|
كتب الكاتب الفاتح جبرا المتوفرة بمعرض الدوحة
|
|
 Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: محمد عبد الماجد الصايم)
|
أرفعوا اقلامكم عن برنامج افراح وأفراح
انا احب هذا البرنامج منذ ان اجاب أحد العرسان على سؤال امجد
هسه إنت حاسي بشنو
العريس قاليهو
انا بتحدى العالم كلو ...انا فرحان
ولم ادري فيما التحدي
كما أذكر احد المواقف في السودان عندما قرر العريس ان يُفاجئ عروسه فرفضت بشده تصوير الزواج
وأذكر ان أحد اعضاء الفريق تضجر قائلاً ...عليك الله كان ماجاينكم مجاناً
بعدين ياود الصايم
إنتو قروشكم كلها شايلاها الحكومه وفي الشارع ساي مابتظهروا
يعني شنو لو ظهرتو في التلفزيون بالقروش :)
| |
 
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: مزمل خيرى)
|
يا ود الصايم
أولا مبروك لود خالتك
وربنا يسعده ،، وبيت مال وعيال
،،،،،،،،،
بالجد الناس ديل اتلومو معاك عديل كدا
الحاجة العارفها وكما قال الأخ ناذر
مفروض الناس المشاهير يكون التصوير بالنسبة لهم مجاني
لأني سألت ناس كتير قالو التصوير بيكون بقروش ،، أما بالنسبة للمشاهير
بيكون من باب المجاملة وكدا
أها بالنسبة لحفلة مكة عندي تعليق
بخصوص المذيع وحفلات المنطقة الغربية بصفة خاصة
حيث ألاحظ وضع المايك أمام وجه الشخص بحيث تختفي ملامحة
أرجو من الأخ المذيع إنو يبعد المايك شوية ياخ
هههههههههههههه
وبث
| |
|
|
|
|
|
|
|
|
 Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: motaz)
|
Quote: بالجد الناس ديل اتلومو معاك عديل كدا
الحاجة العارفها وكما قال الأخ ناذر
مفروض الناس المشاهير يكون التصوير بالنسبة لهم مجاني
لأني سألت ناس كتير قالو التصوير بيكون بقروش ،، أما بالنسبة للمشاهير
بيكون من باب المجاملة وكدا |
يا ميزو .. كان كـدا عمكـ المندوب بالغ معانا والله!
عملا شمس بس! يالله .. أهـو الواحد عرف إنو (زول ساي)!!!
ونناشد معاكـ بتاع مكّة يزح المايكـ شوية!!
| |
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: محمد عبد الماجد الصايم)
|
الحبيب ود الصايم وبقية أعضاء وقراء المنبر
أفادني الزميل عبداللطيف مجتبي مدير البرامج بقناة النيل الأزرق بالوكالة قبل قليل بما يلي :
** التأكيد على التواصل الطيب والجميل الذى يربط القناة بكافة مشاهديها فى كافة أقطار العام
** حرص القناة على تطوير هذا العلاقة الطيبة وتنميتها بما يخدم مصلحة القناة ومشاهديها
** التأكيد على مجانية خدمة بث الأفراح عبر برنامج مساء جديد ليوم الخميس أفراح أفراح
** التأكيد على أن البرنامج إجتماعي خدمي فى المقام الأول وليس مكانا للتربح والكسب
** وضع أطر لمندوب القناة فى السعودية وفى كل الدول العربية واجب تنفيذها بما يخدم سياسة القناة
** التأكيد على مجانية هذه الخدمة لمندوب القناة مع الوضع فى الإعتبار قيمة إيجار الكاميرا الخاصة بالتصوير
** التأكيد على الوصول الآمن للمادة المسجلة للقناة وفق آلية معينة يتفق عليها المندوب مع أصحاب المناسبة
بمعني إذا كان لأصحاب المناسبة طريقة لإيصال المادة الى الخرطوم فلا مانع فى ذلك أو تصل عبر مندوبنا عبر الـ dhl أو أى وسيلة أخرى
دون إلزام من المندوب لأصحاب المناسبة بطريقة إيصال المادة للقناة بأم درمان .
