|
|
 Re: ليت قومي يعلمون.. وايضا المركز (Re: Afraa Sanad)
|
يا عفراء ازيك
انا قصدي انو كلام كمال هو ضمن ما نقلتيه.. موش انو كلام منى او كمال..
لأنو اول زول جاب سيرة الجزيرة هو كمال..
اسمعي معاي كده:
Quote: الراجل ده كده حا تضيعوه يا أخ /جعفر بجنس تكبير الكوم ده لحدي مايجيكم واحد صاحب غرض جد جد
يهزم مصداقيته ..
أي قناة فضائية في الخليج تركها الباقر ؟
حسب علمي أن الباقر كان قد تقدم لشغل وظيفة مدير مركز الدراسات بقناة الجزيرة وعمل المقابلات
اللازمة وما أخدوهو (يعني هم الما أخدوه )أنا مقيم في الدوحة ياجعفر ما في (بانقي)
ولم يضحي بشئ , فإن كنت تعني قناة تانية فنبهني حتى أعتذر |
اها ده كلام يوجهو هو لي جعفر ويداخلوا فيهو مع انو ما عندو فايدة نفيو من اثباتو..
وهو-كمال اعني- قال كده برضو.. اسمعي معاي شوية:
| Quote: هذا توضيح فقط دون ميل إلى تبخيس فسيرة الباقر غنية بالحقائق وما محتاجة تزيدوها موية |
كويس كده يا عفراء..
من غير اي زيادة هو بي نفسو انتهى من الموضوع
في داعي تاني اجي يسألني انا يقول لي عملتو لينا شنو في البطيخ
| Quote: عملتو لينا شنو في قصة التضحية بالوظيفة في القناة الفضائية (عشان نعتذر لو في فضائية تانية غير الجزيرة ). |
| |
  
|
|
|
|
|
|
|
|
Re: ليت قومي يعلمون.. وايضا المركز (Re: قصي مجدي سليم)
|
Quote: الحضروا من ال (68) ديل (34)
(9) منهم ضد سياسات الفساد بالمركز وهم :
1/ محمد سليمان
2/ هاله عبد الحليم
3/الشاتى النجيب
4/منى التيجانى
5/نجوى يحي
6/شهاب حميده
7/معتز مدنى
8/احمد جاد الله
9/هويدا عبد الحليم |
نرجع لي نكت العقرب من الجحر..
اها يا منى وكما تفضلت علينا بالتعريفات كان تعرفي لينا التسعة ديل:
محمد سليمان- حق جناح هالة
هالة عبدالحليم- حق جناح محمد سليمان
الشاتي النجيب- حق جناح محمد سليمان وهالة
منى التجاني- مغبونة من شيلتها من اللجنة التنفيذية- وبرضو حق جناح هالة وحمد
نجوى يحيى- ما بعرفها الا في الجمعية الفاتت دي
شهاب حميدة- الوحيد الذي صوت مع منى في تقرير الميزانية
معتز مدني- محامي محترم جدا ما عارف ليه ختتو معاهم... بس الحقيقة الوحيدة انو فعلا ضد الفساد كما قالت وخرج من الجمعية بعد ضغوط هالة عليه
احمد جاد الله- حق جناح هالة ومحمد
هويدا عبد الحليم - أنظر اعلاه "هالة عبدالحليم"
وبس
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
Quote:
منى التجاني انت امرأة بلا أخلاق.. وكاذبة.. وتتحرين الكذب.. ثم أنك ومع هذا تستعبطين... وكأن من حولك بريالات..
|
أعصابك يا قصي ... أمسكها شويه ما يطق ليك عرقك !!!
ما بجاريك في الشتيمه كلو كلو ... فأهل هذا المنبر قراء وعضويه لديهم عقول انا أحترمها وأثق بها.
لكن الفي راسو بطحه يتحسس عليها .... وكل إناء بما ينضح .
| |
|
|
|
|
|
|
|
|
|
Re: ليت قومي يعلمون.. وايضا المركز (Re: مني التجاني)
|
Quote: (ولو ساعدتك بالفيديو زي ما بتقولي بتتعبوا)
ما تكورك ساكت يا قصي اي فيديو عندك نزلو هنا طوالي ما قلت ليكم البوست ده اناح استغلوا للتوثيق.
ساعدني في المهمه دي بالله ينوبك ثواب ... اهو يكفر ليك شويه برضو من شتميتك لي دي .
وبعدها اتت لجنة الوساطة وتقرر ان تخرجي من اللجنة التنفيذية وهو ما حدث |
ما بتخجلوا انتو كلو كلو ... هسي قراء المنبر ديل يقولوا عليكم شنو ؟
انتو مش عندكم جمعيه عموميه وهي السلطه العليا( زي ما فالقننا هنا ) البتقرر في شأن المركز وإشكالاته ؟ بتطبخوا بي بره وتجوها تعتمد ليكم طبخاتكم !!!
اها دي عينة من عينات الشفافيه والنزاهه حقتكم؟
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
Quote:
في حين انك انت من كان مسئولا عن اعداد القوائم ونشره التلك الجمعية!!
|
المصدر يا قصي ... ساعدني بالمصدر لانو في آوان تلك الجمعيه(2009) انت كنت من المغضوب عليهم والباقر مركب ليك وش الككو !!! متذكر ولا نسيت ؟؟؟ بذكرك كان ناسي ...
الكنت مسئولا منو هـو التعديلات الدستوريه اللي تمت مناقشتها والموافقه عليها في إجتماع مشترك مع مجلس الأمناء ونزلت في أجندة إجتماع الجمعيه العموميه وباقرك ده ذاتو الابي بيها وكان مركز بس مع التوكيلات وتمريرها.
قول لي ليه باقرك ابي التعديلات لانو كان فيها:
1/ تركيز علي فك الارتباط بين منصبي مدير اللجنه التنفيذيه ومدير المركز.
2/ تركيز علي المكون المحلي لميزانية المركز اكثر من المكون الاجنبي.
وغيروا من الإصلاحات علي النظام الأساسي .
| |
|
|
|
|
|
|
|
|
|
Re: ليت قومي يعلمون.. وايضا المركز (Re: مني التجاني)
|
شهاب حميدة- الوحيد الذي صوت مع منى في تقرير الميزانية.
بهت الراجل بهيته شديده يعلم الله. عشان كده بقي ضروري تنزل لينا الفيديوهات هـنا . الجمعيه دي علقت أعمالها لحين إجراء التحقيق في طعني أنا في الميزانيه .
التحقيق اللي يوم الليله نتجيتوا ما طلعت ...!!!
الأستاذالمحامي المحترم شهاب حسن حميده ما عندوا حساب هناعشان يرد ليك فما تبهت الناس ساكت .. قلت ليك أعصابك ما تكتب من خشوم الناس اتحري معلومتك كويس بعدين جيبها الشفقه عليك شنو؟ الدنيا ما طارت .
معتز مدني- محامي محترم جدا ما عارف ليه ختتو معاهم... بس الحقيقة الوحيدة انو فعلا ضد الفساد كما قالت وخرج من الجمعية بعد ضغوط هالة عليه .
الأستاذ معتز مدني فعلا محترم جدآ وكلامك ده بسئ ليهو جدا لانو ما في زول محترم بركن لضغط من زول تاني .
انت هاله دي ربت ليك الخفيف باين عليها!!!
| |
|
|
|
|
|
|
|
|
|
Re: ليت قومي يعلمون.. وايضا المركز (Re: مني التجاني)
|
كتب قصي :
Quote: \اها ده كلام يوجهو هو لي جعفر ويداخلوا فيهو مع انو ما عندو فايدة نفيو من اثباتو..
وهو-كمال اعني- قال كده برضو.. اسمعي معاي شوية:
|
أها طيب ماراح حاجة : نرجو الأخ جعفر تأكيد المعلومة أو نفيها أو الإعتذار عنها
مع تحديد مصدرها _ يعني ألفا من خيالو ولا لقاها في سيرة الباقر ولا ولا ولا
المهم نلقى منكم إجابة واضحة ومحددة مرة واحدة في عمر حوارنامعاكم ده
بدون ماتطلعونا بي حمد وتدخلونا بي خوجلي ..
بعدين ياقصي إنتا المزعلك من البندر شنو ؟
ماهو بتعرف تشتم كويس ..
):
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
اواصل فى التجاوزات التى قامت بها المجموعة التى تكيل الاتهامات دون تواضع لمركز الخاتم ومديره:
سادسا: المؤتمر العام الرابع المزعوم لحركة حق الذى عقد فى 12 مايو وانتخب لجنة تنفيذية كانت الاخت منى التجانى احد اعمدتها، كان قد استند على مقررات اجتماع عقدته المجموعة (مجموعة 13 نوفمبر التى تكيل التهم الغلاظ لمركز الخاتم عدلان انطلاقا من حرصها على مؤسسية المركز كما تدعى ) وقد كان اجتماع كما اوردنا يقوم على تزييف ارادة الحركة ويفتقر الى الشرعية لانه يحظى بتأييد حوالى ثلث المجلس القيادى فقط !!!
ثم تجىء الاخت منى لتحدثنا عن النزاهة ونكران الذات الذى ميز نشاطها فى المركز وهى عمليا ششاركت فى سرقة مؤتمر كامل لحركة سياسية ناشئة!!!
جدير بالذكر انه كان ضمن مقررات الاجتماع التعيس الغاء المؤتمر العام للحركة الذى كان من المفترض ان ينعقد فى نهاية ديسمبر 2010م بحسب ما نصت عليه اتفاقية اعادة توحيد الحركة !!!!!!!!!!!!!!!!!!!!!!!!!!!!
اضافة الى ان الاجتماع الغير مكتمل النصاب قام بالغاء المؤتمر العام على الرغم من انه كان قد تم تحديده بواسطة هيئات الحركة الشرعية!!!
| |
|
|
|
|
|
|
|
|
|
Re: ليت قومي يعلمون.. وايضا المركز (Re: طلعت الطيب)
|
ثامنا: بالرغم من ان الاستاذة هالة الرئيسة السابقة للحركة ومن يقف من ورائها ظلوا يشككون فى التقارير المالية وذمة مدير مركز الخاتم عدلان الذى يتقدم بتقارير مالية دورية اجازها المراجع المعتمد والجمعية العمومية للمركز، الا انها لم تتقدم بتقرير مالى واحد طيلة فترة قيادتها للحركة !!!!
الا يبدو ذلك الوضع غريبا وشاذا عزيزى القارىء!!
| |
|
|
|
|
|
|
|
|
|
Re: ليت قومي يعلمون.. وايضا المركز (Re: طلعت الطيب)
|
نبدأ بي كمال وبعدين نجي راجعين خلف لي منى
انت يا كمال قلت:
| Quote: وبعد تجاهل (الباقر - قصي) لأنو بقينا مافارزين صراحة بنحاور منو |
وطبعا للمتابع انت تعمدت مرات عديدة ان تكتب لي باسم (الباقر- قصي) وانا اتجاهلت الموضوع ده مرات ومرات..
اها لما تعرف انت بتحاور في منو تعال داخلني..
لانو يا "كما" انت زول عجيب
وزي ما قال الصايم هو منتظر بي صبر مرحلة فقع المرارة
دحين يا "كم" انا مرارتي جد جد انفقعت..
وما عارف انت عاوز تصل شنو
فيا "ك" انا ما بكتب في سودانيز اونلاين وبس، ولا بديت الكتابة هنا.. ولا بكتب محرّش
وجدادك الحايم وراهو بعرف كان ده انا ولا ما انا .. يعني لا عندي زول برسل ليهو كلامي ولا في زول برسل لي كلامو
وكبير الله .. ودقاق النمل يا اخوي
كل المستويات هنا عندنا
عاوز مستوى (الحكمة والموعظة الحسنة) في وراقد وعندنا منو شوالات هنا وغير هنا
عاوز مستوى (إن شر الدواب عند الله الصم البكم) برضو في وراقد وعندنا منو جوالات هنا وغير هنا
بالطبع فإن اي تشويش يصدر عنك سيجد بعون الله ايادي كاتبة وعقول نابهة
دون الاشارة للاسماء
يا (...................)
0000000000000
انت يا (.......) وانت بتكتب عارف انو انا من مدني!!
000000000000000000000
قيل أن:
Quote: خالد بحر وجه إتهام مباشر هنا بفساد ومسمى هذا الفساد (تزوير) في كشوفات المركز
وإستغلال لحوجة الموظفين للوظيفة والراتب لدرجة إنهم يوقعون على إستلام 500 دولار وهم يستلمون
فعلياً 500 جنيه ..
الخلاني أنا لحدي أسي مستغرب وساكي الموضوع ده وحا أسكوا حتى مرحلة فقع المرارة إن شاء الله
كيف يكتب هذا الكلام وتتجاهلونه دون نفي أو حتى دون أن تحاولوا تبرئة أنفسكم ومعاقبة الذي
أتهمكم بالأمر ورد إعتباركم ؟ |
طبعا هذا اسمه الدجل.. والتلبيس.. والتدليس
لأن هذا عين مارد عليه قيقراوي
بقول متين واضح بين
واتهمك انت وخالد بحر بانعدام الأخلاق:
| Quote: اعتقد انو - تقرير المراجع الخارجي - ما ح يجاوب على سؤال ( دولار/جنية ) دا بشكل مباشر .. يبقى العندو مستندات و حيثيات ليو يتقدم خطوة، او ليصمت الى الابد. التشكيك في الذمم المالية بدون مستندات قذف بباطل و عمل لا اخلاقي. |
يبقى انت أو خالد البتروج في كلامو
مواجهين بالسؤال التالي:
هل عندكم مستندات؟؟؟
اذا كانت اجابتكما بالنفي:
فأنتما بلا أخلاق
والحقيقة فانا لم اقرأ قول خالد ذاك
بل سمعته اول ما سمعته منك انت
فأنت اذن تقذف الناس بالباطل
ولا اخلاق لديك عند تكراره بله قوله
أواصل
| |
|
|
|
|
|
|
|
|
|
Re: ليت قومي يعلمون.. وايضا المركز (Re: قصي مجدي سليم)
|
عاشرا: بينما تتهم مجموعة 13 نوفمبر مدير مركز الخاتم عدلان بالدكتاتورية والانفراد بالرأى، قامت فى حركة حق بتقطيع الحوار قبل ان تمارس جريمتها فى حق الحركة بتقطيع اوصالها بعد ان توحدت وفقا لقيم كلية ومبادىء عامة منصوص عليها فى ادبيات الحركة تحفظ الديمقراطية والحوار وقد جاء فيها (ان الغايات النبيلة لا يمكن الوصول اليها الا بالوسائل الشريفة)
وقد اصدر الاخ عمر النجيب فرمانا بذلك جاء فيه انه كنائب رئيس للحركة لايسمح لقيادة الحركة ان تتحول (الى انترنت فورام) مما يعنى مصادرة التداول الالكترونى للمجلس القيادى وعدم الاعتراف به كوسيلة للحوار، وقد قصد ان يقول فى وجه الجميع اننا نفعل ذلك لدواعى امنية او هذا ما فهمته ومن يود مناقشة قضايا الحركة عليه بقطع تذكرة والذهاب الى السودان (فورا).
ولكن المجموعة لا تتمتع بمصداقية كافية لانها لم تلتزم بذلك لهثا وراء (النصاب المستحيل بسب عزلتها) فقامت باعتماد مشاركة ثلاثة اعضاء عن طريق اسكايبى!!
