نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: بعض طرائف ومفارقات أركان النقاش بجامعة الخرطوم http://www.sudanese (Re: HAIDER ALZAIN)
|
Quote: مشينا ليهو في عيادتو وكانت بصحبتي زميلتنا هاجر الله يطراها بالخير وقد كانت السكرتير الثقافي للجمعية
قابلناه وهو رجل في منتهى اللطف ...ساخر وحاضر النكتة
حزنت جدا لدخوله في قضايا شائكة اودت به إلى السجن بعد ذلك بسنوات
كانت أحداث تتعلق بإجرائه لعمليات الإجهاض
وأذكر أنه كان يتعامل مع هذا الموضوع بأنه ضروري في بعض الأحيان وهذا موضوع آخر
المهم على قول تبارك
اخبرناه بجمعيتنا وفكرتنا ورحب جدا بالتحدث إلى الطلاب والطالبات
إتفقنا على اليوم
وبدأنا التجهيز لهذه الندوة |
عمر عشاري ما تاكلنا حنك وين الباقي يا كمساري
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: قصي مجدي سليم)
|
هههههههههههههههه
تعرف يا حيدر حاجات زي دي مرت بينا كتير..يجي واحد يقول لينا إنتو فقهاء الحيض والنفاس ومتغالطين في حاجات فارغة...
مرة على ما أذكر واحد من ناس حق اتخيل لي (قرشي) في بداية انشقاقهم،،كان عامل ركن في كافتريا علوم جامعة الخرطوم قبل يرجع النشاط لشارع المين ونجيلة آداب..
المهم الركن كان ميت وحضورو بسيط وبدينا نقاش راقي شديد مع قرشي,,
وبالمناسبة الزول دا عندو فهم كويس ويرجى منه واتخيل لي هسع بقى قيادي في حق..
أثناء نقاشنا السمح مدور ..فرصة لي وفرصة ليهو..جاء واحد من شبابنا اسمو عوض الكريم من آداب جعلي من الدامر..خشّ شات قرشي شوت شديد..
قام قرشي زعل وبدأ مهاترات معانا مهاترات شديدة..فكان مما قال إنو أنصار السنة متغالطين الجنة فيها جرجير ولّا ما فيها جرجير..
أنا قلت ليهو يا قرشي ياخ نحنا في الدنيا دي ناس (باسطة وحليب)،،يوم القيامة في الجنة نقعد نكوس للجرجير؟؟؟
قول كلام منطقي ياخ ههههههههههههههه
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: الواثق الصادق)
|
عمر عشاري الزول الجميل والله بوستيك باسطة انصار سنه بث ( لوووووول)
Quote: مواصفاتك دي بتنطبق على لؤي عبد الله وبالمناسبة الزول دا من أفضل الكوادر على مرّ التاريخ |
ويا الواثق ياخ وين لؤي ده هسه؟؟؟ ياخ والله رغم صغر سنه كان مدوخ ليك الكيزان برفقة زميلوالكادر الخطابي عبد المجيد المهم
في مرة من المرات الكيزان جابو انس (بتاع ساحات الفداء) طبعا زول كلّام وكان ركنه طبعا مدعوم بساوند سيستم من الحجم العائلي اها انس ده صال وجال اتجدع تماما وما خلي حاجة للتنظيمات طبعا قبل فتح باب النقاش ولما فتح باب النقاش اتفاجأ بلؤي لابد ليهو بين الحضور بيني بينك الراجل بهت وقدر ما لؤي يرفع في يدو انس ما داير اديهو فرصة لما الحكاية بقت ملاحظة من الحضور ولؤي اصلو ما فتر بس رافع اصبعو في وجه أنس والحضور بدو ينبهوهو لاعطاء فرصة مداخلة للؤي الزول بعد الساوند ده ما داير يفرط في المكاسب فقال مخاطبا لؤي عارفك يا لؤي داير تموت عشان تناظرني لكن الزيك ده من انصار السنه ما قدر قامتي نحن بناظر من هو اطول منك ذقنا واقصر بنطلونا..(فضج الحاضرون بالضحك) زولك لقاها فرصة وونهى الركن (كب الزوغه).
