|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: heba Elmahi)
|
Quote: الدمااااار الصااااح فى بلد الناس النصاااااح |
اها ياهو ده الخائفين منو.....؟
يازول مش قالو ليك اقعد في الواطة الشايلة الجبال دي....؟
وبطل دماراااااااااااااااااات....!!!!
ساني ياحبيب
وعودا حميدا مستطاب
يحمد لك تمثيلنا خير تمثيل
وليس التمثيل بنا..!!!!!!!
عبرك مرة اخري التحايا لبورداب امريكا
وخاصة الاخت هبه الماحي وجميع الاخوان .
وياخي الصورة بتاعت الجريدة حلفت ماتنزل
وصحافة رافع القزاز فوووووووووووووووووق....!
المهم.....
بالتوفيق في رحلاتك القادمة
ومزيدا من النجاحات .
تحياتي لارام والمدام .
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: Abureesh)
|
Quote: من أظرف وأكرم وأشجع الشعوب، الشعب الأمريكى.
لم أرى أفراد عاديين فى غير امريكا، يخاطرون بحياتهم لأنقاذ غرباء لا تربطهم بهم الصلـة، سواء فى حريق منزل أو غرق.. فترى الأمريكى وبدون أن يفكر فى نفسه وسلامتـه قفز داخل الخطـر.. وهناك أمثلة تكاد تكون يوميـة تشهـد على ذلك.
|
أبو الريش يا حلو ياخ ديل أجمل ناس والله ما كنت متخيل إني راح أشوف ناس بالطيبه دي وده يوريك إن الشعوب بتختلف عن حكوماتها والشعب الأمريكي خير مثال على ذلك
Quote:
بعدين شنو يا اهينا.. أول صورة فى قراش عربات..
|
ياتو صوره دي لو قاصد صورة هبه ومجموعة الوصول دي صورة من مطار دالاس صور الدمار جاياك يا جميل
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: haroon diyab)
|
Quote: اها ياهو ده الخائفين منو.....؟
يازول مش قالو ليك اقعد في الواطة الشايلة الجبال دي....؟
وبطل دماراااااااااااااااااات....!!!!
|
ما تخاف يا بن دياب الدمار عمرو ما كان بيخوف الدمار ده بيبهج وبس وبراك ح تشوف
Quote: ساني ياحبيب
وعودا حميدا مستطاب
يحمد لك تمثيلنا خير تمثيل
وليس التمثيل بنا..!!!!!!!
عبرك مرة اخري التحايا لبورداب امريكا
وخاصة الاخت هبه الماحي وجميع الاخوان .
|
الحمدلله أن مكنني من حسن التمثيل والشباب فى أمريكا رفعوا راسي والله ياخ ديل يسدوا عين الشمس وكنت فرحان بلمتهم جنس فرح وماشي زي الطاؤوس فى نص الوفد لأني الوحيد اللى كان فى ناس بتسأل عنو أما كرم الضيافه فحدث ولا حرج الناس ديل تعدوني أنا بكرمهم الى بقية البعثة القطرية والصور جاياك وراح تعرف من خلالها التفاصيل
Quote: وياخي الصورة بتاعت الجريدة حلفت ماتنزل
وصحافة رافع القزاز فوووووووووووووووووق....!
المهم.....
بالتوفيق في رحلاتك القادمة
ومزيدا من النجاحات .
تحياتي لارام والمدام . |
ما تشيل هم يا جميل راح اقوم بتنزيلها هنا وصحافة ما بيقصر أكيد بس الدوام يكون زانق معاه وتحاياك وصلت للمدام وآرام اللذيذه فى سودان العزه
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: محمد خليل ساني)
|
وقفة بورداب سودانيز أونلاين بأمريكا مع الفريق القطري كان لها الأثر الكبير لدى الوفد حقيقة هي وقفة رفعت راسي عاليا الى هامات السماء وسط جميع الأعضاء ولذلك سيكون التقرير الذى أقوم بإعداده ومونتاجه حاليا تاريخيا بالنسبة لى سنتناول فيه مدى التأثير الذى خلقته هذه المؤازرة فى الفريق القطري والفوائد التى جنتها البعثة القطرية من مساندة بورداب أمريكا خاصة بعد الحوار الطيب الذى دار بيني وبين الشيخ حسن بن جبر آل ثاني وهو بالطبع رئيس الإتحاد القطري للرياضات البحرية وقائد الزورق قطر 96 المتوج بلقب الجولة والذى تحدث من خلاله عن سعادته العميقة بهذه المساندة وهذه الوقفة الكبيرة وهو حديث لم يجد حظه من التسجيل تلفزيونيا بحسب موعد بث الرسالة اليومية من أمريكا لصالح التلفزيون
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: عبدالأله زمراوي)
|
Quote: قريبي الحبيب ساني...
