Quote: وياريت تحجزي لي جلابية بيضاء مكوية عشان ترسمي لينا فيها دقاني (لئيم) ودموي وكتل الشهداء سياد الناس في بيوت الاشباح
هلا هندسة، اولا تشرفنا بمشاهدة صورك الرهيبة ،والصورة الجاية ح تكون أرهب مع فنيلة بيكاسو ذات اللون الوردى المفرهد ،
نرجع للجلابية ذات المساحة المهولة لكشف الحال ،الواجهة بتاعة الجلابية ح أظهر ليك مضخات بترول ضخمة وانابييب ممتدة لكروش منتفخة تحمل دقون قشية ،بالقرب من المضخات ح أخت مجموعة من الفقراء الحالمين يجابدون ويبحثون عن اخرام لتلك الانابيب لاخذ قليل من هذا الذهب الاسود،ح اظهر عساكر يستعملون كل أنواع الاسلحة لمنع هؤلاء من مجرد القرب من الانابيب المتصلة داخل الكروش المدقونة،
فى الناحية السوبية يعنى الاتجاه الى سوبا ح أخد مساحة كبيرة جدآ لفلل فارهة ومبنية باايدى وتصميم أجنبى محروسة من الخارج وتوجد بالداخل مدن ترفهية واحواض سباحة عاجية وعليها عاملات لراحة الزوجات الصغيرات السن،وحرس خارجى لمنع الزيارات الكيدية من باقى الزوجات.
المساحة الخلفية ح نركز على الوسط عشان نظهر ليك جخانين مشتتة بالطول والعرض توجد بداخله كل أدوات التعزيب من أمواس لحلق الجلدالى زجاج فارغ وأعقاب سجائر تم أشعاله خصيصا لترك علامات على الظهر والرقبة،أسلاك كهربائية ليست للانارة بل لترك خطوط عرضية طولية متدرجة الالوان من الاحمر الغانى الى الاخضر المؤلم.
ثم سوف أركز على أشباح رجال ملثمون قد صنعهم أصحاب الدقون لتخويف النساء وممارسة الممنوع والمسكوت عنه لكتم انفاسهن.
04-21-2011, 09:52 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
لا يا طوربيد وشايف الحكاية جابت ليها (كبكبة وسنسنة) ويا النبي نوووح من القزاز البتطاقش ده
وهلا يا بيكاسو
Quote: المساحة الخلفية ح نركز على الوسط عشان نظهر ليك جخانين مشتتة بالطول والعرض توجد بداخله كل أدوات التعزيب من أمواس لحلق الجلدالى زجاج فارغ وأعقاب سجائر تم أشعاله خصيصا لترك علامات على الظهر والرقبة،أسلاك كهربائية ليست للانارة بل لترك خطوط عرضية طولية متدرجة الالوان من الاحمر الغانى الى الاخضر المؤلم.
ثم سوف أركز على أشباح رجال ملثمون قد صنعهم أصحاب الدقون لتخويف النساء وممارسة الممنوع والمسكوت عنه لكتم انفاسهن.
ودي بالذات يا نجاة اديها بالله الوان صارخة حتي يشاهدها كل من في عينه رمد..وياريت ايضا صورة لرجل شجاع وشرس يدق اليه مسمسار بواسطة شبح وهذا الشبح له دقن..(وفلكتب بالقرب من رسمة ذلك الرجل الشجاع هذا هو علي فضل سيد الشهداء واجمل الناس)...!! داير لي برضو ارواح صاعدة الي السماء وهي تحمل (قلم) وتكتب اسمائهم علي هذه الارواح (التاية - بشير الطيب- سليم- طارق- محمد عبدالسلام) وكل شهداء الحركة الطلابية ..
04-21-2011, 10:41 PM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: داير لي برضو ارواح صاعدة الي السماء وهي تحمل (قلم) وتكتب اسمائهم علي هذه الارواح (التاية - بشير الطيب- سليم- طارق- محمد عبدالسلام) وكل شهداء الحركة الطلابية ..