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: الواثق الصادق)
|
شكرا على البوست الجميل التحية للجميع حتى منتصف التسعينات كان لحركة الطلاب المحايدين حضور كبير في الجامعة . في النصف الأول من التسعينات خاضت الحركة ـ مدعومة من الأحزاب السياسية بالجامعة ـ صراعا عنيفا ضد الإنقاذ . ثم انقلبت القوى السياسية على حركة المحايدين منذ منتصف التسعينات (محايد ما عندك فكر ـ انت طوبة ـ شبه كيزان ..الخ) عرض أحدهم علي أن يكون غواصة للمحايدين في الحزب الاتحادي الديمقراطي (هذا السلوك لم يكن موجودا في الحركة ) ذكرت العرض الغريب للكادر الخطابي المميز ذلك الوقت خالد بطيخ (أن فلانا اقترح أن يكون غواصة للمحايدين في الاتحادي الديمقراطي) رد خالد بسرعة :(في زول بغوص ليهو في طشت!)
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: عمر عشاري)
|
Quote: الصديق العزيز عشاري
بوست جوبا كان فريد ومتميز.. وحتى لو لم ينقل للربع القادم فتلك ليست مشكلة.. لأن كل من تداخل في البوست ربما يتذكر بقدر كبير سرد الجميل للاحداث وترتيبها.. من الاحسن فتح بوست جوبا 2.. وهذا سيكون في الربع الثالث ومعاصر لاحتفالية دولة الجنوب الوليدة وتكون قد ربطت لنا الاحداث في تسلسل جميل من الاستفتاء وحتى اعلان الانفصال الرسمي..
.........
اسئذن أخي الدفعة وزميل هذا المنبر الاخ العزيز د خالد كودي الذي كان المتحدث لركن الطلبة الناصريين بالكليات التكنولوجية.. في يوم مشهود تقاطر ناس الاتجاه الاسلامي من الاسلامية, الفرع والخرطوم والركن مسخن, طلع كادر منهم لا أذكر اسمه حاليا وبدأ يعدد في أفعال عبدالناصر ضد الاخوان المسلمين في حكي مرتب وأخونا كودي يتحفز وأول ما استلم الميك قال: انا افتكر الغلطة الوحيدة التي ارتكبها عبدالناصر, أنه خلى فيكم باقي!! فضج الركن بالتصفيق الشديد لكودي!!
تحياتي |
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: Abdlaziz Eisa)
|
Quote: قالوا ياعمار
في تلاتة مجانين دايرين يهربوا من مستشفى المجانين
عملوا خطة
واحد يقطع الكهرباء
التاني يلخم الحرس
والتالت يفتح البوابة
وبعداك يشتتوا
اها
طلعوا يتدبوا
لقوا الحراس مافي ، والبوابة مفتوحة ، وأثناء ماهم في حالتهم دي الكهرباء قطعت
رجعوا قالوا الخطة فشلت :) |
مباااااالغة.. انا كل مرة اشوف البوست ده يا استاذ عمر اقول النضم ده بكون نضم في السياسة النبعد من قيفتو ,, اها اتوكلت ودخلت. من اول طرفة قررت اقدم طلب لجؤ الي هذا البوست ,, بوست جميل ياخ الله يسرك زي ما سريتنا.
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: عبدالعزيز الفاضلابى)
|
على ذكر المحايدين في جامعة الخرطوم..
مرة كان في انتخابات وعاملين ركن كبييير ومتضايقين من المحايدين شديد لأنو كان بدعوا الناس للمقاطعة..
أها لؤي قال: يا جماعة المحايدين ديل في فترة من الفترات كان في مبررات لوجودهم ونجاحهم لكن المبررات دي انتفت فمفروض يشوفوا ليهم شغلة تانيه
وتأثيرهم ماشي ينقص بالتدريج..يعني زمان كان ه########م يهز الجامعة لما يقولوا : محايدون..كل الناس بتقول بصوت عالي: نعم..
بعد شويه بقوا يقولوا : محايدون ..يجي الرد : نعم (بصوت ضعيف)
بعد داك : محايدون ..بقى الرد: أيوه (بصوت مسكين)
والآن لما انتهوا بقولوا : محايدون،،الرد بكون (كك) حركة إيجاب تعني نعم تعمل باللسان ينفرد بها السودانيون..
