|
|
|
 Re: اسطورة ان اولاد الوسط تفاتيح( امدرمان.مدنى.كوستى) (Re: ناظم ابراهيم)
|
| Quote: هنــــــــــــــــــــــــــــا أمدرمــــــــــــــــــــــــان .. |
يا أخ ناظم
مع بلدنا دي ... مافي أي خيارات تانية غير مدنى الجمال وكوستي الاندلس
المقارنة تقطع انياط القلب
الحل في رائي خليهم يكونوا تفاتيح
ونحنا بنقبل بي تعبير ( شفوت ) خلاص
على الاقل ادربوا عندنا ... وما عدا ذلك - فهم ضحايا الاسطورة - على أرض الواقع وحيثما امتدت ( أم صفقاَ عراض )
محمد الفاتح خالد
| |
 
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: اشرف السر)
|
اشرف سلامى
لا احد ينكر ما قدمت مدنى من مبدعين وساسه مثل قدمت كثير من مدن السودان الاخري
ليس بالضروره ان كل من يحمل شهادات عليا يعنى انه تفتيحه يعنى ممكن الواحد يكون عالم فى الفيزياء النوويه او علوم الفضاء و(يغرق فى شبر ميه) زي ما بقولوا اولاد بمبه . او (القلم ما بزيل بلم) زي ما بقولوا كبارنا
التفتيحه هو زول صاحب حضور وذكاء اجتماعى وفاهم الدنيا والبشر ويستطيع الحياه فى اصعب الظروف وفى الغالب يملك كاريزما وشخصيه قياديه او بالمصري بيلعب بالبيضه والحجر
يعنى ليس كل مغنى او سياسي اولاعب كوره( تفتيحه)
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: ناظم ابراهيم)
|
الاخ ناظم سلامات
اعتقد أنوا الاخ اشرف السر
ما قصر
ومدني ما محتاجه ندافع عنها
لكن نصيحتي ليك لو عايز
تعرف اولاد مدني تفاتيح ولا ما
تفاتيح لاحظ الحاجه دي (تفتيحة ولا فارة)
من خلال معاشرتك لاولاد مدني الاصلين او اي
شخص تربى في مدني بتعرف الحاجات دي
يا ولدنا
مع فائق الشكر والتقدير
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: ناظم ابراهيم)
|
Quote: ودمدني بعراقة عوائلها الكريمة – على سبيل المثال لا الحصر – آل الكارب وآل بانقا،وآل بحيري وآل الحضري وآل الليثي وآل البوشي وآل شدو وآل كنين وآل الخواض وآل عبدالرازق وآل أبوعيسى وآل كشك وآل الكنزي وغيرهم.. وغيرهم.
عاصمة الجزيرة التي انتمت إليها حنتوب ، والتي قادت التعليم العام في السودان لما يقارب نصف قرن من الزمان ، وقدمت للسودان أرتالا من القيادات السياسية والإدارية والعلمية
|
تنسى آل عامر الجدهم ودمدنى السنى واولادة
المكى وهم مدنيين مكياب
دشين قاضى العدالة وهم ذرية الدشيناب
السنى وهم السنياب
دفع الله وهم الدفعلاب
هؤلاء سميوا المدنيين نسبة لسيد البلد والقبة ودمدنى السنى
جدودى اهل مدنى فخر السودان وكمان مولودة فى امدرمان يعنى المفاتيح كبيرة
تفتيحة وشايلة مفاتيحها
اه قصرت ؟
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: ايمان بدر الدين)
|
الاخت ايمان بدر الدين
لك العتبى حتى ترضين
Quote:
تنسى آل عامر الجدهم ودمدنى السنى واولادة
المكى وهم مدنيين مكياب
دشين قاضى العدالة وهم ذرية الدشيناب
السنى وهم السنياب
دفع الله وهم الدفعلاب
هؤلاء سميوا المدنيين نسبة لسيد البلد والقبة ودمدنى السنى |
فقد خامرني احساس بأن ضرب الأمثلة عن عوائل مدني سيجلب لي التقصير
لذا وضعت جملتي الاعتراضية | Quote: ودمدني بعراقة عوائلها الكريمة – على سبيل المثال لا الحصر – |
ولا غرض شخصي لي في ذكر البعض واغفال البعض الآخر...
فالمدنيين أهلي، وممن ذكرتين اعلاه اهل ونسابة كآل دشين وغيرهم..
فانا و بفخر من المدنيين أهل البلد!!!
شفتي كيف!!!