هندسة حبابك،وطلبك فوق للعين والرأس،دى ح تكون زفة ملائكية لهؤلاء فى ثياب بيض ناصعة البياض تضم أصحاب الارواح النقية الخالية من الشوائب المتعلقة فى نفوس القتلة،سوف أطرح ثوب نقى طاهر وأجمع كل أرواح هؤلاء داخل هذا الثوب وأنثر ثلج وعطور فوق أجسادهم الشريفة،
وبالقرب من تلك الارواح ح أرسم أشباح متوهجة العيون ومتناثرة الدقون ولها مخالب حادة يظهر عليها أحمرار دموى يلوث كل المخالب والانياب التى تظهر من أفواه نتنة من كثرة أكل اللحوم البشرية،تشير تلك المخالب الى الثوب الابيض الذى يدثر الارواح الطاهرة بفرح واستهتار،
فى نفس المكان ح ارسم ليك نهاية الدنيا وكل هؤلاء المجرمين وأصحاب المخالب يقفون أمام نور أبيض ويسألون بما فعلون ويسقطون فى الامتحان ويوجهون الى أخشاب ملتهبة ويحرقون كذا مرة لكثرة الارواح التى كانت نهايتها على أيديهم وهذا بمثابة تذكير لهم بنهاية كل الطغاة فى العالم.
أها يا كيكى نرجع للجلاليب ولا عندك جزء فى اللوحة عاوز تخت فيهو وجعة شديدة نرسمة ليك بالريشة والالوان النقية.
04-21-2011, 10:41 PM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: داير لي برضو ارواح صاعدة الي السماء وهي تحمل (قلم) وتكتب اسمائهم علي هذه الارواح (التاية - بشير الطيب- سليم- طارق- محمد عبدالسلام) وكل شهداء الحركة الطلابية ..
هندسة حبابك،وطلبك فوق للعين والرأس،دى ح تكون زفة ملائكية لهؤلاء فى ثياب بيض ناصعة البياض تضم أصحاب الارواح النقية الخالية من الشوائب المتعلقة فى نفوس القتلة،سوف أطرح ثوب نقى طاهر وأجمع كل أرواح هؤلاء داخل هذا الثوب وأنثر ثلج وعطور فوق أجسادهم الشريفة،
وبالقرب من تلك الارواح ح أرسم أشباح متوهجة العيون ومتناثرة الدقون ولها مخالب حادة يظهر عليها أحمرار دموى يلوث كل المخالب والانياب التى تظهر من أفواه نتنة من كثرة أكل اللحوم البشرية،تشير تلك المخالب الى الثوب الابيض الذى يدثر الارواح الطاهرة بفرح واستهتار،
فى نفس المكان ح ارسم ليك نهاية الدنيا وكل هؤلاء المجرمين وأصحاب المخالب يقفون أمام نور أبيض ويسألون بما فعلون ويسقطون فى الامتحان ويوجهون الى أخشاب ملتهبة ويحرقون كذا مرة لكثرة الارواح التى كانت نهايتها على أيديهم وهذا بمثابة تذكير لهم بنهاية كل الطغاة فى العالم.
أها يا كيكى نرجع للجلاليب ولا عندك جزء فى اللوحة عاوز تخت فيهو وجعة شديدة نرسمة ليك بالريشة والالوان النقية.
04-21-2011, 11:10 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: أها يا كيكى نرجع للجلاليب ولا عندك جزء فى اللوحة عاوز تخت فيهو وجعة شديدة نرسمة ليك بالريشة والالوان النقية.
لا يا بيكاسو.. ولو لقيت لي مساحة مطرفة كده رسمتي لينا فيها ابو دقن وهو يلوح بالثروة والسلطة وهناك جوقة من (تاكل عيش) والانتهازية الجربندية بمسحو في خوخ ابو دقن ده ولعابهم سائل لكل الوظائف والامتيازات الدقنية.. وياريت ترسمي لي (كشك ناصية) في سوق ليبيا بحكحك (علامات الصلاة الفي الجبهة ) وضروري ترسمي لينا كورجة ومظاهرة قدام هذا الكشك من الانتهازية والافندية الوهم وهم طالعين وداخلين للكشك ده حتي يتم صناعة (وسمة صلاة فنكوشية وكذوب) لهم... وبعدها ممكن تتوجهي الي الجلابية ومتعينا بالدهشة والفرجة في رسمة وجيعة الوطن في زمانات الطفابيع
04-22-2011, 09:31 AM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: وياريت ترسمي لي (كشك ناصية) في سوق ليبيا بحكحك (علامات الصلاة الفي الجبهة ) وضروري ترسمي لينا كورجة ومظاهرة قدام هذا الكشك من الانتهازية والافندية الوهم وهم طالعين وداخلين للكشك ده حتي يتم صناعة (وسمة صلاة فنكوشية وكذوب) لهم...
