كلية الدراسات التجارية - جامعة السودان (معهد الكليات) -1990-1996 دعوة للتواصل

Quote: لأخ / معتصم والله الواحد ما عارف يشكرك كيف علي المبادرة الرائعة دي ،نسال الله أن يجمع الناس دي كلها ويدوم المحبة و الأخوة البيناتهم ، انا بأيد الفكرة بتاعة الصفحة في ال Face book ، عشان علي الأقل الناس كلهم يكون عندهم فرصة المشاركة ، بالإضافة إلي انو الموضوع دي ما حيكون طوالي فوق في sudaneseonline . برضو فكره أنو نعمل لستة باسامي الناس و الاميلات والتلفونات اظنها فكره جميله و بتقود لمزيد من التواصل ، طبعاً كل ما تنزل صوره بترجع الزول 15 سنه للوراء – و بيني وبينك الواحد بيكون مترقب ردود بوكو الساخرة و اللازعه ديك- لكن يظهر انو الاقتراب هدي حيلو. تحياتي لكل افراد الدفعة المميزه دي بدون فرز المعز صديق عبدالله

Quote: معتصم بوكو غادة هاجر جميل أن التقينا و كل الشكر لمعتصم لمجهوداته في أن نلتقي جميعا في هذا البوست الرائع اليوم و أنا أمرعلى البوست و جدت الصور الرائعه و ما أجملكم أيها الأصدقاء و الصديقات من عبروا الى الحقيقية و من نحن معهم على هذا العالم أشتاق لكم جميعا و احمد الله الذي أتاح لنا أن نلتقي يوما و لسنوات عديدة كنتم الأسرة و الأصدقاء و شموس أضاءت لي حياتي معتصم أتمنى أن تكون و أسرتك بخير و بوكو يسعدني أن نتواصل دائما و غادة صديقتي الرائعة تحدثنا قبل يوميين و كيف هي سعادة ما عادية عندما ندخل البوست و لا أدري يا صديقتي كيف هي أحاسيسك و الصور الجديدة. هاجر نصرالدين يا بوكو أصلا مديرة كبيرة و ربنا يزيدها كمان و كمان أتمنى من الله أن نسمع كل الخير عنكم و إنشاء الله نجتمع في السودان يوما على أرض بلادنا و ربما حتى ذلك الميعاد نجتهد ان نلتقي بمن هم متاحيين او هن متاحات أتناء الترحال و السفر او عند زيارة السودان و مناطقه. لاحظت من هذا البوست غالبيتنا إغتربوا أو هاجروا و أكيد محظوظيين من زاملتوهم و صادقتوهم و ربنا يوفق الجميع في خياراتهم و يحميكم و زي ما بتقول حبوباتنا يغطيكم. عمار شكرا على الصور في هذا البوست و ربنا يحفظ اسرتك و كل التحايا لليبة و بالصدفة قابلت عوض قبل فترة و سبحان الله قبليها إتقابلنا في ملكال قبل سنوات طبعا شكرا يا معتصم و لنحرص على التواصل مع كل التقدير ساميه