لكن هذا الفخر لا يجعلني أغمط ناس جزيرة الفيل او ود أزرق او بانت او فريق الصقور او غيرها من سكان أحياء ودمدني القديمة حقهم ونصيبهم في مدني..
انما ان اردت الحصر، فاحتاج لسنوات من التدقيق والدراسة لأخرج بسفر متكامل عن ودمدني وعوائلها الكريمة...
ايمان التفتيحة
دا حيكون اسمك هنا
++ الأخ أو الاخت الذي ارسل لي في الماسنجر.. الماسنجر بسودانيزاونلاين معطل له فترة ولا يفتح...
| |
|
|
|
|
|
|
|
 Re: اسطورة ان اولاد الوسط تفاتيح( امدرمان.مدنى.كوستى) (Re: اشرف السر)
|
| Quote: الشفت ما بقول انا شفت |
..
لكن أولاد أمدرمان أول ما الواحد يشوف ليهو زول من أي حتة كانت .. في العالم ..
بيعرفو ليك من مشيتو جاي من وووين .. وماشي ووين وعشان شنـو ..؟
ضف لذلك مرات كدا .. بقوليهو قبيلك فطرته بي كدا .. يا اتغديت قبل اسبوع بي ملاح كدا .. صاح ..؟
أمــا
بالنسبة للبجو قلبه .. وعايزين يعملو ليك فيها مفتحين واولاد قلبه .. بحكم انهم دخلو أمدرمان، بقوم اقرب واحد من اولاد قلبه بناديهو ليك .. ويسالو السؤال التقليدي ..
هوووي هــا .. إنت من أولاد ووين .. من مدني مش كدا ..؟
لاحظ إنت من أولاد ووين دي عامله كيف ..؟ 
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: ناظم ابراهيم)
|
اهو يا ناظم انت جاوبت براك | Quote: التفتيحه هو زول صاحب حضور وذكاء اجتماعى وفاهم الدنيا والبشر ويستطيع الحياه فى اصعب الظروف وفى الغالب يملك كاريزما وشخصيه قياديه او بالمصري بيلعب بالبيضه والحجر |
اولاد مدني اي واحد تمسكو من طرف ح تلقاه شايل في جيب بيضة في الجيب التاني حجر
أولاد امدرمان و كوستي بشيلو حجار بس
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: محمد البشرى الخضر)
|
السلام عليكم
دار حديث بيني وبين احد الاصدقاء عن حب الامدرمانيين لبلدهم
فاحببت ان اختصر له دونما ارهاق
اي شخص يحب مدينته
ولكن اهل امدرمان يعرفون اكثر من غيرهم التعبير عن هذا الحب
قرات اهداء كتبه شوقي بدري بخط يده في كتاب اهداه للمرحوم كمال سينا
الي كمال سينا
احد القلائل اللذين يحبون امدرمان اكثر مني
ــــــــــــــــــــ
مع احترامي لكل اللذين اوردهم اشرف السر
يبدو ان حدود مدني قد بدات بتفتيش سوبا مرورا بالحوش انتهاءا بسنار !
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: محمد البشرى الخضر)
|
| Quote: من رسخ هذا المفهوم؟ |
نحن
غيرنا لايعرفنا بقدر ما نعرف أنفسنا..أنا لاأعرف أولاد كوستى ولا أظن أنهم غير الذى تقصد..أولاد مدنى تفتيحة..وأم درمان لايختلف عليها إثنين.
ألأسطورة لم توجد من فراغ إنها تراكمات أجيال من أقوال حول هذه ألأماكن خلدت هذه المقولة.
نحن الذين نصنع للأماكن الجمال ونجعلها تفوح عبيرآ بسيرتها العطرة.
أم درمان كم هائل من الشعراء تغنوا فيها وتغزلوا...وأنا أم درمان.
تحياتى اخى كاظم..
