|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: shaheen shaheen)
|
السلام عليكم ورحمة الله كل سنة وانتو طيبيين سالميين و القابلة علي امانيكم , ومرحب بالمتداخلين الجُدد ...... و عيد ورا عيد و إنتو في اتم الصحة و العافية.
إحدي إنجازاتنا من هذا البوست ....... أنه تحسنت لغة الحوار بين الاعضاء الكبار و الصغار وأصبح العضو يسأل قبل الخوض في النقاش ..... و أتمني أن تسود هذة الثقافة هنا في هذا المكان. و إليكم بعض من الإنجازات هنا Re: الزميل/ محـــــمد عـلــي حـســن لو سمحت وهنا Re: الزميل/ محـــــمد عـلــي حـســن لو سمحت
Quote: اولا كل عام وانت ومن معك بخير
ثانيا: اشكرك على وصفي بالمهذب وارجو ان اكون عند حسن ظنك
...
وبالمناسبه انا ابلغ من العمر ثلاثون عاما
ووالدي واعمامي اعمارهم مابين الستين والخمسين
فأذا كنت من جيل والدي واعمامي فسيكون اسلوبي معك مختلف
بمعني انني سأقول لك ما اريده منك بصوره مباشرة دون الدخول في مهاترات تنقص من احترامي تجاه من هم في جيل ابائي
فكم تبلغ من العمر؟ |
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: حسن الطيب يس)
|
فعلاً دا بوست جميل بالجد، وإنّي حقيقة من المعجبين بكبارنا في هذا المكان، ربنا يخليهم لينا. عاجبني فيهم إنهم ناس تفاتيح ومطّلعين ونشيطين ومواكبين، ولا يشبهون مطلقاً من هم في سنهم من السودانيين، الذين يخملون، ويذهلون عن الحياة حتى قبل بلوغهم الخمسين. أقترح تكريمهم في يوم من الأيام، وأن نشكرهم على بقائهم وصبرهم معنا في هذا المكان المزعج وطولة بالهم وسعة أفقهم على قلّة أدبنا وبلاهاتنا الكثيرة وطفولياتنا، وكذلك شكرهم على رفدنا بما معهم من علم ومعلومات مما عاصروه وشهدوه. تحياتي لأبي بكر وإني من المعجبين به جداً جداً. يا شاهين بالله إنت مواليد 1940م!؟ أم تمزح؟ هذه معلومة أذهلتني للغاية. كنتُ قد قرأتُ شيئاً من أعمالك الروائية النابهة وتخيلت أنها لكاتب في الأربعينات لا أدري لماذا! كما قرأتُ للصائغ كثيراً، وقد نقلتُ مداخلات الصائغ من هذا البوست كوبي بيست، لأنها مفيدة للروائيين في حالة الحديث عن الزمن الماضي، وبناء المكان. شكراً يا الصائغ، وعلى كل المعلومات التي ترفدنا بها دائماً وتثرينا، إنني من متابعيك وقرائك المواظبين. أطالب باستبعاد أمي زينب من المنافسة للاستهبال، أولاً هي والشهادة للشهادة عمرها 54 سنة لا غير. وأكبر أبنائها أكبر مني بسنتين أو ثلاث، وهو نزار، إمَّا مواليد 71 أو 70. أعتقد أنّ ماما سعاد ستنافس بقوة، من الجانب النسائي، وسينافس صديقي في بوست إصلاح الكتابة جعفر إسماعيل، قاطن اليابان، بعض الشيء، لا أظنه قد داقش الستين، والله أعلم. عمر علي، أعتقد أنَّه طامح لنيل اللقب مثل أمي زينب، لا أعتقد بأنَّه قد تجاوز الستين أيضاً (لوول). أمي زينب، أكرمني الله وقابلتُها في هذه الحياة، وشكلها لا يمكنك أن تمنحه أكثر من 47 إلى 49، مع صحّة جيدة ما شاء الله ومحافظة، أعتقد أن الحجم مساعدها (لووول). يضحك نهاركم، حبيت أعيّد عليكم وأهاظر شوية، وكل عام وأنتم كبارنا بخير، وأقول لكل كبارنا في المكان، أنتم تاج رؤوسنا، وبوجودكم هنا نتشرف، وربنا يديكم طولة العمر، وما يحرمنا يوم من حكمتكم أو منكم. الخُردة كوستاوي هو الطيش، مجرّد مستهبل. أقدر اختفاء الرفاق أبو ساندرا وود الموج وود قاسم. وكونوا جميعاً، بخير، أبداً بخير ---------------- بالمناسبة يا شباب، ما تجوا تساعدوني في بوست الكوشرثيا وكت الله حَضَّركم الما حضرناه. شكراً جزيلاً لأخينا أحمد محمّد بشير، رأس حربة البوست وصاحب الفكرة
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: محسن خالد)
|
ابني الحبيب وصديقي العزيز الأديب محسن خالد(انت أكبر من إبني سعدالدين ، عضو المنبر بحوالي 8 أشهر فقط) كل عام وانت بخير وعافية مداخلتك الأنيقة أضافت لهذالبوست مزيد من الألق ..يا ريت تنكت لينا بوست (إصلاح الكتابة ) يحتاجه المنبر حقا ، وارجو من الإبن بكري ابوبكر يضعه في واجهة المنبر. نرجع للبوست وهاكم النجيضة كما يقول ولدنا المشاغب الظريف ود الصائم
