الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور)

Quote: مالو ما نتسلى وكت خليت النضال....لكن ما تخاف انت سلمت وانتهيت وما فى اى زول متذكر ذلك ... كلام الحمامات والادبخانات دى ساهل واى زول يمكن يقولوا لانو ما داير تاهييل ... اهمية التواصل معاك زادت بحكم الانفصال الذى اصبح ماثلاًً وربنا يسهل

Quote: سلامات دينق هل تصدق في بعض جالياتنا بالخارج تستضيف الامنجية في جمعيتها العمومية دون ادنى خجل .. خليك من المناسبات المفتوحة .. في إختراق اكثر من كده دبلوماسيين آخر زمن " من منازلهم" لايستحون ابدا .. فالحين في التهديد والاذلال لاغير ... لانهم ماتعبانين فيها .. الصفاقة من طبعهم ... كبارهم -متصابين - تسببوا في عزل وزيرة خارجية موريتانيا من منصبها بتغزلهم في جمالها الله لاكسبهم خير مرمطوا سمعة وزارة بحالها

Quote: الزول ده بيجي الندوات دي ليه وهو عارف إنه في كل مرة بيسمع ما لا يرضيه وأن وجوده يستفز الجهات تنظم هذه الفعاليات السياسية؟ ماذا يريد هذا الشخص بتكرار مثل هذا السلوك السمج؟ المرة دي أخرجته الشرطة ولكنني أخشى أن يولد سلوكه المتكرر هذا رد فعل عنيف من أحدهم حيث أن ردود أفعال الناس تختلف خاصة أن الغالبية العظمى من المعارضين هنا تضرروا من عسف السلطة التي يخدمها بدرجات متفاوتة. أرجو أن يكون ذلك درسا له يجعله يبتعد عن هذه المنابر. التحية للصديق عادل على صالح وشكرا للأخ دينق والأخ كوستاوي على التوثيق.

Quote: شكرآ الأستاذ دينق لك التحية وللمناضل الجسور عادل علي صالح فهو أحد الصناع المجهولين لثورة ابريل حينما كان طالبآ بجامعة الجزيرة وما زال يدافع عن الثورة وهو خارج الوطن بتصديه لهؤلاء ال ك ل ا ب الأمنية! شكرآ لك مجددآ لفضح هذا الأمنجي المعتوه للمرة الثانية!! أريتو يفهم وما يجيكم تاني.. رضوان داؤد

Quote: تانى عملتوها يا دينق يا أخى سودانيتنا السمحة لا تسمح لينا بمثل هذه الأشياء المحرجة .. بريمة

Quote: هذه خطوة موفقة و كبيرة من الجالية السودانية في أمريكا و يجب أن يكون هذا المسلك لعزل منافقى النظام هو السائد في كل دول المهجر فالكيزان في هذه الدول لا يكون هدفهم المؤانسة أو حلحلة مشاكل الجاليات السودانية في الخارج و إنما ادوارهم دائما مشبوهة و اهدافهم أمنية بحتة و هو التجسس لصالح الحزب

Quote: انت يا دينق دحين ده ما ياهو زاتو الصفقنلو الحريم يوم ندوة صفية وطردنو وكوركن في وشيهو وقالن الأمن يطلع برة ,, الأمن يطلع برة ؟؟ اجي يا بنات امي الزول ده كان جلدو متل جلد حسني مبارك سفير الهنا والمنا ده ما بخجل على الملطشة البتجيهو في كل تجمع سودانيين احرار!!! ما يمسك عليهو شبيه وزير دفاعنا ده غايتو الأنقاذ دي لملمت ليها كم زول عينة لبن العشر وزير الدفاع وطلقتهن مغيسة لي خلق الله الله يجازيني خجلت ليهو ولي اهلو الجايب ليهم الشينة بي عمايلو دي, بالتصاوير كمان يا بنات امي !!!! المحيرني وااااااااااقف الف أحمر وبطردوا فيهو عاد جنس تناحتك وبرودك وميتة قلبك لا حكت لا بقت والله وقسما بالله شافع روضة عمره 3 سنة تنهره ساي ولا تحمر ليه بلا طرد يمين الله ما يقبل عليك تاني , علا ده شيتو مشاتر انا لو محل السفير اجيبوا السفارة واهبتو هبتة مرتبة بنجدوا فيها واقول لي ناس الخارجية يا الدلدول ده يا انا التحية للأخ عادل على صالح الرجل الذي شرف الوطن شكرا يا دينق سلام وتحية لك ولزوارك الكرام كوستا قالوا لي لااااااااااابد بي كاميرتك عفيت منك