ولا ندرى من من المجموعة صاحب هذه الفتوى الاستثنائية التى تبيح لهم استخدام وسائل الاتصال الحديثة وتحرمه على البقية؟
| |
|
|
|
|
|
|
|
|
 Re: ليت قومي يعلمون.. وايضا المركز (Re: محمد عبد الماجد الصايم)
|
| Quote: استنارة بطريقة فقع المرارة!!! |
إستنارة إستخدمت ومورست في أبهى صورة للنيل من بعض ..
من ناس البيت الواحد!!
لماذا دومآ أشياءنا الجميلة لا تدوم؟
يختلف المستنيرين ويكيدون لبعض .. يموت جون قرنق ..
يتقسم السودان .. تنشق أحزاب المعارضة الواحد تلو
الآخر .. يموت ضباط رمضان و... و .....إلخ
وتبقى فقط الإنقاذ اللعينة تحقق في إنتصاراتها
الخاصة الإنتصار تلو الإنتصار على مرأى أعين المستنيرين..!
يختلف المستنيرين ويفشلوا في إحتواء مشاكلهم الداخلية
فتخرج للعلن ليس من أجل التقويم والإصلاح بل بغرض التشفي
والإنتصار الشخصي ... متناسين الأهداف الكبيرة .. والبعيدة
بوست كيدي .. فاجع ومحزن ...!
وإستنارة مضروبة!
_
| |
|
|
|
|
|
|
|
|
|
Re: ليت قومي يعلمون.. وايضا المركز (Re: طلعت الطيب)
|
ماعندي الشغلة لا بي حق، لا الباقر لاهالة، ولكن شغلتي ما يمليهو علي ضميري:
البعمل فيهو الباقر ده عار يدعو للانتحار لو عندو ذرة ضمير!
ده شغل هبر، خم او فوق ليهو استبهال او استصغار لعقول الناس لايوصف قط!
المضحك هو كلام معارف الباقر عن الفرص الكانت متاحة ليهو بحكم امكانياتو الفريدة!
يا سبحانك!
الناس ديل ماورطو زولم ورطة شديدة خلاس!
يعني باعتراف معارفو المعيار والدافع للباقر في سكو لي مشروع المركز ده، اساسا كارير او اكل عيش او كده!
والا فما وجه المقارنة هنا، اصلا؟
مابين عمل عام، خيري، طوعي او كمان استناري، او اكل العيش، من جيب دافع ضرائب اجنبي؟
بالعربي صنقع ضنقع الباقر بي شهادتكم توصل الي انو فرصة الهبر بي اسم المركز ده، لاتدانيه ايا من الفرص المهيبة اللقاها فريد عصرو ولذلك او بشهادتكم انتم هو اهتبل فرصة المركز، والسبب بسيط:
في المجالات والمنظمات الاخر حتي لو حيدو 168,000$ برضو يظل موظف في مؤسسة حيخضع فيها لمرؤسيه الخاضعين بدورهم لمجلس ادارة، او مجلس الادارة لي مساهمين وهكذا! يعني في check and balance او chain of command!
اما في حالة المركز، في عاصمة الفساد في المنطقة، فالباقر هو المدير هو الغفير هو مجلس الادارة هو المساهمين او الجمعية العمومية!
او بي كده منقة الميزانية كلها تحت كرعيهو!
اذن اذا عرف سبب رفضو للعروض المغرية الاخري للعبقري فريد زمانو، حسب كلامو معارفو، بطل العجب!
لو افترضنا هناك ساذج يتعجب اصلا من تفضيل الباقر لي scam مايسمي بالمركز!
واي جلابي ولاجلابية زي شذي يدافع عن هذه الفضيحة، فليعلم، زمتو مشكوك فيها!
ولكن هل الباقر لوحدو هو البفكر كده؟
اطلاقا لا!
تقريبا معظم منظومات اليسار الجلابي كانت ولاتزال مشاريع هبر، يالنكتة بحق!
دونكم منظمات حقوق الانسان الجلابي في القاهرة او لندن، والان دارفور ايضا!
بالله كرهت السياسة بي الله واحد!
عشان كده قنا اي قرد يفتح خشمو او يقول "سين" ساكت، بالله ادوهو بالبرطوش او ده ما كلام هظار، وانما بالجد كناخبين لازم نغير من طريقة تفكيرنا الحالية، المتخلفة بحق، المتمثلة في نظرة التقديس المجاني والانبهار الطفولي، باصحاب الطموح السياسي.
المفروض تنظر لاي سياسي كانتهازي في المقام الاول الي ان يثبت لك العكس.
المقصود موقف نقدي عقلاني، بارد من كل من يتفوه بكلمة سياسة يتطلع لنيل صوتك، او دعمك، او ثقتك.
المصيبة الكبري احنا كشعب للاسف بننظر لي اي موقع رسمي عام، من بعد اللبع، بي منظور المكانة الاجتماعية البجنيها صاحب الموقع من موقعوا، واخر حاجة بتخطر بي بالنا، هو اداء هذا المخلوق بي صورة مهنية، مش بتاعة شو او فشخرة!
شئ مضحك حد البكا، انو الباقر بيتعامل مع المؤسسة دي "هذا مجاز لغوي" كبعض مملتكات اسرته وعشيرته الخاصة، حيث لافرق بينه او بين اي طائفي كالصادق البستف لجنة "حزبو" بافراد اسرتو كاعضاء لجنة مركزية!
يازول حريقة تحرق السياسة في السودان ياخي!
حاجة تفقع المرارة!
والله سعيد المرقتا من زمن كداري!
| |
|
|
|
|
|
|
|
|
|
Re: ليت قومي يعلمون.. وايضا المركز (Re: محمد البشرى الخضر)
|
سلامات يا شباب
لو في زول واحد انا ح اتهمو بانو ما عندو اخلاق ح يكون هو المدعو " قيقراوي " دا بامتياز
ياخ انا موقع على عريضة ملزمة لي بالتوقف عن الكتابة في البورد دا الى ان يقرر المجموع ما يكون
اها اسي كدا الما عندو اخلاق منو؟ و بالثابتة
من حقك يا كمال تنزعج من كلام قصي
و ما بتحتاج ملاحقة .. و ما بتحتاج اذن لنشر رسالة الفيسبوك و ما اعتقد انها ترقى لمستوى ( خاص ) عديييل، كل القصة اني كنت ملتزم اخلاقياً بالعريضة بت الكــلب الوقعتها دي.
حتى لو ارتقت - جدلاً - حقك وحقي عليك كمان، تدفع بيها تهمة كبيرة قدر دي عنك و عني.
يا قصي يا حبيب انا اتهامك للاستاذة الفاضلة / منى ألمني .. و جداً
فكيف ياخ انا دا ذاتو اجي ارجم بغيب!؟ .. شنو مصلحتي في كل القصة دي؟
انا كتبت كلام نابع من ارادتي و من ضميري .. من حقك تقراهو على كيفك. و توظفو ذاتو
لكن الما من حقك انك تستنطقو؟، و تقولني بيهو ما لم اقله ولن و لا ينبغي لي.
استاذنا طلعت الطيب
مسألة طلب اسناد التهم بمستندات مؤيدة، دي بديهية طالما الجملة فيها " محاسب/ محاسبة " ما ضروري الاسم، الاضافة لا تضيف الى النشيد سوى النشاز .. من جنس " مأتم جنائزي " و آذان صاغية.
سمبلي لانو تعريف المحاسب " هو من يهتم بالمستندات " ... شفت كيف؟
و الله على قول صحبي ود البشرى
| Quote: قيقرا شقي حال الله يسألني |
الله يسالك براك!؟
ياخ بشلاقتي دي ح يدخلني النار عدييييل
انا كان مالي؟ .. عشان ( مالي)؟ ... هو مالي انا براي؟
ما كنت اواصل عزلتي المجيدة دي سااااي ياخ!
-----
اقول قولي هذا و استغفر الله العظيم لي و لكم
قوموا الى ما فيه خيركمو صلاح امركم
و انا دا ترا خيري في اني ابعد عن الاسافير دي قدر ما اقدر
و اعمل بنصيحة صحبي كمال الزين الزول الزين دا .. و ابقى على صلاح نفسي دي مساهمةً في الصلاح العام.
و السلام عليكم و رحمة الله و بركاته
| |
|
|
|
|
|
|
|
|
|
Re: ليت قومي يعلمون.. وايضا المركز (Re: قيقراوي)
|
(*)
والله ياقيقا ياخوي مداخلتك ودتك مدني دغري ..
):
شكراً ياقيقا أنا لم أراهن على حسن أخلاقك إلا وأنا كلي ثقة في إنك أهل لهذا الرهان
عد إلى عزلتك في رعاية الله وحفظه .. وسلم لي على ناس مدني نفرات نفرات ..
):
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
Quote:
أنا كنت موقعة على عريضة أصلاح حال المنبر
ولم انتبه الى شرط التوقف عن الكتابة مع التوقيع
"أيزابيلا" |
Quote: ياخ انا موقع على عريضة ملزمة لي بالتوقف
عن الكتابة في البورد دا الى ان يقرر المجموع ما يكون
"قيقراوي أو أياً كان اسمه" |
يا للهجص 
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
| Quote: استنارة بطريقة فقع المرارة!!! |
والله يا دود الصايم المستنير على الما مستنير مرات بجيهو فقع مرارة
زي نكتت عمك:
تعضيهوا ولا أعضيهو انا؟
والاعجب الرد
هو يا مولانا جنس ديل ما بعضوهم
هسي عليك الله يا ود الصايم ممكن توريني بي رواقة كده المطالب بالمستند منو؟
المتهم بالفساد، ولا الزول الإتهموا؟
يعني انا انط ليك في حلقك وأقول ليك انت فاسد.. وكمان اثبت انك ما فاسد
والنكتة الجديدة بتاعة الخمسميات دي..
كمان انا مفروض اثبت العكس!! اها دي كيفن بالله؟
والزول البعرف محاسبة قال ليهم ده قذف غير اخلاقي
برضو ينط ويجيني ويقول لي اثبت انو رفض عرض الجزيرة!!!
اها ده موش جن؟
الجن الأكبر انو يقول لي أنا هناي ده لو زول قال عني وزير شنو كده ما عارف في قطر مفروض انفي!!
انفي ... خشمي .. عيني .. مرارتي الخ..
زي ده يردو عليهو كيفن..
-----------
الادهى انو الفيديو بحمّل ليهو ساعة في سودانيز..
اها جايين لي كذب هناية التانية القالت شنو:
اسمع كويس يا ود الصايم وانتظر الفيديو.. ووحات شيخي الما بحلف بيهو كضاب المرة دي انزلو ولو وسطوا لي السيد الحسن ما ارجع من نزيلو..
اسمع وقارن بعدين:
Quote:
المصدر يا قصي ... ساعدني بالمصدر لانو في آوان تلك الجمعيه(2009) انت كنت من المغضوب عليهم والباقر مركب ليك وش الككو !!! متذكر ولا نسيت ؟؟؟ بذكرك كان ناسي ...
الكنت مسئولا منو هـو التعديلات الدستوريه اللي تمت مناقشتها والموافقه عليها في إجتماع مشترك مع مجلس الأمناء ونزلت في أجندة إجتماع الجمعيه العموميه وباقرك ده ذاتو الابي بيها وكان مركز بس مع التوكيلات وتمريرها.
قول لي ليه باقرك ابي التعديلات لانو كان فيها:
1/ تركيز علي فك الارتباط بين منصبي مدير اللجنه التنفيذيه ومدير المركز.
2/ تركيز علي المكون المحلي لميزانية المركز اكثر من المكون الاجنبي.
وغيروا من الإصلاحات علي النظام الأساسي . |
اها في الفيديو حا تشوف الكان مسئول عن القوائم منو..
وحا تشوف التعديلات الدستورية ما مرت ليه
وحا تشوف انها ما كانت معترضة على اي حاجة
وحاتشوف انها كانت ماسكة الجو
وحاتشوف في الحلقات القادمة ليه عملت حملتها المزعوة دي
وحا تشوف كضبها في الجمعية العمومية
وحاتشوف اصدقاء اليوم القاموا ليك فيها وبستفوا كلامها
ده كلوا.. في تشاهد غدا.. واحتمال يحن علينا السيرفر وتشاهدو اليوم
وجاااااااي بي روااااقة..
نشوف منى كانت مسئولة من شنو.. وعملت شنو.. والحصل شنو
| |
|
|
|
|
|
|
|
|
|
Re: ليت قومي يعلمون.. وايضا المركز (Re: قصي مجدي سليم)
|
Quote: من حقك يا كمال تنزعج من كلام قصي
و ما بتحتاج ملاحقة .. و ما بتحتاج اذن لنشر رسالة الفيسبوك و ما اعتقد انها ترقى لمستوى ( خاص ) عديييل، كل القصة اني كنت ملتزم اخلاقياً بالعريضة بت الكــلب الوقعتها دي.
حتى لو ارتقت - جدلاً - حقك وحقي عليك كمان، تدفع بيها تهمة كبيرة قدر دي عنك و عني.
يا قصي يا حبيب انا اتهامك للاستاذة الفاضلة / منى ألمني .. و جداً
فكيف ياخ انا دا ذاتو اجي ارجم بغيب!؟ .. شنو مصلحتي في كل القصة دي؟
انا كتبت كلام نابع من ارادتي و من ضميري .. من حقك تقراهو على كيفك. و توظفو ذاتو
لكن الما من حقك انك تستنطقو؟، و تقولني بيهو ما لم اقله ولن و لا ينبغي لي.
|
طيب يا قيقا
ما كلامك انت مع انو ده بقى حوار طرشان...
يا كمال..
لو عندك انت دليل على الخمسميات دي اتقدم او فلتصمت للأبد او لتعتذر
لو ما عندك دليل وكررتو او نقلتو
بتصير شخص بلا أخلاق وبتقذف الناس بالباطل
من غير قيقا
مني انا
----------------------
يا قيقراوي آلمتك ردودي على منى وما آلمك إقحام زوجتي في الموضوع بالصفاقة بتاعتها دي؟!!!
مالكم؟؟؟ كيف تحكمون؟؟
-------------
انا بقول ليك منى كذابة.. ولو جيت ساعدتني في تحميل الفيديو البحمل ليهو 12 ساعة ده بثبت ليك انها كذابة
ولو طال الزمن ولا قصّر بثبت كذبها من البوست ده
لكن دحين مع ناس بحولوا الأعوج عديل نعمل شنو؟؟
| |
|
|
|
|
|
|
|
|
|
Re: ليت قومي يعلمون.. وايضا المركز (Re: قصي مجدي سليم)
|
| Quote: انت يا (.......) وانت بتكتب عارف انو انا من مدني!! |
هذه العبارة ليست لك.. ولا دخل لك بها...
هي عبارة واقعة بين فاصلتين.. وزولها المقصود بيها فهمها..
كلامي معاك أنتهى من ما ختيت ليك الأصفار..
وبعد كده كانت ردودي عامة.. للبفهم وللما بفهم.. وبعدين العبارة سيدها فاهمها وعارف انو ما فيها تهديد بقدر ما فيها مؤانسة ليهو..
يا كمال.. هو انت الكلام العديييييييل ما بتفهمو
كمان عاوزني اتكلم معاك بالتلاويح!!!
