|
|
 Re: ابدا ما هنت يا سوداننا يوما علينا....... (Re: عمر احساس)
|
ما تغنى لى دى يا عمر ياخ
ما بتنكسر شوكة وطن/ أغنية
ما بننكسر!!
و ما بتنكسر شوكة وطن
فى عز المحن
بتظهر عزيمة شعبنا..
حتى لو طال الظلم
و غابت تباشير الفرح
و ضاع الهنا..
. .. ما بننكسر!!
و طال الصبر
فات الحدود الممكنة
. .. ما بننكسر!!
و النيل حزن
فارق ضفته
خارت قواهو انحنى
. .. ما بننكسر!!
و الأرض لبست جفاف
بلا غيمة حداد
تغسل شقاءها و تحضنا
. .. ما بننكسر!!
و نرجاك يا سيد الشعوب
تحطم قيودك
و بكرة بيك ترحل دموع
و تحلق سحابات المنى
والبرق القبلى
يعرض بالطرب
تضحك بنيات الحقول
و تتفجر نوافير الغنا
يزهر وطن
فوق الجحافل
و التوابيت
و الطواغيت و الضنى
ما تنكسر
و أمرق فرح
عز الهجير
أزرع جروفك يا جنى ..
بكرة أمنياتنا بتكتمل
و يضوى تاريخنا
ظلام الأزمنة ..
------------------------------------------------------------------------------------
...Lyrics ...2010 .. مجموعة ...أغنيات للحب و الوطن
أو أختها دى:
علامة على الطريق
خليت علامة على الطريق
و ثبته رسمك فى القلب
زاهى و مرح..
رحلت بى حلمى الجريح
و عارف هواك جواى
كبير ما بنجرح
مسكون بى عشقك
متيمن مشيت و لوحت ليك
مبهورة العيون بحرير السفر
و أنا بالى فيك
شهّدت النيل و التراب وصلاتى ليك
وعداً على أمشى و أجيك..
ما تحزنى
بكرة ابتسامتك تعود
تملأ المشارق بالبريق
ما بخاف عليك و أنا فى الغياب
التراب الفيكِ من معدن صمود
ما بفنى، بس بفنى الحريق
و تفضل علامة على الطريق
تضوى الغربة لى خطوات
ساهيات بعيد، شان يرجعن
و مسارات الصبر تفرهد طرب
و تضج بالرحيق..
و ينزل من مسامك بلسماً
يروى الأرض و يطيب الجرح العميق
مكتوب نعود
نبنيك ذى ما بتحلمى
تمضى الدموع
و يرفرف الفرح الرشيق..
أصلوا العلامة على الطريق
وطن عزيز ساقيهو نيل
و تبقى العلامة على الطريق
عزة و شرف و أصل نبيل
و تبقى العلامة على الطريق
جنة بى أطفال سمر
راجيهم مستقبل جميل..
---------------------------------------------------------------------------------------------
مجموعة "أغنيات للحب و الوطن" . .. ... .... 2009..... (Lyrics)
صاحبك أبوذر من شيكاغو، و لحدى ما أجيب الصور بخلى ليك القطعة دى عشان تتذكر:
"الوتر الخامس" .. ../ تحية لعبد الحفيظ كرار و عقد الإبداع ..
بديع أن ترحل تسابق الأمنياتّ تستقطع من الوقت قطعة عزيزة النزيف؛ تروض معها و بها زحام مألوف. الذات تتأكل بحمض الإنتظار, فتفاجئك الآلات الموسيقية بسودانية
موغلة فى الخصوصية تحرك الوطن فى الذاكرة, فيسبح فى لجتها متماسك الإبتسام, تنصهر فيه الألوان بمثالية هى هبة السماء.
عبد الحفيظ كرار و بقية عقد الإبداع يرسمون وطنا ًبألوان أساسية تتفرع لاتترك فرصة لغياب غير مقصود. الحضورعلى إختلاف سحناته تذيبه الموسيقى الطاغية التطريب.
و أهل السودان تأخذهم المعانى الغائرة فى الجمال إلى ذرى النشوة و سماوات الحنين. يأبى الكون إلا أن يتفاعل, فتهطل زخات المطر فى دفء و إلفة تجعل تلكم الأمسية
الصيفية لوحة لا متناهية الرقة, يرقص كما لم يفعلوا من قبل, فتتلاشى الغربة فى النفوس فى حضرة الأمنيات و دهشة الأغنيات.
علاقتى بآلة الباص جيتار الرباعية الأوتار جد حميمة؛ فهذه الآلة تمنح التطريب بلا حدود و تحرك الأعماق الراكدة, تحلق بالمستمع فى عوالم دافئة الخصوصية.