صباح الخير مستر هندسة،الاكشاك ح تكون فى قلب الخريطة الوسطى مع أنحدار قليل للاتجاه الشمالى النيلى،داخل الكشك رجل فى مقتبل العمر يلبس جلباب فضفاض ويضح سبحة لالوبية مكونة من الف حبة يطلق لذقنه العنان فى هواء المنطقة الملوسة بالدجل والانحراف ،الرجل ذو الدقن المطلوقة يجلس على كرسى متحركة ووثير، خارج الكشك صفوف من الشباب يحملون أوراق تثبت الانتهازية والانطلاق للكسب الغير شريف،هذه الاوراق تحمل امضاء شخص واحد وهو شيخ الطريقة التسلقية على رقاب المنهوكين والحالمين بالتغير،بالقرب من الشيخ المذقون يجلس موظف مهمته وضح الختم على الجباه كا تأشيرة لوجود وظيفة من غير مؤهل أو تسهيلات لعمل وامتلاك أراضى ومزارع ، ذلك الختم الاسود الجبهوى يجعلك مميز فى ظل هذا النظام ويجعلك أيضآ مميز بعد زوال النظام،
الجزئية الوظيفية دى يا كيكى ح تكون بالقرب من قلب الرسام صاحب الريشة نسبة للركض المؤهل للعيش الكريم بدون نتيجة غير اللجوء للدول الاخرى وحمل ريشة فى نهاية المطاف كا عمل تطوعى لفش الغبن المركوم فى وسط القلب،وسوف أستعمل لون خاص وريشة مميزة لتلك الجزئية التى قد مست كل شريف مؤهل من غير ختم على الجبهة المصنوع فى أكشاك الدولة.
أها يا كيكى ممكن نعمل امتداد للكم عشان فى أشياء مهمة ح تكون باالوان صارخة مائلة للسواد الداكن الحالى فى الخريطة ،بعدين يا كيكى ممكن أمزق ليك الجزء النهائى المائل للجنوب تمزيق مدروس عشان الشكل العام للخريطة يكون صادق ويحمل مواصفات حقيقية لوضع الخريط فى خلفية الفنيلة.
04-22-2011, 10:21 AM
معتز القريش
معتز القريش
تاريخ التسجيل: 07-07-2006
مجموع المشاركات: 11343
شكرا على جلب هذه الصورة التي أفتخر بها جدا هذه الصورة كانت في جلسة فنية ثقافية في منزل الأخ والصديق (بدر الدين الأمير) دعانا اليها كعادته في اكرام ضيوف الدوحة صاحب البيت العامر المذكور أعلاه وأنا من جلبها الى هذا المكان ولم يكن فيها ما يوجب الخجل ما أشرت اليه بالمربع الأحمر يخص صاحب المنزل وهو يستطيع أن يرد على ذلك المهم ما أشرت اليه لا يخصني ولو كان يخصني فهو شئ شخصي
وقد كان لي عظيم الشرف أن كنت عازفا في ذلك اليوم مع الفنان القدير والكبير الرجل المهذب المحترم (علي السقيد) ومن هنا أبعث له أطيب التحايا .. هذه من الأيام الخوالد في ذاكرتي ..
ولو لا أن الجلسة كانت أخوية ما كنت لأعزف ..
وبما أن جالب الصورة لا يعرف أنني (كنت) عازفا ضمن فرقة الأستاذ مصطفى سيد أحمد فانني اقول له .. نعم كنت عازفا .. ولكنني تركت الموسيقى بعد وفاة المرحوم الراحل مصطفي
وهنا قلت هذا الكلام
أخي معاوية عبيد الصايم صدقني لو أنك عرفتني أو حتى سألت عني فأنا واثق من أنك لن تحمل لي كل هذا العداء الشخصي ليس بيني وبينك ما هو شخصي .. أتمنى أن ألتقيك وان شاء الله ستتغير نظرتك لي
كن بخير .. وطمنا على الوالدة
04-22-2011, 10:28 AM
معتز القريش
معتز القريش
تاريخ التسجيل: 07-07-2006
مجموع المشاركات: 11343
Quote: أها يا كيكى ممكن نعمل امتداد للكم عشان فى أشياء مهمة ح تكون باالوان صارخة مائلة للسواد الداكن الحالى فى الخريطة ،بعدين يا كيكى ممكن أمزق ليك الجزء النهائى المائل للجنوب تمزيق مدروس عشان الشكل العام للخريطة يكون صادق ويحمل مواصفات حقيقية لوضع الخريط فى خلفية الفنيلة.
