|
|
|
 Re: برنامج اغانى واغانى ،، نسخة 2011 البوست السنوي المخصص للبرن (Re: طارق جبريل)
|
لدي تنبيه يا حلوييين ،،،
لانه البوست دا حايكون ممتد اتمنى اي زول يضيف مداخله ، يضيفها بعد المداخله الاخيرة فى
البوست علشان الناس تقدر تتابع كل التعليقات ،، عشان ما تسقط بعض المداخلات ،،
ــــــــــــــــــــــ
اول مشاركة عبر الايميل ،، من الاخ / محمد على
Quote: الحلقة الثانية كانت اجمل من الحلقة الاولى
اداء جميل من المجموعة لاغنية يا ملاكي ولكن صوت افراح عصام به كثير من الضعف
صباح احسن حالا من افراح لكن الاثنتين اقل صوتا و تفاعلا من رماز و منار
نادر حاول ان يجود في اداءه لاغنية حب الاديم لكن المقارنة معدومة مع الاستاذ صلاح بن البادية
المظهر العام فيه كثير من التناسق بعكس الحلقة الاولى
شكرا للاخ ود العباسية على اتاحة الفرصة لنا نحن
زوار البورد لابداء الراي في هذا البرنامج الجماهيري الناجح رغم انف اعداء النجاح |
| |
 
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: Tarig Sidahmed)
|
اول حاجة سلام ومحبة لاخونا محمد غلى
اول زول رسل مداخلة عبر الايميل .
وتحياتي للناس هنا كلها
Quote: أمسك المايك ... لغاية ... سفيان وسيد الحوض يظهروا ...
|
يا حاتم ياخ امس سفيان داهمتهم ليك امطار غذيرة جدن جدن
في امدرمان قبل الفطور والكهرباء قطعت وما جاات الا الليلة
الساعه تلاته ضهر شفته كيف !!!!
المهم هسي بسمع في الحلقة من هنا وما بقد اقيم الآدا لانو
الفديو ما بيدينى العايزو ...
بس المريحنى انو في ناس قالو صباااح ضعيفه لووووووول
الآداء طبعا ههههههههههههههههه
والريحنى اكتر طارق جبرين فطاها وما جاب سيرته
كاااااك .
حلقة الليلة بأذن الله معاكم .
| |
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
الحلقة فى اليوم التالت عن القامة
ابراهيم عوض
والضيوف ابناء الراحل
والسر قدور يتحدت عن الراحل
وانه متل الفترة الانتقالية
في الاغنية السودانية وانه تزامن
مع انتقالات السودانيين من عصر
الاستعمار لعصر الحرية ومتل ابراهيم
عوض صوت الحرية وعبر عنها بانغام
وكلمات وتجديدات وحركة غناء جديدة
وسمى عصر الخمسينات في الغناء السودانى
بعصر ابراهيم عوض .
وتحدت السر قدور عن الشاعر عبد الرحمن
الريح واغنيته :- ابسمي يا ايامي
والافتتاحية مع جمال فرفور و اغنية ابسمي
يا ايامي وفرفور يغنيها باجادة منقطعة
النظير من وجهة نظري والفرقة الموسيقية
ماشاء الله تبارك الله ..
فرفور ملابسو متناسقة بعناية فائقة .
والاستديو صامت يستمع كاملاً .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
اشادة من السر لجمال في الاغنية الاولى
الحديت مع هاشم ابن الراحل ويتحدت عن
و الده واول تلاته اعمال لعبد الرحمن
الريح وان اغنية بسمة الايام هي التى نقلته
من الدرجه التالته للاولي .
منار تغني الجمال في الروح
والفرقة الموسيقية اخر انبساط
وبالجد العايز يعرف موشر الغناء يشوف
وش محمدية .
منار اول ما بدأت تنفعل مع الاغنية
الاغنية خلصت في اول كوبليه
وبى كدا ما بنقدر نقيمه .
ـــــــــــــــــــــــــــــــ
زيت صباااااح بوش جديد
لوووووول
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
الحديت مع حسن ابن الراحل
وحديت عن عبد الرحمن الريح
وزكريات عن لقاء ابراهيم عوض
و عبد الرحمن الريح
( ويارشاشات جابو سيرة المريخ)
واغنية انفاس الزهر لعبد الرحمن
الريح .
وفردتنا ومعاهو عصام
واللحن مافيهو كلام
والبداية عصام وعصام يبدأ بداية فاتره
وفردتنا يستلم ويصعد بالاغنية افضل من
عصام مية مرة (يا جماعة محمدية مبسوط
والله لما فرحته ليهو) .
الاغنية دي اظن فرفور ممتاز فيها .
عودة لعصام وهو مازال غني بفتور
غريب رغم انو عصام دا بيغرف يغني
اغاني غيره باجادة .
انتهت
و قدور يتذكر اغني معاصره لها هي
كيف انسى سيد روحي
وفي اللحظة القال فيها قدور تغنيها
افراح أمي قالت :- افراح دي ما بتعرف
تغني واول ما جابوها في الشاشه امى واصلت:-
شوفوها متنقشه كيفن لووووول
افراح تغني بصوت ضعيف جداً جداً وكتلت
الاغنيه نهائي وصوته بيروح في الاغنيه كتير
و آدائها كتل الكورال ايضاً
ممكن نقول2 من 10.
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
لوووول ياسفيان ....
ألم الفراق ... تالاهون ...صاحب أسود صبغة في الدنيا والآخرة ...
وبرررررضه ذبح الأغنية ...بسكين تلمة ....
أحييي يافشفاشي ... والله الزول ده لو غنى دجاجي يلقط الحب ... برضه ح يحبشا ....
____
ود العباسية وناس قطر ...
أفضل من سمعت يفني ألم الفراق هو - أمير يونس ... وأعنقد الزول ده في الدوحة ..
بالله أسمعوها منه ..
__________
ياسفيان ... الوالدة ... عينها نجيضة وأضانها نجيضة ...
ماتجازف ليها باسوورد هنا ياخ ..
..
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
ريماز ولحن خفيف
أيامي الحلوه
تغنيها بشكل جيد
وملابسه متناسقه ايضاً
بس تغني كوبليه واحد .
ونادر و آلم الفراق
ونادر يغني بطريقته المتميزه
و يغني الاغنية بشكل ممتاز ايضاً
بس في حركة كدا بعمله (صولفيج)
غلط في غلط يا نادر ياخ .
تغيب عن الحلقة شريف الفحيل
وكان يمكنه أن يضيف للحلقه
بهجة كبيره .
طه ابضرس ضيف شرف وما قال
إي شئ .
والحمد لله صباح ساكته برضو .
قدور قال لنادر ابدعته ابداعاً شديداً
هاهاهاها
وانتهت الحلقة على أن تتواصل بكرة
وحسن ابن المرحوم حيغني.
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: WAD ELGAALI#4)
|
Quote: ياسفيان ... الوالدة ... عينها نجيضة وأضانها نجيضة ...
ماتجازف ليها باسوورد هنا ياخ ..
|
والله يا حاتم الوالدة تلقى ليها باسورد هنا صباح وافراح
ديل يشوفو ليهم بلد تانية يغنو فيها .
يازول الوالدة التعباااااان البتسمعو رمضان زايد
اها شِن قولك .
يااخونا ود القلعة والله ليك وحشه كبيره
ورمضان كريم ياخ .
