|
البورداب الآتية اسماؤهم/ن أتمني رؤيتهم في الاماكن التالية ....
|
هذا البوست كاد ان يكون مداخلة في بوست الاخت منال " من تحب رؤيته من البورداب" ولكن بسبب التهميش الذي وجدناه نحن " البرالمة" في ذلك البوست كان " حمل السلاح" و هذا الانفصال و لا نامت اعين " ديناصورات سودانيز اون لاين" شكرا "منال" ** هذا البوست كله مزاح ماعدا بعض الفقرات الجاده..... ** اتمني رؤية البورداب الاتية اسماؤهم/ن في الاماكن التالية:
*الاخ عزام حسن فرح في فاشر السلطان وهو ياكل وجبة " كول " باستمتاااااااااااع و معاها " قزازة بزيانوس"
*الاخ هشام ادم في عمرة في الحرم وهو يطوف بالبيت رافعا يديه الي السماء " ربنا آتنا في الدنيا حسنة و في الاخرة حسنة و قنا عذاب النار" " هذه اتمناها له بصدق"
*الاخ محمد عبد الماجد الصايم في مانهاتن بنيويورك بعد فوزه باللوتري " 2033" وهو متكئا علي تاكسيه الاصفر يرشف كوبا من قهوة " استار بكس" و يوزع ضحكته المعهوده علي بني " اليانكي"
*الاخ دينق في الاوزون بالخرطوم بعد التاسع من يوليو " من غير فيزا" و من غير قوات اممية
*الاخ علاء الدين يوسف في فندق شالوم بجوبا بعد التاسع من يوليو "دا ما تحدي"..... الشايقي دا قلبو حاااار كان اتحديناهو بعملا .
*الاخ هارون دياب في مباراة هلال مريخ و هو يلبس الازرق و صوته قد "بح" وهو يصيح هلالنا فوووق و مريخ ..مريخ "ح نفرمو" فسيخ.
*الاخوات دومة و نجاة محمود في زواج احد البورداب " من الزوجة الثانية" و هن فرحانات و يزغردن " ده المستحيل بعينه"
*الاخوان حيدر "جني" و عبد العزيز عيسي و هم يلقون محاضرة في مجمع النور بكافوري عنوانها " دولة الشريعة و أثرها في عودة الخلافة الاسلامية الراشدة " العمة ام عزبة و اللحي تقول يا ليل.
*الاخ الملا عمر في احدي قواعد الناتو في جبال تورا بورا و هو يجادلهم " خواجات مطرطشين..حصل شوفتو ليكم افغاني اخدااار زي كدا ... ده هظار ساي بتاع سودانيز اون لاين .. قال غوانتانامو قال"
*الاخت نادية عثمان في الكلاكلة اللفة في افتتاحية " نادية استايل 5 "
*الاخ متوكل علي في قرية " سالي" الجميله وهو يخطب الجمعة عن فضل الشيخان ابو بكر و عمر و ام المؤمنين عائشة " رضي الله عنهم اجمعين " " اتمناها بصدق ايضا "
*الاخت ام حازم "تراجي" في الاراضي المحررة .. أقصد " القدس و تل ابيب "
*الاخ احمد موسي المحامي في الخرطوم لانه ظريف و دوغررري و اسمه انعكاس " مراية " لاسمي اسمه : احمد موسي عمر اسمي: عمر موسي احمد و مولودين في نفس السنه " بس هو اكبر مني بشهرين " عجوز
*الاخوان عمر صديق ووليد قسم السيد في مظاهرة مناهضة للانقاذ في ميدان ابو جنزير و هما يهتفان .. الشعب يريد تغيير النظام " بس من غير بطاقات و كارنيهات "
*الاخ مدحت عثمان وهو المدير التنفيذي لسد كجبار و نائب اسامة عبد الله في وحدة السدود
*الاخ عمر "ود الباوقة " في مزرعته الحدادي مدادي "بتري " ....و السودان وقتها كاليابان " قبل ما يكجها " علي قول بت خالد.
*الاخ و الصديق سيف اليزل برعي و بوست " الصور لا تكذب ابدا " غير موجود في الصفحة الاولي .
