من اقوال العميد عمر حسن احمد البشير

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-09-2018, 09:44 AM الصفحة الرئيسية

مكتبة من اقوالهم
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
03-11-2010, 09:02 AM

محمد احمد النور

تاريخ التسجيل: 06-03-2005
مجموع المشاركات: 408

للتواصل معنا

FaceBook
تويتر Twitter
YouTube


Re: من اقوال العميد عمر حسن احمد البشير (Re: محمد احمد النور)

    http://www.alawamra.com/vb1/showthread.php?s=e9603032c4...e5dcebe29d271&t=1863

    من اقوال البشير : بلير مزنوق زنقة الغسال يوم الوقفة





    المؤتمر الصحفي للسيد الفريق عمر حسن احمد البشير رئيس الجمهورية قاعة الصداقة 24/9/2006
    بسم الله الرحمن الرحيم الحمد لله و الصلاة و السلام علي رسول الله السلام عليكم و رحمة الله تعالي و بركاته بداية الواحد لازم يترحم علي اخونا الشهيد شهيد الصحافة الاخ محمد طه محمد احمد و اظن الكل يعرف محمد طه و نحن عرفناه منذ ان كان طالبا بمبادراته و مثابرته صاحب كلمة جرئية و يقول الحق و لا يخشي فيه لومة لائم ليرضي ضميره و يرضي الله سبحنه و تعالي

    و لذلك كان الحدث صدمة لكل اهل السودان فهو حدث جديد علي اهل السودان محمد طه كان يقاتل بالكلمة و كان يكون الرد عليه بنفس الكلمة و هي متاحة لكل الناس اسال الله تعالي ان يتقبله بقبول حسن و ان يجنب بلادنا الفتن و مثل هذه الاعمال التي لا تشبه شعبنا المتسامح الكريم

