|
|
|
 Re: برنامج اغانى واغانى ،، نسخة 2011 البوست السنوي المخصص للبرن (Re: ودالعباسية)
|
Quote: هاهاهاهاهاها
يا رايوة ياخ الضرس دي بيقولوها للراجل دخري الحوبة
بطلي استشراق ياخ هههههههههههههههههه
وطه انا من معجبيه جداً
وشايفو اجمل صوت بعد الحوت طبعاً . |
هههههههه
برضو شين إنت
طبعن عرفتها قبيل من حجوج ورجوية برضو
تتذكر لما لاقيناهو في حفلة الاوبرا المسرح المكشوف؟
كان جنتل... فعلا ريل جنتل وقمة في الذوق
______________
جون عارفني قاصدة منو ... مش؟
سلامات يادكتور محمد ياراقي
| |
 
|
|
|
|
|
|
|
 Re: برنامج اغانى واغانى ،، نسخة 2011 البوست السنوي المخصص للبرن (Re: ضياء الدين ميرغني)
|
رسالة عبر الأيميل من أخي عز الدين عثمان أحمد :
ظللنا نتابع برنامج أغاني أغاني على مدى عدة سنوات بعد الإفطار مباشرة وكنا ننتظره ونستمتع بما يقدمه لنا من أغنيات خالدة وفي هذا العام تم تغيير مواعيد بث البرنامج وهنالك بعض الملاحظات الفنية الشخصية لا أود التطرق لها ولكنني تركت مشاهدة البرنامج للأتي :
البرنامج يبدأ الساعة 11.15 بعدها تبدأ أغنية لمدة 5 دقائق ثم دعاية وإعلان حتى الساعة 10.30
يلي ذلك أغنيتين لمدة 5 دقائق ثم دعاية وإعلان من الساعة 10.35 حتى الساعة 10.45
بعدها يبدأ البرنامج ويتم تقديم 4 أغنيات نصفها غير مكتمل وينتهي البرنامج وهذا ممل جدا للمشاهد وطريقة الإعلان ياريت ناس النيل الأزرق يراعوا ذلك ويشاهدوا الإعلان الخارجي حيث يتم الإعلان عن السلعة في جزء من الثانية ودعاية النيل الأزرق عبارة عن ( فيلم هندي ).
البرنامج فقد بريقه الذي كان في الأعوام السابقة وكفاية كده برنامج أغاني أغاني والسلام.
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: Emad Ahmed)
|
Quote: طبعن عرفتها قبيل من حجوج ورجوية برضو
تتذكر لما لاقيناهو في حفلة الاوبرا المسرح المكشوف؟
كان جنتل... فعلا ريل جنتل وقمة في الذوق
|
رجوية كبست !!!!!!!!!!!!
و الله بختكم عديييييييييييييييل معناها قصص شديده
لوووووووول
و حجوجة ياحليلة كيف هي بالله ما بدت الجكه؟
يارايوة والله طه ولد جنتل ومودب ومحترم نفسو
وعاااارف شغلو كويس جداً وعندو طريق واضح
من مابداء في مجموعة اولاد البيت و اهو لسه
متقدم فيهو بخطوات راسخه و ممتازه.
و فوق لي دا ودا هو ذااااااتو شربات ودمو
خفيف كمان و سبحان الله عندو نعمة القبول كمان
اها رايك شنو في نعمة القبول دي.
بس عليك الله يا رايوة كلمي لينا ضياء ميرغني
دا قولي ليهو صباح دي يستحيل تصل التسعينات
وريهو انها هي ذاته ما حتصدق كلامو دا.
عليك الله شفتيها فرحانه كيف وما مصدقه انها
بتغني!!!!؟
| |
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
النقد الموجه للفنانة صباح من قبل البعض على رأسهم الاخ ذو الاذن السميعة جدا سفيان خلانى ادقق بعض الشئ فى اغنياتها التى تغنت بها حتى الان وهاكم مساهمتى علها تفيد وقد اكون مخطئ.
الفنانة صباح بتقطططع خلال ترديد الجملة الموسيقية وخصوصا لمن تطلع فوق فى الحاد مع ضعف بعض الشئ فى قوة الصوت مما يدل على ان هناك مشكلة فى تكنيك النفس او التنفس. بتحاول معالجة المشكلة بالتطريب فى الصول Soul لجذب المتلقى ولكن اعتقد لم تحل المشكلة تماما.
المشكلة الثانية فى التيونينغ Tuning والاوتو تيونينغ Auto Tuning فترديدها بالاخص فى المناطق العالية والحادة ما بيكون منسجم مع الجملة الموسيقية تماما او اللحن. مرات ممكن يحدث نشاذ بسيط الا انه كافى لهز رأس المتلقى بالنفى.
الملاحظ كذلك هو انها حتى الان لم تغنى اغنية كاملة بل شوية مقاطع ودقيقة دقيقتين مما يصعب التشخيص بعض الشئ.
استمعت لجميع اغانيها بالبرنامج حتى الآن لاخرج بهذا التحليل والذى ازعجنى اكتر شئ عدم تفاعلها مع اغنيتها الغنتها لعبدالله البعيو فالدينماكية Dynamik وحرارة الاداء كان مطلوب بهذه الاغنية وهى غنت بصورة فاقدة للدينماكية جدا. شوف الفنان البعيوا لمن دخل اعاد للاغنية دينماكيتها واشعل حرارتها مرة آخرى. لدرجة ان كل المشاهدين والقراء والكتاب بعد ذلك ثمنوا حلقة البرنامج مع المبدع البعيو جدا فالرجل له حضور قوى فى المسرح وهى كانت من اقوى حلقات البرنامح لارتفاع حرارتها وكمية الحركة بها. لو كنت مكانها لقمت على حيلى وانسجمت مع الاغنية وغنيت ورقصت بعض الشئ مالو الرقيص والحركة برضوا حلوات وبتنعكس ايجابا على المتلقى وكان بزيد فى ارتفاع اسهمها.
هناك تردد او خجل او خوف بسيط بخليها اى صباح مرات تتاخر فى دخول المقطع. هذا التاخر البسيط جدا حوالى الملى ثانية 0.001ms - Milli Secound بينعكس تماما على المتلقى للاغنية وبيزعجوا جدا.
ياريت لو ركزت اكتر على الغنا بدل التركيز على مسكة المايك التى الاحظ انها عادتهم جميعا وبرضو ما زال الفنان القدير ابوعركى البخيت هو استاذ مسكة المايك حتى الآن
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: هايل زين)
|
اشكر الاخوة في النقل الحي للبرنامج والذي لن يحسه الا من لم يحضر حلقة اليوم كما فعلت
يبدو ان عصام محمد نور التفت لما كنا نتحدث عنه في الموسم الماضي من توزيع الضحكات او البسمات دون اي داعي
فبدا رغم انه صاري وشو الا اني اري ان جمال صوته بدا جليا بعد الوجه العابس الجديد
اخي عز الدين عثمان بواسطه الاخ عماد فعلا تحدثنا كثيرا عن كميه الاعلانات وانها بالفعل ستؤثر سلبا علي جماهيرية البرنامج
مشكور اخي العازف الفنان محمد البصير واتمني ان تواصل معنا في هذا البوست لترفده اكيد بما يفيد
اما بخصوص الاوركسترا بالفعل اري ان القصاص وعازف البيز محمد بشير هما نجما هذا الموسم رغم ابداع البقية
الباقية من العازفين
ظهر اليوم اخينا عاصم البنا وهو يمسك ورقه بين صباعيه المتوعكين ولا ادري ان كان قد فقد اللصقه قبل البرنامج او انه نظام بخره
جديده ولا اظن ذلك لان الاغنية التي غناها "اي زول حافظا" ناهيك عن فنان يحفظ كل الحقيبه مثل عاصم
طبعا انا عديل كده منحاز لعاصم البنا وبالذات في الاغاني القديمه او الحقيبه ومش انا وبس
كدي لاحظوا وش محمديه لما يغني عاصم البنا شوفوا حجم الارتياح الذي يعتريه
اما عمنا قدور فايضا يرتاح جد جد عندما يغني البنا
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: هايل زين)
|
أأسف للتكرار .. لتسليط الضؤ ... ولكنه زنقار وأقرانه العظام !
زنقار .... يا الهي ! .. ويا له من صوت ! يحمل عبق الماضي وأشجانه الشجية المذهلة !
والذي يحيرني في أمر هذا الغناء الذي كان ! ذلك المطر اللحني الهاطل على سماوات السودان يوما ما ! ..
كأنه مخزون من مدد سحري باهر مرسل من مرافىء اُخر من خارج نطاق هذا الزمن ! أو من شواطىء
زاخرة مدهشة ، وأجواء من خارج مناطق هذا الكون ! .... ألحان ألحان ألحان كأنها سيل حنون هادىْ !
مسالم ! .. أو ريح من أنسام باردة رفيقة منعشة ،، وهي تسري في الوجدان وترحل بالأرواح إلى آفاق
مشرقة ولا متناهية ، في روعتها وأضوائها وبساتينها البديعة المخضرة !
سوداني الجوة وجداني.. وذاك اللحن الخرافي المزهل................ وأنا راسم في قلبي صورةالباسم أهو ده ! ....
وحبيبي غاب في موضع الجمال بلاقي ! وفي شاطىء النهر بلاقي ! وفي مر النسيم ،، بلاقي ! وحتى مع العندليب ،،
كان يلاقيه ! فأين كان يحلق بنا ذاك التلودي ؟! وفي أى سماوات أو أودية ! وفي أى هضاب ، بعيداً عن هذا الثرى ؟!!
فتأمل هذا اللحن المعجز في من باب نفسك يا القطار ونسيم سفرك قلبي طار ، وينو الحبيب .. زي ماشلتو جيبو يا القطار !
ويالها من صور تتجلى ثم تنطلق بنا إلى صفحات من واحات نائية بعيدة !
ثم هذا الغيث النازل من جهة الشرق في لحن : ياعروس الروض يا ذات الجناح ياحمامة .... سافري مصحوبة عند الصباح
بالسلامة ... وأحملي شوق سلامي وهياما ! سافري مثل روحي ! وياله من سفر! فإذا لاح لك الظل الظليل فأستريحي !
لا حولالالالالالالالالالالا !!!! ..... ثم لاحولالالالالالالالالالالالالالا !
هذا نفس صوفي خارق للعادة ! وهطل غير طبيعي ! ..... لكأنه مدد منبعث من ساحات الأضرحة ، ومن صدور الأولياء عند
ذاك الزمان الجميل البهي ! ....... هذا مطر غزير كان يهطل من صدور مفعمة بالحب والشوق والوله والإلتياع !
وبذلك العشق الخرافي !
هو بلا أدنى شك فضل المولى .. زنقار !
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: مامون أحمد إبراهيم)
|
سلاااام يا ناس
والله الليلة اتحصلت علي معلومة غجيبة ولو هي صاح يبقي
عمنا السر قدور دا بالغ معانا رسمي .
التقيت الصديق والباحت مصعب الصاوي ودار حوارنا عن
البرامج التقافية و برامج المنوعات في التلفزيون
وبالطبع تعرضنا لبرنامج اغاني واغاني ففاجأني مصعب
الصاوي بأن اهم معلومة لم يذكرها ولم يقلها عن الفنان
الراحل محمد فضل المولي زنقار هي ان زنقار شخص مسرحياً
ومتل صورة البطل لاحدى المسرحيات التي الفها وكتبها
الشاعر سيد عبد العزيز وذكر لي اسم المسرحية (انا نسيتو)
وذكر لي ان بهذه المسرحية تلاته اغاني مشهورة جداً غناها
زنقار وهي (ليلتنا ليلية و من بف نفسك يا القطار و اغنية
تالته برضو نسيته) و أن كتيب هذه المسرحية موجود بمكتبة
المعهد العالي للموسيقي والمسرح.