*الاخوان صديق الموج و ابو ساندرا مرشحي المؤتمر الوطني لمنصب الوالي لاحدي ولايات السودان عام " 2025 " نراهم امام الكاميرات رافعين اصبع السبابة " هي لله هي لله لا للسلطة ولا للجاه ".
*الاخ ابو حراز في جلسة عائلية في السودان و اثبات انو عندو مدام و اسمها " ست النفر " قال ست النفر قال" .
*الاخت آمنة مختار في العاصمة الفرنسية باريس وهي تدفع غرامة علي المخالفة وهي لبس البرقع " النقاب ".
*الاخ ود شيقوق في الكلاكلة القلعة حتي نثبت له انو نحنا " بنمشي لي ناس ما بجونا " و في القلعه كمان .
*الاخوة اسماعيل عباس, محمد المرتضي حامد,شول اشوانق ,أبو جهينه , د. ابوبكر شداد , عزان سعيد , وليد المبارك في اي مكان و زمان لانهم يتحبوا لله ساي كده من ادبهم و اخلاقهم " و مثلهم كثير في هذا البورد و لكن خانتني الذاكرة وضيق البوست "
*الاخوة نزار محمد عثمان , محمد الزبير , عبد العزيز الفاضلابي , عارف الركابي , أشرف مصطفي في جلسة في الحرم "فهم القوم لا يشقي بهم جليسهم " نحسبهم كذلك و لا نزكي علي الله احد .
ان اصابت كلماتي احدا فليس عن قصد فلكم العتبي حتي ترضوا
(عدل بواسطة عمر موسي منجي on 05-03-2011, 01:50 AM)
|
|
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: Amira Elsheikh)
|
Quote:
*الاخوان حيدر "جني" و عبد العزيز عيسي و هم يلقون محاضرة في مجمع النور بكافوري عنوانها " دولة الشريعة و أثرها في عودة الخلافة الاسلامية الراشدة " العمة ام عزبة و اللحي تقول يا ليل.
|
عزيزي/ موسى منجي
أولا: بوستيك عينة.. وخرت ليك البوست داك.. أقصد بوست السيرة... ومفرداتك حلوة.. وجمعت ألوان الطيف بمحبة وصفاء..
قلت لي محاضرة بمجمع الضلام الكافر!!
أكيد طلبك ده بيتحقق بعد أن تقوم الدولة المدنية.. دولة لا يكون فيها الدين مطيّة لاهل اللحى.. ولا نسمع فيها هوس تهليل تكبير.. آمين يارب!!
وبالمرّة نوفر فلوس الامواس وكريم الحلاقة ونبعثها الى الجمعيات الخيرية بالدول الاخرى!!
مودتي
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: علاء الدين يوسف علي محمد)
|
الاخ محمد عبد الماجد
قالوا الكديس كان ما لقي اللبن بيقول ....... تعرف الامريكان ديل صعبين شديد في معادلة الشهادات الاجنبية و مرات بتاخد سنوات
عشان كده شعار السودانيين هنا "كل ما هو دولار حلال فهو مجالووو" و بعضهم حتي الحلال زاتو ما شغال بيهو " اب صلعه و السلام"
Quote: تحياتي ياخ! ولو حصلت اللوترة ح يكون شعارنا (كل القوة .. أريزونا جوووه)!! |
اشمعني اريزونا؟؟؟ علشان محل " الريس " بينوم و "سودانيز" بتقوم ..؟
شكرا ود الصايم
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
ألأخ/العزيز عمر....لك التحية
Quote: *الاخوة اسماعيل عباس, محمد المرتضي حامد,شول اشوانق ,أبو جهينه , د. ابوبكر شداد , عزان سعيد , وليد المبارك في اي مكان و زمان لانهم يتحبوا لله ساي كده من ادبهم و اخلاقهم " و مثلهم كثير في هذا البورد و لكن خانتني الذاكرة وضيق البوست "
|
بوست دمه خفيف....وإنت زول ظريف..بصراحة كمان حاجاتك حلوة..
شكرآ لك لآنك أضفتنى مع الناس الحلوين ديل وزى ما قلت الحلوين كتار ..