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: Safia Mohamed)
|
سلام يا ناظم
التفاتيح اولاد الخرطوم (الخرطوم المقصودة هنا غير خرطوم عموم اهل السودان)
امدرمان بالنسبة لدينا سفر شاق، وناسها حلوين، وبنحن عليهم في امور الشفتنة وشغل التفاتيح
______________
تخريمة
مرة اخوي كان مستعجل شديد، وهو واقف قدام نادي التنس، وقال يملح مع اول عربية، الزول وقف
اخوي قال ليهو، ماشي الخرطوم، بتاع العربية بصوت لا يخلو من عصبية واستغراب "اومال هنا كسلا"
لوووووووووووول
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: ناظم ابراهيم)
|
| Quote: لسكن فى بحري والشغل فى الخرطوم والفارغه والمقدوده فى امدرمان) |
ياتو شغل يا ربى يكون فى سوق امدرمان قدام الجامع الكبيرولا حى الشهداء ولا اظن فى شارع الدكاترة الشاقى سوق امدرمان
والله اظنوا فى الاذاعة ولا فى التلفزيون يكون !!!! امكن يا ربى يكون الزول القال الكلام دا ما عندوا زولا قريب لية فى البرلمان من زمان كدى ولا شنو؟؟؟ البرلمان دا فى امدرمان قريب كوبرى امدرمان الخرطوم
اها كان جاء المطار الجديد الا كان ناس الخرطوم يرحلوا امدرمان باقى بيكون بعيد خلاص والمعايش جبارة
المهم لاعبين الكورة المحترفين والمدربين لازم يسكنوا امدرمان عشان قريبة من شغلهم فى الاندية ليل نهار
قصر الصداقة والشباب برضو للترفية وفية ناس شغالة بتجى من الخرطوم للمليانة الما فارغة
خليكم من دور الاحزاب والموسيقى والمسرح ديل حقهم براة
وبجيكم راجعة لمدنى والمدنيين اهلى دى بس امدرمان المولودة فيها
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: ايمان بدر الدين)
|
الأخ ناظم إبراهيم
تحياتي - يا زول أهلنا قالوا العود كان ما فيه شق ما بقول طق. المعنى يعني حكاية أولاد الوسط كلهم تفاتيح دي لا تخلو من الحقيقة برغم وجود ما هو عكس أحيانأً وبنسبة ما كبيرة . ولست الأمر تنميط كما ذكر أحد الإخوة لكن واقع الحال يدل علي ذلك والدليل أن الكل يتمنى أو يسعى ويكابد لأن يكون له وجود في هذه المدن برغم حصر الأماني في حيز المركز الصغير في الخرطوم وأم درمان وبحري وحتى بقية المدن الأخري الأكثر قرباً للخرطوم تجد فيهم من يسعى للحاق بالمركز مع سهولة ذلك وقرب المسافة الثقافية بين تلك المدن ومدن كوستي ومدني. ومع وجود فوارق تمشي بيننا وميزات إضافية تميل الكفة لصالح أولاد المركز من ثقافة وماديات لا حصر لها تجعل المركز صاحب باع أطول وحضور أكثر في وجدان هؤلاء مقارنةً بالهوامش. ونسبية هذه الهوامش. مثلاً في داخل حيز المركز الكبير تجد في حي مثل أم بدة بأم درمان واحده رحلت من أحياء ود نوباوي وبيت المال والملازمين وأب روف تميز نفسها عند التعارف بأنها بت أم درمان . حتى أن الجميع اصبح لا يناديها إلا بت أم درمان !
بحيراوي
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: وليد محمد المبارك)
|
وليد ازيك
عارف فى اتنين فى بحري كانوا ممكن يبستفوا شفوت امدرمان كلهم
الاخوين ايوب فارس وسليمان فارس(السد العالى)
سليمان فارس لما كان بلعب فى الهلال واحد من اولاد امدرمان اسمو التقر قال العب يا سليمان قام رد ليهو بلهجته المصريه (حتعمل بيها ايه يا تقر)
خد يا شفت
عبده الشيخ احرف جناح شمال فى تاريخ السودان وياما قاس وبيضها لباكات امدرمان
شيخ ادريس كباشى بدون تعليق
المفك احسن لاعب نص للبفهمو كوره
حتى الفتونه فى امدرمان عضلات وفى بحري (مخمخه)
عندك (الكضمى) احرف جزار ما يطلع منو ربع كيلو ولكن فاق (ال كابونى)
ود الشعبيه(الواثق صباح الخير) كان زي روبين هود يشيل من الاغنياء ليساعد الفقراء
يا عزيزي ليس دائما(الكثره تغلب الشجاعه)
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: ناظم ابراهيم)
|
حبابك يا ناظم
قلت كده
هاك طيب
نجيك للكورة
برعي القانون
بشرى وهبة
جكسا
قاقرين
الرشيد المهدية
وممكن امسك ليك لسته تخجل من الجبتهم ديل
ياخ كفاك جكسا
وبرعي القانون
وجاد الله
والدحيش
وقاقرين
قلت لي عبدو الشيخ
ما بتعرف عادل امين
كان جيت للفتونة
امشي اقراء لي شوقي بدري بديك تاريخ الفتونة على اصولو
وخلي تمبس ده يحكي ليك عن اولاد الحنان
وناس الجابا ( المعلم ضلف ) واخرين
الواثق صباح الخير قلت ليك
شوف الزول ده وتاريخو العاملي خليك من المحلي
لو حكيت ليك عن قصصو المحلية حا تتعقد
ده هاشم بدر الدين ود العباسية
ممكن احكي لي عن فردو ناس ود الصبي ومجتبى واخرين
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: وليد محمد المبارك)
|
السادن سبدرات مرة في التلفزيون قال الخرطوم دي من القصر الجمهوري وحدها نمرة 2
الواحد تلقاهو ساكن الدروشاب ويقول ليك أنا من الخرطوم
م
وكذلك أم درمان الواحد تلقاهو مولود تحت جبال المرخيات ويقول ليك أنا من أمدرمان (دي لم يقلها سبدرات)
لكن غايتو أنا عشت في كوستي فترة وأولادا كلهم شرامة.