لا بتريح.. لا بتستريح
--------------------------
اها الكلام ال ليك انت ده:
اولا كلام قيقراوي الكتبو ما غير حاجة.. ولو سحب شهادتو كلو كلو ما بتغير حاجة
الحاجة كالآتي.. خالد بحر كمال الزين محمد سليمان منى التجاني هالة عبدالحليم الجن الاحمر الطيارة الشيطان
أي زول عندو مستند يقدموا
او يسكت
او يتكلم زي ما اخلاقو بتقول ليهو
دي نهاية الموضوع وكل ما تتكلم بكرر ليك الكلام ده في وشك
انت زول بلا اخلاق لأنك بتكرر في الموضوع
خالد بلا اخلاق لانو قالو من غير مستند وما عندو مستند ولا بقدر يجيبو
قيقراوي كان قال كده او ما قال
انت لو كررت الكلام ده تاني بتكون زول بلا اخلاق
فو استوب(مع التكرار في الوقت المناسب)
---------------------
اها الكلام ده تاني ليك انت:
Quote: ولو عملا
مع إحترامي ليه مابخليهو لو بقى الباقر العفيف زاتو .. |
خلي قيقراوي والباقر:
انا ده بتهمك..........
وتاني لو كررتو بتهمك
هو شنو قيقراوي قال او ما قال..
قيقراوي قال بوضوح انو البقدم تهمة زي دي من غير مستند ببقى بقذف الناس بالباطل وما عندو اخلاق
انت نقلت التهمة وطالبتنا بي رد.. قلنا ليك وين المستند كررتها تاني من غير مستند
تبقى شنو يا اخوي
تبقى بتقذف الناس بالباطل..
(إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ (15) وَلَوْلَا إِذْ سَمِعْتُمُوهُ قُلْتُمْ مَا يَكُونُ لَنَا أَنْ نَتَكَلَّمَ بِهَذَا سُبْحَانَكَ هَذَا بُهْتَانٌ عَظِيمٌ (16) يَعِظُكُمَ اللَّهُ أَنْ تَعُودُوا لِمِثْلِهِ أَبَدًا إِنْ كُنْتُمْ مُؤْمِنِينَ )
أو عود لمثله وخت نفسك في المكان البعجبك
---------------
Quote: المداخلات الأخيرة لقصي بهذا البوست لا يمكن أن تكون إلا لقصي.
إذ لم تعد متقعرة؛ متكلفة؛ متعسمة؛ و ثقيلة الدم. |
:) :) :) :)
:) :) :) :)
:) :) :) :)
:) :) :) :)
طيب ما انت قاعد أهو.. أمال خالي الناس دي تأول مالها
ههههههههههههههههههههههههههههه
في زول عندو وصية ليك أرفع سماعتك
| |
|
|
|
|
|
|
|
|
|
Re: ليت قومي يعلمون.. وايضا المركز (Re: قصي مجدي سليم)
|
Quote: يا كمال علي الزين يا صديق
محمد علي محسي ( نبي ) من انبياء مهنة المحاسبة في السودان.
و تقريرو دا يسد باب اي قيل و قال ما مؤسس .. بس الميزانية تقرا كتقرير مؤرخ بمدته المذكورة، وفق المعايير المعتمدة.
دا رأي مهني محايد يغني الجمعية العمومية من رهق ارقام و مستندات ما فارزين ليها شئ ( " الوصاية " مفهوم مركزي في علم/مهنة المحاسبة بالمناسبة )
و لان الميزانية تقرير خارجي، سنوي .. و النطاق بختلف ..
اعتقد انو - تقرير المراجع الخارجي - ما ح يجاوب على سؤال ( دولار/جنية ) دا بشكل مباشر .. يبقى العندو مستندات و حيثيات ليو يتقدم خطوة، او ليصمت الى الابد. التشكيك في الذمم المالية بدون مستندات قذف بباطل و عمل لا اخلاقي.
من ضمن الاصلاحات المزمعة اعتقد انو الجمعية العمومية للمركز حقو تمشي في اتجاه " الحوكمة " و تشكل لجنة مراجعة داخلية - و دي لجنة مستقلة، تقاريرها ح تكون مباشرة الى مجلس الادارة او من في حكمه ( التنفيذية كما اعتقد في السياق دا ) - تضطلع بمهام المراجعة الداخلية، و الرقابة على التقارير المالية، و عمليات التقرير المالي.
Gegarawi |
قيقراوي سلامات و سعيدة بكتابتك في موضوع مهم زي ده، و كنت اتمني انه شذا لاهمية الموضوع تواصل كتابه فيه و تمارس حقها في الامتناع عن الكتابة في البورد لاحقا او انتقائيا، و لو من باب الضرورات تلغي الاتفاقات. و ان اختلفت الطرق ربنا يوفقكم في مسعاكم في تحسين سودانيز
كلامك الفوق ده حسب معلوماتي لا غبار عليه، و لكن حسب قرايتي فيه تناقض يسهل للقاريء الغير متخصص، بل و بعض المتخصصين الالتباس، و احتمال قراية قصي لكلامك كانت متاثرة بالتناقض ده. الكلام ده ليس دفاعا عن قصي يا كمال و لاني ما شفت ما كتبه بهذا الخصوص و لكن حال ما توفر الوقت ساراجع ما كتبت، السطرين ديل من باب المياسرة و محاولة توفير حسن النية في نقاشكم البقي صعب ده و صلحني يا قيقراوي في حكاية انه استنطق كلامك ده، لو غلطت
التناقض حسب قرايتي،انه اول كلامك يا قيقراوي يقرا و كانك تقول لكمال بما انه المراجع الخارجي قال الحاجات تمام، فده بيلغي اي تشككات في ذمة المركز (بما فيها قصة الخمسية جنية و دولار دي)، و لكن في نهاية كلامك و المكتوب بدقة مثيرة للاعجاب وضحت فيه محدودية المراجع الخارجي و ضرورة اللجوء لنظام الحوكمة و المراجعة الداخلية كوسائل مساعدة حتي للمراجع الخارجي، اضافتك الاخيرة دي ممكن تقرا كالاتي، مافي اي مشاكل فساد مالية و الضمان تقرير المراجع الخارجي، و لكن في المستقبل يستحسن ان يكون في نظم حوكمة و مراجعة داخلية.
عشان كده انا ما عندي مشكلة في قراية قصي لكلامك ولا قراية كمال لكلامك في الحدود دي.
باختصار، دور المراجع الخارجي محدود في كشف التلاعبات، وكلام القيل و القال و بالرغم من خطورته الا انه مرات فيه النواة لكشف التلاعبات، و لكن بيعتمد علي كيفية القيل و القال و الهدف منها شنو
و تاكيدا للكلام ده، دي سلايد فيها نتيجة مسح كبير عملته احدي اكبر اربعة شركات المراجعة في العالم توضح محدودية المراجع الخارجي في كشف الفساد و التلاعبات، و يؤكد دور نظم الحوكمة و المراجعة الداخلية في المقام الاول، بل و دور العاملين في كشف الفساد (قارن نسبة اكتشاف المراجع الخارجي = اربعة في المائة فقط، مقارنة باكتشاف التلاعبات بواسطة العاملين58% و هي نسبة كبيرة جدا) عشان كده الواحد ما يستهون بالشفاهة. في معظم الشركات و المؤسسات الان و الجهات الحكومية في ما يعرف بالخط الساخن و هو خط سري هدفه ليس اشانة السمعة و لكن تشجيع الموظف الغلبان و الغير مسنود انه يبلغ عن اخطاء لو شافها، و اهو برضه يتحسب من باب القيل و لكن بعد كده التحقيقات تبدا ومن غير اشانة سمعة الا ان يتاكد زعم المبلغ، حتي ENRON بدات بتشككات و من غير اثباتات ببلاغ من شارون واتكنز و غيرها الكثير الكثير، و التحقيقات اثبتت لاحقا انها كانت علي حق في شكوكها، و انرون مراجعها الخارجي كان من احسن شركات المراجعة العالمية و طيلة الاثني عشر سنة السابقة لوقوعها كانت مليئة فساد و تقارير المراجع الخارجي لم تكشفه، ليه؟ ده موضوع تاني، لكن الكلام انه تقرير المراجع الخارجي محدود, ولكن ده لا يعطي الحق لاي شخص في ان يلقي باتهامات و من غير ادلة.
كلام المحاسبية ده، ياريت لو تم نقاشة في بوست مختلف و كنت اتمني انه الناس تواصل في باب مقترحات التحسين
ــــــــــــــــــ
يا اخت مني، دي لو ارقام تلفونات حقيقية للاشخاص ديل، ياريت تمسحيها من مداخلتك، الا اذا تمت موافقتهم علي انزال بياناتهم بالطريقة دي!
يا اخ طلعت و انا في زحمتي دي، لحقت قريت ليك كلام عن الاستنارة والامية وعلاقتهم بالشفاهة، لمن اتحيرت، لكن ساقراه علي مهل تاني عشان افهم!
| |
|
|
|
|
|
|
|
|
 Re: ليت قومي يعلمون.. وايضا المركز (Re: قصي مجدي سليم)
|
Quote: انا بقول ليك منى كذابة.. ولو جيت ساعدتني في تحميل الفيديو البحمل ليهو 12 ساعة ده بثبت ليك انها كذابة
ولو طال الزمن ولا قصّر بثبت كذبها من البوست ده
لكن دحين مع ناس بحولوا الأعوج عديل نعمل شنو؟؟ |
مش أنا قلتا ليكم شكلكم دافنوا سوا ؟
لا إثباتك لكذب منى البحمل ليهو من الإسبوع الفات جا
ولا الإثبات الخمسميات جا ..
):
المداخلة دي ياقصي عشان أعرف عملتوا لينا شنو في موضوع الفيديو ؟
______________________________
خالد بحر :
عملتا لينا شنو في موضوع الإثبات ؟
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
| Quote: انت يا (.......) وانت بتكتب عارف انو انا من مدني!! |
هذه العبارة ليست لك.. ولا دخل لك بها...
هي عبارة واقعة بين فاصلتين.. وزولها المقصود بيها فهمها..
كلامي معاك أنتهى من ما ختيت ليك الأصفار..
وبعد كده كانت ردودي عامة.. للبفهم وللما بفهم.. وبعدين العبارة سيدها فاهمها وعارف انو ما فيها تهديد بقدر ما فيها مؤانسة ليهو..
يا كمال.. هو انت الكلام العديييييييل ما بتفهمو
كمان عاوزني اتكلم معاك بالتلاويح!!!
لا بتريح.. لا بتستريح
--------------------------
اها الكلام ال ليك انت ده:
اولا كلام قيقراوي الكتبو ما غير حاجة.. ولو سحب شهادتو كلو كلو ما بتغير حاجة
الحاجة كالآتي.. خالد بحر كمال الزين محمد سليمان منى التجاني هالة عبدالحليم الجن الاحمر الطيارة الشيطان
أي زول عندو مستند يقدموا
او يسكت
او يتكلم زي ما اخلاقو بتقول ليهو
دي نهاية الموضوع وكل ما تتكلم بكرر ليك الكلام ده في وشك
انت زول بلا اخلاق لأنك بتكرر في الموضوع
خالد بلا اخلاق لانو قالو من غير مستند وما عندو مستند ولا بقدر يجيبو
قيقراوي كان قال كده او ما قال
انت لو كررت الكلام ده تاني بتكون زول بلا اخلاق
فو استوب(مع التكرار في الوقت المناسب)
---------------------
اها الكلام ده تاني ليك انت:
Quote: ولو عملا
مع إحترامي ليه مابخليهو لو بقى الباقر العفيف زاتو .. |
خلي قيقراوي والباقر:
انا ده بتهمك..........
وتاني لو كررتو بتهمك
هو شنو قيقراوي قال او ما قال..
قيقراوي قال بوضوح انو البقدم تهمة زي دي من غير مستند ببقى بقذف الناس بالباطل وما عندو اخلاق
انت نقلت التهمة وطالبتنا بي رد.. قلنا ليك وين المستند كررتها تاني من غير مستند
تبقى شنو يا اخوي
تبقى بتقذف الناس بالباطل..
(إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ (15) وَلَوْلَا إِذْ سَمِعْتُمُوهُ قُلْتُمْ مَا يَكُونُ لَنَا أَنْ نَتَكَلَّمَ بِهَذَا سُبْحَانَكَ هَذَا بُهْتَانٌ عَظِيمٌ (16) يَعِظُكُمَ اللَّهُ أَنْ تَعُودُوا لِمِثْلِهِ أَبَدًا إِنْ كُنْتُمْ مُؤْمِنِينَ )
أو عود لمثله وخت نفسك في المكان البعجبك
---------------
| Quote: المداخلات الأخيرة لقصي بهذا البوست لا يمكن أن تكون إلا لقصي. |
:) :) :) :)
:) :) :) :)
:) :) :) :)
:) :) :) :)
طيب ما انت قاعد أهو.. أمال خالي الناس دي تأول مالها
ههههههههههههههههههههههههههههه
في زول عندو وصية ليك أرفع سماعتك
| |
|
|
|
|
|
|
|
|
|
Re: ليت قومي يعلمون.. وايضا المركز (Re: قصي مجدي سليم)
|
Quote: هذه العبارة ليست لك.. ولا دخل لك بها...
هي عبارة واقعة بين فاصلتين.. وزولها المقصود بيها فهمها.. |
الحمد لله على براءتي من تهمة مدني ..
أما المقصود بالإبتزاز فبالله إبتزاهو بوضوح أكتر عشان مايكون الإتهام المدناوي ده شامل لي ناس
مدني كلهم ويتحسسوا ..
):
Quote: خلي قيقراوي والباقر:
انا ده بتهمك..........
وتاني لو كررتو بتهمك
هو شنو قيقراوي قال او ما قال..
قيقراوي قال بوضوح انو البقدم تهمة زي دي من غير مستند ببقى بقذف الناس بالباطل وما عندو اخلاق
انت نقلت التهمة وطالبتنا بي رد.. قلنا ليك وين المستند كررتها تاني من غير مستند
تبقى شنو يا اخوي
تبقى بتقذف الناس بالباطل..
(إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ (15) وَلَوْلَا إِذْ سَمِعْتُمُوهُ قُلْتُمْ مَا يَكُونُ لَنَا أَنْ نَتَكَلَّمَ بِهَذَا سُبْحَانَكَ هَذَا بُهْتَانٌ عَظِيمٌ (16) يَعِظُكُمَ اللَّهُ أَنْ تَعُودُوا لِمِثْلِهِ أَبَدًا إِنْ كُنْتُمْ مُؤْمِنِينَ )
أو عود لمثله وخت نفسك في المكان البعجبك
|
طيب أولاً إنتا مابهمني حكمك على أخلاقي لأنو علاقتك بالأخلاق ذي علاقتي أنا ده بالطب ..
مايهمني أنني أكتفيت من توضيح قيقراوي الشايفك ذي ما أتوقعتا ما هببتو بإي إعتذار ..
طيب ياخ خالد بحر ده إتهمكم إتهام صريح ..
وكمال الزين لاحقكم من أجل توضيح بقى أندر من أسنان الدجاج ..
فياخي ليه إنتو بتدوا الناس فرصة فيكم , خالد ماجاب مستند ؟ وكمال بلاحقكم بناءً على كلام خالد الماعندو مستند ؟
أنا لو في حتتكم بعمل ذي عادل إمام: وبقول نحن نروح الإسم (القسم ) يعني ..
