|
|
|
 Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
..
.
رمضان .. اعاده الله علينا وعليكم بالخير والبركات
كل عام وانتم جميعاً بخير من صاحبة الموضوع الى اخر المتداخلين ملاسي
غايتو يا قلب لى 3 ساعات اتفرغت لمووضوعك دا
الاتشعب ودخل الناس فى متاهات تحير
والجميل ان كل مداخلة يتشعب منها موضوع يحتاج للنقاش
بدأ من طريقة الاختيار ومروراً بسبب الرفض وشارب الخمر وحرية المرأة فى الاختيار والعنف ضدها وطاعة الزوج وحتى الشراب الراقي..
لينا زمن من حوارات بهذا المستوى وبدون تشنج ومهاترات
اذا قمنا باستثناء الحالة الانفعالية المؤقته لصلاح شرنوبي ونزار
يعنى بوست يستحق جائزة الحوار المفيد منذ عهد تليد ..
ومعليش انحنا ناس عربية الفرملة
نرجع لبعض المداخلات
Quote: فسؤالي هو : هل هذا الرجل يصلي بانتظام أم لا ؟
اذا كان يحافظ على الصلاة فعليها ان تحافظ عليه وان تحضه على يؤديها في جماعة، |
| Quote: عليك بالمحافظ على صلاته لا يتأخر عنها ولا يفرط ، فهذا حتى شرب ( سنسنة او بطريقة راقية) اذا شرب فأمره هين |
يا سبيل يا اخوى هو الراجل كل يوم كاشح ليهو كأسين من المارتينى الراقي
صلاة شنو البتحضه عليها مرتو ما راحت عليهو خلاص..
يعنى الا نعمل ليك كوبي وبست للايات القرآنية ..
( دى عشان الناس البترمى اللوم على كمال فرانكلى فى الكوبي والبيست للايات القرآتية
الظاهر عايزنو يألف ليهم !!؟)
Quote: لان المتدين المنافق الذي لا يشرب الخمر
احسن منو شارب خمر و رجل صاحب مبدا و التزام خلقي و اخلاقي |
غايتو يا دكتورة دا اسمو انحراف بزاوية 180 درجة فى الاتجاه المضاد
زى الاستنارة بتاعتك فى الايام الاخيرة دى ما سمعنا بيها!!
الحاصل ليكم شنو فى جامعة الجزيرة !!؟
Quote: يبدو انه معظم ممن اشادوا بقرار رفضها انطلقوا من السكر الخمج يا
اخوي ,اضافه لتجارب البعض ويبدو انها كانت في اللحم الحي |
ماما دومه الحكيمة
السكر الراقي والما راقي دا شنو!!؟
يعنى العرقي والمريسة والعسلية شراب بلدى وسكره غير راقي
والمارتينى والكونياك والشامبانيا شراب راق يجوز تعاطيه فى المناسبات الرسمية
انت أظنك ما مريت على كلام صلاح شرنوبي
عشان البت تكب ليهو الكاس وتانى يوم يطلقها ويرجعها لاهلها زى ما عمل الدكتور الراقي الكان بشرب الجن الراقي بتاع الهندسة فى رواية شرنوبي
| Quote: ما رأيكم في زواج الرجل من فتاة بتسكر سكر راقي .. أو كما قال!! |
سؤال من ملاسي لا زال يحتاج لاجابة من ناس السكر الراقي ..
اشادة عالية بمداخلات تماضر شيخ الدين ( وزوغه تراجي للان)
وشرنوبي
وشكرا للبوست الذى اعاد الينا كل من
ايس اوف ليبرتى والفاروق وواكس بيس 13 ناس لينا زمن
ما شفناهم هنا..
يا قلبنا بالله ركزى لينا فى الخيط بتاع طريقة الاختيار
بصراحة ضربتنى فى وتر حساس .. الناس مركزة على اللوف استورى
ورفضت خطوبة حاول يخفي نفسو والمتاوقة بالحوش ( حتى ولو ببوست جديد)
كل عام والجميع بهذه الاريحية وذاك المستوى
مودتى؛
| |
 
|
|
|
|
|
|
|
 إنتا أحسن زول في الدنيا إللا اللهل مابين ..عزاز (Re: عبد المطلب خضر عبد المطلب)
|
Quote: لنونه ...
كل سنة وانتي طيبة يا حبيبة
انت زي أخوي دي حنينة شديد يا لنا !
عاد لو خليتوني اعرض ليكم في (الساحة) السانحة دي بطربكم عديل كدي
في الدايرة تقرى
والي ما مفكرة في العرس
وفي اللي لسه مرتبطة عاطفيا وما حابة تظلمه معاها
والي (حاسة) انو هو يستاهل أحسن منها
واللي ما لقت نقاط اتفاق وهي تكون ما كلمته ولا مرة !
ولو زول مسافر بعيد تقول ليهو ما بقدر اخلي أهلي
ولو قاعد في البلد تقول دايره احسن وضعي!! |
عزوز
نسيتي أهم جملة:"أهلي ما موافقين لكن لو علي إنتا أحسن زول في الدنيا ممكن أختارو"
| |
|
|
|
|
|
|
|
|
 Re: صديقتي رفضت خطيبها لأنها اكتشفت أنه يتعاطى الخمر ... (Re: Tabaldina)
|
الاخ العزيز تبلدينا
كل سنة وانت طيب
كويس لحقت عربية الفرملة زاتها ..
| Quote: عشان البت تكب ليهو الكاس وتانى يوم يطلقها ويرجعها لاهلها زى ما عمل الدكتور الراقي الكان بشرب الجن الراقي بتاع الهندسة فى رواية شرنوبي |
شفت الرجال كيف ؟ معناها هو زاتو مقتنع انو الحاجة دي كعبة ..
Quote: يا قلبنا بالله ركزى لينا فى الخيط بتاع طريقة الاختيار
بصراحة ضربتنى فى وتر حساس |
خلاص الليلة بالليل انزل الاستطلاعات بتاعة البنات وارد على ناسي وابدو الموضوع دا ..
تسلم
عبد المطلب خضر بيسلم عليك وبيقول ليك كل سنة وانت طيب
قصرنا معاك يا خضر ..
كل سنة وانت طيب برضو
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: doma)
|
العزيزة دومة
سلام واحترام
كلامك واضح وواقعي جداً ..
وينم عن فهم للواقع السوداني
بس الزولة دي مبدأ الشراب عندها مرفوض بتفتكر انو ما مفروض يتجرأ على حرام ..
وهي يتفتكر إنو ما دام إتجرأ على حدود الله فلن يصون حقوقها ..
تحياتي لك ومتابعة لآرائك
لك التحايا والود
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
الأخت الفاضلة القلب النابض
وجدت هذه الدراسة علّها تسهم في موضوع المقال
Quote: تقول دائرة معارف جامعة كاليفورنيا للصحة : " يعتبر الخمر حاليا القاتل الثاني – بعد التدخين – في الولايات المتحدة . فشرب المسكرات في أمريكا سبب موت أكثر من 100.000 شخص سنويا هناك . والخمر وحده مسؤول عن أكثر من نصف الوفيات الناجمة عن حوادث الطرق في أمريكا (والبالغة 50.000 شخص سنويا) وليس هذا فحسب ، بل إن الخمر مسؤول عن إصابة أكثر من نصف مليون شخص بحوادث السيارات في أمريكا في العام الواحد . وأما في البيت ، فالمسكرات مسؤولة عن كثير من حرائق البيت ، وسقوط شاربي الخمر على الأرض ، أو غرقهم أثناء السباحة " .
وتتابع دائرة معارف جامعة كاليفورنيا القول : " والمسكرات لا تسبب المشاكل في البيت .. أو على الطرقات فحسب ، بل إن خسائر أمريكا من نقص الإنتاج وفقدان العمل نتيجة شرب الخمر تزيد عن 71 بليون دولار سنويا ، ناهيك عن الخسائر التي لا تقدر بثمن من مشاكل نفسية وعائلية واجتماعية . ويحث الكتاب في الجرائد والمجلات الأمريكية الناس على عدم تقديم المسكرات قبل العشاء – أثناء حفلاتهم – وعلى أن يصادروا مفاتيح السيارات من المفرطين في شرب الخمر ، حتى لا يقودوا أنفسهم إلى الموت " .
وتذكر موسوعة جامعة كاليفورنيا في مكان آخر : " إن ثلث اليافعين في أمريكا يشرب المسكرات بدرجة تعيق نشاطه الدراسي في المدرسة ، أو توقعه في مشاكل مع القانون .. وقد بدأ معظم هؤلاء الشباب شرب المسكرات قبل سن الثالثة عشرة من العمر " .
ويقول البروفيسور " شوكيت " وهو بروفيسور الأمراض النفسية في جامعة كاليفورنيا ومدير مركز الأبحاث المتعلقة بالإدمان على الكحول : " إن 90 % من الناس في الولايات المتحدة يشربون الخمر ، وإن 40 – 50 % من الرجال هناك يصابون بمشاكل عابرة ناجمة عن المسكرات . وإن 10 % من الرجال و 3 – 5 % من النساء مصابون بالإدمان على الكحول " .
ويقدر خبراء جامعة كاليفورنيا أن 15 مليون أمريكي يشرب أكثر من كأسين من البيرة – أو ما يعادلها من أنواع الخمر الأخرى – يوميا . واستنادا إلى المعهد الوطني الأمريكي للإدمان على الخمر ، فإن من يشرب مثل تلك الكمية يعتبر " مفرطا في شرب المسكرات " " Heavy Drinker " وأن 18 % من هؤلاء يشرب أكثر من 4 كؤوس من البيرة – أو ما يعادلها – يوميا ، وهذه الفئة مهددة بالإدمان الخطير على الكحول . |
تحياتي كمال
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: Outcast)
|
الاخت أوت كاست
كل سنة وانت طيبة
Quote: بوست جميل و أجمل ما فيه "إعادة فرز الكيمان" .. عجبتنى شديد بالحيل ,, و خلت "النمطية" البايخة تاخد راحة شوية:
أتفق تماما مع :
تماضر
منى
دومة
عزاز شامى
سودانية 2000
كيف ؟؟؟؟
لان للحقيقة(والواقع) اوجه عديدة |
"إعادة فرز الكيمان"
"إعادة فرز الكيمان"
"إعادة فرز الكيمان"
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
اربعة فتيات في مدن مختلفة .. بين سن 20-24
طالبات جامعة
قلت لهن إني اعمل بحث وعايزة رأيك بصراحة
لو جاك زول اخلاقو كويسة .. ما عندو مشكلة مادية .. ومن اسرة كويسة ومعروفة ..لكن بيشرب ..
الأربعة كأنهن اتفقن على الإجابة ..
*************
واحدة قالت: هو السجاير أنا عندي فيهو رأي كمان يشرب .. الشراب مكجناهو في الإنحليز ...
التانية قالت: لي ولا بفكر حتى في الموضوع لاننا عندنا تجربة مريرة مع زوج أختي الكبيرة ..
الثالثة ..قالت دا تخلف ويجيني سكران كمان واقعد معه في بيت واحد..