ههههههههههههههههههههههههههه
الطرفة دي عشان توضح مفروض تحكي صوتياً ويا رب تكونوا فهمتوا المقصود : )
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: الواثق الصادق)
|
Quote: الطرفة دي عشان توضح مفروض تحكي صوتياً ويا رب تكونوا فهمتوا المقصود : ) |
أكيد فهمنا وضحكنا
مرة ياواثق
كان في ركن عاملنو المحايدين زارين فيهو ناس الحركة الشعبية
متحدث المحايدين يقف في منتصف الركن ويضع على الكرسي شنطة تشبه شنطة تمكنا بتاعت الكيزان ديك
وكل مايقول حاجة يردد عبارة ( وكلو موجود جوة الشنطة دي )
نحن عارفين المؤامرات بتاعتكم ( والوثائق موجودة جوة الشنطة دي )
والناس الكانو في الإجتماع ( أساميهم موجودة جوة الشنطة دي )
ونحن رؤيتنا تجاه الوحدة والإنفصال كاتبنها ( وموجودة جوة الشنطة دي )
ونحن تنظيم طلابي مابجينا تمويل من برة وبنمول العملية الإنتخابية بقروشنا ( الموجودة جوة الشنطة دي )
كادر الحركة الشعبية في فرصة نقاشه :- ( يعني هسة شنته دا لو راح موهايدين ماف )
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: عمر عشاري)
|
إمتلأت القاعة بالحضور من طالبات وطلاب الجامعة
ووقف الطلاب على الأبواب وبعضهم جلس القرفصاء أمام المنصة
جلستُ وعلى يميني د. عبد الهادي
الذي قدم محاضرة علمية رفيعة وكان واضحا من إنتباه الحضور أنها كانت مؤثرة واجابت على اسئلة كثيرة تدور بأذهانهم
كان د. عبد الهادي يلقى بعض القفشات الطريفة التي خففت من توتر الناس وهم يستمعون لموضوع فيه الكثير من الخطوط الحمراء بالنسبة لمجتمع جامعي لم يعد كما كان قديما بأية حال من الأحوال
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: عمر عشاري)
|
مضت المحاضرة كأحسن مايكون في رصانة علمية بالغة أحاط الدكتور بالموضوع إحاطة العالم المجيد
وأنصت الطلاب إنصات المهتم المدرك لقيمة المحاضرة
ثم فُتح باب الأسئلة
وأخذ د. عبد الهادي يجيب على الناس بصبر وتفصيل
الطالبات تشجعن وسألن أسئلة مفيدة ود . عبد الهادي لم يترك سؤالا إلا وأجاب عليه
كان اعضاء الجمعية يجمعون الأسئلة التي يفضل أصحابها كتابتها بدلا عن السؤال الشفهي
وكنت أقرأها وأسال الدكتور ليجيب
أذكر أن أحد الأسئلة كان ماذا إذا وجدت إبنتك مع أحد زملائها بالجامعة في وضع جنسي ؟
وبرغم أن السؤال لا علاقة له بالمحاضرة إلا أنني أحسست أن صاحبه أراد أن يقول أن الدكتور متحرر وربما لم يكن هكذا في منزله وقصد إحراجه بهذا السؤال
أذكر أنني سألت د. عبد الهادي ما إذا كان يرغب في إجابة سؤال شخصي جدا
فرد باسما : بالتأكيد
وكانت إجابته على السؤال أنه سيغضب مثل أي أب وسيخشى من عقبات ذلك
لكنه على ثقة أن رد فعله على هذه الواقعة لن يختلف إذا كان إبنه وليس إبنته في هذا الموقف
قال إنه سيتحدث إليها وربما عنفها ولكنه لن يضربها وستظل إبنته التي يحبها
صفق الطلاب لهذه الإجابة وتحررت المحاضرة من توتر موضوعها الساخن بسبب مشاركة الدكتور للطلاب آرائه الخاصة
وتحرر الدكتور من الرصانة الشديده وغلبت عليه روح النكتة فكان منه مايلي :-
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: عمر عشاري)
|
في أثناء رده على أحد الأسئلة
قسم الدكتور الشهوة إلى شهوة عقلانية وشهوة جسمانية