** ضرورة التواصل بين صاحب المناسبة والقناة فى السودان والتأكد منه شخصيا بما تم من إتفاق بينه وبين المندوب
** إلزام مندوب القناة بمدنا بهواتف أصحاب المناسبة المعنية حتى نتأكد بأنفسنا على الإجراءات الواجب إتباعها فى مثل هذه الحالات
وطلب مني مدير البرامج بالوكالة على ضرورة التواصل معه حتى تصل هذه الصورة كاملة لجميع مشاهدي القناة فى جميع دول العالم
وأكد أنه على إستعداد كامل لتمليك جميع الحقائق لكل المتابعين عبر منبر سودانيزأونلاين حتى تتضح الصورة للكل ،،،
وشكر فى معرض حديثه أعضاء وقراء المنبر على طرحهم مثل هذه الموضوعات التى تكشف لهم الطريق وما يدور فى الغربة حول القناة وبرامجها ،،،
هذا ما لزم توضيحه للجميع
| |
|
|
|
|
|
|
|
|
 Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: محمد خليل ساني)
|
Quote: التأكيد على مجانية هذه الخدمة لمندوب القناة
مع الوضع فى الإعتبار قيمة إيجار الكاميرا الخاصة بالتصوير |
شكرا يا ساني يا حبيب .. والشكر موصول لقناة النيل الأزرق
ومدير البرامج الأصلي والمدير بالوكالة كمان!!
النقطة دي يا ساني هي منبع الخلاف .. وهي باب مفتوح للمتاجرة باسم
البرنامج واسم القناة وسط جالية تعيش في غربة وتتلهف لنقل أفراحها
لبقية الأهل في السودان وفي بقية دول العالم عبر القنوات المرئية
وأهمها بلا شك في الفترة الأخيرة (أفراح أفراح)، وهو بالتأكيد برنامج
يحصل على نسبة مشاهدة عالية في الخليج، ومن تأكيدي على مشاهدة أغلب
الأسر في الرياض لهذا البرنامج وأصبح مادة للحديث والمناقشة حتى في (الونسات)
وهذا مما لا شك يعد نوعاً من أنواع التسويق الذاتي الذي لا يُكلّف القناة
أي مليم يُذكر مقابل دعاية مجانية للبرنامج تصحبه ارتفاع في نسبة المشاهدة
ما يجعل البرنامج أرضا خصبة لحصد جانب كبير من السوق الإعلانية خاصة في وقت بثّ البرنامج!
أخينا في الله مندوب القناة في الرياض يُجبر صاحب كل مناسبة على دفع
قيمة (المصوّر) ودفع قيمة (إيجار الكاميرا) مع وضع الحد الأدنى 300 لكل طرف
+ مبلغ الشريط المحدد بـ 715 ريال، يعني إجمالي أقل تصوير للمناسبة هو 715 ريال!!
المبلغ ممكن نقول عليهو مناسب لو ح يطلع يصوّر مناسبة واحدة لكن ـ والكلام هنا
عن الرياض ـ في موسم الإجازات يكون فيها على الأقل خمس إلى ست مناسبات زواج أيام الخميس
إذا وضعنا في الاعتبار تصوير جميع المناسبات وفترة الريبورتاج المعروض هو 5 دقائق في الحد
الأعلى فإن مجمل وقت التصوير لن يتعدى 20 دقيقة! 20 دقيقة تُكلف الأسرة 715 ريال!
في حالة ارتباط المصور بخمس مناسبات مثلا يكون مجمل دخله في الليلة حوالي 3500 ريال!!