ــــــــــــــــــــــــــــــــــــــــــ
ياجماعة في ولد اسمو الجيلي موسى جاء غناء زماااان
في نجوم الغد حلقة الليلة دي كانو يجيبوهو دا ود
فنان فنن شديد والله شوفوهو في يوتيوب ياخ
عجيب ماشاء الله اتواكدو عليهو كونسولت المنظراتيته
بتاعين نجوم الغد وفنشوهو من قبل التصفيات .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
Quote: ياجماعة في ولد اسمو الجيلي موسى جاء غناء زماااان
في نجوم الغد حلقة الليلة دي كانو يجيبوهو دا ود
فنان فنن شديد والله شوفوهو في يوتيوب ياخ
عجيب ماشاء الله اتواكدو عليهو كونسولت المنظراتيته
بتاعين نجوم الغد وفنشوهو من قبل التصفيات . |
الجيلي موسى ... خطيييير ...
مجنون بأبراهيم عوض ...
وياريت واحد من الشباب يرفع لينا أغنية للزول ده ..
...
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: طارق ميرغني)
|
Quote: والله يا شباب ما قصرتو ،، الليلة فاتتنا الحلقة ( الدوام وكدا )
ولكن بى تحليلات ولدنا سفيان زي الواحد كان بحضر فيها ،،
وفى حضرة الفنان الذري ،، |
ود العباسية ..الكلام دة ما معانا..دوام شنو يا زول.؟
وزى ما قلت تحليلات سفيان خطيرة وبالاضافة الى تدخلات والدته ربنا يديها الصحة والعافية تبقى الصورة مكتملة.
سفيان ...تحياتنا ورمضان كريم وخف شوية على هنايا...
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: طارق جبريل)
|
والله يا سفيان أول ما قال إبراهيم عوض
اتمنيت يكون الجيلي دا معاهم وبطني طمت عديل لما ما لقيتو
ومتفق ليك كم سنة ضوئية كدا مع الوالدة الله يحفظا ليكم
بصراحة أفراح دي قاعدة تعشرق بي عديل وصباح شوية أها
وتاني بصراحة عصام محمد نور دا بجفف الطرب في الواحد
نعسان وبكتل الغنى كلو كلو...
تاني بجي كان الله هون
وما دقيتوني وسديتو الباب
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: طارق جبريل)
|
Quote: والله يا سفيان أول ما قال إبراهيم عوض
اتمنيت يكون الجيلي دا معاهم وبطني طمت عديل لما ما لقيتو
ومتفق ليك كم سنة ضوئية كدا مع الوالدة الله يحفظا ليكم
بصراحة أفراح دي قاعدة تعشرق بي عديل وصباح شوية أها
وتاني بصراحة عصام محمد نور دا بجفف الطرب في الواحد
نعسان وبكتل الغنى كلو كلو...
تاني بجي كان الله هون
وما دقيتوني وسديتو الباب |
يا سلاااااام بله و الله نعم الزيارة ما
رمضانك مبارك وتصوم وتفطر علي خير ياخ
و الله لما كونوسولت المنظرين بتاع نجوم الغد
طفش الجيلي أنا زعلان لما النوم غلبني يا بله
ياخ دا ود يستاهل يرعوهو مش يطفشوهو .
افرح يا بله تعبانه تعب الموت وصوته بروح كلو
كلو لما بتغمض عيونه عشان تلقاهو
وصباح دي مشاكله كبيره جداً جداً اوله انو عندها
عدت اصوات ودي مصيبة طبعا و دليل أنو خياله مع
قادر يتوافق مع امكانياتها الصوتيه عشان كدا
بتفقد السيطرة و بي كدا مفروض ترحم نفسه وترحمنا
وتمشي تحل مشاكله دي كان تلقانا حارسنها .
لو دا كلامك ورايك تعال ساااااي
الحبة ما بتجيك
هاهاهاها
أها يا خال
الديك اقول في وجنات عدس الوابل !!!؟
مش قلنا ليك الشغله ما وجنات
الشغله ملكات ملكات ياخ.
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
*
*
كل عام وأنتم بخير ،،،،،
برنامج الأستاذ السر قدور طبعا معروف و مشهور و جميل .. ولكن ......
لابد من تجديد الفنانين .... يعني ممكن كل 4-5 يوم مع مجموعة فنانين غير .
ولابد من الإعداد الجيد للبرنامج ..... يعني السر قدور ما يعتمد 100% علي
الذاكرة ومعاصرته للأحداث ..... يعني السر قدور ماقاعد يجهز حاجاته مظبوط
ويجي البرنامج وكأنه قاعد في بيت عزاء أو بيت عرس ويقعد يونس في الناس
ويطلق ضحكته المجلجلة كل مرة ....... ففي حلقة الأستاذ الراحل خلف حمد
لم يذكر اي شئ مفيد عن خلف الله سوي علاقاته هو معه !!!
أعتقد أن كل الفنانين أداءهم في الحلقة الأولي لأغاني أفضل فناني السودان
الأستاذ خلف الله حمد كان سيئاً جداً ....... خاصة شريف الفحيل ..... شريف يا جماعة
(طلع دين الكنداكة) .... ( لا حفظ ... صوت ... لاشبه ..... لا أداء .... ولا ريحة من غناء خلف الله)
ولو كنت مصححاً لأداء شريف لكتبت له (( أعد )) .... إختشي يا شريف عليك بالرجوع وسماع
الأستاذ خلف الله يؤدي أغنية الكنداكة (100 مرة)) وجرب براك في البيت !!
لكم ودي ،،،،،،،
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: عبد المنعم عمر عثمان)
|
أعزائي الكرام ،
خففوا النقد الشخصي الجارح المحبط !
وأرجو مراعاة تقدير جهد الآخرين .. والإتجاه إلى التحليل الفني الواعي المنصف المريح
كأن تقول مثلاً : لم تك الأغنية مناسبة لطبقات صوت فلانة / أو فلان .... أو أن تقول :
إمكانيات صوت فلانة وأداءها لا تتناسب مع العمل الفلاني ... أو أن هذا العمل أو تلك
اللونية تتناسب مع فلان .
لاداعي للنقد الغليظ الجارح المباشر ! ... مع ملاحظة أننا نتكلم عن الفن ! وهو فى النهاية حالة من السمو
تعتري كل كائن حي ، وتحتوي على كلما هو راقى وجميل !
* مع التأكيد على ضرورة النقد البناء المثمر .. و قول مايعتمل في الصدر بأريحية وصدق للأرتقاء بالمنثور في الأثير !
ولكلٍ ذوقه أو زاويته أو مشهده من التذوق والنهل من هذا المدد !
ولي عودة لإنطباعاتي ومشهدي عن ماقدم حت الآن .
شى جميل التواجد في واحة جميلة نضرة زاهية ومخضرة .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: مامون أحمد إبراهيم)
|
Quote: أعزائي الكرام ،
خففوا النقد الشخصي الجارح المحبط !
وأرجو مراعاة تقدير جهد الآخرين .. والإتجاه إلى التحليل الفني الواعي المنصف المريح
كأن تقول مثلاً : لم تك الأغنية مناسبة لطبقات صوت فلانة / أو فلان .... أو أن تقول :
إمكانيات صوت فلانة وأداءها لا تتناسب مع العمل الفلاني ... أو أن هذا العمل أو تلك
اللونية تتناسب مع فلان .