    حد يثي حقيقة عن الزيارة التي قمنا بها اخيرا و البديناها بزيارة جمهورية قامبيا بدعوة رسمية من الرئيس القامبي بتربطنا علاقات وثيقة مع قامبيا و مع الرئيس القامبي بالتحديد الحاج يحيي جامع وهو من الناس العندهم مواقف قوية مع السودان و من الناس العندهم ايضا مواقف شجاعة ضد التدخلات الاجنبية خاصة في شأن القارة الافريقية فهو رجل استقلالي من الدرجة الاولي يحب استقلال بلده و عدم اخضاعها لاي جهات مهما كان نفوذها و قوتها العلاقة مع قامبيا حقيقة متشعبة الاخ الرئيس القامبي بعد زيارته للسودان و تعرفه علي امكانيات السودان طلب ان السودان يساعده في مجالات محددة جدا في مجال الزراعة بعد ما شاف مشروعاتنا الضخمة و طلب ان نساعده في صناعة السكر و ايضا في التاسيس للتعليم العالي نحن ارسلنا وفد كان برئاسة الاخ ابوشورة و مشي زارهم و عمل دراسة اولية لامكانية قيام المشروعات في قامبيا و جاب الدراسات الاولية و نحن انشاء الله حانحاول نكمل هذه الدراسات و نحاول معاهم ان نجد التمويل لهذه المشروعات في صناعة السكر هم يطلبوا خبرة كنانة و هي متاحة لهم انشاء الله نساعدهم في انشاء مصنع للسكر يغطي احتياجهم و يمكن ان يفيض لانه هم من الجهات الممكن تكون منتجة للسكر، في مجال الجامعة مشي الاخ بروفسير محمد احمد الشيخ و زارهم و شاف الامكانات الموجودة بتاعتهم و التاسيس الهم بدوه من مباني مؤقتة لي جامعة و جاب لينا دراسة كاملة انشاء الله و هي خاضعة للدراسة الان و ستكون مساهمة السودان في انشاء هذه الجامعة ايضا طبعا شرحنا ليه التحويل بتاع مهمة القوات الافريقية الي قوات دولية و ايضا وضحنا له اسباب رفضنا القاطع لهذه القوات و خاصة القرار 1706 كان متجول معانا و في نهاية الزيارة عمل مؤتمر صحفي أيد فيه موقف السودان تماما ، من هناك قمنا بزيارة الي السنغال التقينا فيه بالرئيس عبدالله واد لان الرئيس عبدالله واد مهتم جدا باوضاع السودان و حقيقة بذل و مازال عنده الرغبة فيان يبذل معانا جهود سواء اكمال السلام في دارفور او حل الاشكال القائم بين السودان و تشاد وكلنا نعرف انه كان عنده مبادرة انه دعانا الي داكار لكن سبق الدعوة انه حصل الاجتماع التم في انجمينا ابان تنصيب الرئيس ادريس دبي و اتفقنا فيه علي تنفيذ ما تفقنا عليه في طرابلس و فعلا بدت خطوات ايجابية في اطار العلاقات السودانية التشادية باعادة السفارات و الاتفاق علي خطوات اخري نأمل انها تكتمل الرئيس عبدالله واد عنده صلات كبيرة و اهتمام بالسلام في افريقيا و تعلموا انه عنده اتصالات مع الامريكان مع الاوربيين بخصوص السودان وهو طبعا بطلب انه نحن نخته في الصورة و بالطبع عشان كده مرينا عليه و ايضا اكدنا ليه الكلام القلناه في الخرطوم هنا و ايضا وضحنا بشكل واضح لماذا رفضنا للقرار 1706 ايضا عقدنا مؤتمر صحفي في نهاية الزيارة و كان ايضا موقف الرئيس السنغالي مؤيد تماما لموقف السودان من بعدها ذهبنا الي هافانا و هناك مؤتمر قمة دول عدم الانحياز و طبعا الموضوع الرئيسي هو البحث في حركة عدم الانحياز و جدوي استمرار هذه الحركة و دورها في حلحلة المشاكل المواجهة العالم الان خاصة بعد انتهاء الحرب الباردة و ايضا امكانية التضامن بين دول عدم الانحياز في المجالات المختلفة السياسية و الاقتصادية و الاجتماعية و حقيقة ظهرت بعض الاراء و المقترحات في ان يكون لهذه الحركة جسم ليه دوره في السياسة الدولية و لان هناك الكثير من القضايا المواجهة دول عدم النحياز و لا تستطيع ان تواجهها منفردة و لكن اذا حصل تضامن و تعاون بيناتها و خلقت الاليات اللازمة يمكن ان يكون لي دول عدم الانحياز دور فاعل في مواجهة ما يعتري العالم الان من مشاكل الحركة في اجتماعها امنت علي حق الشعب الفلسطيني و دعم الشعب الفلسطيني في مواجهة الصلف و الكبت و العدوان الاسرائيلي ايضا الحركة تحدثت عن العدوان علي لبنان و الوقوف الي جانب الشعب اللبناني ، نحن طبعا قدمنا خطاب قد يكون بعضكم اطلع عليه و أكدنا فيه مواقف السودان المختلفة من مختلف القضايا حقيقة وجودنا في هافانا و وجود عدد كبير من القادة اتح لينا عدد من اللقاءات شملت هذه اللقاءات في هافانا الرئيس دنس ساسو انغيسو رئيس الكنغو وهو طبعا رئيس الاتحادالافريقي الرئيس ثابو مبيكي الرئيس عبدالعزيز بوتفليقة الرئيس امين لحود الرئيس الحاج عمر بونقو................السيد كوفي عنان الامين العام للامم المتحدة السيد عبدالله بدوي رئيس وزراء ماليزيا مايكل توماس رئيس وزراء غينيا الجديدة و سمو ولي عهد دولة قطر و طبعا اكملنا هذه اللقاءات في نيويورك التقينا بالرئيس دبينغو موتريكا رئيس مناوي و بليس كمباوي هو رئيس مجلس السلم و الامن الان و ر ئيس راوندا و تشافيز رئيس فنزويلا و احمد ابو الغيط وزير خارجية مصر ووزير خارجية الصين و ايضا بالرئيس احمدي نجاد رئيس ايران حقيقة كل هذه اللقاءات كان الهدف منها توضيح ما يدور في دارفور الان خاصة بعد توقيع السلام في دارفور و التطورات التي حدثت الايجابي فيها و السلبي بعد توقيع الاتفاقية و لماذا رفضنا للقرار 1706 بعد هذه اللقاءات انتقلنا لنحضر اجتماعات مجلس السلم و الامن الافريقي و الاول مرة هذا المجلس يجتمع علي مستوي الرؤساء و عشان ما يناقش قضية دارفور اللقاءات العملناها في هافانا و في نيويورك قبل هذه القمة كانت مهمة جدا في توضيح موقف السودان و حججه القوية التي قدمها عملنا اجتماع مقلق للرؤساء قبل اجتماع المجلس و من ثم دخلنا اجتماع المجلس الموضوع النحن تحدثنا عنهبوضوح شديد جدا انه نحن بعد توقيع اتفاقية سلام دارفور و كان واضح انه الاتفاقية الناس عندها كتير جدا من الملحوظات القوية و لكن نحن قبلنا التوقيع علي هذه الاتفاقية لسببين السبب الاول نحن حريصين علي ان يتم السلام في دارفور و اي جهة ممكن تجيب السلام نحن معاه و بندعمه الحاجة التانية عشان بتوقيع السلام نحن نحجب المحاولات لتدويل القضية و تحويل مهمة القوات الافريقية الي دولية كان المتوقع تماما و دي كانت الوعود العالم كله كان موجود معانا في ابوجا امريكا الاتحاد الاوربي الاتحاد الافريقي بريطانيا هولندا النرويج كل الناس المهتمين بقضية دارفور كانو موجودين و كلهم ساهموا مساهمة فعالة جدا في الوصول لاتفاقية ابوجا و كان الحديث واضح جدا انه اي جهة تحاول تعوق الاتفاقية او السلام في دارفور حاتكون عرضة لاجراءات صارمة و عقوبات فعالة و انه التركيز حايكون علي السلام و انه هناك سبعة ايام فرصة للماوقعوا يوقعوا و الما حليوقعوا خلال السبعة يوم بعد داك يمكن يجي في خلال خمسة عشر يوم و ينضم للاتفاقية لكن بعد دا اي واحد ما يوقع ما ينضم للاتفاقية ناهيك عن انه يقوم بعمل معارض حاتتخذ ضده اجراءات بانه رافض للسلام لكن حقيقة بدأ الحديث مباشرة عن تحويل مهمة القوات الافريقية في دارفور الي قوات اممية و واضح انه الهدف ليس سلام دارفور انما الهدف هو تحويل المهمة و وجود قوات اممية في دارفور و معني دا اذا كان الهدف ليس السلام فالقوات دي عندها مهام و اجندة اخري و من البداية كان دا شكنا و الاخد لليقين انه طالما الاهتمام و الهم بقي هو القوات الدولية فقط و ليس الحديث عن السلام و لا عن المعارضين للسلام يبقي الهدف هو اهداف و اجندة اخري و طلع القرار 1706 و حقيقة اكد كل المخاوف و الشكوك بتاعتنا الناس لو اطلعوا علي هذا القرار بجدوا ان هذه القوات هي حقيقة الهدف منها وضع السودان تحت الوصاية هذا القرار عايز يوري العالم انه في السودان مافي مؤسسات للحكم انه القرار بتكلم عن انشاء لجهاز قضائي مستقل و القرار يتكلم عن اعادة ترتيب اوضاع الشرطة لتتماشي مع النظم الديموقراطية و مراقبة حدود السودان و حقوق الانسان في السودان و مراقبة عدم الافلات من العقوبة و خلاف ذلك فهي حقيقة وصايا بالكامل و اي واحد درس هذا القرار حا يجد انه هذه القوات تتمتع بسلطات و صلاحيات واسعة تعادل تماما سلطات قوات التحالف في العراق و حا يكون قائد هذه القوة هو بريمر في السودان لانه اذا الدولة مافيها جهاز قضائي و ما فيها جهاز شرطة ما في دولة لانه ما في دولة بدون شرطة و ما في دولة بدون قضاء الكلام عن القضاء في السودان و انشاء جهاز قضائي في السودان معناه انه دي بلد ما فيها جهاز قضائي و نحن نفخر و ما زلنا نفخر بالجهاز القضائي في السودان و الهو ليس محل احترام اهل السودان فقط و انما في كتير جدا من دول العالم بدليل انه نحن عندنا الان العشرات من القضاء السودانيين المنتدبين في العمل في اجهزة قضائية بالخارج و ما في قاضي انتدبناه لجهة الجهة فكتوا لينا وبل تطالب بالتجديد فالجهاز القضائي السوداني البعراقته و بقضاته المؤهلين و المقتدرين بجي انه نحن محتاجين انه تجئ قوات دولية تعملينا جهاز قضائي ؟ و الشرطة السودانية المر علي تكوينها اكثر من مائة عام و ما تملكه من خبرات و ماتملكه من معاهد و كليات و معامل و بتدرب حقيقة عدد كبير جدا من الدول الافريقية فدا كله نحن محتاجين لقوات اممية تجئ تعمل لينا جهاز شرطة ؟ مراقبة الحدود الواحد ما بتخيل انها حاتكون مراقبة الحدود و بس معناتها في كل مدخل و مخرج من السودان تكون هناك قوات في مطار الخرطوم عشان تراقب حركة الدخول و الخروج عبر المطار فهي وصايا كاملة و نحن لما وضحناها كل الرؤساء القابلناهم ما كان عندهم الا تأييد و دعم موقف السودان و دا ظهرت في النقاش داخل مجلس السلم عدد من الرؤساء الافارقة كانت اسئلتهم موجهة مباشرة لممثل الامين العام الحضر الجلسة لانه الامين العام خرج ما كمل الجلسة معانا لانه عنده اجتماع اخر فكل اسئلتهم حول شنو المعني بنه الامم تعمل قضاء و شرطة في السودان و حقيقة ما كان عنده اجابة كل الكان بقولوا انه من حق السودان انه يقبل او يرفض فدا حقيقة انه بالحجة القوية دي نحن صدينا هذا المخطط لكن وضح انه في جهد ضخم جدا اتعمل في الخارج لتصوير الموقف في دارفور بصورة بشعة و رغم انه اليوم نقدر نقول انه اكتر من 80% من دارفور امن الان و ما في اي حوادث تسجل لكن كلكم بتسمعوا اجهزة الاعلام و خير مثال لذلك الاجتماع التعمل البارح و تحدثوا فيه عن تدهور مريع في الاوضاع في دارفور حقيقة التامربيظهر في مواقف و يمكن نحن نمر علي بعض المحطات في يناير من هذا الشهر جاءت بعثة مشتركة للاتحاد الافريقي و الامم المتحدة و الاتحاد الاوربي و بعض الدول عشان تقيم عمل القوات الافريقية في دارفور و الحديث كان عن هذه القوات حديث ايجابي و التقرير كان ايجابي و اشاد بدور هذه القوات في دارفور و انها قامت بمهمتها كاملة يظهر الناس كان متوقيعين غير ذلك او كانوا طالبين حاجة غير ذلك فطوالي وقف الدعم و التمويل لهذه القوات ليه وقفوا الدعم و التمويل عشان حقيقة يظهروا عجز هذه القواتطبعا القوات دي لما بقت مابتتلقي دعم الواحد قاعد شهر شهرين ما بصرف بعيد من بلده دا قطعا النتيجة الحتمية يكون تدني اداء هذه القوات عشان يجدوا مبرر في البداية كان الحديث انه ما في تمويل لكن لما صدر القرار من جامعة الدول العربية بتمويل هذه القوات بدأ الحديث عن كفاءة و مقدرة هذه القوات انه هذه القوات ما عندها كفاءة و ما عندها مقدرة منو الممكن يقول الكلام اذا اللجنة المشتركة لغاية يناير بتقول انه القوات مؤدية دورها بصورة ممتازة فدا كله تامر لما وقعنا الاتفاقية ليه الحديث ما كان عن الاتفاقية و تنفيذ الاتفاقية و التركيز عليها و السلام ليه الحديث ما كان يكون عن الناس البعملوا علي تقويض السلام كلنا نعلم و ما كان الحكاية سرية انه ارتريا جمعت عدد من القادة الرافضين للاتفاقية و كان فيهم ناس العدل و المساواة و دريج و شريف حرير و كونوا جبهة سموها جبهة الخلاص و اعلنت عن نفسها و اهدافها هي مقاتلة و الحكومة و الفصيل الوقع الاتفاقية عشان يوروا الفصيل الوقع دا ما عنده حاجة في دارفور كان المتوقع من الاسرة الدولية و الناس المهتمين بسلام دارفور انه طوالي يتخذوا الاجراءات ضد ارتريا و ضد الفصيل الاعلن نفسه لكن سكتوا تماما الفصيل دا بدأ يتلقي دعم عسكري مقدر جدا اسلحة تنقل من ارتريا الي تشاد و عربات لاندكروزر صغيرة تنقل و حشد ضخم و الاتحاد الافريقي عنده خبر و الاتحاد الافريقي عنده خبر و الاتحاد الاوربي عنده خبر و الامم المتحدة عندها خبر كل التفاصيل دي موجودة عندهم و لغاية ما الفصيل دا بدأ في نشاط عسكري واسع جدا قدر انه يحتل كتير جدا من مواقع قوات مني اركو مناوي و تعدي دارفور الي حمرة الشيخ و كل هذا العمل ما وجد ادانة من الاسرة الدولية البتقول انها مهتمة بسلام دارفور لكن لما نحن ادينا القوات المسلحة انها تحتوي العمل بتاع جبهة الخلاص كلكم الان بيسمع انه الحكومة بتحشد قوات و ان دا خرق لوقف اطلاق النار ، وقف اطلاق النار بتم من جهتين هل فيكم واحد سمع انه نحن وقعنا اتفاقية وقف اطلاق النار بين الحكومة و جبهة الخلاص نحن الاتفاق بيننا و بين حركة تحرير السودان جناح مني اركو مناوي و عندنا تفاقية انجمينا بيننا و بين حركة..... من جناح عبد الواحد لكن الحركة الاخيرة اعلنت انها هي غير ملتزمة باتفاقية ابوجا و غير ملتزمة بوقف اطلاق النار فيبقي ماهو وقف اطلاق النار المراد مراقبته نحن في دارفور لما ارسلنا قوات ما خرقنا وقف اطلاق النار و انما مشينا عشان نقاتل فصيل عن نفسه و هدفه في تقويض الاتفاقية و عايز يثبت انه الاتفاقية مع فصيل لا يملك قوات في الارض و كلكم يعلم انه الفصيل دا كان القوة الرئيسية انا بقول الكلام دا كله عشان حقيقة نحن بنقول بالصوت العالي هناك استهداف واضح عايزين يتخذوا قضية دارفور مدخل للهيمنة و السيطرة و استعمار السودان و ان هذه القوات قوات استعمارية حقيقة لما عرفنا انه التفويض الجايا بيه القوات دا بكل المعني يوضح انها قوة استعمارية نحن قعدنا شفنا شنو الخيارات المتاحة نعم الخيار بتاعنا نتحرك سياسيا و دبلوماسيا عشان نجهض كل التامر الماشي ضد السودان لكن برضو العالم الان اصبح ما فيه منطق و لو كان فيه منطق واحد كان مفروض تنصب المحاكم الان للناس الاجتاحو العراق ا جتاحوه بقرار خارج نطاق الامم المتحدة و فيه خرق واضح لكل المواثيق و القوانين و الاعراف الدولية حتي الحجة الساقوها انه هم غزو العراق لانه صدام حسين يمتلك اسلحة دمار شامل و دا فيه تهديد للامن و السلم الدوليين في النهاية هم اعلنوا انه ما في اسلحة دمار شامل حقيقة فبل ما يدخلوا العراق كانوا يعرفوا لانه كان المفتشين موجودين فتشوا كل ركن و كل مكتب و كل مكان و كل انسان و بعد كده يقولوا لا جايبين صور في مجلس الامن بعرضها وزير خارجية امريكا انه دي صور تؤكد انه ديل الكونتينر و العربات الشايلاها في اسلحة دمار شامل طيب بعد ما اعلنوا انه مافي اسلحة دمار شامل مش في جريمة ارتكبت في حق العراق فعل ما فعل في العراق عايزين يكرروا نفس الشئ في السودان فنحن حقيقة قرارنا هو الرفض التام قرارنا هو استمرار القوات الافريقية و دعم هذه القوات عشان ما تؤدي المهمة الموضوعة ليها في اتفاقية السلام في الاجراءات الامنية اوكلنا دور لقوات الاتحاد الافريقي المطلوب هو دعم لهذه القوات و ميثاق الامم المتحدة في فصله التاني بيدي الامم المتحدة الفرصة في انها تكلف منظمة اقليمية برعاية السلم و الامن نيابة عن مجلس الامن في الميثاق البروتوكول بتاع مجلس السلم و الامن الافريقي ايضا في مادة بتتيح لهذا المجلس انه يتلقي الدعم من الامم المتحدة سواء كان مادي او لوجستي او عسكري فما في مجال نحن نقبل هذه القوات لانه اول حاجة هي تعدت الاتفاقية لغت الاتفاقية تماما و انه هذه القوات تعمل اجراءات الحاجة التانية الما مقبولة اصلا في القرار دا تم التمديد لمهمة القوات الاممية الموجودة في الجنوب عشان تشمل دارفور و دا خرق للاتفاقية لانه القوات دي دخلت باتفاق بيننا و بين الحركة الشعبية وصفت في الاتفاقية قوة هذه القوة عددها كم التفويض بتاعها المهام بتاعتها اماكن الانفتاح بتاعها محددة تماما و اي تعديل لايمكن يتم الا باتفاق الطرفين نحن و الحركة الشعبية نقعد نتفق علي حاجة حتي يمكن يحصل التعديل في هذه الاتفاقية فايضا دا خرق و تجاوز للاتفاقية اتفاقية السلام الشامل نحن حقيقة عايزين نوضح الموقف دا عشان الناس تكون علي علم و بينة وان هذه القضية ليست قضية حكومة و انما هي قضية بلد يعني الاستعمار لما يجئ برضوا علي ليس علي الحكومة حكومة الانقاذ او المؤتمر الوطني و حسب و انما علي السودان فدا يتطلب الاجماع من اهل السودان لانه يجب علي كل الوطنيين و نحن ما بنقول انه الوطنيين موجودين في الحكومة وحدها الوطنيين موجودين في الحكومة موجودين في المعارضة في ع ناصر و مؤسسات و منظمات و افراد ليس في الحكومة و المعارضة فقط لان دا شأن بتاع وطن فيبقي انه دي الثوابت الوطنية و نحن بنتكلم عن توحيد الجبهة الداخلية لا نتكلم عن انه لازم نحشد الناس كلهم لكن المعارضة برضو هي معارضة وطنية لازم يكون عندها موقف من القضايا الوطنية نحن حانسعي لتوحيد جبهتنا الداخلية ما امكن ذلك الا من ابي و نجمع الصف اخوانا كلهم و نحن حاندخل في تشاور مع كل القوي السياسية و الاجتماعيةالموجودة في السودان عشان نوحدها بالنسبة لقضية دارفور نحن حانستمر في انفاذ قضية دارفور و اليوم صدرت كل المراسيم الخاصة بانشاء السلطة في دارفور و مؤسساتها و حايبقي بعد كدا انشاء الله هوالملء بتاع الخانات و الوظائف المختلفة البتحددها الاتفاقية من اهم الاشياء الموجودة في هذه الاتفاقية هي القوات المسلحة المدمجة و قوات الشرطة المدمجة و قوات الشرطة الاجتماعية دي تقريبا في اجماليها لما تتكون بتكون حوالي عشرين الف جندي القوة الرئيسية البتكون مسؤولة من حماية المواطنين و معسكرات النازحين و حماية امن الطرق حماية اماكن رجوع النازحين و اللاجئين قوامها عشرين الف ما محتاجين فيها لتمويل خارجي لانه دي حا تكون جزء من القوات المسلحة جزء من الشرطة الوطنية و الموحدة و الاجتماعية دي كلها حايكون تمويلها بالكامل علي حكومة السودان و نحن علي قناعة مع السلام اللي تم ، نحن مع انه الفصيل الرئيسي الكان بقاتل هو الان جزء من الحكومة و دا بيأمن مناطق واسعة جدا ويمكن من اعادة الامن و الاستقرار في دارفور نحن حانجتهد انشاء الله انه نوفر و نحقق امن و ننفذ الاتفاقية العايز ينضم نحو مساعينا من الاخرين الما انضموا للسلام سواء فصيل عبدالواحد بجناحينه او حتي جبهة الخلاص حا تستمر الجهود لجذب الناس و ضم الناس انشاء الله للسلام في دارفور اجراء المصالحات بين القبائل و الجهات المختلفة تتصالح و دا كله انشاء الله جهودنا حاتستمر للسلام في دارفور و الناس البحاولوا انه يعيقوا السلام هم الان البتكلموا عن الاسرة الدولية و المجتمع الدولي البتكلموا كذبا عن انه دارفور الان في اسوأ حالاتها و القتل مستمر و نحن بنقول دارفور اليوم مهما يقال هي في احسن حالاتها منذ اندلاع القتال في دارفور، جنوب دارفور و غرب دارفور الان امن، ما في مشاكل تذكر مافي صراعات في جنوب و غرب دارفور، شمال دارفور الجزء الشمالي من شمال دارفور الهو المنطقة البتنشط فيها الان حركة الخلاص و دا انشاء الله القوات المسلحة قادرة انها تحتويها و العايز السلام حايتم و العايز يعوق السلام نحن حانتعامل معاه بنفس الاسلوب انشاء الله جزاكم الله خير و السلام عليكم و رحمة الله الاسئلة الموجهة للسيد رئيس الجمهورية محي الدين تيتاوي / صحفي و كاتب عمود الحقيقة يمكن كل العالم شهد يوم الانتصار الذي حققه السودان في اجتماع نيويورك و النتائج التي تحققت نتيجة الاجتماع في حديثك سيد الرئيس ذكرت انه هناك جهود كبيرة جدا بذلت لتشويه صورة السودان نحن كنا عايزين في النقطة دي يكون في شوية توضيح حجم الجهد البذل من من و كيف ؟ الان نحن بنعلم انه في اكتر من الف و خمسمائة موقع في الانترنت شغال في الموضوع دا و انه هناك في لوبي يهدي صهيوني ضاغط في الولايات المتحدة و في عمل كتير بتم المظاهرات التي تجري الحتة دي عايزة شوية توضيح عشان الناس تكون في الصورة حقيقة شكرا الصادق الرزيقي / صحيفة الانتباهة السيد الرئيس بعد كل هذه الجهود هنالك عديد من المقترحات طرحت داخل اجتماع مجلس الامن و السلم الافريقي هناك حديث عن فتح الاتفاقية من جديد للمجموعات التي لم توقع هناك حديث عن قوات الاحتياطية من دول اخري هنالك اجتماع في نوفمبر القادم لمجلس السلم و الامن الافريقي لتقييم الموقف ماذا عن هذه المقترحات و ماذا سيتم بشأن الاتفاقية من جديد لاستيعاب الفئات التي لم توقع ؟ من جملة التدابير المطروحة و المقترحات هل في نية الحكومة اطلاق مبادرة سياسية جديدة و الحديث عن صيغة جديدة للتعويضات لتصفية المعسكرات و تنهاء الازمة الانسانية التي تتخذ ذريعة للتخل الاجنبي شكرا جمال عنقرة / الوطن شكرا لهذا التوضيح المرتب الذي يعيد لفهم موقف السودان الرافض للقرار 1706 كذلك نشكر علي الموقف الداعي للملمة اطراف السودان و توحيد الجبهة و لكن قراءة هذه الاشياء مع الواقع تبدو اقرب الي ان تكون نظرية الان رغم هذه القناعات و رغم هذا الموقف القوى كما ذكر السيد الرئيس فهناك جهات خارجية و جهات داخلية تعمل علي دخول القوات الدولية الي دارفور الان الموقف الداخلي حتي في داخل الحكومة ليس موحد في رفض القوات الدولية رغم ان القرار بصدر من الحكومة بصدر قرار مؤسسة لكن في الداخل ناس محسوبين علي المؤسسة بدلوا بتصريحات مختلفة تتوقع الجهات الضاغطة ان تفعل مثل ما فعل في العراق ان تتجاوز المؤسسات الدولية و تتخذ قرار بمفردها لتنفيذ قرارها في السودان في هذه الحالة كيف يمكن ان تكون الترتيبات في مواجهة هذه المتغيرات التي قد تحدث شكرا كمال حامد / مراسل و صحفي يمكن حقيقة السيد الرئيس بطالب بتوحيد الجبهة الداخلية و اجماع اهل السودان و اهل السودان يمكن يسألون اين توحيد جبهة الرئاسة و جبهة مجلس الوزراء و الشركاء ، الحديث الخطير الذي ذكره السيد الرئيس بانه القوات الدولية المنصوص عنها في اتفاقية نيفاشا في الجنوب بعددها كما ان هناك قرار بتمديد عملها من الجنوب الي دارفور و قد تكون بدأت اجراءات في هذا الامر انا افتكر هذا الموضوع يهم الحركة الشعبية لانها هي التي وقعت و هي التي وافقت علي وجود قوات دولية في مناطق معينة في السودان في الجنوب و النيل الازرق و الشرق و جزء منها في العاصمة فما هو رأي الحركة الشعبية حقيقة اذا كانت القوات المنصوص عنها في نيفاشا ستتمددالي دارفور ؟ شكرا فضل الله محمد / صحيفة الخرطوم النجاح الاول الذي تحقق في نيويورك وضع السودان امام تحديات خاصة في فترة الشهور التلاتة المقبلة و بطبيعة الحال لابد من الاستعداد لمواجهة التحديات الخارجية و الداخلية الامر الذي يثير بعض الاسئلة في المجال الخارجي كيف السبيل لاعادة التوازن و الاعتدال لموقف مجلس الامن من القرار 1706 من المتوقع في الشهور دي يكون في حوار بين السودان و الامم المتحدة هل هناك مجال لاستصدار قرار جديد يصحح اخطاء 1706 و يحصر دور الامم المتحدة في دعم السلام و دعم القوات الافريقية ثم ما ردكم علي الدعاوي التي بدأت تظهر كالنبت الشيطاني مثل اجتماع رايس مع سبع و عشرين دولة أمس الاول و مثل دعوة بلير لمؤتمر دولي و ما هي الخطوات الواجب اتخاذها لمساعدة الاتحاد الافريقي علي الصمود في وجه الضغوط الدولية اما في الداخل فنسأل هل هناك خطة عملية لترميم الجسور مع الرافضين هل هناك خطوات ستتخذ محددة ، السيد الرئيس تكلم عن بناء المؤسسات الانتقالية في دارفور صدرت بهاقرارات و لكن هناك الجزء الاخر خاص بالتعيينات هل يؤجل تنفيذ هذه القرارات انتظارا لتحقيق المزيد من الاجماع حول اتفاق ابوجا و هل عناك خطوات محددة ستتخذ لتحقيق وحدة الصف بين القوي السياسية ؟ شكرا نورالدين مدني / صحيفة السوداني داير اواصل في الحديث عن توحيد الجبهة الداخلية و تماسكها و اضح انه في طرح كتير انطرح في الجانب دا لكن للاسف في الاخر المسائل تتجه نحو الفصائل المسلحة و دا الدخلنا في الاستقطاب الحاد الموجود و حتي اتفاق ابوجا منتقد من ناسه ذاتهم ناس مني اركو اليوم في الصحافة منشور تابع لي مني بنتقد الاتفاقية و بقول انها هي ما حققت السلام و بدعو لي فتحها انا داير اقول انه الحوار مع الحركات المسلحة هو الدخلنا في الحتة دي و الان في جبهة الخلاص وانه ماشين نستعد ليها بحل عسكري تاني وبعد دا نجي تاني نقعد نتفاوض معاهم و نديهم نسبة في السلطة و الثروة دا ما بحل الحل هو الحل السياسي تكون في جدية للحل هل الحكومة لديها رغبة في الحل السياسي ؟ شكرا حيدر ابراهيم / تلفزيون السودان هنالك حديث عن مبادرة مصرية سعودية لتطويق هذه الازمة بين السودان و الامم المتحدة في ظل هذا الرفض من السودان و الاصرار من الولايات المتحدة و المجتمع الدولي هل هنالك طريق ثالث يمكن ان يصل بالطرفين لاتفاق خاصة في ظل وجود حديث من رئيس وزراء بريطانيا عن حوافز ربما تقدم للحكومة السودانية اذا وافقت علي دخول هذه القوات شكرا تعقيب السيد الرئيس علي اسئلة الصحفيين : شكرا الاخوة الذين قدموا اسئلة و نبدأ بالكلام عن التشويه لصورة السودان هناك كلام بصور الموقف في دارفور انه في قتل مستمر و معاناة لا زال الاتحاد الافريقي موجود في دارفور و لازال هو البراقب وقف اطلاق النار في دارفور و لا زال هو الجهة الممكن ترفع تقرير عن الحاصل في دارفور لانه عندهم انتشار في كل دارفور هل ورد الكلام القالته الاخت من البي بي سي قبل قليل هل ورد الكلام دا انا بقول انه حقيقة اي ارقام عن القتل في دارفور هي ارقام مصنوعة الهدف منها واضح جدا و دا جزء من الحملة المظاهرات الطلعت في خمسين مدينة بتزامن مع انعقاد الجمعية العامة للامم المتحدة و انعقاد مجلس السلم و الامن الافريقي علي قمة الانحياز فكل التصعيد دا الهدف منه واضح جدا بتسمع من يقول لك و الله في تلتماية الف قتلوا في دارفور نحن نتحدي اي احصائيات دقيقة تتحدث نتحداها اذا كان جابت انه في خلال كل هذه المعارك من الجوانب المختلفة سواء كان من جانب الحكومة او الحركات المسلحة او القبائل او المواطنين اذا الرقم دا وصل لي عشرة الف كل التقارير بتتحدث عن انه لم تحصل مجاعة في دارفور طيلة الفترة الماضية لم تحدث وبائيات في دارفور عشان الناس تتكلم عن معاناة في دارفور كل التقارير بتتحدث عن مستويات الوفيات او وفيات الاطفال هي في المعدل العادي ايه بخلي دارفور بالصورة دي اذا كان معدل الوفيات الان في تقارير الصحة العالمية كلها بتقول ان معدل الوفيات هو في المستوي الطبيعي في السودان فدي الجهات الشغالة الحاولت تدي هذه الصورة اول حاجة بتكلموا انه والله الحكومة بتدعم في القبائل العربية و بتعمل في ابادة في العنصر الافريقي في دارفور و انه حقيقة الحكومة دايرة تطمع قوات الاتحاد الافريقي و تمنع قوات الامم المتحدة تدخل لاكمال عمليتها بتاعت التطهير العرقي في دارفور مع انه كل من جاء و مشي دارفور من يقابل المسؤولين في دارفور و يعاين القوات المسلحة وتكوينها و يعاين للشرطة و تكوينها لا يمكن يقول انه في عملية ابادة للشعب تقودها الحكومة الناس البطلعوا من مناطق القتال و مناطق القتال دي في اي حتة في الدنيا في يحصل قتال و بطلعوا المواطنين و القتال بدأتوا الحركات المتمردة فهل حكومة السودان هي الحكومة الوحيدة الممنوعة منع بات من مقاتلة اي زول بالسلاح بل من حق اي زول ضد هذه الحكومة ان يحمل السلاح و يقاتلها و لا يدان لانه دا حق فدي الحصل ما تحدثوا عن قوات الحركات التي بدأت العمليات لكن يتحدثوا عن القوات المسلحة التي ارسلناها لمواجهة جبهة الخلاص قبل كم يوم بتكلم واحد عن القصف لقري و نحن نتحدي كل الناس ان يورونا القرية التي قصفت فدي كلها حملة بتقوم بيها منظمات مشبوهة معادية للسودان هي البتقود الحملة ضد السودان و ما السودان براه المنطقة كلها مستهدفة من افغانستان للعراق لسوريا للبنان للسودان لمصر للسعودية مافي دولة مستثناة من الاستهداف لانه الهدف في النهاية الكلام البتقول فيه كونداليزا رايس انه هناك شرق اوسط جديد حايتكون شرق اوسط جديد اليد الغليا فيه لاسرائيل عشان كدة لما تشن حرب علي لبنان كانوا رافضين تماما وقف اطلاق النار مع انه الوضع الطبيعي في اي حتة الناس لما يتدخلوا طوالي بقولوا وقف اطلاق النار نحن في تجاربنا في السودان ما بطالبونا بوقف اطلاق النار الالما تكون القوات المسلحة هي صاحبة اليد العليا نحن نتفاوض في الايقاد من 1993 ما حصل وقف اطلاق نار الا في 2002 الهي بعد معركة توريت و دا كانت اليد العليا في الجنوب في ميدان العمليات هي للقوات المسلحة بصورة مطلقة حتي جوا طلبوا وقف اطلاق النار و اول ما تحركت القوات المسلحة الان حتي تحتوي الموقف بدأ الحديث عن وقف اطلاق النار و خرق وقف اطلاق النار فدا استهداف واضح و نحن علينا نستعد ليه ونقاوم و المقاومة ما هي القتال فقط القتال اخر مراحل العمل الدبلوماسي هو عمل دبلوماسي لكن اخر المراحل و نحن كل جهدنا الان انه ما نصل الي المرحلة دي و حانجتهد انه ما نصل للمرحلة دي انشاء الله اما الحديث عن فتح افاقية جديد يا جماعة دي ما واردة تاني و حقيقة نحن اصرارنا علي السلام و الوصول لحل سلمي هو الخلانا نتفاوض مع اي زول اي مجموعة تشيل سلاح نحن نتفاوض معاها نحن قلنا ابوجا دي اخر مفاوضات حقيقة مع جهات مسلحة عشان ما نشجع اي زول يشيل سلاح و اي زول عنده مطلب مافي زول ماعنده مطلب و الطلبات في وسائل كتيرة جدا لتحقيقها و نحن علي قناعة بانه اتفاقية السلام الشاملة دي ما كانت اتفاقية للجنوب فقط و انما شملت كل السودان اعادة ترتيب اوضاع حكم السودان من رئاسة الجمهورية الي المحليات فما اتفاق جديدة او فتح اتفاقية جديد و لكن اي زول عايز ينضم للاتفاقية نحن بنسعي لانه ينضم الكلام عن القوات الافريقية و دعمها نحن علي قناعة انه بعد انشاء القوات المدمجة الموضحة في الاتفاقية حايكون مافي احتياج لهذه القوات قوات الاتحاد الافريقي ما بنقول ما عنده ضرورة قوات الامم المتحدة بالجنوب هل قامت باي عمل لانه عايزين مراقبة دولية لوقف اطلاق النار و مراقبة تنفيذ البروتوكول الامني و معظم البنود الموجودة في البروتوكول الامني بدون ما نحتاج ليهم او نحوجهم للتدخل معانا طبعا

