مذهل! شاهد حيش الشياطين الذي يرافق عمر البشير (صورة)

Quote: العزيز تمبس إذا كانت ذرات الغبار التي تعمدت تصويرها تظهر بنفس الكيفية فهناك ظاهرة أخرى تظهر في شكل كرات وقد فرق الباحثون بين الاثنين، وأذكرك أنك تعمدت تصوير ذرات الغبار في حين أن مصور هذه الصورة لم يتعمد ذلك! بكل تأكيد الإنقاذيون سيرون في إثارة هذا الموضوع محاولة تشويه لسيرة سادس الخلفاء الراشدين!

Quote: ألعزيز الوليد الرشيد وراق ممكن تجيب لينا صورة مماثلة لكافوري؟!

ولمزيد من التوضيح .. انا دا بجيب ليك الصور لاني كنت ناوي استدل بيها واثبت بيها نظرية محددة بتنفي كلامك دا وبتثبت كلامي ..
يمين بالغتو فينا قُلنا نمشي نفلِق لينا حجر حجرين نلقى ا... ماف (صور طاااااازة)
...
دي الصورة الاستدليت بيها وجابة الزميل الوليد كويس معاك ؟؟ انا كنت فاكره بتكفيك وماف داعي لبقية الصور .. لكن يبدو انك مهتم زي فتحي البحيري دا بي الكلام الساي ..

دي صورة تانية من داخل العربية ومن خلال زجاج العربية مرت العدسة

ودي صورة تانية برضو استطيع اجزم ليك تماما انها من خلال زجاج العربية المتسخ لاي سبب كان غبار مطر رطوبة

...

..
ودي اكتر صورة ممكن تثبت ليك فكرة انو اللقطة ماخوده من داخل العربة ومن خلال الزجاج .. وبتبين ليك الكلام دا من خلال الموشن الفي الاجسام بالخارج هناك كاميرات احترافية فيها خاصية تصوير الاهداف المتحركة عكس الكاميرا المستعملة او المصور لديه الخاصية لكن لم يقم بالضبط بالطريقة السليمة

يظهر في الصورة مسجد .. هل الشواطين ديل يا فتحي البحيري عندهم عقد في المسجد دا ..؟ عادي جدا ممكن تجي تقول لاحقين صلاة العشاء ما فتحي البحيري كمان ..
المهم في الامر يا سيد البوست ..

Quote: وهكذا فحين كانت لا إله إلا الله تعني إسقاط صفة الألوهية عن كل ما سوى الله، إذا بنا في عصرنا هذا نجد أن هناك من يستنثي العسكري الباطش الحاكم من لا إله إلا الله ويخشاه ويتملقه طمعا فيما عنده من رزق، وبدلا من أن ينبهه لأخطائه يكيل له المدح والثناء وييسعى لتكذيب كل من ينتقده.

انت جبت كلام وقلت علمي ربما الفكرة المقصودة لديك ما هي الفكرة الجبتها هنا وطالما انو متعلقة بي الحكومة وفي زول قاليك عكس كلامك معناته جاي يطبل للسلطان وماف اي مجال تاني .. بي طريقة واقعية انا اثبت ليك وبي معطيات محددة انو كلامك دا ما مظبوط .. اما مسالة انك تجي تشبكني يكيل المدح للسلطان وكلام ما جايب تمنو اعتقد انك مفروض تراجع نفسك فما اسهل انو اكتب ليك كلام فارغ هنا دا تقراهو من كل الجهات وتعرف حاجة ..
انتو الواحد ليه جاري للكلام الفارغ .. واسهل حاجةن انو ممكن يقول كلام فارغ .. هو الكلام الفارغ تفتكر بي قروش ؟؟
..
ياريت عليك الله بي نفس منطقك دا تجي تثبت لي نظرية القرود الكانت بتحارب في الجنوب وكمان بتتصدى للجبخانه .. كان سالت فتحي البحيري دا عادي جدا ممكن يقول كلامك دا صاح ما كمان فتحي البحيري .. صاحب اشهر سيناريو في سودانيز اونلاين ناس الامن اتصلو علي عشان يعتقلوني .. وطلع المتصل اخوهو الصغير ..
يا فتحي عليك الله بدل صورتي دي عليك الله تعال خت اللنك بتاع المسرحية حقتك ديك .. لانو وجودك هنا دا بيعمق فكرة انك فتحي البحيري
..
بالمناسبة يا سيد البوست .. اناما جبت صور من عندي بي كاميرتي الخاصة ولا قاعد اتعمد اصور وعدستي مغبرة عشان ما يظهر لي فيها شواطينك ديل كاميرتي فيها فلاتر ومرشحات للعدسة وفيها حاجب للاشعة والغبار وفيها قطع نضافة داخليه وخارجية .. لكن لو عايز اتعمد اصور بيها شواطين فتحي البحيري ديل عادي جدا ممكن اضع صباعي في العدسة قبال التصوير .. يا كمان اشوف فتحي البحيري ووين واجيب لي خلفية سوداء واصورو ليك في كامل حلته واخر قشرة ليهو واجي اعمل لي صورتو اتاشمنت هنا دا شفت المسالة ساهلة كيف ؟؟