|
|
 Re: زول تمام حياهو الغمام!الاخوانيات (Re: jini)
|
Quote: شعر : الأستاذ / محجوب شريف
( في رثاء الدكتور / محمد سعيد القدال )
*******
قدلة يا قدال حافي ضاحك
مبتهج حياك الغمام
يا عيونو الانجم مراحك
يا سماهو الأشرق صباحك
في شعاب الروح والمسام
غمدة أم هو اقتراحك
يا منايا بطول المنام
يا سلام يا زوق خفت إنك
تبقى يوماً عبء الحمام
الهديل إتفصد عشانك
ياتو حزناً قدر المقام
يا سلام من أول تبادي
شفتا فيهو الطمي والزبادي
والسهولة رباها وسهولا
شفت فيها شباب الكهولة
ثم شافع يافع مدردح
رضعنو بنات الكلام
ثم ساطع قاطع محنك
شمسو لاقت بدر التمام
في الأعالي كرسيهو عادي
في السجن في البيت في النوادي
يمشي بين الناس اعتيادي
التعدد لا للتشدد
ما تأبط شر انقسام
يا حليل الونسة الدقاقة
تكية .. فرهد ضل الصداقة
يقرا ويكتب بس في جريهو
يا حليلو طريت سكريهو
يعلم الله بحب الضواقة
يا قلم إتذكر بريهو
وانتا راسك تحت الحلاقة
يا سطورو حليلك مزارع
التركتر عايز سواقة
البفرح في الحزن أكتر
حسن ظنو وحسن الختام
رد باقتباس |
|
|
 
|
|
|
|
jini
فيس بوك
تويتر
انستقرام
يوتيوب
بنتيريست