    كل مره تطرح القوات الدولية زى ما رفضنا الان حانرفضها فى نوفمبر حانرفضها فى ديسمبر احنا القرار النهائى حلوا استمرار القوات الافريقية لتكمل الاشياء الموكل ليها فى اتفاقية ابوجا ان شاء الله

    الحديث عن المعسكرات الحقيقة المعسكرات دى فى ناس فعلا نازحيين حقيقين تاثروا بالقتال تعرضت قراهم لهجوم لحريق نزحوا السؤال هو لماذا يهرب هولاء الى الاماكن الموجود فيها الحكومة حقيقة انو بيضحكوا ليه الناس ديل هربوا جاؤا الى الفاشر و فى نيالا وفى الجنينة جاؤا ليبحثوا فى الامن وفى المناطف التى فيها الجيش وفيها الشرطة ده سؤال واضح لكن فى كثير جدا من الناس جاؤا الى المعسكرات

    و هجروا قراهم لكن الزول قاعد فى القرية و لو مشى الى معسكر كلما فى معسكر كلما حا يلقى الموية مجانا العلاج مجانا حايلقى اكل مجانا و يلقى الاضافات فالاغاثة ذاتها اصبحت جاذبة الحاجة التانية فى كتير جدا من المنظمات الموجوده داخل هذه المعسكرات نعلم انها بتحرض المواطنيين انو ما يطلعوا من المعسكرات لانو المعسكرات دى هى الاداء البيجمعوا بيه الدعم و البتعمل 90% منه بيذهب للمنظمات دى فى مرتباتهم و علاجاتهم 10% فقط الحد الاقصى هى البتصل و مابتصل النازحين فالناس لانوا لو قفلت المعسكرات ده حايكونوا فائض عمالة لكن نعلم انو مثلا اللاجئين عندهم مثلا الرغبة يرجعوا و ده كله احنا شغالين فى تامين مناطق عودة النازحين حا حنحاول طبعا فى الاتفاقية فى حديث عن التعويضات فى صندوق لدعم التعويضات و التعويضات قلنا نحن اى واحد ممكن يرجعوه يبنوا ليه بيت يساعدوه فى بناء بيته يساعدوه فى الامكانيات انو يعيش و وسائل كسب عيشه و بذور للزراعة فدى كلها اجراءات بتنظر اى زول عنده اشياء فقدها اذا فى اى زول عنده حقوق ترجع ليه حقوقه ان شاء الله