وبمشي برفع قضية في خالد بحر ..
وبناءً عليها برفع قضية في كمال الزين الإستند على كلام خالد بحر وعاوز يفقع مرارتنا ده ..
ده إجراء طبيعي بعملوا أي زول إتهم في شرفوا زوراً ذي ما إتهمتوا أسي .. صح ؟
أما باقي كلامك فبندق في بحر ..
__________________________________________________
ياصلاح البندر وسارة منصور :
إتضح إنو إنتو لا بواكي لكم بس والله ..
عمايلكم اللي الناس نابحنكم بيها أها طلعت عادية ومافيها حاجة
وبتصدر من ناس مستنيرين وعندهم أخلاق قال ..
):
مد رجليك ياصلاح البندر ..
ومدي رجليك ياسارة منصور ...
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
| Quote: يا اخ طلعت و انا في زحمتي دي، لحقت قريت ليك كلام عن الاستنارة والامية وعلاقتهم بالشفاهة، لمن اتحيرت، لكن ساقراه علي مهل تاني عشان افهم! |
الاخت رحاب
شكرا على الاهتمام والتعليق
معليش الرجاء قراءته مرة اخرى كما اننى سوف اعود من اجل توضيح اكثر بين الثقافة الشفاهية والموثقة وعلاقتهما بالمعرفة وعلاقتهما بالحداثة والمعرفة سلبا وايجابا لان الكلام ده مهم ويعد قلب ما عرف بتفكيكات دريدا لاهميتها الفائقة على الاعتبار انه حاول تخطى الحداثة ونقدها دون القفز فوق ثقافتها، بل من خلال استخدام لغتها نفسهاوهو شىء ذو فائدة عظيمة اتاح لنا رؤية الخداع الذى تمارسه الثقافة الشفوية على موضوع المعرفة وضوروة اتباع التوثيق والكتابة فى التداول، وهو شىء يمكن الاستفادة منه فى تطوير العمل السياسى فى السودان وحل بعض الاشكالات العالقة ..
سوف اعود للتوضيح حالما اجد الوقت المناسب
| |
|
|
|
|
|
|
|
|
|
Re: ليت قومي يعلمون.. وايضا المركز (Re: طلعت الطيب)
|
كلما انظر الى مآل هذا البوست والمناحي التى ذهب اليها اتذكر حال من يتكىء على صخرة تتدحرج
وطبعا كمال الزين ومنى وقصى فعلوا جهدهم ليكون التدحرج نحو الهاوية...
يجب ان أقول -الهاوية التى لا يرونها هاوية- حتى وهم في منتصف الطريق ألى قاعها
المهم:
- القصد من هذا البوست مناقشة بعض ما أثير حول مركز الخاتم عدلان والتركيز على المخارج الاصلاحية
- اى تهم بالفساد لم ترفق بدلائلها لا يمكن الارتكان اليها في مثل هذا النقاش بل هي تذهب مذهب القذف وعدم الموضوعية و(تشتيت الكورة)
- شايفة محاولة التشكيك في مؤهلات الباقر الوظيفية ماخدة وكت منى (التى تفترض انه ضحى بوظيفة لم يحصل عليها) وكمال (الذي ادرج قصة الجزيرة) رغم انو نقاش الموضوع من ناحيتو دى مافيهو اى فايدة للطرح..فالباقر االذي لم تستخدمه قناة الجزيرة (بافتراض انو روايتك صاح يا كمال) تم توظيفه من قبل منظمة العفو الدولية ومعهد السلام قبل كدة عشان كدة المنطق دة مضحود من ذات نفسه
وقصة الوظيفة التى لا يمكن الحصول عليها دي (أستغرقت منى التجاني عشرين سطرا لتوضيحها) لا تُقبل مقارنة بسيرة رجل يحمل فيما يحمل من درجات درجة الاستاذية..دة ردحى ساكت يا منى وغير مفيد للنقاش
قصى بصراحة علق لك طرف بناتىء هذه الصخرة المتدحرجة وجرتك معاها الى أسفل سافلين..ما كان في داعي تسيء لمنى أساءاتك المركبة والمدبلة دي ياخى..خليكم شوية معقولين في اختلافكم دة
ويا طلعت شعبت النقاش تشعب غير مفيد في نظري
انا معاك في ضرورة اتساق المواقف والزول البكون ما مؤسسي فى الحركة لا يجب ان تعلو عقيرته بالغناء للمؤسسية
لكن اطنابك في اقحام شئون حق في هذا البوست لم يفيد النقاش في ظني
بقية المتأسفين على حال الأستنارة..احنا قلنا دة مشروع لأنتصارها..ولمعالجة التجريب الذي يفعله المستنيرون
البلد دي حديثة عهد بمشاريع الاستنارة..ومركز الخاتم تجربة جديدة وكبيرة وضلعنا -نحنا بعض المشاركين في هذا البوست- فى جانب من جوانب نجاحها
وفشلها أيضا...
ومن المفيد نقاش مثل هذه الامور -مهما كانت قسوة هذا النقاش-بس بنوايا الاصلاح وليس التشفى
رحاب وقيقراوى..بتمنى تواصلو فى النقاش بتاع المحاسبية دة لانو مفيد..حتى بالنسبة لى انا وجزو كبير منو اول مرة اسمع بيهو
منى بتمنى تسمعى كلام رحاب دة وتمسحى الارقام..لانو فيها تعدي على خصوصية اصحابا ما لم يدوكى الأذن
______________
رجعني للكتابة انفقاع ما لدي من مرارة
| |
|
|
|
|
|
|
|
|
 Re: ليت قومي يعلمون.. وايضا المركز (Re: طلعت الطيب)
|
Quote: يا كمال.. هو انت الكلام العديييييييل ما بتفهمو
كمان عاوزني اتكلم معاك بالتلاويح!!!
لا بتريح.. لا بتستريح
|
_
أما قيقراوي لو كوّت ليهو بتضايق ساي!!
بالمناسبة يا قصي يا عمكـ
الأساس في الموضوع دا إنو صاحب الاتهام يجيب إثباتاتو وأدلتو
هنا ـ في أرض سودانيز أون لاين ـ المتهم مسؤول عن الإثباتات!!
| |
|
|
|
|
|
|
|
|
 Re: ليت قومي يعلمون.. وايضا المركز (Re: أيزابيلا)
|
تردد ّّّودالصائم على هذا البوست, انتصار آخر للرماديه التى هى فيه مثل اليقين !
لكن يا صديقى ما تفرح سااااى .. قلت فى سري
فمحاولات انتاج الخصوبه لن تنتهى عند هذا الحمل الكاذب .. إستطردت !
| |
|
|
|
|
|
|
|
|
|
Re: ليت قومي يعلمون.. وايضا المركز (Re: أيزابيلا)
|
العزيزة د. رحاب
سلامات ياخ
Quote:
التناقض حسب قرايتي،انه اول كلامك يا قيقراوي يقرا و كانك تقول لكمال بما انه المراجع الخارجي قال الحاجات تمام، فده بيلغي اي تشككات في ذمة المركز (بما فيها قصة الخمسية جنية و دولار دي)، و لكن في نهاية كلامك و المكتوب بدقة مثيرة للاعجاب وضحت فيه محدودية المراجع الخارجي و ضرورة اللجوء لنظام الحوكمة و المراجعة الداخلية كوسائل مساعدة حتي للمراجع الخارجي، اضافتك الاخيرة دي ممكن تقرا كالاتي، مافي اي مشاكل فساد مالية و الضمان تقرير المراجع الخارجي، و لكن في المستقبل يستحسن ان يكون في نظم حوكمة و مراجعة داخلية.
|
بخصوص الاحمر:
من حق البقرأ يقرأ كما يتراء له ..
لكن كمان من حق الكتب يبين ما كتب .. و لّ شنو؟
ان ختيت النص دا ( يبو انو هو البنطبق عليو وصفك دا [ و لكن في نهاية كلامك و المكتوب بدقة مثيرة للاعجاب ] :
Quote: و لان الميزانية تقرير خارجي، سنوي .. و النطاق بختلف ..
اعتقد انو - تقرير المراجع الخارجي - ما ح يجاوب على سؤال ( دولار/جنية ) دا بشكل مباشر .. يبقى العندو مستندات و حيثيات ليو يتقدم خطوة، او ليصمت الى الابد. التشكيك في الذمم المالية بدون مستندات قذف بباطل و عمل لا اخلاقي.
|
اسنهلالو كان شنو؟
و ما قولكم في الجملة دي [ ما ح يجاوب على سؤال ( دولار/جنية ) دا بشكل مباشر ] !؟
اخيراً :
انا ما عندي مشكلة في انو اي زول يقرأ بي طريقتو - هنا للاسف مفهووم الوصاية ما شغال - و لست عليهم بمسيطر .. انا اعترضت في حقي فقط لا غير انو ما يقولوني، لاني لم أقل، و لن، و لا يبنبغي لي (بدون حيثيات كافية ) و إن فعلت عارون علي ذميم، لأني بكون وقعت تحت دائرة ( الفعل ) - بالله ركزوا لي على فعل دي - الانا وصفتو بانو ( عمل لا اخلاقي ) ابداً ما عيّنت ( فاعل ) ما .. و يا حبيبنا قصي واحد من تكنيكاتنا المتعارف عليها في سودانيز دي " تطير الطواقي " ممكن تعتبرا طاقية فري سايز طايرة في الواء البلقاها مقاسو ان شاء الله يقطعا بعرق العافية ( حتى اسأل ود البشرى دا .. هو الجاب التكنيك دا )
يا قصي في حتة انو ما المني ( ذكر زوجتك الكريمة بواسطة استاذة منى ) :
يا قصي بس الاستاذة منى لم تتعرض لها بسوء او اتهام كبير!
الحتة الوحيدة الادهشتني في القصة دي - ادهشتني بس - كيف جرؤت على تعريف زميلة ليها بزوجها!؟
دي حاجة بتدهش و لّ لا؟ .. بس عشان كدا اكتفيت بالدهشة .. باقي الحاجات ما عارفاو حسبتها في ي اطار الخلاف العادي.
نحن بنتكلم عن ( مركز استنارة و تنمية بشرية ) مش؟
بس .... ( بفتح الباء )
هكذا نحنو نحكمون.. انتو كيف؟
تحياتي و احترامي للجميع
------
لوووووووول
مصرين تطلعونا بلا اخلاق يعني
كدا ما احرجتونا كلو كلو مع العرايض الطايرة دي ياخ!
يا دكتورة رحاب يا صديقة لو حابة نواصل ما عندي مشكلة لكن خليو في مكان تاني مش بوست تاني
اتفقنا؟
تحياتي و مشتاقين و الله
| |
|
|
|
|
|
|
|
|
|
Re: ليت قومي يعلمون.. وايضا المركز (Re: قيقراوي)
|
يا ود المشرف شقاوة حال قيقراوي جاية من كونو لازم يدخل و يكتب بعد تناول قصي و كمال لمداخلته المرسلة كل من زاوية مختلفة
فكان لزام على قيقرا الدخول و توضيح موقفه رغم توقفه عن المشاركة
يا كمال يا عزيزي منطق انا اتهمك في ذمتك وفي شرفك و في اخلاقك و انت عليك ان تثبت النفي أو تمشي المحكمة هرانا و طلّع روحنا في سودانيز اونلاين
القاعدة الفقهية ببساطة بتقول اليمين على من أنكر ما قالوا ليه جيب بينة او امش لأمير المؤمنين الياخد حقك, البينة على المدعي
و البينة هنا اظنها هينة
الموظف الموقع على ايصال بخمسمية دولار غالبا ما يكون عندو عضوية هنا اليجي ينزل الايصال و كلمته تكفي كبينة لغاية ما يتم تفنيدها
ثم هو من الأول رضى يوقع ليه؟
| |
|
|
|
|
|
|
|
|
|
Re: ليت قومي يعلمون.. وايضا المركز (Re: Yassir Tayfour)
|
Quote: ويا طلعت شعبت النقاش تشعب غير مفيد في نظري
انا معاك في ضرورة اتساق المواقف والزول البكون ما مؤسسي فى الحركة لا يجب ان تعلو عقيرته بالغناء للمؤسسية
لكن اطنابك في اقحام شئون حق في هذا البوست لم يفيد النقاش في ظني |
وجهة نظر برضوا، لكن لو نظرنا الى الموضوع من منظار اخر فان (الاقحام الخلاف بين نفس المجموعتين داخل حق) قد يفيد القارىء المتابع فى الاطلاع على ظلال جديدة فى الصورة تساعد على رؤيتها ككل وليس كأجزاء وتفاصيل مبعثرة ...يعنى ممكن يقدر يشوف ال big picture
لشخصك ولقرائك وقارئاتك التحاياوالتقدير
| |
|
|
|
|
|
|
|
|
|
Re: ليت قومي يعلمون.. وايضا المركز (Re: طلعت الطيب)
|
محمد البشري سلامات ..
Quote: يا ود المشرف شقاوة حال قيقراوي جاية من كونو لازم يدخل و يكتب بعد تناول قصي و كمال لمداخلته المرسلة كل من زاوية مختلفة
فكان لزام على قيقرا الدخول و توضيح موقفه رغم توقفه عن المشاركة
|
ده بالتحديد ما كنت أعنيه ومفهوم جدا بالنسبه لى يا عزيزي .. فى الواقع نتابع ما يجرى وتستبد بنا شهوة الوجود والمشاركه.. فقمت لقيت لى فرقه فى مداخلة أخوى قيقراوى وقلت اشارك و.. شاركت
هذا ما حدث ..
وليحفظ الله اخونا قيقراوى فى الحضور والمقاطعه ..
محمد حيدر ..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: محمد عبد الماجد الصايم)
|
Quote: أول نزلة لي السودان حا أمشي أفتح بلاغ فيهو بحجة إنو إتهم ناس أبرياء وخلاني ألاحقهم بناءً على
إتهامو ده , رغم إنهم عاملين رايحين منو , لكن أنا مابخليهو وأنا نازل السودان قريب ولو ما عاملتها
وجيت نزلتا ليك صورة بلاغي في خالد بحر ده وبقى عدوي الأول لحدي ما آخد حق الناس الأبرياء ديل
ساعتها إنتا زاتك أخد مني موقف أخلاقي ولاحقني لحدي ما أدبج ليهم إعتذار محترم وأترجاهم يقبلوا إعتذاري كمان ؟ |
الجابرك شنو....
منتهى الانصرافية يا كمال
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
Quote: الجابرني إني ما مستنير باقري وبعتقد إنو من الإمانة وحسن الأخلاق
أن يعاقب خالد بحر ويعاقب كمال الزين الذي لاحقكم بإتهامه فلابد لأحد ما أن يتحمل
مسئؤلية مايحدث , يعني مشروعك الإصلاحي مقدر ومطلوب , لكن نحن بشر وإن لم تكن لأعمالنا دية
وعقاب لفسدت الأرض ذي ما فسد مركزكم ده لغياب المحاسبة .
وقيل قديماً (الدية عند الكرام الإعتذار) ..
