|
|
|
 Re: ما هذا يا بورداب الرياض .؟؟؟؟؟؟ (توثيق بالصور) (Re: ود الباوقة)
|
كتب ود الباوقة:
Quote: ما تحاولي تجي خافسة علينا يوم يومين في الرياض
مودتي |
...
السبت والأحد ونص الأتنين الجايات ديل ماعندكم كركبة لأننا خافسين عليكم؟؟؟
زي ماعارف الكركبة عندنا هناك في البلد تعني اللعب أي الحفلات.
اهاااا
عمنا عثمان سعيد جايين معاهو مداحين من بربر. مشى دكان عبد الله لشراء بعض مستلزمات العشاء للجماعة
وفي اثناء عملية البيع سال عبدلله عمك عثمان" الليلة باقي لي عندكم كركبة؟؟ فزعل عمنا عثمان رحمه الله وصاح قائلا:"نحن ناس لعب يا عبد الله وحرد حاجاتو وقفل راجعا
| |
  
|
|
|
|
|
|
|
 Re: ما هذا يا بورداب الرياض .؟؟؟؟؟؟ (توثيق بالصور) (Re: طارق ميرغني)
|
Quote: وتتصور ايمن طلع اي كلام..
قالوا ملاح ام رقيقه ما كان موجود اصلا |
هياااا .. باشمهندس .. القاليك منـو ..؟
ياخ والله انا قبال ما ادخل في المرحلـة حقت التقشير البرتكاني .. اكتشفت إني غاطس لي كوعي .. في ام رقيقـة .. غايتو انا ما عارفو هو الكوع كان ام البوع .. لكن المهم انا كنت غاطس .. مرات مرات بينتشلني ليك ايمـن دياب ، ومرات مرات بسمع ليك شخشخـة من بعيد كدا اكتشف ليك انو دا اسماعيل عباس .. والاربـاب سايقو ليك الجيـر .. وطالع بيهو العالي .. ما كمان الارباب سعيد دا .. ود جزارين وعارف ملاح أم رقيقة زي دا بياكلوهو بي ياتو طريقة..
عمران سيد الشي أول ما جا داخل رفع لي يدو اليمين .. طبعا يا أخـوان لما عمران يرفع لي يدو اليمين .. بعرف انو الزول دا رفع يدو اليمين ..
يعني بي صورة أوضح .. لما عمران يرفع يدو اليمين معناته الكلام كمل ..
المهم .. عمران قام يشرح لي في المسالة وانا قاعد ارص في الكسرة في الصحانة .. عمران يشرح وانا ارص .. عمران شابكني ليك قلت لي الراجل اديني من بيت الضلع .. لانو اساسا الفقرة شنو كدا ما عارف والضلع مفروض شنو .. المهم بي اختصار انا بعد شوية كلام عمران دا زاتو سامعو ليك رهـاب رهـاب .. وبي اختصار يا جماعة انا الكنت مسؤول عن رصصان الكسرة في الصحانة في المنطقة الحواليني وكببان ملاح ام رقيقه .. لكن اقر وبكل قواي العقلية ووحياة الخوة يا شباب بعدما كبيت الملاح دا .. في الكسرة ووقعت كم ضلعاية كدا ياخ انا لا شفت ليك عمران .. ولا شفت ليك اسماعيل ولا اي حاجة قدامي .. مرات مرات كدا بتلكزني ليك يد بالكرباوي كدا .. اكتشف ليك انو دا ايمن دياب .. بيسرق اللعب بالعالي .. بعدما انتهيت من المسالة بتاعت كل الصحانة الجمبي دي .. بديت في مرحلة بتاعت الفنشن .. .. ومرحلة الفنشن هي أن تكب السلطة الحمراء الفيها العجور والبصل وفيها موية الطماطم الفيها الليمون .. تكبها كلها كدا في ملاح ام رقيقة المملح اولريدي في الكسرة ومن ثم تكب الشطة .. وتكب ليك زووول زاتو لو لقيتو قدامك يف اللحظة ديك ..