حسب دفتر يوميات هذا البوست كما يقول أبنائي ضباط الشرطة، استطيع أن احكم بارتياح على ترتيب عجائز البورد كما يلي:- -قال الحبيب بكري الصائغ انه عاصر اول ظهور حسب الأمة في 28 يناير 1945 ، يعني عمره كان (بالميت كدا) حوالي خمس عشرة سنة ...إذاً يستحق الأول بدون منازع . - اخونا الحبيب عمر علي حسن كتب بطقاطيق كيبورده بأنه من مواليد 1935 ، يستحق الثاني . - أخي الحبيب شاهين من مواليد 1940 يستحق الثالث - الرابع مشترك سعاد والعبد لله. - الخامس صديقي العزيز الباشمهندس ابوبكر سيداحمد - الطيش اختي العزيزة ماما دومة....يا دومة اختي أمرك عجيب ..النساء الواحدة بتاكل من عمرها عشر سنوات بارتياح ( يعني كان الواحدة عمرها خمسين سنة تقول أنا يا دوب 40 سنة )..تقومي يا الفالحة تزيدي عمرك 20 سنة ....لووووول - أخونا الحبيب الأمير الكوشي بشاشا لو دخل المنافسة يمكن كان يغير موازين المنافسة (رأساً على عقب) ...لووووول - كوستاوي خارج المنافسة خالص لأن لقب العجوز الذي يطلقه عليه خصومه لا اساس له من الصحة ويأتي من باب مكايدات البورد
ويا إبني احمد محمد بشير ، صاحب البوست..يوم شكرك ما يجي علي الأقل لقد اعطيت ابناءنا أعضاء البورد معرفة مواقعنا من العمر ..على الأقل لو الواحد منا طاش قلمه يوما ما.. يسامحونا من الخرف .
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: Gaafar Ismail)
|
وبعدين انتو انقلابي دة ما عاجبكم؟؟؟؟ ... اجيب ليكم رامبو.....؟؟انقلاب كامل الدسم وفيه بيان اول وحالة طوارئ وترقيات استثنائية وقفز بالزانه ؟؟ يعني نسووي ليكم انقلاب زي بتاع منغستو ونرصرصكم داخل اجتماع واللا شنو ؟؟؟ ايه دي ....؟ ودوما شنو البتدخل تنافس ؟؟؟ انا عمتي يوو شا هي بس اليها حق التنافس وبصفتي قريبها كل الدرجات بتاعتها هي لي ! ... وجنابو ايد الانقلاب بتاعي .. وشيخ جعفر عيناهو ممثلنا في المناطق الشرقية من العالم .. اها بعدة واحد يجي يقول كاني ماني ؟؟؟
ما تجو الا بالعين الحمراء من وراء نطارة
Quote: - أخي الحبيب شاهين من مواليد 1940 يستحق الثالث |
ياجماعة ولدنا دة قدر يتسلبط عليكم كلكم .. ما قلت ليكم دة من اندنا وابوه هو المفروض ينافس مش هو .. شاهين محمدسليمان شاهين اتولد وانا مغترب ... دة رسام حروف سااااي ... ياولد اطلع برررررره . بلا خوتة بلا مسخرة ....
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: abubakr)
|
Quote: وشيخ جعفر عيناهو ممثلنا في المناطق الشرقية من العالم |
أنا رضيت بموقعي من الرشوة وسأكون عين ساهرة لكل من تسول له نفسه التلاعب بمكتسبات رئيسي المباشر المهندس ابوبكر، قائد الإنقلاب المظفر . وعملا بالسلطات المخولة لي قد وافقت على تعيين ماما دومة نائبة لي في بلاد الواق واق وما وراءها، واوصي بالقاء القبض على اخي الحبيب العزيز شاهين شاهين لإقدامه على تدقيس لجنة حصر عواجيز المنبر ، ولا نامت أعين الجبناء.
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: مهيرة)
|
عيدك مبارك يا مهيرة
Quote: صحى النسوان ما بدورن الكبر يا ابوبكر |
حسب تجربة شخصية وجدت ان كثير من الرجال يتفادون ان تعرف اعمارهم الحقيقية ...قبل ايام كنت اتصفح ملفات شخصية في الفيسبوك لاصحاب اعرفهم فوجدت تواريخ اعمارهم والتي اعرف حقيقتها مختلفة تماما عن الواقع بسنوات كثيرة .. قبل ايام كنت اشاهد برنامجا تلفزيونية عن شخصية سودانية (من دفعتي) وبينما كتب تاريخ ميلاده وتاريخ تخرجه من كلية علمية(نفس سنة تخرجي) وجدت انه وفق ذلك دخل الاولية (بتاعتنا زمان) وعمرو اقل من ثلاث سنوات (العمر الرسمي كان سبعة سنوات في ايامنا) ....
علي كيفهم .. عموما انا مصر علي ان اعيش عمري كما هو ولا اسطو علي سنوات لم اعشها او انكر سنوات عشتها ...
| |
|
|
|
|
|
|
ولدى محسن تخيل دى كمان تسنين , يعنى الموضوع ممكن يكون اكبر من كده وادخل موسوعة جينس شكراً كتير .. كتير , انك بتقرأ لى يا مبدع (دى طبعاً زى الشتيمة اليومين ديل) .