الرابعة قالت انا ماشفت لي زول سكران قدامي كدة إلا في التلفزيون ودايماً بيخوف وما بيشرف .. وكمان بيقرف..
ومن خلال المناقشة اتضح لي انهم تأثروا بالمجتمع حولهن ..
واحدة من هؤلاء باكستانية "انجليزية"
*****************************************
وخمسة من العينة 28-32 ..
الأولى مهندسة" غير متزوجة" في شركة كبيرة ... أول ما فتحت خشمها قالت لي ما تشوفي الجماعة القيافة ديل أول ما يطمشوا بيبقوا زي "التين ايج" " ناس الطاشرات" ويتبهدلوا شديد .. علشان كدة ما امنتي اني ادخل في تجربة زي دي ..
الثانية مهندسة" متزوجة " من رجل يتعاطي الخمر وله مركز مرموق .. قالت والله كل يوم في صلاتي بدعو الله يهديه .. تزوجنا عن حب .. لكن لما يشرب انا بتوتر .. وما بحب امشي معاه مناسبات فيها شراب أو نقعد فيها مدة طويلة .. وبفضل إنو يشرب في البيت .. حسة أولادي صغالر لكن خايفة لما يكبروا ويفهموا .. الآن المشكلة ما كبيرة لكن بعد كبر الأولاد بتكون عندي مشكلة حقيقية .. عايزة اسوقوا عمرة لعله يتوب ..قولو معاي الله يهديه .. قلت ليها آمين يارب ..
الثالثة طبيبة " لكن لا تعمل " متزوجة من طبيب.. يتعاطى الخمر .. قالت والله لما يكون في حفلة الاطباء بشيل هم اللحظة الحرجة خاصة انو ابني عمره 11 بدأ يفهم في المسائل دي وعندي بت ..
في البيت ماعندي مشكلة رغم الحرج واحساسي بالذنب وكراهيتي للشراب والنقار البيحصل والمناقشات الدائمة مرة من ناحية صحة ومرة من ناحية دين إلا انه لا يقبل الرأي ففضلت السكوت والانزواء مع العيال حتى ينتهي من شرابه..
الرابعة .. عمرها ثلاثون عاماً وهو في الخامسة والخمسين أو الستين .. قالت كنت قايلة روحي بغيروا وما قدرت .. وندمانة كان طلقت ببقا مطلقة في نظر المجتمع وكان قعدت معاه مافي أمل .. والمشكلة مرات بيجيب اصحابو في البيت ولغاية قريب الفجر بيكونوا قاعدين .. لكن انا مابعمل ليهو ولا حاجة ولا يدخلني في حرام معاه .. لكن انا تعيسة بالجد لانو مرات بضطر ادخلوا الحمام أو انظف مكان وجوده من البول والاستفراغ.. ياريتني قعدت في بيت ابوي .. والحمد لله ماعندي عيال ..وما عايزة اجيبهم يشوفوا البلاوي دي ...
الخامسة ربة منزل عادية درست حتى الثانوي .. لها بن واحد .. وزوجها يشرب قالت تحملت كل شئ اجوع انا وولدي علشان هو يتسمم بالهاري دا ... آخر حاجة سافرت لأهلي ورفضت أرجع ليهو في الغربة والعذاب ..طلبت الطلاق ولي يوم الليلة راجاهو لو وعا يطلقني ...
المجموعة الثالثة ..
**************************************
أربعة نساء بين الخامسة والأربعين والسابعة والأربعين .. ذكرنا الأولى في المشاركة السابقة
الاولى ذكرت أنها تزوجت زوجها وكان يسكر ولكن الآن ربنا هداهو وبناتو وأولادوا كانو بيشوفوا وبيرفضوا يمشوا المناسبات البيكون فيها سكران ...ومرات بتكون مناسبات أهلنا .. لكن الحمد لله صبرت عليه لمن تاب .. لكن بناتي الآن ما بيكرهو شئ غير الشراب والناس البيشربوا .. هذه المرأة معلمة ثانوي ..
الثانية قالت لم أكن أرضى أن اتزوج زول بيسكر من أصلوا وابوي كان زول واضح في المسألة دي وواقف معاي فيها والحمد لله ..
الثالثة .. في جيلنا كان في ناس كتار بيسكروا لكن أنا والحمد لله زوجي لا يشرب ولا يحب الشراب ...
وانا زاتي ما بتمناهو لي حبيب ولد ولا بت وبتي ما بديها زول بيشرب ..
************************************
ومجموعة من 28-34 غير متزوجات..
**اتفقت اثنان من العينة على أمر الدين في المسألة وعلى الرغبة في هدايته ...
* الثالثة: رأيها كان مطابقاً لرأي صاحبة القصة تماماً رفض بدو أي محاولة للنقاش ..
* الرابعة: صحي انا ما مسؤولة من علاقة الإنسان بربه.. وعارفة المسألة دي حرام لكن ما حأرفضو علشان كدة وانت عارفة انا دارسة احتماع وعملت بحثي بتاع التخرج في العنف ضد المرأة وكانت النتائح أن نسبة عالية من العنف سببه الخمور..والمخدرات الخ..
* الخامسة: طبعاً لن أرضى به زميلتي في الثانوي كان ابوها يشرب ..وكنت ازاكر معها في بعض الأيام واشاهد مواقف محرجة للأسرة من قبل الأب .. ودي خلتني اتعقد من الناس البتشرب ..وكمان اخاف منهم لانك ما بتقدري تقدري هو حيعمل شنو أو يقول شنو ..
هذه هي استطلاعات العينات باختصار شديد ..
مجموع العينة 18
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
الاخت القلب النابض
تحياتي
بالنسبة الي موضوع تعاطي الخمر لا تعتبر صفة ثابتة تلازم من يتعاطاها كل حياته يعني ممكن من يشرب
اليوم يتركها غدا ومن لا يشرب من قبل يشرع في شربها
والشرب في حد زاته انواع ومجتمعنا السوداني يعكس ذلك
ولكن في اشياء ثابتة في الرجل لا تتغير مثل احترام المراة فاللذي لا يحترم المراة سوف لا يحترمها مدي الحياة
والبخيل كذلك
والرجل الشهم والكريم وذو المروءة والصادق كلها صفات ثابتة
تذكرت صديقتي اللتي رفض والدها باصرار غير قابل للنقاش بزواجها ممن تحب مع ان ابوها كان
اب ديمقراطي خالص وهو وصديق شخصي لوالد ذلك الشاب وهم جيران
وكنا متحيرين لموقف هذا الاب من رفض هذا الشاب اللقطة
تعرفي سبب رفض الاب ان هذا الشاب مافيه كلمة ولكن اتي من اسرة لا تحترم المراة
وهم جيران وعشرة منذ الجدود ويعرف كيف تعامل المراة في هذه الاسرة
وعيد مبارك
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: tasneem)
|
..
.
Quote: هذه هي استطلاعات العينات باختصار شديد ..
مجموع العينة 18 |
سؤال : هل العينات دى علمية يا قلب!!؟
( يعنى دى نتائج كوتشنير علمي- يمكن الاعتماد عليها كمرجع !!؟
صراحة يا قلب فى زوله متابعة الموضوع وما عايزنها تضع مرجعية
غير حقيقية فى بحثها العلمي
بس ممكن تصنيف العينة عشوائية/منتظمة / الجنسية / الفئات ..الخ
خلى البنية تستفيد من دراستك شوية ..
مودة القلب؛
تسنيم؛
كل سنة وانت طيبة يا أستاذة
وربنا يحقق امانيك ويخلى ليك وليداتك
نشكر لك حضورك المبجل هنا ..
وبما انك ضليعه فى علم الاجتماع والقضايا الإجتماعية
Quote: ولكن في اشياء ثابتة في الرجل لا تتغير مثل احترام المراة
فاللذي لا يحترم المراة سوف لا يحترمها مدي الحياة |
هذا ما قلت .. هل تعتقدين ان شارب الخمر ( وهو طاشم .. يعنى ما مشعش )
-حسب التبريرات التى اوردها البعض هنا- .. هل تظنين سوف يحترم المراة
اولا اعتقد شربه للخمر فى حد ذاته عدم احترام لها ولمعتقدها .. ما برضو شراب الخمر
عادة وصفة مثلثها مثل الصفات التى اوردتيها يمكن اكتسابها ويمكن التخلى عنها
| Quote: والشرب في حد زاته انواع ومجتمعنا السوداني يعكس ذلك |
جبنا تانى سيرة البحر
ورجعنا لتصنيف انواع الشرب ..
وصراحة فى حقيقة الان فى المجتمع السودان قلت نسبة شاربي الخمر داخل السودان
بل ضاقت دائرتهم وصار غير اجتماعي بصفة عامة ..
مسالة تعتمد على وعى دينى وفلس وقوانين وقرارات نسائية
وحقيقة المجتمع السودانى بيعكس بعض الاشياء والعادات الجميلة يعنى زمان
كان السودانين يدخنون السجاير ويأكلون التسالي فى المواصلات العامة وهطرقة وجوطة
الان لا يوجد شخص يدخن السجاير فى الحافلات ولا البصات رغم انه الحكومة او الجهات
الرسمية لم توجه بذلك .. فقط مسالة ثقافه ووعى فقط وهدوء غريب فى المواصلات
لا يشوبه احيانا الا غلاط الكمساري فى التعريفة
معليش دا مخرج جانبي ..
بس نوع الشرب لا يعطى الحق فى تصنيف هذا عن ذاك .. يعنى بفهكم دا
لو كانت البت دى مقتنع بشارب الخمر وتقدم ليها تبلدينا وهو بشرب العرقي والمريسة
ونافسه شرنوبي وهو يشرب المارتينى والنبيذ والفودكا فانتم تفضلون شربونى لانو
بشرب نوع معين لا يذهب العقل مثلاً ولا تفوح رائحة العيش او البلح منه
مع ملاحظة عدم الفرق دينياً واجتماعياً .. فى النوعين
بل فى الشخصين ..
تحياتى
وكل عام وانت بخير
والعائدين من ارض الكنانة يبلغونك السلام
وجميعهم بخير؛
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: Tabaldina)
|
الأخ العزيز تبلدينا
سلام واحترام
Quote: سؤال : هل العينات دى علمية يا قلب!!؟
( يعنى دى نتائج كوتشنير علمي- يمكن الاعتماد عليها كمرجع !!؟
صراحة يا قلب فى زوله متابعة الموضوع وما عايزنها تضع مرجعية
غير حقيقية فى بحثها العلمي
بس ممكن تصنيف العينة عشوائية/منتظمة / الجنسية / الفئات ..الخ
خلى البنية تستفيد من دراستك شوية .. |
العينة دي مصنفة لافئات العمرية فقط
ما حرصت اني أدخل أقاليم أو حاجة تانية ..
الفرضية بتاعتي كانت انو الأجيال الجديدة من البنات ترفض الشراب .. أكفر من الأجيال القديمة والتي كانت ترفضها بـ " لكن " والظاهر الواقع كان مفروض فرض .
وفيها واحدة باكستانية ..
