هديه ل(لجنة الرؤيه) ب(قطاع الشمال) مقال للدكتور الباقر العفيف!

Quote: تسكين؟ سلام يا عادل، مصطلح، مفردة، تعبير يضرس السنون بحق! شئ يبعث علي الطراش او يخلي الواحد يكفر عديل بالسياسة او بالذات لما ينغمسو فيها المثقفاتية، واخطر نماذج الانتهازيين علي الاطلاق المثقفاتي. انا افهم استخدام تعابير كهذه في خضم الخدمة المدنية، ولكن لا ادري ما مسوغ استخدام مدلول كهذا في خضم عمل عام لامعني اطلاقا لي مفاهيم تسكين بي معني ضمان وضعية وظيفية بعينها فيه، بالذات في ظروف عمل عسكري ميداني، كل مشارك فيه مقتنع سلفا انو مشروع استشهاد عديل كده! فكيف زول مرق من بيتو رافع شعار النصر او الشهادة some how الامر يتحول عندو الي امر توظيف او كمان تسكين كاي كادر خدمة مدنية، ميرية بحتة بالفهم المملوكي او العثماني لي مصطلح ميري؟ البفطر القلب انو هناك الكثيرين علي مستوي القواعد من الجنود الاتوسدو الطوب او ماخطر في بالم انو دي الطريقة البفكرو بيها زعاماتم من القيادات، البتعاملو مع الشغلانة دي من منطلقات طموحات شخصية بحتة، اساسا الكسب، ماديا تسكينيا، كان ام مجرد مكانة اجتماعية تكتسب بالموقع السلطوي للفرد داخل المنظومة السياسية المحددة، حسب طريقة تفكيرنا العجيبة بحق، كسودانيين وافارقة! للاسف الشديد الخلل بنيوي في ثقافتنا كافارقة في حتة الموقع الرسمي في هرم المنظومومة وعلاقة هذا بالمكانة الاجتماعية! خلاصة الموضوع، اندماج التحالف في الحركة، لدي البعض كان غرضو الاساسي تكييف اوضاع هؤلاء من حيث "الكارير" بالتسكين بخلاف التكييف السياسي العسكري والقانوني. بالذات انو التحالف كان يلفظ انفاسو، او هكذا كان الاستقراء، من موقع ربوة القيادة العالية، لعاتيات الدهر القادمة من قبل هؤلاء "اللبلابيين"! بي حساب رياضي محاسبي بسيط هؤلاء توصلو الي ضروة القفذ علي سطوح قطار الحركة الشعبية الان "حينها" او Now، والا فشقا السنين يكون راح شمار في مرقة! دار ابوك كان خرب، شليك منو شلية، ده شعار جرذان المشروع الحضاري، الذي يفسر طبيعة ظاهرة الفساد الحالية المتفشية كما الجزام في اوساط صراصير الاسلام السياسي، بعامة! ده فهمنا في مفهوم التسكين العجيب هذا! حاجة تقرف بحق! بالذات انو في عدد كبير من ناس التسكين ديل اصبحو للاسف متنقذين داخل قوي السودان الجديد، باعتبارم بالحق لبلاب طبيعي، اتي معد للتسلق اعداد نفسي فكري او بدني! كان الله في عونك يا سودان، اذا ديل ياهم بديل الكيزان! قاتل الله السياسة ياخي!