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: shaheen shaheen)
|
Quote: شاهين شاهين هو الشخص الوحيد الذي ادلي بمعلومات غير صحيحه البته لانه في بوست اخر قال انه زميل طارق ابو عبيده |
عيب عليك يا ماما دوما تقولى عنى انى كذاب وانا زول ماشى على نهاية الطريق . حتى البوست البتتكلمى عنه ح تلقى فيهو المداخلة دى مكتوبة باسمى
Quote: سمعتا بيك كتير / سمع خير / ودى فرصة نشوفك , بالمناسبة اصغر اخواتى اسمها زيك . لما اسمع عنك بتذكر ايام شبابى مع هنرى كورييل فى اربعينيات القرن المنصرم , والجبهة المعادية للأستعمار . |
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: abubakr)
|
Quote: شاهين شاهين هو الشخص الوحيد الذي ادلي بمعلومات غير صحيحه البته لانه في بوست اخر قال انه زميل طارق ابو عبيده |
ياللهول اتلم الصغيروني علي الاصغر .... خدر خارج كل المنافسات هنا حتي لو اصابت التعرية راسه
_________
ياشاهين انت دفعة ع الرحمن اخوي اصغر الاصغريين وخدر وراء ع الرحمن بسنه.. وع الرحمن موجود في المنبر دة (عبدالرحمن خليل) فاما تطلع ياجني من هنا يا نناديهو ليك
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: abubakr)
|
Quote: ياجماعة الجني شاهيين سارح بيكم سااااي .. جايب صورة واحد سكسوني الدم وقال زوجته كذلك اريه الدماء وجاب ابنة وحفيد هسبنك ...دة رسام حرووف ساااي حيتوهكم |
يا باشمهندس شاهين محمد سليمان شاهين دا موضوعه انتهي يبقي يقعد ساكت ويبلش تهريج وانا بديه تلاته فرص يختار منها العاجبه 1960 -1961 او 1962 فكلهم اخوانا الاصغر يا باشمهندس بما فيهم طارق ابو عبيده . وبهذا تعلن لجنه الاختيار بفوز مامه دوما بلقب كبيره البوردابيات بينما يظل التنافس علي لقب كبير البورداب مفتوحا واري ان فرصه اخي الرطاني ابو بكر سيد احمد ضعيفه في الفوز به
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: doma)
|
السلام عليكم
Quote: ابقي اختار يا "شاهين" واحد من السنوات اللي قلتهم ليك |
أكيد يا خالة دوما .... شاهين دة كان عاوز ياكلنا اونطة بالصور بتاعتو الفوق دي. شغلك نظيف يا دوما وشايفك شغالة مية المية في اللجان الشعبية المنتشرة
إلا ناس الرطاني بتاعين الإنقلاب ديل نعمل ليهم شنو!! .. اردميهم بالله وخستكي ليهم العِـنقلاب بتاعهم دة .
غايتو الرصة النهائية قريب ... ومنتظرين زي ثلاثة إفادات كدة بس‘ لتكوين لجنة جديدة مستقلة لفرز و إعلان صاحب أفخم و أرقي لقب لهذا المنبر العملاق للعام 2010.
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
Quote: إلا ناس الرطاني بتاعين الإنقلاب ديل نعمل ليهم شنو!! .. اردميهم بالله وخستكي ليهم العِـنقلاب بتاعهم دة . غايتو الرصة النهائية قريب ... ومنتظرين زي ثلاثة إفادات كدة بس‘ لتكوين لجنة جديدة مستقلة لفرز و إعلان صاحب أفخم و أرقي لقب لهذا المنبر العملاق للعام 2010. |
انت البجيبك هنا شنو اصلا ؟؟؟ خلي دوما تعمل ليك انقلاب هو اصلو الانقلابات لعب ؟؟؟ الخيانات دي ما ساهلة كدة بس ؟؟؟
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: abubakr)
|
بيان هام
الان وقد صمت الجميع ولم نسمع صوتا لاحد منذ 12/9/2010 فاننا نعتمد هذا تاييدا ساحقا لانقلاب الرئيس الازلي وذلك علي مبدا (الاجماع السكوتي) الذي هو اختراع سوداني خالص، وإننا ندعو فخامة الرئيس الازلي المهندس اركانحرب رطاني ابوبكر سيداحمد للتقدم خطوة للامام وإعلان مجلس الثورة وحكومة الانقلاب من اشخاص قادرين علي المشي بدون عكاكيز ويلبسون نظارات لايقل سمكها عن قعر الكباية .. ومع الضمان التام لاستمرار الاجماع السكوتي فاننا لا نري باسا من ان يضم المجلس او الحكومة بعض من يشتبه في انهم لن يسكتوا وذلك لضمان سكوتهم ..
وإذ نهيب بالجميع الا يخرجوا عن الاجماع السكوتي فاننا ننبه الي ان جهاز الامن التابع لمجلس الاعمار الازلي قد رصد تحركات كل الذين (سوف تسول لهم انفسهم) ان يقولوا بم او بغم وستكون دبابات قوات الدفاع الازلي جاهزة للانقضاض علي مواقعهم لالحاق الدمار الساحق بها ..
ولعلم الجميع فان جميع مفاتيح الدبابات محفوظة بطرفنا شخصيا تحسبا من وقوع اي حركة غدر انقلابية مضادة ..
