|
|
 تعالي نبشر بالأوطان...
|
إلى حواء السودانية التي يحاكم الذين يدافعون عنها بتهم قد تصل إلى حد السجن لسنوات ...
تعالي تعالي :
تعالي نعيد تعريف الحب من تاني
ونشرح لي أولادنا تراضي الناس
نلملم حزن الباتو غلابا
وطفلاً بحلم بالكراس
وسكن الناس ألفي العشوائي وفي أحلاما قليل إحساس
وصوت الوتر الباكي وشاكي ولسه يئن مقطوع الرأس
تعالي نبشر بالأوطان
نرسم صورة الوطن الواحد بالألوان
وطن الكانو رموز العالم في السودان
تعالي نوزع لي ثرواتنا بدون تميز
ونزرع في أعمقنا شتول الالفة وحب الغير
ونطرد من أحلامنا الخانو الناس
السجنو الناس
القسمو الوطن البسع الناس
السرقوا عقولنا وباعوا حقولنا وقوت الناس
ديل ما ناس
تعالي نحارب للوسواس
ونحلم بالحرية وحكم الناس...
|
|
 
|
|
|
|
بدر الدين محمد
فيس بوك
تويتر
انستقرام
يوتيوب
بنتيريست