فافيدونا يا ناس !!!!!
لانو لو المعلومة دى صاح تبقى مشكلة .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
بدأت الحلقة
موضوعها السحر في الغناء
قال السر قدور ان اول زول اشتغل في هذا المجال هو
سيد عبد العزيز.
اول اغنية أنا ما معيون غناء منار مع مصاحبة المجموعة
بسم الله ماشاء الله علي منار آداء في غاية الروعة وحفظ
جميل .
فرفور ونادر اخر انبساط
الفرقة الموسيقية شغاله شغل جامد جداً .
التقييم 9من10.
اغنية ود الريح سحروك ولا مالك وعاصم البناء
دخلة عود احمودي جميلة جمال ما عادي و محمدية اخر مزاج
وفرح وانبساط .
يا سلاااام عليك يا عاصم من البداية مرتاح الصوت و سلطنة
و آداء فووووق للمتاز لأغنية مميزة ونادرة جداً بحفظ سليم
التقييم 10من10.
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
عبيد عبد الرحمن وجاهل ودئع مغرور
يغنيها جمال فرفور طبعاً من قولت تييت فرفور
حيعذبه و يغنيها صاح الصاح ففرفور عاشق وحافظ
ومحب للحقيبة ايضاً زيو وزي عاصم البنا.
و بالفعل آداء في قمة الروعة و الأمتياز من فرفور
و سلطنة وتشجين .
نموذج بسيط جداً التقييم 9من10
اغنية ابو قطاطي وخليل اسماعيل بسحروك
بدأية عصام محمد نور و بداية ممتازه من عصام
وانبساط من احمودي.
شريف و آداء ايضاً ممتاز (بس البخرة في الارض)
يا شريف .
و اضح انها ديتو بين عصام و شريف و آداء ممتاز
منهم الاتنين .
وكورال جميل من المجموعة بس صوت صباح كالعاده
(مفندر) قبل البقية يا ابراهيم عبد الحليم.
التقييم 9من10.
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
الكلام عن احمد حسين العمرابي احد موسسى الفن السوداني
لكنه كان مشغول بتنظيم الفن عشان كدا الناس ماسمعوه كتير
اغنية اندب حظي ونادر وطه ديتو
طبعاً نادر بيغني الأغنية دي من بدأيات ظهوره
الليلة عوض احمودي ملك الاناقة .
نادر يصدح و يعتلي القمة و يصعد بي أنا تحديداً
و ياسلام علي طه الضرس و تميز صوته الجميل آداء
قمة الأمتياز .
و الله ديتو ولا اجمل يا نادر وطه مبرررروكين
يا جماعة ركزو مع طه دا في صوتو في حاجة سمحة
وجميلة جداً جداً أنا ما عارفه شنو بس بسمعه كويس.
كورال المجموعة جميل جداً .
الفرقة الموسيقية شغاله ممتاز شديد.
ــــــــــــــــــــــــــــــــــــــــــــــ
هائل هائل حضورك ضروري ياخ وانا عارفك وانت عارفني
وصاحبنا التالت ذاتو عارف .
ورمضانك كريم ياخ و سلامي ومحبتي للصديق الضرس.
| |
|
|
|
|
|
|
|
|
 يا سفيان زنقار ماكان فنان ومسرحي فقط بل كان ايضا لاعب كرة قدم ممتاز (Re: سفيان بشير نابرى)
|
Quote: فالفنان فضل المولى زنقار ذو مواهب متعددة فهو يعتبر بمقاييس عدة عبقريا ، فقد كان مغنيا و ملحنا و منشدا و ممثلا مسرحيا
و ذو خطًا جميلاً و كان ذا ثقافة واسعة و حضور و حركة لا تهدأ أثناء الغناء كما كان لاعبا مشهورا لكرة القدم مثله مثل الفنان القامة كرومة. |
هذه المداخلة من بوست اغاني واغاني فى موقع الراكوبة
وهى بقلم الاخ الحادى زكريا .
اها رايك شنو يا سفيان؟
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: ودالعباسية)
|
Quote:
يا سفيان ،،
عمك دا لكن يتزكر شنو ولا شنو ،،
مش كويس بتزكر الحاجات البقولها دي ،، الله يديه العافية بس |
الله يديهو الصحة والعافية ياود العباسية
بس اقول ليك زنقار دا طلع حكاية باتعه وفنان مكتمل ياخ بطل مسرحية
رسممممممي ومولفه سيد عبد العزيز وداخل المسرحية اتغنت تلاته اغنيات
تم تم عظيمة جداً جداً و اشتهرن وعايشات لي يومي و يومك دا !!!!!!!!
كيف يعني ما يتذكر وهو بيعتبر نفسو مسرحي و شاهد عصر !!!!!؟
مافي ما يغفر له ابداً صدقني.
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
تحياتي لكم جميعا
وهذه الليلة غريبة الواحد ما كان عارف يتابع شنو ولا يخليّ شنو لكن بالنسبة لى كانت الاولوية لسيد البلد
ثم اغاني واغاني ثم البراشا وانا كاتلوني الهوي . وكلهم سحرة ويأثرون الالباب . وهذا ما وافق هوي حلقة اليوم .
حلقة اليوم عن السحر والعيون فى الغناء
فى رائي كان الأنسب ان تكون أغنية سحروك ولا ادوك عين واظنها لمجذوب اونسه موجودة لصلتها بموضوع حلقة اليوم
وكان يمكن ان يكون اضافة ايضا للبرنامج علي مماثلة من استضافهم البرنامج.
بدأت الحلقة بأغنية انا ما معيون لسيد عبد العزيز والتي غناها العميد (عميد الفن ) الاستاذ أحمد المصطفى بعد عبد الله الماحي وكرومة
واشتهر بها . وتغنت بها منار ولكن فى رائي ان منار لم تتوفق فى غنائها بسبب ان منار لم تكن توضحّ كلام وتفصله بالشكل المطلوب
وكذلك كان الاداءا تقريريا وخالي من التطريب المطلوب . لذلك فهي تستحق 60% ومن لا يحفظ هذه الأغنية فأنه يجد مشقة فى معرفة
كلمات الأغنية بالطريقة التى ادتها بها منار وهذا اضعف اداء لمنار فى هذا البرنامج حتي الآن.
ثم جاء الدور للوجيه الفنان عاصم البنا ولكني اعيب عليه ايضا فى ادائه نطق بعض كلمات الأغنية مثلا سحروك والتى غناها سا حروك
وايضا تاحرم بدلا من سحروك وتحرم وباسمات بدلا من بسمات وهنا تتجلي المقدرة فى التطريب والاداء السليم الغريبة كان الكورس يؤدى النطق بشكل سليم بدلا
من المغني . على العموم رغم ذلك يمكننا ان نقول ان عاصم غني بشكل جميل ولكنه ليس الأداء الأمثل لعاصم وابدع الفنان عوض احمودى والفرقة ويستحق عاصم
70% على هذا الأداء والاغنية طبعا للفنان التاج مصطفى .
ثم كان الاداء بعده للفنان جمال فرفور فى جاهل وديع مغرور فى احلام صباهُ نايم خلي ومسرور لتصبح عن جمال فى إصرار عجيب فى احلام صباها بدلا من صباه
مفتوحه او مضمومة لا مشكلة ولكن ان تتحول فى صيغة المُخاطب فهذا يخلّ بالمعنى . وكذلك خطاء فى الاداء حين ادي الكوبليه الاول على ذات النسق فى المطلع والمعروف ان الكوبليه يختلف فى غنائه عن المطلع وليته سمع هذه الاغنية من الفنان الشامخ ابو داؤود ولكن رغم ذلك وما عدا هذه الهنّة كان اداء جمال ومظهره رائعا ويستحق 95%.
ثم عودة العافية للفنان عصام محمد نور فى اغنية ابو قطاطي وخليل اسماعيل بسحروك يا حلوة لو شافو العيون وبدأ الطرب واضحا عند الفرقة وخصوصا عوض احمودى الذى كاد ان يطير من كرسيه طربا . ولكن رغم ذلك لم يسلم عصام من خطاء فى النطق مثل ادائه فى والغزال حاسدِك ليصبح حاسداك مع ذلك كان عصام
بديعا ويستحق فى الاداء 98% بينما شاركه الشاب الجميل شريف الفحيل وكان يبد عليه عدم الحفظ مما اربك اداءه مثلا فى المقطع ياشبيه الحور بخاف مايسحروك
حيث اتمها بكلمة لم افهم معناها ولم اتبينها وكذلك فى دخلة شافن الجسم اللطيف حيث لم يكن ادائها سليما فى المرة الاولى وهو الكوبليه الذى غنياه سويا . على العموم يستحق شريف 92% على هذا الاداء .
ثم كان اجمل اداء فى الحلقة لاغنية العمرابى اندب حظي ام آمالى والذى اشتهر بأدائها ايضا المطرب الاستاذ الطيب عبدالله من نادر خضر الذى يجيد هذه الأغنية
وشاركه ايضا طه سليمان ولو انه لم يكن فى مستوي نادر فى الاداء ولكنه كان جيدا ايضا ولذلك كانت هذه الاغنية هي اغنية الحلقة استحق نادر خضر فيها العلامة الكاملة 100% نادر خضر وبرافو و97% طه سليمان ويبدو انه لايحفظها جيدا .
مستوى الاناقة كان عاليا بالذات فى الجانب الرجالى ومن الاوركسترا عوض احمودى بينما حافظن افراح الغير مشاركة وصباح على مظهر جميل
على العمومو لم يكن الاداء مجملا هى الاجود ما عدا نادر خضر
خارج النص اداء الهلال ذاتو ما كان مقنع لكن بنقول مبروك
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: عبد المنعم سيد احمد)
|
ود العباسبة وزعماء البوست ،، سلام وتحية ،،
والله أنتظرت تحليكم الليلة ولكن يبدو لى أننى سأنوم على جلد بطنى ،، فقط أسبقككم للتعليق فى الأغنية الثالثة التى غنتها أفراح عصام ،، يأخى دى طلعت برة خالص لا سلماَ تسلقت ولا تايماَ حفظت ولا أغنية كمّلت ،، الأغنية لم تكن تناسبها على الأطلاق ولا حتى بقية البنات ،، الأغنية كانت دايرة واحد من الجانب الخشن للمجموعة وهى ساكت أتدبست فيها ،، وحقيقة دبسوها ليها بقية زميلاتها عندما أصررن أن تكون الأغنية من نصيب أفراح.
فقط هذه وقد أكون مخطيئاَ فى رؤيتى هذه ،، منتظرين الفطاحل
ماهر
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: ودالعباسية)
|
بالرغم اني من الناس الغير مؤيدين وجود افراح عصام ضمن هذه الكوكبة
الرمضانية الا اني اتفق مع ود العباسية في الحتة دي
Quote: لكن ياخوانا ما عارف ،،بس انا شايف انه بالرغم قصر الاغنية ،،ولكن
ادتها بشكل كويس ،، |
وطبعا عشان الواحد ما يجحف في حقها كمغنية هي مرات عندها اشراقات لا بأس بها
وفي هذه الحلفة ارى انها قد وفقت الي حد كبير فقط كنت اتمنى ان تكون حافظة
للاغنية حتى تؤديها كاملة......
يا اهلنا بصراحة والصراحة لله ومن غير ما ناس حبايبنا كدا يزعلو
شريف الفحيل لم يقدم اي شي يمكن ان نسميه طربا في كل الحلقات منذ بدايتها
وشريف ماشي في تدهور شديييييييييييد وبقى يهتم بالمظهر والتبسم اكتر من
اهتمامه بالتطريب والروح الحية الاتي ابهجنا بل وازهلنا بها في حلقات رمضان
الماضي..... شد حيلك يا شريف عشان ما نولع فيك نيران صديقة هنا نفقدك ونقدك
حبايبنا .... 