أمنيتى ان ألتقيك بشدة وفكر فى الطريقة ونسعد بلقاك وممكن تصطاد زولين فى المجموعة دى بزيارة واحدة..
لك التحية يازول يارائع.
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
بوست ظريف وحبوب للغاية وبعدين خالي من الدسم - اقصد المكاجرة -- يعني كلو يسار يمين قومي شايل ليهو وردة وخاشي ------- يعني ود الباوقة ودينق اتلاقوا هنا بدون اي لعبة خشنة ------ ياريت لو كلنا استلهمنا وبس انو اختلاف الراي لايفسد للود قضية وان هذا الفضاء الاسفيري يسع الجميع ولنتناول حاجاتنا بذوق وفهم وبدون تعصب ---------- غايتو البوست مع انو اجتماعي ودمو خفيف الا انه الهمني هذه الخاطرة واعتذر للمشاترة ولكن اعمل شنو بحب السودان وبحب ناسو كوولهم من اقصي اليمين لاقصي اليسار
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: سيف اليزل برعي البدوي)
|
نسيت اسمو:
Quote: بوست ظريف وحبوب للغاية وبعدين خالي من الدسم - اقصد المكاجرة -- يعني كلو يسار يمين قومي شايل ليهو وردة وخاشي ------- يعني ود الباوقة ودينق اتلاقوا هنا بدون اي لعبة خشنة ------ ياريت لو كلنا استلهمنا وبس انو اختلاف الراي لايفسد للود قضية وان هذا الفضاء الاسفيري يسع الجميع ولنتناول حاجاتنا بذوق وفهم وبدون تعصب ---------- غايتو البوست مع انو اجتماعي ودمو خفيف الا انه الهمني هذه الخاطرة واعتذر للمشاترة ولكن اعمل شنو بحب السودان وبحب ناسو كوولهم من اقصي اليمين لاقصي اليسار |
أبداً ما فيش مشاترة، كلامك في الصميم، وأشعر بأن هذا البوست فعلاً استثار في كل المتداخلين أشياء حلوة جداً، ... وسالت مشاعر الناس جدااااااااااااااول!!!
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: سيف اليزل برعي البدوي)
|
اخي العزيز عبد العزيز ود عيسي
ياخي انت زول رائع و جميل و كلماتك صادقة و معبرة الا انك في الشاطئ الاخر من النهر "اقبل الينا و ستجد ما يسرك " ههههه اقبل علي دربنا ان كنت حيرانا.. اقبل علي نبعنا ان كنت ظمآنا
Quote: أولا: بوستيك عينة.. وخرت ليك البوست داك.. أقصد بوست السيرة... ومفرداتك حلوة.. وجمعت ألوان الطيف بمحبة وصفاء..
|
يا سلام عليك شكرا علي الكلمات الجميلة في حق البوست " ما قصرت "
Quote: أكيد طلبك ده بيتحقق بعد أن تقوم الدولة المدنية.. دولة لا يكون فيها الدين مطيّة لاهل اللحى.. ولا نسمع فيها هوس تهليل تكبير.. آمين يارب!!
|
يا ود عيسي ابان لحي ديل مش قلت ليك قبل كده "اختاهم" و بقولا ليك تاني " من عادي لي وليا فقد آذنته بالحرب "
العناد ما منك من البلاوي البتاكلوها في " سنغافوره " شي عقارب و شي جعارين و شي رجلين ضفادع
شكرا ليك مرة اخري عزيزي ود عيسي و دمت بالف خير
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: نادية عثمان)
|
Quote: *الاخوة اسماعيل عباس, محمد المرتضي حامد,شول اشوانق ,أبو جهينه , د. ابوبكر شداد , عزان سعيد , وليد المبارك في اي مكان و زمان لانهم يتحبوا لله ساي كده من ادبهم و اخلاقهم " و مثلهم كثير في هذا البورد و لكن خانتني الذاكرة وضيق البوست "
|
الحبيب عمر
الشكر لك مرتين
الاولى على هذه الروح الطيبه تجاه التى تزخر بها كلماتك والثانيه ان احسنت الظن بنا وجعلتنا مع هؤلاء الافاضل
فالتحيه لك ولهم ونرجو ان نلتفى فى سوح الفرح وساعات الخير
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: نادية عثمان)
|
الاخ الخلوق اسماعيل عباس
اشكرك جدا علي الكلام الجميل و الله اخجلت تواضعنا " لا عدمناك "
بصراحة مافي اي مجاملة في الموضوع و ما قلته عنك لا يختلف عليه اثنان في سودانيز اون لاين و كثيرون شهدوا بذلك في البوست المذكور.