و عندما تكون فى أحضان مبدع مثل عبد الحفيظ كرار فمن السهل أن تسرق المستمع الشغوف من بقية الآلات و الغناء. هذا المبدع يفاجئنى بالوتر الخامس و موسيقى
تعبر غلاف التطريب إلى ما لا تصفه الكلمات.فأجد نفسى مندفعاً عقب العرض لتهنئة الجميع و أخصه ببعض الكلمات و لا تفوتنى الفرصة للسؤال عن الوتر الخامس؛ يصفه
لى بأنه وتر مضاف حديثاً لهذه الآلة, وهو أقل غلاظة من بقية الأوتار؛ وأصفه إلى نفسى بأنه إنتقال دافْْء, رطب من غلاظة الباص جيتار إلى عذوبة و نداوة الوطن
بكل ألوانه و جيهاته.
و الحقيقة كل الآلات حوت وتراً خامس من نوع ما, كتميمة سحريةأضفت على عالمنا رقة لا متناهية و تطريب يعجز الوصف.
الموصلى, السقيد, عمر إحساس, عمر بانقا, داينمك, أدروب و البلابل حوت أصواتهم ذلك الوتر الخامس الذى أعثر فينا الجمال و سحرنا بسحره.
هاهو الصيف يعاود من جديد و نتساءل بشغف عن عقد الإبداع. نحن فى إنتظار الوتر الخامس (السحر الذى يخص الوطن).
فى نفس المواعيد دى قبل ثلاثة سنوات بالضبط. و من التفتيش بالصدفة لقيت فى برنامج إسمو (الوتر الخامس).. طبعاً الحقوق محفوظة لى (حـفيظ)، لأنها كانت أول مرة أشوف بيز جيتار
فيهو خمسة أوتار..
و الله ذكريات يا عمر..
|
|
 
|
|
|
|
|
| العنوان |
الكاتب |
Date |
| ابدا ما هنت يا سوداننا يوما علينا....... | عمر احساس | 07-08-11, 01:37 AM |
| Re: ابدا ما هنت يا سوداننا يوما علينا....... | عمر احساس | 07-08-11, 01:44 AM |
| Re: ابدا ما هنت يا سوداننا يوما علينا....... | عمر احساس | 07-08-11, 01:47 AM |
| Re: ابدا ما هنت يا سوداننا يوما علينا....... | عمر احساس | 07-08-11, 01:50 AM |
| Re: ابدا ما هنت يا سوداننا يوما علينا....... | عمر احساس | 07-08-11, 01:53 AM |
| Re: ابدا ما هنت يا سوداننا يوما علينا....... | عمر احساس | 07-08-11, 01:56 AM |
| Re: ابدا ما هنت يا سوداننا يوما علينا....... | محمد زكريا | 07-08-11, 01:57 AM |
| Re: ابدا ما هنت يا سوداننا يوما علينا....... | قاسم المهداوى | 07-08-11, 01:58 AM |
| Re: ابدا ما هنت يا سوداننا يوما علينا....... | jini | 07-08-11, 07:41 AM |
| Re: ابدا ما هنت يا سوداننا يوما علينا....... | خالد درق | 07-08-11, 07:49 AM |
| Re: ابدا ما هنت يا سوداننا يوما علينا....... | عمر احساس | 07-08-11, 07:51 AM |
| Re: ابدا ما هنت يا سوداننا يوما علينا....... | عمر احساس | 07-08-11, 08:08 AM |
| Re: ابدا ما هنت يا سوداننا يوما علينا....... | ذواليد سليمان مصطفى | 07-09-11, 08:39 AM |
| Re: ابدا ما هنت يا سوداننا يوما علينا....... | Tragie Mustafa | 07-08-11, 07:52 AM |
| Re: ابدا ما هنت يا سوداننا يوما علينا....... | احمد محمد بشير | 07-08-11, 08:02 AM |
| Re: ابدا ما هنت يا سوداننا يوما علينا....... | عمر احساس | 07-08-11, 08:16 AM |
| Re: ابدا ما هنت يا سوداننا يوما علينا....... | عمر احساس | 07-08-11, 08:22 AM |
| Re: ابدا ما هنت يا سوداننا يوما علينا....... | عمر احساس | 07-08-11, 08:46 AM |
| Re: ابدا ما هنت يا سوداننا يوما علينا....... | عمر احساس | 07-08-11, 08:49 AM |
| Re: ابدا ما هنت يا سوداننا يوما علينا....... | Abuzar Omer | 07-08-11, 08:58 AM |
| Re: ابدا ما هنت يا سوداننا يوما علينا....... | Abubakr Osman | 07-08-11, 09:20 AM |
 Re: ابدا ما هنت يا سوداننا يوما علينا....... | اسماء الجنيد | 07-08-11, 09:48 AM |
| Re: ابدا ما هنت يا سوداننا يوما علينا....... | الرفاعي عبدالعاطي حجر | 07-08-11, 10:12 AM |