صدر تحت توقيعي في صباح هذا اليوم الثامن عشر من سبتمبر 2010
عمر علي حسن رئيس مجلس الاعمار الازلي والقائد العام
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: عمر علي حسن)
|
السلام عليكم .. ومرحب بيكم شاهين و أبوبكر و دوما و النشط عمرعلي حسن ‘‘ و كل المتداخلين الجدد و المطالبيين بزج أسمائهم في اللستة.
بالصراحة كان في هدوء و حذر بعد مواجهات الرطاني وقيادات لجنة الإختيار الأجواء كانت ملبدة بالرصاص ... الكل لزم منزله منذ يوم الثاني عشر من سبتمبر وكانت هنالك توقعات لاعلان مجلس قيادة الإنقلاب. لم يتم الإعلان عن مجلس قيادة الإنقلاب ...
ولذلك سنستمر في الحملة الديمقراطية .... وصاحب الجائزة واللقب هو ((...؟...)) شدوا حيلكم في تكريم وكدة .... وحنعمل بوست جديد لاعلان الفائز.
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: doma)
|
Quote: هي هي هي ياجنابو انت under house arrest والرطاني حكمت عليه المحكمه بالسجن المؤبد صدر تحت توقيعي في الاول من سبتمبر 2010 |
احلام ظلوط ... اها حتمسكي القلم كيف لتوقعي وبعدين تقعي من الحبل ؟؟ ما ظلوط كان نائم علي الحبل .. مش ....
الامن مستتب وقائدنا وقواته الاماجديؤدون واجبهم علي اكمل وجه واها الرئيس نائم قفا .....
الرئيس الازلي ....
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: abubakr)
|
خلاااااص يا عمنا "الرطاني" اقلبها لينا فوق راسنا ..... قدامك مبني الإذاعة و الأرشيف ومقر الإذاعة .... إختار أي واحد فيهم وابداء تنفيذ الإنقلاب وساعة الصفر.
غايتو شاهين دة ونحنا كمراقبيين في اللجنة إتأكدنا من أقوالوا التي بتثبت إنو خاشي المنافسة ‘ بتلقوا التحقيقات دي في بوست ندوة مركز الخاتم عدلان المقترحة ليوم 19 القادم ‘ تأكدنا إنو شاهين عضو كبير في اللجنة المقترحة بشأن قيام الندوة , وحنوصي الريس بكري أبوبكر اللي حيكون ضيف شرف و حضور في الندوة إنو يعمل الفحوصات ويتأكد لينا أكتر من أقوال السيد شاهين دة .
وتستمر الطرق الديمقراطية .
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
.Quote: غايتو شاهين دة ونحنا كمراقبيين في اللجنة إتأكدنا من أقوالوا التي بتثبت إنو خاشي المنافسة ‘ بتلقوا التحقيقات دي في بوست ندوة مركز الخاتم عدلان المقترحة ليوم 19 القادم ‘ تأكدنا إنو شاهين عضو كبير في اللجنة المقترحة بشأن قيام الندوة , وحنوصي الريس بكري أبوبكر اللي حيكون ضيف شرف و حضور في الندوة إنو يعمل الفحوصات ويتأكد لينا أكتر من أقوال السيد شاهين دة |
بيان تحذيري
اشتمّت استخبارات قوات الانقلاب الازلي رائحة (خجه) قوية لتجيير المنافسة لصالح جهات ثبت عدم اهليتها لخوض المنافسة بعد ان كشف الرئيس الازلي انتحال احد المتنافسين لشخصية والده الذي هو من (إندهم) وثبوت ان الاب استاذنا بالاضافة الي اثباتات اخري وحصار له لقفل مولده عند العام 1940 . وتتصاعد رائحة الخجة من الاتجاه الي نقل مداولات هذا البوست الخاص بالمعمرين في البورد الي بوست آخر خاص باحد المتنافسين دون سبب وجيه سوي وجود المهندس يكري في احتفالية في ذلك البوست .
وعليه تحذر قوات امن الانقلاب الازلي من اللجوء الي الخج واي ممارسات اخري يقر بواسطتها استخدام وسائل اثبات عمر بخلاف شهادات الميلاد او التسنين واللجوء الي كون فلان يعرف علان وما الي ذلك من سبل الاثبات عن طريق الربط بين الاحداث Association . كما تحذر من نقل مداولات هذا البوست الي اي بوست أخر يكون احد المتنافسين قد فتحه لاي غرض .. اما وجود بكري فهو متاح في عموم البورد.
لا تحولوا هذا العمل القيم الي مسخ والا فان دباباتنا قادرة علي وضع الامور في نصابها .
عمر علي حسن رئيس مجلس الاعمار الازلي والقائد العام لجميع قواته
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
Quote: -قال الحبيب بكري الصائغ انه عاصر اول ظهور حسب الأمة في 28 يناير 1945 * - أخي الحبيب شاهين من مواليد 1940 يستحق الثالث - الرابع مشترك سعاد والعبد لله. - الخامس صديقي العزيز الباشمهندس ابوبكر سيداحمد - الطيش اختي العزيزة ماما دومة....يا دومة |
أخوي شاهين دة عاوزين نطلعوا من المنافسة..... لأنو شاهين كان واحد من أسباب عملية الإنقلاب الداير يقوم بيها عمنا الرطاني أبوبكر ونحنا ما كنا عارفيين سبب ثورة الرطاني بالضبط شنوا !! إلا بعد أحداث ندوة مركز الخاتم عدلان وبشهادة عدد كبير من البورداب و الضيوف...