    نعم هنالك جهات داخلية وجهات خارجية معارضوا القوات فى كل مجتمع فى كل دولة عبر التاريخ الناس ليه نتستغرب من الحكومة يقولوا الكلام ده رغم انو حقيقة فى قرارات من مجاس الوزراء و قرارات مجلس الوزراء حسب لائحة تنظيم عمل مجلس الوزراء القرار يصدر بالاجماع اذا ما تمكن الاجماع يصدر بالاغلبية و قراراتى صدرت بالاجماع ما حصل فيها تصويت العضو انو بيقول القرار ده قرار مجلس الوزراء و اى وزير داخل الحكومة ملزم بهذا القرار و القرار ده ماجابوه من المؤتمر الوطنى منفردا لمجلس الوزراء عملنا اجتماع رئاسة و وجهنا فيه بعض العناصر خاصة الناس المسؤلين فى الهيئة البرلمانية ضد المؤتمر الوطنى فى المجلس الوطنى و الهيئة البرلمانية بتاعت الحركة الشعبيه كانوا حاضرين معانا هذا الاتفاق واللاتفقنا فيه بطرد القوات الدولية و انو قرارنا ده يبقل لمجلس الوزراء وينقل للمجلس الوطنى وانا حقوا اطلب من التلفزيون انو جلسة المجلس الوطنى الاجيز فيها القرار ده مسجلة يمكن اعادة بثها تانى عشان انو يتاكد انو القرار ليس قرار الرئيس عشان انو يمكن يصورا منفردا ولا قرار مؤتمر وطنى منفردا و انما هو قرار حكومة قرار مؤسساتها سوا مجلس الوزراء او الهيئة البرلمانية القومية

    ننقل الى انو نحنا كيف استعدادنا للمواجهة احنا مما دعت الازمة دة وضعنا كلام واضح عملنا الى تشكيل ثلاث لجان لجنة سياسية و لجنة اقتصادية ولجنة عكسرية امنية عشان ما الناس تقود المعركة هى معركة فى اجهها المختلفة و اللجنة السياسية يتراسها الاخ على عثمان و هى حقيقة الامرت كل البرنامج المن ضمنه اقترحوه لينا بعض زيارتنا كانت فقط لهافانا الزيارة جاءت من الخرطوم انو الناس يواصلوا يمشوا نيويورك يحضروا الاجتماعات ده كان بناءا على قرار من اللجنة المجتمعة القاعدة فى الخرطوم و فعلا نحنا من هافانا رغم انو كان فى صعوبة فى تحصيلنا على تاشيرات لامريكا

    لكن فى خطاء ارتكبوه الامريكان يا جماعة قاموا ختموا جوزاتنا زمان كان عندهم قرار انو اى مسئول سودانى عنده 25 كيلو فقط من البيت الابيض لى واشنطون نحن انتقدناهم زمن طويل جدا بانو يلغوا الكلام ده رفضوا قمنا طبقنا قرارهم بالمعاملة بالمثل فقاموا لغوه احنا لغيناه حتى بدون اعلان قالوا طبقوا علينا و ختموا جوازاتنا احنا اى امريكى مسئول امريكى حا يجى السودان حا نختم جوازه ل25 كيلوا من القصر الجمهورى فقط و حتى هم لو جاؤا و اعتذروا و رفعوا احنا ما حانرفع لغاية ما تصلح علاقاتنا و تطبع العلاقه بينا و بين امريكا حتى نرفع الكلام ده

    ذى ماقلت فى معركة سياسية معركة دبلوماسية فى معركة اعلامية لانوا يا جماعة الحرب ولو كانت المعركة الاعلامية و دى من اخطر المعارك لانو اخطر الحروب هى الحرب النفسية و الحرب النفسية ممكن تحقق انتصار بدون قتال و ممكن تحقق هزيمة بدون قتال لانو الهزيمة هى الهزيمة النفسية زى ماتقول الهزيمة فقد موقع او معركة عشان كده الاهتمام بالمعركة الاعلامية و الحرب النفسية الناس ديل بيشتغلوها صاح عندهم ادوات و امكانياتها و خبراتها و بيشتغلوها و ديل ذاتها يمنعون و نحن نستحق الضبح لكن يخلونا يخيرونا ننضبح باى سكين يمكن بالملسن واضح الاجتماع البيقودوا بلير و رايس حقيقية لانو الناس كلها بتعرف انو القرار بتاع مجلس السلم الافريقى ده هو انتصار للسودان لانو كان موجودين بها كانو بيضغطوا على الدول لحسن الحظ انو الاجتماع كان على مستوى الرؤساء لازو الضغوط على الرؤساء اقل و اخف من الضغوط التى يمكن ان تؤثر على الاخوه فى مستويات اقل فالقرار ما عجبهم لانهم هما حشدوا حملة ضخمة جدا وكان متوقعين تطلع منه قرارات ما خرجت حسع هم قاموا حولوا الحلف ده و عملوا حلف بتاع بلير و برضوا ياجماعة جزء من غير التامر و الحلف الصليبى و الصهيونى برضوا عشان يساعد الداخلين امريكا مقبلة على انتخابات شهر 11 قضية دارفور واحده من الادوات اللى عاوزين يكسبوا بيها الانتخابات و بلير مزنوق زنقة الغسال يوم الوقفة طبعا حا نسعى للاتصال مع الناس اللى ما وقعوا اتصالاتنا مستمره يا جماعة و عملنا مستمر مع كل الناس كل العناصر الى يمكن ان تستخدمها فى انو نحن نجيب الناس ديل للسلام شغال فيها العمل على توحيد الجبهة الداخلية زى ما قلت انا هى ليست الوصول للفصائل وحدها كل القوى السياسية كل القوى الاجتماعية فى السودان احنا ساعين و بنسعى لانو نجمعها الحاملين السلاح من باب اولى الناس الشايلين السلاح ديل اصلوا لو ختوا السلاح انتهى لولا وجود جبهة الخلاص ما كان عندهم فرصة يتكلموا عن انو فى دارفورالمدن التى دمرت