كمان بعد اسئلة الأخ الصاوي شفت انو العددية قليلة والمفترض اعمل اسئلة تانية .. و كمان أحدد أقاليم معينة ..
العينة دي غالبها يعيش في بريطانيا ..
واحدة في ماليزيا
وبعضهن في السودان ..
واثنين من السعودية ...
الزولة دل لو بتقدر تعالج الإشكالات دي ولو عملت عينة كتيرة ممكن تستفيد منها ولو أنا جبت ليها الأقاليم التابعة ليها كل واحدة .. يعني ما سهل
انا بس قلت اعمل مسح خفيف ..
تحياتي ليك ولمداخلاتك الثرة
تحياتي
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: Frankly)
|
الأخ فرانكلي
جزاك الله خيراً على الدراسة ..
هي والدراسة التي نزلتها تماضر تتفق في كثير من الاتجاهات ..
والمؤشرات تقول في ارتباط العنف المنزلي طردياً بالشرب ..
رغم أن المحللين في الدراسة التي وضعتها مريم الطيب قد وضعت احتمالات اخرى وعزلت عامل الخمر في بعض المرات ووجدت الإستعداد النفسي للمجرم باتكاب العنف ومحاولة تبريره بالسكر ..
ولكن ربما كانت حالات نادرة لان كثير من الدراسات تتجه اتجاه العلافة الطردية بين تعاطي الخمور وحالات العنف المنرلي والفشل الإسري في تربية الأبناء وضياعهم وزيادة احساسهم بالنقص والعقد النفسية .. والفشل الأكاديمي احياناً ..الخ
تحياتي
لك ولتماضر ولمريم الطيب
سلام
| |
|
|
|
|
|
|
|
|
 Re: صديقتي رفضت خطيبها لأنها اكتشفت أنه يتعاطى الخمر ... (Re: salma subhi)
|
أختي الفضلى القلب الناضب
عيدك سعيد وكل عام وأنت بألف خير ، ، ، ، ،،
بصراحة كدة صاحبتك غلطانه ، ليس كل إنسان بيسكر ممكن يكون بطال وزوج غير صالح ، فهي بيدها يمكن أن تصلحه ، فلو كان إنسان طيب وكريم ويصلي بس عيبه هو السكر فدي حلها سهل وبيدها هي ، وأنا والله العطيم لي صديق كان بيسكر وعنده السكر أهم شيء في حياته وتزوج وإستطاعت زوجته تغيره تغيير جزري ، فودع السكر والخمر منذ ما يقارب السبعة سنوات حتى الأن وهو الآن يحافظ على الصلاة والصيام . وهو أب الأن لبنت وولد. يعني أنا مع رأي الخالة دومة .
| Quote: بتعتقد ان خير الامور اوسطها وبفتكر انه الانسان ممكن ينصلح بالكلمه الطيبه والمعامله الحسنه وان الانسان غير معصوم لذا لا اتوقع الكمال , والا اصبحنا ملائكه . |
بس المهم يكون إنسان طيب القلب والباقي يسهل تصليحه ، مع أمنياتي لصديقتك ولك بالتوفيق والسداد ولهذا الشخص بالاستقامة وترك كل المعاصي بما فيها الخمر . ســـلام .
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: عماد محمود علي)
|
ولان مسألة دراسة السلوك الانساني مسألة شديدة التعقيد وليست قاطعة
والنتائج فيها نسبية لا عتمادها علي دراسة الحالة ومجموعات الضبط
والملاحظة وددت اشراككم وجهة النظر التي اري انها معقولة الي حد ما.
http://www2.potsdam.edu/hansondj/Controversies/1090863351.html
Drinking Alcohol and Domestic Abuse
by David J. Hanson, Ph.D.
There is a general correlation between alcohol consumption and violence toward a spouse or partner: They sometimes occur together. But does drinking actually cause abuse in a relationship? Researchers and other experts warn against jumping to the conclusion that it does.
It’s easy to fall into the trap of assuming that a relationship between two things means that one causes the other. For example, the number of people who drown is correlated with the consumption of ice cream. But neither causes the other. In warmer weather more people eat more ice cream and more people go swimming, which increases the chances of drowning.
Experts emphasize that there is no research evidence that alcohol consumption or even alcohol abuse causes domestic violence. Furthermore, the majority of alcoholics and other men who abuse alcohol don’t abuse their partners and most instances of abuse occur in the absence of any alcohol consumption at all.
So why is alcohol consumption associated with domestic abuse at all? The Women’s Rural Advocacy Program says that the higher incidence of alcohol abuse among men who batter results from the overlap of two separate social problems.
In “The False Connection between Adult Domestic Violence and Alcohol,“ Theresa Zubretsky and Karla Digirolamo report that “economic control, sexual violence, and intimidation, for example, are often part of a batter’s ongoing pattern of abuse, with little or no identifiable connection to his use of or dependence on alcohol.”
Alcohol does not and cannot make one person abuse another. Many authorities explain that “men who batter frequently use alcohol abuse as an excuse for their violence. They attempt to rid themselves of responsibility for the problem by blaming it on the effects of alcohol.”
Although most writers focus on men as abusers of women, research also indicates that women abuse men about as often. And there’s no reason to believe that alcohol causes women to abuse men]
(عدل بواسطة مريم الطيب on 11-01-2006, 03:25 AM)
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: مريم الطيب)
|
العزيزة مريم الطيب
سلام من الله عليكم
شكرا على المشاركة والدراسة القيمة..
وحقيقي فيها معادلات صعبة ..
البعض لا يرجع العنف المنزلي الى الكحول انما هي وسيلة لتبرير التصرف العدوني ..هذا التحليل اعجبني لغرابته على توقعاتي ..
بمعنى أنه فك لي ديمومة العلاقة الطردية بين استخدام الكحول والعنف المنزلي ..
وأضاف لي نقطة المبرر ..
شكراً يا مريم الطيب
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: doma)
|
Quote:
هنا في سوء فهم لقولي انه شراب راقي الشراب الراقي انا ابدا ما فسرته علي نوعيه الشراب بعني لو عسليه يكون غير راقي ولو شامبانيا يكون راقي ابدا - يرتبط الرقي عندي بتصرفات متناول الشراب الكحولي اي بانه زول بيعرف حدود حريته يعني ما النوع البتبهدل ويستفرغ او يعمل غاغا او يشكل اي ضرر لمحيطه الاجتماعي وما الي ذلك من الروايات التي سردت بواسطه بعض المتداخلين ممن خبروا او خبرن اصحاب السكر الخمج بغض النظر عن اسم االماده الكحوليه المتناوله |
اها هاك اقرا الاوندي دا 
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: doma)
|
..
.
معليش قريتو بس لازم افنطو عشان اوصل وجهة نظرك من منظورى الشخصي .. Okay
| Quote: يرتبط الرقي عندي بتصرفات متناول الشراب الكحولي اي بانه زول بيعرف حدود حريته يعني ما النوع البتبهدل ويستفرغ او يعمل غاغا او يشكل اي ضرر لمحيطه الاجتماعي وما الي ذلك من الروايات التي سردت بواسطه بعض المتداخلين ممن خبروا او خبرن اصحاب السكر الخمج بغض النظر عن اسم االماده الكحوليه المتناوله.. . |
الخمر هو كل ما يذهب العقل ..
ومهما كانت الكمية او نوع الشراب لابد ان يكون هناك ان يصدر من الشارب تصرف غير مسؤول ولو بعد حيناو فى فترات مختلفة.. يعنى حتى لو شرب المارتينى بحبيبات الزيتون هذا قد يتغاضى
عن بعض مسؤلياته الاسرية وصرف المال نفسه يعتبر فى زجاجة نبيذ معتق يعتبر تصرف غير
مسؤول تجاه زوجته واسرته كان احرى ان يصرفه فى امر مفيد له ولهم.. استبينا هنا
| Quote: وافتكر اني عقبت في احد مداخلاتي او اضفت انه السكير الخمجان يستاهل قص الرقبه كمان لانه بيكون تعدي حدود حريته في ان يتناول الخمر وسبب اضرارا لغيره |
اها هنا الخمجان عشان سكر بالمارتينى وقام خرمج برضو يقصو رقبتو
والما خمجان يخلوهو يمشى ينوم متجاهلا مسؤولياته ايضاً
ما بالكم كيف تحكمون ..
| Quote: وفي الغالب يرتبط السكر الخمج بالطبقه الاجتماعيه ومستوي الثقافه لانه حتي في الغرب الطبقات التي تسكربافراط وتتسبب في تدمير حياتها وحياه الاسره باكملها تكون من الطبقات الاقل حظا في كل شئ . |
التصنيف الاجتماعى والمستوى الثقافي هنا غير مقبول - عندى شخصياً -
بسكر يعنى بسكر سواء وقع واتمرمط فى الواطه او دخل بهدوء بيتو ونام
يعنى اتخيلى طبيب بتو فى الجامعة تفهم الحياة جاى داخل كل يوم بهدوء
تبدو فى ملامحه اثار الشرب ..او يراه ابنه كل يوم يحضر الزجاجة ويقعد فى الحديقة يشرب
دى مش عدم مسؤولية ويساعد ابنائه على حذو حذوه ..!!
الا ان يأتى يوم ويقول الابن لوالده فى شيرس وفى صحتك ..
| Quote: بالنسبه للاحكام التي جاءت بشان الشاب المعني كانت غير عادله لانها تعدت المعطيات التي عرفناها عنه فهو ليس معاقرا للخمر وليس سكيرا او مدمننا لاننا لا نجد اي معلومه تدل علي ذلك في الخيط الاصلي حاكمه البعض بسبب تجاربهم المريره مع معاقري الخمر او دينيا بسبب تطرفهم الديني . |
يايمه لو بشرب مره فى الاسبوع ولا بشرب نبيذ هو معاقرا وسكير قد يكون
ليس مدمناً ولكن شارب وغير مسؤول ورفض الخمر ليس تطرفاً دينياً فهو من المحرمات
شرعاً وديناً وقانوناً فى بعض البلدان والولايات الامريكية .. وقع ليك..
______________
بعد دا البنيه بتطردوها لينا
ولا لزم نسير للصين .. العريس مستعجل
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: عماد محمود علي)
|
| Quote: يا جماعه موضوع الخمر دا قتل نقاشا بس في مصائب تانيه انا بفتكر انهاا اخطر واسجم واضل وما عارفه رائ الدين فيها هل محرمها ولا لا؟؟؟ وهي المخدرات مثلا البنقو ولا الحشيش او الغات وانا شخصيا زول بدخن بنقوا او يمضغ الغات لو يكون اخر راجل في العالم ما يعتب باب بيتنا ولو لم تكن حراما |
الفاضلة دوما... أيه رأيك أنا بنتي (بعد كم وعشرين سنة لو ربنا سهل وقسم) ما بعرسا لراجل بشرب شاي أخضر أو شاي أحمر ساده أوبلبن أو قهوة ساده أو بلبن.. إلا إذا كان أمها عندها راي تاني!!... أنا ما بعرس بتي لراجل دماغو بشتغل بالدفرة!!