لاداعي للنقد الغليظ الجارح المباشر ! ... مع ملاحظة أننا نتكلم عن الفن ! وهو فى النهاية حالة من السمو
تعتري كل كائن حي ، وتحتوي على كلما هو راقى وجميل !
* مع التأكيد على ضرورة النقد البناء المثمر .. و قول مايعتمل في الصدر بأريحية وصدق للأرتقاء بالمنثور في الأثير !
ولكلٍ ذوقه أو زاويته أو مشهده من التذوق والنهل من هذا المدد !
ولي عودة لإنطباعاتي ومشهدي عن ماقدم حت الآن .
شى جميل التواجد في واحة جميلة نضرة زاهية ومخضرة . |
والله يا قريبي أفحمتنا بالدرب العديل
المشكلة وين عارف يا مأمون
التكرار التكرار ثم التكرار
يعني البوستات بتاعت أغاني وأغاني
شغالة في المنابر دي من لحظة فكر عمك قدور في الموضوع
أها تقدر تقولي النتيجة شنو؟
غايتو أول مرة أشارك في بوست عن البرنامج
وشنو يدي (تقرأ: كيسي) فاضي/ة يعلم الله
ورغبة في متابعة البرنامج في رقبتو ما عندي
أها الموضوع عندي بصراحة الأحسن فيهو الرأي يكون واضح ومباشر وصريح
وسوليفان ما سوليفان دا ما بجيب نتيجة
صدقني
دا لو أصلاً في زول شغال بالبنكتب من أساسو
دمت بخير
ورمضان كريم عليكم
وتصوموا وتفطروا على خير
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: مامون أحمد إبراهيم)
|
Quote: أعزائي الكرام ،
خففوا النقد الشخصي الجارح المحبط !
وأرجو مراعاة تقدير جهد الآخرين .. والإتجاه إلى التحليل الفني الواعي المنصف المريح
كأن تقول مثلاً : لم تك الأغنية مناسبة لطبقات صوت فلانة / أو فلان .... أو أن تقول :
إمكانيات صوت فلانة وأداءها لا تتناسب مع العمل الفلاني ... أو أن هذا العمل أو تلك
اللونية تتناسب مع فلان .
لاداعي للنقد الغليظ الجارح المباشر ! ... مع ملاحظة أننا نتكلم عن الفن ! وهو فى النهاية حالة من السمو
تعتري كل كائن حي ، وتحتوي على كلما هو راقى وجميل !
* مع التأكيد على ضرورة النقد البناء المثمر .. و قول مايعتمل في الصدر بأريحية وصدق للأرتقاء بالمنثور في الأثير !
ولكلٍ ذوقه أو زاويته أو مشهده من التذوق والنهل من هذا المدد !
ولي عودة لإنطباعاتي ومشهدي عن ماقدم حت الآن .
|
عزيزي مامون أول حاجة
السلام عليكم ورمضان كريم
ونخش في موضوعنا يا مامون ما اظن في زول اتجاوز حدودو في النقد والتصويب و اكتر حاجة أنا تحديداً
كتبتها انو افراح و صباح يرحمونا و يرحمو نفسهم وانو افراح وصباح تعبانااااااات وتعبانات بتاعتي
دي قديمة ومباريه افراح و صباح ذاته مما ظهرت و واضح انو تقيمي دا ما جاء في معرض كلام عن لونهم
ولا شخصيتهم ولا شكلهم لانى فارز تمااام انهن جن يغنن مش حاجة تانية .
لذا يا مامون أخوي هدي اعصابك ومافي شئ شخصي ياخ .
و نحنا ذاتو عايزين تسمع تقييمك عشان ناخد وندي معاك كمان .
وكلو شير ياخ .
كن بخير.
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
مرحب بيكم وبكل الاراء ،،
ــــــــــــ
ودحامد
| Quote: ود العباسية ..الكلام دة ما معانا..دوام شنو يا زول.؟ |
يازول نسوي شنو لكن ،، غايتو لمن نكون فى الدوام دا
سفيان ما بقصر اصلو ،، الحلقة بتكون منقولة لايف ،،
ــــــ
الواحد بتمنى لحدي الان انه يشوف الرعيل الاول اصحاب هذا البوست
ان شالله يزورونا ساكت يقولو لينا السلام عليكم هووووي ،،
بس ،،
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
Quote: Quote: طارق ميرغني سفيان نابري وليد عبد اللطيف وكل الاخوة تحياتي
أأوووووو الحلمية نفر لوووووول
تاكل فواكه ؟
والله مشتاقون يا ضياء ورمضان كريم
ياخ انت تبدأ من حلقة الليلة دي
ولي قدام .
و ما عايزين مجاملات فنانين . |
والله فاكهة الحلمية الما ليها مثيل دي لازم نأكلها هههههههههههههه
وليها عودة اكيدة طال الزمن ولا قصر لو فى العمر بقية
طيب : انا حاديك رائي فى الثلاث الفاتن
الحلقة الاولي :-
مدخل :-
الحلقة الاولي عن خلف الله حمد كانت رائعة ولكنها لا تكفي لتقديم هذا الهرم الكبير وكان المفترض ان تتبعها حلقة أخرى فخلف الله حمد بحر واسع .
اجاد وابدع كل من ادي الأغاني وبالاخص بناتنا اللائي جمعنا جمال الصوت والشكل جميعهم مما جعل صديقى الفنان المبدع عوض احمودى يكاد يقفز من
كرسيه من الطرب . كما اجاد عاصم البنا وجمال فرفور فى فارس الحديد إن حمي . ورغم الاداء الجيد فإن الشاب الجميل الصاعد شريف الفحيل قد ظلم نفسه
كثيرا حين تصدى لغناء الكنداكة وذلك للاسباب التالية :-
عدم الحفظ الجيد
ثانيها والله اعلم انه سمع هذه الاغنية من مصدر غير فنانها الاساسى خلف الله حمد.
وثالثها ان هذه الغنية هى الاغنية الوحيدة فى نظرى التي نالت نصيبها من التوزيع عبر الاصوات البشرية والالات الايقاعية فقط ليس فى الغناء الشعبى فقط
بل فى كل تاريخ الاغنية السودانية ز
رابعا ان التميز الاساسي للفنانين الشعبيين عندنا بالاخص رموز هذا اللون من الغناء هو تميز تركيبة الإيقاعات عندهم بالدرجة الأساس وهذا ما كنت اتمناه
من الاوركسترا حتي تنضح منها روح المبدع خلف الله حمد . ولذلك كانت هذه الاغنية اضعف ما تم تقديمه فى الحلقة الاولي .
للتدليل على حتة الايقاع دى يمكن الاستماع على ايقاع السيرة فى جلسة عادية جدا لنفر من اولاد الدبيبة فى اليونان على ما اعتقدhttp://youtu.be/R4fRYNK17RM
ارجو ان يساعدني المختصون فى رفع هذا الفيديو اعلاه اوادناه لتوصيل الفكرة بخصوص الايقاعhttp://youtu.be/-GbisBsjR1E
| |
|
|
|
|
|
|
|
|
 Re: برنامج اغانى واغانى ،، نسخة 2011 البوست السنوي المخصص للبرن (Re: ضياء الدين ميرغني)
|
الحلقة الثانية :-
لمدة سنين خلت لم اطرب كما طربت عند اداء جمال فرفور بامتياز وعاصم البنا بإجادة لأغنية من اريج نسمات الشمال .