و عليه أعمامنا التحت ديل أبح الآن ليهم مراكز متقدمة في المنافسة.. ومنهم ... عمنا/ جـعفر الطيب. و الرطاني أبوبكر. و حسن إسماعيل. وعمر حسن علي.
و البقية قادمة ..
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
بيان هام من مجلس الاعمار الازلي
قامت اجهزة الامن التابعة لمجلس الاعمار الازلي بالتأكد من ان محاولات الخج المشار لها في تحذيرنا السابق قد احبطت نفسها دون تدخل من قواتنا المرابطة خارج مركز الراحل الخاتم عدلان . وقد اشاد السيد الرئيس الازلي المشير مهندس رطاني ابوبكر سيد احمد بهذا الاحبلط الذاتي الذي يعتبر رجوعا الي الحق. وقد اشار الرئيس بفتح الباب امام الاستاذ شاهين محمد سليمان شاهين للحصول علي موقع رسمي في حكومة الانقلاب الازلي بعد فقدانه لحق المنافسة مع العجائز الاخرين وذلك للتأكيد علي جدية حكومة السيد الرئيس الازلي في توحيد الصف وتصفية النفوس .
وكذلك نؤكد ان مجلس الاعمار الازلي لن يسمح بممارسة اي نوع من الخج ولن يمارسه من جانبه ويعلن ان جزاء ذلك سيكون القصاص بالرصاص وساء مصيرا ..
انتهي البيان.
عمر علي حسن رئيس مجلس الاعمار الازلي
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: abubakr)
|
Quote: وبالتالي حيكون مسؤل عن kidzone |
حاضرين ياريس .. لكن الجماعة ديل اجتهدوا عشان يسيطروا وهذا في حد ذاته طموح يستوجب ضمهم وضمان سقف لطموحهم فنحن لا نريد اللجوء لاي اعدامات في الاشهر الحرم ولا غيرها من ايام الله .. ثم ان شاهين دا ولدنا وثبت نفسه في1940 ..
طيب ممكن ندخله البرلمان ونخليه لي ناس دوما وكوستاوي (بعد القبض عليه) يلعبوا بيه التيوة
عمر علي حسن رئيس مجلس الاعمار الازلي
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: Kostawi)
|
Quote: الزمن داك كنا في جامعة غردون |
كوستاوي يا ود اخوي
احسن لك تبقي علينا .. والله نحن احسن من (غيرنا) .. بدل ما تجهجه نفسك واخيتك دومه في جامعة لم يسمع بها احد لا في السودان ولا في الصين التي حكمها غردون قبله وتحيا بها الحاجة دومه حاليا .. غردون كان عنده كليه اسمها كلية غردون التذكارية وبعدين نزلوها الي الكلية القديمة التي خرجت منها وادي سيدنا وحنتوب .. وكانت الكلية القديمة في المقر الذي تحول الي مدرسة التجارة الثانوية .. بشارع الموردة بامدرمان قريبا من السينما الوطنية ..
بالمناسبه عمك ابو الزهور كان في كل المناسبات الوطنية والرسمية لا يلبس الا البدلة البيضاء ومعها الكرافته الحمراء والشبط ..
اها .. تؤيد الانقلاب الازلي والله نجدد امر اعتقالك .
تحياتنا واوعي تغيب
عمك عمر علي حسن
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: عبدالله الشقليني)
|
Quote: ما بنختلِف إنتَ الكبير ، والناس صغار بتمنوا ليك طولة العُمر ما قايل الغيب بالكلام يفتح صحايفوا و ينكشِف |
الخال المحترم أنيق الحروف / عبد الله الشقليني. شرفت كتير و أسعدتنا بإرفاقك لقصيدة مابنختلف للراحل المقيم الشاعر حسن الزبير. وياريت لو تمدنا باغنية ما بنخلتف بصوت الراحل (خوجلي عثمان).
الإختلاف حاصل هنا وبكثرة يا أستاذ شقليني , وماافي حل للمتنافسين لللوصول لأفخم ألقاب سودانيز أونلاين .......إلا الإكثار من الذكريات كما فعل الرطاني و بكري الصايغ و جعفر إسماعيل وغيرهم.
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: Kostawi)
|
Quote: أنا ودومة شاهدنا أبو الزهور برفع في العلم و كان لابس بدلة بيضاء و بجانبه المحجوب و كان لابس بدلة سوداء و خلفهم السيد عبدالرحمن.
الزمن داك كنا في جامعة غردون |
الصديق كوستاوي .. السلام عليكم ياااااااخي. قولت لي كنت وين ؟ لمن رفعوا علم السودان القديم بالألوان المميزة!
الخالة دومـا دي مصدقينها وهي معانا في اللجنة , فما تحاول تلخبط لها أمورها بمعلوماتك دي , انت خرجت من المنافس , فما تحاول تطلّع معاك خالتنا دومة وتلخبط ليها امورها.
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: abubakr)
|
Quote: شاهين شاهين دة من جيل "باربي " وبالتالي حيكون مسؤل عن kidzone |
ههههههههه شاهين علي عينا وراسنا , نقدر نقول إنو حاول ينافس بس ما قدر , وحاول يعمل إنقلاب بالصور وبرضوووووو ما قدر.
ما قولنا ليكم اللجنة حديد و حتقيف قدام أي إنقلاب أو إعاقة للديمقراطية .
غايتو يا عمنا أبوبكر الرطاني , لحدي الان كشفنا إتنيين (كوستاوي و شاهييين أربعيين) ... وحنستمر ....