اها يا جماعة في اي زول عندو سؤال ..؟
| |
|
|
|
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: tmbis)
|
نعم يا تمبس انا عندي سؤال اوتوضيح
عندما حضرنا انا وفوزيه عملنا مركز تجمع الاغذيه المطبخ الداخلي
وكان المفروك الموجود بجانب السلج ملاح باميه فرك وعلي ما اعتقد من عند طارق نقد
فيبدو ان ملاح ام رقيقه ولاسباب لوجستيه ذهب مباشره الي الصالون وبالتالي لم يمر عبر بوابة التوزيع المركزي
وهذا يدل علي مؤامرة استعماريه او ربما استراتيجيه لمنافع شتي
من ضمنها الاستحواز علي ثروات ومقدرات الشعب السوداني
وبالفعل قام المستعمرين الجدد ايمن وعمران بالاستحواز علي الثروات الطبيعية
وما انتجته ارضنا من الخيرات المتمثلة في DRY LADIES FINGERS او ما يسمي بام رقيقه
| |
|
|
|
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: طارق ميرغني)
|
Quote: نعم يا تمبس انا عندي سؤال اوتوضيح
عندما حضرنا انا وفوزيه عملنا مركز تجمع الاغذيه المطبخ الداخلي |
Quote: فيبدو ان ملاح ام رقيقه ولاسباب لوجستيه ذهب مباشره الي الصالون وبالتالي لم يمر عبر بوابة التوزيع المركزي
وهذا يدل علي مؤامرة استعماريه او ربما استراتيجيه لمنافع شتي |
يا باشمهندس .. اعتقد انو سؤالك ما في مكانو .. وكلام نقاط التجمع والاسباب اللوجستية دا قولو لي زول ما عندو حديدة ..
ياخ لو متابع كلامي الفوقاني دا انا قلت ليك عمران رفع لي يدو اليمين .. يعني لو بقيت عميق شوية .. بتعرف انو عمران رفع يدو اليمين .. معناته في خيانات ..
تعرف يا باشمهندس زمان عندنا جارنا في الحلة بتاع خيانات .. بعدين امو طباخة شديد جدا كان غلت ليك موية ساكت ممكن تتخيل انها اي حاجة .. المهم صاحبنا دا .. كانت المصطبة بتاعت بيتم .. هي نقطة التجمع البنتحرك فيها لوجستياً منها بنخطط للبوش ومنها بنخطط لي وجبات السمك ... وإلخ ..
بعدين لما يكون في مواعيد اي حاجة كدا جوه البيت ظابطاها امو بقوم اخوهو الصغير يجي يفتو ليك :
يا أحمد امي قالت ليك الشعيرية ما تبرد ..  ندخل ليك يا زول الصالون نجهجه ليك الشعيرية جهجهة شديدة ..
يا أحمد الغداء خاتنو من قبييل .. ندخل يا زول نلقى ليك المحشي .. وملاح الخـدرة المفروكة بي الكتلوج حقها ..
المهم احمد البرنامج دا تاعبو ليك شديد جدا ..
قام شفر ليك اخوهو الصغير .. اخوه الصغير بقى يجي يقيف ليك في الباب ويشبكو ليك .. يا أحمد امي قالت ليك تعال اربط الكــلـــب ..
صاحبك يخش يسفسف ونحن قاعدين بره ..
بعد فترة اكتشفنا ليك انو ما عندهم كــلـــب زاتو .. وطبعا ندم ندم شديد جدا من تصرفو دا
| |
|
|
|
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: tmbis)
|
| Quote: اها يا جماعة في اي زول عندو سؤال ..؟ |
تمبس...خلينا من حركات أولاد ام درمان دى نحن اولاد خور واحد والخور او شىء بجى من عندنا يعنى ماتاكلنا حنك.
سؤالى؟؟؟الصحن ألأخير الجبتو من الجهة الغربية بتاعة ناس خط مئة غرب ناس طارق ميرغنى وكملناهو سوى كسرتو من نفس كسرة عمران؟أنا متأكد بأن الملاح ياهو بتاع أم محمد نفس الطعم والنكهة الحلوة المتعودين عليها الله يديها العافية.