Quote: أمنيتى ان ألتقيك بشدة وفكر فى الطريقة ونسعد بلقاك وممكن تصطاد زولين فى المجموعة دى بزيارة واحدة..
|
لي عظيم الشرف ان التقيك و الاخ المذكور ..... دعني اخمن اظنه الشاب المحترم جدا " محمد المرتضي حامد " ولا مش كده ؟
لكم كل الود و الاحترام
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
العزيز ود الباوقة
Quote: منجي
طيب بلاش من المزرعة
نعزمك في الشاليهات
المطلة على مقرن النيلين
مشويات بس...
مودتي |
اها يا عموري الشاليهات دي حقتك ولا حقت الحزب بس ما تكون زي مزرعة البشير الفي " بتري " القالو تمنها عشرين مليون دولار " دي لو في هاواي ما بتكون بالسعر ده "
علي كل حال اصلك كريم و احنا بنستاهل " هههه" و العزومة مقبولة ... ممكن اجيب معاي أخوي " دينق "؟؟؟
سلام عمر
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
االاخ عاطف ابراهيم سلامات
Quote: بوست ظريف وحبوب للغاية وبعدين خالي من الدسم - اقصد المكاجرة -- يعني كلو يسار يمين قومي شايل ليهو وردة وخاشي ------- يعني ود الباوقة ودينق اتلاقوا هنا بدون اي لعبة خشنة ------ ياريت لو كلنا استلهمنا وبس انو اختلاف الراي لايفسد للود قضية وان هذا الفضاء الاسفيري يسع الجميع ولنتناول حاجاتنا بذوق وفهم وبدون تعصب ---------- غايتو البوست مع انو اجتماعي ودمو خفيف الا انه الهمني هذه الخاطرة واعتذر للمشاترة ولكن اعمل شنو بحب السودان وبحب ناسو كوولهم من اقصي اليمين لاقصي اليسار |
ياخي ربنا يديك العافية علي الكلمات الرائعة في وصف البوست... و بعدين لا مشاترة ولا شيتين .. كلام في محلو.. و شكرا ليك مرة تانية
تحياتي
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: صديق الموج)
|
الاخ العزيز سيف اليزل برعي
Quote: شكرا اخي عمر
كما اتمني انا ايضا لقاؤك علي شاطئ النيل الابيض في الكلاكلة
بعيدا عن زخم الحضارة الغم
شاي وونسة بس |
يا سلام ياخي امنية جميلة ربنا يحققها في القريب العاجل " بس ما تنسي " الزلابية" بالمناسبة ترقب قريب جدا بوست عن الكلاكلات و التريعة علي وجه الخصوص.. ياخي ديل ناس رائعين.. يستاهلوا كتاب مش بوست .
تحياتي ابو لينة
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: صديق الموج)
|
Quote: ياخي انت زول رائع و جميل و كلماتك صادقة و معبرة الا انك في الشاطئ الاخر من النهر "اقبل الينا و ستجد ما يسرك " ههههه اقبل علي دربنا ان كنت حيرانا.. اقبل علي نبعنا ان كنت ظمآنا
|
عزيزي عمر منجي
سلام
الكلام بدأ حلو.. بس جات كلمة "إلا" .. ذكرتني زمن كورة الشراب.. الا ياخوي انا معاك جنبك ومشتهيك يا عيون... كما غناها ودالريح حمد.. نخيط النيل الابيض بحري وقبلي في كل الظروف وبأعشابنا الخضرة
Quote: ا ود عيسي ابان لحي ديل مش قلت ليك قبل كده "اختاهم" و بقولا ليك تاني " من عادي لي وليا فقد آذنته بالحرب "
العناد ما منك من البلاوي البتاكلوها في " سنغافوره " شي عقارب و شي جعارين و شي رجلين ضفادع
|
ياخوي نحن جوة القبة وبنفتش على الولي.. لكن لقيتك قاصد الوالي...!! وجمال الوالي ليهو استثناء صفوي!! وفي صفه نعلن الحرب على الارباب ومن لف لفه!!