هلا يا بيكاسو ويبدو ان الرسمة قد ضربت في الانكل واوجعت قوة الضلام ومساندي الانظمة الكسيحة التي هي الي زوال ويبقي هذا الشعب وابنائه الكرام هم سادة البلاد والعباد.. وبالجزئية الاخيرة في امر الرسمة وذاهبك بها جنوبا فقد ولعتي جمر الحي وجبتي سيرة الوجع المقيم في زمانات نيفاشا والطفابيع... واصرخي يا بيكاسو بالوانك واناملك في هذه الجزئية حتي تحكي حكاية وطن بالسكين اتقطع...وياريت تبرزي لينا الاجزاء المقطوعة الاوصال في هذه الخرطة وهي تنزف دما وياريت ترسمي لينا انسان سوداني وابو دقن شايل ساطور وبقطع فيه الي نصفين وهو ينزف ويستغيث ويهتف (عاش السوداني موحدا) وعاش السودان الواحد
وسنتابع
04-22-2011, 11:18 AM
معتز القريش
معتز القريش
تاريخ التسجيل: 07-07-2006
مجموع المشاركات: 11343
هلا يا طوربيد ونعم لا هدنة ولا تفاوض ولا ايتها حاجة بل ضرب لكل الركب الانقاذية المطبلة... وايضا قرفصاء وساتر لاني احتمال الدبابين ديل يرشو (العديد) دي في اي لحظة فعلينا ان نضرب الركب ونحن عاملين ساتر حتي لا تصيبنا صواريخ اسكود ود البادوقة وتوماااهووك القريش الموجهة صوب الامريكان في صحاري العرب...
Quote: تصرف أيها القائد ألا تعلم أن العسكرية تصرف ؟
هلا يا قريش وحبابك يا دبابة ويا صاروخ وانت يااخ ما برضو تتصرف وتديني نظرة في خرطتي بتاع القاعدة بتاعة (الامريكان) المعتلها لي اربعة يوم ونص دي(لمن ضهري انقص ياااخ) وقول لي فيها اي حاجة يااااخ انشاء الله باصصص
Quote: أنني (كنت) عازفا ضمن فرقة الأستاذ مصطفى سيد أحمد
هلا يا قريشن.. والواحد فيكم يدق ليهو (بنقز) مع الراحل مصطفي سيد احمد حفلة حفلتين يجينا هنا يعمل لينا فيها محمدية ويشبكنا (وووااي وااي خلوني) (وواي وواي) انا دقيت بنقز مع مصطفي سيد احمد (اوع تجي تقول لي ما بتاع بنقز...وعيب لي البنقز ده وناكرو مالك) ---------- انت زول دقيت بنقز لمصطفي الذي غني لنبض هذا الشعب ووجدانه.. الجابرك شنووو عليك دينك تركل كل هذا الخلود وتقعد تترمتل مع الحرامية ولصوص الشعوب ديل
هلا يا باوقة وكثير ما يعجبني مخيخك الايسر عندما يشتغل كويس وفعلا الشرك ياهووو قاااعد في شكل مستطيل احمر هي خطوطه يسر الناظرين.. وانت وفردتك قريش ده بس قولو يا لطيف واردمو وانا بساعدكم بهييييييييييييع
ود الباوقة برضو اكان زمان عازف (شتم) احتياطى ..لانو ما كان بركز مع البقنز اثناء الربة وبيكون همو فى عشاء ( الفنان ووفده)
ممكن يا بى كاسو لو عندك وقت ترسمى نوبة ونحاس وود الباوقة بيصوقر فى الدارة والعوينات مركزة بكان العضة..وياريت الربة تكون فى مزرعة لانو بحب الخضرة والشاى بلبن الغنم
04-22-2011, 12:18 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
الموسيقار قريش شمة لو سمحت يا طوربيد علي وزن نصير شمة.. -------------------
قريشن ده انا عزفو سمعتو باضاني البياكلها الدود دي.. صاح في البنقز ما بطال وعند طلعة طلعتين كده يبدو انو حافظها منذ كان (كورس للفنان شنقر في نواحي الدويم).. ولكن لو عزف (اورغن) او اي مصيبة تاني عندك حلين لا ثالث لهم 1- تشيل ليك قطن طبي وتسد اضانك اللفت بطينة والرايت بعجينة 2- او تعمل ياااع تشتت من الكوجين الموسيقي وتحفظ اذانك الموسيقية المرهفة من هييك جوطة وفوضي لحنية