أما ناس مدني ديك فشرامة بفن وذوق ورقي ووعي.
لكن لا أدري سبب العداوة المتأصلة بين ناس مدني وناس الخرطوم.
قالوا المطرة صبت في مدني والجماعة طلعوا كراسيهم العصرية وقعدوا للونسة.
واحد قال ليهم والله أسي تلقى ناس الخرطوم ضارباهم جنس كتاحة.
ياخي مدني جابت ود اللمين وعركي تاني عايزة شنو؟
مع إنو أنا لا من مدني ولا من "الخرتوم".
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: shammashi)
|
ناظم والحضور سلامات
البوست دا ممكن يسبب حرب اهليه
مدني ما محتاجين ندافع عنها العارف عزو قالو مستريح
لكن عموما سوالك ما منطقي لانو الوضع اختلف حاليا
لا سكان مدني هم اهل مدني
ولا سكان امدرمان هم اهل امدرمان
السودان عموما مافيهو زول مفتح هسه غير الكيزان
ممكن نقول خلينا نتكلم باعتبار ما قد كان
وقول للزمان ارجع يا زمان
كل التحايا
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: وليد محمد المبارك)
|
| Quote: والبلد من ما تجيها زائر وتخرط اولادها في البلي بالنهار وبالعصرية تحاور ميدان كورتهم كلوووو وفي المساء تخرطهم في الجكسوس حيث الحفلات (ادفرها طواالي لوراء في بورصة التفاتيح) وفرتق منها تاني يووم باول لوري الي حيثما اتيت لوووووول |
دقيقة يا اقليمي إنت .. دقيقه بس .. دي ياتو امدرمان دي ..؟ البتخرت اولاده في البلي وفي الجكسي ..
والله دي إلا تكون امدرمان فلاتـه بتاعت الصعيد ديك ..
يا كيكي ياخ نحن كنا بي صدد إنو نعمل ليك اقامة دائمة في امدرمان لما لمسناه منك من شوية رقشاية كدا بتاعت فتحنه .. تجي تخرتنا اولان لين في العام الفين وحداشر ..؟
اقوليك حاجة..؟!
بالنسبة للبلي ..
كان عندنا (مووورلي) مورلي دا .. وحيات خوتك .. برسلمه ليك زي بتاعين البلياردو العالميين .. بقوليك انا ح اعمل كدا وكدا .. وقبال ما تلعب الجله حقتك .. بقوليك كلمة واحدة .. (إنت إنتهيت)
واخد بالك ..؟
إنت انتهيت دي بقوله ليك قبال ما تلعب ..
بعداك ما عندو اي علاقة بالبلي القاعد علاقتو مع الجلل والضراريب .. من الشخيت بلم فيك طقطقه بي نفس خطوط الكنتور الرسمه ليك .. ولو كان في رسم بياني .. يوضح ذلك .. كان عرفته حاجة .. وإنت كزول بتاع رفع مساحي بتكون فاهم حاجة ..
اما الكورة ..
والله يا كيكي .. بتتعب جنس تعب ..