 Re: ابدا ما هنت يا سوداننا يوما علينا....... | احمد محمد بشير | 07-11-11, 06:48 PM |
| Re: ابدا ما هنت يا سوداننا يوما علينا....... | Elmoiz Abunura | 07-08-11, 10:24 AM |
| Re: ابدا ما هنت يا سوداننا يوما علينا....... | عمر احساس | 07-08-11, 10:10 AM |
| Re: ابدا ما هنت يا سوداننا يوما علينا....... | عمر احساس | 07-08-11, 10:12 AM |
| Re: ابدا ما هنت يا سوداننا يوما علينا....... | عمر احساس | 07-08-11, 10:25 AM |
| Re: ابدا ما هنت يا سوداننا يوما علينا....... | عمر احساس | 07-08-11, 10:27 AM |
| Re: ابدا ما هنت يا سوداننا يوما علينا....... | عمر احساس | 07-08-11, 11:19 AM |
| Re: ابدا ما هنت يا سوداننا يوما علينا....... | عمر احساس | 07-08-11, 11:37 AM |
| Re: ابدا ما هنت يا سوداننا يوما علينا....... | عمر احساس | 07-08-11, 11:50 AM |
| Re: ابدا ما هنت يا سوداننا يوما علينا....... | عمر احساس | 07-08-11, 08:13 PM |
| Re: ابدا ما هنت يا سوداننا يوما علينا....... | Elmosley | 07-08-11, 09:01 PM |
| Re: ابدا ما هنت يا سوداننا يوما علينا....... | نادر الفضلى | 07-09-11, 05:39 AM |
| Re: ابدا ما هنت يا سوداننا يوما علينا....... | ياسر السر | 07-09-11, 07:03 AM |
| Re: ابدا ما هنت يا سوداننا يوما علينا....... | طارق ميرغني | 07-09-11, 07:39 AM |
| Re: ابدا ما هنت يا سوداننا يوما علينا....... | فيصل محمد خليل | 07-09-11, 08:24 AM |
| Re: ابدا ما هنت يا سوداننا يوما علينا....... | جعفر محي الدين | 07-09-11, 09:09 AM |
| Re: ابدا ما هنت يا سوداننا يوما علينا....... | محمد ادم الحسن | 07-09-11, 09:49 AM |
| Re: ابدا ما هنت يا سوداننا يوما علينا....... | على اسماعيل | 07-09-11, 11:02 AM |
| Re: ابدا ما هنت يا سوداننا يوما علينا....... | حذيفة الجلاد | 07-09-11, 03:43 PM |
| Re: ابدا ما هنت يا سوداننا يوما علينا....... | عمر احساس | 07-10-11, 08:40 AM |
| Re: ابدا ما هنت يا سوداننا يوما علينا....... | عمر احساس | 07-10-11, 08:45 AM |
| Re: ابدا ما هنت يا سوداننا يوما علينا....... | عمر احساس | 07-10-11, 08:49 AM |
| Re: ابدا ما هنت يا سوداننا يوما علينا....... | عمر احساس | 07-10-11, 08:59 AM |
| Re: ابدا ما هنت يا سوداننا يوما علينا....... | عمر احساس | 07-10-11, 09:02 AM |
| Re: ابدا ما هنت يا سوداننا يوما علينا....... | عمر احساس | 07-10-11, 09:06 AM |
| Re: ابدا ما هنت يا سوداننا يوما علينا....... | عمر احساس | 07-10-11, 09:07 AM |
| Re: ابدا ما هنت يا سوداننا يوما علينا....... | عمر احساس | 07-10-11, 09:13 AM |
| Re: ابدا ما هنت يا سوداننا يوما علينا....... | عمر احساس | 07-10-11, 09:20 AM |
| Re: ابدا ما هنت يا سوداننا يوما علينا....... | عمر احساس | 07-10-11, 09:28 AM |
| Re: ابدا ما هنت يا سوداننا يوما علينا....... | لطفي علي لطفي | 07-11-11, 03:28 AM |
| Re: ابدا ما هنت يا سوداننا يوما علينا....... | كمال ادريس | 07-11-11, 09:47 PM |
| Re: ابدا ما هنت يا سوداننا يوما علينا....... | عمر احساس | 07-11-11, 11:40 PM |
| Re: ابدا ما هنت يا سوداننا يوما علينا....... | عمر احساس | 07-11-11, 11:49 PM |
| Re: ابدا ما هنت يا سوداننا يوما علينا....... | عمر احساس | 07-11-11, 11:59 PM |
| Re: ابدا ما هنت يا سوداننا يوما علينا....... | Nasr | 07-12-11, 02:51 AM |
|
| |
Abuzar Omer
فيس بوك
تويتر
انستقرام
يوتيوب
بنتيريست