وسنتابع
04-22-2011, 02:08 PM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
Quote: هلا يا عبد العزيز أقدل ذى ما عاوز وأرفع رأسك فووووووووق البلد بلدك والبدلة تصميم خاص بيك عشان تقدل وتسكت الخشام، بعدين فى الكتوف بتاعة البدلة ح نضع ليك صاروخ نارى أحمر قانى سريع الانطلاق ومدمر، و فى نفس الاتجاه بتاع الكم التانى للبدلة ح نرسم قارورة بمبان محشوة بمواد سامة وكاتمة للنفس، سة فى مساحة فى الوسط نفكر مع بعض فى أكتر صورة تناسب البدلة ومكان القدلة، تسلم
العزيزة/ نجاة بيكاسو
ساحة القصر دي ليها وحشة شديدة. من يوم 6 أبريل 1985م لم تطأها قدماي.. وأتمنى أن أزورها بنفس تلك الطريقة التاريخية عن قريب يا رب!! لكن البدلة دي تلزم الزول يزور بيها تلك الامكنة.. بالذات امام القيادة.. وتلك بتكون المرة الاخيرة.. فبعدها ستحول خارج العاصمة اذا كان في حوجة ليها أساسا.. وبالجد مالنا حوجة في قيادة ولا حتى في جيش.. منذ الاستقلال ما شفنا جيشنا عمل ليهو حاجة للبلد دي غير المآسي والمحن.. سلاحه دائما موجه في الداخل ضد أبناء الوطن.. وكل من هب ودب يبرطع في البلد وما سمعنا مرة واحدة أن الجيش قد تصدى لحاجة.. لكن البدلة دي تمام وعال العال.. ونلبسها بعد الموافقة الخطية من جنابو كيكي
تحياتي
04-22-2011, 08:26 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: وكل من هب ودب يبرطع في البلد وما سمعنا مرة واحدة أن الجيش قد تصدى لحاجة.. لكن البدلة دي تمام وعال العال.. ونلبسها بعد الموافقة الخطية من جنابو كيكي
هلا ياعبدالعزيز ونوافق بشدة علي لبس البدلة وبل نطالب ببدلة سيم سيم بالكربون نرتديها جميعا,, والجيش السوداني ذلك الجيش الذي استغلته الشموليات لقتل ابناء البلد ومنذ الاستقلال وهو يضرب ذات الغرب ثم ذات الجنوب..ولكن عندما تاتي الطائرات من خارج الحدود لن تجد هناك من يحمي هذه الارض التي صارت بورا في كل الاشياء..
وسنتابع
04-22-2011, 08:32 PM
معاوية عبيد الصائم
معاوية عبيد الصائم
تاريخ التسجيل: 06-09-2010
مجموع المشاركات: 22458
Quote: كيكى انزل الجوكر وننتهى من المعركة بعد هروب المندحرين ..ونشوف شغلتنا الاساسية.
لا لا لا يا طوربيد الجوكر لا الجوكر لا ياخي وحلفتك بالله وبشيخي شكر الله بلاشششششش.... الناس كفاية عليهم دق العيش الذي كان يتحول فجاة الي دق ريحة وتارة الي دق غرائب الابل الكيزانية المطبلة..!!! العديد دي مجهجه باكاتهم ومخلياهم بخشو البوست ده زي حرامية الليل تقوم تنزل الجوكر حنفتشهم بجبادة تاني ما نلم فيهم.. فارجوك يا طوربيد كما كنت
غايتو بعد انجلاء المعركة و المحادثات وتوقيع اتفاقيات السلام عندي راي تاني انا زول بحب الموسيقى كحب ود الباوقة للنحاس و عاوز جلسةسمر معاكم وماعنكم مشكلة عودفي كمانفي اورغ في بس ما قدر المرحوم مصطفى سيد احمد .... على قد الحال.