كان الاستاذ شيخ العارفين بالغناء شيخي السر قدور صائبا جدا فى اختيار موضوع هذه الحلقة الاستاذ مبارك المغربي رحمه الله.
من اريج نسمات الشمال اختيار موفق لانها من الاغاني الطربية النادرة والتي لا يتعاطها الفنانون كثيرا فمنذ ان غناها الفنان
الشاهق عبد العزيز داؤود لم تتغني الا من البلابل مع كابلى وكذلك لفترة طويلة كان الموسيقار بشير عباس يؤديها بالصفارة
ولم يحييها ثانية الا هذا الثنائي فى هذا البرنامج .(اشادة خاصة بجمال فرفور لانه الي جانب الإبداع كان كذلك متزنا فى حركته وانفعاله نتمنى
ان يستمر على هذا المنوال)
كذلك ابدع الرباعي النسائي فى اداء اغنية يا ملاكي للمبدع عبد الدافع عثمان بنسبة اداء 95 % والخمسة الناقصة دى كانت بسبب
المطربة افراح عصام لانها ادت الجزء الاول بأجادة ولكنها عندما اعدت الجزء الاول وقفت فى يا نضارة فلم تكملها ولم تتفادها وفى تقديرى لم
تكن فى حاجة لاعادة هذا الجزء بل كان الواجب ان تكمل مباشرة وين انت غبت عني سنين او اكمال البيت الاول فيما ابدعن رماز ومنار وصباح
بإجادة فى اداء المقاطع اللائي ادينها.
وربما اختلف مع البعض فى نقدهم لأختيار هذه الاصوات فى هذه السنة بل اقول انه لا غبار عليهم سواء فى المظهر او فى الاداء بل هو المطلوب
حقا وهكذا نقدم للمشاهدين صورة وصوت لائقين من برنامج يعد الاوسع مشاهدة وتأصيلا للتاريخ الفني فى البلاد.
اشفقت على عصام محمد نور والشاب الفلتة شريف الفحيل عندما بدأ اغنية فتنة الانظار فى سلم عالى لا يبلغه الا اصحاب الاصوات الرفيعة
واجتازا الامتحان بنجاح مذهل . 100% .
اما الصديق العزيز الفنان نادر خضر فلم يكن اقل ابداعا من السابقين فى اداء اغنية ما عشتقك لجمالك للمطرب الفذ صلاح بن البادية وهى من
الاغاني الخالدة . فقط اعيب عليه انه حرمنا من ابداعات الصولو العجيب الذى قام به الفنان المبدع عوض احمودى فى مكان الة الفلوت فى الاداء
الاساسي للاغنية والتي عزفها لمرة واحدة وهى لا تظهر الا اذا تكررت موسيقى المقدمة.
على العموم عندما يضحك وينتشى الاستاذ محمدية واسماعيل عبد الجبار وتتفاعل الاوركسترا بهذا الشكل يعني ان الجميع فى قمة الطرب وهذا
ما حققته هذه الحلقة . فلهم جميعا التحية .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: ضياء الدين ميرغني)
|
الحلقة الثالثة وقد غطت بدايات الفنان الذرى ابراهيم عوض رغم عدد من الملاحظات :-
أولا :- فى اعتقادى ان اللاستاذ السر قدور لم يمنح بشكل كافي تداعي المعلومات عن الهرم ابراهيم عوض رغم الاستعداد الجيد علي ما يبدو
لابنه الدكتور حسن الذي بدأ فى ذلك.
ثانيا تم اختيار عدد من النماذج المتشابهة فى روح الألحان وكان يمكن الإكتفاء بتقديم نموذج واحد فى كل مرحلة حتى تتسع التغطية الفنية لتجربة
هذا الفنان العظيم . لاحظ ذلك فى اغنية (ابسمي يا ايامي واغنية هوي الروح). وكذلك اغنية (روحك ابية واغنية كيف القي سيد روحي )
ثالثا من الصعوبة بما كان ان تكفي حلقة واحدة لتغطية تجربة الفنان ابراهيم عوض الفنية وحسنا ان فعل عمنا الاستاذ السر قدور بمواصلة الحديث عنه
فى حلقة الغد ان شاء الله . وكمساهمة يمكن ان نقول يمكن تقسيم تجربة ابراهيم عوض شعريا مع عبدالرحمن الريح وابراهيم الرشيد وسيف الدسوقى
كمراحل لايمكن تخطيها ولحنيا كذلك مع عبدالرحمن الريح وعبداللطيف خضر ود الحاوى و بشير صاحب اغنية يا سلوى ربما نراها غدا .
رابعا كان الامتياز فى هذه الحلقة اداءا للفنانة الشابة منار صديق 100% وكذلك الفنانة الشابة الانيقة والجميلة رماز ميرغني يليها عاصم البنا 99% وجمال فرفور 95 % وعصام محمد نور 90% ثم نادر خضر
88% واخيرا افراح عصام 80 % لماذا ؟ هذا التقييم وطبعا هذا تقديرى الشخصى اقول :
رغم ادائها مقطعا واحدا من اغنية هوي الروح الا ان كانت مجيدة جدا وذات اريحية فى الغناء وهى منار صديق
وايضا رماز ميرغني فى ايامي الحلوة.
وكان اداء عصام البنا قويا ولو انه خلا من ميزة التطريب فى بعض الاحيان ولكنه كان اداءا سليما لا غبار عليه
جمال فرفور كان فى بعض الاحيان كمن يحاول ملائمة اللحن والكلمة وربما يعود ذلك لصعوبة اللحن لا ادرى ولكن كانت هناك فجوات فى الأداء
عصام محمد نور ادا اداءا سليما ولكن الصوت كان ضعيفا وبه بعض الجروح وخاصة فى منطقة القرار وكنت بالامس قد قلت اني اشفقت عليه لأداءه اغنية
فتنة الانظار ربما يعود ذلك لهذا السبب ومعلوم ان الفنان عصام محمد نور كان يعاني قبل فترة من مشكلة صحية نالت من صوته الجميل بعض الشئ ربنا يحفظه
اما الصديق الفنان نادر خضر فقد حاول ان يغنيها بطريقته ولو انه وفق فى الأداء ولكن ليس بدرجة كاملة كما حاول الاستاذ السر قدور اظهار ذلك.
واخيرا الفنانة افراح عصام بالاضافة الي ضعف الصوت اكثرت كما هى عادتها من التطريب المبالغ فيه على حساب الاغنية . اتذكر ان هذه المشكلة كانت ايضا
عند الفنانة نانسى عجاج ولكنها بدأت من التقليل من هذا البهار الكثيف .
وجهة نظر تصلح لمناقشتها من زاوية مختلفة ايضا طاب مساؤكم
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: ودالعباسية)
|
Quote: لالالالا الزووول دا خاشى بالتقيل يا سفيان ،،
ضياء الدين تحياتنا ليك وتصوم وتفطر على خير ،،
ما ساب شاردة ووارده الراجل دا ،، شكرا للتحليل المستفيض ،،
|
كان كدا بعد كلام ضياء دا يا ود العباسية انا ارتاح سااااااكت
ياخ ضياء دا ملك التحليل لانو موسيقي وملحن ومغني وتحت تحت كدا
شاعر وبتاع فواكه كمان .