Quote: الاخوة الاعزاء لكم التحية ولمن لمن نتواصل معهم العتبي حتى يرضو أخ معتصم فى البداية أود أن أشكر بشكل خاص الأخ معاوية عثمان والأخ مجدى عبد الله والأخ شهاب الدين الخير لإهتمامهم بنا فى بداية الغربة بالرياض لقد كان لإهتمامهم بنا سلوى وأنس لنا فى بداية الغربه وأيضا أشكر الأخ بوكو لإيوائنا يوم الخميس والجمعه ولم الشله فى غرفته بالدمام ( لهم الشكر والإمتنان وربنا يقدرنا على جزاهم )و بالمناسبة يا بوكو أنا جيت من السودان يوم الجمعه 15/1/2010 وضيعتا جوالى وضاعت كل الأرقام خالد محيسي والدتو اتوفت يوم 08/01/2010 ومفروض يصل اليوم الدمام ولكم جميعا إهتمامكم بلم شمل طلاب كلية الدراسات التجارية اليكم بعض الأسماء من أبناء الدفعه سامي معاوية عبد الوهاب - شريك ومدير لصرافة الأنصاري بالخرطوم ، عبد الرحمن جاويش - نسأل الله الرحمه لوالده ، خالد محيسيي - نسأل الله الرحمه لوالدته ، أمير صديق (كرناف) ، خالد الأمير ، عبد المنعم عبد الحميد (فلبس) ، مامون العربي ، شهاب الدين الخير (دوليب) ، نزار محمد الحسن (الحبشي)، أميمه على الصديق ، هيثم محمد الحسن (بيبيتو) ، العباس عمر ، الماحي معروف ، عمر أبحمد ، ميسره ، عثمان بورسودان ، غاده حسن (رفاعه) رندا عبد الحميد (كندا) نسأل الله الرحمه والمغفره لوالدتها ، داليا عبد الله ، ياسر قله ، حازم الكردفاني ، غسان إبراهيم ، حسين بدوى ، حماد العم ، رأفت ، حسب الرسول (البروف) . وسأواصل القائمة تحياتي للجميع والشكر موصول للقائمين على لم الشمل تحياتي للجميع

(عدل بواسطة معتصم احمد صالح on 01-23-2010, 03:06 AM)

Quote: معتصم سلام طبعا البوست بقى برنامج ثابت والله الواحد من ما ادخل المكتب بفتح البوست على طول والصور مبالغة لكن المشكلة مسحنا ما بنتذكر مشكلة والله معز وحسام وابوقصيصة وحسن وطارق يا شماتة ابلة ظاظا فيكم ولا اقول ليكم يا شماتة كل ظاظات الدفعة فيكم لقد قمتم باثبات تهمة الحـ.. على انفسكم خذلتونا الله اخذلكم بالله عليكم ما بتعرفو ترسلو ايميل والله حاجة تكسف والمشكلة انكم بقيتو عندكم عيال زمان على انفسكم ما بتفرق شى لكن هسة الواحد لو قالو ليهو ابوك حـ... ممكن يقتل فى سبيل الدفاع عن ابوهو بالله عليكم ما خجلانين من عيالكم ومصطفى عرف ارسل الايميل انتو يغلبكم احى واحى منكم . معاوية عثمان يا خوى ما ممكن تدخل وتمشى مشوار يومين وتقول راجع ليكم ما فى داعى للشرشحة.. احمد انور خارج نفسك وما تتلم معاهم بتاعين الظاظات ديل . علام السمانى عبدالله

Quote: لو تعرف الأحساس والذكريات التي رجعت للدفعة لكان نفذت هذه الفكرة من زمان والله العظيم انا دموعي نزلت لما اتفرجت على الصور وتذكرت انو كنا وين في الزمن الجميل وصرنا وين زمن المسئوليات والغربة التي لاترحم (والكفلاء) الكفلاء دي بعرفوها ناس السعودية وعذابهم لنا الذي يتلذذون به لكن هي مرحلة وبتعدي والجاي احلى يارب نتقابل كلنا في السودان ونقضي باقي عمرنا فيه الغربة سرقت احلى سنين عمرنا والله صرنا اول شئ ندخل على الموقع ونشوف الجديد وبعد ذلك نبدا عملنا دمتم -عبد العظيم يعقوب

Quote: خي العزيز معتصم. السلام عليكم و رحمة الله تعالى و بركاته. والله أدمعة ألعين و تراقص القلب فرحاً بوجود هذا المنبر العظيم...بارك الله فيك, والشكر الجزيل للاخ مجدي عبد الله الذي جمعني بكم. نسال الله المغفره والرحمه للاخوه معتصم بلاتيني و طارق عوض الكريم ولاخواتنا الذي لم أعلم برحيلهم إلا من عبر هذا المنبر وصال عبدالرحمن وفتحية حمدين. (إنا لله وإنا إليهِ راجِعون). سلامي و محبتى لكل الاخوه و الاخوات بالمنبر و التى جمعتنا بهم أجمل واروع سنين...وعقبال ما يكتمل جميع العقد الفريد....و لنا عوده إنشاء ألله أخوكم أمير بدرألدين