للان اجمل حلقة هي حلقة عبد الله البعيو
تحياتي للجميع
| |
|
|
|
|
|
|
|
|
|
Re: اغاني واغاني (Re: mamkouna)
|
الحلقة الخامسة عشر : حلقة الطرب والإبداع مع الفنان علي ابراهيم اللحو.
وحديث عمنا الاستاذ السر قدور حول ارتباط بيئة المغني بعطاءه الفني وهو حديث علمي وتظهر فى نماذج كثيرة من الفنانين
ذوى الطابع الخاص فى الغناء مثالا لذلك ايضا الي جانب اللحو الفنان الاستاذ عبد الكريم الكابلى وكلاهما عازف عود مجيد
وفيها يظهر اثر الايقاع المؤثر فيهما وكذلك كنوذج مثلا الفنان عبد القادر سالم . وكل يعبّر عن منطقته وبيئته عن طريق الحانه
وايقاعاته. والحديث يطول فى هذه النقطة .
الاستاذ على ابراهيم من الاصوات القوية المشبعة بحس الفروسية والحماسة . وان بدأء صوته الآن فى التهدج بعامل السن
والمرض الا انه لا زال يحتفظ بقدرته على الاداء الجيد وهو ارفع مقاما من ان نقيمه وقد قدّم درسا مهما عن كيفية الاداء فى
أغنيته لابراهيم العبادى فى مدح المك نمر بالأخص فى رمية الأغنية والتي
ابدع فى الاداء فى العالي وفى القرار .
ثم كان الثنائي جمال فرفور وطه سليمان فى اغنية الكنينة وكان الاداء ممتازا لو لا محاولة مجاراة الأرتجالات التي يقوم بها
الاستاذ علي ابراهيم احيانا فى غنائه وإن فعل ذلك فمن حقه فهو صاحب الأغنية وعنده حق التصرف فيها وحتي ولو خلقت
خللا فى البنية الغنائية واللحنية ولكن على من يؤدى غيره فعليه ان يلتزم ببنية اللحن الاصلية كلمات وموسيقي , وهذا ما
احدث بعض الربكة مثلا عندما حاول ذلك الفنان جمال فرفور . على العموم كان الاداء جميلا وفيه استعراض للقدرات الصوتية
والتطريبية عند الاثنين وكان التفوق للفنان طه سليمان والذى حاول ان يبدو مقلدا لصوت الاستاذ علي ابراهيم اللحو بنسبة 97%
واستحق جمال فرفور 95%واخذت الأغنية طلاوتها وحلاوتها عندما عاود الاستاذ غناء آخر كولبيهين من الأغنية وهى اغنية تراثية
وكنت احسبها ملكا خاصة للاستاذ على ابراهيم وهى معلومة جديدة .
ثم افراح خايف عليك منك وكان يوم أفراح بدون منازع .برافو افراح تطريب واداء عالي مناسب جدا للأغنية وهى من كلمات د.
عزالدين هلالي والحان عبد الله الكردفاني وتستحق افراح 99% .
ويتواصل الابداع مع الفنان عصام محمد نور الذي ابدع واجاد فى تواه انا . اداء جميل وسلس يا عصام وتطريب جميل وحفظ جيد استحق
عليه العلامة الكاملة .
100% عصام محمد نور ابداعا ومظهرا. والسعادة تبدو على محيا الاستاذ على ابراهيم . وهى من كلمات المخرج التلفزيوني عبد الحليم
عبد الله والحان الفنان على ابراهيم.
ثم السمحة يا نوارة فريقنا والفنان نادر خضر وقد اداها بطريقته الخاصة وبالرغم من انه جميلا ولكنه اداء اربك الكورس قليلا . واعتقادى
الخاص ان نادر لم يكن موفقا تماما وهى من اشعار الاستاذ خالد عباس والحان على ابراهيم ويستحق على هذا الاداء 90%.
ثم اغنية الختام ما دام نسى العشرة للاستاذ الامين على سليمان التى اداها الثلاثى عاصم البنا وجمال فرفور والاستاذ على ابراهيم وكانت
بالفعل مسك الختام ومن الواضح ان اقرب صوت فى المجموعة لصوت الاستاذ على ابراهيم هو عاصم البنا وكذلك فى الأداء مما جعل اداء
سلسا وعذبا واستحق عليه 98%.
هكذا انتهت حلقة الاستاذ اللحو وتجاوزت اجمل اغانيه فى رائي المتواضع اذكر منها الطير الخدارى و اغنية يا اخوانى كان رقتو انا بوصف الشفتو .
| |
|
|
|
|
|
|
|
|
|
Re: اغاني واغاني (Re: Rawia)
|
غايتو انا سالى سيفى لابن برى الفنان الاب على اللحو اى زول يمد رأسه الدم برشوا
| Quote: هكذا انتهت حلقة الاستاذ اللحو وتجاوزت اجمل اغانيه فى رائي المتواضع اذكر منها الطير الخدارى و اغنية يا اخوانى كان رقتو انا بوصف الشفتو . |
نعم ..... ونمشى لتوتيل نزورها
يا طارق ميرغنى وضياء وناس بحرى يااخ ماتشيلوا حرف الحاء ده عشان نبقى اخوان احبة من بحرى..... برى
ود العباسية ماتجينا ياخ نسكنك برى اللاماب جنب الشريف الهندى
شوف الفنان حمد الريح خلى توتى وسكن برى
سفيان والله منور افطار بورداب الخرطوم
إبراهيم
| |
|
|
|
|
|
|
|
|
|
Re: اغاني واغاني (Re: إبراهيم عبد الحليم)
|
أول حاجة ... ترحيب شديد بــ أختنا ممكونه ...
ورمضان كريم ....
ومكانك أنتي ووجدان .. والباش ... شاغر تماماً
ياريت تطلي علينا تاني ...
___
حلقة أمس ... أنا بره الشبكة خالص منها ...
إحتمال ... لعلاقتي (غير الجيدة) مع غناء اللحو ....
غايتو ما ح أقول أي .. شئ .... بستنى صاحبي ودنابري ....
بس عجبني .... عجب العجب ... كلام أختنا بت المكي فوق ...
....
| |
|
|
|
|
|
|
|
|
|
Re: اغاني واغاني (Re: حاتم يوسف العبيد)
|
ممكونة ،،
Quote: التحية و الامنيات الطيبة للاخ العزيز ود العباسية و لكل زوار البوست الجميل
كل عام و انتم بخير
تقبل الله طاعاتكم
|
تصومى وتفطري على خير ،،
ويا هلا وغلا فيك ومنورة البوست والله بى طلتك ،،
لكن شكلك بطنك طامه ولا شنو ما عارف ،،
وربنا يجيب نجوان والخاال ،، وكل بقية العقد الفريد ،،،
طلونا ساكت ياااخ ،،
ابراهيم ،،
| Quote: ود العباسية ماتجينا ياخ نسكنك برى اللاماب |
ياسلام ياخى ،،
بري جميلة وناس حلويين ،،
بس ياخى العباسية دي ،، الواحد زي السمكة لازم تكون جوه البحر ما بتقدر تتطلع ،،
تحياتى يا فنان ،،
| |
|
|
|
|
|
|
|
|
|
Re: اغاني واغاني (Re: ودالعباسية)
|
معليش يا جماعة امس غياب لانو كان افطار بورداب الخرطوم
و الحمد لله كان افطار محضور و شفنا الناس وقابلناهم .
اول حاجة عايز اقوله هي الترحيب والتحية للخالة ممكونة
و اقول ليها والله طلتك فرحتنا وكل سنة وانت طيبة و تصومي
وتفطري علي خير و الجابك يجيب الرعيل الاول للبوست دا .
اهم حاجة برضو أني سعيد جداً بعدم حضور حلقة علي إبراهيم
اللحو لانو بشكل شخصي لا احب طريقته في الغناء ابداً ولكن
ممكن استمع لاغانيه اذما غناها شخص تاني وهذا هو ما فعلته
الان وسمعته الشباب والشابات عملو شنو وغنو كيف .
بالنسبة للحلقة:-
الحلقة ال15
حقلة الفنان عليّ ابراهيّم اللحو
بشكل شخصيّ ممكن اسميّها حلقة محمد بشيّر عازف البيّز جيّتار فقد كان مميّز جداً فيّ كل الحلقة و استحق لوحده اكتر من 10من10.
اغنيّة الكنيّنة فرفور وطه و آداء ممتاز من الاتنيّن و تميّز جميل من جمال و ابداع من طه
التقيّيّم10من10 (ممكن اديّهم اكتر من كدا برضو لانو صراحة عجبتنى عندهم اكتر من سيّدا).
افراح واغنيّة خايّف عليّك آداء ضعيف جداً وصوت مكتوم وضائع في اماكن القرار والسلم العالي (رغم أنى كنت بسمع بسماعه جوه اضنيني يا افراح بس صوتك بابح مافي نهائي) ودي حاجة غريبة عشان كدا ما قادر اديها إي تقييم بس للضمان ما اكتر من 2من10.
عصام محمد نور و تواه انا قمة الأمتيّاز وتطريّب عالى وتجويّد فيّ الآداء (عصام واصل كدا يّاخ)
التقيّيّم10من10.
السمحة يّانوارة فريّقنا ونادر خضر وكالعادة تميّز نادر بلونيّته المميّيّزه
آداء جيّد جداً وتطريّب عالى من نادر و حفظ سليّم بس واضح انو كورال المجموعه فيّهو مشكلة خطوط اصوات و اظن انو الاغنيّة
ما اتعمل ليّها بروفات كتيّر عشان كدا حصلت ربكة الكورال .
التقيّيّم9من10.
مادام نسى العشرة عاصم وفرفور
آداء فوق للمتاز وطرب عآلى من عاصم وفرفور و اجمل ديّتو والاستديّو يّتجاوب يّتفاعل معهم .
التقيّيّم10من10(برضو ممكن اديّهم اكتر من كدا لانهم غنوها افضل من صاحبه فى نظرى).
يّظل الفنان عازف الباص جيّتار محمد بشيّر مميّيّز فى هذه الحلقة بصورة تفوق الوصف و يّاريّت ضيّاء أو طارق ميّرغنى أو ابراهيّم عبد الحليّم يّورونى كلامى دا صاح ولا غلط ؟ وليّه تحديّدا الموضوع دا انا سامعو كويّس فى حلقة اللحو دى ؟ هل عشان طريّقة الحان اللحو!!!؟
اها يا حاتم كيف معاك كلامي دا!!!؟
إن شاء الله الليلة معانا كمان!!!؟
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: عبد المنعم سيد احمد)
|
Quote: الى العزيز ضياء الدين
عازف الفلوت الذى جمل هذه الحلقة
اليس هو الحاج مالك عبد الله ابن الحلفايا
لكم استمتعنا بهذه الليلة مع ملك الطرب
الفنان على اللحو |
Quote: صديقى الجميل منعم
ما اعرفه ان كثير من ابناء الحلفاية
كانوا ضمن فرقة الاستاذ على ابراهيم
منهم العاقب فى السكسفون
وعصام جني فى الكيبورد
واحمد نصر على الجيتار
ولكنى لا اعرف شخصيا الحاج مالك
وربما تكون هذه المعلومة صحيحة
تقديرى
ضياء |
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: ضياء الدين ميرغني)
|
Quote:
أصلو ما تأيسن .. وما يهمكن كلام أخوانكم وإخواتكم ديل ... أديتو أداء رائع جداً .. وإن جانبه عدم التوفيق أحياناً .. ولكن هذا ليس
نهاية الدنيا ! .... بعدين حاولوا أجدوا العذر لكل من قال كلمة أو حكم عليكم بأي حكم .. لأنو ناسنا ديل مابرضو في الغنا ده .. وهو
بالنسبة ليهم زي وليداتم ! ...... المهم نصيحة من أخ وصديق ومعجب بما قدمتو من جهد : علوا أصواتكن ، وما تخافن ، وحاولن
طلعن الجواكن بقوة وثقة .... وأطلقن لأصواتكن العنان ! علي الصوت يا أفراح ، وحاولي إكتشفي المدى بتاع صوتك وقدراتو ،
أنا متأكد إنكم بتقدروا ! أكثروا من التدريب وغنوا من الأعماق .. غنوا زي الكأنكم في فضاء أو حتة خالية من البشر ، بقوة وعمق
وإحساس .... تحياتي لكن .... وأشد على أيديكن .
|
يــــــــــــــــــــاسلااااام يا مامون
اتفق معاك تمااااام التمااام و والله والله والله اصلاً لا كراهية لحارقة منى او مننا كلنا كل هدفنا
انو افراح وصباح يكونو جاهزات ومستعدات بعديها يطلعو يغنو.
