|
Re: ثلاثه سنوات وشهر وحداشر يوم هو عمرى بينكم (Re: bint_alahfad)
|
بت الأحفاد : ونتمني إنشاء الله البوست القادم يكون عنوانو : ثلاثة عقود وسنة وحداشر شهر .. جيناكم برالمة وكتر خيركم رحبتوا بينا وسنيرتونا .. جيناكم دايشين وبفضل الله ثم فضلكم وعيينا .. جيناكم وما لقينا منكم غير خير الكلام وحلو الحديث وجميل النصيحة ..
(طبعاً ده كلو كسير تلج عشان بعدين تدينا البت )
Quote: 1546 عدد بوستاتى الى هذه اللحظه
لا ادرى ان كانت بعضها مفيده
|
مفيدة وعنيد (ده مسلسل أطفال سوداني يعني مااااا بتعرفيهو )
Quote: لا ادرى ان كان وجودى خفيفا او ثقيلا عليكم |
وزن الريشة ..كيس نايلون ..ولا اقول ليك كانت أخف من الخفة القتلت أم تفة ..
Quote: كل الذى اعرفه اننى احببتكم جميعا دون فرز |
وأحبك الجميع بدون فرز (يعني زي الأنتخابات عند الأمة العربية )
Quote: استفدت منكم الكثير وتحسنت لغتى العربيه كثيرا هنا |
أستفدنا منك أكتر بس ما علمتينا الإنجليزية كده طالبنك نحن ..
Quote: وان تحتفلو بزواجى ان كتب الله لى عمرا
|
وليته يكون سريعاً حتي تحتفلي بزواج إبنتك من بعد ..ولدي مستعجل شديييييد وقال ما بيقدر ينتظر أكتر من كده ولو إتأخرتو في الرد حايشتري بي قروش العرس عجلة ..
Quote: قد يبكى عليها البعض عده ايام
ثم تصبح فى قائمه المنسيين
|
كل من عرفناه في هذا المنبر إختلفنا أم أتفقنا معه نحفر إسمه في البطين الأيمن ..طبعا (البطين الأيسر) ده صعب شوية لأانو بنخت فيهو ( هبسة ..حبصة)..
Quote: فأزكرونى ان ضاع اسمى فى الخيال ...فهذا قلمى لا يزال |
غايتو دي ذكرتيني بيها كلام زماااااااااااااان بتاع ( حبي إذا مر بفلسطين حررها ..وإذا مر بالجبال دمرها .. وإذا مر بالبحار جففها ..)
محمد رسول الله ..
|
|
|
|
|
|
|
|
|