Quote: الأخ معتصم لك التحية والتقدير حقيقة أعجز أن أعبر لك عن سعادتي وفرحي الشديد بإتاحة الفرصة للتواصل مع إخوة عشت بينهم أجمل أيام عمري أيام حلوة قضيناها شعور فرحة لا توصف أنا من الأمس والحمد لله منذ معرفتي بهذا الموضوع الإبتسامة والحمد لله لم تفارق وجهي والحمد لله تذكرت اسماء كثيرة وأنا اليوم ربنا يتقبل مني لم أعمل لمؤسستي أي عمل يذكر طيلة هذا اليوم أتصفح في البوست تحياتي لشخكم الكريم ولك مع ظهر اسمه لمن يريد أن يعرف أخباري أقول أخوكم : أحمد أنور قاسم محمد الوطن الأصلي الدويم أعمل حالياً ببنك أمدرمان الوطني بالخرطوم سكرتيراً لمجلس إدارة البنك تزوجت والحمد لله منذ العام 2003م لي من الأبناء روان وعمرها خمسة سنوات وشهرين -أنور عمره سنتان وشهر سوف أرسل لكم إن شاءالله صورهم قريباً إضافة : هذه بعض أسماء افراد من الدفعة لم ترد في القائمة حسب إعتقادي وهم : 1- مدثر عبدالمجيد حسن عبدالمجيد -من الدويم 2- مأمون عبدالغني ود الدويم 3-جلال الدين عزالدين الشيخ 4-نهلة دياب من الدويم 5-علوية إسماعيل مكي - الدويم 6-معاز عبدالله من شندي 7- الهادي كشان من شندي 8-بكري من شندي 9-سيف الدين عرمان من شندي 10- 11-

Quote: الأخ / معتصم لك التحية , و الله لمت وصحت أموات القبور- ناس علام السماني – .هنا في السودان في بوست مولع نار كل ما تنزل صوره تلقاها مدوره بين الشباب- حسام الباقر ، هيثم محمد سعيد ، أبوقصيصة ،طارق محجوب ، حسن نور الدائم ، مصطفي عبد الرحمن – و بالمناسبة مرسل ليك جزء من email مرسلو حسام للشباب "سلام للجميع غايتوا اليومين ديل الواحد ذى المجنون كل شويه يفكها ضحكه بى أعلى صوتو ... يقوموا الناس كلهم يعاينوا ليك شويه و يرجعوا شغلهم ... تانى تفكها ضحكه ربنا يديكم العافيه كلكم و يديم الود " عليك الله شفت حالة الشباب كيف ، هذا مما يؤكد عمق الود بين كل أفراد هذه الدفعة المميزة ورقبتهم الصادقة في تجاوز الزمن والمسافات و ظروف الحياة من اجل التواصل ، وسوف تحفظ لك هذه الدفعة حقك الأدبي في هذه المبادرة الطيبة. تحاتي لكل المتداخلين ساميه ، هاجر ، غاده أسماعيل، بلل ،عبدالعظيم يعقوب ، لؤي ، سامي جبرة ،علام وكل الشباب. بالمناسبه في الصور بالقتو عديل !!! حتي مني اليمنيه ما نسيتوها " الصورة 16 " موجودة ما أظن ح تنسو زول .و بقترح للشباب أي زول عنده صور يرسله لي معتصم ب email أو بكو – مع أنه بوكو ما مضمون – لكن اهو فرق الوقت بين السعودية و أمريكا يطرنا ان نتعامل مع بكو. تحياتي للجميع المعز صديق عبدالله