    الصوره الى بيقولوها دى القتل المستمر و الاوضاع المتردية و انو دى هى اسوا قضية ليس فى العراق طيب هسع فى العراق دى يوميا بس نشوف عدد الجثث المجهولة المجدوعة فى الشوارع كم جثه كل يوم متوسطها كم ده غير التفجيرات المابتفرز بين المدنى و العسكرى و الطفل و المراة و العجوز منو السبب فى كل ده بيتكلموا علىانو 80 الف ماقادرين يوفروا امن للحكومة يتكلموا عن منطقة خضراء فى قلب بغداد لا يستطيعوا واحد من المسئولين الامريكان ان يطلع من المنطقة الخضراء المدن التى ادمرت و قصفوها بالطائرات باحدث القنابل لم ادس عنه اسرئيل باعترافها ضربت مليون و خمسمائة الف قنبلة عنقودية محرمة دوليا فى لبنان 1500000 قنبلة عنقودية ضربوا قتلوا نساء و اطفال و ممتلكاتهم و ده كل ما قضية لان دى اسرئيل

    لكن السورى الشايل سلاح حانقاتله ما بنقيف الا اذا جاء للسلام الكلام على انو نحن نعرف القرار من جانب واحد مافى نحن مابنكون مع القتال لكن الزول الشايل السلاح فى دارفور حانقاتله الزول ضد الاتفاقية حانقاتله الزول البيقاوم بالسلاح حانقاتله و ده حقنا اذا هم جاؤا عبر البحار عشان يقاتلو طالبان فى افغانستان و يقاتلو حزب البعث فى العراق

    لماذا لا يقاتل ضد حاملى سلاح ضد السلام الطريق ثالث نحن ياجماعة نتكلم عن الاتحاد الافريقى و دعم الاتحاد الافريقى دعمه ماديا دعمه ولو جستيا و دعمه عسكريا لكن الاتحاد الافريقى و ليس الامم المتحده و ما تقبل تعديل القرار يعنى يعدلو ا القرار ده و يصلحوا و يجيبوه لينا ما بنقبله تانى لاننا عرفنا نواياهم بس يدخلو كراعهم يلملموا الناس البعيد و يغيروا المانديت بكره يطلع قرار يغير المانديت زى ما حسع غيروا المتنديت بتاع القوات الموجوده فى الجنوب برتضوا بيتجهوا دار فور بدون ما يرجعوا ليه يشاورونا شنوه ممكن بعد يومين يطلع قرار تانى يغير المانديت تحت اى بديعه من الاكاذيب الهم بيسوا عليها حقيقة البقول ان المعركة قايدا الرئيس لوحدو ففى كل المؤسسات يعنى الاخ وزير الخارجية مثلا يقوم بجولة فى عدد من الدول الافريقية ويقوم بدور فعال جدا الان فى نيويورك

    الامين العام طلب ان اجرى حوار بيننا ومجلس الامن وطلب ان انتظر وماكان فى طريقة انو انا انتظر لغاية 25الى 30ولكننى تركت الاخ وزير الخارجية هناك وهو اتمكن بالاجتماع بمجلس الامن ويحاوره والحركة ولقاءته مع وزير الخارجية شغالة فى نيويورك وغيرها. قطعا اذا كان مجلس الوزراء اصدر قرارات والمجلس الوطنى اصدر قرارات الناس تحاول تتراجع دى قرارات قائمة مجلس الوزراء دخل المعركة بقراراته والمجلس الوطنى ومجلس الولايات اتخذ القرار الدبلوماسية السودانية فى كل موقع فى واشنطن فى نيويورك الاخ المندوب هناك رغم انه وصل حديثا لكنه قام بدور كبير جدا ونشطا وهو رجل مقاتل

    سفر الاخ نافع الى الصين كان فى هذا الاطار فانت ترى الحزب وكل الدولة متحرك ولكن اذا كان هناك ناس ما عارفين مقامهم كاعضاء فى مجلس الوزراء تبقى دى مشكلة تانية.وكل المظاهرات والنفرات التى تحققت كانت من المجتمع كله لكن تجى على قمة التحرك السياسى والدبلوماسى التحرك الرئاسى والدبلوماسية الرئاسية قمة العمل الدبلوماسى فهذه معركة كل زول بخوضها لان انا بعد اتحرك سوف يتحرك وزير الخارجية وهذا يعنى ان الجميع يعمل

    طيب لماذا نحن ادينا اريتريا دور فى الشرق وما اديناها دور فى دارفور حقيقة نحن واحدة من سياساتنا ان تصبح علاقاتنا مع كل دول الجوارجيدة ومشكلة علاقتنا مع اريتريا هى تبنى اريتريا لجبهة الشرق. واذا كان فى تداخل فى الشرق مابين حدودنا والمواطنين فى الحدود فما فى سبب يودى ارتريا دارفور ونحن رافضين لدور ارتريى فى دارفور مهما كانت صلتهم

    عندنا علاقات مع ارتريا نريد اصلاحها كما اصلحنا مع اثيوبيا وكما مستعدين لاصلاحها مع تشاد وكل حدودنا الباقية وهى حدود تبادل ومنافع

    جبهة الشرق العمل فيها ماشى كويس (التفاوض). وقلنا يومين ثلاثة بالكتير متوقعين نصل الى سلام مع جبهة الشرق لنضع حد لاى نشاط معادى لاستقرار الحدود مع ارتريا لان الان الحدود مقفولة والقفل لحدودنا مع اريتريا فيه مشكلة لكثير من الناس لان القبائل الحدودية مشتركة مقسمين بين السودان وارتريا والتواصل بينهم طبيعى جدا ولاتوجد فواصل وماكان الناس يعرفون الحدود هذه فقفل الحدود حقيقة كما نعلم خالقة مشاكل اجتماعية واقتصادية كبيرة جدا على الناس فى طرفى الحدود سواءا داخل السودان او داخل ارتريا ونحن نريد ننهى المشاكل بيننا ونفتح الحدود بيننا ونجعلها حدود لتبادل المنافع بدل تبادل معارضات

    اخوانا الارتريين مطلوب منهم ان الناس العندهم ديل يبعدوهم ويرفعوا ايديهم منهم

    انا اتكلمت عن مضامين القرار انو نحن ما بنقبل وقلنا ما نسحب النقطة دى ومانسحب دى.. والحاجة عن اسرائيل ودورها ياجماعة الكلام مابنقولو نحن يعنى المنظمات التى حركت المظاهرات دى كلها بنسبة100% هى منظمات يهودية استطاعوا ان يستخدموا بعض منظمات حقوق الانسان وغيرها لكن الناس المشرفين على هذا العمل هى منظمات يهودية والمنظمات اليهودية التى اعلنت احتفالها قبل عشرة ايام بصدور القرار1076. اما اى حديث عن اتصال مع اسرائيل او مبادرة معها انا كرئيس حكومة ماعندى اى معلومة عن اى اتصال بين اى جهة سودانية وجهة اسرائيلية على الاطلاق

    و جزاكم الله خيرا و شكرا لكم .
                   |Articles |News |مقالات |بيانات