يوم في نفس الزقاق البنلعب فوقو البلي دا .. انا طالع من أول الشارع لقيت ليك .. (بكووور) .. لامي ليك في (صجـــة) غسيل في الدافوري .. شابكو ليك طراخ طاخ طراخ طاخ .. وصجه بينطط ما لاحق الكورة .. زي بتاعت الحضري بالضبط بعدين كلما يقوم لي فوق بكوور بيزلقه ليهو بي تحت .. ولما يقوم لي فوق زيادة برفعه ليهو .. المهم انا لما وصلته لحدت عندهم كنت ميت من الضحك .. قمت نطيت شلت الكورة ووقفته العرض دا .. ضجه اخد ليهو قعده في الضل .. لقيت عيونو بقت بيضاااا .. ونفسو قايم .. تعرف إلا رشيتو ليك بي موية حتين صحى .. من الدوخه دي .. قمت ارهبتهم ليك قلت ليهم والله تاني اللقاكم لاعبين هنا بتعرفو حاجة ..
دا علي نطاق الشفع طبعا ..
اها كان جيت للناس الكبار .. يعني عايز تغلب لي ناس .. كمال عبد الوهاب واللا ناس قاسم أحمد عثمان .. واللا خليك من ديل .. ياخ والله يا كيكي لو كان حظك سمح وعرفناك بدري .. كان نجيبك تلعب مع عمر طبيز .. والله دا يغسلك ويحاورك .. ولا بجيب فيك قوون .. بس يلم فيك قلبان .. قلت ليك قبل كدا عمر طبيز دا حاور ليك عاطف فرنب .. بالجناح .. عاطف بدل ما يشوت الكورة من طبيز .. ما عرف مكانه بي ووين .. الجدادة جات طالعه من بيت ناس احمد الطيب .. قوم يا عاطف توووفك .. عكس لي الجداده .. وانا واقف ليهو قوون .. وحيات خوتك جاني الريش طاير .... ..
..
جكس يا كيكي ..؟ إنت جادي ..؟
ياتو جكس البتجي تخرتو في أمدرمان دا ..؟ الكلام دا ووين في الحياة ..؟
ياخ اقل جكساية .. كان عايز تحنك معاها بتقوليك .. هووي ها .. إنت من زمن يا تتي ..؟
يا كمان قالت ليك إنت من وين في الحياة دي ..؟
كيكي عليك الله ارخي ياخ الدنيا احتفالات ثورة ..
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: tmbis)
|
| Quote: والله دي إلا تكون امدرمان فلاتـه بتاعت الصعيد ديك |
هلا يا تمبس
ويااخ خراطيم اشاعة
انتو حتي الاقاشي بتاعنا بتاع(علي برنجي) سرقتو من الكراكير دي وضربتو(بوهية) و كترتو ليهو المحلبية وقلتو (ميد ان امدرمان)
بالله فكنا ياااخ
وتصدق يا تمبس (اعزل ليك)2 نشالين من الخجانين ديل وافكهم ليك في سوق امدرمان ده في ساعة ونص بس ينشلو ليك سوق ام امدرمان ده كلو
ولو شدو حيلهم ممكن يباصروا السوق العربي بدون ما يحس بيهم زول واخر اليوم تلقاهم اخر قرقر ومرايس في اطراف مايو....(وطبعا دي شفتنة نوعية مرفوضة ولكنها برضو ممكن توريك حاجة عششان تاااامن
--
الكورة دي زولنا زول الاقاليم بجي دايش اول ايام وصاح بنخلع من الفلاشات وكواريك جماهيركم دي ولكن لو لحق ثبت ليهو كورة بالكعب
وجر نفس طويل تاني مستعد يرقص استادات الخراطيم دي هلال ومريخ وموردة واستاد التحرير زاااتو ولو لحقتو جبتو دار رياضة امدرمان تاني يوم جلاكين المساطب العجيبة ديك كلهم تلقاهم في السوق بشتروا عمم جديدة لانو ولدنا بكون خلاهم يحرقو العمم
يازول السودان ده لورا كده فيهو مصايب ومحن
بس خراطيم اعلام قووووي ورادي فصيح نسوي معاكم ششنوو عاد لووول
وسنتابع
| |
|
|
|
|
|
|
|
|
 Re: اسطورة ان اولاد الوسط تفاتيح( امدرمان.مدنى.كوستى) (Re: عبدالكريم الامين احمد)
|
Quote: اوعك يا تامبا
دي اسرار حربية ما تفشيها .. |
.. والله يا شفت كان اديتني الفاتحة وخليتني امنطق ليك كيكي دا بي خطة جندين وطابية بتاعت ود الحنان يكون كويس ..
لكن يا زول ماف عوجه .. لكن اوعدك كلما كيكي يفرفر .. بجدع ليك ليهو قنبلة دخان ..