Quote: الاخوة الكرام ،، لكم تحياتي واشواقي الحارة ، واشكركم علي هذا البوست الاخوي للتواصل عبر الشبكة العنكبوتية ،، ونقول كما قال بن زيدون في نونيته بنتم وبنا فما ابتلت جوانحنا شوقاً اليكم وما جفت مآقينا ،،، حقيقة ساقنا عبر هذه النافذه الشوق والحنين لتلكم الايام الخالده والجملية والتي ظلت منحوتة في ذاكرتنا ،، يا له من زمن جميل وناس جملين ليتها تعود ونعود كما كنا ولكن هذه عجلة الحياة تمر بنا عبر مراحلها العديدة الي ان غدونا كبارا ولنا اسر واصبحنا ذوي مسئوليات كبيرة في خضم هذا الزمن الاسطوري ذو الايقاع السريع ،، ولكن رغم ذلك نقول للزمن وقف شوية ،، وعد بنا قليلاً لبره وهنيهات لنعيد ذاكرة الايام لنعيش اجمل لحظات عمرنا مع اخوة لنا واخوات في معهد الكليات التكنولوجية لنتجر تلكم الذكريات الجملية لتنسينا مراراة الزمن اللعين ،، اخوتي : انا احمد بشرى النور دفعة 1990م تخرجت من الجامعة في نوفمبرعام 1994م ومنها الي الحياة العملية ،، عملت في السعودية بداية في حقل التدريس لفترة طويلة ، ثم التحقت بمؤسسة وعملت بها ثلاثة سنوات ، وبعدها انتقلت لشركة وحتي الان علي راس العمل بها ، مديراً للحسابات ،، ولكن كما تعملون تندت الروات اسوة ببقية دول العالم من جراء ما يسمي بالازمة المالية ،، ومتزوج ولي اربعة اطفال هم علي التوالي : وقار ، محمد ، وفاء واخيراً عبد الرحمن ،، دفعتي علاء الدين عثمان وعباس بشير والصادق محمد دفع الله وزهير وبشري وعبد القيوم سليمان وحاتم وعبد الحفيظ السر الجاك وسيف ونحمد عباس ومجدي شبندر دا قدامنا بسنه ،، وسوف اوافيكم بالبقية ان جادت الذاكره الخربة ،،، وتحياتي للجميع ،،، مع خالص شكري للاخ معتصم ،،

Quote: الاخوة الكرام ،، لكم تحياتي واشواقي الحارة ، واشكركم علي هذا البوست الاخوي للتواصل عبر الشبكة العنكبوتية ،، ونقول كما قال بن زيدون في نونيته بنتم وبنا فما ابتلت جوانحنا شوقاً اليكم وما جفت مآقينا ،،، حقيقة ساقنا عبر هذه النافذه الشوق والحنين لتلكم الايام الخالده والجملية والتي ظلت منحوتة في ذاكرتنا ،، يا له من زمن جميل وناس جملين ليتها تعود ونعود كما كنا ولكن هذه عجلة الحياة تمر بنا عبر مراحلها العديدة الي ان غدونا كبارا ولنا اسر واصبحنا ذوي مسئوليات كبيرة في خضم هذا الزمن الاسطوري ذو الايقاع السريع ،، ولكن رغم ذلك نقول للزمن وقف شوية ،، وعد بنا قليلاً لبره وهنيهات لنعيد ذاكرة الايام لنعيش اجمل لحظات عمرنا مع اخوة لنا واخوات في معهد الكليات التكنولوجية لنتجر تلكم الذكريات الجملية لتنسينا مراراة الزمن اللعين ،، اخوتي : انا احمد بشرى النور دفعة 1990م تخرجت من الجامعة في نوفمبرعام 1994م ومنها الي الحياة العملية ،، عملت في السعودية بداية في حقل التدريس لفترة طويلة ، ثم التحقت بمؤسسة وعملت بها ثلاثة سنوات ، وبعدها انتقلت لشركة وحتي الان علي راس العمل بها ، مديراً للحسابات ،، ولكن كما تعملون تندت الروات اسوة ببقية دول العالم من جراء ما يسمي بالازمة المالية ،، ومتزوج ولي اربعة اطفال هم علي التوالي : وقار ، محمد ، وفاء واخيراً عبد الرحمن ،، دفعتي علاء الدين عثمان وعباس بشير والصادق محمد دفع الله وزهير وبشري وعبد القيوم سليمان وحاتم وعبد الحفيظ السر الجاك وسيف ونحمد عباس ومجدي شبندر دا قدامنا بسنه ،، وسوف اوافيكم بالبقية ان جادت الذاكره الخربة ،،، وتحياتي للجميع ،،، مع خالص شكري للاخ معتصم ،،