يا ضياء بتفق معاك انو افراح ضعيفه جدا بس كدي ركز لي في صباح
دي لانو رآي فيها من السنة الفاتت كعب .
والليلة يا شباب معانا ضياء واهو كل سنة بنكسب فنان ابتدأ من
اخونا عبد العزيز خطاب السنة الفاتت وهسى ضياء .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: ودالعباسية)
|
رجعنا بعد الدعابات ،،
وطوالى عصام محمد نورلا فى اغنية اعاهدك ،،
مشاركة فى الاداء جمال فرفور ،،
صباح ،،عيونى باكيه عليك ،،،،
الدخله من الشباب حلوة ،، وكوبلى واحد فقط من الاغنية ،،
السر قدور يثرد فى الملحنييين الذين لحنو لى ابراهيم عوض ،،
وقال انه ابراهيم عوض اخر واحد غنا فى السينما المصرية مع اسماعيل يس
فى الستينات ،،0 اظهر وبان عليك الامان ) حولها سيف الدين الدسوقى ( احلى مكان بلدي السودان )
مع تسفاي فى الاداء ،، نادر الاداء ممتاز ،، على ما اعتقد تغنى بيها قبل كدا
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: محمد على حسن)
|
صباح دي حقو زول يكلمها يقول ليها الحركة بتاعة طليع لسانك الكتيرة دي خليها
لانها حركة ما حلوة وما سياحية كلش كلش
اما عمنا السر قدور دا برضو حقو زول يكلمو يقول ليهو ياخ بتضحك كتير جدا ضحك
في غير مواضعة يعني نظام ظرافة فايتة الحد ودا بضر بشخصية قايدة زمام الموضوع ديا
اما افراح عصام فضعيفة ضعيفة الي حد الضعف في الاداء وهي غير لائقة تماما للانضمام
لعقد هذا البرنامج الكثيف المشاهدة.... كنت اتمنى ان ارى شموس التي اثبتت انها
صوت متميز وجميل من خلال حلقات رمضان الماضي بل وكانت هي نجمة الحلقات الاولى دون
منازع..... كما واحمد الله ان استغني البرنامج من خدمات اميمة الزول البتصرصر كتير
ديل..... لا افتقد محمود عبد العزيز, لا افتقده لاني احبه ولا احب ان اراه كما رايته
في حلقات العام الماضي....... احمد الصادق برضو ما فقدته لانو الود غناي بس محتاج
يقعد في علبو شوية وياخد ليهو قرصة من اضانو ويعاين للحصل لمحمود عبد العزيز عشان
ما يحصل ليهو زيو.....
المهم
البرنامج سو فار ماشي كويس ونحمد الله انو شالو منهم الكراسي عشان يبطلو حركات النوم
وغميض العيون والتتكي الما ليهو داعي دا خصوصا فرفرو كان رب التتكي.... غايتو كلو في
كلو مافي مشاكل بس عمنا السر دا يحل لينا مشكلة شراباتو دي هههههههههه
ونرجع نتونس
| |
|
|
|
|
|
|
|
|
 Re: برنامج اغانى واغانى ،، نسخة 2011 البوست السنوي المخصص للبرن (Re: ودالعباسية)
|
هذه الحلقة غريبة جدا
اولا سادت فى الاستوديو حالة غير مفهومة تبعث علي عدم الارتياح وربما كانت ذات تأثير فى كل المؤدين و بدأت من عدم التوفيق فى اختيار الأغاني بالإضافة الى عدم الحفظ الواضح . وكان ابرز السيئين حفظا واداءا الشاب شريف الفحيل الظاهر ادهو عين ورغم تدخلات الفنان جمال فرفور لانقاذه ايضا لم يفلح الترقيع
وكذلك تردد الفنان نادر خضر فى بداية اغنية اعز مكان غير انه تدارك نفسه بخبرة وحرفية يستحق 85%. وشوش كثيرا على اداء الفنان طه سليمان مشاركة حسن ابر اهيم عوض ومن المنصف ان نقول ان طه غني بشكل جميل ولكن هذه المشاركة افقدت الأغنية جمالها يستحق اداء طه سليمان 97%.
كانت الإجادة لعصام محمد نور بنسبة 95% مازال عصام متعب الصوت ولا ادري لماذا وكذلك ادت صباح بشكل جيد بالرغم من قصر النموذج الذى لا يصلح للتقييم
ولكنها اجادت بنسبة تفوق الـ90% . اما ديويتو عاصم البنا وجمال فرفور فقد كان افضل مافى هذه الحلقة فنيا ويستحقان عليه 98% برضو فى شوية شترة كدا من حسن ابراهيم عوض .
وثانيا من ناحية المعلومات فقد كانت شحيحة سواء معلومة تلحين كابلى لابراهيم عوض وكونه آخر من غنى من الفنانين السودانيين فى السينما المصرية ولم
تأخذ مرحلة تعاون الفنان ابراهيم عوض مع الموسيقار المبدع عبد اللطيف خضر حقها من الاهتمام والنماذج رغم اهمية مرحلة الطاهر ابراهيم طبعا فمن يستطيع
ان يتجاوز يا زمن وقف شوية او ليه بنهرب من مصيرنا او ما بقدر ابوح ما بقدر اصرح الخ... من الروائع . على العموم حلقة دون المستوى اختيارا واداء لا تاخذ فى التقييم اكثر من 60% اجمالا. التميز الابرز كان للاوركسترا فلهم التحية بالأخص صاحب الانامل الذهبية صديقى المبدع عمر القصاص.
احساسي بأن هناك شئ غريب لا اعرف ما هو فى هذه الحلقة لكن بجيب خبره ان شاء الله قريبا . ايضا اللافت للنظر كم الاناقة عند طه سليمان وشريف الفحيل .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: طارق ميرغني)
|
Quote: ياشباب ...
أخونا المتصفح \ سفيان نابري ... مستاء من أداء صباح ...
ومصر بعدم جدواها كمطربة رغم أنف ود جبرين ...
وبرضه ... من تالاهون ....
____
طبعاً طلب مني أوصل التعليقات دي لغاية مايقدر يرجع ...
ويحلحل المشاكل التقنية اللي نحسته بيها أنا ...لووووول
___
|
تحية طيبة للجميع اول حاجة
و أمس رابع يوم في البرنامج وقبل بدأية البرنامج بشوية
اتصل علي اخوك حاتم صاحب الاقتباس الفوق دا و سلام وكلام
وتبريكات رمضان ومطايبه وقام شكى لي انو بيخش البوست
داوبيسجل دخول وبمشي علي الرد بتفتح معاهو صفحة تااانية
المهم قلته ليهو حاول وحاول انك تخش من الرابط بتاع الاى
بي ما تخش من المتصفح الرئيسي و واضح انو نجح هاهاهاها
بس بعد ما نحسنى انا وجاب لى الكج لانو انا بقيت خلاص ما
قادر اكتب حرف في البوست أمس و بتجيني الرسالة دي :-
Quote:
Sorry ....... سفيان بشير نابرى
You Reach Max Post allows for today.........
Try Back Tomorrow...... !
|
اها بعد الاستعانة بقوات صديقة وخبرة اجنبية عرفته
انو المنبر دا بقى فيهو كوته بتاعة كتابة لو كملت
بتاعة الليلة تاني الا تكتب بكرة لووووووول .