السي فوود أكل الملوك.. دي مش بلاوي... دي من بيت الكلاوي!! وفي معيته ترى الاشياء على حقيقتها.. يبان لك اي شئ شين داخل اللحى!!
ألاقيك وأجيب ليك نظارة شفافة عربون ...
مودتي
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
الاخ الحبيب المحترم د. شداد
Quote: الشكر لك مرتين
الاولى على هذه الروح الطيبه تجاه التى تزخر بها كلماتك والثانيه ان احسنت الظن بنا وجعلتنا مع هؤلاء الافاضل
|
لم آتي بشي من عندي و لكنها الحقيقة و انتم اهلها بجدارة ما يحز في النفس ان هناك الكثير الافاضل في هذا البورد الذين لم ياتي ذكرهم هنا فالتحية لكل عضوية سودانيز ... فردا فردا
Quote: فالتحيه لك ولهم ونرجو ان نلتفى فى سوح الفرح وساعات الخير |
اللهم آميييين يا رب
تحياتي
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
أخي عمر موسى 00 تحية بمساحة الوطن
Quote: *الاخ ابو حراز في جلسة عائلية في السودان و اثبات انو عندو مدام و اسمها " ست النفر " قال ست النفر قال" |
أول شيء شكراً كتير جداً على أن هناك أشخاص يتذكروننا ويسعون لأن نلتقي طبعاً همشونا تهميش كبير جداً في بوست منال { من تريد أن تقابل من البورداب } والله لاضكر ولانتاية مافكر حتى شوية تفكير يقول عاوز أقابل أبوحراز كأننا مافي سودانيز أون لاين يعني الواحد لو شالتو الحماقة بتاعت الجعليين كان طوالي طلع ليهو في اقرب برج عالي لسوداتيل ووقع كسر رقبتو لكن أعدتم لينا الأمل باننا مازلنا في القلوب ولوكانت قلوب خشنة 00 غير مهم !!!
ست النفر قاعدة وزولة رائعة جداً لكن بتكره المنتديات لأنها بتفتكرها { ضرة } بالنسبة لها لكن شيلو شيلتكم لو دخلت معانا هنا والله تاني لاتشوفوا هيفاء وهبي ولانانسي عجرم تاني الا نكتب ليكم عن بوهيات المهندس { اكتصادية وقوية } !!!
شكراً لكل من سال عني
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: الفاضل يسن عثمان)
|
الاخ عثمان ابو حراز
ياخي منذ ان عرفنا سودانيز و ابو حراز رقم لا يستهان به بقفشاتك الجميلة و روحك المرحة , و لكن في السنوات الاخيرة ظهورك قل الي ان اختفي نهائيا فقلنا لعل " ست النفر " قداحكمت قبضتها, ثم شكلها انشغلت قليلا بكوم العيال فرجعت الي الظهور قليلا " ربنا يرزقك كمان و كمان "
Quote: ست النفر قاعدة وزولة رائعة جداً
|
طبعا زولة رائعة لو ما كانت كده ما كان شفنا الجمال ده كلو "ابداع ابو حراز " في سودانيز اون لاين و الحقيقة هي " وراء كل زول كتاااااب في سودانيز زولة رائعة " بس انت كاتب في البروفايل انك "سنقل" قال سنقل قال.... و هذا ما دعانا الي التشكك
تحياتي وما تطول
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
الاخ اسماعيل
شكرا علي روحك الحلوه و انشاء الله يكون اللقاء بكل الناس الحلوين في سودانيز و قرائها في ارض السودان و هي تنعم بالخير و الامن و السلام
Quote: ألأشخاص الذين ذكرتنى فى معيتهم قامات أكن لهم كل تقدير وشكرآ لحسن الظن بى.وأمنيتى أن ألتقيهم.. تخمينك غير صحيح والشخص هو العزيز ابوجهينة لأننا فى مكان واحد |
اتمني ان التقيك و الاخ جلال " ابو جهينة" فان معرفة الكرام كنز و لكن اخاف اذا التقينا انت حتروح فيها لانو حنشبكا " رطانة" رغم انو رطانتي عايزه ليها شغل , و الاخ ابو جهينة يجيد الرطانتين " المحسية و الدنقلاوية " زي الموبايل ابو شريحتين " ماشاء الله عيني بارده"
تشكر اخي اسماعيل
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
الاخ عبد العزيز عيسي سلام
Quote: السي فوود أكل الملوك.. دي مش بلاوي... دي من بيت الكلاوي!!