يعني لو جا خالد بحر ده إعتذر هنا بشكل واضح عن فعلته أنا شخصياً بتجاوز أمر ملاحقته هنا وهناك
وملتزم بإعتذر ليكم كلكم مع رجاء مشدد بمسامحتي وغفران ملاحقتي وبمشي أبوس رأسكم واحد واحد
(بإستثناء قصي بتاع مدني ده عشان مايفهمني غلط )
):
أما غير ذلك فلو أن خالد بحر ده زوغ وقال لا مافي كلام ذي ده , مابلزمني وبعتبروا زول ماعندو أخلاق ولا ذمة وزول ما محترم والتيار المعاهو كلو حا أختو في نفس (القفة) وعلى رأسهم محمد سليمانكم العاملني بجاملوا وعاوز أرضيهو كسر ركبة ده ..
وهو أسي لو بقرأ يسمعني :
لو الإتهامات دي طلعت ماصحيحة والباقر عندو حق, بجيك أنا ده يامحمد سليمان وبكتب ليك هنا :
إنك زول ماعندك أخلاق ولا ضمير ولا ذمة وحا أقيف ليك في وشك هنا في الدوحة دي وأسمعك الكلام
ده في وشك .
الإنصرافية هي ماتحاولون إنتم ياشذا جرنا إليه بعيداً عن القضايا الأساسية وأنا بعتقد إنو
صلاح حال البلد يبدأ من صلاح حال المستنيرين والمعارضين مش يكون برنامج المستنيرين والمعارضين
وما يسمون بالناشطين هو فساد السلطة وهم أضل سبيلا .
لا يمكن لفاسد أن يصلح ..
ولا يمكن لفاسد أن يقتلع سلطة فاسدة ..
لذلك أنا الموضوع بالنسبة لي بعيداً عن الشخصنة والشخصيات هو موقف أخلاقي , ولو وقفناه كلنا
مافي زول تاني حا يجي يطرح نفسه مناضل ولا مستنير ولا معارض ويكذب علينا بدم بارد ونحنا نصفق
ليه ونشبكوا :
يارائع وياشفيف وياجسور وغيرها من الألفاظ السوقناهم بيها كلنا ..
يجب قطع ألسنة المرجفين الذين يتهمون المستنيرين بالباطل وإثبات نزاهة تيار الإستنارة من تهم
الفساد أولاً , لكي نتحدث بعدها عن فساد النظام .
قطع الألسن البتناوشكم ده إنتو شايفنو إنصرافية ..
وأنا شايفو موقف مبدئي ..
فلذلك خليكم في قضاياكم الملحة المتعلقة بالحداثة وخطر اليسار الشمولي وتأثير عوادم السيارات
على طبقة الأوزن وأثرها في إنضاج طبيخ السرة بت التوم ..
خلوني أنا الإنصرافي ده أتصرف ليكم مع خالد ومحمد سليمان وهالة ومنى وأي زول ممكن يتهمكم زوراً
ومحمد سليمان الإتهمتوني بي مجاملتو وإرضاؤا تحديداً دا , حا أسكوا ليكم لما يقول بس وكان عندو حاجة علي
خلي يجي يهددني بيها ويبتزني بيها ذي (قصة مدني) دي ويخليني أجر واطي ويقول لي ياكمال إنتا زول ماعندك أخلاق
وأنا كنتا مستخدمك ..وبس .
______________________________________
خالد بحر ..
من هنا ولي قدام إنتا هدفي الوحيد -فإما الإثبات أو الإعتذار أو التمنة |
lفهم من مداخلتك دى انك جاي تلاحق خالد بحر فى بوستينى دة؟
يا كمال!!
| |
|
|
|
|
|
|
|
|
|
Re: ليت قومي يعلمون.. وايضا المركز (Re: أيزابيلا)
|
Quote: lفهم من مداخلتك دى انك جاي تلاحق خالد بحر فى بوستينى دة؟
يا كمال!! |
لا طبعاً ياشذا .. البوست بتاعك غرضوا الإصلاح مش الملاحقة والمحاسبة ..
):
بالمناسبة : أنا في معلومة غلط كتبتها فوق بعتذر عنها وهي أن الباقر كان مرشحاً
لشغل منصب مدير مركز الجزيرة للدراسات والصحيح أنه كان مرشحاً لمنصب (باحث) بالمركز
وليس منصب المدير العام الذي يشغله الآن الأخ الدكتور / صلاح الزين ..
وهذا إعتذار مني وتصحيح ..
والسلام ..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
...قبل أن ندلف إلى الحديث عن الفساد الأخلاقى والإدارى والمالى الذى
ضرب أركان مركز الخاتم عدلان للإستنارة والتنمية البشرية(زعمآ) ملزم أنا
بتسطير إعتذار فخيم للسادة القراء والزملاء البورداب الذين تنكبوا عناء المشاركة
فى هذا البوست لتأخرى فى الرد على بعض التساؤلات التى طرحت هنا وهناك بغية فك شفرة
موضوع الفساد الأخلاقى والإدارى والمالى فى المركز مع توضيح بسيط مفاده أننا نتأفف عن الرد
على بعض الهتيفة من موظفى مركز الخاتم عدلان ونرتفع عن مجاراتهم فى الهذيانات التى أصابتهم
جراء تمليك الراى العام شئ قليل مما يحدث فى مركز الإستنارة هذا,,ولان البعض من أولئك الهتيفة فى
الأصل كفانا عناء الإجتهاد لكشف الارضيةالاخلاقية التى يستند عليها(فى خفة يحسد عليها) وظل كل مادلق حرفآ
عن المركز وباقره تنطبق عليه مقولة: تحدث لاعرفك..وقد عرفناه قبلآ وعرفه القراء الان وكفى....
...ثمة طرفة متداولة تحكى عن ان رجلآ إسمه الجرقندى يتدثر خلف كبرياء زائف ومصطنع أرهق به سكان قريته
وفى أحدى المرات خرج وهو فى كامل هندامه يرتدى جلابية ناصعة البياض ومركوب من جلد النمر
وملفحة وطاقية أنصارية تلامس قمم السماء...ولسوء حظه قابله قطاع طرق ونهبوا كل ملابسه وزينته تلك
ولم يتركوا له غير الطاقية الإنصارية الشاهقة الارتفاع تلك..فعاد الرجل إلى قريته وهو عارى تمامآ
من ملابسه(كما خلقته أمه) إلا من تلك الطاقية التى يضعها على راسه...عند مدخل القرية سأله سكان القرية
الحصل ليك شنو يا الجرقندى.....؟ قال لهم بذات الكبرياء المصطنع: والله لاقونى رباطة فى الطريق...لكن على
الطلاق لو كان هبشو طاقيتى دى كان دقسوا معاى.....!فتاملوا...؟
الخلاصة من هذه الطرفة أنها تلامس جوهر موضوعنا عن الحديث عن فساد الباقر عفيف ففى الوقت الذى قلنا فيه
غير مرة أن الباقر عفيف فاسد أخلاقيأ لأنه يتستر على مدحت عفيفى الموظف فى مركز الخاتم عدلان والذى قام بسلوك إجرامى يتمثل فى إنتهاك الحيز الشخصى لهالة عبد الحليم بل وتجاوز مرحلة التستر لمرحلة الدفاع المستميت عن ذلك السلوك وقال انه سلوك رجولى...وأتبعنا ذلك بحديث عن فساد الباقر عفيف الإدارى المتمثل فى المحسوبية التى جعلته يضرب بقيم الشفافية عرض الحائط ويعين فى مركزه ذاك(مركز الخاتم) ثلاثة من أقاربه
هم شقيقه(خلف الله) و إبن خالته(الشاذلى) واخت زوجة اخيه(منى)...ومن بعد ذلك تحدثنا عن فساده المالى المتمتثل فى ما نقله لنا أحد موظفى المركز عن ان الباقر كان يجعله يوقع على أوراق مالية تفيد بأنه إستلم
مبلغ 500 دولار فى حين أنه يستلم 500 جنيه سودانى ..قبل العودة لموضوع 500 دولار التى إستحالت بقدرة قادر إلى 500 جنيه دعونا نطرح سؤال هل هذه النماذج التى طرحناها هنا عن محسوبية الباقر ودفاعه عن مدحت عفيفى تحتاج لوثائق....؟ وهل يستطيع كل هتيفة هذا المركز فى هذا البوست وغيره نفى محسوبية الباقر....؟ يعنى هل سيقول لنا موظفى المركز فى هذا المنبر ان المعلومات التى ذكرتها بخصوص تعيين الباقر لأهله معلومات كاذبة ولا أساس لها من الصحة....؟ننتظر ذلك....
| |
|
|
|
|
|
|
|
|
|
Re: ليت قومي يعلمون.. وايضا المركز (Re: خالد خليل محمد بحر)
|
خالد بحر
ازيك ياخ
Quote:
ومن بعد ذلك تحدثنا عن فساده المالى المتمتثل فى ما نقله لنا أحد موظفى المركز عن ان الباقر كان يجعله يوقع على أوراق مالية تفيد بأنه إستلم
مبلغ 500 دولار فى حين أنه يستلم 500 جنيه سودانى ..قبل العودة لموضوع 500 دولار التى إستحالت بقدرة قادر إلى 500 جنيه دعونا نطرح سؤال هل هذه النماذج التى طرحناها هنا عن محسوبية الباقر ودفاعه عن مدحت عفيفى تحتاج لوثائق....؟
|
!!؟؟
يا حبيب اي ادعاء بحتاج بينة يقيف عليها .. و دي مهمة المدعي
ما يهمني من كل القصة دي كلها :
بتقدر تثبت موضوع ( دولار= جنية) دا و لّ ح تستمر تكررو كدا ساي بس!؟
و انتبه بالله عليك
بعد ساربنيس - اوكسلي آكت 2002م، مسئولية الادارة لم تعد مدنية، اتحولت لجنائية رسمي ي ي ..
يعني بلغة بتلبس الاساور الميري .. شفت كيف؟
باقي ليك دا موضوع نأجلو لمن تتموا الكلام عن [ المحسوبية ] و [ ودفاعه عن مدحت عفيفى ]!!؟
دا كلام دا يا اخوانا!؟
| |
|
|
|
|
|
|
|
|
|
Re: ليت قومي يعلمون.. وايضا المركز (Re: قيقراوي)
|
Quote: !!؟؟
يا حبيب اي ادعاء بحتاج بينة يقيف عليها .. و دي مهمة المدعي
ما يهمني من كل القصة دي كلها :
بتقدر تثبت موضوع ( دولار= جنية) دا و لّ ح تستمر تكررو كدا ساي بس!؟
و انتبه بالله عليك
بعد ساربنيس - اوكسلي آكت 2002م، مسئولية الادارة لم تعد مدنية، اتحولت لجنائية رسمي ي ي ..
يعني بلغة بتلبس الاساور الميري .. شفت كيف؟
باقي ليك دا موضوع نأجلو لمن تتموا الكلام عن [ المحسوبية ] و [ ودفاعه عن مدحت عفيفى ]!!؟
دا كلام دا يا اخوانا!؟ |
رغم أنني كنت سأبتعد عن البوست الإصلاحي هذا بناءً على رغبة صاحبته
التي كدت أن أفقع مرارتها , إلا أنني الآن أقول :
لافض فوك ياقيراوي ..
وإن لم يتقدم أصحاب الشأن لرفع قضية بمواجهة خالد بحر فأنا من سيفعل
فإما الإثبات ياخالد والإتيان بما يفيد وكشف ماعندك إن كان عندك شئ
أو الإعتذار ..
أو التمنة ..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: خالد خليل محمد بحر)
|
| Quote: قبل العودة لموضوع 500 دولار التى إستحالت بقدرة قادر إلى 500 جنيه دعونا........ |
دعونا؟؟؟
يا شييييييخ!!!
هسة أسمك مكرر فوق يجى خمسمية مرة -ما دولار- بخصوص الموضوع دة
وكمال الزين ناوي يفتح فيك بلاغ
والدنيا كلها منتظراك....
تجى تقول دعونا؟؟؟
ويا كمال
Quote: رغم أنني كنت سأبتعد عن البوست الإصلاحي هذا بناءً على رغبة صاحبته
التي كدت أن أفقع مرارته |
كدت؟؟ احي التفاؤل ياخى :)
مرارتى اتفقعت زمان يا صحبي...لكن كلو يهون لاجل الحقايق :)
______________
غايتو لو بحر ما اثبت موضوع ال 500 دولار دة يانى الساكاك يا كمال وفاقعة مرارتك بالبلاغ
ومحل ما القاك حاقول عملت البلاغ والا لا
واحتمال أبدل استنارتى الباقرية باستنارة كمال زينية أنصرافية وأقول ليك لو ما فتحت فيهو بلاغ
انا بفتح فيك بلاغ لانو اللب لب لب لب....
شفت الدغمسة دى هينة كيف؟.
البوست دة محتاج لتسونامى يرجعو للتراك بتاعو
ودي للجميع
| |
|
|
|
|
|
|
|
|
|
Re: ليت قومي يعلمون.. وايضا المركز (Re: أيزابيلا)
|
Quote:
البوست دة محتاج لتسونامى يرجعو للتراك بتاعو
|
نرجع البوست للتراك بتاعو زي ما طلبتي يا دكتوره بتسونامي كلامك ده:
> لم يكن هناك من نص يمنع مدير المركز من تحديد مرتبه ضمن منح ذات اهداف محددة
تتفق ورسالة المركز على ان هذا الوضع لا يخلو من خطا اداري -وهو غياب العقد الأساسي بين المركز والمدير>
هل كنتي تتوقعي يا دكتوره أن يكون هناك نص زي ده ؟ طيب سؤال : لو مافي نص يمنع السرقه.... فهل تصبح السرقه فعل صحيح وأخلاقي ؟
نعم مافي نص يمنع مديرمركز الخاتم من تحديد مرتبه، ولكن هناك قواعد وأسس وأخلاقيات وممارسات سليمة وغيره مما توصل إليه الناس خلال رحلة طويلة من التجارب تمنع صاحب المنصب من تحديد فوائد ومخصصات المنصب. بل، في الحقيقة، إنو الحكمة الشعبية الذائعه والفطرة السليمة البسيطة، دونما تقعر أو سفسطة، عكست الامر ده لما قالت "الفي إيدو القلم ما بكتب نفسو شقي"، وهي ذات الحكمة الشعبيةالذائعه برضو والفطرة السليمة البسيطة البتقول يادكتورة: "القلم ما بزيل بلم".
أن يقوم مدير مركز الخاتم عدلان للإستناره والتنميه البشريه بتحديد مرتبه دا اسمو تعارض و تضارب المصالح ... وبالتالي دي قضيه اخلاقيه في المقام الاول ...زي ما ذكر بعض المتداخلين هنا... وفي قوانين بعض الدول قد ترقي الي جريمه يعاقب عليها القانون .
وفي مكان يزعم ويتبني الإستناره يا دكتوره لا تكون هناك حاجه لنص يمنع تضارب المصالح لانو ده امر معلوم بالضروره .
وببقي السؤال انوإذا كان دعاة الإصلاح المؤسسي على قدر هـذا المستوى الذي لا يرى بأساً في قيام المدير بتحديد راتبه.. هـل نحتاج نحن إلى أن نلقي بالآ ونهتم لدعوتهم للاصلاح ، أم نحتاج الي إلقاءها في سلة المهملات ؟
| |
|
|
|
|
|
|
|
|
|
Re: ليت قومي يعلمون.. وايضا المركز (Re: أيزابيلا)
|
ثم انو يا دكتوره انتي دايره بوستيك يرجع للتراك بتاعو زي ما بتقولي ساكت كده ؟ ليه لما جيتي راجعه ليهو بعد التوقف ما ادنتي إساءة قصي لي؟
كل القدرتي عليه انك قلت ليهو ما كان في داعي لإساءتك لمني...