Quote: قد يأخذ الزمان ما يشاء من تفاصيلنا ... لكنه لن يأخذ ما احتفظنا به من ذكريات أخى معتصم عفوا اذا شوقا اليكم دخلت من باب الخروج "باب الخروج هنا ايميل معز صديق" أخى معتصم السلام عليكم و رحمة الله وبركاته ولكل من يزور أو يستريح فى هذا البوست الرااااائع. حقيقى لك ترفع القبعات ونشد على يديك على هذه الفكره الرائعه و لك كل التحايا وكل التقدير على تحقيقها وعلى رعايتها ومتابعتها. أولا يجب عبركم أن نترحم ونعزى أنفسنا و اياكم على اخواننا و الأخوات الذين ترجلوا وفارقونا باكرا ... نسأل الله تعالى لهم الرحمه و المغفره و الجنه و أن يلهمنا وآلهم و ذويهم الصبر و السلوان وحسن العزاء. لن أستطيع أن أعبر عن اعزازى و اعجابى بهذه الدفعه الفريده لهم منى عبرك التحيه و التجله و الاحترام (فردا فردا) و كل المنى بدوام التقدم و الازدهار. حقيقى لا أنكر اننى من المتخلفين اسفيريا لكن من اللحظه الوقعت فيها عينى على هذا البوست الرائع أصبحت دائم التواجد فيه متابعا عن قرب و بكل الشوق و الاستمتاع لكل مساهمات و مداخلات الزملاء و الزميلات من كل أنحاء المعموره و من داخل السودان ... وكلما يتداخل زول ترجع طاشر سنه كده و تتذكر حاجه حاجتين من شخصيته والمواقف المشتركه و تتمنى تعرف منو كل تفاصيله و مستجداته. لك مره أخرى و مرات عديده الشكر على اتاحة هذه الفرصه لتحية الأعزاء فى الدفعه المميزه و حقيقى لا أود أن أسمى أحد لكن عبرك أبعث بكثير أشواقى و تحياتى لكل من مر بالبوست زائرا ... غائرا ... أو مشاركا ... أكيد انشاء الله ح نمر بالبوست مرات أخرى متى ما تيسر ذلك و ح يكون فى مشاركات أكثر. حسام الدين الباقر سعد " أبو نون" / تكاليف / السودان / مجموعة دال.