بالجد هن محتاجات يركزو مع نفسهم و محتاجات يفهمن كل ابعاد اصواتهن و محتاجات جد جد(الكلام ده
كررتو كتير) انهن يكونوا صديقات لاصواتهن و يقدرن يسيطرن علي المناطق العاليه والحادة ومناطق
القرار كلها بخيالهن و دى تمارين لازم عليهن ولازمه على كل فنان مغني .
متأكد انهن يملكن شجاعة وطموح يصلن لما يردن لكن سبقن الخطاوي و اشتهرن و اتعرفن و دي حاجة سالبة
في وجهة نظري لانهن احتمال يشوفن نفسهن خلاص وصلو عشان كدا ما ح يهتمو و دا الامر الممكن يقودهم
للدمار ...
شكراً يا مامون ياخ شكراً كتيييير.
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
الحلقة السادسة عشر
مع العملاق محمد الأمين
قدور يرحب بالاستاذ و يقول نحن في ضربة البداية للاحتفال
بالعيد الذهبي للموسيقار محمد الامين .
تحيات وتشكرات من الاستاذ محمد الامين للجميع في كلمة
ضافية لم ينسى فيها احد حتى المسرحيين من الراحل عوض
صديق .
بدأية الغنيات عويناتك من الاستاذ (سيد الشئ ذاتو)
طبعا مافي إي كلام عن الموسيقة .
و طبعاً الشياكة مافى زول بينافس فيها الراجل دا
نهائي.
كورال من مجموعة الشابات بشكل ممتاز .
فرفور ااااااخر مزاج و انشراح واستمتاع .
كورال من مجموعة الشباب بشكل جميل جداً.
الموسيقة .. العود .. الموسيقة .. العود.
فرفور اكتر واحد في الشباب يغني مع الاستاذ
باندماج و معايشة .
سعد الدين اخر انبساط و فرح وابتسامه
جميلة تظهر على وجهه.
يا سلااااام علي محمد الأمين يفتح مساحة
للشباب بطريقة جميلة و يكرر في الاغنية
حتى يشاركه الجميع ، ايوة كانت في ربكة
بسبب الحاجة دي بس تم السيطرة عليها بسرعة.
وحاجة جميييييييييييييييلة .
الله يستر من غنى الشباب براهم
لووووووووووووووول.
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
أغنيات محمد علي جبارة وحياة ابتسامتك و يا حاسدين غرامنا
و اغنية يا حاسدين غرامنا وعصام محمد نور
و يا سلاااام عصام يواصل تالق يوم امس ممتاز يا عصام
و الاستاذ اخر انبساط بالآداء .
الكورال من المجموعة حاجة تماااام .
التقييم 10من10.
اغنية الشاعر خليفة الصادق صاحب اسمر جميل فتان
و اغنية من شفتو طولنا وهذا يذكره الاستاذ محمد
الأمين .
نادر خضر يتكلم بكل زوق واحترام باسم زملاه في
البرنامج عن سعادتهم أن يشاركو الاستاذ الغناء.
نادر يغني من شوفتو طولنا .
الاغنية ركزو مع محمد بشير في البيز اوكي؟
ممتاز يا نادر قمة الروعة وقوة الصوت و الآداء
في بداية الأغنية .
مشاركة العملاق لنادر و واضح الطرب على وجه
الأستاذ في الديتو مع نادر .
الشباب منبسطين جداً جداً طرب شديد.
طه وعصام حلوين جداً في تفاعلهم مع الأغنية.
نادر بالجد صاحب استايل متفرد وطريقة خاصة
بين كل شباب جيله ممتاز يا نادر .
ختام كورالى من المجموعة بمصاحبة صوت الاستاذ
كصوت رئيسي.
التقييم10من10.
الظاهر الليلة يوم العشرات
لانو و اضح كل الشباب في الاستديو جاااااهزين.
ـــــــــــــــــــــــــــــــــــــــــــــــ
يا حاااااااااااااااااااتم و ينك يافرده
ما يفوت لايف.
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
حلقة أبواللمييييييين ....
منتهي الجمال ....
تقديمة لطيفه من عمنا لأبواللمين ....
ومكانته كأخد رموز الغناء في السودان ....
ومن ثم ... البداية بـــ عيوناتــــك .... ياسلاااااام
مزازيك في السلك ...
وطبعاً ناس سعد الدين ... من الناس العزفوا مع أبو اللمين ...
وغنا ... طعمه تاني ...
والشباب كلهم في حالة طرب ... وأدب ... وأبواللمين يتجلى في عويناتك ....
والبنات ... تداخل وكورس على خفيف ... لكن بالجد أدى طعم تاني للأغنية ...
الله عليك يا أبواللمين ...
وبريك للإعلان .... الله يقطع الإعلانات وسنينها ياخ...
___
غيتو الليلة ياسفيان .. لوما حصلت المولد د ... طوالي تمشي تتم باقي يومك مع المقاتل الشرس بهناك :(
..
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
4 سنين ... طه أبضرس ....
والله قوة قلب ساي من طه يغني الأغنية دي وقدام أبواللمين ...
عموماً الأداء معقول مع بعض الأخطاء في الكلمات ...
___
أشووووووفك بكره في الموعد ....
وأبواللمين .... والشباب كورس ...
ياسلااااام ياأبواللمين .... لوتعرفني كم بتعب .... بتعب بعيد عنك وأتألم....
قرب تعال ماتبتعد....قرررررب
والأستديو عبارة كتلة فرح وبهجة وطرب .....
ومتشكرررررين ياأبواللمين ....
....
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
الأستاذ يتكلم عن الشاعر فضل الله محمد و مشاوره معه
و يوعد باعمال جديده معه .
أغنية اربعة سنين و طه الضرس
يا سلاااااام يا طه و آداء ممتاز و طريقة واتقة
في الأغنية و بطعم ولون طه سليمان و صوته .
كورال ممتاز من الشابات .
انطراب من نادر وعصام و عاصم اما فرفور فسابح
في عالم تاني.
التقييم10من10.
و يتواصل كلام قدور عن فضل الله محمد بانه انسان
يختار مواضيع مختلفة (الجريدة - اشوفك بكرة في الموعد
قالو متالم شوية) و قدور يطلب من الاستاذ اغنية اشوفك
بكرة في الوعود و الاستاذ يسربع و يرد بسرعة:- عايز تشوفني
الساعة كم !!!؟
دا الكلااااااااااام الليلة مافي إي زول الفرقة ممتازه
لانو كلامو حيكون ناقص .
كورال من الشابات في تمااام الموعد و برضو الشباب .
حصة .. درس .. حصة .. درس .. حصة .. درس ... الخ
في معرفة امكانية الصوت و مصادقته وملازمة كل ابعاده .
يا سلااااام على فرفور في تماااام الموعد بالزبط
صباح صوته ظهر سمعتوه!!!؟
كورال ون تو بين الشابات والشباب في قمة الروعة
الاستديو كلوووو يقيف في منظر غاية في الجمال
و الاستاذ في قمة الطرب والتفاعل بسم الله ماشاء الله
و يتجول في الاستديو بين الشباب والشابات .
و احلى حلقة على الاطلاق في هذا البرنامج منذ بدايته
و احلى ختام .
يا سلاااااااااااااااااام والله حقو تانى يقفلو النيل
الازرق ذاتو .
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: حاتم يوسف العبيد)
|
سفيان...نحن في بلد مانديلا بنشاهد البرنامج في بوست ود العباسبة دا بس!!!
اغنية الشاعر فضل الله محمد (الحب والظروف) والمشهورة بإسم (قلنا ما ممكن تسافر) هي من اجمل ما غني ابو اللمين...والله عاوزين نسمعها مع صوله) رائعة من احمدية...ياخي دي اغنية في حوار عاطفي هادئ ونبيل...
قلنا ما ممكن تسافر..نحن حالفين بالمشاعر
لسه ماصدقنا إنك....بجلالك جيتنا زائر
السفر ملحوق....ولازم إنت تجبر بالخواطر
لو تسافر دون رضانا.....بنشقي نحن الدهر كلو
مابنضوق في الدنيا متعه...وكل زول غيرك نمِلـّو
ياريد عمنا السر يقيف فيها لما بها من لحن وكلمات نقلت ود الامين نقلة قوية..
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: مازن فيصل هلال)
|
Quote: سفيان...نحن في بلد مانديلا بنشاهد البرنامج في بوست ود العباسبة دا بس!!!
اغنية الشاعر فضل الله محمد (الحب والظروف) والمشهورة بإسم (قلنا ما ممكن تسافر) هي من اجمل ما غني ابو اللمين...والله عاوزين نسمعها مع صوله) رائعة من احمدية...ياخي دي اغنية في حوار عاطفي هادئ ونبيل...
قلنا ما ممكن تسافر..نحن حالفين بالمشاعر
لسه ماصدقنا إنك....بجلالك جيتنا زائر
السفر ملحوق....ولازم إنت تجبر بالخواطر
لو تسافر دون رضانا.....بنشقي نحن الدهر كلو
مابنضوق في الدنيا متعه...وكل زول غيرك نمِلـّو
ياريد عمنا السر يقيف فيها لما بها من لحن وكلمات نقلت ود الامين نقلة قوية.. |
الهادي أخوي سلام وتحيات تجدك في آمان و سلام
و رمضان كريم ياخ وربنا يجمعك مع الاهل في الظروف التتمناها .
و يا الهادي وحاة الله انا منتظر تلاته اغاني عظيمة من العملاق دا (كل اغانيه عملاقة)
هي الحب والظروف و بتتعلم من الأيام و ذات الشجون
لكن قلته :- خلي بالك يا ود يا سفيان أبو الأمين لو غنى الاغاني دي الشباب يتفرجو و يسمعو
و يمرقو يمشو و يقفلو ابواب النيل الازرق وراهم ولا يقولو أم بغم ذاتو و طبعاً قطع شك برضو
مع الأغاني دي لا في بهية مهندس لا ناس افندية و ربع كيلو في .. نص كيلو في و بالكيلو في
ولا دعاية تيقا الفيها الولد والبت الصوتهم زي صوط العنج ديك.
و يا الهادي اخوي كل شئ مسطر ياخ ونحمد الله على جزيل نعمائيه .
وسنتك طيبه .
و مشكوووووووور يا أبو الأمين.
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: عبدالله السفاح)
|
عبد الله السفاح ضربك يا ود العباسية
ما عندك حل غير تجي تكتب رسميييي
و يا مامون كلامك صاح عن حيدر بورتسودان
و الصاحب الصديق والدفعه سيف نورين
و بالتاكيد لاقتناعي بسمعك النضيف فالوله
دا بيكون زيهم .
ممكن تضيف الاستاذ عادل مسلم برضو فعادل
بيعرف يغني لابو الأمين بصورة مدهشة.
