|
Re: بوتيك ( نادية إستايل) بالخرطوم / الرياض/ دعوة لنساء ورجال وأطفال المنبر .. يوجد( تخفيض وبيع (Re: نادية عثمان)
|
Quote: للتخفيض الرجاء إحضار نسخة من البوست ده !!
لكن بالجد القراء والأعضاء ليهم تخفيضات هائلة جدا !
|
الحبيبة الغالية نادية عثمان سلامي لك وكل الاهل. وبكلامك الحلو دا آها بقول ليك حبابك عشره. وانا رسلت لامي نسخه طبق الاصل من بوستك بالبوسته وللعلم وصل البريد عاد بكره الحاجة بتركب لوري من النهود وبجيك عديل. وصفتا ليها كنتينك دا وقالت تب بتعرف الشارع بتاع المستشفي وبتجي تعبي شيلا وتذكره كمان انشاء الله علي سودان طير. ماتخزليني ياندو المهم الشيله والتذكره عشان الحاجه تفرح بي معاكم وانا بقصد ليك بعدين بس بدون كمبيالات . مودتي شــــــــــــــطة
| |
|
|
|
|
|
|
Re: بوتيك ( نادية إستايل) بالخرطوم / الرياض/ دعوة لنساء ورجال وأطفال المنبر .. يوجد( تخفيض وبيع (Re: خلف الله عبود)
|
أستاذ خلف الله
سلامات
Quote: معليش خرجت من موضوعك الاساسي ، بس ردك ما كان مقنع ... |
سبحان الله يا فنان !!
ردي ماكان مقنع كيف وهو ده نقاش ولا حاجة بتاعتي وأنا عارفة أسبابها وقلتها ليك ؟
عاين
مشكلتنا بندخل السياسة في أيييييي حاجة وهي فعلا داخلة لكن مابتكون سبب في خراب كل تفاصيل
حياتنا .. يعني هسة أنا لو ( حبيت) زول وخلينا بعض يكون بسبب الإنقاذ ؟!
ههههههه
يا فنان كلامك صاح النفايات والضرائب والبلاوي دي كلها مرهقة وبتكره الزول المشاريع لكن تبقى الحقيقة في مايتعلق بمشروعي أنا خليتو لعدم التفرغ وكترة الترحال .. هسي دي ما إجابة مقنعة ؟
بالنسبة للبيجامات عندنا واحدة مقاس ستة وخمسين خضراء فاقع لونها أحجزها ليك ؟
منتظرينك والمدام العزيزة وزوجات الأولاد سمح ؟
| |
|
|
|
|
|
|
Re: بوتيك ( نادية إستايل) بالخرطوم / الرياض/ دعوة لنساء ورجال وأطفال المنبر .. يوجد( تخفيض وبيع (Re: نادية عثمان)
|
العزيزة / نادية
عليك الله (بزينيس) شنو في عصر الانقاذ دا ؟؟
حدي يغامر ويمشي كمان براهو وبي كرعينو ديل يفتح محل وكمان عايز يربح ويرتاح ؟؟..
الله يكون في عونك وان شاء الله تاني ما تدخلي تجربة زي دي .. على الاقل في عصرنا الحاضر دا!!!.
اصبري شوية والحل في الطريق .. وانتي عارفة انا قاصد شنو طبعا !!!.. قريب بمشيئة الله تعالى ..
وصيتي ليك : خليك مع حبيبة العمر ورفيقة المتاعب احسن ليك ..
لك ودي خالصا ومعزتي وصالح دعواتي بانك تمرقي بالسلامة من الورطة المهببة دي !!!.
خضر
| |
|
|
|
|
|
|
Re: بوتيك ( نادية إستايل) بالخرطوم / الرياض/ دعوة لنساء ورجال وأطفال المنبر .. يوجد( تخفيض وبيع (Re: نادية عثمان)
|
Quote: تلاتة وعشرين بت جوني المحل سمحات وحلات الدنيا عليهم وكل ما أسأل واحدة فيهن أبوك أمير كيف تقول لي بابا ما أسمه أمير !! بناتك ديل بيكونوا ( طشن) من المحل ولا شنو يا أمير |
نادية بت خالتي اذيك و كيفنك البنات اكيد (طشن) رغم الحاحي عليهم هم طبعا ما صدقو الاجازة جات و حضرو معاهم امهم للدوحة ولوقوني انا ذاتي في الرياض .. عموما أن شاء الله الامور تكون سارت كما تحبي بالمناسبة امس كنت مع بت خالتي نجوي الخير بت ذكية خالتي تسلم عليك سلام حار هي في الرياض و بقي عندها عدد من الصبيان و بنية واحدة كذلك التقيت مع الاخ طارق خضر و اخواته نهلة و هاجر اكيد متذكراهم عموما يا ستي تحياتي ليك و ان شاء الله نشوفك علي خير و يا ريت في سفراتك الكتيرة دي تدينا طلة سريعة كده علي الدوحة دمتي بخير
| |
|
|
|
|
|
|
|