أسماء فريق (التُجُم) الذي أرسله جهاز الأمن إلى إيطاليا للتدريب على RCS
لماذا يتطرف أبناؤنا؟
الرحيل المر: رحيل الدكتور/ الفاتح عمر مهدي إختصاصي طب وجراحة العيون
طريقة لاستعادة البوستات المهكرة بطريقة فردية يقوم بها كل عضو
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 07-28-2015, 08:45 PM الصفحة الرئيسية

مدخل أرشيف الربع الثاني للعام 2011مخدعة ريح بالك من سوداني (نموذج لاستكراد شركات الاتصالات بالسودان)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-26-2011, 06:48 PM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 4260
للتواصل معنا
FaceBook
تويتر Twitter
YouTube



خدعة ريح بالك من سوداني (نموذج لاستكراد شركات الاتصالات بالسودان)

    مع الأسف نسمع عن أستهبال وخداع شركات الأتصالات في السودان كشئ غريب مابين مصدقين أو غير مصدقين

    الخرطوم مليانه أعلانات الصحف الشوراع الحيط الاعمدة التلفزيون الراديو عن خدمات شركات الأتصالات وأكثر شركة تملأ الدنيا ضجيج بالاعلانات هي شركة سوداني مع الأسف هذه الشركة التي تحمل هذه الأسم الأصيل كأنما لترسخ أن السوداني نصاب ونهاب
    اعلانات ضخمة ومهوله تملا مساحات واسعة من العاصمة عن خدمة ريح بالك أو بالاصح خدعة ريح بالك كلها تقول باقة شهر توفير وانترنيت مجاني وأنترنيت لمدة شهر مجاني مثل هذا النموذج
    sudan5.JPG Hosting at Sudaneseonline.com


    مع الأسف لم أتمكن من تصوير بقية النماذج وذلك حسب مزاج رقيب شرطة أصر على أن التصوير ممنوع بقانون منه شخصياً وكدت أتعرض للأعتقال لولا ستر الله وبالشكوى لأحد ضباط الشرطة اعتذر لي ونصحني بالتصوير بعد ذهاب الشرطة وأنه لايوجد قانون يمنع التصوير وأنه لا يستطلع فعل شيء لأن الشرطي لا يتبع له أو لدائرته

    المهم أنه شركة سوداني تروج لأنترنيت لمدة شهر وتقول عنه مجاني رغم أنه عليه رسوم هي مبلغ 50 جنية مع خدمات اخرى كالمكالمات المجانية داخل شبكة سوداني ومبلغ بسيط مع الشركات الاخرى وتخفيض للنصف على المكالمات العالمية

    سعدت جداً بالعرض وقمت باستعارة مودم شقيقي ودفع مبلغ 50 بتاريخ 4 من الشهر الجاري بتفعيل الخدمة الدخول رغم سوء والشبكة وبطء الشبكة وانقطاع الأتصال في عدد من المناطق ودخولي كان محدود هو تصفح لمواقع الأخبار ومتابعة الفيس بوك وقراءة وارسال الايميل والمشاركة في بعض المواقع دون تنزيل للاغاني والأفلام أو البرامج

    بالأمس تفأجات بأنقطاع النت وبمراجعة البريد الوارد من الشركة بالمودم وجدت رسالتين في زمن واحد من المزود سوداني

    sudani1.PNG Hosting at Sudaneseonline.com


    الأولى
    sudani2.JPG Hosting at Sudaneseonline.com


    التانية
    sudani3.JPG Hosting at Sudaneseonline.com


    استغربت جداً من التانية ومن الرصيد المذكور فيها استفسرت بعض الأصدقاء نصحوني بإضافة رصيد والاستفسار من خدمات العملاء على الرقم 120
    مع الأسف خدمة العملاء في سوداني خدعة وخدعة سخيفة كمان ما بتحترم العملاء وتستخف بي عقولهم ..... يا ناس خدمة العملاء في سوداني عبارة عن شريط مكرور عبارة عن دعاية سخيفة تقراه شابة وفيه اخطاء نحوية واخطاء في النطق أما الانجليزي فلاعبين بيه لعب ودي ما مشكلتنا لكن المصيبة أنو مافي خيار تحويلك لموظف يرد على استفساراتك وعن المحاولة مره اخرى تلقى الدوائر مشغولة

    المهم قررت امشي ليهم في مكتبهم في بحري بعد ما عرفت أنو مكتبهم جنب صعوط الوطنية وأظن دي اجمل حاجة سووها ناس سوداني انو محلهم جنب محل الصعوط السمح

    نواصل
                   Subscribe on YouTube |Articles |News |مقالات |بيانات

06-26-2011, 07:44 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19554
للتواصل معنا
FaceBook
تويتر Twitter
YouTube



Re: خدعة ريح بالك من سوداني (نموذج لاستكراد شركات الاتصالات بالسودان) (Re: عبدالعزيز حسين عبدالرحيم)