لكن رآي انو الشباب الليلة كانو مميزين
بصوتهم الخاص و طريقتهم الخاصة و ظلم كبير
اننا نقارن أبو الأمين بيهم كدا بنكون ظلمناهو
ظلم شديد و ظلمنا الشباب برضو .
بتفق معاك انو البرنامج كلو يحتاج لبرمجة
جديدة ونظرة مغايرة.
| |
|
|
|
|
|
|
|
|
 Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: عبدالله السفاح)
|
http://www.youtube.com/watch?v=s4z7RYhKcRk[/center]
الشاعر الدكتور مبارك بشير وقصيدته ( عويناتك لمحمد الأمين )
أعادت الأغنية التي غناها الأستاذ المطرب محمد الأمين في برنامج أغاني في قناة النيل الأزرق طيف أيام أكثر زرقة من السماء الصافية أو الملونة بالغيوم أو زرقة البحر الهادئ من تلون الهواء الذي تكسرت فيه الألوان وتشتت .
أقول ليها عيونك زي سواد قدري مُكحلة عمري من بدري ...
لو بقدر أسافر في بريق لحظك وما أرجع
لقد نفذت الشاعرية إلى لغة كتبت موسيقاها على جُدر اللحظات الباهرة التي تراخت على سرعة الضوء الخاطف . لغة هي جديدة في مطلع سبعينات القرن الماضي ، تنهض فتنتها ، وتمسح على شكل ومحتوى العشق أكبر من مأساة الواقع الفج الذي نلمس اهتراء الأحاسيس الرقيقة الدافئة . صور أضفت نمو الرومانسية منذ بدء القرن الماضي ، تعدت فيها القصيدة الغنائية عتبات المباشرة إلى سحر القرون التي أطل عليها الشاعر من رصيده وفتح كوة في النظر إلى رؤى القصيدة وهي تؤاخي انفلات شعراء الإنسانية في رسم خطاهم وهي تركب عجلة الزمان وتهاجر إلينا .
ماذا كتبنا يا تُرى منذ زمان ؟
الحُزن النبيل مع الشاعر الدكتور / مبارك بشير سليمان
جامعة الخرطوم ، أوائل السبعينات من القرن الماضي .
كُنت مع أحد الأصدقاء في الباحة بين بنايتي كسلا والقاش في مُجمع داخليات ( البركس ) التي كانت في الأصل ثكنات الجيش الإنجليزي قبل جلاء المُستعمِر . بناءان قاما في الستينات ، لكلٍ أربع طوابق ، في الطابق الأرضي من إحداهما غرفة عامة ، وفي الطابق الأرضي من الأخرى مُصلى وتجاوره بعض غرف السكنية لطلاب الجامعة . الوقت قبل الغروب بقليل حين أخذ الصديق ( محمد على ) بيدي فرِحاً وهو يقول : ـ
ـ أُعرِّفك اليوم على طالبٍ وديع نبيل ، وشاعر مُرهف الحِس ، يتقدمك عاماً دراسياً . هو في السنة الثانية في كلية الآداب و هو ( رُوميِتي في الغُرفة ) واسمه مُبارك بشير .
كان مُبارك حينها يرتدي جُلباباً أبيض ، يجلس على مقعد ويديه تُقلب أوراقاً . أدار محمد علي مقبض الباب وصرنا نواجه ظهره ، قام من مقعده للتفقد و التقت العيون ببعضها . لم يدر بذهني أن خيط الود الرفيع الذي بدأ يربطني به منذ تلك الساعة ، سينسج بُردة رائعة النسج من رفقة الصداقة التي تُلوِن العمر . تتوهج بالفراق وتتقد ثم تُزهر باللقاء عندما تضمنا إلى صدرها بقعة من بِقاع وطنٍ ، غُباره حنين على الرفقة رغم العَنت ْ .
أمسكت يده وأنا أتطلع . هادئ الوسامة بسُمرة لون أليفة لمرآي في ذاك الزمان ،فنحن في شرخ الشباب بين السادس عشر والسابع عشر مما مضى من عمرنا . عيناه واسعتان بحوَر لا يُلْحَظ . تبسم وبعد كلمات التعريف الأولى استطرد محمد علي : ـ
ـ إنني سعيد إذ تخيرتني الصدفة و اقتسمت السكن مع مبارك و آخرين . هذا الصغير الذي تراه هو شاعِر ( عِويناتِك ) التي لحنها وغناها الموسيقار محمد الأمين !
قلت بفرح وإعجاب طفولي : ـ
ـ أتلك القصيدة العاصفة المُلتهِبة المشاعر ، كَتبها هذا العِمليق المتضمخ بالوداعة والهدوء والرقة واللطف !
كان لفوران الصِبا وضجيجه يمنعانُِك الصبر على المُتعة القادمة ، وقد يسرتها الصُدفة .
بعد إلحاح كتبها لي قبل أن يقرأها علينا : ـ
عويناتِك تُرع لُولي وبحَار يَاقوتْ
مناحات ريدْ حَزاينية
بغازِل فيها مأساتي
وفي فرَح العِبور ليها
بَموتْ وأكسِر شراعاتي
....................
تطفلت وسألته وأنا أسير دهشة لا أول لها ولا آخر ، فدروب الكلِمات كدروب الحواري في المُدن القديمة ، معانيها فاجأتني بصباح جديد آسر وأنا في وقت الغروب ، ومحبة للحُزن لم أعرف لها سبباً : ـ
ـ أتفتح لي قلبك وتحكي قصتها ؟
صمت هو قليلاً وخاطبني بلغة حيادية : ـ
ـ هي قصيدة وفي باطنها كل شيء .
عرفت حينها أنني قد أسرفت في الفضول ، فمائدة ذلك المساء كانت تكفيني أياماً وأسابيع ، فالغول الأكاديمي في شُعبة هندسة العمارة يأخذ كل وقتنا ، ويحرم الجميع من أنس يُمتِِّع و حديث يعبُق إلفة . مصطلحات جديدة علينا تُمسِك بتلابيب النفس لتتمرَّد على الكلام العادي والمسلَكْ العادي والأُنس والمَحبة التي اعتدنا من قبل .
خرجت من بعد لقائه الأول وأنا مُشتتْ الذهن ، قرأت القصيدة مرة ، ومرات . فتبدت الدُنيا في ناظِريّ امرأة تنظر أنت عيناها ويتسع المَشهد لترى بُحيرة ماء وسط خُضرة . يسبحُ اللأوز فيها كاللؤلؤ الأبيض ، ولون الماء يتقلب ياقوتاً . اختلطت عليّ الرؤى والتفاسير .ضحِكت عليّ سذاجتي ، فاللُغة قد أسرجت أفراسها وانطلقت ، وأنا من ورائها ألهث أطلب اللحاق! . قلت في نفسي أينعت أرض النيل فارِساً في شِعر الغناء عندنا ، فميلاد الإبداع الجديد من ذواكِر تراث حضاري قديم نُشيِّد قوائمه نحن إن أردنا بالقراءة ومناهِج الآداب و العلوم . كُنت قبلاً أتشكك في السُلالات البشرية ، أهم بالفعل أبناء ملوك الزمان ؟ . سكن الهاجِس حينها ، وقلت لنفسي ربما هي قصيدة ، فكيف أغير رؤيتي للتاريخ وأبنائه من مشاعر طفحت وأنا في نشوة الصِبا وفوران الشباب وأحاسيسه المُتلاطمة ! .
.............
عبد الله الشقليني
28/04/2005 م
*
(عدل بواسطة عبدالله الشقليني on 08-18-2011, 07:31 PM)
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: ياسر كرار محبوب)
|
الليلة حلقة ولا فى الاحلام ،،
حلقة مميزة كون انه ضيفها الباشكاتب محمد الامين ،،
ومميزة لانه فى حضرته شباب اغانى واغانى كانو فى قمة الاستمتاع والاحترام لى هرم كبير
فى سما الاغنية السودانية ،،
ونشكر كتير عصام محمد نور ونادر خضر وطه سليمان الاشتراك فى اداء اغانى الموسيقار
محمد الامين ،، حفظ جيد ،، ثبات فى الاداء اما هذا الفنان الكبير ،،
الاخ ايمن تابر سلامات ،،،
اثقلت عليهم هؤلاء الشباب ،، اصلا لاتوجد مقارنة بينهم وبين الموسيقار وهم يدركون ذلك
والا لما جأت هذه الحلقة بكل تلك الفخامة والمتعة التى استمتعنا بها ،،
ودسفيان ،،،
Quote: لكن رآي انو الشباب الليلة كانو مميزين
بصوتهم الخاص و طريقتهم الخاصة و ظلم كبير
اننا نقارن أبو الأمين بيهم كدا بنكون ظلمناهو
ظلم شديد و ظلمنا الشباب برضو |
اضم صوتى لصوتك يا صديقى ،،
عبدالله السفاح ،،
منورنا بى طلتك وشكرا ليك كتير على الفيديوهات ،،
وكل ضيوفنا فى حضرة الفنان الكبير الموسيقار محمد الامين
مرحب بيكم كتير ،،
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
Quote: بختك لقيته ساااااااقطه الليلة صااااح
|
يازول ،، كيف ما لقيتها ،، ابوالامين جاب ناس السفاح زاتهم ،،
تعرف يا سفيان ،،
غايتو من وجهة نظري ،، انه الحلقة دي اصلا ما ينفع يغنى فيها زول غير محمد الامين
انا لا قريت موسيقى ولا بعرف اعزف زاته ولكن مستمع فقط ،، عايز اقول انه
البنات الحسناوات ،،لايمكن ان يغنو غنى محمد الامين ،، لو لاحظته فى عيوناتك هو كان عايزهم
يشيلو معاهو ،، ولكن اتخيل لى السلم يختلف تماما فما قدرو يدخلو فى الاغنية،، وسكاتهم
واستماعهم انا شايفه انه محمده كبيرة انه يكونو فى حضرة محمد الامين ،،
نجى لى الشباب ،،
الاداء من عصام ونادر كان بكل صراحة جيد جدا ،، ما عجبنى طه سليمان ،، ولكن نديه اجر
المحاولة امام محمد الامين ،،
اما فرفور وعاصم وشريف ،، برافو عليهم انهم ما دخلو فى التحدي دا ،،
الشى التانى ،، ودالامين دا مش بغنى الاغانى دي ليه دشليون سنة كدا ،، وبرضو نحن بنكون
اخر سلطنة وانبساط واستمتاع ،، الليلة مع الشباب ديل كان اكثر سلطنة ودي براها حاجة
كويسة فى حقهم ،، لانه معروف انه محمد الامين ما بجامل بل كان بحاول انه يدخلهم
معاهو فى الاغنية ،،
المهم فى النهاية نحن وهم استمتعنا بى حلقة جميلة جدا ،،
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: ودالعباسية)
|
تحياتى ود العباسية و ذواقــة سودانيز أون لاين أجمعين
شكراً على البوسط الحلو دة، أنا شخصياً ريحنى من التلفزيون و الدعايات السخيفة..
* صراحـة اللبس أسوأ ما فى الموضوع، و القناة محتاجة لمتخصص خصوصاً للأخوات و منار بالتحديد. و شريف أخير ليه يفارق السيتان و القمصان أم لمعان..
التقيم بتاع سفيان و ضياء حاجة تفرح، و شخصياً بتحضر شعورى لسماع الأعمال..
تحياتى و متابعين معاكم..
أبوذر
| |
|
|
|
|
|
|
|
|
 Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: ودالعباسية)
|
الحلقة السادسة عشر مع عملاق الفن السوداني الحديث الاستاذ محمد الأمين
اولا فى حلقة مثل هذه لا تتوقعون مني او من اي شخص آخر ان لا يكون منحازا . ولذلك انا منحاز للنغم الجميل
انا منحاز للعود البديع . انا منحاز للتصوير الموسيقى المبدع للكلام فى اغاني ابو اللمين . انا منحاز بكلي لمحمد الأمين.