Quote: وتصدق يا تمبس (اعزل ليك)2 نشالين من الخجانين ديل وافكهم ليك في سوق امدرمان ده في ساعة ونص بس ينشلو ليك سوق ام امدرمان ده كلو
ولو شدو حيلهم ممكن يباصروا السوق العربي بدون ما يحس بيهم زول واخر اليوم تلقاهم اخر قرقر ومرايس في اطراف مايو |
.. والله يا كيكي دي بس بالغته فيها .. غايتو دي إلا تحصل في ميدان الأمم المتحدة .. يا كمان جماعتك ديل ينمشو ينشلو ليهم اقليميين زيهم في سوق امدرمان .. اصلو نحن البجيب لينا الهوا الاقليميين البجو يشبكوك نحن من امدرمان ديل ..
ياخ اقوليك حاجة ..
والله ووحيات خوتك يا كيكي .. نحن لما كنا في الثانوي .. كنا في وادي سيدنا امدرمان ..
مرات بكون عندنا شغل في * الشهداء امدرمان .. لما مثلا .. الحصص تكون ما شغاله معانا ..
تعرف .. عادي جدا الحصة التانية والتالتة دي بنكون شغالين .. مادة (سلوكية) في الشهداء ..
عندنا يعقوب موسى من اولاد حلتنا .. كان اخطر زول ممكن يعرف ليك النشال كان طارة في المركزية ايام المركزية مركزية .. وطبعا بالمقابل علمنا الحركة دي .. من تصرفات محددة للنشال ..
يللا بنمشي الشهداء .. بتلقى يعقوب دا قاعد ليهو في كرسي مهتوك من النص .. كرسي بلاستيك .. بقوم بنادي ليك النشالين ديل بالواحد تعال يا وهم إنت .. هووي يا فارة تعال اقعد هنا ..
تعرف بعد ساعة كدا .. بتلقى الزول دا لامي ليك زي كم وخمسين نشال مقعدم في الواااطة .. في وضعية ارنب نط .. اللحظة ديك ماف زول بكون اتنشل في الشهداء .. يللا نحن لما يعقوب يكون مافيش .. بنجي السوق دا نلقط الفارات بدلو .. ونكون لابسين لبس الثانوي العالي ..
اقوليك حاجة .. في واحدين عديل كدا كانو بيدفعو مرتبات شهرية عشان يشتغلو في المنطقة دي كنشالين .. لو كنا نحن في واللا مافيشين ..
مرة ياكيكي (الجلدة) حقتي وقعت في الخرطوم وقفته اشتري لي تمباك .. وبيني وبينك كنت خرمان شديد .. سفيت وقامت بي .. شكلي جيت ادخل الجزلان في الجيب قمته دخلتو في الهوا .. المهم وصلته البيت واخدته نومتي .. اسمع ليك الباب بيدق ..
طلعته لقيتو ليك .. واحد من المكداكية بتاعين الخرطوم .. جاب لي الجزلان لحدت البيت في امدرمان .. لانو لقى البطاقات .. وعرف شكلي ..
حسع دا يا كيكي .. كان لما في اي واحد فارة اقليمي .. والله كان نفضو ليك نفييض ..
تقولي يمشي يضرب بيها مرسي في مايووو ..؟
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: tmbis)
|
شماسى لك التحية...
Quote: السادن سبدرات مرة في التلفزيون قال الخرطوم دي من القصر الجمهوري وحدها نمرة 2
الواحد تلقاهو ساكن الدروشاب ويقول ليك أنا من الخرطوم
م
وكذلك أم درمان الواحد تلقاهو مولود تحت جبال المرخيات ويقول ليك أنا من أمدرمان (دي لم يقلها سبدرات)
|
سبدرات أعتقد كلامه صحيح حيث أن من القصر الجمهورى وأنت متجه جنوبآ معظمها ليست أماكن سكنية إما مصالح أو وزارات أو مؤسسات
أما عن أم درمان فجبال المرخيات ضمن أم درمان وإيه الغضاضة فى ذلك.
كل الأمتدادات السكنية أتت توسعة لتفرج عن الكثافة السكانية للعواصم.
أمبدات والثورات لو تلاحظ كانت إمتداد لكل سكان أم درمان فشمالآ رحلو ا ناس ودنوباوى وودرو وأبوروف وحى السوق للثورات..