|
هسي عليك الله السي فوود في ديل ياتن " عقارب و جعارين و رجلين ضفادع" ما تقول لي الضفدع, المسكين ده زاتو ما عارف نفسو , يوم جوه و يوم بره
Quote: يبان لك اي شئ شين داخل اللحى!!
|
ليس في اللحي شين بل كله حسن اذا خلصت النية لله سبحانه و تعالي " من اطاعني دخل الجنة و من عصاني فقد أبي " او كما قال صلي الله عليه و سلم
Quote: ألاقيك وأجيب ليك نظارة شفافة عربون ...
|
شفافة ليه انا الزول الشفاف من الابتدائية ما بريدو
لكن بقبل منك نظاره " كلير " CLEAR
سلامي
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
الاخ ياسر العيلفون مرحبا بك في هذا البوست و في اي مكان
Quote: غداً نكون كما نود ونلتقي عند الغروب ، وغداً سنلتقي ولكن متى وكيف هذا من شان الأقدار , ومازلنا نجد التهميش هنا يعني ما في حد عايز شوفني لا في بوست الأخت منال ولا إنت حتى عايز تشوفني لكن بالجد انا عايز أشوفك وتقبل ودي ،
تحياتي : ياسر العيلفون |
ابدا و الله عايزين نشوفك و كل الاعضاء هنا و لكن البوست كان مازحا لخلاف ما عليه الاعضاء يعني هناك بعضهم تتمني تشوفهم بس ما عندهم ما يخلف
اتمني ان اراك فانت اثبت ان روحك هي الاجمل
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
Quote: من تحب رؤيته من البورداب" ولكن بسبب التهميش الذي وجدناه نحن " البرالمة" في ذلك البوست كان " حمل السلاح" و هذا الانفصال و لا نامت اعين " ديناصورات سودانيز اون لاين"
|
المهمش عمر مجني سلامي وتقديري اولاً هنا انت همشتنا نحن (البرامكة) (يابرملي) وهنا أقول لك(أحايا سنن البرامكه وعاجبني طول أيدوا سامكه) وبعدين ديناصورات سودانيز اون لاين تصاقطوا واحد تلوالاخر بوست راقي كصاحبه مابين السطور حلاوت الكلمه والاخاء والوطنيه سلمت اخي منجي شـــــطة
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: haroon diyab)
|
Quote: هسي عليك الله السي فوود في ديل ياتن " عقارب و جعارين و رجلين ضفادع" ما تقول لي الضفدع, المسكين ده زاتو ما عارف نفسو , يوم جوه و يوم بره
|
عزيزي/ عمر
سلامات
الاصناف الفوق دي لو شافها الصديق/ معتصم محمد صالح ريقه يبل الكيبورد... العقارب والجعارين دي اسماء عائلات محترمة من المخلوقات كاملة الدسم.. وأسأل الاخ/ أشرف يعطيك المفيد من بركات البحار.. والضفدع هذا الوسيط الرائع يجمعك بين طعامي البر والبحر..
Quote: ليس في اللحي شين بل كله حسن اذا خلصت النية لله سبحانه و تعالي " من اطاعني دخل الجنة و من عصاني فقد أبي " او كما قال صلي الله عليه و سلم
|
شفت انت براك قلت:(اذا خلصت النية..)) وعشان النية دي ومافي مخلوق بيعرق مافي القلوب فنحن علينا بالظاهر...