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
Quote: (وفي حال فشل إنقلاب الرطاني) |
ومن الذي قال ان الانقلاب مهدد بالفشل .. الم تعلموا انه ازلي .. وهذا يعني انه خالد وان قياداته تتعاقب تلقائيا .. وكيف يفشل وقد انضمت اليه كل القوي الشريفة وضمنت حقها في مواقع صدارية ازلية.
وقد غضت قيادة الانقلاب الازلي الطرف وسمحت باستمرار تحقيق المختصين في اوراق المتنافسين الذين تقدموا بترشيح انفسهم قبل قفل باب الترشيح وتم تحديد موعد لاعلان النتيجة قبل عيد الفطر وكان هدف القيادة الازلية اعطاء فرصة لتوسيع القاعدة ومنح الذين يثبت بالوثائق الرسمية انهم كبار فرصة لدخول مجلس الكبراء الازلي وهو مجلس اشبه بمجلس اللوردات البريطاني في مهامه وصلاحياته .
والان فقد ظهرت في الافق مماطلات واساليب خج تهدف لاستجلاب مرشحين لم يتقدموا اصلا للترشح بانفسهم في الوقت المحدد وتمديد موعد اعلان النتيجة بمئة يوم حتي مطلع العام المقبل وفي ذلك اضرار بالغ بمصالح المتنافسين واغلبهم (اطال الله اعمارهم) يتضرر من مرور الوقت كما ان مطلع العام المقبل يشتمل علي مهددات لوحدة السودان قد يترتب عليها تغيير اسم البورد الي (نصف سودانيز اونلاين) بعد ان يطالب الزملاء الانفصاليون بحقهم في قسمة البورد ومنابره .. لذلك فإن التعجيل بالاعلان سيكون فيه ضمان لوحدة البورد وربما وحدة السودان .
نضيف الي ما تقدم ان قوات الانقلاب الازلي قد حصلت علي عدد من طائرات الاباتشي وشوية بنبان نووي بجانب الدعم الشامل لكل الزعامات التي اصبحت ازلية وضمنت مواقعها الصدارية التي لايهزها ريح ..
عمر علي حسن
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: عمر علي حسن)
|
كتب أحمد بشير
الصديق / صديق_ضرار ..
مداخلتك ذكية بس ما بتمر علينا , وقلبك حالت إحدي الأخوات بس ما إشتغلنا بي مداخلتها كتتتتير وزي ما شايف المسيرة مستمرة.......
بعدين إنت ما كلموك ولا ما قريت المكتوب هنا ؟! دة لقب أكبر بوردابي (بوردابية) في المنبر ..... وبالتالي لقب افخر وأرقي ألقاب سودانيز اونلاين.
السادة الحضور و المتنافسيين . في إقتراح إنو ندي فرصة للبقية ونعلن عن الفائز (وفي حال فشل إنقلاب الرطاني) في مناسبة رأس السنة القادم بإذن الله ....... (رايكم شنو؟
أحمد بشير أخوى
يا أخى ماتفوت
أنا بعد ما ذكرت القصة تذكرت إنه دا بيدخلنى أنا فى سين وجيم
وانت كبير و . و . و
فقمت سحبتها
تقوم إنت تنط لى فى حلقومى
فوت يا آآآآآآآآآآآآآآآ× مننننننننننننننننك
وخلينا ناكل باسطة
صديق ضرار
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: صديق_ضرار)
|
هووووووووووووووووي متين عملتوني الطيش ؟؟؟!! اسمعوا واعوا انا في حياتي ما جيت الطيش السبب شنو ؟؟ الزول بس ما ياخد فتره استجمام والا تحصل الانقلابات العسكريه يا اخي انتوا الديمقراطيه دي كا ن شربوكم ليها شراب ما ح تفهوها اولا انا الاولي بعد د داك فليتنافس المتنافسون اما الود شاهين دا انا بعرف زول دفعته ما يخرمج كثير ويقعد ساكت مع ناس كم واربعين سنه . انا وكوستاوي حضرنا لما نزلوا العلم المصري البريطاني بس مشكلتي ما بحفظ التواريخ نسبه لتقدم السن وكدا
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: doma)
|
Quote: انا وكوستاوي حضرنا لما نزلوا العلم المصري البريطاني بس مشكلتي ما بحفظ التواريخ نسبه لتقدم السن وكدا |
يادومه يا بت اخوي في ناس حضروا لما العلم المصري والعلم البريطاني اترفعوا .. وبالمناسبه هم علمين مش علم واحد (مصري وبريطاني) كما جاء في مداخلتك .
يعلم الله ان القيادة الازليه للانقلاب تحفظ لك ودا واحتراما باعتبارك المرأة الوحيدة التي تقدمت لركوب البص في سيرة اخو صديق ضرار .. وهذا وحده كاف لتنصيبك عميدة لحرائر المنبر وزعيمة للرابطة الازلية للمرأة ..
اما نسيان التواريخ فربما يكون بسبب الزهايمر الذي يصيب الكبار والصغار علي حد سواء .. .. سلمي لي علي اخونا ماوتسي تونج اذا قريب منكم .. هو حي والله مات؟ .. شفتي الزهايمر بيعمل كيف ؟ .. وبالمناسبة انا قابلت شو إن لاي لما زار السودان وكنت ضمن الحرس الامني له ..