وناس العباسية والعرضة جنوب وأبوكدوك والموردة وابوعنجة رحلوا إلى أمبدة جنوب..وناس حى العرب والعرضة شمال وما جاورها إتجهوا إلى أم بدة شمال,
نحن كل من ينتمى إلينا نعتز به ليس لنا حدود لا المرخيات ولا المشدودات...
تقديرى للجميع...
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: ismeil abbas)
|
Quote: والبلد من ما تجيها زائر وتخرط اولادها في البلي بالنهار وبالعصرية تحاور ميدان كورتهم كلوووو وفي المساء تخرطهم في الجكسوس حيث الحفلات (ادفرها طواالي لوراء في بورصة التفاتيح) وفرتق منها تاني يووم باول لوري الي حيثما اتيت لوووووول
الابيض بالمناسبة مدينة ملانة وشحمانة بالتفاتيح |
العزيز عبد الكريم
تحياتي - يا أخي مالك علي عيال أم درمان بدور تزعلهم ليه . يا زول دا جكسيهم ما بتخرط ولا حاجة يعني بمجرد ما تجي في الجكس والبلي تقوم تقول بنخرطوا . استاذنا الأمين مجاور بخور طقت الثانوية الله يرحمه ويغفر ليه يقول ليك أنتو قايلين الكلام دا كدا لا لا لا . عشان كدا يا عبد الكريم كلام الخرط في البلي والجكس دا لا لا لا . ونحن لا زلنا بنتعلم من عيال أم درمان ديل . ديل يا أخي ناس أب روف سمع وشوف. والحق يقال .
بحيراوي
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: البحيراوي)
|
سلام يا ناظم
Quote: احمد ابن عوف ازيك
انت من وين فى الخرطوم اصلها خشم بيوت
غايتو اولاد (الخرطوم تلاته ) عاملين تفاتيح |
اولاد تلاتة على العين والراس
انا من الخرطوم ذاتها، او بطريقة اوضح، لمن ابهاتنا كانوا لسه يافعين بنصحوهم ما يعدوا سكة الحديد
جنوبا بعد المغرب، اي ما يمشوا ديم سلك وديم التعايشة وديم سلمان، التي هي نمرة واحد واتنين وتلاتة اليوم
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: keiga2000)
|
كيقه ازيك
كعاشق لمدنى اهديك الحكايه دى عن الساحر الاسطورة الفاضل سانتو
جئت لتمارين المريخ وقد وجدت في تلك الفترة بشارة وسليمان وكاوندا وكمال عبد الوهاب والجيلي عبد الخير والحارس عبد العزيز وجاد الله وسانتو الخرطوم (عبيد كبار) بلغة الكورة. وكانوا يلعبوا لي الباص في ضهري مرة وفي رقبتي مرات عشان يفشلوني ودي بعملوها لأي لاعب جديد عشان يتحرج مع الجمهور ويغادر المريخ.. وفي احدى المرات لعبوا لي الباص في ضهري فأخذته بالكعب
للامام وسددت في المرمى وسط ذهول اللاعبين والجماهير والحارس عبد العزيز الذي فشل في صد الكرة او ابعادها عن مرماه. ومن اليوم داك عبد العزيز حراس المرمى طارت ليهو!!. فصفق لي منصور رمضان الذي كان يدرب المريخ وهنأني على المستوى وبعد ذلك اصبحنا اصحاب مع ناس بشارة وكاوندا وفتحوا لي دارهم واذكر ان زميلي الشايقي كان مهددا بالشطب من كشوفات المريخ وهو يلعب
مدافعا وكان لصيقا بي فقلت له انا ما حأخليهم يشطبوك فكنت اراوغ جميع المدافعين وعندما اواجه الشايقي أخلي يشيل مني الكرة فيقوم الجمهور يصفق له ويشيد به فبقي الشايقي لموسم آخر في المريخ ولم يشطب وظل يحمد لي هذا الموقف حتى بعد شطبه من المريخ.