Quote: شفافة ليه انا الزول الشفاف من الابتدائية ما بريدو
لكن بقبل منك نظاره " كلير " CLEAR
|
النظارة الشفافة مهمة لكشف ما بين شعيرات اللحى... وبعدين كلير بتكون في المرحلة التالية بعد الشفافية والكشف..
ياخي انت مصعب الامور وما عايز تلاقيني ساي..
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: Abdlaziz Eisa)
|
الأخ الحبيب عمر السلام عليكم ورحمة الله وبركاته واضح انك مذاكر البورد كويس.
Quote: الاخ هارون دياب في مباراة هلال مريخ و هو يلبس الازرق و صوته قد "بح" وهو يصيح هلالنا فوووق و مريخ ..مريخ "ح نفرمو" فسيخ. |
دى زي واحد يتمنى يشوف هيفاء وهبى فى قناة اقرأ. يا اخى لك كل الحب على حسن ظنك بنا ونرجو ان نكون كذلك .. ونسأل الله ان يغفر لنا مالاتعلمون .
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عبدالعزيز الفاضلابى)
|
الاخ طارق جبريل الشايقي الظريف اللطيف ازيك
Quote: بوست مخستك وموغل في الانصرافية |
يا حاسد انت فاضي من بوستات " البواسير " و النساوين " الرهااااف " هههههههه و بعدين تعال هنا فيييييي زمتك المخستك بوستي و لا بوست البواسير بتاعك داك الواحد يخشو بي كمامات و يطلع منو يستحمه سبع مرات احداهن بي " ديتول "ههه
ما سمعت بالمثل " البوستاتو من "خ...ي" ما يفلع بوستات الناس "
لا وكمان تقول " واحد قريبي " كلامك ده قولو لي زول ما عندو "حديده"
الواحد يتبشتن و يتعولق و يجي يختو في قرايبو
و الغريبة اتصل بي واحد صاحبي شايقي من الاسكا مبسوط قال لي " عمر رسلت ليك ايميل ظريف بتاع واحد شايقي عملولو عملية بواسير " قلت ليهو دا ما كلام المخستك طارق ود جبرين "
بالله بوستيك بقي حايم في الاسافير ؟؟... واااا شماتة المغاربة فيك و بني فاس و مكناس و من جاورهم من الاعراب .
مع السلامة " وان عدتم عدنا" شكرا ليك والله بوستاتك كلها حلوه و ظريفه
تحياتي
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
الاخ المحترم خالد شطة كل الود و الاحترام
Quote: المهمش عمر منجي سلامي وتقديري اولاً هنا انت همشتنا نحن (البرامكة) (يابرملي) وهنا أقول لك(أحايا سنن البرامكه وعاجبني طول أيدوا سامكه) وبعدين ديناصورات سودانيز اون لاين تصاقطوا واحد تلوالاخر بوست راقي كصاحبه مابين السطور حلاوت الكلمه والاخاء والوطنيه سلمت اخي منجي شـــــطة |
و صدقني ما مهمش ولا انت شبه تهميش وليس هناك قصد لتهميش اي بوردابي و لكن البوست جاء سريعا. و نشكرك علي كلماتك الرائعة تحياتي
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
Quote: يا حاسد انت فاضي من بوستات " البواسير " و النساوين " الرهااااف " هههههههه
و بعدين تعال هنا فيييييي زمتك المخستك بوستي و لا بوست البواسير بتاعك داك الواحد يخشو بي كمامات و يطلع منو يستحمه سبع مرات احداهن بي " ديتول "ههه
ما سمعت بالمثل " البوستاتو من "خ...ي" ما يفلع بوستات الناس "
لا وكمان تقول " واحد قريبي " كلامك ده قولو لي زول ما عندو "حديده"
الواحد يتبشتن و يتعولق و يجي يختو في قرايبو
و الغريبة اتصل بي واحد صاحبي شايقي من الاسكا مبسوط قال لي " عمر رسلت ليك ايميل ظريف بتاع واحد شايقي عملولو عملية بواسير " قلت ليهو دا ما كلام المخستك طارق ود جبرين "
بالله بوستيك بقي حايم في الاسافير ؟؟... واااا شماتة المغاربة فيك و بني فاس و مكناس و من جاورهم من الاعراب .
|
لاحول ولاقوة الا بالله
ده كله يطلع منك ياخوي منجي..