04-23-2011, 06:53 AM
معتز القريش
معتز القريش
تاريخ التسجيل: 07-07-2006
مجموع المشاركات: 11343
Quote: والله يامها انا مافي عمالة حبيبنا كيكي لكن في ود الباوقة الغتس حجر اليابان ده لحق الجماعة امات طه
الإتهام بالعمالة والكلام سااااااي كدا أسَهل منو مافي يا بهاء ، ود الباوقة هو زااااااااتو عميل للأمريكان ، والضرب اليابان دا ما تسونامي ولا حاجة دي خطة نُفذت بإحكام لتدمير اليابان والعميل ود الباوقة من قام بها
خطير يا باوقة خطير
04-23-2011, 11:06 AM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: ونعلن انتصارنا الكاسح على فلول الماركسية المبادة وبرابرتها
loooool والمشتهي الحنطير يطير با باوقة,,, وانت قايل النصر دخ بجي عيييييك وعااااك ولاشنو..؟؟؟ خليك كمتدرب ضد الطاغية الامريكان (امين) من تدريبك الرسالي ورش لينا (القاعدة) الفي الخرطة القوقلية الفووق دي.. وبلاش مزغزغة معاك...
ود الشيخ تحياتي يا مزيكة.. والمزازيك دي يا ود الشيخ مافي مانع اجييك بكان ما انت قاعد ونجضم المزازيك ولكن الحكاية لو بقي فيها بتاع البنقز ده فانا بعتذر وبشدة وكبك..
هلا يا بهاء بكري وحبابك يا مها والبوست فضح العقل الكيزاني في اطلاق نعت (العميل) علي الذين يقفون ضدهم بكل دم بارد واستهبال ووعلي طول سنين الانقاذ كلمة (عميل) يتم اطلاقها بنفس الطريقة المعتز قريشية المبذولة في هذا البوست ويعاونه الدقاني المطبل الاخر ود الباوقة.. ولكن سيتسمر الضرب,,,, وكل القوي دقاااانة جووووووووه
04-23-2011, 01:47 PM
معتز القريش
معتز القريش
تاريخ التسجيل: 07-07-2006
مجموع المشاركات: 11343
دا معناهو البدلة جاهزة ومكتملة التصميم وجاهزة للبس والقدلة الماخمج.
اها ننتقل للبوست الجديد ولا لسة عندك وجعة عاوزة ليها تحليل ريشى ، المهم نحن جاهزين للانتقال او أكمال الوجع الخرافى المحلل فى الرسومات التى كانت أقوى وأعنف من كل الاسلحة المستعملة ،
فى أنتظار رأيك ندفن ونمشى على بيت العزاء الجديد ولا نتم السبوع هنا وبعد داك نمشى؟؟
04-23-2011, 08:27 PM
معاوية عبيد الصائم
معاوية عبيد الصائم
تاريخ التسجيل: 06-09-2010
مجموع المشاركات: 22458
Quote: اها ننتقل للبوست الجديد ولا لسة عندك وجعة عاوزة ليها تحليل ريشى ، المهم نحن جاهزين للانتقال او أكمال الوجع الخرافى المحلل فى الرسومات التى كانت أقوى وأعنف من كل الاسلحة المستعملة ،
فى أنتظار رأيك ندفن ونمشى على بيت العزاء الجديد ولا نتم السبوع هنا وبعد داك نمشى؟؟
هلا يا بيكاسو الوجع الخرافي ما بكمل طالما هولا الدقانة هم من يدير امور البلاد والعباد .. والبوست بالهناك دي طلعة جوووية وزوووووووم اوت علي خفيف حتي نواصل ضرب الركب الدقنية هنا او هناك او كل الامكنة..وواقترح ان يستمر رسمنا هنا وهناك ايضا وكما سيستمر ضربنا للركب الدقنية حتي النصر الكبير.. ووان كانت لاتزال هنا هنالك مساحات فاعتقد بان (لاهاي معقل الطغاة) فقد ان الاوان حتي تجد لها مكانا ومكانا وزنزانة يجلس فيها مجرم دقاني افسد البلاد وارواح العباد
04-23-2011, 09:38 PM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: الاربعين يا بى كاسو ولبس الدمورية ..لازم لوحة (التوبة) وبعد داك نرفع الفراش...