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: محمد البشرى الخضر)
|
Quote: جئت لتمارين المريخ وقد وجدت في تلك الفترة بشارة وسليمان وكاوندا وكمال عبد الوهاب والجيلي عبد الخير والحارس عبد العزيز وجاد الله وسانتو الخرطوم (عبيد كبار) بلغة الكورة. وكانوا يلعبوا لي الباص في ضهري مرة وفي رقبتي مرات عشان يفشلوني ودي بعملوها لأي لاعب جديد عشان يتحرج مع الجمهور ويغادر المريخ.. وفي احدى المرات لعبوا لي الباص في ضهري فأخذته بالكعب
للامام وسددت في المرمى وسط ذهول اللاعبين والجماهير والحارس عبد العزيز الذي فشل في صد الكرة او ابعادها عن مرماه. ومن اليوم داك عبد العزيز حراس المرمى طارت ليهو!!. فصفق لي منصور رمضان الذي كان يدرب المريخ وهنأني على المستوى وبعد ذلك اصبحنا اصحاب مع ناس بشارة وكاوندا وفتحوا لي دارهم واذكر ان زميلي الشايقي كان مهددا بالشطب من كشوفات المريخ وهو يلعب
مدافعا وكان لصيقا بي فقلت له انا ما حأخليهم يشطبوك فكنت اراوغ جميع المدافعين وعندما اواجه الشايقي أخلي يشيل مني الكرة فيقوم الجمهور يصفق له ويشيد به فبقي الشايقي لموسم آخر في المريخ ولم يشطب وظل يحمد لي هذا الموقف حتى بعد شطبه من المريخ. |
انت متاكد انو ده الفاضل سانتو؟
ما اميتاب باتشان ولا دهر مندرا ولا زينات امان حتى؟
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: waleed dawash)
|
العزيز \ناظم ,,,, سلامات
والله نحن ناس الخرطوم قلبه تفتيحة ,, البجبي من كوستى ولا مدني
لازم يمر بينا ,كان في السكة حديد ولا موقف باصات الخرطوم تلاتة
وحاتك يا ناظم بنعرف الغريب من لبسه ومشيته وكلامه,, الخرطوم
أهلها يعرفون بعض حتي اواخر الستينيات وبعد ثورة مايو جاطت.
الاخ الفاضل اشرف السر ,,, تحياتي
بعد الخرطوم أجمل مدينة حبيتها مدني اهلها طيبين ودودين وعشريين
ولي فيها عشرات الاصدقاء وزملاء الجامعة,,,
بس الاستاذ احمد محمد صالح جدي وهو أمدرماني اصيل ولا علاقة له
بالجزيرة من حيث النشأة والنسب, فقط عمل استاذا للغة الانجليزية بمدرسة
حنتوب الثانوية.
الاسر أنفة الذكر من مدني الان معظمهم ساكنين ومناسبين ناس الخرطوم القدام.
اولاد شدو واولاد الكارس واولاد الكارب وال خليفة وغيرهم.
شكرا لكم جميعا,,,والسودان بقي كله تفتيحة في الزمن ده
بس يا ناظم صدق ناس نيويورك تفتيحة شدييييد ,,, يعني بقينا تفتيحتين,,,,,
الخرطوم ونيويورك
مودتي لكل التفتيحة والشفوت وكل أهل السودان المغلوب علي أمرهم
(عدل بواسطة سيف الدولة كامل on 05-25-2011, 11:05 PM)
| |
|
|
|
|
|
|
|
|
|
Re: اسطورة ان اولاد الوسط تفاتيح( امدرمان.مدنى.كوستى) (Re: ناظم ابراهيم)
|
يا ناظم يا خي
سمعنا ناس مدني لقينا كمية الفرح فيهم ايييييييييييييييييييك اسكت ساااااااااااااااكت !!
وسمعنا ناس امردمان لقينا فيهم الفرح مضاعف اضعاف
وسمعنا ناس كوستي والابيض لقينا فيهم الفرح اصييييييييييييييييييييييييييييييييييل
وربنا يديم عليهم الافراح
| Quote: مرحب باولاد الخرطوم رغم ان صوتهم ليس عاليا مثل الامدرمانيين والمدنيين |
ما قولنا ليك يا ناظم .. المفتح ماااااااااااا بقول انا مفتح .. والشفت كذلك !
ناس مدني وامدرمان .. فرحااااااااااااااااااااااااااااانين شديد يامان - 
و ناس بورسودان زي الورد
| |
|
|
|
|
|
|
| |
ناظم ابراهيم
محمد البشرى الخضر
عمر الفاروق
محمد المرتضى حامد
سيف النصر محي الدين
محمد الفاتح خالد حسون
د.محمد حسن
mustafa bashar
اشرف السر
انس التوم احمد
ايمان بدر الدين
tmbis
Kostawi
عبدالله كع
ود الخليفه
ismeil abbas
وليد محمد المبارك
waleed dawash
Safia Mohamed
أحمد ابن عوف
البحيراوي
keiga2000
عبدالكريم الامين احمد
ايهاب
سيف الدولة كامل
فيس بوك
تويتر
انستقرام
يوتيوب
بنتيريست