|
Re: إن لله جنوداً من ( فيس بوك)..! (Re: عبد الله الشيخ)
|
د. سالم .. تحياتى .. والله فكرة .. ما الذي يمنع أن استصدر هذه التجربة فى كتاب ؟ صدقنى حأعمل كدا .. لكن بشرط هو مغادرة العمل فى الجرايد ،، فنحن مع هذا العمل المرهق وبلاغاته التى تترى لايمكن ان نتفسح فى ذكرياتنا .. شكرا ايها الرجل النبيل.. وانتظر ان اقرأ رؤيتك عن بلاد (المفاتيح).. للعلم يا دكتور سالم هناك محكات مزعجة مررت بها هناك ، ( والحزن الأكبر ليس يقال)..!
| |
|
|
|
|
|
|
Re: إن لله جنوداً من ( فيس بوك)..! (Re: عبد الله الشيخ)
|
Quote: لا شك أن شبيبة الانقاذ قد مروا من هنا، وأنه سمع منهم حكاية ( الشحم دا، واللحم دا)..! وما شأني بلحم أو عظم ، اذا كنت لم اغمض عيني بعد ، و كان ربي ( ينهر)،ويطالبنى بعجن العجين ويقول لى : (خيرك يا سودانى،، ما زال قاعد راقد)..!؟ نواصل..
|
واصل .. واصل ياخ!
و نحن بنعمل ليك ( الفاصل ) ... المافي شنو
الغريبة انو جنود الله الاثيريين ديل ياهم ذاتم ناس دي دي ددي وا .. و لطالما سُخر منهم .. لكن السووها رقدت دريش .. و قاااااااعد نحن " جيل اوبريت الشحم و اللحم "* يانا الـ [ لقد هرمنا في انتظار هذه اللحظة التاريخية!! ]
Quote:
Quote: يا فدوى .. شوف عيني يوم 24 يناير في جريدة الاخبار المصرية كركتير لمتظاهرين حناكيش واحد بيقول للتاني و لما نخلص الثورة نعمل ساين اوت.
عايني الضيق الدخلو فيو هسه. حتى هيكل العظيم قال ظلمنا شباب الفيس بوك و لم نعطهم قدرهم. لا تستهيني بشباب يعيش الحرية في عالم افتراضي .. لأنه سينمو بلا قيود و يخرج لصنع عالم واقعي حر ايضا.
الاستاذ / حمور زيادة القبض على محرض المواطنين على التظاهر عبر الفيس بوك
|
|
--------
في تمانينات القرن المنصرم الخليجي طلب الاستماع لنفس الغنية هكذا : " هديك الغنيّة الي فيها الفنانة تقول : الشحم هذا .. و اللحم هذا و البقية ( الكورس ) يرددون : أي نعم! .. أييييي نعم!
| |
|
|
|
|
|
|
Re: إن لله جنوداً من ( فيس بوك)..! (Re: قيقراوي)
|
لاخ قيقراوي.. سلامات .. والله ( لقد هرمنا فى انتظار أي لحظة تاريخية)..! اعجبتنى حكاية الخليجي الذي يشير الى آآآي ، بـ (نعم).. ولعلك تلاحظ أن آآآي ( كمصطلح يعني)،، عمرها ما تدي معنى الايجاب هنا.. عشان تعرف إنو لغتنا كسودانيين لينا نحن برانا كده ، من دون بقية خلق الله .. شكرا على حضورك..
| |
|
|
|
|
|
|
Re: إن لله جنوداً من ( فيس بوك)..! (Re: عبد الله الشيخ)
|
في احدي رمضانات "قوت الشعال" ابتدر يوسف بابكر المحامي وصديقه قبورة مطارحة شعرية بدأها قبورة: "البيت لساكنه" فأجابه يوسف:"الطفل تدرسه امه" امتدت امطارحة من لحظة العشاء وحتي قبيل الأذان!!!!! وعلى نفس النمط من اللافتات التي حفظها الكهلان في شوارع طرابلس وسرت!
| |
|
|
|
|
|
|
Re: إن لله جنوداً من ( فيس بوك)..! (Re: عبد الله الشيخ)
|
سوداني هات سيبسة ، انا لا ادخن .. شني ؟ علبة الدخان في جيبك وتقول لا ادخن ؟ أنها لي أنا فقط .. عبـــــــد أســــــود حقــــــير يا زام....... يا ابن القح......... ،،، هكذا وصفني بعد ان رفضت اعطاه السيجارة وكنت اصلاً معكر المزاج جدا فعدم وجود حجز في طائرة يوم الاثنين احبطني جدا ... سمعت الاساءات البذئية هذه وقررت سريعاً رد الصاع خمسمائة صاع اوقفت القيطون ( بوكسي مواصلات ) ذي بتاع القضارف أو شمبات هسه .. استلمت المواطن انزلته عنوة وساعدني اننا كنا ثلاثة السائق وهو وأنا ، وكان نحيفاً ( شديتو ) وتعني بلغة الليبيين ضربته وكنت قاسياً جدا ضربته بقسوة حتي رعف وفجأة تقاطر الي مكان المعركة شباب كثر من الليبين وطبعاً فرق السحنة كان واضح وقبل وصولهم كان صوت صراخهم واضحا يا عبـــد يا طنجرة محروقة ( طنجرة = حلة طبيخ ) .. فعرفت ان ميزان القوة قد أختل ولان الكترة غلبت الشجاعة استخدمت سلاح الارجل وجري من السوق لي حي الرويسات .
| |
|
|
|
|
|
|
Re: إن لله جنوداً من ( فيس بوك)..! (Re: بخاري عثمان الامين)
|
يا بخاري.. والله انت حالك باهي..! بتحاول تسافر بالطيران ..!؟ يا اخي أنا جيت راجع عن طريق العوينات ، بالحمرة ، واشتغلت مساعد فى الصحرا ..! وزي ما بيقولوا العراقيين أنا جيت راجع ( كعيبر).!! انا محتاج لى زول يكلمنى بالليبي عشا اتذكر حاجات أخشى نسيانها ..! شكرا لك ياراكب القيطون .. وتحياتى الى صديقي فى نيويورك عماد خليفة .. فقد كان الباسويرد ضائعاً وام اتمكن من التداخل معة فى وبست آخر .. بالله القريب منو يسلم عليهو ..
| |
|
|
|
|
|
|
Re: إن لله جنوداً من ( فيس بوك)..! (Re: عبد الله الشيخ)
|
كمال على الزين .. السلام ليك وللمعاك فى الاوضة قاعدين .. السلام من عين شمس لحدي راس جدير ، وراس لا تنوف ، وراس الخيمة ..! اشكر تجشمك المشاق فى الوصول الى حيث هذا البوست .. تعرف ياكمال .. أنا لو حكيت حكايتى (على بلاطه) فاننى اخشى أن اثير الشفقة على أي زول هاجر الى خارج السودان المشكلة إنو داخل السودان الآن بقى اسوأ من حالتى فى سرت .. و، أنا لسه ما حكيت عن أيامى فى سرت ومصراتة .. وبنغازي وليالي الكامب فى ( الجنسية السودانية ).. يا اخى دي حكاية ..! سلام ..
| |
|
|
|
|
|
|
|