العنوان الكاتب Date
من اقوال العميد عمر حسن احمد البشير بكرى ابوبكر26-10-10, 06:03 PM
  Re: من اقوال العميد عمر حسن احمد البشير Ahmed Abdallah26-10-10, 06:10 PM
  Re: من اقوال العميد عمر حسن احمد البشير خدر26-10-10, 06:10 PM
    Re: من اقوال العميد عمر حسن احمد البشير Ahmed Abdallah26-10-10, 06:18 PM
      Re: من اقوال العميد عمر حسن احمد البشير بكرى ابوبكر26-10-10, 06:19 PM
        Re: من اقوال العميد عمر حسن احمد البشير Ahmed Abdallah26-10-10, 06:29 PM
    Re: من اقوال العميد عمر حسن احمد البشير Hafiz Bakhit26-10-10, 06:19 PM
  Re: من اقوال العميد عمر حسن احمد البشير معاوية المدير26-10-10, 06:19 PM
    Re: من اقوال العميد عمر حسن احمد البشير صالح عبده26-10-10, 06:23 PM
      Re: من اقوال العميد عمر حسن احمد البشير محمد إبراهيم علي26-10-10, 06:29 PM
    Re: من اقوال العميد عمر حسن احمد البشير جمال الباقر26-10-10, 06:30 PM
  Re: من اقوال العميد عمر حسن احمد البشير بكرى ابوبكر26-10-10, 06:32 PM
    Re: من اقوال العميد عمر حسن احمد البشير خدر26-10-10, 06:48 PM
      Re: من اقوال العميد عمر حسن احمد البشير Kostawi26-10-10, 07:18 PM
      Re: من اقوال العميد عمر حسن احمد البشير Amin Mahmoud Zorba26-10-10, 07:20 PM
        Re: من اقوال العميد عمر حسن احمد البشير Amin Mahmoud Zorba26-10-10, 07:25 PM
      Re: من اقوال العميد عمر حسن احمد البشير Abureesh26-10-10, 07:26 PM
        Re: من اقوال العميد عمر حسن احمد البشير Amin Mahmoud Zorba26-10-10, 07:31 PM
        Re: من اقوال العميد عمر حسن احمد البشير باسط المكي26-10-10, 07:41 PM
          Re: من اقوال العميد عمر حسن احمد البشير وليد شريف26-10-10, 08:32 PM
          Re: من اقوال العميد عمر حسن احمد البشير صديق مهدى على26-10-10, 08:51 PM
            Re: من اقوال العميد عمر حسن احمد البشير ABUHUSSEIN27-10-10, 00:39 AM
              Re: من اقوال العميد عمر حسن احمد البشير amir jabir27-10-10, 00:44 AM
                Re: من اقوال العميد عمر حسن احمد البشير Amani Al Ajab27-10-10, 00:51 AM
                  Re: من اقوال العميد عمر حسن احمد البشير amir jabir27-10-10, 00:53 AM
                  Re: من اقوال العميد عمر حسن احمد البشير Amani Al Ajab27-10-10, 00:57 AM
                    Re: من اقوال العميد عمر حسن احمد البشير Amani Al Ajab27-10-10, 01:03 AM
                Re: من اقوال العميد عمر حسن احمد البشير Medhat Osman27-10-10, 01:03 AM
                  Re: من اقوال العميد عمر حسن احمد البشير Amani Al Ajab27-10-10, 01:08 AM
                    Re: من اقوال العميد عمر حسن احمد البشير بكرى ابوبكر27-10-10, 01:11 AM
                      Re: من اقوال العميد عمر حسن احمد البشير احمد محمد بشير27-10-10, 01:22 AM
              Re: من اقوال العميد عمر حسن احمد البشير نيازي مصطفى27-10-10, 01:26 AM
    Re: من اقوال العميد عمر حسن احمد البشير المكاشفي الخضر الطاهر03-11-10, 09:07 AM
  Re: من اقوال العميد عمر حسن احمد البشير بكري الصايغ27-10-10, 01:56 AM
  Re: من اقوال العميد عمر حسن احمد البشير بكري الصايغ27-10-10, 02:23 AM
    Re: من اقوال العميد عمر حسن احمد البشير عزان سعيد27-10-10, 02:31 AM
      Re: من اقوال العميد عمر حسن احمد البشير Amani Al Ajab27-10-10, 02:20 PM
        Re: كللهم تحت جزمتى دى .. دينا خالد27-10-10, 04:09 PM
          Re: كللهم تحت جزمتى دى .. محمد علي شقدي27-10-10, 04:18 PM
            Re: كللهم تحت جزمتى دى .. بكرى ابوبكر28-10-10, 01:42 AM
              Re: كللهم تحت جزمتى دى .. بكرى ابوبكر28-10-10, 01:48 AM
                Re: كللهم تحت جزمتى دى .. Amani Al Ajab28-10-10, 03:58 AM
                  Re: كللهم تحت جزمتى دى .. Amani Al Ajab28-10-10, 04:19 AM
                    Re: كللهم تحت جزمتى دى .. ABUHUSSEIN29-10-10, 05:34 PM
                      Re: كللهم تحت جزمتى دى .. محمد الشيخ أرباب29-10-10, 06:34 PM
              Re: كللهم تحت جزمتى دى .. حذيفة الحسن22-10-12, 10:33 AM
  Re: من اقوال العميد عمر حسن احمد البشير بكري الصايغ29-10-10, 08:47 PM
    Re: من اقوال العميد عمر حسن احمد البشير نيازي مصطفى31-10-10, 09:57 PM
      Re: من اقوال العميد عمر حسن احمد البشير بكرى ابوبكر01-11-10, 06:16 AM
  Re: من اقوال العميد عمر حسن احمد البشير بكري الصايغ03-11-10, 01:41 AM
  Re: من اقوال العميد عمر حسن احمد البشير بكري الصايغ03-11-10, 02:02 AM
    Re: من اقوال العميد عمر حسن احمد البشير محمد احمد النور03-11-10, 08:07 AM
      Re: من اقوال العميد عمر حسن احمد البشير محمد احمد النور03-11-10, 09:02 AM
        Re: من اقوال العميد عمر حسن احمد البشير ود الباوقة03-11-10, 09:12 AM
          Re: من اقوال العميد عمر حسن احمد البشير وليد الطيب قسم السيد03-11-10, 09:34 AM
            Re: من اقوال العميد عمر حسن احمد البشير بكرى ابوبكر10-11-10, 08:03 PM
              Re: من اقوال العميد عمر حسن احمد البشير بكرى ابوبكر10-11-10, 08:06 PM
            Re: من اقوال العميد عمر حسن احمد البشير عبدالله الشقليني10-11-10, 08:07 PM
              Re: من اقوال العميد عمر حسن احمد البشير بكرى ابوبكر10-11-10, 08:09 PM
                Re: من اقوال العميد عمر حسن احمد البشير بكرى ابوبكر10-11-10, 08:12 PM
                  Re: من اقوال العميد عمر حسن احمد البشير بكرى ابوبكر10-11-10, 08:27 PM
                    Re: من اقوال العميد عمر حسن احمد البشير بكرى ابوبكر10-11-10, 08:43 PM
                      Re: من اقوال العميد عمر حسن احمد البشير بكرى ابوبكر10-11-10, 08:50 PM
                        Re: من اقوال العميد عمر حسن احمد البشير بكرى ابوبكر10-11-10, 08:55 PM
                          Re: من اقوال العميد عمر حسن احمد البشير بكرى ابوبكر10-11-10, 09:16 PM
                            Re: من اقوال العميد عمر حسن احمد البشير بكرى ابوبكر10-11-10, 09:39 PM
                              Re: من اقوال العميد عمر حسن احمد البشير بكرى ابوبكر11-11-10, 01:59 AM
                                Re: من اقوال العميد عمر حسن احمد البشير علاء الدين صلاح محمد16-11-10, 10:35 AM
                                  Re: من اقوال العميد عمر حسن احمد البشير علاء الدين صلاح محمد16-11-10, 10:40 AM
                                  Re: من اقوال العميد عمر حسن احمد البشير علاء الدين صلاح محمد16-11-10, 10:40 AM
                                    Re: من اقوال العميد عمر حسن احمد البشير علاء الدين صلاح محمد16-11-10, 11:21 AM
                                    Re: من اقوال العميد عمر حسن احمد البشير علاء الدين صلاح محمد16-11-10, 11:23 AM
                                  Re: من اقوال العميد عمر حسن احمد البشير علاء الدين صلاح محمد16-11-10, 10:41 AM
                                  Re: من اقوال العميد عمر حسن احمد البشير علاء الدين صلاح محمد16-11-10, 10:41 AM
                                    Re: من اقوال العميد عمر حسن احمد البشير على بدرى حاج16-11-10, 11:55 AM
  Re: من اقوال العميد عمر حسن احمد البشير محمد طه الحبر16-11-10, 12:08 PM
  Re: من اقوال العميد عمر حسن احمد البشير بكري الصايغ03-12-10, 01:16 AM
  Re: من اقوال العميد عمر حسن احمد البشير احمد محمد بشير08-01-11, 00:25 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de