ذاكرا أن شهوة الفتيات عقلانية كما أنهن لايمارسن الجنس إلا تحت تأثير العاطفة
بينما وصف شهوة الفتيان أنها جسمانية وقال ساخرا أنهم كالتيوس يمارسون الجنس بفوضى ويكفي وجود أي جسد عابر لإثارتهم
وإستنكر في إطار ذلك دعاوى ختان الإناث بمنطق المحافظة على المجتمع وطهارته ######ر من ذلك المنطق
وكان الحضور يستمعون لهذا الحديث بتركيز وأنا بجانب الدكتور أتأمل في هذه النظرية
وفجأة سمعت الدكتور يقهقه بطفولة وهو يقول :-
مادام الأولاد هم البعيثوا فسادا في الأرض فأنا بقترح بدل ماتختنوا الإناث ...تقطعوا للأولاد أعضائهم التناسلية
قال ذلك وهو يضحك بسعادة شديدة وبشكل موغل في المسرحية
وإنفجرت القاعة بالضحكات
في حقيقة الأمر
إنفجر الوضع بأشكال مختلفة
وهذا ما سأحكيه لكم غدا
تحياتي لكل الأصدقاء الذين مروا سآتيكم تفصيلاً
ظلوا بخير
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: عمر عشاري)
|
الأعزاء جداً
جعفر خضر
محمد خليل
معتصم مصطفى الجبلابي
فاضلابي
وود الجعلي
مروركم شرفني وعدل مزاجي
ومادمتم سعدتم بهذا البوست فبلا شك أنا سعيد
عزيزي / عبد العزيز عيسى
فكرتك في فتح بوست جديد بخصوص موضوع جوبا منطقية
يوم السبت 9 يوليو يوافق يوم سبت مما يسهل علي السفر إلى جوبا في الإجازة
أعدك ياصديقي ببوست حقيقي
فأفرد قلبك للألم
لن أرحمك
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: عمر عشاري)
|
عندما كنا في اللجنة الموحدة وهي حركة ضمت عدد من الطلاب الغير منظمين وكان فيها أيضضا بعض الطلاب الذين ينتمون لتنظيمات سياسية ولكنهم يخلعون إنتماءاتهم في اللجنة
المهم وثق طلاب الجامعة في لجنتنا الموحدة وبسبب المصداقية والإهتمام بالقضايا الطلابية
إلتف حولها الطلاب بشكل جماهيري واسع
ودعمتها التنظيمات السياسية
وقامت بتلميع متحدثيها فكنا نسمع عبارات المدح صباحا ومساءً
المهم
كان أحد متحدثي اللجنة طالب في مجمع الطب إسمه ميسرة أطلق عليه إمام وراق الكادر الخطابي للناصرين لقب / أسد المين
وظل في كل ركن للناصريين يقول ذكر أسد المين / ميسرة ونحيي أسد المين وقال / أسد المين ميسرة
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم http://www.sudanese (Re: عمر عشاري)
|
في إحدى مخاطبات اللجنة الموحدة
عامل ( كولينق ) بأعلى صوت
الوحش يقتل ثائراً
والأرضُ تنبت ألف ثائر
ياكبرياء الجرح
لو متنا لقاتلت المقابر
إحدى الشابات اللطيفات الجالسات في المين رود ولا علاقة لهن بالسياسة ، كنت أعرفها وتعرفني ويعرف ناقتها بعيري
صاحت بصوت عالي
عمر نايس كولينق ( nice calling )
هذه القصة كنت قد أخفيتها حتى ذكرني بها الصديق محمد فاروق ولا أدري كيف علم بها
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم (Re: محمد عبد الماجد الصايم)
|
ود الصايم وسفيان سلامات
إنتظمت مجموعة من التنظيمات المعارضة فيما عرف بتحالف القوى الوطنية
بينما دخل المؤتمر الوطني والفصيل المنشق من أنصار السنة في تحالف إستراتيجي من أجل الفوز بالإنتخابات
متحدث التحالف :- انا بعتبر الحاصل بين انصار السنة والكيزان ده حاجة كده زي ( زواج المُتعة )
أنس الكادر الخطابي لتنظيم المؤتمر الوطني يرد وهو مغتاظ جدا من هذا الوصف