المهم امس حضرته الحلقة ودا رآي فيها :-
الاغنية الاولي الدنيا منى واحلام وشريف الفحيل
ضعيفة جداً وشريف فاقد الروح تماماً و اختياره
للسلم دخلو في مشكلات عظيمة وجمال فرفور حاول
انقاذ ما لا يمكن انقاذه نهائياً .
ممكن التقييم يكون 1 من 10 .
و اتخيل لي الفرقه الموسيقية حاولت مساعدة
شريف لكن لفشله فشلت معه ودا محتاج منكم
تسمعوهو و تاكدو لي صحة كلامى دا من عدمو .
الاغنية التانية ابضرس و ابن الراحل وابضرس
ممتاز في الآداء اختيار موفق للسلم وحركة
ممتازه فيه بس ابن المرحوم جهجه باكات طه
وطه فضل أن لا يتداخل معه بل جعل في بعض
المرات صوت ابن الراحل آوضح .
التقييم 7 من 10.
الاغنية التالته اعاهدك و عاصم محمد نور
وعاصم يا ناس ابدا ما في حالتو المعروفه
خصوصا في البرنامج دا عاصم يفتقد المعايشه
والحيويه و آداء لا يشبه امكانياته المهولة
فرفور يتدخل للأنقاذ لكن الأغنية عصام كتل
روحه لدرجة انو الفرقه ذاته اتجبرت علي
الربكه الحاصله .
التقييم 4 من 10 .
الاغنية الرابعة صباح و أغنية عيوني باكيه
ودي اغنيه القيامة بتقوم لما تسمعه من
الراحل و صباح وكوبليه واحد فقط ورغم ذاك
لم تستطع أن تقنعني بشئ رغم محدودية المقطع
الذي نجح فيه كورال المجموعه نجاح كامل.
التقييم 1من10 .
الاغنية الخامسة اعز مكان ونادر خضر و آداء
ضعيف من نادر وتقريري جداً .
كان الانسب للاغنية دى عصام محمد نور .
التقييم 1من10.
الاغنية السادسة يا غائب عن عينى
و عصام و فرفور و أغنية هجيج صاااح
و يرتقي الآداء في الحلقة بس فرفور
يسيطر علي الاغنية رغم تجويد عاصم
برضو .
التقييم 8 من 10.
و انتهت الحلقة .
Quote: هذه الحلقة غريبة جدا
اولا سادت فى الاستوديو حالة غير مفهومة تبعث علي عدم الارتياح وربما
كانت ذات تأثير فى كل المؤدين و بدأت من عدم التوفيق فى اختيار الأغاني بالإضافة الى عدم الحفظ الواضح . |
| Quote: احساسي بأن هناك شئ غريب لا اعرف ما هو فى هذه الحلقة لكن بجيب خبره ان شاء الله قريبا |
ضياء الدين والله نجيض كعادتك و اضانك نضيفة (سوال انت بتحضره في التلفزيون ولا من النت هنا؟) - اظنك بتحضره من النت غايتو
جاوبني وبوريك ليه جاني الظن دا هاهاهاها.
المهم كلامك الفوق دا صاااح مية المية والحلقة غريبة من بدأيته اظنو بسبب السلم اللعب فيهو شريف
لانو الفرقه اتجهجت معاهو وحاولت تعالج الموقف والموضوع دا اتكرر كذا مرة في حلقة أمس خصوصا مع
عصام محمد نور (الغريبه) وبرضو مع طه وابن الراحل لانو ابن الراحل جهجه الناس كلهم .
كدي اسمع وركز مع الفرقه وتعال كلمني .
Quote: وكذلك ادت صباح بشكل جيد بالرغم من قصر النموذج الذى لا يصلح للتقييم
ولكنها اجادت بنسبة تفوق الـ90% |
يا راااااااجل !!!!!
كوبليه واحد تديها 90 !!!! يعني كان غنت 2 كان كفته ليها عيال ابراهيم عوض ديل!!!!؟
| |
|
|
|
|
|
|
|
|
 Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
Quote: ضياء الدين والله نجيض كعادتك و اضانك نضيفة (سوال انت بتحضره في التلفزيون ولا من النت هنا؟) - اظنك بتحضره من النت غايتو
جاوبني وبوريك ليه جاني الظن دا هاهاهاها.
المهم كلامك الفوق دا صاااح مية المية والحلقة غريبة من بدأيته اظنو بسبب السلم اللعب فيهو شريف
لانو الفرقه اتجهجت معاهو وحاولت تعالج الموقف والموضوع دا اتكرر كذا مرة في حلقة أمس خصوصا مع
عصام محمد نور (الغريبه) وبرضو مع طه وابن الراحل لانو ابن الراحل جهجه الناس كلهم .
كدي اسمع وركز مع الفرقه وتعال كلمني . |
سفيان سلام وكل المشاركين واخص بالتحية الي جانب من ذكرتهم طارق ميرغني وحاتم العبيد واحمد محمد بشير.انا بحضر البرنامج من النت.
ان احساسى انو ابن المرحوم فرض نفسه وجاء لهذا البرنامج وفى نيته يا يغني ولا حتحدث مشكلة. يبدو لى ان الاستجابة له كانت مفروضة على البرنامج رغم تعقّل اخوه هاشم وحديثه غير المباشر فى عدم معرفته بالغناء .(محتاجين تأكيد لهذا الأحساس ) . اضحكني كثيرا تعليق استاذ طارق ميرغني :
| Quote: اما ابناء ابراهيم عوض فله الف حق ان يمنعهما اباهما الغناء |
طبعا كان هناك موقف شبيه للفنان وردى مع ابنه عبد الوهاب .
كما ان إطراء الاستاذ السر قدور الفنان الشامل شاعر وملحن وفنان ذو صوت جميل على حسن ابراهيم عوض
بذلك الشكل وراءه، ما لا نعلم. علي العموم ربما تكون هذه النقطة او هذا الاحساس هو الذى قاد الي حالة كهربة الجو فى الاستديو . المهم فى حاجة غريبة زى ما قلت سابقا .
اما عن اداءا صباح
Quote: يا راااااااجل !!!!!
كوبليه واحد تديها 90 !!!! يعني كان غنت 2 كان كفته ليها عيال ابراهيم عوض ديل!!!!؟ |
اولا هو واحد بس الاسمو حسن اما هاشم فقد كان فى غاية الاحترام وليس لأنه ابن ابراهيم عوض فذلك يعني انو بعرف يغني . ( دى نصيحة لوجه الله يا حسن .الغنا دا دربه شاق ومجهود يحتاج لكثير من التدريب والموهبة والموهبة دى خت عليها الف خط تحتها ). واذا كان بيقرأ فيما نكتب فهو يري كم النقد الموجه
للفنانين انفسهم (والحقيقة بعيدا عن تقييمنا لأدائهم فهم اعلام فنية جميعهم دون استثناء وقامات سامقة
ولكن هذا لم يمنعنا فى ان نقول كلمة حق علينا حسب ما نراه) . الحمد لله ان الأخ او الأبن حسن ناجح اكاديميا ودكتور وإلا لكان اصراره على دخول بوابة الفن كارثة بأعتبارها مهنة ما لا مهنة له.