وخالص التهاني للاستاذ محمد وهو يشجينا لمدة خمسين عاما وامنياتنا له بدوام الصحة والعافية .
بدأت الحلقة برائعة الاستاذ عيوناتك وهى من الاغاني الصعبة التى يمكن فيها الغناء الجماعي ولكن عبقرية الاستاذ وتوزيع الادوار
جعل ذلك ممكنا. ومن المعروف ان الاستاذ محمد الامين دقيق جدا فى ضبط موسيقاه نوتة والالات لذلك لا تسمع ابدا نشازا فى موسيقى
محمد الامين ولا مجال لاي صولو غير متفق عليه وربما يلاحظ ذلك كل المشاهدين حالة الترقب المهيب فى اداء الفرقة الموسيقية
وحالة القلق امام وجود هذا العملاق من الفنانين والفنانات فى الاستوديو. ولكن دائما يفأجئك الاستاذ من حيث لا تحتسب . وكانت المفاجاة
لنا فى صولو العود وفى المنطقة التى لعب فيها الاستاذ محمد الامين . وهي اقصى مكان يمكن الوصول اليه فى رقبة العود بالامكان طبعا
الوصول الى ما هو ابعد من ذلك فى حالة اضافة وتر آخر للعود. ولم يكن مفاجئا ان الاستاذ محمد الامين وبعد خمسين سنة من العطاء يؤدى
بصوت سليم ليس به اى شروخ او تهدج حماه الله ورعاه. وليس لمثلى ان يعطي محمد الامين علامة فقد فاق الابداع ويتجلى ذلك فى الكوبليه الاخير
حين تاه الاستاذ لحظة فاتي بآخر الكوبلية ليستدرك ذلك بحرفنة عجيبة ليعود من( ولو بقدر ) الى (اقول ليها عويناك جدار وعدى) ثم يكمل الى آخر
المقطع . وساد الارتباك لحظة من الكورس ولهم الحق فهم امام محمد الامين وذلك لوحده يسبب الربكة دعك من الغناء مع هذا العملاق .
نقول ابدعت يا استاذ . وطبعا عند محمد الامين لا ياتي العمل منقوصا لذلك تم تقديم اغنيات كاملة البهاء فى الحلقة وكانت هذه ميزة فريدة فى امسية
اليوم . هل لاحظتم مدى الاندماج فى اللقطة ظهر فيها سعد الدين الطيب وهو يذوب طربا فى عويناتك وكذلك السر قدور . كان الضعف الوحيد هى فى محاولة
فرفور حين يشذ من المجموعة المتحفزة . واستطيع ان اتفهم ذلك فلهم العتبى . على العموم كان جمالا ليس بالامكان وصفه اداء الف% استاذنا.
والاغنية من كلمات الاستاذ مبارك بشير
ثم غني عصام بابداع منقطع النظير يا حاسدين غرامنا والابداع فى اداء عصام انه جمع بين الادائين للأغنية القديم والجديد . فمن لم يسمع الاستاذ
محمد الامين فى بدايته وصوته الرقيق حينذاك يمكن ان يسمعه فى اداء عصام هذه الليلة واراهن ان الاستاذ كان مستمتع بالاداء لانه اعاده الى
بداياته وانه استذكر خمسين عاما من العطاء مع صوت عصام وكان اختيار ذكي من عصام ومن الاستاذ السر قدور لاداء هذه الاغنية بهذا الشكل
100% برافوا عصام العودة القوية لحلقتين على التوالي . ابدعت الاوركسترا جدا ولكن بالله عليكم استمعوا لعود عوض احمدى فى هذه الاغنية
وبالاخص فى ختامها. وايضا شاركته المجموعة باداء ممتاز والاغنية من كلمات محمد على جبارة
ثم غني نادر خضر بابداع ايضا من شوفته طولنا للمرحوم الاستاذ خليفة الصادق وبالفعل عندما اشترك الفنان الصديق نادر خضر فى منافسات
الدورة المدرسية غني للاستاذ محمد وحياة ابتسامتك كاملة ولانه لم يجد من يعزفها قال بغنائها وترديد الموسيقى ولازماتها بفمه وكان الاستاذ
يوسف الموصلى فى لجنة التحكيم وهو من روى هذه الرواية. وشاركه الاستاذ محمد الامين ونال نادر درجة الاداء الكاملة ايضا 100%
واداء جميل من الاوركسترا وكان التميز للعازف الفنان محمد بشير الجندى المجهول (عازف البيز جيتار) وانا اعنقد جازما بانه احسن عازف
بيز جيتار فى السودان حاليا. وكذلك مشاركة جيدة من المجموعة .
( الجدير بالذكر انني نلت شرف التعامل مع المرحوم الاستاذ خليفة الصادق فى اغنية صبري انتهى وربما تظهر قريبا بصوت الفنان الشاب المبدع
مصطفى السنى)
ثم جاء الدور علي طه سليمان وغني للاستاذ محمد الأمين من اروع أغانيه اربع سنين من كلمات الاستاذ الصحفى رئيس تحرير جريدة الخرطوم
حاليا فضل الله محمد وقد اداءها بامتياز دون تقليد عليها 99% . واداء مبدع للاوركسترا وتناغم مدهش بين القصاص وسعد الدين وعوض احمودى
و مبالغة فى اداء الايقاع من مليجي .
ثم فاكهة الحلقة ومنتهي الابداع والكمال من الجميع واغنية الموعد لفضل الله محمد والباشكاتب بنفسه فى الاداء ومقدمة موسيقية مافى اروع منها
من سعد الدين الطيب والاوركسترا تحت توزيع واشارات محمد الامين . ومشاركة اكثر من رائعة من الجميع . تصور روعة الغني والموسيقى
انها الحلقة الاجمل على الاطلاق فى البرنامج حتي الآن . شكرا استاذنا محمد الامين شكرا للاوركسترا او بالمعني الأصح للفرقة الموسيقية
وشكرا للمجموعة رغم بعض التردد فى بعض الاحيان. وطبعا هى المرة الاولى التى تصاحب فيها الطلبة اغاني محمد الامين الى جانب الدربوكة
والله منتهى الابداع زادك الله عمرا وابداعا استاذنا محمد الامين.
الاستاذ محمد الامين كعادته دائما مكتمل الاناقة وحضور كثيف للاناقة وسط الشباب والشابات والسر قدور نفسه.
شكرا للجمال
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: احمد محمد بشير)
|
مدرسة محمد الأمين بتمنى الشباب يستفيدوا منها ويعرفو أنو الموهبة الحقيقة هي البتخلد ..وهي البتبقى ..أما الزبد فحيتلاشى براهو ..مشاء الله وتبارك الله صوت "ودالأمين" وهو بحتفل بيوبيلو الذهبي أنقى من الألماس ..ربنا يحفظوا ويخليه وهو من القليلين البدخلوا النشوة لقولبنا بحبك يا أستاذ ..
صحي جو الأحترام كان سايد ..لكن جو الخجل كان أسيد، المواهب الضعيفة إتوارت خجلا ..وصوت البنات أبى يطلع ..مفهوم ده يحصل مع صباح وأفراح ..لكن منار ورماز فوتوا عليهم فرصة إمكن ما تتكرر الغناء ككورس خلف الأستاذ ..
عصام كان جيد ..
طه لاباس به
نادر ما كان يذكر معلومة أنو كان بيقولوا ليهو محمد الأمين الصغير لأنو البون شاسع ..
كل الأصوات الموجودة على جمال بعضها في البرنامج ده مجتمعة ما بتعادل صوت ود الأمين ..
وقدر ما تمنيت أنو يكون مع الأستاذ أكتر من حلقة قد ما اشفقت على الشباب ..ربنا يوفقهم ..
| |
|
|
|
|
|
|
|
|
 Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: عبدالله السفاح)
|
يا اخوانا وانا بقراء كل تعليقاتكم دى ماشايف زول دعى لمحمد الامين بالصحة والعافية و الدعاء مستجاب فى رمضان. بل ان الرجل انتشاره الكثيف الاخير كأنه يودع وخايف من مرضه الذى ازداد وهو حاليا بلندن للعلاج. بل انه فى حفلته الاخيرة بنادى الضباط ودع جمهوره وهو يبكى بكاء شديد جدا كانه آخر لقاء معهم.
اللهم اشفى محمد الامين شفاء ما بعده سقم
فى الاول لمن شفت العود فى يد محمد الامين افتكرت انه اشترى عود جديد وبدل العود البحرينى الذى كان يعزفه فى السنوات الاخيرة ولكن مؤخرا مع تقدم الحلقة لاحظت انه استلف فقط عود الاستاذ عوض احمودى ليعزف به اغنية عويناتك فقط ورجعه له بعد الاغنية. عوض احمودى عزف على العود باقى الاغنيات حاسدين غرامنا وشوفتوا طولنا واربع سنين.
طبعا و بدون شك ان عوض احمودى هو خريج مدرسة محمد الامين فى العود. كثيرين يقولون لى ان عوض احمودى فات محمد الامين فى العود. واهو جاء اليوم الاثبت عكس ذلك. لماذا لم يعزف عوض احمودى اغنية عويناتك تحديدا؟ هو ده اجابتى العملية ,,,,ان محمد الامين هو المتربع الذى لازال على قمة العود واجزم لسنوات طويلة قادمة.
ذكى انت يا عصام محمد نور. الجمع بين صوت محمد الامين القديم ذو الشجن والبحة لزوم مرحلة الخمسينيات والستينيات وصوت محمد الامين الحالى القوى جدا جدا
ذكى شديد انت يا عصام.
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: طارق جبريل)
|
حينما وقف عباس محمود العقاد أمام شلالات نياجارا لاول مرة ، عجز الأديب الأريب والشاعر المفوه عن الكلام ، ولم يستطيع القول سوى ترديد عبارة نياجارا ، نياجارا ، نياجارا ثلاث مرات
وبدوري أنا أقول ـ ود الأمين والأمين والأمين
متعك الله بالصحة والعافية ، وحفظ مبدعاً رائعاً ، لتمنح هذا الشعب جرعات من الفرح ،
ولتكن منبعاً للطرب والأبداع ، والفن الأصيل لا ينضب معينه للأبد
فقط لفت إنتباهي أمرين آمل أن أسمع فيهما رد من إدارة قناة النيل الأزرق ، والقائمين على أمر البرنامج على وجه الخصوص :
لم أختزل كل إبداع الهرم محمد الأمين في حلقة واحدة ، علماً بأن عدد من الفنانين خصصت لهم قرابة ثلاث حلقات أو أثنين وأخرهم إبراهيم عوض ـ فحلقة محمد الأمين التي أحدث دوي هائل في الوساط الأعلامية ، كان من المفترض أن تتبعها حلقات
ثانياً ـ لم لا تقوم القناة بعمل تنويه في الشريط الإعلاني ، بضيف الحلقة حينما يتم إستضافة عمالقة بحجم الأمين ، حتى نتفرغ للحلقة ، ونلزم بيوتنا ، وقد أصابتنا الحسرة مساء أمس حينما عدنا للمنزل ووجدنا أكثر من نصف الحقلة فاتنا
| |
|
|
|
|
|
|
|
|
 Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: إبراهيم عبد الحليم)
|
Quote: يا اخوانا وانا بقراء كل تعليقاتكم دى ماشايف زول دعى لمحمد الامين بالصحة والعافية و الدعاء مستجاب فى رمضان. بل ان الرجل انتشاره الكثيف الاخير كأنه يودع وخايف من مرضه الذى ازداد وهو حاليا بلندن للعلاج. بل انه فى حفلته الاخيرة بنادى الضباط ودع جمهوره وهو يبكى بكاء شديد جدا كانه آخر لقاء معهم.