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: محمد الأمين موسى)
|
| Quote: أنا عندي نظرية أن هناك علاقة طردية بين الشواكيش والصلعة عند الرجال فكل ما كان عدد الشواكيش اللي أخدها كثيرها كلما مسح وجهه في الوضوء من قفاه |
وفقا لنظرية أخينا فرانكلي.. أطلب من زملائي الإحصائيين أن يفتوني في صلعتي هذي! وللأمانة العلمية، هناك بعض الشواكيش التي تجلي أو يزوغ منها المرء فلا تصيبه.. وهناك بعض الشواكيش المستترة كالألغام وهي خاصة بالمغتربين كأن يخطب أحدهم إحداهن ويتلقى شاكوشا (تلقائيا من الـSoftware Agent) لأنها متزوجة.. للشواكيش علم.. إنه علم الـShakooshology ... والعلم بالشيء ولا الجهل به.
| |
|
|
|
|
|
|
|
|
|
محمد الأمين ..حتى الشاي الأخضر؟ (Re: محمد الأمين موسى)
|
| Quote: الفاضلة دوما... أيه رأيك أنا بنتي (بعد كم وعشرين سنة لو ربنا سهل وقسم) ما بعرسا لراجل بشرب شاي أخضر أو شاي أحمر ساده أوبلبن أو قهوة ساده أو بلبن.. إلا إذا كان أمها عندها راي تاني!!... أنا ما بعرس بتي لراجل دماغو بشتغل بالدفرة!! |
الحبيب محمد الأمين موسى
لاحق أخوي أيمن رأيو في الشاي إنو من (مذهبات العقل)
و هو بيفتكر أن الإنسان صاحب الإرادة لا بد أن يترك الشاي و القهوة و المنبهات.
بس عاد لاكين دة تطرف و يا حبيب ضيقتا فرص بناتك ،أها بعد كم و عشرين سنة لو ما جاهم زول بخلي ليك ولدي ما يقرب الشاي و نناسبك طوالي
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: محمد الأمين موسى)
|
الاخت القلب النابض
الاخوة/ات
عيد سعيد وكل عام وانتم بالف خير
نتابع هذا الحوار الهادف الجاد..
يكفي ان الخمر هي (ام الكبائر) التي توقع المرء من كبيرة
في اخرى وتجره من معصية الى اخرى ...وغير انها تؤدي الى العذاب
والتهلكة ومعصية الخالق ، فانها ماحفة للمال..مدمرة للنسيج الاجتماعي والاسري
وانا شخصيا لن ازوج اختي او بنتي لمن يعاقر الخمر ولن اتزوج من تشرب الخمر ..
وبالمناسبة هناك الكثيرات الاتي يتعاطين الخمر فهل سيقبل بهن الرجال ؟
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: عماد محمود علي)
|
الاخ العزيز عماد محمود على
كي عام وانتم بخير ..
| Quote: وأنا والله العطيم لي صديق كان بيسكر وعنده السكر أهم شيء في حياته وتزوج وإستطاعت زوجته تغيره تغيير جزري ، فودع السكر والخمر منذ ما يقارب السبعة سنوات حتى الأن وهو الآن يحافظ على الصلاة والصيام . وهو أب الأن لبنت وولد. يعني أنا مع رأي الخالة دومة . |
لا بد أنه كان زول اصيل .. وكانت هي ممتازة وقادرة على التغيير والعطاء ..
نعم الكثيرين هنا مع رأي الخالة دومة ..
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
Quote: انا يا سيدي زولة واقعية و بسيطة الدين بفهموا ببساطة شديدة خلق و تعامل
لت الاحفاد غايتو انا قائلة روحي كيشة بس انت طلعت اكيش مني
يا بتي انتي عائشة حياة حالمة في ظروف ايديل حكمك علي الاشياء طفولي و سطحي
تطبيق الدين علي الواقع و تفاصيل الحياة و شظفها تفرض علي البشر الكثير
كيمو انا قررت ما اتداخل في البوست دا بسسبك لانو الفهم هنا ملخبط
وانا فكرتي ببساطة اذا العربس قال بشرب ما نهاية الدينا و بس انتهي الراي
تماضر نتفق معك لكن كلامك عن الادمان ودي حالة مرضية و غريبة نحن نتفق
من بوست الحجاب سنة 2002 و شكلتنا قامت زمان دحين هسي بقول ذات الامر
المظهر لا يعطي المخبر و كلامك صاح السكير قد يكون متدين
نحن هنا في السودان قلما تجد شخص سوداني ما ذاق الخمر
ايوة دا ما تعميم لكن نسبة كبيرة
ولا الخمر بس
كل شئ |
تحياتي سودانية 2000
انتي ماكتبتي إلا الموجود..
التنظير شي والدين شي والواقع انتي قتيهو ..
دمتي يارايقة
وماليهو حق ود سبيل يقول ليكي كلامو ده..
عامل سكسوكتو السمحة دي..
هسي سكسوكتو دي من الدين في شي؟؟
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: ابي عزالدين البشري)
|
الأخ ابي عز الدين البشري
السلام عليكم ورحمة الله تعالى وبركاته
جزاك الله خيراً على المساهمة المتميزة ..
أعجبتني قصة النموزجين ..
لأنني كنت أتحدث اليوم مع شخص يتعاطي الخمور في المناسبات ونهاية الأسبوع وطلبت منه الحديث صراحة عن احساسه قبل وبعد الشراب ..
فكان تعبيره أقرب الى النموزجين ..
قبل : مرات تردد وخوف ومرات نشوة وتلذذ ..
وبعد: صداع وطمام وكسير جسم ..
تحياتي لك
افزعتني قصة الرجل وبنته لأنه بعد أن يوعى سيكره نفسه..
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
من المنطقي رفض الغريب المجهول البسكر
احتمالات البهدلة معاهو بتكون كبيرة
بس ود العم وود الخال والقريب البسكر ده مقدور عليهو
سيما لو في عشرة مشتركة من بدري بينهم..
يعني مسالة السكر دي تجُـبها المودة والولف
سواءا مودة قرابات او مودة تلاقي ..
العشرة الطويلة الممتازة لايشوبها شائب لاسكر لاغيرو..
وربنا مابقيس الاشياء بي مقاييس اهل الدنيا ..
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: DKEEN)
|
| Quote: العشرة الطويلة الممتازة لايشوبها شائب لاسكر لاغيرو.. |
دكبن دب على وزن الخدمة الطويلة الممتازة في الجيش ؟
| Quote: وربنا مابقيس الاشياء بي مقاييس اهل الدنيا .. |
أرى فيك لمحة تصوف ..
وزي ماقالت بنت الاحفاد الفطرة سليمة
Quote: من المنطقي رفض الغريب المجهول البسكر
احتمالات البهدلة معاهو بتكون كبيرة
بس ود العم وود الخال والقريب البسكر ده مقدور عليهو
سيما لو في عشرة مشتركة من بدري بينهم..
يعني مسالة السكر دي تجُـبها المودة والولف
سواءا مودة قرابات او مودة تلاقي .. |
من كتاب الرفض المريب في تهذيب الغريب
لابي دكين النوبي ص 23-24
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: Abuelgassim Gor)
|
شكرا للأخت القلب النابض على فتح هذه النافذة، وللإخوة والأخوات على الحوار الجاد ..
لقد ظللت متابعا لهذا الحوار منذ اليوم الأول، وما أعجبني حقا هو تناول الموضوع كظاهرة إجتماعية من جهات متعددة وتباين الآراء حوله وحاولة تفكيكة ومن ثم معالجتة، وكنت اتمنى ان يتناول الحوار الأسباب الحقيقية لإنتشار ظاهرة تعاطي الخمور ..
بالرغم من تباين وجهات النظر بين حول ظاهرة تعاطي الخمور بين الرفض والقبول والقبول المتردد، إلا ان تناول هذه القضية الهامة من الناحية الدينية لن يخدم النقاش في شئ، وبالأصح غير قابل للنقاش، لأن رأي الدين واضح والتحريم لم يفرق بين انواع الخمر ولا كيفية تناولها، اذا كان تناولا راقيا او غير راق .. المفيد هو تناول الظاهرة من الناحية الإجتماعية، وهذا هو الإتجاه الذي بدأ يسير فيه الحوار ..
دعونا اولا نتفق على شئ هام ولا أظن ان كل الإخوة والأخوات المشاركين في هذا الحوار يخالفونني الرأي رغم تباين وجهات النظر، وهو ان تعاطي الخمر ضار بالصحة من حيث المبدأ وهذا الضرر يتناسب طرديا مع نوع الخمر وكميتها وفترات تناولها ـ يوميا، اسبوعيا، شهريا، في المناسبات فقط ... الخ . وايضا هناك الأضرار الإجتماعية التي قد تترتب على تعاطي الخمر مثل الإدمان والعنف ... الخ، وقد لاتترتب اي اضرار إجتماعية في معظم الحالات، ويقتصر الضرر على الضرر الصحي فقط ..
ذكرت الأخت القلب النابض ان تناول الخمر اصبح مرفوض إجتماعيا بقولها:| Quote: أو من ناحية اجتماعية" من حين أنهن يعتبرنه عمل مخجل " ومرفوض اجتماعياً |
وقولها:| Quote: هل لأن الخمر حرام أم لأنه أصبح إجتماعياً مرفوض |
حديث الأخت القلب النابض عن ان تعاطي الخمور اصبح مرفوض إجتماعيا غير صحيح، فتناول الخمر يعتبر جزءا من الإرث الثقافي لكثير من المجتمعات في غرب السودان و جنوبه، ولا يجد اي نوع من الرفض في شمال السودان الذي يعتبر اكبر مورد للتمور والذي يتميز بإنتاج اجود انواع الخمور البلدية، وكثير من النساء يتناولنة في شمال السودان ناهيك عن الشباب .. ويتأرجح الناس بين القبول والرفض في مناطق الوسط والشرق، وبالتالي يكون الحديث عن رفض المجتمع لتعاطي الخمور غير دقيق .. وحقيقة لايخلو اي حي من أحياء السودان بجهاتة الأربع من "بيت عرقي" وكل شخص سوداني له اب او عم او خال او جد او احد ابناء العمومة يتعاطى الخمر او كان يتعاطاها ..
الإستطلاع الذي قامت به الأخت القلب النابض رغم جهدها المقدر لم يتبع الأسس العلمية المعروفة في علم الإحصاء لقلة عدد الأشخاص الذين تم إستطلاعهم وعدم مراعاة التنوع الثقافي والجغرافي والإثني للشريحة المستطلعة، وبالتالي لن يقود ذلك الإستطلاع الى نتائج صحيحة، ولو تم هذا الإستطلاع في جنوب او غرب السودان حتما ستكون النتائج مختلفة ، ولم استغرب تلك النتائج التي جاءت منسجمة مع الإفتراض الخاطئ الذي تبنتة الأخت القلب النابض وهو ان تعاطي الخمر اصبح مرفوض إجتماعيا، ويبدو ان هذا هو ما تود الوصول اليه ..