أربع خمايس بس بعمل ليهو حوالي 14 ألف ريال باسم النيل الأزرق والمغترب المغلوب على أمره!!
| |
|
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: محمد خليل ساني)
|
اويد المندوب في فرض مبالغ ومبالغ تحتاج لصرفة صندوق عديل كدة على بعض المغمورين الدايرين يظهرو على قناة النيل الازرق راسهم براس رشا الرشيد
عشان بكرة ما نلقى برنامج افراح وافراح اتملي بناس ود الصايم ومن لف لفهم من المغمورين
بعدين ود الصايم غير كاااااك بتاعتو دي يعني حيضيف لينا نحنا كمشاهدين شنو
زمان بتاعين النشرة الجوية اضربو ايام نميري (لمن كانت النشرة الجوية كلها رجال) قال شنو قال عايزين بدل لبس
نميري قال ليهم مافي زول زاتو عايز يشوف خلقكم دي كلمو المخرج خلي يجيب العصاية بس
خلاص ممكن يصورو الكاااااك بتاعت ود الصايم دي ويكون عزيزي المشاهد شاف الاضافة ود الصايم
| |
|
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: عطية المحسي)
|
Quote: النقطة دي يا ساني هي منبع الخلاف .. وهي باب مفتوح للمتاجرة باسم
البرنامج واسم القناة وسط جالية تعيش في غربة وتتلهف لنقل أفراحها
لبقية الأهل في السودان وفي بقية دول العالم عبر القنوات المرئية
وأهمها بلا شك في الفترة الأخيرة (أفراح أفراح) |
100 100 يا عمك
ولماذا لا توفر القناة كاميرا للتصوير مخصصة لهذا الغرض؟
لو حبكت على قصة الكاميرا دي نشتريها ونهديها لقناة النيل الأزرق
وقصة المصور دي برضو يتم حلها نوااااهي
بحيث تكون الخدمة مجانية .. أو يحددوا قيمة ثابته للخدمة دي
الشكر كل الشكر لمدير البلو نايل للتفاعل السريع مع الحدث
..
..
كع
__
يا عمكـ مندوب الهنا دا لا بعرف يصور ولا بعرف يقدم
طيب هو مندوب لي شنو مثلا ؟
الكلام دا ينطبق على حقنا بتاع الرياض وزول جدة برضو
المندوب برضو بنفتشوا ليهم كان دايرين
| |
|
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: الامين موسى البشاري)
|
Quote: هل يستأجر مندوبو القناة كل المعينات بصفة اسبوعيه وفي كل مناسبة يتم استئجار الكاميرات وملحقاتها ؟؟ أم للقناة كاميرات وهي التي تقوم بتأجيرها للمناسبات ؟؟
لأن كل مناسبة يخرج لها المندوب ( أ . ع) يدعي ان المبلغ هو قيمة ايجار الكاميرا .. وكذا اجرة خاصة اضافيه للمصور ؟؟!!
ولماذا يرفض مندوب الرياض أي مصور يتم توفيره من قبل اصحاب المناسبة أو حتى كاميرا .. ويصر على توفيرها بنفسه ومعرفته الخاصة بدعوى أنه ( عارف شغلو )؟!! |
ومعكم منتظرون يا عطية .. والإجابة مع عمكـ ساني!!