اما صباح فانها اجادت جدا فيما ادته ولكن ينبغي ملاحظة ان 50% مما ادته رغم قصره شالو الكورس . لذلك قلت ان النموذج لا يصلح للتقييم .حتى استاذنا السر قدور نفسه لفت نظرها لذلك .
اها لى قدام .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: حامد محمد حامد)
|
سلامات ياعباسية
وضيوف هذا البوست التوثيقي
وبعد اربعة حلقات اتضح تماما بان
شريف الفحيل هو نقطة الضعف في البرنامج
اداء ضعيف ومهزوز في الحلقة الاولي مع
كنداكة خلف الله حمد .....وامس في حلقة
الفنان الذري ابراهيم عوض تأكد بانه
ليس من يحدثون اي فارق في هذا البرنامج
الجماهيري فعليه الانسحاب ( راي )
في الجانب الاخر اري بان خروج شموس واعادة
افراح عصام فيه تجني علي البرنامج في المقام
الاول وتابعو حلقات الموسم الماضي وكيف كانت
شموس هي الملكة المتوجة لهذا البرنامج بادائها
الجميل والقوي والكامل لكل الاغنيات...اما افراح
فاعتقد بان السر قدور اعادها ليردد ( افراح الشعب ههههههااااي )
وحاجات تانية حامياني....!!!!!!
عصام محمد نور....مكانك سر....
سلطنة وطرب من
فرفور وود البنا كالعادة.....
شموس ماشاء الله عليها فنانة متمكنة
نادر مازال محافظا علي ان يكون ظلا لود البنا وفرفور
الا في ما ندر
ريماز لاجديد يذكر ولاقديم يستحق الذكر....!!!
منار صديق تكثر من الابتسامة والضحك علي حساب التجويد مع انه
يجي منها الكتيييييييييييييييير.....!!!!!
اهم شي.....
اي واحد يجي يغني في البرنامج ده
بالامكان انك تحس بانو فنان عملااااق
وذلك بفضل هذه الفرقة الموسيقية الرائعة
بقيادة احمودي واسماعيل والقصاص وسعد الدين
وازهري والمليجي الصغير....
الدعايات شر لابد منه .
ضيوف الحلقات ...تمامة جرتق .
اتوقع ان يكون مستوي البرنامج
في تصاعد وان نشاهد يوميا عمل اجود
برنامج الحوت علي الشروق ...اعتقد بانه
اثر جماهيريا علي البرنامج
سلام ياشباب
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: haroon diyab)
|
يا حامد ياخي مالك عايز تجيب لي الهوا
ياخي انا بتكلم عن الغناء ياخي
يا ضياء متفق معاك ما اي زول ابوهو فنان ممكن يعرف يغني
يعني مثلا بت عبد العزيز محمد داوود رحمه الله قادانا قد ياخي
مع انه ابوها واحد من عمالقة الفن في السودان
انا رأيي انه البرنامج لو كان اكتفى بالرباعي القديم زايد أسرار وشموس كان حا يكون روعة شديد
غايتو افراح دي الا يكونوا جاملوها عشان زوجها موسيقي
عدم وجود اسرار خسارة كبيرة للبرنامج
ياخي ارجعوا شوفوها غنت «اطيب خاطرك الغالي» دي كيف
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: حاتم يوسف العبيد)
|
حلقة اليوم عن الفنان الفاضل أحمد وبخضور الفنان إبراهيم خوجلي ....
الشباب لبسهم متناسق ماعدا .. وبكل أسف فردتنا ...
وكلام غن الفاضل أحمد ...
ونموذج لأعنية - قسم بي محيك البدري ... مع فرفور ..
موسيقى جميلة ... وفرفور ... أجتهد جداً ... لكن تظل الأغنية أكبر ...
ومن ثم ... نموذج لـ لي في المسالمة غزال .. ورماز ...
أداء جميل ... برافو رماز ... والفرقة الموسيقية بتعمل عمايل ...
___
وين باقي الشباب اليوم ...
حد ... يصحي سفيان نابري ..
...
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: حاتم يوسف العبيد)
|
نموذج من - جمره حرقني ... وطه أبضرس ... وشريف ...
أداء جميل من الإثنين ...
بس ... شريف يكسب ....
ومحاولات إنقاذ لختام الأغنية .. من فردتنا ... بإعتبار أن الحقيبة هي ميدان فردتنا ...
____
أرحم ياسميري ... وفردتنا ....
ياجماعة الأغنية دي أتغنت زي 500 مرة في البرنامج ده ...
ياجماعة فردتنا ده حقو يكلموا ... يبعد من أي لهب ببدلتوا دي ....
دخول لـ تسفاي في الإغنية ...
فردتنا ... يتجلى ... بلعب في ميدانه ...
ونومي الشلتو جيبو ... وهاك قليبي هاك ....
وتقييم عام للحلقة برأي 7.75 ... والله أعلم ...
وأن تريدي ياليالي ...
______
اليوم الناس دي كلها زاايغة ... شكلي أنا اللي ح أحاسب على المشاريب في النهاية ...
سفيان أيها الوغد ....
...
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: ودالعباسية)
|
شكرا ليك كتير احمد محمد البشير ،،
مداخله تانى عن طريق الايميل للصديق ( محمد على) عن حلقة امبارح
Quote: والله امبارح حسن ابراهيم عوض ظلم طه ظلم الحسن والحسين
الاغنية خفيفة و ايقاعها مناسب لشباب و حيوية طه ولكن ما كان في داعي لمجاملة ابن ابراهيم عوض
لو نادر وصباح وافراح ديل اتخارجو و فكوهم و جابو اسرار بابكر البرنامج دة حيكون مية مية |
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: حاتم يوسف العبيد)
|
الحلقة الخامسة عن الفاضل احمد
عودا على بدء فى ختام الحلقة السابقة عن الفنان ابراهيم عوض ،
وعد الاستاذ السر قدور بمواصلة الحديث عنه خاصة وانهم تحدثوا فقط
عن مرحلة عبد الرحمن الريح والطاهر ابراهيم ليفاجأنا بحلقة جديدة
وموضوع جديد. وهذا يؤكد ما ذهبت اليه بالامس من أن شئ ما حدث خارج
رغبة وادارة البرنامج منذ الحلقة السابقة .
أجمل ما فى برنامج اليوم استضافة الفنان الكبير ابراهيم خوجلي
لماذا؟ سنأتي اليه فى حينه.
بدأت الحلقة بأشارة مهمة من مقدمه الاستاذ السر قدور وهى انهم فى
هذا البرنامج لا يسعون الي التوثيق فلذلك مجال آخر . هذه النقطة
تعفى البرنامج من كثير من سهام النقد وتحميله اكثر مما لا يحتمل
ويؤكد هوية البرنامج فى انه جلسة طربية تتعرض لبعض نماذج الغناء
فى ازمنته الماضية. وعليه تصبح المهمة الملقاة على عاتق المشاركين
فى هذا البرنامج من المغنين والمغنيات اكثر مسئولية وجسامة فى
أن تكون هذه النماذج قريبة من الأصل إن لم تكن مطابقة . وعليه فإن
سهام النقد موحهة مباشرة اليهم وينبغي ان يكون ادائهم مجودا من ناحية
الحفظ والأداء وخلافه..