اللهم اشفى محمد الامين شفاء ما بعده سقم
فى الاول لمن شفت العود فى يد محمد الامين افتكرت انه اشترى عود جديد وبدل العود البحرينى الذى كان يعزفه فى السنوات الاخيرة ولكن مؤخرا مع تقدم الحلقة لاحظت انه استلف فقط عود الاستاذ عوض احمودى ليعزف به اغنية عويناتك فقط ورجعه له بعد الاغنية. عوض احمودى عزف على العود باقى الاغنيات حاسدين غرامنا وشوفتوا طولنا واربع سنين.
طبعا و بدون شك ان عوض احمودى هو خريج مدرسة محمد الامين فى العود. كثيرين يقولون لى ان عوض احمودى فات محمد الامين فى العود. واهو جاء اليوم الاثبت عكس ذلك. لماذا لم يعزف عوض احمودى اغنية عويناتك تحديدا؟ هو ده اجابتى العملية ,,,,ان محمد الامين هو المتربع الذى لازال على قمة العود واجزم لسنوات طويلة قادمة.
ذكى انت يا عصام محمد نور. الجمع بين صوت محمد الامين القديم ذو الشجن والبحة لزوم مرحلة الخمسينيات والستينيات وصوت محمد الامين الحالى القوى جدا جداذكى شديد انت يا عصام. |
انا غايتو دعيت له شوف فى المداخلة . وايضا نتفق فى ذكاء عصام محمد نور من شدة التطابق فى الراي تظهر كما لو انها اقتباس ههههههههه
مؤكد يا ابراهيم ان صديقى الفنان المبدع عوض احمودى ليس خريج مدرسة محمد الامين عزفا فقط بل كذلك غناءا ايضا وهو الجانب الذى تخلي عنه
فحين بداء عوض من عطبرة كان مقلدا للفنان محمد الامين كما هى بداية صديقنا الفنان نادر خضر والى حد ما الفنان عصام محمد نور ود مدني ايضا.
واتذكر عندما قابلت عوض فى بداية التسعينات فى الاذاعة ثم توطدت العلاقة بيننا بعد ذلك لتصبح اسرية وزيارته المتعددة من خلال منتدى الحلفاية ولمنزل
الاستاذة اسماء حمزة (خالتى) وحتي فى بيتنا الكبير حوش عباس بشير والد الموسيقار بشير عباس (خالى) ايضا ، بدت بيننا وعود وهي ان يغنى عوض بلحن
من الحاني . غير ان هذا المشروع لم يكتمل واختار احمودى اتجاهه الصحيح بان يعطي هذه الالة المتميز فيها وقته لها وبذلك يصبح رقما لا يُستهان به
فى عالم العوادين فى بلدنا . ما يميز احمودى بانه لم يكتفى فقط بانتمائه لمدرسة محمد الامين فى العزف بل ايضا تشرب موسيقى ومدرسة بشير عباس
فى العزف ايضا رقم الطريقة الغريبة التى يعزف عوض بها العود وهو يمسك الريشة كمن يمسك قلما ليخط به اجمل الالحان ويزيد فيها بألقه.
الذى استغرب له ورغم المخزون الموسيقى الهائل الذى يحفظه عوض احمودى انه لم يقتحم مجال التلحين بشكله الواسع وانا اراهن انه لو فعل ذلك
لاصبح احد اجود وابرع الملحنين فى السودان . وليت صديقى عوض يفعل ذلك.
دون شك لايمكن ان يجتاز التلميذ استاذه مهما بلغ من المقدرة خاصة مع الوعي بحقيقة التطوير المستمر للاستاذ فى ادواته ومثال لذلك طريقة عزفه
لصولو العود مثلا فى عويناتك . وكما قلت سابقا : اقتباس :
Quote: ولكن دائما يفأجئك الاستاذ من حيث لا تحتسب . وكانت المفاجاة
لنا فى صولو العود وفى المنطقة التى لعب فيها الاستاذ محمد الامين . وهي اقصى مكان يمكن الوصول اليه فى رقبة العود بالامكان طبعا
الوصول الى ما هو ابعد من ذلك فى حالة اضافة وتر آخر للعود. ولم يكن مفاجئا ان الاستاذ محمد الامين وبعد خمسين سنة من العطاء يؤدى
بصوت سليم ليس به اى شروخ او تهدج حماه الله ورعاه. |
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: مامون أحمد إبراهيم)
|
في منتصف السبعينيات كنا طلبه بجامعة الخرطوم وكان نجوم كل حفلات الجامعة
حينئذ خمسة ثلاثة منهم سائدون محمد الامين ومحمد وردي وابوعركي البخيت
والاخرين هما عثمان حسين ومصطفي سيد احمد
قمة في قمة
نتواري خجلا حين نضع انفسنا في مرجحي اي ميزان سلعته محمد الامين او اغانيه او شعرائه
اللهم اشفيه لا شفاء الا شفاؤك شفاءا لا يغادر سقما
دعواتنا له بالشفاء هو اضعف الايمان
رجل اعطي ولم يستبق شيئا
قمه في الروعة والابداع في كل مازوره صاغها لحنا او في اي ضربة وتر اهتز بحضرة احبائه
اواهة اصدرها لحبيب ينادي حبيبه بريدك يا صباح عمري او في استدعاء الماضي التليد
يا اكتوبر انحنا العشنا ليالي زمان
في قيود ومظالم وويل وهوان
كان في صدورنا غضب بركان
وكنا بنقسم بالاوطان نسطر اسمك يا سودان
مهما حاولت ان اصف شعوري كمحب لمحمد الامين تتواري الكلمات خجلا في ان تصف الحاله
___________________________
اخي ود العباسيه والزملاء الاعزاء
ترحيب حار بممكونه واتمني ان تكون حلقة ابو الامين بادره لعودة الاخوة المؤسسين
هذا هو الفن الملتزم صياغة ووتر ونغم
اللهم احفظ هذا المحمد الامين واسبق عليه ثوب العافية
اما انا فاضم صوتي لصوت اخي الفنان ضياء الدين ميرغني في ان نادر خضر حتي الان
هو اكثر ثباتا في حسن الاداء واجودهم حتي تاريخه ام شريف الفحيل فليراجع نفسه
وانا ما زلت في رايي ان استبعاد افراح وصباح فيه فائدة للبرنامج ومشاهديه
عصام محمد نور اجاد كما ذكر الزملاء في يا حاسدين غرامنا وما اظن ان هنالك
من كان سيؤديها بنفس الجوده من المجموعه
وعمل خيرا قدور ان لم يمنح البنات او عاصم البنا او فرفور اجر المحاوله
واضم صوتي لاختيار هذه الحلقة كافضل حلقات اغاني واغاني علي الاطلاق حتي تاريخه
_________________
طلب من الاخ ود العباسيه او الاخ احمد انزال مقدمة الحلقة من حديث قدور لانه لم تتح لي فرصة
حضورها وكنت متوقع ان تكون حلقة محمد الامين قبل العيد بيوم
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: ودالعباسية)
|
Quote: سفيان العزيز
وحاة الله درس
والبلد بى غناها والله بى
|
و أنت يا ياسر قالوا ل يك المصبرنا عل ي جنها وغباها دا شنو غ ير الغناء !!!!؟
و الله بلدنا دي تشيل منها الغناء القديم والجديد ما فوقكا الحبة دي ...
أمشي يا ياسر اخوي امشي احضر البارشا والرالا بختك جممممممبك ... ومبروك عليكم فابرغاس.
Quote:
التقيم بتاع سفيان و ضياء حاجة تفرح، و شخصياً بتحضر شعورى لسماع الأعمال
|
أبو ذر عمر (بالانكليزي) ربنا يفرحك دنيا واخره قول آمييييييييييييييين .
ورمضان كريم وكل سنة وانت بالف خير
وبالجد فعلاً مفروض ينتبهو للملابس لكن السنة دى بسم الله ماشاء الله احسن من الفاتو .
Quote:
ويتجلى ذلك فى الكوبليه الاخير
حين تاه الاستاذ لحظة فاتي بآخر الكوبلية ليستدرك ذلك بحرفنة عجيبة ليعود من( ولو بقدر ) الى (اقول ليها عويناك جدار وعدى) ثم يكمل الى آخر
المقطع . وساد الارتباك لحظة من الكورس ولهم الحق فهم امام محمد الامين وذلك لوحده يسبب الربكة دعك من الغناء مع هذا العملاق
|
ضياء يا فنان أعد أعـــــــــــــــــــــــــــــد (الليلة غلاط للصباح) أعــــــــــــــــــــــــــــــــــــد سمعك للحته دي تاني و انا بتفق معاك انو في ربكة و انو الاستاذ مشي لكوبليه و استدرك رجع للكوبلية الما قالو لكن نقطة اختلافي معاك هي الأتي:- الأستاذ هو و بيغني فكر انو يشرك الشباب و يفتح ليهم يغنو معاهو و واضح انو ما كان في آتفاق علي كدا علشان كدا بدأ يكرر هنا حصلت الربكة عند الفرقة الموسيقية لكن الشباب التقطو الفكرة وبدو ككورال مع الأستاذ و الأستاذ سيطر و عاد للكوبليه و الموسيقة عادت والربكة ضاعت ... تقريباً الكلام دا انا كتبتو فوق وتحديداً كنت عايزك انت تلتقط الحته دي وتتكلم عنها باعتبارك زول أستاذي ومعلمي و أنا اخوك الصغيييييييير جداً
لوووووووووول عليك الله أعد السمع و وريني كلامي دا مش صااااح!!!!؟
Quote:
وقدر ما تمنيت أنو يكون مع الأستاذ أكتر من حلقة قد ما اشفقت على الشباب ..ربنا
يوفقهم ..
|
عاااااااقلة ولقطيها صااااااح يا داليا حافظ رمضانك كريم .
Quote:
يا جماعة طه سليمان دة كان خلى «قنبلة» والحنكشة ما بتجيهو عوجة
|
تعرف يا خال طه الضرس دا وحاة الله زول غنااااااي لما بهناك وعندو صوت مبدع ولا اكذب لو قلته انو حجز مقعده في مستقبل الغناء السوداني وفي حته مريحه جداً كمان (بسم الله ما شاء الله) أما بخصوص اغانيه (قنبلة وعيرها) وجهة نظري الخاصة هي يا خال الأتي:-
طه و معه مجموع من أبناء جيله هم استفتاء حقيقي بجماهريتهم أنو المستمع السوداني حصل ليهو اختلاف في السمع و كتيرين بحبو الغناء القديم زي ما هو و كتيرين برضو ما بحبوهو نهائي طه الضرس و جيله هم جسر للتواصل ما بين الكتيرين الأتنين ديل .
واهو طه قدامك بيغني الغناء القديم والخالد انت و أنا بننبسط (و أنت تحديداً بتنبرش رسمي) و بتديهو فرصة لمحبة صوته وطريقتو جواك فيبقي يا خال كمان ما تحاسبو انو بيفرح ناس وجيل مختلفين عنك وعن انبراشاتك العاطفية مع الأغاني القديمة و الخالدة ... ولا كيف عدس الوابل دا!!!؟
و الله يا محمد البصير أنت زول جميل و فنان
و اقول معاك :- أبو الأمين .. أبو ألأمين .. أبو الأمين
النقطة التانية في كلامك أنا بتفقك معاك فيها مية المية لكن النقطة الأولي صدقني بنكون عصرنا علي الشباب والشابات الفنانين ديل و غناء الأستاذ دا حاااااااار و قعدتهم دي بتبقي ليهم زي امتحان الرياضيات صدقني أو قول زي يوم الشرافة في الخلوة .
سنتك سعيدة ورمضانك كريم .