كان تسألي وتتحققي منو يا دكتوره ... مني مالها ؟
اتهمت بأكل اموال الناس بالباطل ؟ ولا جاءت لجمعية المركز العموميه من السجن ؟
البوست ده فشلتي في إدارتو وتحقيق غرضك منو لانو كان دورك فيهو دور علاقات عامه لا أكثر...
تحت راية أنصر أخاك ظالمآ أو مظلومآ
فمحولاتك المدعاه للاصلاح ( مدعاه لانو سبقك عليها آخرون سأرفق هنا بيانهم ) حتي وان كانت صادقه فهي عبثيه لان بيئة الفساد وعدم الشفافيه والمحاسبيه بمركز الخاتم موجوده وبتنمو وتزيد مع انبلاج كل صباح .
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
(*)
كتب الأخ / قصي ودمدني المرعب :
Quote: الادهى انو الفيديو بحمّل ليهو ساعة في سودانيز..
اها جايين لي كذب هناية التانية القالت شنو:
اسمع كويس يا ود الصايم وانتظر الفيديو.. ووحات شيخي الما بحلف بيهو كضاب المرة دي انزلو ولو وسطوا لي السيد الحسن ما ارجع من نزيلو..
|
Quote: اها في الفيديو حا تشوف الكان مسئول عن القوائم منو..
وحا تشوف التعديلات الدستورية ما مرت ليه
وحا تشوف انها ما كانت معترضة على اي حاجة
وحاتشوف انها كانت ماسكة الجو
وحاتشوف في الحلقات القادمة ليه عملت حملتها المزعوة دي
وحا تشوف كضبها في الجمعية العمومية
وحاتشوف اصدقاء اليوم القاموا ليك فيها وبستفوا كلامها
ده كلوا.. في تشاهد غدا.. واحتمال يحن علينا السيرفر وتشاهدو اليوم
وجاااااااي بي روااااقة..
نشوف منى كانت مسئولة من شنو.. وعملت شنو.. والحصل شنو |
Quote: انا بقول ليك منى كذابة.. ولو جيت ساعدتني في تحميل الفيديو البحمل ليهو 12 ساعة ده بثبت ليك انها كذابة
ولو طال الزمن ولا قصّر بثبت كذبها من البوست ده
لكن دحين مع ناس بحولوا الأعوج عديل نعمل شنو؟؟ |
مش أنا قلتا ليكم شكلكم دافننوا سوا ؟
لا إثباتك لكذب منى بالفيديو البحمل ليهو 12 ساعة من الإسبوع الفات جا
ولا الإثبات بتاع خالد بحر بتاع الخمسميات جا ..
):
المداخلة دي ياقصي عشان أعرف عملتوا لينا شنو في موضوع الفيديو الخلاك لحدي أسي حالف بي شيخك المابتحلف بيهو كذب - كذب _ أعمل حسابك شيخك ده لو من مدني بعوقك كان من حتة تانية أحلف ساي ياخوي الحبة مابتجيك ؟
______________________________
خالد بحر :
عملتا لينا شنو في موضوع الإثبات ؟
__________________________
أنا تاني مابجيبني هنا إلا الشديد القوي يعني يا أسود يا أبيض
هريتونا رمادية ..
ومسئؤل ياشذا عن كلمتي بخصوص البلاغ والتمنة ..
سلام ..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: مني التجاني)
|
Mona ya Mona
salam
Quote: ثم انو يا دكتوره انتي دايره بوستيك يرجع للتراك بتاعو زي ما بتقولي ساكت كده ؟ ليه لما جيتي راجعه ليهو بعد التوقف ما ادنتي إساءة قصي لي؟
كل القدرتي عليه انك قلت ليهو ما كان في داعي لإساءتك لمني...
كان تسألي وتتحققي منو يا دكتوره ... مني مالها ؟ |
please read
Quote: قصى بصراحة علق لك طرف بناتىء هذه الصخرة المتدحرجة وجرتك معاها الى أسفل سافلين..ما كان في داعي تسيء لمنى أساءاتك المركبة والمدبلة دي ياخى..خليكم شوية معقولين في اختلافكم دة
|
i would recommend to read the whole post I have posted couple of days ago
I appreciate you help in getting the post back to track
| |
|
|
|
|
|
|
|
|
|
Re: ليت قومي يعلمون.. وايضا المركز (Re: أيزابيلا)
|
| Quote: وبعدها كمان ليك علي : مسئؤل عن إعتذار مصحوب برجاء ليكم كلكم وبوسة راس |
I am afraid that Khalid will just (APOLOGIZE) for not having the requested evidence!!
______________
it is always easy to apologize, even if it was about people's reputation and credibility!!
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
(*)
سنعود للسؤال المحوري الذي يتهرب منه الجميع :
هل هناك موظفون وقعوا على إستلامهم 500 دولار في حين أنهم إستلموا فقط 500 جنيه سوداني ؟
هل حدث هذا الأمر ياشذا ؟
أم أنك لا تعلمين عنه شيئاً ؟
أم أنك تعلمين تماماً أنه لم يحدث وبناءً على هذا قمت بتدبيج تلك المرافعة أعلاه ؟
ما أظن إختيار أحد هذه الإجابات من الصعوبة بمكان ..
تحياتي ..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
عن المولد في قبة الخاتم عدلان أو ضريحه
تحياتي يا كيمو .. الرسالة التحت دي من أخونا محمد E سليمان
_
السلام عليكم ورحمة الله
من الغرائب أني كنت أنوي إرسال رسالة عبرك إلى الأخ كمال علي الزين لتحذيره من مخاطر التعدي على المقدسات. كيف يجرؤ على الحديث عن الفكي الخارق* المرابط تحت قبة الخاتم؟
يا كمال لو ماك خايف من دراويش القبة يدوك علقة ساخنة ما تخاف يسخطوك قردا!
أنا غايتو مع مفكر الحداثة إنو الموضوع غارق في الميثولوجيا
-------------------------------------------------
* هكذا بدا الأمر وأنا أتابع تهويل السيرة العلمية الذاتية للدكتور الباقر وتضخيمها من قبل مريديه لإرهاب المخالفين مع أن سيرة الرجل العلمية عادية حسب محركات البحث عن الإسهام العلمي.. بل عادية جدا بس لو بمقارنة مع السيرة العلمية الذاتية لأخت كريمة مشاركة في هذا النقاش
وأخشى أن تكون كل المزاعم الأخرى حول السيرة المضخمة للرجل مجرد فقاقيع لا تصمد أمام أضعف نفخ لطبقات بخور المريدين المتصاعد في ساحة القبة تماما مثل ما حدث لفقاعة
مطاردة الفضائيات له. ثم هنالك أمور أخرى لا يحتمل صدمتها الدراويش المستظلين بالقبة والضريح.
كما أن وقت الغداء قد حان
______________________________________________
من محمد E سليمان إلى ودالصايم عبر الإيميل
وصلت يامحمد وجهة نظرك ..
تحياتي ..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
كتبت الأخت / منى التجاني :
Quote: اتهمت بأكل اموال الناس بالباطل ؟ ولا جاءت لجمعية المركز العموميه من السجن ؟
|
الأخت الكريمة منى
تحياتي ..
الكلام ده مفروض نتعامل معاهو بمسئؤلية أكبر , يعني أكتر منو إنو يترمى كمكايدة وتمشي
هل هذه حقيقة تقصدين بها شخص معين ؟
أم أنها مكايدة وإغتيال شخصية وضرب تحت الحزام ؟
أم أنها أيضاً من جنس يا بتاع مدني ترعوي ولا نقول ؟
لو ممتنعة عن الإجابة يكفيني فقط أن تسحبي مداخلتك وتعتذري عنها وأنا أسحب الإقتباس ده
ونبدأ من جديد على موية بيضا ..
تحياتي ,,,
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
Quote:
I am afraid that Khalid will just (APOLOGIZE) for not having the
requested evidence!!
|
كيف ما عندو ( دليل )ياخ!
عندو دليل .. و الدليل آلولو :
Quote:
ومن بعد ذلك تحدثنا عن فساده المالى المتمتثل فى ما نقله لنا أحد موظفى
المركز عن ان الباقر كان يجعله يوقع على أوراق مالية تفيد بأنه إستلم
|
تأملي في بشاعة الكلام دا؟
تأملي في التبشيع الما مؤسس!!
و كلو استناداً على شنو: [ ما نقله لنا أحد موظفى المركز]!!
يا خالد بحر ياخوي دا كلام قبيح
اصدرت حكمك بفسا عديييل كا بدم باااارد متكئ على ما نقله احد موظفي المركز؟
يا زول انت كان بتستهون احكام قدر دي بقوالة ساي كدي تعال نديك راسك
كلامك انت دا كدا بالنسبة لينا نحن لو جاملناك، و اعتبرناهو ليك ( دليل )
ما ح يرقى الى اكتر من hearsay evidance و اسمع الكتاب بقول عليهو شنو دا
:
in contrast to direct evidence,is a secondhand account where the
witness dose not have personal, direct knowledge of what occured but
heard from someone else.
بعدين [ أحد موظفى المركز] دا زول متعين؟ جاهز لتقديم شهادتو دي لو جابت
ليها محاكم؟
لو ما متاكد من الكلام دا، و مالي يدك منو، تعال سريع امسح كلامك دا .. و
قدم اعتذار يليق و دي نصيحة صاحب لصاحبه.
كلام د. رحاب عن الخط الساخن، بتكلم داخل المؤسسة، و في مسار
هيكلهاالاداري. مش بالتشهير في منتديات عامة و وسائط اعلامية مقروءة زي
سودانيز و خلافه .. دا غالباً يقرأ من باب التشهير المغرض بس. و لا يحسب
بانو هدفو ( حوكمة ) او اصلاح!
بالنسبة لي شخصياً كلامك دا يا صحبي ما بخش ذمتي بنكلة .. شفت كيف؟
عاوزني اصدق زول ما عارفو هو ذاتو منو، و اكضب يقين ما عندي من معرفة حقة
لاستاذ اساتذتنا " محسي " همسلف!؟ و إن بقى المراجع الخارجي ساي؟
يا حبيب عشان تقنعني في ظل توفر تقرير من " محسي " و غياب لجان مراجعة
داخلية، محتاج لاكتر من ترديد [ ما نقله لنا أحد موظفى المركز]!!
محتاجين دليل مادي نمسك فيو .. او اسحب حكمك الناجرو من راسك دا .. ذمم
الناس ما لعبة نلصق فيها التهم بالاهواء وين ما مالت!!
سم سانين - و كان في نقطو المليون - ياخ فلنفرض انو الحادثة دي حصلت من أحد مسئولي المالية بالمركز، هل دا طوالي، و مباشرة بقدح في ذمة د. الباقر المالية، و بخليهو ( فاسد ) راسو عديل كدا!؟
يا زول؟
دا حكم ابتكو و لّ شنو؟
منطق وين في الاهل دا؟
و محاسبة الساعة كم؟
ليه طيب بقولو ( ذمة ) مالية، لمن تزر وازرة وزر أخرى!؟
يا زول دا كلام ساكت .. لا يقول أي شئ!
Quote:
it is always easy to apologize, even if it was about people's
reputation and credibility!!
|
للاسف دي حقيقة المكان دا ...
كل الحرمات مستباحة فيو .. اي زول عندو باسوورد يكتب علي كيفو بس!! خالي مسئولية!
لا حول و لا قوة الا بالله و لا نقول الا :
شكراً لمن جعل هذا السخف ممكناً
| |
|
|
|
|
|
|
|
|
|
Re: ليت قومي يعلمون.. وايضا المركز (Re: العوض المسلمي)
|
Quote: معقول البوست ده كله في التهاية ينتهي علي اتهامات مفترضة وبس ؟!
يعني الدش وفقع مرارة ودالصايم ده كله يطلع خارج الشبكة ..
يعني الموضوع مهارات كتابة ولا شنو ؟؟ |
شكل الحكاية إنو يا العوض أخوي ..
نهايتا زي ماقالت شذا وأكد قيقا إعتذار وكبكبة ..
):
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
على ضوء التطورات الأخيرة و بعد متابعة الأداء العام في الفترة الماضية, أصدرنا نحن سعادة ابوحتوت - أمين سر لجنة ضبط المصطلحات وحفظ الكوبيي رايتس القرار التالي :
- يغير مصطلح عودة قيقراوي إلى عودة كمال يا زين
- يضاف النص التالي لتعريف الابتزاز و الضرب تحت الحزام " هواحد ادوات صراع المستنيرين المشروعة "
يتم العمل به من ساعته وتاريخه
صدر تحت توقيعي و ختمي
ابو حتوت - امين سر لجنة ضبط ... إلخ
31-آيار-2011
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
...بخصوص موضوع 500 دولار/500 جنيه أفيدكم علمآ بانه تم تحويله
إلى المحكمة ضمن مواضيع أخرى من ضمنها المخصصات المالية لموظف مركز
الخاتم عدلان الذى فصل من المركز و الذى إستندت فى أقواله على الفساد المالى للباقر..وإلى أن تقول
المحكمة كلمتها فى القضية المعروضة أمامها ليس لدى شئ اقوله لكم...قد يقول قائل
طيب لشنو إتهمته الباقر بالفساد المالى قبل أن تقول المحكمة كلمتها فى هذا الموضوع
اقول أننى أتهمت الباقر ومازلت بالمناسبة عندى هذا الرأى ..نسبة لموقفه من قضية مدحت مضاف لذلك
فساده الإدارى المتمثل فى المحسوبية مضاف لذلك ثقى التى لا يحدها حدود فى الموظف الذى نقل لى تلك
المعلومة...وأن كان هنالك شخص متضرر من المعلومات التى قلتها يمكنه اللجوء هو أيضآ إلى المحكمة
وعلى إستعداد للدفاع عن وجهه نظرى...أعيد هذا الكلام مرة اخرى إن كان هنالك شخص أو جهة ما ترى أنها قد
تضررت من هذه المعلومات عليها فورآ اللجوء إلى القضاء ليأخذ مجراه..وهذا ما لزم توضيحه...