Quote: العزيز ... معتصم اولا التحية لك وكل ما يخص الجمال من انيق التعابير... ولكل اهل تجارية تحية الحب والوفاء بالامس القريب هاتفني الحبيب علام السماني ... لافتا نظري الى هذا البوست الاليف .. تجارية ... وما أدراك ما تجارية وذلك الزمن الجميل حيث الالفة ... والروعة وحيث الحب الفضاح كيف كان فيها متاح ومباح ... ايام لاتنسى قرأت البوست مرات ومرات ... حرك في نفسي اشياء واشياء ... لحظات جميلة ... وزكريات اجمل طارق حدربي .... الامين محمد الامين ... عوض بابكر (رفاعة) ... فاروق غبشاوي .. محمد الوسيلة محمد الامين (عطبرة) الطيب آدم محمود .. الحبيب احمد العباس ... عبدالعزيز اليمني....بدرالدين بخيت وآخرون رائعون رجاء عبدالرحمن .. نفيسة .. منى جمعة ... سكينة .. كوثر دفع الله وأخريات رائعات لاتسعفني الزاكرة لحصر هم/ هن بفعل تقدم العمر واكتظاظ الرأس بالارقام... لا أنسى أول أيامي بالجامعة ... وفي بالي وصية صديق عزيز .. بأن الجامعة هي ثلاثة ايام يوم سياسي ، ويوم للتحصيل العلمي و آخر عاطفي ... ولخوفي الشديد من السياسة وفكرها المتطرف الذي يفسد ما أصلحه العطار... وكذلك لعزوفي الشديد من القراية الشديدة ( وفي بالي ارهاب ابوالدفاع دفع الله (ام روابه) واقامته الدائمة في المكتبة - وان كنت احسب ان امينة المكتبة تستهويه - ) آثرت أن تكون ايامي الثلاثة بنفسجيه .. حيث التنقل سراً وجهراً بين ألوان الطيف النسائي ... كان لذلك الأثر لاحقاً على اختياراتي الزوجيه .. حيث صرت كطارق حدربي والشيخ موسى .. امارس التمحيص والتدقيق في الزمن الضائع باحثاً عن أنثى اجد فيها شيئ من فتنة وسحر ونقاء بنات تجارية ... اخوك / ياسر حمد محمد – قله أو ياسر نيالا ان احببت ذلك ... السعودية – جازان

Quote: معتصم سلام انت عارف يا معتصم امس انا كنت بكتب فى موضوع خاص بالمرحوم معتصم بلاتينى فجاءة كدا دخل على اخوهو عمر محمد الحسن بالمناسبة هو مقيم بالسعودية فى مدينة جيزان وبنتلاقى وبنتواصل كتير جدا قمت حكيت ليهو عن البوست الخاص بدفعتنا وحكيت ليهو انو الزملاء كلهم ذكروا المرحوم معتصم فى مداخلاتهم واترحمو على روحو واخونا عمر علاقتو قوية جدا مع كل اصدقاء المرحوم وبالصدفة عرفت انو اخونا ياسر حمد او ياسر قلة موجود ايضا بمدينة جيزان واخذت رقم جوالو من اخونا عمر واتصلت عليهو وعرفت منو انو حضر الماستر قبل فترة وكلمتو بالبوست واتفاجا بالخبر وقال والله انو بفتح موقع سودانيز اون لاين على طول وما حصل شاف البوست اطلاقا واكيد حايكون حصل البوست وحايراسلك . اخونا لوى الطيب ازيك ياخى والله مشتاقين وينك يا ظريف واخبارك ايه معتصم استعين بالشباب عشان يمدوك بالصور مع خاص تحياتى

Quote: الزميل معتصم احمد صالح وأنا أيمن (ايمن تكاليف) أو (ايمن القضارف) من فترة ما بين الجيلين دخلناه معهد الكليات التكنلوجيه وخرجنا منه جامعة السودان على ما اعتقد قدامكم بى دفعتين دفعة عز الدين الدومه وعبدالرحمن الزاهى وسحر عبدالحافظ الذين درّسوا فى الكليه فيما بعد تعرفت على الكثير من الأسماء من ابناء دفعتكم وبعضهم اصدقاء والبعض منهم زملاء الان فى العمل تغربت لفتره فى بريطانيا والحمدلله عدت منها بزمالة المحاسبين الاداريين الCIMA وأضفت اليها ماجستيرا من جامعة السودان(الدم بيحن ) فى accounting information system سأعود اليك مره أخرى للمزيد

