الكيزان يستنفرون صحفهم لنشر أخبار كاذبة وملفقة عن الجنوب بعد نجاح الاستفتاء .

Quote: شغالين نجر، الفى السودان ده ماصحافه بل بل عفن. دى إلا تتعامل معاها زى (ساخر سبيل) يعنى ممكن تخيل جلسة التحرير فى هذه الصحف لعنواين بكره رئيس التحرير: اها ياجماعةالاخبار عندكم شنو. المراسلين من منازلهم: والله مراسلنا بتاع ولاية الوحده قال عنده خبر قنبله، لكن لو ماحولنا ليه رصيد(500جنيه) مابيدينا ليهو. رئيس التحرير: رصيد شنو أنجروا ياشباب اى حاجه اى هباب بينفع سوقنا حار اليومين دى والله عوضيه سمك ماتلحقنا. محرر (عنده باقى ضمير): لكن يجماعه الخبر مش مقدس. رئيس التحرير: يا (اشار الى واحد محرر ضميره مستأصل) عليك الله ورى اخوك ده النجر يعنى شنو. المحرر (الفاقد الضمير): تقوم تتخيل حاجه اى حاجه ، شغل مابعد البنيويه وكده، وتقوم تكتبها. محرر (عنده باقى ضمير): طيب ناس مجلس الصحافه مابيعملونا لينا حاجه. رئيس التحرير: والود ده عوير ولا شنو كده ادينى التلفون ده....الو، منو معاى..اسمع بكره عنده واحده كبيره. رئيس التحرير: يضحك.............الله يجازى محنكم، فاتحين لينا كبرى عديل.. رئيس التحرير: اها سمعتهم براك، ماشغالين بينا الشغله هم اصلهم مننا وفينا. محرر اخبار (عنده باقى ضمير): لا كده الواحد اطمئن، لكن ادونى رأس خيط. المحرر (الفاقد الضمير): شفته ابوصلعه القاعد فى الركن داك، هو ترزى اخبار للتعبانين الزيك ديل، اكتب حركة شعبيه.........................ضربت........................قتلت............نهبت سلفا..................يهودى.........................مارينز.....................باقان .........عرمان...................... الباقى تلقى صفحه اولى