| |
|
|
|
|
|
|
|
|
|
Re: ليت قومي يعلمون.. وايضا المركز (Re: خالد خليل محمد بحر)
|
قيقراوى
بالمناسبة انت ما ملزم تصدق مانقلته انا هنا على الإطلاق يا مان
ومافى زول ملزم يصدق الكلام ده...وكمان موش كده وبس لو فى زول متضرر
من الكلام ده ياخ اللمشى المحكمة ونحن على إستعداد نجيب شهودنا...طيب
هذه الإتهامات لها أكثر من شهر فى هذا المنبر وهى إتهامات خطيرة جدآ جدآ
إذ أنها تلامس سمعة المركز والقائمين عليه بصورة مباشرة...طيب لشنو يعنى
لم يصدر المركز إلى الأن ولو مجرد بيان صحفى ينفى فيه هذه الإتهامات التى تضرب
مستقبله الأخلاقى والمهنى...ولماذا لم يقوم المركز بتحريك بلاغ ضد من روجوا لهذه الإتهامات
(وانا من ضمنهم) هل تعتبر أن هذا الوضع طبيعى ولا غبار عليه....؟ عارف لشنو ما عملوا كده
لأنهم يعرفون أن هنالك فساد إدارى يعنى المركز لا يمكن على الإطلاق أن ينفى تهم المحسوبية التى قلناها
ولا يمكن أن يقول أنهم لم يقوموا بموضوع 500 دولار...لأن الشهود موجودون وهم يعرفون ذلك...وسيقوم الشاهد
بوضع يده على المصحف ويقول نعم كنت أوقع على إيصال مالى بقيمة 500 دولار وأستلم 500 جنيه سودانى..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: خالد خليل محمد بحر)
|
| Quote: هل هناك موظفون وقعوا على إستلامهم 500 دولار في حين أنهم إستلموا فقط 500 جنيه سوداني ؟ |
ش
بالمناسبة شذى بلة تعرف هذا الموظف معرفة شخصية وعميقة وفى ظنى أنها على الإطلاق لا يمكن ان تُكذب
ماقاله...وعليه وحتى تتأكد شذى بشكل شخصى من ما نقلته على لسان هذا الموظف سأقوم بإرسال إسم هذا الموظف
ورقمه لشذى فى الايميل الخاص واتمنى تتصل شذى بهذا الموظف وتنقل بوضوح ما سيقوله هذا الموظف هنا إلى المنبر...
| |
|
|
|
|
|
|
|
|
|
Re: ليت قومي يعلمون.. وايضا المركز (Re: خالد خليل محمد بحر)
|
Quote: بالمناسبة شذى بلة تعرف هذا الموظف معرفة شخصية وعميقة وفى ظنى أنها على الإطلاق لا يمكن ان تُكذب
ماقاله...وعليه وحتى تتأكد شذى بشكل شخصى من ما نقلته على لسان هذا الموظف سأقوم بإرسال إسم هذا الموظف
ورقمه لشذى فى الايميل الخاص واتمنى تتصل شذى بهذا الموظف وتنقل بوضوح ما سيقوله هذا الموظف هنا إلى المنبر.. |
خالد:
أستلمت رسالتك عبر الايميل تخبرني باسم هذا الموظف
وزي ما قلت ليك..القصة ما انو انا- شذى بله- اعرف هو منو
انت مسؤول قدام ناس البوست دة تختو هنا...وتقول قلان-الموظف بالمركز قال كدة-
البوست دى متابعنو ناس آخرين بذات الاهمية الانا بتابعو بيها
ومفروض تمتلك الشجاعة الكافية لتحمل مسؤولية الخبر الانت نقلتو-عشان ما يبقى قوالات- وأيميلات
قول أسم الموظف هنا..وقول انو قال ليك الكلام دة شخصيا -موش قالو لى زول قال ليك-
وللضمان مافى داعى تخت رقم تلفونو
بس بنصحك ترجع ليهو عشان تتاكد انو فعلا قال الكلام بالشكل دة
-ترجع ليهو انت- لانو الخبر دة مسؤوليتك (وبالله ما تستعين بكمال الزين في الرجوع)
وتعرف انو مستعد يتحمل تبعاتو-تحقيق او سواه- عشان ما يكون الناس بتسكت على باطل او بترمي بيهو غيرا بلا ادلة
الهومويرك بتاعك لسة ما انتهى...انت الجبت الخبر هنا وخليت الالسن تلوكو
لو الخبر صحيح سيفضى الى تحقيق لا محالة ودة اول درب الاصلاح الساعيين ليهو
لو الخبر قوالة يا بحر انت تتحمل مسؤولية القذف وهي تهمة تقارب الفساد ان لم تفوقه
_____________
شكرا يا خالد انك جيت راجع..وبتمنى تاخد كلامى الفوق دة بمسؤولية
| |
|
|
|
|
|
|
|
|
|
Re: ليت قومي يعلمون.. وايضا المركز (Re: أيزابيلا)
|
..شذى بله
لك ذلك...الموظف هو احمد شاكر دهب..وقد زكر تلك المعلومة
معلومة(500 دولار/500جنيه) فى عريضة الدعوى التى رفعها فى شكواه
ضد مركز الخاتم عدلان للإستنارة والتنمية البشرية إلى مكتب العمل
وللراغبين فى متابعة هذا الملف على الأرض الحضور إلى محكمة العمل يوم
8 يونيو 2011 حيث ستنعقد جلسة هنالك بخصوص هذه القضية...
| Quote: لو الخبر صحيح سيفضى الى تحقيق لا محالة ودة اول درب الاصلاح الساعيين ليهو |
وفى إطار سعيك الدوؤب الإصلاح الساعية ليهو كما أسلفتى...هنالك موضوع أخر كنت قد زكرته
فى مجمل حديثى عن الفساد فى مركز الخاتم هو أن هنالك موظف فى إسمه مدحت عفيفى قام بإنتهاك
الحيز الشخصى لإحدى المواطنات وسجل لها من خلال جهاز تسجيل كان يحمله حديث دار بينهم(خلسه)
وقام بتوزيع ذلك التسجيل ورقيآ على بعض الاشخاص...!وقام بعد ذلك مدير مركز الخاتم بالتستر على
ذلك السلوك وعلى الموظف على حد السواء وقال أن ذلك السلوك سلوك رجولى.....! هل تعتبرين ان هذا
السلولك التجسسى سلوك عادى يتناغم مع مؤسسة مجتمع مدنى ترنو لتسكين قيم الحقوق والإستنارة....؟
وهل ترى أن ذلك السلوك لا يدخل فى دائرة الإصلاح الساعية ليهو....؟
تانى حاجة/ قام مدير مركز الخاتم عدلان السيد/ الباقر العفيف بتعيين شقيقه وإبن خالته وشقيقه
زوجة أخيه فى المركز...! ألأ تعتبرين أن هذا السلوك يدخل فى دائرة المحسوبية.....؟ وهل تعتبرين
المحسوبية ضرب من ضروب الفساد الإدارى الذى لا يليق بمؤسسة مجتمع مدنى تنشط فى تجفيف الفضاء الإجتماعى
والمدنى من هكذا سلوكيات.....؟
اتمنى أن توفقى فى درب الأصلاح الساعية ليهو...ولكن قبل ذلك يا حبذا لو تكرمتى بالرد
على الاسئلة عاليه وهى فى ظنى تدخل فى ذات الدرب الإصلاحى الساعية ليهو
| |
|
|
|
|
|
|
|
|
|
Re: ليت قومي يعلمون.. وايضا المركز (Re: خالد خليل محمد بحر)
|
شكرا يا خالد
وطالما ان القضية لدى الجهات المختصة أذا لا داعي للحديث عن التحقيق
Quote: هل تعتبرين ان هذا
السلولك التجسسى سلوك عادى يتناغم مع مؤسسة مجتمع مدنى ترنو لتسكين قيم الحقوق والإستنارة....؟ |
هذا العمل لم تقم به مؤسسة مركز الخاتم عدلان..قرات لمدحت انه هو من قام بهذا الامر ويتحمل مسؤوليته
واظنك ايضا قرات له هذا الامر ضمن افاداته هنا او فى المجلس القيادي
اما امر محاسبتك للمركز لكون ان الباقر راى من الأسباب ما يبرر لمدحت..فهذا لا يعنى ان مركز الخاتم عدلان قام بالفعل التجسسي كمؤسسة
أشرحا ليك:
(أكس) من الناس شغال معلم فى مدرسة وقال انو بفتكر مدحت ما غلطان..حتمشي تقول لا هذا العمل لا يليق بمدرسة الصفا الثانوية وضد مفهوم كونها مؤسسة تعليمية؟؟
يا بحر لا داعي للزج بالمركز ساااى كدة ومن طرف
انا شخصيا ادنت ما فعله مدحت (راجع رسائلى للمجلس القيادي ابان تفجر المشكلة) رغم انى قد قلت (اتفهم الظروف التى فعل فيها هذا)
ودة ما مكان شرح الظروف ولا انا هسة ممن تعنيهم تلك الظروف لانو طلعت من المولد أياه
Quote: تانى حاجة/ قام مدير مركز الخاتم عدلان السيد/ الباقر العفيف بتعيين شقيقه وإبن خالته وشقيقه
زوجة أخيه فى المركز...! ألأ تعتبرين أن هذا السلوك يدخل فى دائرة المحسوبية.....؟ |
فيهو شبهة محسوبية يا خالد..الأقرار بقرارات نهائية في هذا الامر يحتاج ألى تحقيق داخلى
(هل عينهم الباقر؟ هل تزامن تعيينهم في ذات الوقت؟ هل منهم من يعمل متطوعا او بارت تايم؟؟ فى تفاصيل كتيرة تحدد القرار النهائي انو دة محسوبية والا لا!)
وانا معاك يا خالد..كلنا بنتدرب على صلاح لم نعهده لا في بلادنا ولا مؤسساتنا
ويحمد لمثل هذه الامور انها تثير هذه الاسئلة فى بلد لم يعد فيه من يهتم بالمحسوبية
اتمنى تتابع قصة المحكمة وتورينا حتنتهى بشنو...لحدى الوكت داك ما عندى شي بخصوصا
سلامى
| |
|
|
|
|
|
|
|
|
|
Re: ليت قومي يعلمون.. وايضا المركز (Re: أيزابيلا)
|
...كتبت شذى بله الشهيرة بازبيلا فى اطار الإصلاح الساعية ليهو فى مركز الخاتم عدلان الأتى:
| Quote: (أكس) من الناس شغال معلم فى مدرسة وقال انو بفتكر مدحت ما غلطان..حتمشي تقول لا هذا العمل لا يليق بمدرسة الصفا الثانوية وضد مفهوم كونها مؤسسة تعليمية؟؟ |
طيب بذات منطقك يا شذى فنتفترض مثلآ أن(إكس) من الناس هذا قد تورط فى جريمة
إحتيال مالى أو تحرش جنسى على سبيل المثال خارج المؤسسة التى يعمل فيها
اليس من المنطقى إن كانت تلك المؤسسة مؤسسة محترمة على الأقل أن تقوم بإحاله
ذلك الموظف إلى لجنة تحقيق فى سلوكه ذلك....؟ اليس هذا التستر على السلوك(التجسسى)
الذى قام به المدعو مدحت عفيفى يتضارب فى الاساس مع مشروع ومشروعية المركز...؟ ها؟
هذا ما كالبنا به لا أكثر ولا أقل...
| Quote: يا بحر لا داعي للزج بالمركز ساااى كدة ومن طرف |
على الإطلاق لم أزج بمركز الخاتم سااى كده من طرف (على حسب قولك)
زجيت بمركز الخاتم لأن مدحت عفيفى ليس موظف فى مؤسسة الفداء للأنتاج الإعلامى
وليس موظف فى منظمة سند الخيرية...بإختصار لأنو مدحت موظف فى مركز الخاتم عدلان للإستنارة
وانت تعرفين هذا جيدا ياشذى...ومدام مدحت عفيفى موظف فى هذا المركز أرى أنه من الواجب أن
يحال إلى تحقيق فى شأن سلوكه ذلك...ولكن كيف ومدير المركز ذاته يعتبر أن سلوك مدحت سلوك
رجولى....!إنها الإستنارة ولكن بدون مستنيرين على ما يبدو....
Quote:
ودة ما مكان شرح الظروف ولا انا هسة ممن تعنيهم تلك الظروف لانو طلعت من المولد أياه |
ظروف التسجيل ليس لديها إى علاقة بحركة حق لو كنت تقصدين ...الموضوع كله فى إطار
مشكلات مركز الخاتم عدلان...حيث الموظف الذى قام بالتسجيل موظف فى مركز الخاتم عدلان
والشخص الذى إنتهكت خصوصيته هو أيضا على صلة بمركز الخاتم..والشخص الذى وصف ذلك التجسس
بالسلوك الرجولى هو عينه مدير مركز الخاتم...إذا وعلى حسب وجهه نظرى(وانت غير ملزمة بها بطبيعة الحال)
لا يوجد ما يحول دون شرح نلك الظروف| Quote: فيهو شبهة محسوبية يا خالد..الأقرار بقرارات نهائية في هذا الامر يحتاج ألى تحقيق داخلى |
طيب كلمى ناس المركز يعمل لجنة تحقيق،،بحكم صلاتك الوثيقة بالمركز ومديره
ممكن...؟Quote: اتمنى تتابع قصة المحكمة وتورينا حتنتهى بشنو...لحدى الوكت داك ما عندى شي بخصوصا
|
أزوبو أسفآ والله ماعندى زمن..بس ممكن المركز يملك الرأى العام تفاصيل هذه
القضية من خلال موقعه على الانترنت أو من خلال حسابه هن فى سودانيز أون لاين
كنوع من أنواع الشفافية...يعنى المهتم بالموضوع وتفاصيله يمكن اللجوء إلى
موقع المركز أو حسابه فى المنبر أو من خلال الاتصال بالموظف على رقمه الموجودة هنا
فى هذا البوست...
