|
اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من السودان
|
جاء في الاخبار http://www.dailymail.co.uk/news/article-1364158/The-pensioner-tried-smuggle-170...stoms-UNDERWEAR.htmlإن السيده كلير عبدالدايم القي عليها القبض بمطار جون اوف كنيدي وهي تحمل مبلغ 170000 مائة وسبعين الف دولار حاكتها علي ملابسها الداخليه لتهريبها من السودان .
طبعا قبال الناس تتتهمني بالاندراوه او علي الاقل يقولو علي الحاج ده كبر وما مواكب ..... انا براي قاعد ... والبرد حاميني النوم .. افكر وافكر اخيرا يا زول قلت ...اكيد الامريكان ديل يا ما نصاح ..واللا ده لازم تكون دعايه اعلاميه صهيونيه .... طبعا كلنا عارفين انو اعلام امريكا ده صهيوني ميه المييه وقاصد جمهوريتنا وشريعتنا الاسلاميه عديل كدي
قلت يا ولد خليك كادر وطني ...واللا كادر شعبي واللا حتي ان شاء الله جبهه معاديه للاستعمار... اي مصيبه يعني..... المهم لازم.. قوام قوام تبلغ ..ينوبك ثواب ... اصلوا ناس السودان ما فاضين من قرايه المساخر البكتبو فيها ناس البكري وناس الراكوبه وناس فلان وعلان الانا ما بجيب اسمو... خايف الهوا بقسمو وحكاية صفيه والنسوان الراسهم قوي وما دايرات يتلمن في بيوتهم ويصمن خشومن بي اصواتهم العوره ده
فالحكايه ما حكاية شمارات ولا كلام سفارات ...الكلام كلام دولارات عشان يمكن ناس جمارك السودان الشرطنوهم بالجبريه وادوهم ليك دبابير الهنا والمني ..واللا الشرطه الشعبيه ...واللا شرطة المرافق ...واللا حتي ناس الامن الاقتصادي ... اي واحد كدي... يبرم شينابتو وينفخ جضيماتو ويطلع علينا بتكذيب ان شاء الله حتي من نوع انو دي اشاعات ناس منبر البكري المغرضه ده ... ما عندنا مانع يالله .. (حدي ما حوش) ... بس قوللي حاجه ... اي حاجه لانو انا ذاتي حكايه تهريب 170000 دولار من السودان دي ما داخله دماغي الاتحجر ده....
كيف يعني تهريب .. ده اكيد يلقوها عند الغافل ... اصلوا احنا عندنا امن واعي ولا الجستابو بتاع عمك هتلر ... اولاد .. ولعه ..الواحد فيهم مستعد يباري ليك الحرمه يلقطها ليك طايره .. واللا حتي اكان بس مدت راسا عشان تجيب ليها علبه الوان من شارع الحريه .... ( دحين هو لسع اسمو شارع الحريه.....؟)
وتهريب شنو؟ 170000 دولار يحك الدولار ومن وين ....من السودان هو السودان الدولارو وصل ثلاثه جنيه ونصف الجنيه بالتمام والكمال .. وناس صابر ومتصبر وجابر ومتجبر اتسلطوا علي تجار دولار و ريال القالوا ليهم بيعهوا واشتروا فيهو في سوق الله واكبر وعلي عينك يا تاجر .... قاموا حرشو عليهم اولاد العطا لقطوهم واحد واحد دخلوهم السجن ... في شان شنو ؟ عشان قالوا يجففوا السوق ... التقول سوق الجن ...ده شرموط يشروهو ويفردوهو عشان يجف
سمح اها بعد ما جف ... وكتموهو النفس ...الوليه دي قدرت تخم ليها 170000 دولار يحك الدولار من وين ؟ يا ربي لسع السودان شغال بالواسطه قويه واللا الج.........الطريه واللا الحكايه خيار وفقوس .. والناس مقامات
وبعدين شنو يعني 170000 دولار ...الامريكان ديل يجهجهوا فيها المسكينه الباعت بيها بيتا في السودان ما يشوفو نزيف دولاراتنا الغاشي وماشي ...واقع مطرالتقول haemophiliac ...
|
|
|
|
|
|
|
العنوان |
الكاتب |
Date |
اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من السودان | محمد مصطفي مجذوب | 03-09-11, 08:03 AM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | بريمة محمد | 03-09-11, 08:28 AM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | محمد مصطفي مجذوب | 03-09-11, 09:08 AM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | Ammir Mohamed | 03-09-11, 09:14 AM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | محمد مصطفي مجذوب | 03-09-11, 09:59 AM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | Ammir Mohamed | 03-09-11, 10:37 AM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | حماد الطاهر عبدالله | 03-09-11, 05:32 PM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | محمد مصطفي مجذوب | 03-10-11, 02:16 PM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | محمد مصطفي مجذوب | 03-10-11, 02:17 PM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | محمد الامين محمد | 03-10-11, 02:26 PM |
Re: اكان دار ابوك خربت .....شيلك منها شليه :محاكمة امريكيه لسيده هربت مبلغ 170,000 دولار من الس | محمد الامين محمد | 03-10-11, 02:32 PM |
|
|
|