رأيي الشخصي ان ظاهرة تعاطي الخمور هي ظاهرة سلبية، ويجب علاجها ضمن غيرها من الظواهر الإجتماعية السلبية الأخرى، وعلاجها يبدأ بمعرفة اسبابها اولا، واهم الأسباب في تقديري لتفشي هذه الظاهرة هو الضغط النفسي والإقتصادي الذي يعاني منه معظم الشباب اليوم في السودان فمنهم من يلجأ للتصوف ليخلق لنفسه عالم روحي جديد يبعده عن ضغوط الحياة اليومية ، ومنهم من يركب قارب الإنقاذ ويحاول التقرب لذوي الجاه والسلطة لتحسين احواله، ومنهم من يلجأ للخمر وربما الإدمان لينس همومه اليومية ..
العنف لا يعالج الظواهر الإجتماعية السلبية بل يفاقمها ويعقدها، وقوانين سبتمبر 83 التي فرضها نميري لم تحد من من تفشي الظاهرة بل ادخلتها من الشارع للبيت وذادت من المشاكل الصحية الناتجة من تعاطي الخمور البلدية كبديل للخمور المستوردة والتي يتم تصنيعها بمواصفات معروفة، وبالرغم من العنف الذي مورس على العباد وجلدهم بالسياط وإذلالهم إلا ان ذلك لم يحد من إنتشار تلك الظاهرة السلبية بل إنتعشت تجارة الخمور البلدية وتفشت الظاهرة خلف اسوار وابواب المنازل بدلا عن الأندية والمقاهي الليلية، ولعل هذا يفسر قول الأخت القلب النابض| Quote: وجيل الآن لم يرى سكرانين في الحلة والشارع |
ما قامت به الفتاة موضوع البوست برفضها لخطيبها لايخرج عن إطار العنف في معالجة الظاهرة، فهذه الفتاة مارست العنف العاطفي على خطيبها حتى تحمي نفسها ومستقبلها، ولم تكن الفتاة واضحة في كشف اسباب رفضها لخطيبها، وهذا خطأ آخر وقعت فيه، وهذا الشاب محظوظ لعدم إرتباطة بتلك الفتاة لأن الحياة التي ينعدم فيها الوضوح والصراحة منذ بدايتها لا مستقبل لها .. وعلى كل حال يظل امر قبول ذلك الشاب او رفضة قرارا شخصيا لهذه الفتاة ولا يحق لأي شخص التأثير عليها أثناء إتخاذة، واتمنى ان تجد تلك الفتاة من هو احسن منه، وان يجد الخطيب من هي احسن منها ..
الصاوي
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: elsawi)
|
الأخ الصاوي
المحترم
كل سنة وانت طيب والسنة الجاية في بيت الله ان شاء الله
قول آمين ..
تناولك للموضوع اعجبني .. وواضح متابعاتك للنقاش ..
كما ذكرت ليس هنالك قبول 100% أو رفض100% والرفض دايماً بيجي إما إلتداء أو مع لكن .. ودا الخلاني أقول كل النسا يرفضن متعاطي الخمر ولكن على درجات متفاوتة من الحدة..
| Quote: دعونا اولا نتفق على شئ هام ولا أظن ان كل الإخوة والأخوات المشاركين في هذا الحوار يخالفونني الرأي رغم تباين وجهات النظر، وهو ان تعاطي الخمر ضار بالصحة من حيث المبدأ وهذا الضرر يتناسب طرديا مع نوع الخمر وكميتها وفترات تناولها ـ يوميا، اسبوعيا، شهريا، في المناسبات فقط ... الخ . وايضا هناك الأضرار الإجتماعية التي قد تترتب على تعاطي الخمر مثل الإدمان والعنف ... الخ، وقد لاتترتب اي اضرار إجتماعية في معظم الحالات، ويقتصر الضرر على الضرر الصحي فقط .. |
دعني أقول لك ان الضرر الإجتماعي قائم حتى ولو اعتبرنا هواجس الزوجة وخوفها وتوترها من فكرة شراب زوجها ضرر اجتماعي يوثر على أداها كزوجة وام ..
كذلك في المناسبات .. كمية الحرج الذي تدخل فيه الاسرة بأفرادها في مختلف الأعمل ألا يعكس شيئاً في نفوس الأبناء والبنات من رؤية والدهم بهذا الشكل .. وبالمناسبة البنات حساسات جداً .. في هذا الموضوع ..
وأحكي لك هذه القصة
كانت هنالك حفلة زواج في واحدة من الصالات .. اعتذرت عن المشي وطُلب مني أن احرس الشفع .. وقد فعلت .. وواحدة من بنات الأسر فهي في الخامسة عشر من عمرها .. بقيت معي .. فأصبحت أتونس معها .. قلت ليها ليه ما مشيتي .. كان ممكن تفرقي وتلاقي صاحباتك .. سكتت شوية وقالت لي .. ياخ ابوي بيتعاور في الحفلة بعد ما يشرب وانا ما بحب اشوفو كدة .. تمنيت لو لم اسألها لأن التاعطي معها في هذا الموضوع صعباً جداً ... المهم اننا تحدثنا كثيراً في هذا الأمر وركزت ليها على وجوب احترام الأب والحديف عنه بصورة كويسة ويوم حيخلي المسألة ...... الخ
| Quote: حديث الأخت القلب النابض عن ان تعاطي الخمور اصبح مرفوض إجتماعيا غير صحيح، |
ربما تقصد بعض المجتمعات لكن ما لاقتني بت من جيلنا دا لا ترفض الخمر ... حتى ولو تضيف كلمة لكن..
يا الصاوي انت قاعد وين .. يا اخوي البنات والمجتمع بقو ينظروا للزول البيسكر انو زول ما كفء لي حاجات كثيرة ... انا ما بعرف اطراف السودان كلها لكن حتى بنات الشمالية والتي اعتقد انا أنها من المناطق التي يستشري فيها شرب الخمر بصورة كبيرة .. نظرت المجتمع تغيرت بعض الشئ ..
| Quote: العنف لا يعالج الظواهر الإجتماعية السلبية بل يفاقمها |
صحيح 100% الظواهر الإجتماعية لا تتعالج بسرعة وفجأة وبمشاريع محدودة الأجل ..
أي تحول إحتماعي يحتاج الى زمن طووووريل جداً..
| Quote: ما قامت به الفتاة موضوع البوست برفضها لخطيبها لايخرج عن إطار العنف في معالجة الظاهرة، فهذه الفتاة مارست العنف العاطفي على خطيبها حتى تحمي نفسها ومستقبلها، |
عنف شنو يالصاوي أخوي ..
زولة ما عايزة زول لأنه بيشرب ..
| Quote: حتى تحمي نفسها ومستقبلها، |
من حقها تحمي نفسها ومستقبلها ...
________________
بخصوص العينة هي عينة حددت فيها فيئات عمرية وفرضيتي إنو الرفض للخمر تصاعديا في اتجاه الأجيال الصغيرة ..
يعني لو الفئة العمرية في الارعينات وافقت على شارب الخمر ..
نجد أن الفئة العمرية ما دون ذلك ترفض بصورة أكير وانت نازل ..
هي مجرد ملاحظة حاولت بها أنظر الى المسألة من ناحية فئات عمرية ..
صحيح أني ما إهتميت اعرف كل واحدة من ياتو اقليم في السودان وهذه أيضاً عامل يمكن أن يعطي قرأة مختلفة ..
والمفروض يكون في كروس كويسشن " اسئلة تقاطعية " ان سح التعبير ..الخ ..
عموماً انا اهتميت بالفئات العمرية والتعليم ..
بالمناسبة انا ما حللتها وضعتها كما هي مادة خام .. لكن فهمتني بس اتجاهات التفكير ..
كنت حريصة أقابل عدد من نساء الأطباء .. وبناتهم لان لهم حفلات الاطباء كل فترة وبالمناسبات المختلفة وتحدث فيها بعض المواقف المحرجة للأسر .. التي يتعاطى ربها الخمر ..ولكن فشلت فقط قابلت طبيبة حكت لي بعض المواقف ولا أحب أن انزلها هنا ..
تحياتي وسلامي
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
سودانية 2000%
اديني عنوانك لزوم ال الدي اتش ال !!!
خاصة في ظل سماحتك الشديدة دي ،، وبالجد مستغرب كيفن انتي ليوم الليلة ماعرسوك ؟ ، معاك حق لو كفرتي مش بالمتدينين .. حتى لو كفرتي بالرجال واحد واحد.
ديل ناس ديل عليك الله؟ بس بيعرفوا يعرسو لي في الشينات والجاهلات. ونوعكم دا عامل ليهم ارهاب ، وانتي كمان زدتي الطين بلة بالدكتوراة وبقيتي بس غايد الاسطول .
طيب الكلام الفات دا كلو كان تحية وكلام رقيق من البدك اياه ، عشان ترجعي للحوار ، يعني ما خطوبة، أنا خاطب.
وبعد ،،
تعالي للجد والجد هلا هلا عليه.
اولا اتحمدلي لي السلامة وقولي لي كفارة ..بالجد كنت عيان جدا اليومين الفاتو ديل.
وبعدين عايز اقول ليك حاجة:
يمين أنا يوم عرستا ما كان عندي التكتح !
يعني عرست بطريقة جنونية وبدون دوافع دينية ، فقط كنت بحب لي واحدة وماداير افكها عكس الهوى ! بعد التخرج ، ما كنت متدين كلو كلو ( دا اذا اعتبرت نفسي هسع مدين)، وكنت مرات مرات بشرب كمان على خفيييف / راقي!
لكين يمين صلاتي دي ما بلعب فيها لو شنو وشنو !! ولو في اي زفت قال في الدين أو في ربنا كلمة ساكت بتجيني نفسيات عديل كدا وبرد ردود شفتي ابو حنيفة النعمان زاتو يتستغرب منها.
اصحابي كانوا غالبا ما بتاعين صلاة شديد كدا ماعدا اتنين ، ولكن حياتنا كانت شعر في شعر ، وكمان شعر ( بقتح الشين) وسعر وعيون وآهات ونذكر سماحة البنات اكتر مما بنذكر الله سبحانه وتعالى ( واتاري ربنا كان الزمن داك كله صااااابر علينا وبيرزقنا افراح وسندويتشات وقصايد فاشلة ونوم بغير حساب. ياخي ربنا دا يشكروه كيف زاتو ماعارف) وبعد دا كلو يجي براحة يهديك ويشدك نحوه ويحببك في الصالحات كأنك زولو من زمان.
معليش اسمحي لي اسرح شوية عشان اقول ليك الحقيقة كاملة ( دا كان زمان طبعا، رغم انو ليوم الليلة الواحد فينا كان شاف ليو حاجة بتخلع بتخلع زي الورد وبعدين بستغفر عادي ، ماعارف ليه، الله يلعنك يا ابليس!!)
شوفي يا بت الناس،، اصحابي الكانوا - وبعد داك بقوا- اوفياء وكويسين وصابرين على اسرهم وشايلين الشيلة ليوم الليلة بدون طلاقات وبدون زنى خارج مؤسسة الاسرة .. كانوا فقط هم البيقيموا الصلاة من يومهم، مع شوية الخندريس المرات مرات ، وشنو( سنسنة ساكت ، الله يعلم!!) ..
