احدث جلسة كونجرس عن السودان خاطبها(عمر أسماعيل قمر الدين)!

Quote: يا أمين .. اصلا لا اختلف معاك انو سيد الوجعة البيحصل ليو زي الحصل لأهل دارفور ما ممكن انا الفي الباردة - مقارنة بيو - احدد ليو خياراتو. عاوز ينقذ نفسو و اهلو و الشيطان عايز ينقذو من قلة الادب اني اجي اقول ليو لأ ما تتحالف مع الشيطان. انا امتلك ترف الخيار بينما هو يريد ان يعيش. ده كلام ما فيو خلاف. عشان كده يا خال انا لم اتطرق قد لكلام عمر قمر الدين و لا قلت الوداهو شنو .. انا كلامي كان واضح و الغريبة انو تفهمو تراجي و انت خالي ما تفهمو. كلامي عاطفي بحت. لأنو حب الوطن ذاتو عاطفة. و الوطنية و الانفعال بقضايا الوطن عاطفة. ما عقل. العاطفة دي لمن شفت مجموعة من السادة الامريكان البيض قاعدين في برلمانم و يناقشو مشاكل السودان كأنو احدى ولاياتهم حسستني بالتقزز و الاستعمارية. اما ان يذهب عمر قمر الدين طالبا الانصاف لاهله في امريكا او اسرائيل او الفاتيكان فده لم اتكلم عنه و لا اظنني امتلك وقاحة ان اقول لضحية عليك ان تصرخ بالشكل الذي اراه انا.