يااخي والله ذكرتنا بصورك الرائعة المنطقة التي قضيت فيها قرابة 9 سنوات.
في مكانٍ غير بعيد من فندقك، كنتُ أعيش وأذهب لعملي في الدي سي كل صباح...
بالله فيه Starbucks في تلك المنطقة سلم لي على من يعملون في المقهى..
مع محبتي وربنا يعيدك سالما للدوحة.. |
الحبيب والشاعر الأريب عبدالإله زمراوي
كيف اخبارك وصحتك واحوالك والله ليك وحشه يا صديق
تعرف ياريت لو قلت كلامك ده قبل ما ارجع كنت قمت ليك بالواجب وسلمت على الجميع مشينا الإستاربكس ده وأديناها كابتشينو لمن آمنّا ياخ البلد كلها لذيذه وسمحة وإن شاء الله راجعين ليها تاني إذا ربنا مد فى الآجال
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: محمد خليل ساني)
|
ما تنسوا يا شباب
البرنامج اليوم الإثنين على تلفزيون قطر الساعة العاشرة مساءا بتوقيت الدوحة الساعة الثالثة عصرا بتوقيت أمريكا
تقرير شامل لجولة سولومون ومتابعة لمشاركة بورداب أمريكا والسودانيين بهذه الجولة وتظهر فى الصور واللقطات المصاحبة متولى مالك وعبدالله أبو شوارب وياسر السيد مع أفراد أسرته الكريمة بجانب صلاح صاموتي إضافة لمجموعة من العائلات الأمريكية التى حملت الأعلام القطرية مع الجماهير السودانية وبالتأكيد هذه اللقطات ذو شجون لعدد من أصدقاء متولى وصاموتي بالدوحة
ما تنسوا يا شباب تابعوا اللقاء عبر تلفزيون قطر
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: احمد محمد بشير)
|
Quote: والله الحلقة فاتتني يا ساني!!
اليوم الصباح جيت شوفت التنوية بتاعك لي البرنامج. بس نسيت, إنشغلت قبل شوية كنت في المطبخ مع تصليح الحلّة و كدة ينعل دييييييش العزابة. عليك الله لو في إعادة وكدة ورينا التايم,
ولو مافي إعادة ما عندنا حل إلا نتدمر مع بوسطاط الدمار. |
الحبيب أحمد محمد بشير
سلامات يا جميل ياخ عليك الله زي حلل العزابه في ياخ دي حلل ترد الروح أخوك متولى مالك ظبط لينا واحدة على الماشي كده لحدي حسي ريقي جاري عليها
بالنسبة للحلقة والتقرير فى إعادتين الأولى بعد ساعة وخمس وعشرين دقيقة تقريبا من الآن فى الرابعة فجرا بتوقيت الدوحة التاسعة بتوقيت أمريكا والإعادة الثانية حوالى الواحد من ظهر الثلاثاء حوالى السادسة صباحا بتوقيت أمريكا ولك الخيار يا صديقي ولو فى ناس سجلوا الحلقة كمان راح ننزل التقرير على اليوتيوب كمان
تسلم على كل حاجه حلوة وصحة وعافية على الحلة اللى أكيد لذيذة يعني لو ما لذيذة تنسيك مواعيد البرنامج كده هههههههههههههه
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: محمد خليل ساني)
|
Quote: بالنسبة للحلقة والتقرير فى إعادتين الأولى بعد ساعة وخمس وعشرين دقيقة تقريبا من الآن فى الرابعة فجرا بتوقيت الدوحة التاسعة بتوقيت أمريكا والإعادة الثانية حوالى الواحد من ظهر الثلاثاء حوالى السادسة صباحا بتوقيت أمريكا ولك الخيار يا صديقي ولو فى ناس سجلوا الحلقة كمان راح ننزل التقرير على اليوتيوب كمان |
شكرا يا اخي محمد خليل. شاهدت إعادة اللقاء بالكامل في ليلة البارحة عند الرابعة فجرا. وشاهدت التقرير وذكر بالحرف إشادة ببورداب سودانيز اونلاين. وشاهدت البورداب يرفعونالاعلام القطرية ويشجعون. حتي اطفال السودان كانو متواجدين. الجو كان غائم وممطر وجميل, و شاهدتك وانت تقوم بالقاءات مع السودانيين... (حاجة جميلة وشكرا لك لتعريفك السادة القطريين بمعني بورداب سودانيز اونلاين)
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: احمد محمد بشير)
|
Quote: شكرا يا اخي محمد خليل. شاهدت إعادة اللقاء بالكامل في ليلة البارحة عند الرابعة فجرا. وشاهدت التقرير وذكر بالحرف إشادة ببورداب سودانيز اونلاين. وشاهدت البورداب يرفعونالاعلام القطرية ويشجعون. حتي اطفال السودان كانو متواجدين. الجو كان غائم وممطر وجميل, و شاهدتك وانت تقوم بالقاءات مع السودانيين... (حاجة جميلة وشكرا لك لتعريفك السادة القطريين بمعني بورداب سودانيز اونلاين) |
