف الدين لاعتقاده أن الإيمان لا يتناقض مع الحرية مؤكدا أن الشيوعيين يدافعون عن الطاهر الحدّاد الذي دعا إلى المساواة في الإرث وهو مصلح لا تدافع عنه الحركات الدينية، مذكّرا أيضا في هذا السياق وردّا على الرافضين للعلمانية أن راشد الغنوشي عاش في بريطانيا العلمانية كلاجئ بعد أن اضطهده النظام وبن علي الرئيس المخلوع والدكتاتور يعيش الآن في السعودية الدولة التي تناصب العلمانية العداء المطلق.. إنها مفارقات في تقديره يجب فهمها لإدراك مفهوم كالعلمانية.

Quote: إن للعلمانية صورتين، كل صورة منهما أقبح من الأخرى: الصورة الأولى: العلمانية الملحدة: وهي التي تنكر الدين كليةً، وتنكر وجود الله الخالق البارئ المصور، ولا تعترف بشيء من ذلك، بل تحارب وتعادي من يدعو إلى مجرد الإيمان بوجود الله، وهذه العلمانية على فجورها ووقاحتها في التبجح بكفرها، إلا أن الحكم بكفرها أمر ظاهر ميسور لكافة المسلمين، فلا ينطلي- بحمد الله- أمرها على المسلمين، ولا يُقْبِل عليها من المسلمين إلا رجل يريد أن يفارق دينه، (وخطر هذه الصورة من العلمانية من حيث التلبيس على عوام المسلمين خطر ضعيف)، وإن كان لها خطر عظيم من حيث محاربة الدين، ومعاداة المؤمنين وحربهم وإيذائهم بالتعذيب، أو السجن أو القتل. الصورة الثانية: العلمانية غير الملحدة: وهي علمانية لا تنكر وجود الله، وتؤمن به إيمانًا نظريًّا، لكنها تنكر تدخل الدين في شئون الدنيا، وتنادي بعزل الدين عن الدنيا، (وهذه الصورة أشد خطرًا من الصورة السابقة من حيث الإضلال والتلبيس على عوام المسلمين)، فعدم إنكارها لوجود الله، وعدم ظهور محاربتها للتدين، يغطي على أكثر عوام المسلمين حقيقة هذه الدعوة الكفرية، فلا يتبينون ما فيها من الكفر لقلة علمهم ومعرفتهم الصحيحة بالدين، ولذلك تجد أكثر الأنظمة الحاكمة اليوم في بلاد المسلمين أنظمة علمانية، والكثرة الكاثرة والجمهور الأعظم من المسلمين لا يعرفون حقيقة ذلك.

Quote: – وبالعودة إلى النموذج الذي يعتمده أنصار العلمانية في دعوتهم لإخراج الدين من السياسة وهو النموذج الأوروبي الغربي,فإنه يمكن التوضيح هنا,بأن حركة الإصلاح الديني في المجتمعات الأوروبية,لم تُخرج الدين من السياسة كما يعتقد البعض,بل هي ناصرت باسم الدين ,النظم الملكية التي أُخرجت شعوبها من التمزق الإقطاعي الذي كان مدعوماً من طبقة الإكليروس الكنسيَّة,وبعد تحقق الوحدة القومية,وتقدم البنية التحتية في ظل الوحدة,أخذت القوى الدينية والعلمانية على السواء,تناضل ضد سلطة الحكم المطلق الملكية المستندة إلى شرعية إلهية مزعومة.