وبعدين في منو....!!
في السامر عشيق الليل.. الزول الرهيف البيقولوا عليه بالتلاقيط: ديليكيت!!
البرلوم مولود باضراسو!!!
تحياتي
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
اخي العزيز آكل البلاوي عبد العزيز عيسي عساك طيب
Quote: شفت انت براك قلت:(اذا خلصت النية..)) وعشان النية دي ومافي مخلوق بيعرق مافي القلوب فنحن علينا بالظاهر...
|
بالظاهر كيف يعني ... واحد مربي لحيه معناها انو تاجر دين و منافق " مالكم كيف تحكمون "
Quote: لاحول ولاقوة الا بالله
ده كله يطلع منك ياخوي منجي..
وبعدين في منو....!!
في السامر عشيق الليل.. الزول الرهيف البيقولوا عليه بالتلاقيط: ديليكيت!!
البرلوم مولود باضراسو!!!
|
هوي يا ود عيسي ما تخش بيني و بين ود جبريل " الزول المرهف الظريف "
بس كلامي هو عارفو براهو اسمو " الهظار الخشن " وهو من بدا و مشينا علي خطاهو..
Quote: الليلة ما تلحق ترد علي... تحياتي |
الحق ارد عليك كيف و انت قاعد تاكل في البلاوي دي " ليك حق تنطط " ِA man is what he eats تصبح علي خير " بتوقيتنا"
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عبدالله ود البوش)
|
Quote: لما صليت الظهر امامكم كان عندو لحية ولا لا و لو عندو اها رايك فيهو شنو ؟؟؟
بس اوعك تقولي انت كنت الامام .... |
عزيزي منجي
كيف حالك؟ نحن بنشتت الكورة جاي وجاي.. وأنت كل مرّة بتجيبها في خط طمنطاشر!!!!!!!!!!!!!
طيب// تفتكر لما أصلي وراء واحد ملتحي ما شفاف بكون مطمئن على صلاتي!!! عشان نخلص من الموضوع ده ونتجنب البلنتيات.. دولتنا المدنية الحديثة بنفصل فيها الدين عن السياسة ولا نسمح باقامة احزاب ذات تكوين ونهج ديني...
بعد ده انت تختار عايز تلاقيني في الوزارة ولا المسجد!!!
مودتي
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: عمر موسي منجي)
|
اخي عبد العزيز
Quote: دولتنا المدنية الحديثة بنفصل فيها الدين عن السياسة ولا نسمح باقامة احزاب ذات تكوين ونهج ديني... |
و من انتم حتي تفعلوا ذلك بكل هذه الثقة... الشعب هو من يحدد عن طريق صناديق الاقتراع " و حنخرتكم من غير خج "
Quote: بعد ده انت تختار عايز تلاقيني في الوزارة ولا المسجد!!!
|
مسجد الوزارة ............ سمح ؟؟؟
تحياتي عبدو
| |
|
|
|
|
|
|
Re: البورداب الآتية اسماؤهم/ن أتمني رؤيتهم في الاماكن التالية .... (Re: ود الباوقة)
|
يا منجى انا متابع بوستات و عملت ليك كم مداخلة كده ... !!!
و متابع البوست ده من قولة تيت ..
لكن اتفق تماما مع اخوى خالد شطة فيما ذهب اليه ..!!!
الفيك اتعرفت ...
Quote: Quote: المهمش عمر منجي سلامي وتقديري اولاً هنا انت همشتنا نحن (البرامكة) (يابرملي) وهنا أقول لك(أحايا سنن البرامكه وعاجبني طول أيدوا سامكه) وبعدين ديناصورات سودانيز اون لاين تصاقطوا واحد تلوالاخر بوست راقي كصاحبه مابين السطور حلاوت الكلمه والاخاء والوطنيه سلمت اخي منجي شـــــطة
|
| |
|
|
|
|
|
|
|