والله يا اخينا لو كان البينا ده زواج متعة حقكم ده بيت دع ا ر ة عدييييل كده
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم (Re: عمر عشاري)
|
كان ياسر يوسف عضوا فاعلا في تنظيم مؤتمر الطلاب المستقلين بل وأحد كوادرهم الخطابية في فترة من الفترات
ثم اعلن إنسلاخه والإنضمام للمؤتمر الوطني
وراج حديث كثير عن انه كان غواصة بينما ذهب بعض الناس ان ذلك كان في إطار تغيير المواقف
ليس ذلك هو المهم
المهم انه في احد أركان الكيزان كان ياسر يوسف يتحدث
######ر بعض الطلاب من حديثه عن طريق الضحكات والهمهمات وكان منهم
أحد أصدقائنافي مؤتمر الطلاب المستقلين والذي كان من الذين توكل إليهم بعض الأمور التنظيمية الخاصة بركن نقاش المستقلين عندما كان ياسر متحدثا بإسمهم بما في ذلك جلب قارورة الماء وهو امر تنظيمي لا ينتقص من قدر أحد
فجأة توقف عن الحديث موجها كلامه لصاحبنا
ماعارف يا أخوي انا كل ما أشوفك بعطش ليه
---------------
طبعا لم يضحك ذلك التعليق إلا الذين شهدوا الفترتين وكان وجودهم في الأركان منتظما
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم (Re: عمر عشاري)
|
طبعا يا عشاري
البوست ده مفرق علي جدا
فانا من زمرة المتابعين
والضاحكين بقوة في أغلب الأوقات
والمستمتعين
الله يفتحها عليك بفرحة مقدرة
قول آمين
_____________________________
ملحوظة لود الصايم :فجأة أكتشفت انو يوسف ولدي عندو صورة عامل فيها ضحكتك القهقرية دي
وطبعا انا ككائن مسحلب، كل مرة اقول الحركة دي شفتها وين
ومعلقة كمان فوق
مفرحة تعرف
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم (Re: Elawad)
|
توما والعوض
حبابكم ...حبابكم
هاكم دي تحية قدومكم
_____________________________
كان خطاب الكيزان داخل الجامعة وخارجها في زمن من الأزمان يقوم على رواية مبالغات تتعلق بالمحاربين في الجنوب على شاكلة
الغيم ظلل المحاربين
المسك مالي الغابة
القرود بتنكت الألغام من الأرض
أحيانا القرود تفدي بنفسها الجنود عندما تتقدمهم في حقول الألغام
أها أحد كوادر التنظيمات المعارضة يشكك في إحدى هذه الروايات قائلاً:-
معقولة بس يقولوا ليك الغزالة براها كده جات إفترشت الأرض أمام المجاهدين ومدت رقبتها جاهزة للذبح في وقت متزامن مع إحساسهم الشديد بالجوع
طيب ياجماعة الله لمن بحبكم للدرجة دي ...ماكان يجيبها ليكم بيرقر جاااهز
| |
|
|
|
|
|
|
Re: بعض طرائف ومفارقات أركان النقاش بجامعة الخرطوم (Re: مصعب عوض الكريم علي)
|
العوض ومصعب
سلامات ياأصدقاء
_____________
برغم ان حركة الطلاب المحايدين كان لها تاريخ يشهد بإلتفاف الحركة الجماهيرية الطالبية حولها
إلا أنها في سنين دراستنا بالجامعة شهدت إنفضاض الطلاب عنها
وكانت التنظيمات السياسية ترى في خطها السياسي مايستفيد منه الكيزان
فشهدت الأركان توترات بين متحدثيها ومتحدثي التنظيمات السياسية
الكادر الخطابي للمحايدين يتحدث عن المحايدين
قد قامت ( حركة ) الطلاب المحايدين
رؤيتنا في ( حركة ) الطلاب المحايدين
نحن في ( حركة ) الطلاب المحايدين ...
الكادر الخطابي لحزب البعث بعد ان إنتقد الخط السياسي للمحايدين :-
والله أنا حركة الطلاب المحايدين دي شايفها ( حركة ) بايخة بس
| |
|
|
|
|
|
|
|