الحاجة دي كانوا بيسموها زمان بيشرب قدر قدرته وما بتعولق قدام الناس!!!!.
المهم موضوع الصلاة الجبتو ليكم كمعيار لاختيار الزوج دا نابع من هنا.
بمعنى ؟!
الزول البيصلي بدون انقطاع ، ( يرجح) ان يكون زول في طويته ملتزم لأن الصلاة كتاب موقوت مضبوط، وبقدرما بيفرط في صلاته شكلا ومضمونا يمكننا ان نتوقع منه التفريط ايضا في زوجته وعياله، لأنه في الحالين يعكس طبيعة دواخله ، بين المتسيبة أو الملتزمة. فالذي لا يصلي ( تهاونا وتسيبا) هو متمرد في شخصه. وهذا غير مضمون ولا يؤمن جانبه. وبالتالي يمكن ان يخون أو يغدر او يميل الى الشر.
والصلاة نضافة شخصية وعفة وطهارة ونشاط .
والصلاة تعكس روح التضحية( بالوقت والراحة) وفيها احترام قيمة الطاعة والتواضع واحترام الوقت والاندراج خلف الامام مهما كان مستواه الاجتماعي أو عرقه، وفيها روح الجماعة الخ والذي لا يؤديها لوقتها ، لا يرجى منه ان يرتبط بكل ذلك ، وان فعل فذلك الاستثناء الذي يؤكد القاعدة.
انظري كيف يتماس هذا المعيار ( الصلاة) مع معيارك الخاص بطبيعة او معدن واخلاق الشخصية، فالصلاة التزام ومسؤولية والالتزام هو الزول من عدمه طوالي.
يعني لو ما بخاف المبالغة والناس يضحكوا علي كنت حا اقول ليك : كلما الزول يقطع الصلاة ( يرجح ) حسب هذه النظريتي ان يقطع حياته الزوجية ( يعني يطلق ويطرد زوجتو ويسافر مدد طويلة بدون رضاها الخ)!!
هنا اسمحي ان اذاكر معك قول الله عز وجل : ان الصلاة تنهى عن الفحشاء والمنكر والبغي.
طبعا ما اظنك تغالطي كلام ربنا بسبب فقهاء الظلام الذين تزعمين انهم اغتصبوا الاطفال في الجامع. فاذا كنت تسلمين بأن كلام الله حق ، فهنا يبرز سؤال: لماذا لا ينتهي كثير من المصلين عن الفحشاء والمنكر ؟
الجواب هو : صلاتهم هم هي التي لا تنهى عن الفحشاء والمنكر، ولكن الصلاة المقبولة ( صلاة التقوى والخشوع والخضوع) لابد ان تنهى صاحبها عن الفحشاء والمنكر البغي، لأن كلام الله حق ، ومن بين ذلك الطلاق والاساءة الى الزوجة ( الصالحة) وظلمها، ولا اقول "الزوجة" هكذا اطلاقا، لأن الزوجة "المطلوقة وقليلة الأدب" تستحق الهجر والتهديد والوعيد بعد النصح الكفي طبعا، ومن ثم فما من سبيل سوى الضرب ( على خفيييف برضو) واذا لم تقبل بهذا الخيار ( الرباني) فانها تستحق اخيرا الطلاق الذي هو ابغض الحلال الى الله عز وجل. وليس مؤمنا من يمسك في حبله امرأة ناشزا تعيث فسادا في المجتمع وتفرط في اولادها تربية وسمعة، تحت ولايته وفي ظله، هذا مثله مثل الديوث والعياذ بالله تعالى.
سودانية2000% انتي زولة كويسة خالص ياخي صدقيني
ولكن للاسف الشديد قلبي بيقول حاجة كدا ماقادر الا اقولها ليك بصراحة:
عندي شعور انك عندك خطيب في الدرب جاييك، ومتوقع انو يعرسك، لكنه كما يبدو من تبرييراتك وتمهيداتك زول علماني مثقف وعايش في دولة غربية وتنطبق عليه الشروط الرفعتيها لي :
Quote: سبيل
شوف لي زول لا بصلي و بشرب و بعرف يتكلم بصدق وامانة
و يؤمن بالانسانية و حق البشر في حياة كريمة من غير تمييز عرقي ولا ديني
لا يقتل غيره و لا يسرق مالا يمكلك يفهم المعني من الحياة و لا يكذب
و لا يقتل او يموه القضية التي يؤمن بها
و DHL طوااااااااااااالي |
انا بعرف ملحدين واعداء لله ورسوله كتار جدا تنطبق عليهم هذه المواصفات، فهل سيكون هذا سيكون خيارك فعلا، انه خيار سيخالف امر الله ورسوله (( بعد علمك به)).
وهذا يختلف تماما عن وضعنا قبل معرفة مراد الله وطريقة محمد (ص) في حياتنا السابقة، فالذي لا يعرف امر الله عز وجل ، انما هو في ظلمة الغفلة يتحبط، الى ان يهديه الله تبارك وتعالى بنور الذي اشرقت له الظلمات، فاذا هداه فلا يمكن ان يستحب الضلالة على الهدى فنكص على عقبيه ويتبع سبيل الغافلين عامدا متعمدا ، جاحدا بنعمة الهداية بسبب القرف من بعض ( المتدينين) أو بسبب عدم وجود متدينين جادين يطلبون الزواج.
فالله تعالى قال  ومن يشاقق الرسول من بعد ما تبين له الهدى ويتبع غير سبيل المؤمنين نوله ما تولى ونصله جهنم وساءت مصيرا)النساء 115 فليس معك حق في تغيير سبيل المؤمنين الذي ظللت تتبعينه ، بسبب بعض المؤمنين الذي ضلوا . فكل نفس بما كسبت رهينة.
( ربنا لا تزغ قلوبنا بعد اذ هديتنا وهب لنا من لدنك رحمة انك انت الوهاب)
سودانية 2000
بما انك صادقة ورائعة الى هذا الحد فاسمحي لي بتذكيرك بقول الرسول (ص) : فتنا كقطع الليل المظلم ، يصبح المرء مؤمنا ويمسي كافرا ، ويمسي مؤمنا ويصبح كافرا يبيع دينه بعرض من الدنيا.أو كما قال(ص).
فلال تبيعي دينك بزيجة ولو كانت سعيدة في ظاهرها. خاصة وان الله قد هداك، فوضعك ليس كوضع الغافل. مقياسك لكل شؤون حياتك يجب ان يكون رضا الله تعالى القائل( قل ان صلاتي ونسكي ومحياي ومماتي لله رب العالمين وبذلك امرت..)
واخيرا يا سودانية علقي قرطا في اذنيك هذه الوصية التي اوصاك بها ربك من فوق سبع شداد:
(( يا أيها الذين آمنوا عليكم أنفسكم لا يضركم من ضل إذا اهتديتم، إلى الله مرجعكم جميعا فينبئكم بما كنتم تعملون) المائدة 105
فلا تقولي : المتدينين كرهونا الدين، وعشان كدا مستعدين نزوج كفار كويسين وعندهم اخلاق.
هذا كلام الذين مالوا ميلا كبيرا بعد ان فتنوا .
لقد سمعنا جميعا عن اغتصابات مارسها قساوسة في كنائس مصر مؤخرا وعن رهبان لواطيين على مستوى عال ولكننا لم نسمع من جانب اقباط مصر أو المسيحيين عموما ما سمعناه منك هنا، فما بالك. اعرضي عن هذا واستغفري ربك انه كان بك حفيا.
اتمنى لك السعادة من قلبي، وعندي شعور قوي انك حاتتزوجي قريب جدا ، رغم اني اخشى من زواج رجل يسفه دينك ويتبع هواه بينما الله ربك يدعوك اليه والى دار السلام ويقول لك ( واصبر نفسك مع الذين يدعون ربهم بالغداة والعشي يريدون وجهه و لا تعد عيناك عنهم تريد زينة الحياة الدنيا و لا تطع من أغفلنا قلبه عن ذكرنا و اتبع هواه و كان أمره فرطا) الكهف 28
اللهم اجمع شملها وكما اعطيتها كل هذا الجمال فاغنها بحلالك عن حرامك وبطاعتك عن معصيتك وبك عمن سواك .. آمين.
واخير ..
في خصوص قولك ان المؤمن يزني ويشرب الخمر بمنطوق حديث الرسول (ص) فأود ان اوضح لي شيئا مهما، فهذا الحديث معروف وثابت ، ولكنه يقرأ مع حديث آخر يقول فيه الرسول (ص) :قال أبو هريرة رضي الله عنه إن رسول الله صلى الله عليه وسلم قال لا يزني الزاني حين يزني وهو مؤمن ولا يسرق السارق حين يسرق وهو مؤمن ولا يشرب الخمر حين يشربها وهو مؤمن ) رواه مسلم.
من هنا نستنتج ان شارب الخمر يمكن ان يكون مؤمنا قبل الشرب وبعده وقد لا يكون مؤمنا ويفعل ، ولكنه لا يمكن ان يكون مؤمنا ويشرب الخمر ساعتها، الا اذا فقد ايمانها او قل ضعف ايمانه وقدم هواه على دينه وربه. فلو ما ت على ذلك فقد مات على غير الايمان المطلوب.
هذا والله اعلم ،،
_______________
رب اشرح لي صدري
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
الأخت الكريمة القلب النابض
والأخوة الكرام
لكم التحية
وكل عام وأنتم بألف خير
هذا الموضوع في غاية الأهمية وقد أفلح أغلب المتداخلين في آرائهم وطرحهم بحيث يمكن أن يعتبر هذا النقاش أنموذجا أو مادة علمية يمكن أن يستفاد منها.
أرى كما ذكر العديد من المتداخلين أن رفض هذه الأخت لهذا الشاب بسبب السكر منطقي جدا إذ أن الخمر هي أم الكبائر وهي محرمة بشكل قاطع وهي أكبر مغيّب للعقل... فكيف يصلح شخص مُغَيّب العقل أن يكون زوجا وأبا ومسؤل من أسرة.
وأوافق الأخ محمد عيد الله في:
Quote: يكفي ان الخمر هي (ام الكبائر) التي توقع المرء من كبيرة
في اخرى وتجره من معصية الى اخرى ...وغير انها تؤدي الى العذاب
والتهلكة ومعصية الخالق ، فانها ماحفة للمال..مدمرة للنسيج الاجتماعي والاسري
وانا شخصيا لن ازوج اختي او بنتي لمن يعاقر الخمر ولن اتزوج من تشرب الخمر ..
وبالمناسبة هناك الكثيرات الاتي يتعاطين الخمر فهل سيقبل بهن الرجال ؟
|
ولي ملاحظة هنا أود أن أشير إليها:
لاحظت كثير من الأخوة عندما يذكر رأيه يستهله بعبارة مثل: بعيدا عن الدين أرى كذا وكذا... كأنما أصبح الرأي المذكور بخلفية دينية يٌعتبر جريمة أو شئ يٌخجل منه... ليه بعيدا عن الدين؟ ليه ما يكون هو مرجعنا؟ هل لأن العديد منا تاجر بالدين وبالمظهر الديني؟ وهل هذا يعني أن العيب في الدين أم فينا نحن بعدم إتباعنا لتعاليمه السمحاء؟ وهل تحيرم الله عزّ وجل للخمر لا يكفينا لنتركها؟
وأعجبني كثيرا هذا السؤال من الأخت تماضر:
Quote: انتو القال عكس السكران هو المتدين منو؟؟
أفهم دى ..بس
|
وبالله شوفو النموذج دا من الأخ أبي عزالدين البشرى:
Quote: ومن أبشع ما رأيت في حياتي يا أختي، وأسوقه مع الحياء ولكنه الحقيقة. أب شرب خمرا مستوردة جلبها له صاحبه من (أديس) ، وكان يزكيها بأنها من عتيق خمر اليونان و...
شرب الوالد ذلك السم الزعاف، وكانت بنته - للأسف - قد نامت في كرسيها وهي لا زالت على (درج) مذاكرتها تستقبل الإمتحان . قام الوالد فرأى بنته وقد انحسرت ثيابها عن ...
استغاثت البنت في جوف الليل... هرعنا إليها جميعا.. تراجعت النسوة لأن الرجل كان عاريا - كما خلقه الله - و لا داعي للاسترسال
|
ألا يكفي هذا ليكون عظة لكل من يتعاطى هذا السم... وسببا لرفض الزواج من كل سكّير؟؟؟
ولكم التحية
والشكر للقلب النابض
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: سامي عبد الوهاب إدريس)
|
Quote: ولي ملاحظة هنا أود أن أشير إليها:
لاحظت كثير من الأخوة عندما يذكر رأيه يستهله بعبارة مثل: بعيدا عن الدين أرى كذا وكذا...
كأنما أصبح الرأي المذكور بخلفية دينية يٌعتبر جريمة أو شئ يٌخجل منه... ليه بعيدا عن
الدين؟ ليه ما يكون هو مرجعنا؟ هل لأن العديد منا تاجر بالدين وبالمظهر الديني؟
وهل هذا يعني أن العيب في الدين أم فينا نحن بعدم إتباعنا لتعاليمه السمحاء؟ وهل تحيرم
الله عزّ وجل للخمر لا يكفينا لنتركها؟ |
تحياتي أخ سـامي..
أنا واحـدة من الذين قالوا بعيـدا من الدين..ليس خجلا من الدين ولا استعراض بالتدين..
ولكن رغبة في شـرح أن الخمر مؤذية حتي ولو لم يقل الدين ذلك..أو ان شـئت حتي ولو كان
المتبني لهذا الرأي غير متدين..
في الغرب هناك حملات للتقليل من عدد البارات.. وتحدد القوانين علي الرغم من عـدم اسلاميتها
عمر شـاري الخمور اعتمادا علي ان الشاري يجب ان يتوافر فيه النضج والوعي..وكـذلك تحاكم
من يرتكب مخالفة قانونية اثناء قيادة العربة وهو مخمور..
المبـدأ هنا ان الخمر كثيرا ماتكون مؤذية..كيف اذن نحدد القبول بها او تركها?
البعض يكرها لرائحتها..
البعض يكرهها لأنها إثم كما جاء بالدين..
البعض يكرهها لأنه رأي انها تذهب بالعقل وينتج عنها تصرفات غير لائقة اجتماعيا أو احلاقيا..
وايضا التجارب الذاتية لها حكمها..
وبالطـبع هناك اختلافات في كمية الكحول لشاربه ورد فعله لما يشربه ..ولا يمكن معرفة ذلك الا بالمعاشرة..
إذا الحديث بأن هناك من يشرب قليلا او كثيرا هـو حـديث نسبي بالنسبة للكمية وبالنسبة لرد
الفعل بعد شرب الكمية..
في هذه الحالة..هل يكفي أن يطـمأن الغير لشهادة الآخـرين بان ذلك الشخص يتمتع بأخلاق محترمة
او لا?
ماذا لو فرضنا ان هذا الشخص يشرب الخمر بعد أن يقفل عليه بابه..ولا يري الآخرين اي تصرف سـئ منه..هل يمنع هذا انه ان تزوج لن تري منه زوجته تصرفات مقيته?
والتصرفات السيئة المقيته ليس بالضرورة ان يكون تكسير اثاث المنزل او الضرب..
التصرفات السيئة كثيرة ومختلفة وفى نهايتها هي ايضا مهينة.. وربماكانت نسبية أيضا في درجة احساس الفرد باهانتها..
ومن الجائزايضا ان لا يكون شارب الخمرالبسيطة انسانا مؤذيا..ولكن من هو الحكم هنا? وماهي الضمانات لذلك?
إذن النقاش هنا تم علي اساس بعيـدا من الدين ..
تحياتي لكم جميعا..
مني
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: Muna Khugali)
|
العزيزة مني
سلام
Quote: أنا واحـدة من الذين قالوا بعيـدا من الدين..ليس خجلا من الدين ولا استعراض بالتدين..
ولكن رغبة في شـرح أن الخمر مؤذية حتي ولو لم يقل الدين ذلك..أو ان شـئت حتي ولو كان
المتبني لهذا الرأي غير متدين..
في الغرب هناك حملات للتقليل من عدد البارات.. وتحدد القوانين علي الرغم من عـدم اسلاميتها
عمر شـاري الخمور اعتمادا علي ان الشاري يجب ان يتوافر فيه النضج والوعي..وكـذلك تحاكم
من يرتكب مخالفة قانونية اثناء قيادة العربة وهو مخمور.. |
تسلمي على الرأي الواضح الجلي ...
دمت اختي
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: سامي عبد الوهاب إدريس)
|
الأخ العزيز سامي
كل سنة وانت طيب
الحمد لله انط طليت تاني ..
جزاك الله خير على المداخلة الوافية ..
| Quote: ألا يكفي هذا ليكون عظة لكل من يتعاطى هذا السم... وسببا لرفض الزواج من كل سكّير؟؟؟ |
شكرا ليك ..
أما حكاية المعالجة بعيداً عن الدين فقط لأن أمر الدين محسوم وما فيه نقاش .. ولكن اتجاهات النقاش كلها لو لاحظت ترفقض الشراب حملة وتفصيلاً ولكن هنالك من يظن أنه يمكن التدرج والمعالجة .. وهنالك من يعتقد أنه لارجاء ولا أمل في من يتعاطى الخمر .. وهنالك من ترفض ابتدأ وحملة وتفصيلاً .. ولعلك مررت على أجزاء كفيرة من المداخلات ..
شكراً وتحياتي ..
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
محمحد سبيل
Quote: اديني عنوانك لزوم ال الدي اتش ال !!!
خاصة في ظل سماحتك الشديدة دي ،، وبالجد مستغرب كيفن انتي ليوم الليلة ماعرسوك ؟ ، معاك حق لو كفرتي مش بالمتدينين .. حتى لو كفرتي بالرجال واحد واحد.
ديل ناس ديل عليك الله؟ بس بيعرفوا يعرسو لي في الشينات والجاهلات. ونوعكم دا عامل ليهم ارهاب ، وانتي كمان زدتي الطين بلة بالدكتوراة وبقيتي بس غايد الاسطول .
طيب الكلام الفات دا كلو كان تحية وكلام رقيق من البدك اياه ، عشان ترجعي للحوار ، يعني ما خطوبة، أنا خاطب |
ما هذه الطريقة المبتزلة في الخطاب!!!
هل تنتقم لنفسك بهذه الطريقة أم أن هذا أسلوبك الأمثل للنصح والدعوي!
أقول لك بكل ثقة أنت في حاجة إلي نصح نفسك قبل غيرك!
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: Adrob abubakr)
|
الاخت العزيزة القلب النابض بكل خير وبكل جميل
كل عام وانت بخير وعافية وربنا يحقق الأمانى
بوست ناجح ونقاش هادف فى معظمه وادارة جيدة
أحسنت صديقتك برفض هذا العريس (اللقطة) فى هذا الزمن الذى قل فيه الطلب وزاد العرض ، فالدخول فى شراكة عمر مثل الزواج يجب ان يكون بعد دراسة وافية لا مجال فيهاللاحتمالات ( يمكن يسيب الشراب بعد الزواج) . وبعد الدراسة ربك يجيب العواقب سليمة, وعشان كدة الاستخارة وطلب التوفيق من الله تعالى مهم جدا.شرب الخمر أحد الاسباب التى أجملت فى الحديث النبوى الشريف:-( اذا جاءكم من ترضون خلقه ودينه فزوجوه..)التى يرفض بسببها العريس وقد أفاض المشاركون فى ذكر مساوىء الخمر والمشاكل الناجمة عنها)
المتدين والذى لا يشرب الخمر ولكنه سىء الخلق برضو مرفوض فالزواج شراكة عمر ولا يمكن ان تستمر فى سعادة وبصورة مريحة مع شخص سىء الخلق.
الحديث الشريف حدد أهم دعامتين لقيام زيجة ناجحة( ومبروكة) وهما حسن الخلق والتدين المقبول، بقية التفاصيل( شغله وعمره وتعليمه وأصله وفصله وغناه وفقره) يمكن التنازل عن بعضهاوالرزق مقسوم على أى حال.
فى حديث تانى مهم لا أحفظ نصه وهو يحث على رؤية المخطوبين لبعضهماقبل العقد حتى يتضح الميل العاطفى( الاستلطاف) من عدمه، والميل العاطفى ركيزة مهمة برضو،وشوف الفيديو ولا شوف الصورة ما بعوض عن شوف العين! ولا ما كدى يا بناتى!
تحياتى
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: مهيرة)
|
العزيزة د. مهيرة
سلامات وكل سنة وانت طيبة
وشرفتينا
اتفق معك في كل ما ذكرت ....
فى حديث تانى مهم لا أحفظ نصه وهو يحث على رؤية المخطوبين لبعضهماقبل العقد حتى يتضح الميل العاطفى( الاستلطاف) من عدمه، والميل العاطفى ركيزة مهمة برضو،وشوف الفيديو ولا شوف الصورة ما بعوض عن شوف العين! ولا ما كدى يا بناتى!
لا اذكر نص الحديث ولكن اتذكر منه نهاية الحديث "انظر اليها لعله يؤدم بينكما"
والثاني وجدته في صحيح مسلم
حدثنا بن أبي عمر حدثناه سفيان عن يزيد بن كيسان عن أبي حازم عن أبي هريرة قال : (كنت عند النبي صلى الله عليه وسلم فأتاه رجل فأخبره أنه تزوج امرأة من الأنصار فقال له رسول الله صلى الله عليه وسلم أنظرت إليها قال لا قال فاذهب فانظر إليها فإن في أعين الأنصار شيئا).
تسلمي سيدتي ..
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
أدروب ؟
الله يهدينا ويهديك، وين الابتذال ياحاج؟
سماحة سودانية وللا طلب عنوانها وللا الاشارة الى مشكلة الزواج؟
بس خلينا نسأل سودانية نفسها : هل في كلامي ابتذال؟
يا سيدي سامحك الله
أنا احرص على مصلحة سودانية ربما لاسباب انت لا تعلمها.