| |
|
|
|
|
|
|
|
|
|
Re: ليت قومي يعلمون.. وايضا المركز (Re: قيقراوي)
|
(*)
رسالة من الأخ / أحمد شاكر دهب الموظف بمركز الخاتم
أنا موظف بمركز الخاتم عدلان منذ تاسيسه، وعملت في عدة مشروعات وآخرها كان مشروع الإنتخابات والتحول الديمقراطي الذي يموله الإتحاد الأوربي لمدة 18 شهرا إنتهت في يوم 28 فبراير وكنت اصرف رايب معين كمساعد منسق للمشروع نظير وصف وظيفي لندوات ومحاضرات وورش تدريبية حول الإنتخابات والإستفتاء والمشورة الشعبية
في شهر مارس –حتى أغسطس 2010 تعاقد مركز الخاتم عدلان مع مركز كارتر لمراقبة الإنتخابات عن طريق تدريب ونشر المراقبين في الولايات الأربعة (الشمالية- نهر النيل- الجزيرة والخرطوم) وكان راتبي للستة شهور نظير العمل الإضافي وهو مراقبة الإنتخابات كان عبارة عن 500 دولار
وكان وظيفتي في المركز مستمر في أداء علي الذي يخص المركز من ندوات ومحاضرات وهذا العمل ليس جزء من العقد مع مركز كارتر الذي يخص مراقبة الإنتخابات فقط
كنت أوقع على 500 دولار شهريا وترسل لمركز كارتر لأنهم يطلبون التوقيعات وأستلم من المركز 500 جنية، زكر لي مديرر المشروع أن مدير المركز قرر أنه نصرف مرتباتنا كاملة أما مايخص مركز كارتر فهو حافز نستلم منه جزء والباقي يذهب للمركز لتغطية منصرفات المركز ومرتبات العاملين الذي ليس لديهم مشاريع في هذه الفترة تدعم مرتباتهملكن بعد إنتهاء المشروع الذي يخصنا سنصرف مرتباتنا من المركز لأنه سيتم خصم من المشاريع الآخرى، لكن بعد إخطارنا بإنتهاء المشروع وتوقف مرتباتنا سالت مدير المشروع، نحنا مفروض نستلم مرتباتنا من المشاريع الآخرى حسب كلام المدير لك ؟ رد لي بأن المركز حاليا به مشروع واحد فقط وهو مشروع يخص قوانين النظام العام على م أعتقد الذي تموله السفارة الهولندية وهذا المشروع لشخصين فقط ولايكفي أي خصم منهم لمرتباتنا، وقال لي شخصيا مدير المركز أنه زمان كنا بنخصم من مرتبات الموظفين الذين لديهم مشاريع لنصرف للموظين الذين ليس لديهم مشاريع لكن إتهمونا بالفساد نتيجة لهذا التصرف الإنساني لأننا نقدر ظروف الموظفين الماعندهم مشاريع قلنا برضو نحاول نتصرف ليهم مرتبات لأنهم ملتزمين لأسرهم لن هذا السلوك شتمنا به لذلك سوف يتوقف وأن المركز حاليا بدأ في إصلاحات إدارية لذلك قررنا أنه اي موظف وقف مشروعه يتوقف مرتبه مباشرة وأننا زمان كنا نخصم من المرتبات لكن بعد التهم بالفساد قررنا نعمل باللوائح الإدارية
قرر المدير صرف حقوقي عن العمل في المركز وفترة عملي من أول يوم التأسيس يوم 1-7-2007 وهي مدة ثلاثة سنوات وسبعة شهور صرف لي حقوق هذه المدة ولأنيليس لدي تأمين إجتماعي تأمين إجتماعي ومعي عدد من الموظفين تم صرف حقوقي (قالو حسب قانون العمل إذا ماعندي تأمين إجتماعي تصرف حقوقي بمقارنة مرتبي مع شخص يصرف نفس مرتبي وعنده تأمين إجتماعي يكون مرتب الأساسي للخص العنده تأمين إجتماعي مساوي لمرتبي الأساسي لأنه أنا مرتبي غير مفصل) وتم صرف حقوقي على المرتب الأساسي بالمقارنة مع زميلي المشترك في التأمين الإجتماعي- لكن مكتب العمل قال الإجراء هذا الاجراء غير سليم
وذهبت لمكتب العمل وبعد ثلاث جلسات في مكتب العمل انا والسيد مدير المركز ، وكان قرار مكتب العمل هو بما أن اجراءات إنهاء الخدمة تمت دون موافقة مكتب العمل يترتب عليه الآتي:-
1- إعادته إلى العمل مع دفع أجره كاملاً عن مدة الإيقاف أو دفع تعويض يعادل مرتب 6 اشهر + أجره عن مدة الإيقاف
2- منحه الأجر عن إجازاته السنوية التي لم يستمتع بها أثناء الخدمة
3- منحه فوائد مابعد الخدمة وباجر مرتب وهي 800 دولار
4- منحه الأجر عن العمل الإضافي للجمع التي عملها وتحسب الساعة بساعتين
وذلك وفقاً لأحكام المواد (55-44- 35- 60- 43) من قانون العمل لسنة 1997 م
نرجو التنفيذ والإفادة
· لكن السيد مدير المركز رفض تنفيذ قرار مكتب العمل، بحجة أن المبلغ كبير جدا ولايستطيع المركزان يدفعه لي، علماً بأن حقوقي لمايقارب الأربعة أعوام والفصل التعسفي والإجازات السونة كلها أقل من مرتب مدير مركز الخاتم عدلان لشهر واحد
· قرر الذهاب للمحكمة وقال أن المحكمة ستأخذ وقت طويل جدا جدا وان أحمد شاكر حاليا من غير عمل ونسبة لظروفه المادية التي نعرفها سيحتاج للمال لإعانة اسرته وسيوافق بتقليل المبلغ ويتنازل عن الباقي وتتم التسوية، وذلك حسب راي محامي المركز
دة جزء سأواصل لاحقا بكتابة ماتعرضت له من مدير المركز والتهديد بفصلي من العمل أو الوقوف إلى جانبه والتأثير على عضوية حق للوقوف معه وسأشرح لك لاحقا يا كمال
· حتى اكون أخلاقيا أرجو ان ننتظر حتى الساعة السادسة مساءاً لأنني إلتزمت معهم بأن أجلس مع لجنة الوساطة في مكتب المحامي اليوم الساعة 6
أرجو من تعديل الصياغة لأني كتبت مستعجل
___________________________________________________________________________________
Date: Tue, 31 May 2011 00:52:15 -0700
From: [email protected]
Subject: مركز الخاتم عدلان
To: [email protected]
ده تلفون أحمد شاكر ومعذرة يا أخي أحمد نزلتا الرسالة بدون تعديل رغم إنك طلبت مني
تصحيح مابها من أخطاء نسبة لسرعة كتابتها وأنا من باب الأمانة ما دخلتا فيها حرف ونزلتها
ذي ماهي بأخطاءها ..
ده تلفون أحمد شاكر ..
0911329627
_________________________________________
أنا لحدي هنا وخلاص إلا إن إستوجب الأمر مني العودة لفتح بلاغات فقط
إحقاقاً للحق ..
سلام ..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
(*)
كتب أحمد شاكر في إيميله أعلاه الرجاء التالي :
Quote: حتى اكون أخلاقيا أرجو ان ننتظر حتى الساعة السادسة مساءاً لأنني إلتزمت معهم بأن أجلس مع لجنة الوساطة في مكتب المحامي اليوم الساعة 6
|
وعملاً بما أراده صاحب القضية موضوع الإتهام , ها أنا ذا أفي بوعدي
وأقوم بنشره بعد الموعد المحدد ب 9 ساعات وبعد أن أتبعه برسالة أخرى
يعطي إذنا بالنشر ..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
Quote: رسالة من الأخ / أحمد شاكر دهب الموظف بمركز الخاتم
أنا موظف بمركز الخاتم عدلان منذ تاسيسه، وعملت في عدة مشروعات وآخرها كان مشروع الإنتخابات والتحول الديمقراطي الذي يموله الإتحاد الأوربي لمدة 18 شهرا إنتهت في يوم 28 فبراير وكنت اصرف رايب معين كمساعد منسق للمشروع نظير وصف وظيفي لندوات ومحاضرات وورش تدريبية حول الإنتخابات والإستفتاء والمشورة الشعبية
في شهر مارس –حتى أغسطس 2010 تعاقد مركز الخاتم عدلان مع مركز كارتر لمراقبة الإنتخابات عن طريق تدريب ونشر المراقبين في الولايات الأربعة (الشمالية- نهر النيل- الجزيرة والخرطوم) وكان راتبي للستة شهور نظير العمل الإضافي وهو مراقبة الإنتخابات كان عبارة عن 500 دولار
وكان وظيفتي في المركز مستمر في أداء علي الذي يخص المركز من ندوات ومحاضرات وهذا العمل ليس جزء من العقد مع مركز كارتر الذي يخص مراقبة الإنتخابات فقط
كنت أوقع على 500 دولار شهريا وترسل لمركز كارتر لأنهم يطلبون التوقيعات وأستلم من المركز 500 جنية، زكر لي مديرر المشروع أن مدير المركز قرر أنه نصرف مرتباتنا كاملة أما مايخص مركز كارتر فهو حافز نستلم منه جزء والباقي يذهب للمركز لتغطية منصرفات المركز ومرتبات العاملين الذي ليس لديهم مشاريع في هذه الفترة تدعم مرتباتهملكن بعد إنتهاء المشروع الذي يخصنا سنصرف مرتباتنا من المركز لأنه سيتم خصم من المشاريع الآخرى، لكن بعد إخطارنا بإنتهاء المشروع وتوقف مرتباتنا سالت مدير المشروع، نحنا مفروض نستلم مرتباتنا من المشاريع الآخرى حسب كلام المدير لك ؟ رد لي بأن المركز حاليا به مشروع واحد فقط وهو مشروع يخص قوانين النظام العام على م أعتقد الذي تموله السفارة الهولندية وهذا المشروع لشخصين فقط ولايكفي أي خصم منهم لمرتباتنا، وقال لي شخصيا مدير المركز أنه زمان كنا بنخصم من مرتبات الموظفين الذين لديهم مشاريع لنصرف للموظين الذين ليس لديهم مشاريع لكن إتهمونا بالفساد نتيجة لهذا التصرف الإنساني لأننا نقدر ظروف الموظفين الماعندهم مشاريع قلنا برضو نحاول نتصرف ليهم مرتبات لأنهم ملتزمين لأسرهم لن هذا السلوك شتمنا به لذلك سوف يتوقف وأن المركز حاليا بدأ في إصلاحات إدارية لذلك قررنا أنه اي موظف وقف مشروعه يتوقف مرتبه مباشرة وأننا زمان كنا نخصم من المرتبات لكن بعد التهم بالفساد قررنا نعمل باللوائح الإدارية
قرر المدير صرف حقوقي عن العمل في المركز وفترة عملي من أول يوم التأسيس يوم 1-7-2007 وهي مدة ثلاثة سنوات وسبعة شهور صرف لي حقوق هذه المدة ولأنيليس لدي تأمين إجتماعي تأمين إجتماعي ومعي عدد من الموظفين تم صرف حقوقي (قالو حسب قانون العمل إذا ماعندي تأمين إجتماعي تصرف حقوقي بمقارنة مرتبي مع شخص يصرف نفس مرتبي وعنده تأمين إجتماعي يكون مرتب الأساسي للخص العنده تأمين إجتماعي مساوي لمرتبي الأساسي لأنه أنا مرتبي غير مفصل) وتم صرف حقوقي على المرتب الأساسي بالمقارنة مع زميلي المشترك في التأمين الإجتماعي- لكن مكتب العمل قال الإجراء هذا الاجراء غير سليم
وذهبت لمكتب العمل وبعد ثلاث جلسات في مكتب العمل انا والسيد مدير المركز ، وكان قرار مكتب العمل هو بما أن اجراءات إنهاء الخدمة تمت دون موافقة مكتب العمل يترتب عليه الآتي:-
1- إعادته إلى العمل مع دفع أجره كاملاً عن مدة الإيقاف أو دفع تعويض يعادل مرتب 6 اشهر + أجره عن مدة الإيقاف
2- منحه الأجر عن إجازاته السنوية التي لم يستمتع بها أثناء الخدمة
3- منحه فوائد مابعد الخدمة وباجر مرتب وهي 800 دولار
4- منحه الأجر عن العمل الإضافي للجمع التي عملها وتحسب الساعة بساعتين
وذلك وفقاً لأحكام المواد (55-44- 35- 60- 43) من قانون العمل لسنة 1997 م
نرجو التنفيذ والإفادة
· لكن السيد مدير المركز رفض تنفيذ قرار مكتب العمل، بحجة أن المبلغ كبير جدا ولايستطيع المركزان يدفعه لي، علماً بأن حقوقي لمايقارب الأربعة أعوام والفصل التعسفي والإجازات السونة كلها أقل من مرتب مدير مركز الخاتم عدلان لشهر واحد
· قرر الذهاب للمحكمة وقال أن المحكمة ستأخذ وقت طويل جدا جدا وان أحمد شاكر حاليا من غير عمل ونسبة لظروفه المادية التي نعرفها سيحتاج للمال لإعانة اسرته وسيوافق بتقليل المبلغ ويتنازل عن الباقي وتتم التسوية، وذلك حسب راي محامي المركز
دة جزء سأواصل لاحقا بكتابة ماتعرضت له من مدير المركز والتهديد بفصلي من العمل أو الوقوف إلى جانبه والتأثير على عضوية حق للوقوف معه وسأشرح لك لاحقا يا كمال
· حتى اكون أخلاقيا أرجو ان ننتظر حتى الساعة السادسة مساءاً لأنني إلتزمت معهم بأن أجلس مع لجنة الوساطة في مكتب المحامي اليوم الساعة 6
أرجو من تعديل الصياغة لأني كتبت مستعجل
___________________________________________________________________________________
Date: Tue, 31 May 2011 00:52:15 -0700
From: [email protected]
Subject: مركز الخاتم عدلان
To: [email protected]
ده تلفون أحمد شاكر ومعذرة يا أخي أحمد نزلتا الرسالة بدون تعديل رغم إنك طلبت مني
تصحيح مابها من أخطاء نسبة لسرعة كتابتها وأنا من باب الأمانة ما دخلتا فيها حرف ونزلتها
ذي ماهي بأخطاءها ..
ده تلفون أحمد شاكر ..
0911329627
_________________________________________
أنا لحدي هنا وخلاص إلا إن إستوجب الأمر مني العودة لفتح بلاغات فقط
إحقاقاً للحق ..
سلام ..
|
يبدو ان تحت الاكمة ما تحتها.......الاقتباس للتوثيق
شكرا يا كمال
| |
|
|
|
|
|
|
|
|
|
Re: ليت قومي يعلمون.. وايضا المركز (Re: أيزابيلا)
|
Quote: يبدو ان تحت الاكمة ما تحتها.......الاقتباس للتوثيق
شكرا يا كمال |
العفو ياشذا ..
وهذه رسالة أخرى من الأخ أحمد شاكر :
| Quote: توضيح هام جدا جدا أنه المحامي الذي قام بالوساطة هو ليس محامي المركز في القضية يعني محامي المركز في القضية شخص آخر-- لللتوضيح لأن المحامي الذي عقد الإجتماع عنده هو قدم مبادرة لحل المشكلة فقط وليس لديه علاقة بالمحكمة |
| |
|
|
|
|
|
|
|
|
 Re: ليت قومي يعلمون.. وايضا المركز (Re: أيزابيلا)
|
Quote: قول أسم الموظف هنا..وقول انو قال ليك الكلام دة شخصيا -موش قالو لى زول قال ليك-
وللضمان مافى داعى تخت رقم تلفونو
بس بنصحك ترجع ليهو عشان تتاكد انو فعلا قال الكلام بالشكل دة
-ترجع ليهو انت- لانو الخبر دة مسؤوليتك (وبالله ما تستعين بكمال الزين في الرجوع)
وتعرف انو مستعد يتحمل تبعاتو-تحقيق او سواه- عشان ما يكون الناس بتسكت على باطل او بترمي بيهو غيرا بلا ادلة
الهومويرك بتاعك لسة ما انتهى...انت الجبت الخبر هنا وخليت الالسن تلوكو
لو الخبر صحيح سيفضى الى تحقيق لا محالة ودة اول درب الاصلاح الساعيين ليهو
لو الخبر قوالة يا بحر انت تتحمل مسؤولية القذف وهي تهمة تقارب الفساد ان لم تفوقه
|
كده صاح ياشذا .. وممكن بعد ده أقوليك البوست ده إصلاحي فعلاً ..
| |
|
|
|
|
|
|
|
|
|
Re: ليت قومي يعلمون.. وايضا المركز (Re: كمال علي الزين)
|
Quote: وملتزم بإعتذر ليكم كلكم مع رجاء مشدد بمسامحتي وغفران ملاحقتي وبمشي أبوس رأسكم واحد واحد
(بإستثناء قصي بتاع مدني ده عشان مايفهمني غلط )
): |
الان ليس عليك اعتذار يا كمال فقد وصلت ال 500 دولار الي المحكمة ولم تكذب ...
بالمناسبة اين قصي ليقول رائه بعد ثبوت هذا الامر ؟؟!!
| |
|
|
|
|
|
|
| |
قصي مجدي سليم
كمال علي الزين
محمد عبد الماجد الصايم
طلعت الطيب
Hadeer Alzain
Bashasha
محمد البشرى الخضر
محمد حيدر المشرف
قيقراوي
Hussein Mallasi
Rihab Khalifa
أيزابيلا
Yassir Tayfour
خالد خليل محمد بحر
العوض المسلمي
فيس بوك
تويتر
انستقرام
يوتيوب
بنتيريست