فرسان شجعان فى تونس والجزائر وقطيع من الحملان فى السودان !!

-
يازول إت ماك نصيح
تقول لي رئيسنا لفظ صريح
لو كان عقلك دا كان في ما كان سمّوك بالسالم
المعتوه منو يا زول
كان إنت سالم
والكمال لي الله
ماهو ليك وإت ظالم
يا مكسر وماك عالم
شوف لك شغلة يا ظالم
تشتم شعبك
المغلوب على أمره
وتقعد برة تتحاوم
حملان أنحن وللا ياكا إنت دا الحايم
وإن عدتم عدنا تاني يا هيمان
ويا حلمان
بي ثورة شعبنا التعبان
الشعب لو ما عرف للأعيان
ما كان صبر عشرين سنة وطلع ينصر السلطان
من دعوة ولا هيلمان
لأنه بس
هو
الإنسان
هو الإنسان
وعمره ما كان من الحملان

برضو سلام يا كيمو!