ويمكننا ان نقول ان هذه الحلقة استوفت بنسبة كبيرة تصل للأمتياز فى بعض الأحيان
بدأ الحلقة الفنان جمال فرفور فى اداء مقاطع من أغنية قسم بي محيك البدرى
وكان رائعا جدا بل ممتاز فى ادائه وكان بودى ان يغني هذه الاغنية تحديدا كاملة
لانها من الأغاني التى وجدت محاربة هي ومجموعة وصلت لـ90 اغنية من المهوسين
والمتشددين واظنها مفقودة فى ارشيف الاذاعة . يستحق جمال فرفور نسبة 99% لادائه
الممتاز. تقعيد للكلام وتطريب فى غاية الروعة والطلعات حتي الآهات المصاحبة
كانت فى مكانها السليم .
ثم لي فى المسالمة غزال رماز ميرغني اداء ممتاز وتطريب عالي بالاخص فى حتة لو شافوا
القمر انواره تخجل ليهو. فقط كوبلية واحد والمطلع ولكنها كانت كافية بأعتبار ان الاغنية
دائرية وتتشابه فى كوبليهاتها. وتستحق نسبة 98 %
ثم جاء الدور علي منار وصباح ما رأيت فى الكون يا حبيبى اجمل منك وكانوا جميلات بحق فى الأداء
الاغنية على العموم من الأغاني السهلة والتي لا تحتاج الي مجهود كبير ولذلك تتجلي الروعة فى
التطريب وقد اجدن منار بإمتياز ثم صباح بالاخص فى مقطع مرة خليك جائر ومرة خاف من ربك
نسبة اداء تستحق 95%.
ثم الاداء والتطريب للفنان الكبير ابراهيم خوجلي وقد كانت بحق فاكهة هذه الحلقة اولا
للأختيار الجميل للأغنية الغير مطروقة . وثانيا للأداء والفت النظر لكيفية تفخيم الكلام
بما يستحق ومخارجه الواضحة وهو نهج الأولين من ابائنا فى التعامل مع اللغة وكيف يجب ان تكون
لذلك يستحق العلامة الكاملة 100% .اليس كذلك؟ بالله عليكم اسمعوا الطلعات والتطريب فيها. اسمعوا
كيف يخرج حرف الراء كما ينبغي ان يكون على وصلة الاستاذ ابراهيم خوجلي اشاعت الفرح فى ارجاء الاستوديو وقابلها التصفيق الحاد امتنانا على الأداء .
ثم الجمرو حرّقني شريف الفحيل وطه سليمان ، وفيها يعود شريف لمستواه المعهود ولا ينقصه ذلك الغناء
من الورقة ثم استلم المجال طه سليمان وعليكم مقارنة ادائهم والأداء السابق لاستاذناابراهيم خوجلي لملاحظة الفرق فى المسائل التي تحدثنا . ربكة بسيطة فى ختام الكوبلية الاخير لغرض المشاركة من الاخرين
عاصم وعصام وفرفور . مع ذلك كانت الاداء مجملا جيدا يستحق نسبة 94 %.
اما ارحم يا سمير وهي أغنية مطروقة كثيرا فقد ابدع عاصم البنا وقد كان اقرب فى الاداء لاستاذنا ابراهيم خوجلي شاركه فى بعض المقاطع عصام محمد نور ولكن ختامها يظهر فيه بعض الربكة بالاخص فى مقطع
هاك قليبى هاك . على العموم لم يقلل ذلك من جودة الاداء .ويستحق الاداء نسبة 97%.
على العموم كانت الحلقة جيدة وتستحق الاشادة وبها نقول انها مسحت الاداء الباهت الذى كان فى حلقة الأمس .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سيف الدين مصطفى كرار)
|
Quote:
اليوم الناس دي كلها زاايغة ... شكلي أنا اللي ح أحاسب على المشاريب في النهاية ...
سفيان أيها الوغد ....
|
هاهاهاهاهاهاهاهاهاى
ودفعته!!!!!!؟
انا الليلة حضرته بعيد عن جهازي
و المصيبة لما جيت راجع البيت
لقيت التلفزيون خربان يعنى بكره
برضو ح تدفع أنت يا ابو الشباب
لوووووووول
بخصوص حلقة الليلة الصراحة لله كل الفنانين ديل ما حيلقو
غناء سمح ومعروف زي غناء الفاضل أحمد دا و ياهو غناء
العدادات والخفلات لكن بسم الله ما شاء الله غالبيتهم جاطو
القصة .
فرفور جهجه ليك قسم بمحيك البدري جهجهة السنين .
ريماز اخر سلطنة في لي في المسالمة غزال رغم
انو غنت حبه جداً بس كانت مستعده تمام .
أغنية مارآيت في الكون وديتو منار وصباح وصباح
كالعاده ماممكن تكون ديتو لي زول نهائي لانو هي
باصواته الاربعه دي تربول + 1 براها وكانت حمل
تقيل علي منار بس منار تركز وتوضح علو كعبها .
الفنان ابراهيم خوجلي وهو ضيف الحلقة يغنى
زيكم ضائعين و آداء و صوت و أمكانيات مميزة .
اغنية جمرو حرقني ديتو ابضرس و شريف و آداء
ممتاز جداً لأغنية جميلة (فردتنا كان ممكن
يجضم حنان حنانه ذاتو ) ودا وضح في تداخله.
فردتنا عاصم و ارحم يا سميري واخر مزاج
وتكريب شغل واصلاً هو خطر في الحقيبة آداء
قمة في الروعه و تداخل من تسفاي برضو
كويس جداً جداً .
ونرسل تحية تانية لاخونا محمد علي البرسل عن طريق
إيميل ود العباسية .
يا ضياء ميرغني كدى ركز مع صباح دى تاني عشان
تسحب تسعيناتك دى.
اها استلم وادفع يا حاتم .
| |
|
|
|
|
|
|
|
|
|
Re: برنامج اغانى واغانى ،، نسخة 2011 البوست السنوي المخصص للبرن (Re: سفيان بشير نابرى)
|
الف تحيه للاعزاء
واخص بالشكر الاخوة احمد محمد بشير والاخ حاتم يوسف العبيد
واحيي اخوتي من الرعيل الاول للبوست ممكونه ومولانا وصديقي محمد المرتضى
والباشمهندس ابوبكر واحيي اخوتي عزيز وضياء الدين ميرغني
اما اخي نابري انا معك في ان صباح صوتها يفرق في بعض الاحيان
وهي شانها شان الكثير من المواهب الذين يحتاجون الي تدريب في الصوت من مختصين
وهي ليست كما ذكر العديد ان لها اكثر من صوت
لا اعتقد ذلك اعتقد انها لم تصل الي الطريقة التي تغني بها
يعني هي ليست بزنقار ليكون لها اكثر من صوت
| |
|
|
|
|
|
|
| |
طارق جبريل
ودالعباسية
سفيان بشير نابرى
حمزه بابكر الكوبي
حامد محمد حامد
SHIBKA
تاج السر محمد حامد
WAD ELGAALI#4
شهاب الفاتح عثمان
motaz
احمد محمد بشير
بله محمد الفاضل
مامون أحمد إبراهيم
ضياء الدين ميرغني
محمد على حسن
الخير محمد عوض
haroon diyab
فاروق أبوحوه
طارق زروق
فيس بوك
تويتر
انستقرام
يوتيوب
بنتيريست