العزيز أحمد محمد بشير
طبعا ده قليل من دين يطوقني تجاه بورداب أمريكا حبيت أشكرهم واشكر بكري أبوبكر بطريقتي الخاصة ولقيت التقرير ده ولقطات الجمال السوداني ممكن تؤدي الغرض والأكيد إن الكثيرين من ناس التلفزيون من الجنسيات الأخرى بدأوا يتابعو الموقع وده فى حد زاتو نقلة حلوة فى ظل إنتشار سودانيز أونلاين وسط بقية الجنسيات طبعا البورداب من الرجال والآنسات والسيدات عملوا شغل كويس كمان ما بننسى أطفال وزوجة زميل البورد والصديق ياسر السيد اللى أضافوا بعدا آخر للمؤازرة تسلم وخليك قريب وتابع بقية التفاصيل وبقية الرحلة
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: haroon diyab)
|
Quote: زولك ده حالف مايجيبه البر ههههههههههه
كلما ما اقعد في النت القي الحكومة تحدر لي
اقوم اقول ليها والله ده مابوست الدمار...وش ملاااااوز
انت بي دمارك ده حتجيب لينا الهواء
خلينا
الملوحة الاسبوع ده
قلته شنو.....؟ |
هارون يا لذيذ
ما براكم جيبتوا الكلام ما قلنا نخليها حبه حبه لكن الناس استعجلت وقالت بالخطوة السريعة ونحن ماشييييين فى الطريق والدمار التقيل لسه ما جا يعني بالعربي الفصيح كده التقيل ورااا
يا زول نحن معاك فى أى يوم يعني ده راح يكون دمار من نوع آخر جاهزييييييين حدد الموعد بس وقول لينا ولو محتاج لأى دعم ملوحي ما تخاف بنجيب التايهه
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: هشام المجمر)
|
Quote: شكرا يا سانى
ولابد لى هنا ان اشيد بك و بنجاحاتك الاعلامية فقد قرأت الاشادة بعملك المتميز فى هذه الرحلة فى جريدة الراية القطرية فأمتلأت فرحا و زهوا اتمنى لك المزيد من التوفيق.
تخريمة
انت امريكا دى الفنايل فيها حمالات بس
|
هشام المجمر يا وجاهه
كيفك يا جميل وتسلم كتير على الكلمات والإطراء والله الواحد لو نجح فده باسم الجميع يعني مؤازرة الناس الحلوة ووقفتهم بتخلى الزول يقدم كل اللى عندو وطبعا ده بيحسب للسودان والسودانيين بالدوحة ولبورداب سودانيز أونلاين بشكرك على دعمك ومساندتك الحلوة وحقيقة سعدت كتير بما كتب فى جريدة الرايه وبقية الصحف القطرية عن البطولة والحاجه اللى تعجب بجد وقفة بورداب أمريكا مع الحدث وطبعا صورهم كانت نازلة فى الصحف القطرية فى عدد الثلاثاء الماضي حقيقي شرفوني بهذا النجاح وهذه الوقفة واليوم سمعت الكلام ده من أعضاء الإتحاد
تخريمة على تخريمتك
ياخ إنت لو كنت جيت كان شفت العجب وده حالتو قالوا الناس محتشمة إجباري غايتو لو ده الإحتشام الإجباري بسبب البرد الحاجات التانيه كيف ،،، الله يستر بس ،،،
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: عبدالله ابوشوارب)
|
Quote: الاخ محمد ساني
سلامات يازول يارائع
شكلك كدة ناس ودالصائم وفائز القاضي وودالموج ودغيس قدرو عليك
واستفذوك وطلعوك من طورك وشكلك كدة بديت الرحلة من الاخر
انا الصور دي كنت متوقعك ما تنزلها الا في اخر مداخلة
عموما الجماعة ديل بعد كدة نزل ليهم صور البيتش وصور الغدا
عشان خلاص البوست نقفلو |
لاااااااااااااااااااااا ههههههههههههههههههههه والله ضحكتني من جوه قلبي
معقولة بس يا أبو الوليد بيني وبينك أنا كنت متحفز أنزل الصور وبس كنت محتاج لـ لكزه كده والحمدلله جات من الشباب ديل وبعدين ما تخاف على الدمار موجود وبكثره يعني جراب الحاوي مليااااان كده الواحد يمر مرتاح على بقية الأحداث ويجي بعدين لصور الدمار الصحي صحي وبراك قلت لسه صور البيتش ما جات و دي كمان كومها برااااااااهو
| |
|
|
|
|
|
|
|