خليك معانا .. فالخير باسط
عمر علي حسن
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: Kostawi)
|
الي حفيـداتي احفادي بالـمنبـر العام، تحياتي ومودتي، قلت قبل ماالبوست ده يروح للارشفة ونودعه، اجي اسلم عليكن وعليكم وادعو لكن ولكم بالصحة التامة والعافية الكاملة ويسعدكم ويحقق امانيكم وتعيشوا في سودان واحد موحد.
ورغم انو موضوع الكبير منو في المنبر مااتحسم، قلت اوجه لكم الدعوة للجميع لزيارة متحف السودان القومي .....وهناك في لوحة حـجرية من حـجر الغرانيت من العصر الفرعوني وقبل زمن بعانخـي وترهاقا ......مكتوب فيها اسـمي!!
خليتكم بعافية، وتحية خاصـة لاأحـمد سيـد البوست.
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: shaheen shaheen)
|
Quote: من خلال ذكريات السادة المتنافسين سنتعرف علي الفائز. |
الاخ احمد محمد بشير
نتكلم هذه المرة بالجديه المفترضه لمثل هذا العمل ..
الذكريات لا تصلح اساسا للمنافسة الا اذا كان في الامر نية لتجاوز من لديه اثبات Authentic بعمره الحقيقي وهذا لايتم الا باعلان تاريخ ميلاد المتنافس وتقديم مايثبته بشهادة ميلاد او تسنين .. اما غير ذلك فسيجعل الامر كله باطلا ..
فاذا كنتم علي قدر الجدية المنتظرة منكم فانني اهيب بكم ان تتحذوا وسيلة جادة لتحديد العمر وهي لا تكون الا بما ذكرت من شهادات تثبت الميلاد ولا شيء غيرها .. اما اذا كنتم تريدون من كل هذه الضجة اشهار شخصية محددة سلفا ولغرض محدد سلفا فان المسألة لاتقتضي ولا تستحق اضاعة كل هذا الوقت والجهد ..
انا لا اسعي للتشكيك في ذمة او ضمير اي احد .. فللجميع احترامي وتوقيري .. ولكنني اود التنبيه الي ضرورة اخذ مثل هذا الموضوع بالجدية التي يتطلبها وتطبيق المعايير الصادقة .. اما حكايات الذكريات هذه فلا تصلح للاعتراف بمعايشة الراوي لها ولا القياس عليها
ما زلت متمسكا بأن لدي شهادة ميلاد (اصليه) مستخرجة من سجلات المواليد بمصلحة الاحصاء تثبت انني مولود في العاشر من مارس سنه الف وتسعمايه وثمانية وثلاثين .. فمن عنده ما يثبت مولده قبل ذلك فانه يستحق مني التوقير والاحترام .. وشهادتي جاهزة لارسالها لكم للتأكد والمضاهاة من المصدر اذا طلبتم ..
أخيرا فان الموضوع طال واستطال ..
عمر علي حسن
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: Kostawi)
|
السلام عليك ملعلكم طيبيين. اليوم مريت علي بروفايل لأحد الزملاء هنا وهو موجود باستراليا. سينافسكم إن ضمنا حضوره هنا لذلك لا نريد الإستعجال... حاولت أن أرفق رابط البروفايل هنا , ويبدو أنه لا يعمل مع برمجة بكري للمنبر. و للخصوصية وكدة ‘ انا ما داير أعمل كوبي وبيست لي بروفايله , فالمنافسة طوعية كما ذكرنا في بداية المشوار.
ومداخلتك أكيد بجيها إنشاء الله يا محمد, وقدامنا بكرة الويكند لو ربنا حيانا.
يا افراد اللجنة بقيادة دوما الغائبة. كوستاوي بداء يمارس عمليات الخج و التلفيق , و ننصحه بالإنضمام مع الجماعة الإنقلابيين (جماعة الرطاني).
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
Quote: سلامات/ عمنا عمر علي.............. أرفع رجلك من الأبنص شويّة, جايك حبة حبة لي مداخلتك الآخيرة دي. |
اخي احمد محمد بشير
مرت ثلاثة اسابيع ولم تعد .. ولم يعد بوسعي ان ارفع رجلي من الابنص .. هذا البوست الجميل لا ينبغي ان يضيع بسبب الحرج من اعلان نتيجته ايا كانت .. فهي بلا شك ستحدث جدلا يزيد البوست بهاء وقيمة ..
لا تظنن ان اي من المتنافسين بحاجة الي لقب كبير او شيخ البورد .. كلهم دون شك شبعوا القابا وامتلأ وجودهم بالهيبة والاحترام .. وكلهم له مقام خاص في هذا المنبر .. وكلهم سيبارك لصاحب الحظ باللقب دون مرارة او حسد.
فاذا كنت تتعمد ابتلاع البوست فانك لن تكسب ودا او تسكت نقدا .. فالامر ليس دعابة ولا مسئولية رسمية .. فحكومة الرطاني قابضة علي السلطة ولكنها تعتزم ان تكتب لكل منافس وفائز مجدا يناسب قدر المحبة والتقارب بين كبار السن في المنبر ويحفظ الود بين الكبار والاصغر ..
صح النوم وش سالما
عمر علي حسن
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: عمر علي حسن)
|
Quote: نتكلم هذه المرة بالجديه المفترضه لمثل هذا العمل ..