Quote: الاخ الكريم \معتصم السلام عليكم ورحمة الله وبركاته لا أعرف كيف أبدا ولكنه الحنين الى الماضى جعلنى أكتب أليك فشعورى مزيج من الفرحه والدهشه والاعجاب ،، فقد فرحت أيما فرح بذكرى الجامعه وعلى وجه الخصوص كلية الدراسات التجاريه التى أنقطعت عنها منذ العام 1996 حين التخرج ،،، ودهشت مما حباكم الله به أهل الدفعه 91من حميميه وصداقه قويه تتضح جلياً من خلال المداخلات التى تمت ،،، وزاد إعجابى أكثر بذاكرتك القويه أخى معتصم فلله درك من صديق وفى وصادق ومتعك الله وجميع خريجى جامعتنا العزيزه بالصحه والعافيه ولك منى أجمل التحايا والى الأمام . أخوك /وهيب محمددين يوسف من مدينة القضارف كلية الدراسات التجاريه / محاسبة 93-. 1996 محلوظه: ورد فى بعض المداخلات سؤال عن بعض الشخيصات التى أعرفها جيداً ويسرنى أن أساهم ببعض المعلومات عنهم 1\ هند عبدالله القرشى وهى بنت خالتى والان ربة منزل بقرية قسومه بالجزيره. 2/ احمد أنور قاسم موجود بالخرطوم ويعمل سكرتيراً لمجلس الادارة ببنك أم درمان الوطنى وهى نفس المؤسسه التى أعمل بها. 3/ الاخت رقيه موسى له الرحمه والمغفره فقد توفيت قبل عامين تقريباً بمدينة القضارف

(عدل بواسطة معتصم احمد صالح on 02-09-2010, 05:50 AM)

(عدل بواسطة ALZOLZATOO on 02-07-2010, 08:13 AM)

(عدل بواسطة معتصم احمد صالح on 02-09-2010, 08:57 AM)

Quote: اخي معتصم تحية عطرة من ارض السودان الدافئة الحنون الي كل الطير المهاجر حزنت علي من فارقونا وفارقوا هذه الفانية الي دار الخلود اللهم اجعل قبورهم روضة من رياض الجنة وسعدت كثير اً وانا أقرأ البوستات من زملاء الدفعة سامية وغادة احمد انور ومعز مصطفي "انصار السنة" وحسام الباقر وبوكو وصديق بلل وكل الزملاء والزميلات بدون فرز خااااااااااااصة علام السماني ابو زينب واتمني من ساوي علي ساوي عمل مداخلة ويلا نحن مستنيت الأيميلات تحياتي للجميع هاجر نصر الدين

Quote: الفاضل / معتصم محمد صالح لك الشكر اجزله ان اعدتنا الى تلك الايام الرائعة التى لاتدرك روعتها الا عندما تدخل دوامة الحياة العملية ومسئولياتها الرتيبة والكئيبة .... حقا كلية الدراسات التجارية كانت بمثابة اسرة للجميع وخير دليل هذا الكلام الملئ بالحب والانتماء الذى حملته رسائل ومداخلات الزملاء فى بوستك الرائع ، اسمى كان من اللذين سقطوا سهوا من قائمة الشرف ( ولا الوم الا نفسى فكنت من الذين لايظهرون فى الكلية الا ايام الامتحانات ) يعنى غائب معظم الوقت كما ان تواصلى الاجتماعى لم يكن بتلك الدرجة التى تتيح لى التعارفالذى يبقى فى الذاكرة كثيرا،، سوى مع الجنس الناعم او الخشن هههههههه .... انا جابر كرار عثمان من القضارف ... قسم المحاسبة المالية .. اعمل الان بدولة الكويت واضيف لقائمتك الزميل محمد محمود الباقر من بورتسودان وهو بالسعودية الان... مدينة الدمام ... و الاخ عبدالقادر محمد نور ايضا المذكور فى يعمل بالسعودية ... مدينة جدة ... كما سقطت من قائمتك الاخت حسن من كسلا فهمت انك ستكون فى الخليج عنوانى وتلفونى فى ذيل الاميل مرحبا بك اذا اتيت الكويت فى الختام ندعو بالرحمة والمغفرة للاخت رقية ابراهيم والتوفيق لكل الاخوة والاخوات واذا كان هنالك ايا من الدفعة فى دولة الكويت الرجاء مراسلتى على الايميل المرفق .