سلام يا معاوية الاربعين، وحالفين نزيدا يومين هوادة على بركات شيخ كيكى، دا الكلام ومافى قول بعد كلامك دا، لوحة التوبة نجهزة ليكم ورفع الفراش بالقيمات والرز بنجهزو كل تمام التمام،
البركة فى الجميع تحياتنا الخاصة لى أم العول،
04-23-2011, 09:59 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا طوربيد واقترح ان يستمر الضرب الركبي ونواصل في الطلوع في عارضة البوست الذي هولا ملكا عاما لكل ابناء هذا الشعب افضل ..نقدمه هدية وعربون صمود وامل مفتوح علي فجر قريب...
ود الباوقة ده لو لقيت لي فيهو سلفة يوم يومين كده بتكون برضو ما قصرت معاي..
04-23-2011, 10:02 PM
معاوية عبيد الصائم
معاوية عبيد الصائم
تاريخ التسجيل: 06-09-2010
مجموع المشاركات: 22458
Quote: ووان كانت لاتزال هنا هنالك مساحات فاعتقد بان (لاهاي معقل الطغاة) فقد ان الاوان حتي تجد لها مكانا ومكانا وزنزانة يجلس فيها مجرم دقاني افسد البلاد وارواح العباد
هاى مستر كيكى، المساحات متوفرة ما تشيل أى هم، لاهاى دى نخليها بعد نرفع الفراش ونضرب الرز بالبن وندفن بعد داك نركب الطيارة ،
التصميم الخارجى للزنزانة موجود وكل الادوات موجودة من حديد صلب الى جنازير وطبل من النوع الفولاذى،بنرج للجزئية دى قبل مراسم الدفن عشان الايامات دى قاعدين نجهز ونعمل اللازم ليوم المهرجان.
04-24-2011, 06:09 AM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا طوربيد وحباب نجاة واصبحنا بالله وبشيخي شكر الله..
وتشكر يا معاوية علي (البيرمشن) ويا نجاة اجل نوافق علي تاجيل مشية لاهاي حتي نتامل رسمة الزنزانة ونجهز جميعا الي يوم الكيتة والرمبة التي سيضربها هذا الشعب العظيم وهو المعلم الذي سبق كل هذه الشعوب في المنطقة التي تلعلع في هذه الايام... وبالمناسبة جلاليب الطوربيد لسسسع فيها مساحات ولا اتقفلت وملت (فل) لانو لو في مساحات داير لي واااحدة مخصوووص كده لرسومات بالهتيفة الرجرجة والدهماء وناس سير سير يا البشير احنا جنودك للتعمير
وسنتابع
04-24-2011, 08:58 AM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: وبالمناسبة جلاليب الطوربيد لسسسع فيها مساحات ولا اتقفلت وملت (فل) لانو لو في مساحات داير لي واااحدة مخصوووص كده لرسومات بالهتيفة الرجرجة والدهماء وناس سير سير يا البشير احنا جنودك للتعمير
هلا ياكيكى جلاليب الطوربيد لسع فيها مساحات وجاين عليها،والله الجزئية بتاعة سير سير دى عندنا ليها شغل فى الصميم،
انا نفسى فى الواجهة الامامية من جلاليب الطوربيد الناصعة البياض اعمل ليك مدن مليانة شباب من نوع الرجرجة اياهم،يخرجون من نفس الاكشاك الخاصة بالاختام الجبهوية كا تاشيرة للفتح الدنيوى والكسب الرخيص،هولاء ح نبدا رسمهم قبل العلامات الجبهوية ونبت الدقون القشية .