الذكريات لا تصلح اساسا للمنافسة الا اذا كان في الامر نية لتجاوز من لديه اثبات Authentic بعمره الحقيقي وهذا لايتم الا باعلان تاريخ ميلاد المتنافس وتقديم مايثبته بشهادة ميلاد او تسنين .. اما غير ذلك فسيجعل الامر كله باطلا ..
فاذا كنتم علي قدر الجدية المنتظرة منكم فانني اهيب بكم ان تتحذوا وسيلة جادة لتحديد العمر وهي لا تكون الا بما ذكرت من شهادات تثبت الميلاد ولا شيء غيرها .. اما اذا كنتم تريدون من كل هذه الضجة اشهار شخصية محددة سلفا ولغرض محدد سلفا فان المسألة لاتقتضي ولا تستحق اضاعة كل هذا الوقت والجهد .. بقية مداخلة العم / عمر علي حسن هنا. Re: من هـو أكبر أعضاء المنبر (في السِن)....... أكبر زول/ة في المنبر دة منو؟
:
|
العم عمر علي حسن ..... كتر خيرك و شكرا علي النصائح القيّمة وسنعمل بالمستطاع منها....
لايفوت علي أن الخالة دومة عضوة اللجنة ... بعافيتها الخالة دومة أسـال الله أن يعافيك وتعودي إلي المنافسة. دوما الحنينه الف بعد الشر عليك..امنياتي لك يالشفاء العاجل
العم/ عمر حـسن علي/ شكرا علي إهتمامك بأمر المتنافسيين و مصير المنافسة.. و البوست ملك لكم.... أفعلوا ما شئتم ..... وتسعدني مداخلاتكم. ومن خلالها نستطيع التداخل معكم و نحدد. البال مشغول شوية اليوميين ديل , و التفكير و الهموم ما ليها حدود لي درجة إنو بجي أسجل حضور في المنبر وبتفرج و أقراء و أحيانا اتداخل في بعض البوستات.... بس مع ده كلوا يا أستاذ/ عمر علي حسن, أوعدك إني ما حنقطع من البوست وحنرفعوا إلي كل الأرباع إنشاء الله, ليسجل الكل حضورهم. وهنالك منافس من أستراليا أتمني أن يحضر و ينافس(الزول ده لو جا فايتك فايتك يا عم عمر حسن علي)
و أكيد ما ناسيكم ..... و إنتو كمان ما تنسوا البوست و أرفعوهو بين الحين و الآخر ليشاهده المزيد من المتنافسيين.
** قبل أيام سررت بمداخلات للأستاذ الخالة سعاد أحمد إبراهيم في المنبر وقامت الخالة سعاد بالرد علي بعض المواضيع المطروحة هنا.... سأحاول أن أُعلِـمها و أخبرها بهذا البوست و المنافسة المطروحة هنا وسنشاورها من منكم سيحتل المركز الثاني, نسبة لخبرتها ومعرفتها للحقب التاريخيّة.
بالصراحة انا ما قادر أحدد الفائز, حتي لا أظلم احد, و أنتم ادري بالتاريخ ويمكنكم بكل سهول التحديد لانكم عايشتم تلك الأيام ....
| |
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
Quote: وهنالك منافس من أستراليا أتمني أن يحضر و ينافس(الزول ده لو جا فايتك فايتك يا عم عمر حسن علي) |
الاخ احمد محمد بشير .. ( وما يزال لدي احساس بأنك ابن زميلي ودفعتي محمد بشير علي بتاع ام الطيور - ارجو ان تفرحني اذا كان ذلك صحيحا )
ثم نعود للبوست وأبدا بالشكر علي رفعه لقيمته التي قد لا يدرك الكثيرون مغزاها .. فاتخاذ الكبار شان من صميم الخلق السوداني وادابه الاجتماعية
اما يكون هذا الكبير انا او غيري فليس بالاهمية ولن يضير ايا منا ان يكون هناك من يكبره سنا .. ولو شئتم فانني ارشح السيدة العظيمة سعاد ابراهيم احمد واشهد بانها اكبر مني سنا ومقاما .. وربما كان هناك من هو اكبر من كلينا من العضوية العاملة بالمنبر .. اما استجلاب العضوية لازاحتي او ازاحة اي منافس اخر فهو امر لا استطيع فهمه اللهم الا اذا كان هناك شيء ضدي شخصيا او ضد تسمية شخص بعينه كاكبر الاعضاء علما بان البوست فتح للتعريف ب (من هو اكبر اعضاء المنبر في السن)
ثم ان تمنيك ان يحضر شخص ما من استراليا لانه قطعا (فايتك فايتك يا عمي عمر) امر يدل علي استقرار النية علي ازاحة منافس ما بذاته من المنافسة وهذ يفرغ الموضوع من سمو هدفه ونبل مقاصده وفي هذه الحالة فانني لا اجد في نفسي الرغبة لخوض هذه المنافسة حتي ولو كنت الاكبر فعلا .
إن وقت الكبار لا متسع فيه للانتظار كما عندكم معشر الشباب .. فلا تضيعه في تأملات بالحاق آخرين من خارج الدائرة وانتظارهم لإبداء رغبة قد لا تكون قائمة عندهم ولم يبدوها اصلا ..
واستأذنك ان تكون هذه مداخلتي الاخيرة في الموضوع واهنئ مقدما من يقع عليه الاختيار (حتي لو كان اختيارا موجها)
عمر علي حسن
| |
|
|
|
|
|
|