لماذا لم يخرج الناس لاسقاط النظام في السودان ؟!!

Quote: ربة منزل فى التلاتين من عمرها, قالت: البشير مالو؟ نغيروا ليه؟ ما عمل الشوراع و الكبارى؟؟؟ ام و موظفة بشاهادات عليا, قالت: ناس دارفور؟ ديل محرشاهم المنظمات الاجنبية عشان طمعانيين فى الثروات فى دارفور. و الحكومة ما قتللت سكان دارفور. الحكومة قتلت يهود جوا دارفور عشان يعملوا فيها قلاقل عشان ينهبوا ثرواتها.

بالنسبة لصاحبة ( الشهادة العليا) :
عليا لحدي وين كدا بالضبط؟
دا ما بثير تساءول كبير في حتة ( عليا ) دي!!

بدل ما تهرف بما لا تعرف مش كان احسن تنقطنا بسكاتا و تحصل على شبال بصلعتي دي!؟

اعتقد انك حصلت على داتا جيدة جداً
حللوها طيب؟
نشوف القاسم المشترك الاعظم
و نتفاهم على الغائب الاكبر من المشهد السياسي حالة كونه يعاني من إلتواث!!

بعدين السؤال الكبير يا اميننا الذي نحب، ما وريتنا

Quote: لماذا لم يخرج الناس لاسقاط النظام في السودان ؟!!

ما وريتنا - بفهمك انت دا - الناس تسقط النظام عشان شنو؟
حاكو حاكو ساي!؟

البوعزيزي يا عزيزي ( زي ما قلت ليك كان فيلسوف بالدرب العديل داك ) ..
و ثورة الياسمين يا امين يا سمين انتقلت من مخاطبة اليومي المعيشي الخدمي لمطالب سياسية بالدرب الواااااحد داك
المحامين رفعوا السقف بعد الخطاب الاول لزين الهاربين به########م :
" يا شعب يا ضحية .. الخطاب مسرحية!! "

لو بقت الثورة على المطالب الخدمية، كان بن علي ما هرب و كان لي يوم الليلة يمارس في مسرحيتو الهزلية "
النقلة الحاسمة كانت في رفع السقف لمطلب سياسي/ اجتماعي :

الحــــــــــــــــرية

و الشعب يريد اسقاط النظام

حرية حياة كريمة .. تكافوء الفرص .. دي حقوق اساسية يا أمين ( حق السلامة و الكرامة ) ما منّة من أحد
و هو مطلب يستحق تمنو .. و الشعوب بتجيبو بتضحياتها و دي تشمل فيما تشمل راس السوط الهابشنا نحن ديل في تولانا .. شغلتنا اموالنا و اهلينا ضرب من النفاق بس .. [ ما بصح و طريقنا باين يا شبابنا نقيف نعاين .. الامل معقود علينا .. اللخ اللخ او كما قال ابن البادية* ]

المحك : هل نحن جاهزين لتسديد الفاتورة؟



---------

* دا فنانا المعتمد في " حلف النيدو "

اسمع د. تاج السر جعفر ( صيدلي ) لكن التهديد ما في الـ ( د ) ..
دا الكبانية عديل .. دا شيخي القطب الغوث .. مدد يا سيدي
فما تتخطى المراجع ياخ! .. تندهو بواسطة عديل
دا جمرة الحقيقة ( سامعني يا محسن؟ .. ما تخاف على اميننا ساي ) .. و زي ما قال ليك المشرف كان جبت ليك [ الطين في احتماله الاخير ] بفجر ليك بوستك دا ساي! .. دي فيوض ما بتقدروا عليها ( في المرحلة دي )
فدعها ساااااكت .. او كما قال الخليجي