لكن أنا مصر ..ان أكبر مشكلة اليوم في المجتمع المسلم عموما والمجتمع السوداني خصوصا هي مشكلة الزواج ( تأخره تارة ، وعدم استقراره تارة ، وانهياره تاره ) على ان الاهم هو قلة الزواج وتأخره، الأمر الذي يدفع كثيرا من الفتيات الى نوع من القنوط والاستياء الشديد المعبر عنه بصنوف من الاحتجاج تتخذ صورا عديدة بينما ( حقوق الانسان ) والحرية الشخصية والثورة على ما يسمى القمع الاجتماعي حسب معاير حقوق الانسان العلمانية التي تجافي احيانا كثيرة جدا قيم الاسلام وحكم الشرع.
ومن صنوف الاحتجاج والثورة ضد الواقع المحبط نذكر:
* استقلال الفتيات عن سلطة مؤسسة الاسرة والعيش في الغربة بمفردهن.
* التمرد على قوانين الاسرة المسلمة.
* الانخراط في تنظيمات داعية لحقوق الانسان بما يقتضيه ذلك من مخالفة للشرع
* التحرر في الزي والسلوك.
* الميل نحو الانحراف الجنسي ( اعني الشذوذ ).
* القبول بما لا يوافق قناعاتها الفكرية وميولها النفسية كنوع من التنازل بغية الخروج من الأزمة.
* استطالة فترة التعلم ( عن طريق تنويع التخصصات او مراكمة الدرجات العليا تزجية للفراغ)
كل هذه ( غالبا وليست دائما طبعا ) تعد من تمظهرات الاحباط النفسي والفشل الاجتماعي الناجم عن مشكلة الزواج بجوانبها المشار اليها.
هذه المشكلة مشكلة كبيرة فعلا ، ومعظم الناس يدفنون رؤوسهم منها في الرمال واعتقد ان سارة منصور عندما طرحتها هنا ووجهت بكثير من سوء الفهم وبقويمات منوع ( الابذال مثلا)، لأن الزميلات - ومعهن بعض الزملاء المناصرين لهن بدوافع ايدولوجية- يفضلن تبرير مواقفهن ( ضد الاحباط ) على اساس انها نوع من ممارسة الوعي والاستنارة ومكسبا من مكتسبات المرأة المعاصرة التي تخلصت من ربقة الجهل والظلم وثقافة المجتمع الذكوري وهكذا!!
والنتيجة ..
هي الجفاء و التباعد عن قيم الدين وثقافة المجتمع الذي ينتمين اليه وعن حكم الله عز وجل لأنه في نظرهن اصبح قيودا تنتمي الى القرون الوسطى!!!.
اعتقد انه لو لا مشكلة ( عدم وجود الزوج الكفؤ المناسب في الوقت المناسب ) لما وصلت الأزمة هذا الحد.ولما فقد المجتمع توازنه كما هو الآن ، والداهيات الجايات اكثر من الرايحات بالمناسبة.
وها انت ترى ان معظم صداماتي مع الآخرين في هذا البورد انما تتمحور حول هذه القضية المركزية بالذات ،( زواج البنات) اجدني شديد الانفعال بهذه المشكلة ، وبالقدر نفسه اكون اشد الناس فرحا كلما رفع بوست زواج هنا، اتنفس الصعداء فعلا
هذه مشكلة كبيرة بالجد وتؤرقني، لماذا لأن ايلولة العالم ستكون الى النساء وكل المؤشرات دالة على ذلك ، حيث اكتفى الرجال بارتكاب الاخطاء والتقاعس وعدم تحمل المسؤولية ولا ادري ماذا حدث!!.
ان معظم المتدينين الان نساء ، ومعظم الناشطين اجتماعيا وسياسيا نساء، ومعظم المتعلمين والعاملين في المجتمعات الافضل حالا هن النساء ، فالمستقبل بايديهن. وتركهن في هذا الاحباط يعني تركهن للشيطان وهوى النفس الأمارة بالسوء مما سيولد سلطة اشد عنفا من سلطة الرجل التاريخية، فالمرأة لابد ان تشعر بالحنان الذكوري ( انظر الى مطالبة سودانية اعلاه )
ومعظم الزميلات اللائي يعانين منها أو من تداعياتها، يجنحن خلال اي حوار نحو المكابرة في التنكر اليها كأسّ، ويملن غالبا نحو ما يمكن اعتباره ( موقفا) سياسيا عامااو فكريا خاصا من جانبهن ازاء من يتجلي للعيان من تعبيرات الاحباط الاجتماعي ( الزواجي تعيينا) المشار اليها سابقا.
اختم بالقول يا ادروب ..
انني في كل مرة ( ونتيجة لسوء الفهم ازاء اسلوبي) اكون مطالبا لقول شئ من قبيل ، ان سودانية على عيني ورأسي واحترمها، ولا يحتاج الأمر حتى لهذا الاقرار ، ولكن اظنك انت الذي تحتاج لأن اوضحه لك.
فهي التي قالت لي ارسل لي عن طريق البريد السريع رجلا يشرب الخمر ولا يصلي شريطة ان يكون حسن المعدن ملتزما بحقوق الانسان.
واما عن جمالها فليس الاقرار به ابتذالا ولا ادعاءا ولا اظنني اضيف شيئا.
فما الذي يجعل فتاة على هذا المستوى العالي من سيماء الالتزام والديني ان تقبل برجل لا يصلي بل ويشرب الخمر؟
لماذا؟
لك احترامي
ملحوظة
الى سودانية 2000
في خصوص اشارتك الى صنوف المتدينين المغتصبين للاطفال والممارسين للواط في المسجد وايضا للزنا ، قلت لك ان ذلك يحدث ايضا وسط كبار الكهنة والقساوسة المسيحيين دون ان ينبري مسيحي الى الكفر بالراهبات والقساوسة واليك هذا الرابط
http://news.bbc.co.uk/hi/arabic/world_news/newsid_6115000/6115846.stm
_______________
رب اشرح لي صدري
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: محمد عبدالقادر سبيل)
|
الأخ محمد سبيل
| Quote: الله يهدينا ويهديك، وين الابتذال ياحاج؟ |
الإبتذاذ يا أخي واضح في سخرية الطرح وفي تناولك لخصوصيات أنثي وتعييرك بها!
ما كان الأمر يحتاج لذكاء عشان تعرف أنو طلبها ليك با DHL ما كان جدي!
من حقك أن تنتقد موقفها وأن تقدم النصح بأسلوب حسن دون أن تجرح مشاعرها
ولا أعتقد آن النصح سيكون مفيدا إذا كنت داير تفشي غبينة!
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
الحب يصنع المعجزات
لله درك يا محسن!
قصة ذات ابعاد وكأن خاتمتها تقول بأن ما حدث (حقيقة)
و الاجمل أن واقعية القصة أو غيره لم يؤثر في روعتها
و جمال السرد.. لأن بها طريقة (جدي) في الحكي و نفس رائحة صباحات الخريف ..
حيـط الطين ...الشاي المقنن و ونسة الاهل!
التحية لك أينما كنت
شكرا لكي يا قلب على القصة الجميلة.
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: القلب النابض)
|
القلب النابض
دماثة الخلق و حسن المعاشرة لا تتجزاء. فشرب الخمر قليله و كثيره
ليس من كمال الشخصية. و القلظة و الشدة علي الزوجة هي من صفات
اللئيم.
وكما نحن الرجال في المجتمعات الشرقية لدينا معايير دقيقة و صعبة في
اختيار الزوجة فاقت كل حدود الاجحاف فلا عتب علي المراءة ان تضع
معاييرها في اختيارها لزوجها. وكلما كانت دقيقة و متفحصة لخيارها
كانت اقرب الي النجاح في حياتها الزوجية.
الزوجة هي التي تشيد الاسرة و خيارها لزوجها انما هو خيار يبني عليه
مستقبل ابناءها, فانحصر اختيارها في ضمان حياة كريمة لابناءها اولا ثم
نفسها في المقام الثاني.
نعم و بلا شك للزوجة تأثير واسع و شامل علي الزوج بعد الدخول في الحياة
الزوجية , ولكن لماذا اهدار كل هذه الطاقات الإيجابية التي تدخرها المراءة
في حصول استقامة الرجل الذي ينبغي ان يكون اصلا علي خلق يؤهله المشاركة
في حياة تؤدي الي الافضل!!. فعندي افيد ان تبذل هذه الطاقات في ايتداع جديد
وخصوصا البيت لايزال تحت التشييد وفي اشد حوجة لسقف تفاهم بدلا عن الانشغال
في تربية الرجل .
و لنأخذ المسألة بتجريد, المراة ليست مسأولة عن منتقصات الرجل. فهي لم تدخل في شراكة لتقوم بمواصلة دور الام, وانما ولجت الي الحياة الزوجية كشريك وتتوقع من الرجل كشريك ان يكون علي قدر واعي و درجة من الفهم لادارة البيت . و الوقت غير كافي حاليا لترتيب البيت داخليا و في نفس الوقت مواجهة
تحديات الحياة و شعبها الملتويه و المنحدرة.
الخالة دوما تحياتي و اشواقي وكل سنه انتي واولادك طيبيين
| |
|
|
|
|
|
|
|
|
|
Re: صديقتي رفضت خطيبها لأنها اكتشفت أنه يتعاطى الخمر ... (Re: sudania2000)
|
العزيزة سودانية ..
كلامي يم يفترض شئ أنا قلت صديقتي رفضت الزول لانه يشرب الخمر .. وانا أقف مع هذا الرأي
والقصة تدعم آراء كثيرة مما ورد من آراء وأنا أعتبره رأي سليم بشروط ترك الخمر قبل الزواج ..والزول دا ياسودانية عندو دافع تاني .. الزول دا بيحب الزولة دي لما يشوفها السكرة بتطير منو علشان كدة استجابتوا للتوبة كانت سريعة جداً وقويةومعاها حوادة ترك السجاير ..
إن الله غفوراً رحيما..
الرض من البوست توضيح هذه النقاط وطرحها وليس الخروج برأي واحد.. فقط
وانت سيدة العارفين ..
أما محسن خالد كما تعلمين أنا احب الأدب جداً وهو يعرف رأيي في تيموليت بالتفصيل ولكن بقية القصص فهي من روائع الأدب السوداني ..
تحياتي لك ..
الناس ديل ما كعبين يا سودانية فلا تقسي عليهم ..
اعتقد أن غالب كلام سبيل على سبيل الدعابة رغم أنها ليست مريحة..
تحياتي ..
| |
|
|
|
|
|
|
| |
القلب النابض
عبد المطلب خضر عبد المطلب
lana mahdi
doma
Frankly
Bakhaf
Hussein Mallasi
Outcast
salma subhi
مريم الطيب
محمد الأمين موسى
ابي عزالدين البشري
Abuelgassim Gor
elsawi
محمد عبدالقادر سبيل
سامي عبد الوهاب إدريس
Muna Khugali
اميرة الحبر ادريس
مهيرة
saadeldin abdelrahman
النذير حجازي
SAdo7
فيس بوك
تويتر
انستقرام
يوتيوب
بنتيريست