| |
|
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: محمد عبد الماجد الصايم)
|
| Quote: ومعكم منتظرون يا عطية .. والإجابة مع عمكـ ساني!! |
ياخ إنتو أحلى ناس
والله ده أجمل نقاش مرّ على من فترة طويلة
ومعاكم لـ آآآآخر السكة
بالنسبة للأستاذ الزميل عبداللطيف مجتبي لم يصلني منه أى رد آخر حتى الآن
أما بالنسبة لمعلومة إيجار الكاميرا هذه فـ لدي معلومة سابقة تقول :
إن مندوب الرياض يملك الكاميرا الخاصة بالتصوير وهي كاميرا بروفيشنال هاي ديفنيشن 450
يعني بالدارجي كده الكاميرا هيلو وهو بيأجرها لناس الأفراح أما بالنسبة للمصور دي ما بعرفها
هو بيستعين بمن يراه مناسبا ،،، وبقية المقترحات والإستفسارات دي راح تصل لمجتبي وراح يرجع ليكم قريب
خاصة مع مقترحات شراء كاميرا بواسطة المغتربين أو عمل رسوم معينة أو أى مقترحات أخرى
و دمتم يا حلوين
| |
|
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: mohmed khalail)
|
| Quote: أربع خمايس بس بعمل ليهو حوالي 14 ألف ريـال |
قل اعوذ برب الفلق ياخ
مادام العريس دافع الـ 715 ريـال زيو وزي اي عريس تاني مالكم ومال المندوب صوّر كم عرس في اليوم و الاسبوع و الشهر
رزق الله رزقه ليه كما الرزق الرزقه لبتاعة مكياج حفلة مكة
___________________________
و الله يا خوانا تسمعوا تعليقات أم حتوت اثناء البرنامج و تاني يوم بالتلفون مع جاراتها
المندوب كان قاليك بدفع ليك عشان يصوّر ليك تقول ليه لأ
| |
|
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: محمد عبد الماجد الصايم)
|
ود الصايم
عشان نكون فير , افراح الاولى مجان والتانية بقروش
first come first served
المندوب دة مغترب وبيدفع ضرائب وبدل لبس ومكياج وهناى
وبعدين ياخ المندوب دة جعل لكم هذا ممكنا
هسة لو ما افراح افراح , ورينى سبب واحد لظهور ذو اليد فى الشاشة
والقروش البتتدفع دى اعتبرها واحدة من ابتلاءات العريس , يعنى جات على ال715 ريال
لكن وفى راى الشخصى , برنامج افراح افراح هايف , لا هدف له
ما فيه اى ابداع , مقدمى البرنامج فى الاستوديو بيقولوا اى كلام وفى الموقع متلعثمين وحواراتهم ممله
مع العرسان وخصوصا العروس ناس (اغلبه بالعيال ويغلبنى بالمال , طرحها واضح !)
قبل فترة انتشرت مبيعات شرائط حفلات الزواج السودانية فى السعودية ووجدت استنكار شديد
من المجتمع حتى تم القضاء على هذه الظاهرة الإنسان رخيصة , هسة انا ما شايف اى فرق بينها وبين
برنامج افراح افراح فى ظل عدم وجود عقد رسمى بين القناة واصحاب الفرح
| |
|
|
|
|
|
|
|
|
 Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: احمد التجانى احمد)
|
Quote: قبل فترة انتشرت مبيعات شرائط حفلات الزواج السودانية فى السعودية ووجدت استنكار شديد
من المجتمع حتى تم القضاء على هذه الظاهرة الإنسان رخيصة , هسة انا ما شايف اى فرق بينها وبين
برنامج افراح افراح فى ظل عدم وجود عقد رسمى بين القناة واصحاب الفرح |
أحمد التجاني يا هندسة .. مالكـ عافص الجماعة ديل كـدا ياخ؟
على ما أعتقد من أول شروط تصوير المناسبة حضور العريس بنفسه والتوقيع على عقد
لبثّ الشريط .. ولو ما عملوا كـدا يكونوا دخلوا نفسم في حتات ضيقة زي زولنا بتاع الرياض دا!
السؤال دا انطرح عليهو بصورة مباشرة: في عقد على التصوير: قال (لا لا ياخ .. ما محتاج)!!
أما عن البرنامج .. فلو لا اختلاف الأراء لوقع البورض بب!!
البرنامج كويس وبنقل فرحة الناس واحتفالاتها للناس البقت ربعها في الخرطوم وتلات أرباعهم في المنافي!
| |
|
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: محمد عبد الماجد الصايم)
|
Quote: ود الصائم و ضيوفه الكرام ، تعرف ابو حتحوت قال النصيحة ، اهه يا ود الصائم خالتك ام هالة يوم الخميس ده اليوم الواحد الما فيهو مذكرة للعيال .