    عبد العزيز
    ياخ المُغتربين ديل بِقو جلود خلاص





    عاين يا حبّة
    أنا لا شغّال في سوداني ولا عندي معاهم مصلحة
    بس فعلاً رصيدك بيكون زيرو لكن بتكون إتفعلت ليك خدمة إنترنت لمدة شهر تسري صلاحيتها و هي خمسة قيقا
    ودي ما شوية
    و غير كدة إتِّصال مجّاني في أي وقت و ليأي وقت لهاتف سوداني أو ثابت

    و طبيعي يكون رصيدك زيرو
    لكن الخدمة تم تفعيلها
    يعني الخمسين الإنت شحنتها بقت زيرو لأنّها كسّحت في التفعيل للخدمة
    و الجميل في الأمر إنو بعد تشحن تاني بأي مبلغ إتِّصالك عبر خدمة ريِّح بالك حتّى لهاتف زين بيكون أرخص من إتِّصالك من زين لي زين
    و برضو صدِّقني
    زين عالم شين
    شين شديييييييييييييييد





                   Subscribe on YouTube |Articles |News |مقالات |بيانات

06-26-2011, 10:49 PM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 4260
للتواصل معنا
FaceBook
تويتر Twitter
YouTube



Re: خدعة ريح بالك من سوداني (نموذج لاستكراد شركات الاتصالات بالسودان) (Re: علاء الدين يوسف علي محمد)

    أووو علاء الدين

    يازول والله كنت عاوز رقم تلفونك عندي ليك هدية قوية عليك الله اتصل بي في الرقم دا 09216980440

    خلني أرد علي كلامك

    عارف النت قطع دخلت رصيد بي خمسة جنية برضه قطع قطيعة تقطعهم

    مشيت لخدمة العملاء في مكتبهم في بحري حولوني على مهندس ظريف في الاول قال شرحت ليه قال لي انت ما فعلت وأنو الخدمة لازم تنقطع لانو دا استهلاكي حسب قروشي الدفعتها لمن شككني في نفسي اضطريت اتصل على اخوي الاكد لي انو فعلنا االخدمة المهندس شال المودم واتاكد من تفعيل الخدمة قال لي انت خلصت الخمسة قيقابايت المخصصة

    أول مره اسمع بالخمسة قيقابايت دي ؟

    إذا كانت الخدمة محددة بالقيقابايت ليه بقولوا عنها مجاني وبي 50 جنية في الشهر ؟

    كل الاعلانات بتقول خدمة لمدة شهر وانترنيت مجاني والحقيقة شيء تاني دا يسموه شنو غير تدليس؟

    دا اعلان من جوه مكتب سوداني

    sudani6.JPG Hosting at Sudaneseonline.com


    هسع في سيرة 5 قيقا المهم قلت للمهندس شنو حكاية خمسة قيقا وليه ما ذكرتوها في الاعلان وهسع وريني حاجة تقول الخمسة قيقا دي قام من مكتبة لفلف شويه واتكلم مع واحد جابو لي ورق ابيض بدون ترويسه فيه كلام كتير ما قدرت افرزة قلت ليهم افرزوه قالو لي جيبه شالوه مشوا المخزن بعد مسافة جابو لي منشور ترويجي حا انزله هنا مكتوب في وشه
    ليه تخسر وليه تدفع اكتر
    ريح بالك
    مكالماتك مجانا بلا حدود مع العائلة والاصدقاء وكل السودان

    وبالجنبة صورة شاب فرحان شايل موبايل وكاتبين جنبها (باقة شهر توفير 50 جنية رمز الاشتراك ) وبالجنبة التانية راجل عجوز منفقع من الضحك وكاتبين جنبة باقة ساعة توفير 1 جنية رمز الاشتراك

    والظاهر البروشور دا لقوه بالصدفة

    سوداني شركة مستهلبة بتدقس الناس وتغشهم وتعرض عليهم انترنيت بالمدة وهي محدده بالكمية

    دا كلو كوم

    وانا عارف استهلاكي وعارف استخدامي للنت ما بتجاوز اكتر من الواحد قيقا لاني بستخدم جهاز تاني في التنزيل ودا استخدامي ليه خفيف لمن اكون بره البيت وكله استخدمه فيس بوك وأتحدى ناس سوداني ديل لو بقدروا يراجعوا لي استهلاكي
                   Subscribe on YouTube |Articles |News |مقالات |بيانات

SudaneseOnline at YouTube

Latest Posts in English Forum

Articles and Views

اراء حرة و مقالات

News and Press Releases

اخبار و بيانات

اخر المواضيع فى المنبر العام

SudaneseOnline at Pinterest

[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:

خدعة ريح بالك من سوداني (نموذج لاستكراد شركات الاتصالات بالسودان) فى FaceBook

· دخول · ابحث · ملفك ·

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
News and Press Releases
Articles and Views
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de