فى المساحات من الجزء الغربى والجنوبى من الخريطة الممزقة جنوبيا، نوجه ليك سهم خاص بالزحف المائل للجهة الغربية ومن خلف الجزء الغربى ح اضع اشخاص ملتحين يتشاورون وفى أيديهم سكاكين حادة وعليها دماء بعد قطع الجزء الجنوبى وايضآ نفس المجموعة التى تحمل السكاكين الحادة متجهة الى الجزء الغربى وهم يشيرون الى قطع وتمزيق هذا الجزء وترسيم الحدود الجاهزة من ناحيتهم بعلامة حمراء لتقودهم لبدء العملية،وأيضا خطوط بلون فاقع الاحمرار مائلة الى الجزء الشرقى مؤجلة لحين انتهاء مهمة الجزء الغربى وبذلك قد يكون الشكل العام للخريطة مقطع وممزق ونازف .
يلا يا كيكى لسة جلاليب الطوربيد توجد بها مساحة كافية لعمل لوحة بتوجيهاتك وبركات شيخك.
04-24-2011, 11:45 AM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: يلا يا كيكى لسة جلاليب الطوربيد توجد بها مساحة كافية لعمل لوحة بتوجيهاتك وبركات شيخك.
هلا ودبايوا يا نجاة.. والرسمة بالجد صارت تجنن وكل مرة ماشاء الله شايفك شايلة وجايبة من جووووه وجع الوجع ومضيفة مشهد وياريت بالله في احدة من الجلاليب البيضاء ومكوية الجابها الطوربيد نلقي لينا ايضا رسمة لدقاني شايل كيس دولارات بقبقب وخانق ليهو دقاني تاني ايضا شايل كيس ملان دولارات (فلللل) وبالقرب منهم سفينة تغرق وتسنغيث وشعب بايادي خضراء وسواعد فتية بدفر في هذه السفينة الي البحر بكل قوة وحماس...وما بين جنبات السفينة تظهر دقون (مبشتنة وومممعطة) ومدقوقة دق العيش
وتحياتي ولسسسع ماشين في سكة الرسم ونمد ------- وهروب تام للمرجفين قريش وصحبة ود الباوقة واختفاء من كل رادارت الرصد والمتابعة
وسنواصل وسنرسم وسندق دق العيش ايضا
04-25-2011, 09:27 AM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
وتحية لبيكاسو وللطوربيد وللمحلل فتحي وللريشة عبد العزيز ولود الشيخ رائد المزازيك وللانذار المبكر دينق ومها... وهل ان الاوان لكي نحظي بزغردوة من حواء سليمان.. ياريت والله ولكل من عبر بهذه السياحة والمعركة النوعية كل التقدير والود
04-29-2011, 08:44 AM
معاوية عبيد الصائم
معاوية عبيد الصائم
تاريخ التسجيل: 06-09-2010
مجموع المشاركات: 22458
Quote: واعتقد بان الاوان للدفن قد حان فلقد هرب المرحفين
وتحية لبيكاسو وللطوربيد وللمحلل فتحي وللريشة عبد العزيز ولود الشيخ رائد المزازيك وللانذار المبكر دينق ومها... وهل ان الاوان لكي نحظي بزغردوة من حواء سليمان.. ياريت والله ولكل من عبر بهذه السياحة والمعركة النوعية كل التقدير والود
وين يا أهلنا أنا قايلة خلاص دفنا عشان البيت اهلوا رحلوا منو وين كدا ما عارفة!!!! المهم لو فى اى رغبة لنكش المرحوم نحنا جاهزين بس قولوا عوووووك.
سلام يا كيكى ومعاوية.
05-01-2011, 11:07 PM
Magdi Ahmed Elsheikh
Magdi Ahmed Elsheikh
تاريخ التسجيل: 03-11-2008
مجموع المشاركات: 7720
هلا يا طوربيد وحبابك بيكاسو ويبدو ان الزوابين في حنين وشوق للسلخ والدرش وبعد هروبهم وقبرهم في سماء البوست هاهم يعودون كما يعود الحرامي من مسيره الليلي ويتسربون (بشيش بشيش)الي داخل البوست بعد هروب وتوهان..
ويا باوقة ويا قريش الفاتحة ياااخي والبركة فيكم شايف زعيمكم الروحي بن لادن الليلة قد تم قتله من قبل قوات امريكية وشيلو الصبر واقترح ان يخلفه نافع او بالعدم صلاح غووش الرفدتو ده بدل يقعد ساااكت بدون شغل اخير ليهو يخلف بن لادن حتي يكون خير خلف لخير لسلف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة