صديقتي رفضت خطيبها لأنها اكتشفت أنه يتعاطى الخمر ...

Quote: إذا كان الموضوع مطروح ل"النقاش" يعني "غير محسوم" فرأي أنه موضوع ثر و محتاج لي شوية "فرتقة" لأنه يتداخل فيه أكثر من موضوع و تناوله يحتاج لي تشريح و جراحة ماهرة,

Quote: على فكره (السفه/التمباك) مضرط بالصحه اكثر من الخمر وهي لا تغيب العقل ولكن المدمن عليها مستعد يتحول لوحش وزول ما منه فائده لما يكون خرمان.

Quote: فنحن السودانين كشعب معروفين من اكثر الشعوب العربيه شربا للخمر,بينما نحن الاقل عنفا مع اسرنا...بينما العنف المنزلي ظاهره واضحه في بقة الدول العربيه من الخليج لبلاد الشام مرورا بالمغرب العربي كل هذه الشعوب 99%من الازواج بيضربوا نسائهم,تخيلي بقى الشعوب دي بتضرب من غير سكر ومال لو سكروا حتعموا شنو؟؟

الزول العايش تحت سطوة العنف لحد انه متنازل من حقوقه العادية ده أخير منه البضارب بالشبشب

زمان كنت طيبة زيك كده وبقول الرجل السودانى ايه ما تعرف ..والرجل الافريقى شنو داكا والرجل العربى ...

مافى عنصر أو عرق متفوق على التانى جينيا ..لكن التخلف وعدم التعليم والتطرف المعتقدى ..والعادات والتقاليد بتحكم السلوك ..

انا شايفة نسبة العنف فى كل بلد للتانية لغاية الآن ما مرصودة رصد صحيح، بس الخواجات غلبونا بالتشخيص والمؤسسات ..

حسة فى رجال مثقفين ..زيى زيك ..كده ..الواحد مرتو دى بس بعاين ليها بعينو كدى ..تانى ما بتفرفر ..ده عنف يا أخت ..عنف غير مشخص

عندنا وعندو مسميات تقليدية اسمها "طاعة الزوج" ..وما الى ذلك ..ياخ البورد ده قبل كده نزل فيه بوست امسه، هل ترضى لاختك او زوجتك ان تكون عضوا بالمنبر؟ أها ده عندكم اسمه شنو هناك، فى كندا .. سطوة ؟ كنترول ؟ دومنيشن؟ غايتو عندنا هنا فى امريكا الشماليه اسمو .. ياهو العنف ..

أما لاصدقائى وصديقاتى المندهشين والمندهشاتى فأقول لهم معليش بس انا تجربتى مع النساء ديل خلتنى أكجن الشراب والشاربين ، ومش تجربتى مع النساء فقط ب مع ل أطفالهم .......مناظر حزينة وتفكك وزعل وطلاقات وملاجىء ..وأطفال فى منعطفات قاسية مطالبين بالتشرد والعيشة مع أمهات وحدانيات آه آه دى اقسى حاجة لاقتنى فى تجاربى معاهم.

دى ما عندها بعد "كوزانى" كما تراءى للبعض ..ولا اتغشيت فيها يا مرتضى جعفر...أنا مؤمنه بالحريات الشخصية ، الانسان له حرية ما يعتقد ، وما يسلك وما يختار يسكر سكر راقى ولا ينعطن و"يطرش" على كيفو ..لكن لما يجى يرتبط بى زول تانى ، يركز ويستحمل رأى الزول فيه، صاح؟ الليلة البت دى كان قالت انا ما بحب السكر لكن بحب الزول ده وعندى نية أقنعو ، ما بنلومها، لكنها قالت بيسكر ما دايراه، مبروك عليها الاختيار، ونأيدها ونشد من ازرها عشان الاسباب آنفة الذكر (دى وجهة نظرى أنا الداهشكم شنو.؟؟ .. )

طبعا مرات عنف المتدينين بيكون( أعنف) من عنف السكرجية والمتدينين فيهم سكرجية والعكس صحيح، انا بتكلم عن علاقة السكر بالعنف الاسرى كما هو واضح من طرحى ..ومن واجبى أن أشير ليه اشارة واضحة ..فى منبر عام زى ده ..طالما الكلام جاب الكلام.....وطبعا مافى تعميم ...