حسن الصغير يوم قال لاخته ريان ، و الله لو افراح افراح ده كلو يوم نرتاح من مذاكرة امى دى كلو كلو
عليك الله يا ود الصائم البوست التانى مفروض يكون فى ناس بتحب تعولق نفسها فى افراح افراح على قولة الاستاذ محمد سليمان |
أووو عمكـ الأقرع .. أخباركـ ياخ والأسـرة
الحال من بعضو يا حبيب .. وزي ما قال ود البشرى
مرات التعليقات ممكن تسحب الباسوورد عديل!!
بعدين أم روان بتخلص من قصة الواجبات دي من الأربع عشان الخميس ترطّب
بس اليومين ديل عندنا ضيوف والقصة اتلخبتت عليها شوية!!
_
(تعولق) دي مية مية عديل!!
| |
|
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: محمد عبد الماجد الصايم)
|
Quote: الموضوع دا فىالخرطوم مجاناً لكن يبدو من سؤالك
ناس الرياض والخليج ديل قاعدين يقبضوا من العريس ..!! |
تبلديكم .. مشتاقين ياخ!! مالكـ لا بد كـدا؟
من ناحية القبض فدا حاصل .. لكن نية القبض ما معروفة!
كان استغلال ولّ تكاليف ولّ مصاريف ما معروف!
لكن أهـو ساني فوق قال الزول دا عندو
كماميرا قاعد يأجرا لناس البلو نايل!!
يعني دبّر نفسوا واشترى كاميرا .. وأكيد جابت حقها
ولو بقى شاطر يشتري ليهو مصوّر كمان عشان تخلص القصة!!
Quote: المحير فى البرنامج دا النصائح البقدموهاالمذيعات
عن الحياة الزوجية والوصايا .. الخ وهن كلهن ( سنغل )
دى خبرة حضور حفلات ولا شنو ؟؟ |
هيااا عمكـ .. ما سمعت المثل (كان ما متنا شقينا المقابر)!!
| |
|
|
|
|
|
|
|
|
|
Re: استفسار: عناية قناة النيل الأزرق (أفراح أفراح) .. مع الشكر مقدماً لساعي البريد (Re: محمد عبد الماجد الصايم)
|
Quote: تابعت الحوار.. وتوقعت ظهور الأخ المندوب هنا مدافعاً عن نفسه بنفي هذه الأقاويل وأنها تجني عليه وإيضاح الحقيقة أو ظروف عمله التي تطلبت منه هذه المطالبات..
لقد ظهر الجميع إلا الأخ المعني "المندوب".. فهل السكوت رضا..!!
هذا النقاش سيعدل كثير من الأمور التي تتم في المناسبات بنفس هذه الطرق إذا تطرق لها الناس كما تطرق ود الصايم لهذا الأمر..! |
فتحي سيد يا حبيبنا .. أخباركـ ياخ والأسـرة
عمكـ المندوب عامل حِميل .. وأخباروا واصلاني!!
تسلم ياخ .. ومازلنا في الانتظار!!
| |
|
|
|
|
|
|
| |
محمد عبد الماجد الصايم
عمر عشاري
عطية المحسي
مزمل خيرى
الامين موسى البشاري
هيثم درار
motaz
ناذر محمد الخليفة
هويدا شرف الدين
Zomrawi Alweli
محمد خليل ساني
محمد إبراهيم علي
بابكر عثمان مكي
mohmed khalail
محمد البشرى الخضر
احمد التجانى احمد
هجو الأقرع
ود الخليفه
Magdi Ahmed Elsheikh
البشير دفع الله
فتح الرحمن عثمان
داليا حافظ
فيس بوك
تويتر
انستقرام
يوتيوب
بنتيريست