Quote:
وكنت متوقع ان تكون حلقة محمد الامين قبل العيد بيوم
|
أبو الفن طارق و الله أنا هسي ذاتي ما عارف الحلقات الفاضلة بعد حلقة امس الواحد يحضره كيف تصدق!!!!؟
فعلاً كان مفروض تكون قبل العيد عشان ما يجهجونا بقية الحلقات .
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: مامون أحمد إبراهيم)
|
| Quote: نادر ما كان يذكر معلومة أنو كان بيقولوا ليهو محمد الأمين الصغير لأنو البون شاسع |
الود نادر صحيح ظل متميزا طوال الحلقات الفائتة...بس هنا بالغ والله...
ما عارف ليه كلامه هنا ذكري حارس الهلال يور لمن صدي ليهو كم ضربة جزاء ترجيحيه في بطولة حاجة كدي!!! بعدها البلد كلها يور...يور..يور...ففي لقاء صحفي سألوه عن ضربات الجزاء فقال ليهم ...والله انا كنت داير امسك ضربات كتيرة بس للاسف الضربات انتهت...!!!
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
بدأت الحلقة عن الزراعة وواضح انهم كانو بيتكلمو ونحنا كنا
في الدعايات عشان كدا نحنا دخلنا من الغلاط في الكديبة وحكى
قدور انهم رايحين وفي عربي خلا وصف ليهم بالنجمة وهم واصول
وو صلو ...
الحلقة واضح انها عن النجوم في الغناء السوداني .
و النجوم في الغناء لها وظيفة لهجر الحبيب والشكوى .
و طه الضرس يغني انا و النجم والمساء لحسين بازرعه.
المقدمة الموسيقية زي ما قال عتمان حسين (ملك التلحين
والتنويع الموسيقي) .
طه و بداية عذبه وجميلة يمنحها محمدية ابتسامة رضي كبيرة
وجميلة .
الضرس طه يبدع في اغنية فنان الفنانين و يمتاز على نفسه
بصورة عالية صوت متاكد من نفسو و يغني بصوت رخيم وهادي
وحفظ جميل (و أنا كلما دنى) ياسلام عليك يا طه و يا سلام
على تجاوب المجموعة في الحته دى .
احمودى مرتااااح ومبسوط و انيق اناقة غير عادية .
(محمدية دا زول يمسكو يا جماعة يوم محبتو للغنى دى بتسوي
فيهو حاجة والله - ربنا يحفظو و يديهو الصحة والعافية)
(كلما لاح بارق وطه يسلم المجموعة والمجموعة حاجة ما تخلص)
- دا غناء الكبير والبغني للكبير لازم يحاول يصل لخطاوي قدام
وطه عارف دا كويس وعمل العليهو).
و الله كان موعدك يا طه مع هذه الأغنية و كان مقعدك .
مبرررروك عليك مستواك دا (ومحبة خالصة ليك ياخ) حافظ على كدا
عليك الله .
التقييم10من10
ياحاتم عليك ان شاء الله تكون حضرتها ياخ!!!؟
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
الله عليك يا طه !!!
حملتنا إلى زمان عجيب .. بساط ريح ياطه يرفرف بجناحيه ويضعني مباشرة في حوش منزلنا بالعباسية ! ذات مساء هادىء
وليلة صافية ، وسماء مزدانة ومشعة بتلك النجوم المضيئة المدهشة ! وأنا مستلقي على العنقريب ! وبقربي الوالدة ! ونحن
نستمع إلى المذياع ، حين يصدح هذا الملاك العملاق ، وينتشر بروحه السمحة الفضفاضة فينشر ذاك السحر العجيب من تلك
المعاني الخالدات المدهشات ! فيحملنا إلى ساحة مشرقة أشبه بالجنة !
وياله من زمن ياطه ! ليتك كنت معي !
شكراً لك
مامون
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: مامون أحمد إبراهيم)
|
قلته ليكم الحلقة دي شغااااله ونحنا في الدعايات
لانو هسي لما رجعنا من الدعايات ياداب اغنية طه انتهت!!!!
والاستديو كلو كان بيصفق لطه لدرجة قدور سال محمدية ايه رايك؟
محمدية قال ممتاز لانو الأغنية دي صعبة.
و اغنية عبد الرحمن الريح و ريماز و عاصم
ودا ملعب عاصم و هو ملك هذا المضمار
عاصم و آداء ممتاز جداً (طبعاً لو قلته حفظ تمام بكون غلطان
في عاصم) .
ريماز ممتازة جداً جداً آداء عظيم .
محمدية وانطراب شديد .
الاستديو كلو مبسوط وكورال المجموعة ممتاز .
نادر خضر ضارب خط في الكورال في قمة الجمال .
(يا صباح الصوت ما بيسبق اخوانو ساااكت بيسبقهم
في خطوط معينة عشان ما يكون نشاز).
التقييم10من10 .
اغنية الفنان ابراهيم حسين نجمة نجمة الليل نعدو
مع معايدة لابراهيم حسين .
وعصام محمد نور ونجمة نجمة الليل نعدو .
ممتاز يا عصام متاااااز شديد
وصولو محمدية و الليلة محمدية سلطنة شديده
و وش جميل يا اخوانى .
يستلم نادر و يصدح حاجة ما تخلص وجمال ما عادي
في الآداء (الظاهر من امس الياقة مرتفعه و ان شاء
الله الاستاذ دا يومي يجيكم)
اسماعيل عبد الجبار و صولو حلو زيو كدا دا وفنااان.
شريف اناقة وشياكة شديده جداً جداً .
التقييم10من10.
يا مامون والله طه الضرس اكتر من ممتاز وسعيد أنك
اتفقته معاي في طه.
حااااااااااااااااااااتم وينك ياخ!!!؟
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: سفيان بشير نابرى)
|
زي ما قلته ليكم نحنا مع الدعايات والحلقة شغااااله
ومافي زول بيفهمنا الراح مننا وهسي رجعنا والاغنية
الفاتت ياداب بتخلص .
قدور يعترض على انو عصام بيعمل زي ما بعمل عصام
وانو ما كلمو بنادر حيغني معاهو .
شريف يغني لسيد خليفة (ملك الغناء المسرحي السوداني)
يانجمتى وسعودي .
أداء جيد من شريف و واضح حفظه للاغنية
النموذج صغير والاغنية منسية من اغاني سيد خليفة.
التقييم9من10.
و الشاعر احمد فلاح و يانجوم الليل الليل اليل
يغنيها فرفور ... فرفور متمرس على هذه الأغنية
ومتمكن منها خالص خالص .
آداء ممتاز من فرفور و شجن وتطريب عالى .
كورال المجموعة ممتاز جداً (كالعاده صباح
صوته - مفندر- قدام اخوانه واخواته).
القصاص مبسوط في الأغنية دى .
ممتاز يا فرفور و الله ممتاز شديد.
الاستديو كلو طربان و يغني وصوت الفلوت في
الختام عامل شغل جاااامد .
التقييم10من10
قدور يفرح و يقول عندو جايزة لجمال .
ويتمتي انا يطلع علينا نجم السعد .
اللهم آمييييييييييين .
وانتهت حلقة جميلة من حلقات البرنامج لحدى الان
في هذا الشهر .
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: ودالعباسية)
|
الاخ المتألق سفيانو
انا اول من طرحت موضوع عازف البيزجيتار فى حلقات السنة الفاتت ٢٠١٠ وردى على انذاك الاخ طارق ميرغنى.
معليش السنة دى ما عاجبنى مهندس الصوت فى مكساج mix صوت البيزجيتار عاملوا دووم شديد ياريت لو اهتم بالمكساج اكتر سيكون صوت البيزجيتار اكثر بلورة ونقاوة.
هذا البيزجيتاريست كتب تاريخ بصراحة الله يخليهو لينا وبيذكرنى دائما بصديقى العزيز شهاب شرحبيل احمد.
يا مأمون من تغنوا وقلدوا محمد الامين
عادل مسلم
عادل صديق من نوابغ معهد الموسيقى والآن بالسعودية نتيجة الاحباط. خسارة
حيدر بورتسودان
و حيدر ده بيقلد اتنين محمد الامين والكابلى للاسف عبقرية انتكست ما عارف ليه
| |
|
|
|
|
|
|
|
|
|
Re: يا سفيان زنقار ماكان فنان ومسرحي فقط بل كان ايضا لاعب كرة قدم ممتا (Re: Rawia)
|
الحلقة السابعة عشر عن النجوم فى الغناء السوداني . ولكنها غابت ولم تسطع
وبدأت ضربة البداية ببازرعة وعثمان حسين فى اللحن الرائع المتعدد المقاطع والتي تجلت فيه عبرقة الهرم الاستاذ عثمان حسين
واداء بديع جدا من الفرقة الموسيقية وفى المقدمة بالتحديد وكان اكثر الساطعين الرائع عوض احمودى ادى الاغنية طه سليمان
بحفظ جيد واداء جميل وا، لم يبلغ فيه كمالا فاستحق 95% .
ثم الثنائي عاصم البنا ورماز ميرغني فى رائعة عبد الرحمن الريح يا نجوم الليل اشهدى ولكن النجوم فى هذه الاغنية فقدت بريقها
والسبب فى ذلك اختيار سلم غير مناسب للغناء فبدت باهتة رغم محاولة التحايل فى الاداء بتفصيل النص فى تشديد الكلام وبهذا
الاداء فان اضعف اداء لعاصم ورماز فى هذا البرنامج كان فى حلقة اليوم ويستحقا 60% لكليهما.
ثم عصام محمد نور ونادر خضر فى رائعة الاستاذ ابراهيم حسين نجمة واعتقد انها للحلنقى شعرا . كان الاداء جميلا فى بداية الاغنية من
عصام واستلم بعده نادر المجال فى اداء الكوبليه الاول وابدع فيه ولكن لم تدم هذه الحالة طويلا لا عند عصام ولا عند نادر الذى اكثر من
بهار التطريب فتغيرت معالمها قليلا , ومع ذلك نقول انه اداء فوق الوسط لكليهما يستحقان عليه 80%
ثم غني الشاب البديع شريف الفحيل اغنية الاستاذ سيد خليفة المنسية بحق ولم يكن الضعف هذه المرة من شريف بل كان من الفرقة الموسيقية
التى يبدو انها لا تحفظ اللحن بشكل جيد ويستحق شريف على اداء هذه الاغنية وثباته فى الحفظ والاداء نسبة 90%
ثم رائعة احمد ابراهيم فلاح وكمال ترباس يا نجوم الليل والتى تصدى لها جمال فرفور ورغم ادائه الجميل الا انه كان باديا عليه عدم الحفظ
وهى حالة نادرة عن الفنان جمال فرفور . فى مقاطع كثيرة من الاغنية كان الاداء ينحو الى الصراخ اكثر منه غناء . على العموم ليس هو الاداء
الذى عودنا عليه الفنان جمال فرفور من تطريب واحساس معمق بالكلام . ولكنه كان اداء فوق الوسط يستحق عليه 86% رغم وعود السر قدور.
انتهت حلقة باهتة عن النجوم غابت فيها النجوم بعد حلقة الامس الجميلة والابداع المنقطع النظير مع العملاق محمد الامين .
| |
|
|
|
|
|
|
| |
Rawia
ودالعباسية
د.محمد بابكر
ضياء الدين ميرغني
Emad Ahmed
سفيان بشير نابرى
محمد علي البصير
إبراهيم عبد الحليم
مامون أحمد إبراهيم
عبد المنعم سيد احمد
Dania Elmaki
الخير محمد عوض
mamkouna
Mohamed Foto7li
الهادي محمد ابراهيم
عبدالله السفاح
ايمن التاج
عبدالله الشقليني
Abuzar Omer
احمد محمد بشير
داليا حافظ
طارق جبريل
د. ياسر عبد القادر
فيس بوك
تويتر
انستقرام
يوتيوب
بنتيريست