Quote: الموضوع دا اوضح قضية مهمة وهي ان من يدعون اللبرالية اتخذوا موقفا ضد حرية المراة في الاختيار الشئ الذي جلي بأن الاسلام اكثر حرصا علي سلامة المراة .

Quote: يدعمه ايضا بعض المشاهدات لمواقف خاصة باناس اعرفهم معرفة شخصية ربما لو اتسع الزمن لسردت بعضا منها حسب مجريات النقاش فى البوست

Quote: و عادة ما يصارح الرجل المرأة في هذه المرحلة بهذه التفاصيل ويبرر بأنها كانت ماضي أو بأنه يعتزم التغيير في المرحلة القادمة.

Quote: من الواضح أن هذه النافذة الثرية .. فازت بجائزة " طبق اليوم " .. بلا منازع

Quote: كان من اسوأ دعاء العرب على الفتاة أن يتمنوا لها الزواج بمن يملأ حجرها (قيئ) لا مؤاخذة و كدا .. يعني سكران

Quote: لكتاب الانداية للطيب صالح

Quote: كان بإمكان الفتاة أن تساعد خطيبها و إقناعه للاقلاع عن تعاطي الخمر

Quote: البنوت كلهن اتحزبن ضد معاقر لخمر التقدمية منها والرجعية

Quote: طرحى للامور وبعض من المقولات الشعبية او العامة هى تعكس مستوى الازمة

Quote: لان المتدين المنافق الذي لا يشرب الخمر احسن منو شارب خمر و رجل صاحب مبدا و التزام خلقي و اخلاقي

Quote: وانا شخصيا كفرت بالمتدين منذ زمن و بتجربة لان تدين اليوم هو مظاهر و لا تحكي عن المخبر

Quote: وانا سخصيا لااعتبر شـرب الخمر سواء للرجل او المرأه مشكله ان اردوا ذلك ولست وصيه على احد .والحلال بين والحرام بين.

Quote: يا متولى ما ترجع من المانيا بلا د الكفر وامشى فى السعودية بلاد الايمان واتحداد تلقى من نسل قريش ترضى بيك واتحداك حتى بنات المستعربة من السودانوية تقبل بيك لانك مسم ما تحلم عيش فى بلد الكفر واحلم فى اللجنة ببنات الحور

Quote: لذلك تجدين هناك ظاهرة بدأت تنتشر بشكل واضح وصريح في دعايات الزواج في الصحف اليومية وصحف نهاية الإسبوع وهو اشتراط المتقدمة للطلب أن يكون المتقدم لها لا يشرب الخمر بل وفي بعض الأحيان لا يدخن فهذه خياراتهن بعد تجارب من سبقوهن بالزواج من مدمن خمر ومدمن تدخين

Quote: (من كان يؤمن بالله واليوم الآخر فلايجلس على مائدة تدار عليها الخمر) صدق رسول الله.

Quote: ثقافة الشرب متوفرة في مجتمعنا السوداني وفي علاقات ناجحة جدا والزوج الطرف الاساسي فيها بيسكر ومع ذلك لا يختل ميزان الاحترام والفهم بينه وبين زوجته والعلاقة بتكون على افضل ما يكون

Quote: اتحداتكم واحد يقول لى من اسرته او عشيرتو ما شرب الخمر يا منافقين راجل ولا مراة نفاق الا تكونوا ما سودانيين ونازلين من السماء كان عرب ولا مستعربة ولا زنجة اهو آخر الزمن زمن النفاق الواضح واحد امو كانت تشد المريسة يعمل لينا فيها نبى الله صالح واحد فطموه بالبغو والداكى يعملنا فيها مصلح واحد عايش بالولوفير الابجى من عائدات الخمر فى انجلترا وله فى المانيا ولا فى كندا او فى امريكا واولاده بتربوا على عائدات الضرائب من البارات واحد .. ما تعرف جاينا من وين واحد مو كانت تشد العرقى قام اتعلم وعامل فينا هذا زمن غريب بنسكر وبنصلى وبنخم الرماد وبنصوم وبنضحى ونحج وعند ارزل العمر نتوب الدايره تعرسنا بقزازتنا اهلا والماديرنا بنات حلوات كتار فى انتظارنا ناس مولانا معاكم وناس السارة معانا

(عدل بواسطة Frankly on 10-28-2006, 04:43 AM)