لأن عمران متلبب الكسرة الكيشة وفاكى الماعون الفيهو أم رقيقة..أنا والله بسحب من تحتو وبكب من الملاح بوراهو..لما فقده لقاها عيييييييييييييييييييييييك.
الحرفنه دى إلا يدقو ليها طار..
| |
|
|
|
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ismeil abbas)
|
الحبيب محمود بكر...حضورك دائمآ يلطف ألأماكن..بالله لما تجى تغيب تانى كلمنا..إفتقدناك شديد...تقديرى وأحترامى.
Quote: فيبدو ان ملاح ام رقيقه ولاسباب لوجستيه ذهب مباشره الي الصالون وبالتالي لم يمر عبر بوابة التوزيع المركزي
|
ياطارق شكلو كده حسك ألأمنى عالى جدآ..فعلآ أنا اعترف بذلك.انا وعمران دبرنا هذه المؤامرة لحاجة فى نفس يعقوب.
وإعدام إعدام..بعد ما اكلنا أم رقيقة الحلوه دى...والله برضو كلن فى ذقنى جابو الريس برضو كان إبداع بالشطة...
| |
|
|
|
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: معتز زيزي)
|
بالفعل كان يوم جميل جدا ورائع بروعة الحضور الانيق
بالرغم من إننا حضرنا متأخرين بسبب صباع الابن حسين المكسور لكن جد إستمتعنا حد الإستمتاع
شكرا الاستاذ هشام درماس على هذا الإبداع والطرب الجميل وشكرا الاستاذ ياسر على الفن والغناء الجميل
شكرا بورداب الرياض الرائعين على هذا اليوم الجميل
وإكتمل اليوم وجمالو بمشاركتنا لآل المحرب هذه الاسرة الراقية والجميلة إحتفالهم بعيد ميلاد حفيدتنا وحبيبتنا منة ربنا إحفظها وإخليها
ودي هدية بسيطة للغالية منة
| |
|
|
|
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: طارق عبد اللطيف نقد)
|
شكراً لكم جميعاً اخوتي وأخواتي بورداب الرياض وضيوفهم الكرام لقد أخجلتموني بثناءكم وشكركم ومدحكم لي ،، على الرغم من أنني لم أكن في احسن حال من ناحية الاداء في ذلك اليوم وادائي لم لكن كعادته وذلك نسبة لنوبة الإلتهاب التي ألمت بي،،،، ولكن إذا جاء الغناء جميلاً في ذلك اليوم فهو نابع من جمالكم ومن زوقكم الراقي أخوتي واخواتي بورداب الرياض لذا أنا عاجز عن شكركم وعن رد جميلكم واتمنى ان اكون دوما عند حسن ظنكم بي وذي ما بيقولو إن شاء الله يوم شكركم ما يجي ..
فقد كان فعلا يوما رائعا الشكر للباش مهندس بكري ابو بكر لانه جعل ذلك ممكناً ولا يفوتني أن اشكر الاخ الأستاذ الفنان هشام درماس على تلبية الدعوة ووجوده بيننا كما اشكر المبدع الشفيف الاخ الرائع معتز زيزي فقد جعلت الصور تحكي روعة هذا اللقاء الجميل كجمال شخصك ...
تحياتي : ياسر العيلفون
| |
|
|
|
|
|
|
| |
معتز زيزي
ABUHUSSEIN
خبير عثمان محمد
حواء سليمان ابراهيم
عبد اللطيف السيدح
MOHAMMED ELSHEIKH
طارق جبريل
tmbis
ismeil abbas
ادريس خليفة علم الهدي
الامين موسى البشاري
داليا الكباشى
طارق عبد اللطيف نقد
د.محمد حسن
ساميه حامد
ياسر السر
عفاف أبو حريرة
البشير دفع الله
فيس بوك
تويتر
انستقرام
يوتيوب
بنتيريست