هديه ل(لجنة الرؤيه) ب(قطاع الشمال) مقال للدكتور الباقر العفيف!

Quote: في بوستات تراجي ابدا ما عاينت لكلامها ده مسيري و ده فلاتي و ده بطيخ..لكن عاينت لأسماء اللجنة المذكورة..و عاينت للواقع..(أدعى اني بعرف واقع جنوب كردفان بنسبة مية في المية..وواقع النيل الأزرق بنسبة تمانين في المية..وواقع مناطق التماس من منطقة مينزا في الشرق لغاية منطقة ام دافوق في الغرب) فهل اسماء التشكيل استوعبت هذا الواقع؟..و لو ما استوعبت هل هناك امكانية لفت نظر الحركة الشعبية لهذه النقطة أم لأ؟.. اللجنة الفنية اسمها لجنة الرؤية و البرنامج..و لو كان اسمها لجنة الفكر ..ما كان عتبنا عليها نهائي..البرنامج يا مرتضي.. هو .. political platform ..يعني حاجة ما بتعتمد على النظري كتير.. يعني حاجة مرتبطة بقضايا الناس التحتانية..و صياغة اي برنامج لو ما استوعبت الواقع بصورة جيدة ما ح تقدر تقدم برنامج صلب ممكن الناس تلتف حولوا..و هنا بتجي شبهة التمثيل النسبي.. يعني لو اللجنة استوعبت التنوع المعيشي في الأرض.. كان شوية بتكون مرقت نفسها..بمعنى اخر.. اهو انت اجتهدت في نهاية مداخلتك و جبت القضايا التي تعتقد انها ملحة للغاية و بتشوف انو (كناخب ) مفروض الحركة تديها الأولوية.. طيب ياخي انا راعي (زي ما عبد المنعم قال ليك)..و غيري ناس تانيين و عندهم مصالحهم البيشوفوا انها مفروض تكون اولوية.. اها ناس زي ديل ما ممن حقهم يتكلموا في ضرورة العدالة النسبية في التمثيل عشان بعدين الصياغة النهائية للبرنامج تكون ارضت الغالبية.. عشان تقيف معها؟..